Book List

<h2 style="text-align: center;">အခန်း ( ၁၄၆၈ )</h2> <h2 style="text-align: center;">သက်ရှည်ခြင်းဧကရာဇ်၏သားတော် ပေါ်လာပြီ</h2> <h2 style="text-align: center;">*</h2> <p> </p> <p> </p> <p><br /> တောက်ဝမ်က ရောက်လာသည်နှင့် တပြိုင်နက်၊ ရဲ့ကူချန်ကို အာရုံစိုက်လိုက်သည်။</p> <p>ကျွင်းရှောင်ယောက် မရှိသောအခါ သူ့ပတ်ဝန်းကျင်မှ လူများက သဘာဝအတိုင်း အဓိကပစ်မှတ်များ ဖြစ်လာကြ၏။</p> <p>ခွန်းရွှီကျစ်အတွက်တော့ သူဟာ ရဲ့ကူချန်လောက် ခြိမ်းခြောက်မှုမရှိပါ။ ထို့ကြောင့် သူ့ကို ဂရုစိုက်မနေတော့ပေ။</p> <p>"ဒါက နည်းနည်းတော့ ပြဿနာရှိတယ်"<br /> ခွန်းရွှီကျစ်၏ မျက်နှာအမူအရာက လေးနက်သွားသည်။</p> <p>"အားလုံး ဒီကထွက်သွားကြ၊ ငါဒီနေရာကို လိုချင်တယ်"<br /> တောက်ဝမ်က တည်ငြိမ်စွာ ပြောလိုက်သည်။ သူက အလွန်ကြီးစိုးပြီး လူတိုင်းကို ထွက်ခွာသွားရန် တိုက်ရိုက် ပြောလိုက်၏။</p> <p>သို့သော်လည်း ကောင်းကင်နဂါးနှင့် ဖီးနစ်စာရင်း၏ ဒုတိယဖြစ်ပြီး သားရဲဂူ၏ ဘုရင်ငယ်လေးပါးအနက် ခေါင်းဆောင်ဖြစ်သောကြောင့် သူ့တွင် ဤစိတ်နေစိတ်ထားမျိုး ရှိနေခြင်းမှာ ပုံမှန်ပင်။</p> <p>သူ့စကားက လူတိုင်းကို ဒေါသထွက်စေသည်။</p> <p>သို့သော်လည်း မည်သူမျှ သူတို့၏ဒေါသကို မထုတ်ဖော်ဝံ့ပေ။</p> <p>တောက်ဝမ်က စွမ်းအားကြီးလွန်းသည်။</p> <p>သူကိုယ်တိုင်က အရာအားလုံးကို ဝါးမျိုနေသော မှောင်မိုက်သော ကြယ်စက်ဝိုင်းတစ်ခုကဲ့သို့ ဖြစ်၏။</p> <p>သို့သော်လည်း ရဲ့ကူချန်၏ မျက်လုံးများတွင် ကြောက်ရွံ့မှုမပြပေ။</p> <p>"အိပ်မက်မက်နေ"<br /> ရိုးရှင်းသော စကားတစ်ခွန်းသာဖြစ်သော်လည်း ရဲ့ကူချန်၏ ခိုင်မာသော ရပ်တည်ချက်ကို ပြသသည်။</p> <p>"ဟမ်"<br /> တောက်ဝမ်က ရဲ့ကူချန်ကို အေးစက်စွာ စိုက်ကြည့်လိုက်၏။</p> <p>"ကျွင်းရှောင်ယောက်ရဲ့ဘေးမှာ အချိန်အတော်ကြာနေပြီးတဲ့နောက် မင်းလည်း ယုံကြည်မှုတွေ မြင့်မားလာပုံရတယ်"</p> <p>"မင်းရဲ့ဓားသင်္ချိုင်းက အရင်ကလည်း မနာခံတတ်သူတစ်ယောက်ကို မွေးထုတ်ပေးခဲ့ဖူးတယ်။ အခု မင်းက သူ့ခြေရာကို လိုက်မှာလား"<br /> တောက်ဝမ်က ပြောလိုက်၏။ သူက ဓားသင်္ချိုင်းကို လုံးဝ မနှစ်သက်ပါ။</p> <p>ဓားသင်္ချိုင်း၏ တစ်ဦးတည်းသော ဓားနတ်ဘုရားသည် ၎င်းတို့ သားရဲဂူ၏ အမြင့်မြတ်ဆုံး တားမြစ်တည်ရှိကို ထိခိုက်စေခဲ့ဖူးသည်။</p> <p>"အပိုတွေမပြောနေပါနဲ့၊ မကျေနပ်ဘူးမို့လား...၊ ဒါဆိုရင် ငါ့ဓားနဲ့‌ ဖြေရှင်းလိုက်ရအောင်"<br /> ရဲ့ကူချန်က စကားများများမပြောပေ။ သူက ရှုံးနိမ့်မှုကိုရှာဖွေခြင်းဓားကို အသင့်ကိုင်ဆောင်ထားသည်။ သူ၏ အနက်ရောင်ဆံပင်များကလည်း လွင့်မျောနေ၏။</p> <p>"အလို၊ သူက နဂါးနဲ့ဖီးနစ်စာရင်းမှာ ဒုတိယအဆင့်ဖြစ်တဲ့ တောက်ဝမ်ကို တိုက်ရိုက်စိန်ခေါ်ရဲတယ်လား"</p> <p>ဤမြင်ကွင်းကို မြင်သောအခါ ပတ်ဝန်းကျင်ရှိ ကျင့်ကြံသူအားလုံး အသက်ပြင်းပြင်းရှူလိုက်ကြသည်။<br /> ‌<br /> တောက်ဝမ်က အလွန်စွမ်းအားကြီးသည်။ သူက သက်ရှည်ခြင်းဧကရာဇ်၏သားတော်ပြီးလျှင် ဒုတိယ ဖြစ်၏။</p> <p>ရဲ့ကူချန်ကမူ၊ ယခင်က ပြန်လည်ဝင်စားခြင်းပင်လယ်တွင် သူ၏အစွမ်းသတ္တိကို ပြသခဲ့ဖူးသော်လည်း...</p> <p>အလွန်ဆုံး ကောင်းကင်နဂါးနှင့်ဖီးနစ်စာရင်းတွင် ထိပ်တန်း ငါးယောက်အတွင်းသာ ဝင်နိုင်သည်။</p> <p>ဟုတ်သည်၊ ပြင်ပလူများက ရဲ့ကူချန်၏ ကျင့်ကြံမှုအမြန်နှုန်းကို လုံးဝမသိကြပါ။</p> <p>အထူးသဖြင့် တုကူးဓားနတ်ဘုရား၏ စွမ်းအားကို ရှာဖွေတွေ့ရှိပြီးနောက်တွင် ဖြစ်သည်။</p> <p>အခြေအနေများ တင်းမာလာချိန်...</p> <p>စကားသံတစ်ခု ရုတ်တရက် ထွက်ပေါ်လာသည်။</p> <p>"ဒီနေရာလေးက တကယ့်ကို သက်ဝင်လှုပ်ရှားနေတာပဲ"</p> <p>ထိုအသံမှာ တည်ငြိမ်အေးဆေးပြီး နူးညံ့လှသဖြင့် နွေဦးလေပြည်ညင်းလေးကဲ့သို့ လူကို လန်းဆန်းကြည်နူးသွားစေသည်။</p> <p>သို့သော် ထိုအသံကို ကြားလိုက်ရသည်နှင့် လူတိုင်း၏ အကြည့်များက ရုတ်ချည်းပင် တစ်နေရာတည်းသို့ စုပြုံရောက်ရှိသွားကြတော့သည်။</p> <p>"သူရောက်လာပြီ"<br /> ဝေးလံသော ကောင်းကင်ယံတွင် မရေမတွက်နိုင်သော ရွန်းများနှင့် မင်္ဂလာအလင်းရောင်များ တောက်ပနေသည်။</p> <p>ရွှေရောင်မီးခွက်ကို လက်ထဲတွင် ကိုင်ဆောင်ထားပြီး အရပ်ရှည်ရှည် ပိန်ပိန်ပါးပါး ပုံရိပ်တစ်ခုက နတ်ဘုရားတစ်ပါးကဲ့သို့ သူတို့ဆီသို့ ဖြည်းညှင်းစွာ လျှောက်လာနေ၏။</p> <p>သူကား သက်ရှည်ခြင်းဧကရာဇ်၏သားတော်မှတပါး အခြားမည်သူဖြစ်နိုင်ဦးမည်နည်း။</p> <p>"သက်ရှည်ခြင်းဧကရာဇ်ရဲ့သားတော် ရောက်လာပြီ"<br /> လူတိုင်းက ကောင်းကင်ယံမှ ထိုပုံရိပ်ကို မောကြည့်လိုက်ကြသည်။</p> <p>သူက‌ တောက်ဝမ်နှင့်မတူပါ။</p> <p>တောက်ဝမ်က လူတိုင်းကို ကြောက်ရွံ့စေသော ဖိအားမျိုးနှင့် ရက်စက်ကြမ်းကြုတ်ခြင်း အငွေ့အသက်တို့ကို ပေးစွမ်းသော်လည်း...</p> <p>သက်ရှည်ခြင်းဧကရာဇ်၏သားတော်က ကောင်းကင်ဘုံမှ နတ်တစ်ပါးကဲ့သို့ တည်ငြိမ်အေးချမ်းပြီး ခေါင်းဆောင်ကောင်းတစ်ယောက်ကဲ့သို့ ခံစားရစေသည်။</p> <p>ထို့ပြင်၊ ကောင်းကင်နဂါးနှင့် ဖီးနစ်စာရင်း၏ နံပါတ်တစ်နေရာတွင် အခိုင်အမာ ရပ်တည်နိုင်သော သူ့ခွန်အားကြောင့်လည်း လူတိုင်း၏ လေးစားမှုကို ခံစားရပေသည်။</p> <p>ဒါဟာ ပလ္လင်နန်းထက်မှ ပြုတ်မကျသေးမီက တိဟောက်ထျန်းနှင့် အတန်ငယ် ဆင်တူသည်။</p> <p>သို့သော်လည်း တိဟောက်ထျန်းနှင့် မတူသောအချက်မှာ...</p> <p>သက်ရှည်ခြင်းဧကရာဇ်၏သားတော်က သူ၏ ထူးခြားသော အဆင့်အတန်းနှင့် ရာထူးကို ထိန်းသိမ်းထားခြင်းဖြင့် အရှိန်အဝါကြီးနေသေးခြင်း ဖြစ်သည်။</p> <p>လူတိုင်းက ဤသို့ယုံကြည်ကြ၏။</p> <p>ကျွင်းရှောင်ယောက်ကို ထိန်းချုပ်နိုင်သူရှိလာပါက သက်ရှည်ခြင်းဧကရာဇ်၏သားတော်သာ ဖြစ်မည်။</p> <p>သက်ရှည်ခြင်းဧကရာဇ်၏သားတော်သည်ပင် မကိုင်တွယ်နိုင်ပါက ကောင်းကင်ကိုးပါး တစ်ခုလုံးကို ကျွင်းရှောင်ယောက်က လွှမ်းမိုးသွားတော့မည် ဖြစ်သည်။</p> <p>ဤအခြေအနေကိုတော့ မည်သူမျှ မမြင်လိုကြပေ။</p> <p>"သက်ရှည်ခြင်းဧကရာဇ်သားတော်"<br /> သက်ရှည်ခြင်းဧကရာဇ်၏သားတော် ရောက်ရှိလာသည်ကို မြင်သောအခါ တောက်ဝမ်၏ မျက်နှာအမူအရာက လေးနက်သွားသည်။</p> <p>သူက ကြီးစိုးသော်လည်း သူ၏ အကန့်အသတ်များကို သိသေးသည်။</p> <p>ထို့ပြင် သက်ရှည်ကျွန်းနှင့် သားရဲဂူ နှစ်ခုစလုံးက သုတ်သင်ရှင်းလင်းရေးအဖွဲ့မှ တားမြစ်နယ်မြေများ ဖြစ်သည်။</p> <p>ထို့ကြောင့် အဆင့်သတ်မှတ်ချက်စာရင်းတွင် ထိပ်ဆုံးနေရာအတွက် ယှဉ်ပြိုင်ခြင်းမှလွဲ၍ တောက်ဝမ်နှင့် သက်ရှည်ခြင်းဧကရာဇ်၏သားတော်ကြား ပဋိပက္ခမရှိခဲ့ပါ။</p> <p>တောက်ဝမ်က ကြီးစိုးသော်လည်း သက်ရှည်ခြင်းဧကရာဇ်၏သားတော်ကို မောင်းထုတ်ရန် မဖြစ်နိုင်ကြောင်း ထင်ရှားသည်။</p> <p>ဤအခိုက်တွင်၊ သက်ရှည်ခြင်းဧကရာဇ်၏သားတော်သည်လည်း ရဲ့ကူချန်ကို ကြည့်လိုက်သည်။</p> <p>"ဓားသင်္ချိုင်းက စိတ်ဝင်စားစရာကောင်းတဲ့ လူတစ်ယောက်ကို ထပ်ပြီး မွေးထုတ်ခဲ့တာပဲ"</p> <p>သူ့အမူအရာက တည်ငြိမ်နေသော်လည်း ရဲ့ကူချန်ထံမှ အန္တရာယ် အငွေ့အသက်တို့ကို ခံစားမိ၏။</p> <p>၎င်းက အရိပ်အယောင်မျှသာဖြစ်သော်လည်း သက်ရှည်ခြင်းဧကရာဇ်သားတော်ကို အံ့အားသင့်စေသေးသည်။</p> <p>အဆုံးတွင်၊ ရဲ့ကူချန်နှင့် ကျွင်းရှောင်ယောက်တို့ နှစ်ယောက်စလုံးက အင်မော်တယ်နယ်မြေကြီးမှ ပါရမီရှင်များ ဖြစ်ကြသည်။</p> <p>ပုံမှန်အားဖြင့် မတူညီသော နောက်ခံများအရ အင်မော်တယ်နယ်မြေကြီး၏ ပါရမီရှင်များမှာ ကောင်းကင်ကိုးပါး၏ ပါရမီရှင်များထက် အားနည်းသင့်၏။</p> <p>သို့သော်လည်း ရဲ့ကူချန်က အချိန်တိုအတွင်း လိုက်မီနိုင်ခဲ့ပြီး တောက်ဝမ်ကိုပင် ထိပ်တိုက်ရင်ဆိုင်ဝံ့ခဲ့သည်။</p> <p>"ဘာလဲ၊ မင်းလည်း ပါဝင်ချင်တာလား။ နှစ်ယောက် တစ်ယောက် တိုက်ခိုက်ရရင်လည်း ငါ ဂရုမစိုက်ဘူး"<br /> ရဲ့ကူချန်၏ ရွှင်းချိုရှီးပိုက်ဓား(ရှုံးနိမ့်မှုကို ရှာဖွေခြင်းဓား)က တစ်ချက်လှုပ်သွား၏။</p> <p>သက်ရှည်ခြင်းဧကရာဇ်၏သားတော်နှင့် တောက်ဝမ်ကို ရင်ဆိုင်နေရသော်လည်း သူက နောက်မဆုတ်သေးပေ။</p> <p>ရဲ့ကူချန်၏ သဘောထားက လူတိုင်းကို အံ့ဩသွားစေသည်။</p> <p>ထိုပုဂ္ဂိုလ်နှစ်ဦးမှာ ကောင်းကင်နဂါးနှင့် ဖီးနစ်စာရင်း၏ ပထမနှင့် ဒုတိယတို့ ဖြစ်၏။</p> <p>ရဲ့ကူချန်၏စကားကို ကြားသောအခါ သက်ရှည်ခြင်းဧကရာဇ်၏သားတော်က ယောင်ယောင်လေး ပြုံးလိုက်သည်။</p> <p>"မျှော်လင့်ထားတဲ့အတိုင်းပါပဲ၊ မင်းရဲ့ ဓားသင်္ချိုင်းက ပုန်ကန်တတ်တဲ့ မိုက်မဲတဲ့လူတွေနဲ့ ပြည့်နေတယ်"</p> <p>"အဲဒီတုန်းက တုကူးဓားနတ်ဘုရားလည်း အဲဒီလိုပဲ၊ အခု မင်းကလည်း ဒီလိုဖြစ်နေတယ်"</p> <p>"ဒါပေမဲ့ တုကူးဓားနတ်ဘုရားလို တန်ခိုးကြီးတဲ့သူတောင် အမှောင်ထုမှာ အဆုံးသတ်သွားရတာ... မင်းမှာ ဘာအခွင့်အရေးရှိလို့လဲ"</p> <p>"ထာဝရကံကြမ္မာက ငါ့ရဲ့ သက်ရှည်ကျွန်းမှာပဲ ရှိတယ်"</p> <p>သက်ရှည်ခြင်းဧကရာဇ်သားတော်၏ စကားများက ကြီးကျယ်ခမ်းနားပြီး ပဲ့တင်ထပ်နေသည်။</p> <p>သို့ရာတွင်၊ သူပြောတာလည်း မမှားပါ။</p> <p>သူတို့ သက်ရှည်ကျွန်း၏ မဟာပုဂ္ဂိုလ်မှာ ယဇ်ဆရာသခင်အားလုံး၏ အကြီးအကဲ၊ ပထမဆုံး ယဇ်ဆရာသခင် ဖြစ်သည်။</p> <p>ထိုပုဂ္ဂိုလ်ကြီးကြောင့် သူတို့၏ သက်ရှည်ကျွန်းက တားမြစ်နယ်မြေဆယ်ခုအနက် ထိပ်ဆုံးမှာ ရှိ‌နေနိုင်ခဲ့၏။</p> <p>ထို့ကြောင့် ပုန်ကန်တတ်သူ တုကူးဓားနတ်ဘုရားကို သဘာဝအတိုင်း မကြိုက်ကြပေ။</p> <p>ထို့ကြောင့်ပင် သက်ရှည်ခြင်းဧကရာဇ်၏သားတော်က ဓားသင်္ချိုင်းနှင့် ရဲ့ကူချန်အပေါ် ကောင်းမွန်သော ခံစားချက်မရှိပါ။</p> <p>တစ်ဖက်တွင်၊ ရဲ့ကူချန်ကလည်း အလားတူပင် ဖြစ်သည်။</p> <p>"တိုးတက်မှုပြီးရင် ဆုတ်ယုတ်မှုလာမယ်၊ အမြင့်ကိုရောက်ပြီးမှ ပြန်ပြုတ်ကျရင် အထိပိုနာတတ်တယ်"<br /> ရဲ့ကူချန်၏ မျက်လုံးများတွင် စူးရှသော အလင်းရောင်တစ်ခု ဖြတ်ပြေးသွားသည်။</p> <p>သူက နှစ်ယောက် တစ်ယောက် တိုက်ခိုက်ရမည်ဆိုလျှင်ပင်၊ တုကူးဓားနတ်ဘုရားကို အထင်သေးခွင့်မပြုနိုင်ပေ။</p> <p>အခြေအနေက အလွန်တင်းမာလာပြီး အချိန်မရွေး ပေါက်ကွဲတော့မည့် ဗုံးတစ်လုံးကဲ့သို့ ဖြစ်သည်။</p> <p>"ခက်ပြီ၊ အခု ဘယ်လိုဆက်လုပ်ရမလဲ"<br /> ဤအခြေအနေကိုမြင်သောအခါ ခွန်းရွှီကျစ်လည်း လှုပ်လှုပ်ရှားရှား ဖြစ်လာသည်။<br />  <br /> ရဲ့ကူချန်က ကျွင်းရှောင်ယောက်၏ မိတ်ဆွေဖြစ်ကြောင်း သူသိထား၏။</p> <p>သို့သော်လည်း သူကိုယ်တိုင်က နဂါးနှင့်ဖီးနစ်စာရင်းတွင် ဆဋ္ဌမသာ ဖြစ်သောကြောင့် ဤအဆင့်တိုက်ပွဲများတွင် ဝင်ရောက်စွက်ဖက်နိုင်စွမ်း မရှိပေ။</p> <p>သူက ဆန္ဒရှိသော်လည်း လူက မစွမ်းနိုင်ပါ။</p> <p>ထိုစဉ်...</p> <p>အဝေးမှ နောက်ထပ်ပုံရိပ်တစ်ခု ပေါ်လာသည်။</p> <p>"ကောင်းကင်နဂါးနဲ့ ဖီးနစ်စာရင်းရဲ့ ထိပ်ဆုံးလူနှစ်ယောက်က လူအင်အားနဲ့ အနိုင်ကျင်ချင်တာလား"</p> <p>ထိုအသံကို ကြားရသောအခါ သက်ရှည်ခြင်းဧကရာဇ်၏သားတော်နှင့် တောက်ဝမ်တို့က ချက်ချင်း လှမ်းကြည့်လိုက်ကြသည်။</p> <p>သို့သော်လည်း လူရိပ်ကိုမြင်ရသောအခါ သက်ရှည်ခြင်းဧကရာဇ်သားတော်၏ မျက်နှာအမူအရာသည် ချက်ချင်းပင် တစ်မျိုးပြောင်းသွား၏။</p> <p>စကားပြောလာသူက သဘာဝအတိုင်း ကျွင်းရှောင်ယောက် ဖြစ်သည်။</p> <p>သို့သော်လည်း သက်ရှည်ခြင်းဧကရာဇ်သားတော်၏ မျက်နှာအမူအရာကို ပြောင်းစေခဲ့က ကျွင်းရှောင်ယောက် မဟုတ်ပေ။</p> <p>နိယာမသံကြိုးဖြင့် ချည်နှောင်ခံထားရသော အမျိုးသမီးကြောင့် ဖြစ်သည်။</p> <p>သူမ၏ အဖြူရောင်ဝတ်စုံက စုတ်ပြဲလျက် အညစ်အကြေးများ ဖုံးလွှမ်းနေ၏။</p> <p>သူ့ခေါင်းကလည်း ရှုပ်ပွနေကာ အမှိုက်ပုံထဲမှ တိုးထွက်လာသော အရူးမတစ်ယောက်နှင့် မခြားပေ။</p> <p>"ကျွင်းရှောင်ယောက် ရောက်လာပြီ"</p> <p>"သူ့နောက်က လူသုံးယောက်က တကယ်ကို ပြန်လည်ဝင်စားခြင်းပင်လယ်ရဲ့ သခင်လေးသုံးယောက်ပဲ။ သားရဲဂူရဲ့ ဘုရင်ငယ်သုံးယောက်လိုပဲ သူတို့လည်း ဖိနှိပ်ခံရပြီး ယဉ်ပါးသွားတာ ဖြစ်နိုင်မလား"</p> <p>"ကြည့်ကြစမ်း၊ သူ့နောက်က သံကြိုးနဲ့ချည်ခံထားရတဲ့ မိန်းမက သက်ရှည်ခြင်းနတ်ဘုရားမနဲ့ မတူဘူးလား"</p> <p>"ပေါက်တတ်ကရ၊ မတူဘူးဘူးဆိုတာက ဘာစကားလဲ။ သူက သက်ရှည်ခြင်းနတ်ဘုရားမ အစစ်ဟ"</p> <p>ကျွင်းရှောင်ယောက် ရောက်လာခြင်းက ပတ်ဝန်းကျင်တွင် ရုတ်ရုတ်သဲသဲ ဖြစ်သွားစေခဲ့သည်။</p> <p>သို့ရာတွင်၊ သူတို့ကို ထိတ်လန့်စေခဲ့တာက ကျွင်းရှောင်ယောက်ကိုယ်တိုင် မဟုတ်ပါ။</p> <p>ယင်းအစား၊ နိယာမ သံကြိုးများဖြင့် ချည်နှောင်ခံထားရသော အမျိုးသမီး ဖြစ်သည်။</p> <p>ကောင်းကင်ကိုးပါးရှိ အလှဆုံး အမျိုးသမီးတစ်ဦးမှာ ဤမျှဆိုးရွားသော အခြေအနေသို့ ကျရောက်သွား၏။</p> <p>ထို့ထက် ပိုအရေးကြီးတာက သူ့ကို သက်ရှည်ခြင်းဧကရာဇ်သားတော်၏ လူများထဲမှ တစ်ယောက်အဖြစ် သတ်မှတ်ခဲ့ကြသည်။</p> <p>ယခု ဤပုံစံဖြင့် သူမကို ခေါ်ဆောင်လာခြင်းမှာ သက်ရှည်ခြင်းဧကရာဇ်သားတော်၏ မျက်နှာကို ပြင်းပြင်းထန်ထန် ရိုက်ချလိုက်ခြင်းပင်။</p> <p> </p> <p> </p> <p> </p> <p style="text-align: center;">***</p>


Save