Book List

<h2 style="text-align: center;">အခန်း ( ၁၄၇၀ )</h2> <h2 style="text-align: center;">ကမ္ဘာနှစ်ခုမှ နံပါတ်တစ် ပါရမီရှင်နှစ်ဦး၏ တိုက်ပွဲ</h2> <h2 style="text-align: center;">*</h2> <p style="text-align:center"> </p> <p style="text-align:center"> </p> <p><br /> ဒါက ရှားပါးပြီး ထူးခြားသော တိုက်ပွဲတစ်ခုဆိုတာ သံသယဖြစ်စရာ မလိုပါ။</p> <p>သူတို့ထဲမှ တစ်ယောက်က ကောင်းကင်ကိုးပါးတွင် နံပါတ်တစ် ပါရမီရှင် ဖြစ်သည်။</p> <p>ကျန်တစ်ယောက်မှာတော့ အင်မော်တယ်နယ်မြေကြီးမှ နံပါတ်တစ် ပါရမီရှင် ဖြစ်၏။</p> <p>ဒါက နယ်ပယ်နှစ်ခုမှ နံပါတ်တစ်ကျွမ်းကျင်သူများကြားက တိုက်ပွဲတစ်ခုဖြစ်ကာ တွေ့မြင်ရခဲသည်။</p> <p>ဒါကို ပြင်ပကမ္ဘာသို့ ထုတ်ဖော်ပြသမည်ဆိုလျှင် ကြီးမားသော လှုပ်ခတ်မှုများကို ဖြစ်ပေါ်စေပြီး လူအများ၏ အာရုံစိုက်မှုကို ဆွဲဆောင်နိုင်လိမ့်မည်။</p> <p>သို့သော်လည်း ယခုတော့ အထူးအင်မော်တယ်ကျောက်တွင်း၏ ပတ်ဝန်းကျင်မှ ပါရမီရှင်များသာ ကံကောင်းစွာ မြင်တွေ့ခွင့်ရသည်။</p> <p>ထို့ပြင် တောက်ဝမ်နှင့် ရဲ့ကူချန်လည်း ရှိသေးသည်။</p> <p>တောက်ဝမ်၏ စွမ်းအားက အထူးပြောစရာမလိုပါ။ သူက ကောင်းကင်နဂါးနှင့် ဖီးနစ်းစာရင်းတွင် ဒုတိယ ဖြစ်သည်။</p> <p>သူက သက်ရှည်ခြင်းဧကရာဇ်၏သားတော်ကို စိန်ခေါ်ရန် အရည်အချင်းပြည့်မီသူ အနည်းစုထဲမှ တစ်ဦးလည်း ဖြစ်၏။</p> <p>ဓားသင်္ချိုင်း၏ ဆက်ခံသူအနေဖြင့် ရဲ့ကူချန်ကလည်း သာမန်မဟုတ်ပေ။</p> <p>သူက တုကူးဓားနတ်ဘုရားနှင့် တစ်စုံတစ်ရာ ဆက်စပ်မှုရှိနိုင်သည်ဟူသော ကောလာဟလများပင် ပျံ့နှံ့နေခဲ့သည်။</p> <p>သူတို့လေးဦးကြားမှ ဤတိုက်ပွဲက အခြေခံအားဖြင့် လူငယ်မျိုးဆက်၏ အထွတ်အထိပ်တိုက်ပွဲကို ကိုယ်စားပြုသည်ဟု ဆိုနိုင်ပေသည်။</p> <p>"မဟုတ်ဘူး၊ ဧကရာဇ်သားတော်က နင့်ကို သေချာပေါက်သတ်လိမ့်မယ်..."<br /> သက်ရှည်ခြင်းနတ်ဘုရားမက တစ်ယောက်တည်း ပြောနေသလို တီးတိုး ပြောလိုက်သည်။</p> <p>သူ၏ တစ်ခုတည်းသော မျှော်လင့်ချက်က သူ့ရှေ့မှာပဲ ရှိနေပြီ။</p> <p>"ဝုန်း"<br /> ကောင်းကင်ယံတွင်၊ ခွန်ပန်က ပင်လယ်ကို ဖြတ်ကျော်ပြီး ကောင်းကင်ယံသို့ ထိုးဖောက်ရန် သူ၏တောင်ပံများကို ဖြန့်ကျက်လိုက်သည်။</p> <p>မိုးနှင့်မြေကို တုန်ဟီးစေသော နဂါးတစ်ကောင်၏ ဟိန်းဟောက်သံလည်း ရှိ၏။</p> <p>အပြင်လူများ၏အမြင်တွင် သူတို့က ရှေးဟောင်းခွန်ပန်နှင့် အစစ်အမှန်နဂါးတို့ တိုက်ခိုက်နေသလိုပင်။</p> <p>ထိုအတက်အကျများက ကြောက်စရာကောင်းလွန်းသည်။</p> <p>နိယာမစွမ်းအားကလည်း အဆုံးမရှိသော သမုဒ္ဒရာရေပြင်ကဲ့သို့ မြင့်တက်နေ၏။</p> <p>ဒါက လူငယ်နှစ်ယောက်ကြားမှ တိုက်ပွဲတစ်ခုဟု မြင်ယောင်ကြည့်ရန် ခက်ခဲသည်။</p> <p>သူတို့ထံမှ နောက်ဆက်တွဲ တိုက်ခိုက်မှုလှိုင်းများသည်ပင် သာမန်လူများအတွက် ဒဏ်ရာရစေနိုင်သေးသည်။</p> <p>သက်ရှည်ခြင်းဧကရာဇ်၏သားတော်က အစစ်အမှန်နဂါး၏ သဘာဝစွမ်းရည်ကို ပြီးပြည့်စုံသော အခြေအနေသို့ အမှန်တကယ် လေ့ကျင့်ထားခဲ့သည်။</p> <p>သူ၏ လှုပ်ရှားမှုတိုင်းက ရှေးဦးနဂါးတစ်ကောင် တိုက်ခိုက်နေသလိုပင်။</p> <p>နဂါးလက်သည်း ကုပ်ဖြဲခြင်း၊ အစစ်အမှန်နဂါး၏ ဟိန်းသံ၊ နဂါးအမြီးရိုက်ချက်...</p> <p>အစစ်အမှန်နဂါးတို့၏ တိုက်ခိုက်မှုနည်းလမ်း အမျိုးမျိုးကို သက်ရှည်ခြင်းဧကရာဇ်၏သားတော်က ထုတ်ဖော်ပြသခဲ့သည်။</p> <p>ဟုတ်သည်၊ ကျွင်းရှောင်ယောက်က နောက်မဆုတ်ပေ။</p> <p>သူက ခွန်ပန် သဘာဝ နတ်ဘုရားစွမ်းရည်ကို ပိုင်ဆိုင်ထားသည်။</p> <p>မိုးကြိုးဧကရာဇ်၏ မဟာနတ်ဘုရားစွမ်းရည်ကဲ့သို့ ထူးကဲသော နတ်ဘုရားစွမ်းရည်များလည်း ရှိသေးသည်။</p> <p>ကျွင်းရှောင်ယောက်၏ လှုပ်ရှားမှုတိုင်းတွင် ယင်နှင့်ယန်ကို ပုံဖော်ထားသော ခွန်ပန်ပုံရိပ်များ ပေါ်လာတတ်သည်။</p> <p>မိုးကြိုးထစ်ချုံးသံနှင့်အတူ ပတ်ဝန်းကျင် လေဟာနယ်ကို တုန်ခါစေသော မိုးကြိုးပင်လယ်ကြီး ဖြစ်ပေါ်လာရ၏။</p> <p>သန့်စင်သော ခွန်အား၏ ပြယုဂ်ဖြစ်သော နတ်ဆိုးနတ်ဘုရားပုရွက်ဆိတ်၏ သဘာဝစွမ်းရည်လည်း ရှိသေးသည်။</p> <p>ခရမ်းရွှေရောင် ပုရွက်ဆိတ်တစ်ကောင်၏ ပုံရိပ်နှင့်အတူ ကောင်းကင်က တုန်ခါရသည်။</p> <p>အစစ်အမှန်နဂါး၏ မဟာနတ်ဘုရားစွမ်းရည်က အမှန်တကယ် အစွမ်းထက်ပြီး အထင်ကြီးစရာကောင်းသည်။</p> <p>သို့သော်လည်း ကျွင်းရှောင်ယောက်က တူညီသော အဆင့်ရှိ နတ်ဘုရားစွမ်းရည် သုံးခုကို တပြိုင်နက်တည်း ထုတ်ပြသခဲ့၏။ အားလုံးကလည်း ပြီးပြည့်စုံသောအဆင့်သို့ ရောက်ရှိနေကြပြီ။</p> <p>"ဝုန်း... ဝုန်း..."<br /> အသက်ရှူချိန် အနည်းငယ်အတွင်းမှာပင် သူတို့နှစ်ယောက်က တိုက်ခိုက်မှုများစွာ ထိပ်တိုက်ရင်ဆိုင်ခဲ့ကြသည်။</p> <p>နောက်ဆုံးတွင်၊ သက်ရှည်ခြင်းဧကရာဇ်သားတော်က ခြေလှမ်းအနည်းငယ် နောက်သို့ဆုတ်သွားရပြီး သူ့မျက်လုံးများတွင် လေးနက်သော အရိပ်အယောင်တစ်ခု ပေါ်လာတော့သည်။</p> <p>"ဘာ၊ သက်ရှည်ခြင်းဧကရာဇ်သားတော်က တကယ်ကြီး အားနည်းချက်ရှိနေတာလား"</p> <p>ဤမြင်ကွင်းကို မြင်လိုက်ရပြီးနောက်၊ အထူးအင်မော်တယ်ကျောက်တွင်း၏ ပတ်ဝန်းကျင်ရှိ လူတိုင်း မယုံနိုင်လောက်အောင် ဖြစ်သွားကြသည်။</p> <p>ရှေးယခင်က သက်ရှည်ခြင်းဧကရာဇ်၏သားတော်မှာ လှုပ်ရှားခဲသည်။</p> <p>အကြောင်းမှာ၊ မည်သူမျှ သူ့ကို စိန်ခေါ်ရဲခြင်း မရှိသောကြောင့်ပင်။</p> <p>ရံဖန်ရံခါမှ စိန်ခေါ်သူတချို့ ထွက်ပေါ်လာတတ်သည်။</p> <p>သို့သော်လည်း သူတို့အားလုံးက သက်ရှည်ခြင်းဧကရာဇ်သားတော် ဖိနှိပ်ခြင်းကို ခံခဲ့ရ၏။</p> <p>ထို့ကြောင့် ကောင်းကင်ကိုးပါး၏ ကျင့်ကြံသူများအမြင်တွင် သက်ရှည်ခြင်းဧကရာဇ်သားတော်က မည်သူ့ကိုမဆို တစ်ချက်တည်းဖြင့် အနိုင်ယူနိုင်သည်။</p> <p>ယခုတော့ တိုက်ခိုက်မှု ရာနှင့်ချီပြီး ရင်ဆိုင်ခဲ့ရသည့်အပြင် ခြေလှမ်းအနည်းငယ်ပင် နောက်ဆုတ်သွားခဲ့ရသေးသည်။</p> <p>"ကျွင်းရှောင်ယောက်၊ မင်းက နည်းလမ်းတွေအများကြီးကို သင်ယူတတ်မြောက်ထားတာပဲ။ မင်းကို ထူးချွန်တဲ့ ပါရမီရှင်လို့ အမှန်ခေါ်ထိုက်တယ်"<br /> သက်ရှည်ခြင်းဧကရာဇ်၏သားတော်က လေးနက်စွာ ပြောလိုက်သည်။</p> <p>အစပိုင်းတွင်၊ ကောင်းကင်ကိုးပါးမှ ကျင့်ကြံသူတစ်ဦးအနေဖြင့် သာလွန်မြင့်မြတ်ခြင်းတို့ကို သူ ခံစားမိနေဆဲ ဖြစ်သည်။</p> <p>သို့သော်လည်း ယခုတော့ ကျွင်းရှောင်ယောက်ကို ပြိုင်ဘက်တစ်ယောက်အဖြစ် သူ မှတ်ယူလာခဲ့ပြီ။</p> <p>"ဒါက သွေးပူလေ့ကျင့်ခန်းလေးပါပဲ"<br /> ကျွင်းရှောင်ယောက်က တည်ငြိမ်စွာ ပြောလိုက်သည်။</p> <p>သူ့ကို ရင်ဆိုင်တိုက်ခိုက်နိုင်သူက များများ မရှိပေ။</p> <p>ယခုမူ၊ တစ်ဦးနှင့် ထိပ်တိုက်တွေ့နေရပြီဖြစ်ရာ ဤအခွင့်အရေးကို အသုံးချပြီး လေ့ကျင့်လိုခဲ့သည်။</p> <p>"ငါ ဧကရာဇ်သားတော်ကလည်း သွေးပူအောင် ဆော့ကစားနေရုံပဲကွ"<br /> သက်ရှည်ခြင်းဧကရာဇ်သားတော်က အေးစက်စက် ပြောလိုက်၏။</p> <p>သူတို့ သက်ရှည်ကျွန်း၏ အထူးစွမ်းရည်က အစစ်အမှန်နဂါး၏ သဘာဝစွမ်းရည် မဟုတ်ပါ။</p> <p>ဒါက သက်ရှည်ခြင်း အင်မော်တယ်ကျမ်း ဖြစ်သည်။</p> <p>၎င်းက အလွန်ရှားပါးသော အင်မော်တယ်ကျမ်းဖြစ်ပြီး အပြည့်အဝ အောင်မြင်ပါက ထာဝရအသက်ကိုပင် ပေးစွမ်းနိုင်သည်ဟု ကောလဟာလများ ရှိ၏။</p> <p>သက်ရှည်ကျွန်းမှာ ဤကျမ်း၏အမည်ကို ပေးထားခြင်း ဖြစ်သည်။</p> <p>ဤနည်းလမ်းဖြင့် သက်ရှည်ကျွန်းက ကောင်းကင်ကိုးပါးရှိ ရှေးအကျဆုံး တားမြစ်နယ်မြေများထဲမှ တစ်ခု ဖြစ်လာနိုင်ခဲ့ခြင်းပင်။</p> <p>ဒဏ္ဍာရီများအရ သက်ရှည်ကျွန်း၏ အမည်မဖော်ရသော ပုဂ္ဂိုလ်က သက်ရှည်ခြင်း အင်မော်တယ်ကျမ်းကို ပြီးပြည့်စုံလုနီးပါးအခြေအနေအထိ လေ့ကျင့်ပြီးခဲ့ပြီဟု ဆိုသည်။</p> <p>"အခု ငါ့ သက်ရှည်ကျွန်းရဲ့ လျှို့ဝှက်နည်းလမ်း အစစ်အမှန်ကို မင်းအမြင်ကျယ်စေဖို့ ပြသပေးမယ်"<br /> သက်ရှည်ခြင်းဧကရာဇ်၏သားတော်က အားကောင်းသော အရှိန်အဝါတို့ကို ထုတ်လွှတ်လိုက်သည်။ သူ့ခန္ဓာကိုယ်တွင် မရေမတွက်နိုင်သော ရွန်းများ ပေါ်လာကြ၏။</p> <p>တာအို အမှတ်အသားများနှင့် သက်ရှည်ခြင်းဧကရာဇ်၏သားတော်ထံမှ ထူးကဲသာလွန်သော အရှိန်အဝါတစ်ခု ထွက်ပေါ်လာတော့သည်။</p> <p>ကျွင်းရှောင်ယောက်သည် ဤမတိုင်မီက သက်ရှည်ခြင်းနတ်ဘုရားမမှတဆင့် ဤနည်းလမ်းကို တွေ့မြင်ခဲ့ရသည်။</p> <p>သို့သော်လည်း သက်ရှည်ခြင်းနတ်ဘုရားမ၏ သက်ရှည်ခြင်းအင်မော်တယ်ကျမ်းအပေါ် နားလည်မှုက သက်ရှည်ခြင်းဧကရာဇ်သားတော်နှင့် တူညီသောအဆင့်တွင် လုံးဝ မရှိပါ။</p> <p>ရွှေရောင်မီးခွက်က သက်ရှည်ခြင်းဧကရာဇ်သားတော်၏ လက်ထဲမှ လွင့်မျောသွားလာသည်။</p> <p>သူက လက်တစ်ဖက်နှင့် တံဆိပ်တော်တစ်ခုကို ပြုလုပ်လိုက်၏။</p> <p>သူ့လက်ထဲမှာ နေနှင့်လကို ကိုင်ထားသလိုပင်။</p> <p>ဤအခိုက်တွင်၊ သက်ရှည်ခြင်းဧကရာဇ်၏သားတော်က နေနှင့်လ၏ နတ်ဘုရားဘုရင်တစ်ပါးကဲ့သို့ ယင်နှင့်ယန်ကို ထိန်းချုပ်ပြီး စကြဝဠာကို ပြောင်းလဲစေသည်။</p> <p>"နေနဲ့လ ထာဝရရှင်သန်ခြင်းရဲ့ တံဆိပ်တော်"</p> <p>ဒါက သက်ရှည်ခြင်းအင်မော်တယ်ကျမ်း၏ အဆုံးစွန်နည်းလမ်းပင်။ ယင်နှင့်ယန်ကို ခြယ်လှယ်၊ နေနှင့်လကို ထိန်းချုပ်၊ စကြာဝဠာကို ပြောင်းလဲစေပြီး မိုးနှင့်မြေကို တုန်လှုပ်စေသည်။</p> <p>ဤနည်းလမ်းကို အသက်သွင်းလိုက်သည်နှင့် အထူးအင်မော်တယ်ကျောက်တွင်းတစ်ခုလုံး တုန်ခါစပြုလာသည်။</p> <p>ဤနေရာရှိ မိုးနှင့်မြေ၏ အထူးစည်းများကြောင့်မဟုတ်လျှင် မြေပြင်တစ်ခုလုံး ပြိုကျသွားလိမ့်မည်။</p> <p>"ကြောက်စရာကောင်းလိုက်တာ၊ ဒါက သက်ရှည်ခြင်းဧကရာဇ်သားတော်ရဲ့ စစ်မှန်တဲ့ စွမ်းအားလား။ ကောင်းကင်ကိုးပါးမှာ လူဘယ်လောက်များများက ဒီတိုက်ခိုက်မှုကို ခံနိုင်ရည်ရှိပါ့မလဲ"</p> <p>ပါရမီရှင်လေးဦး၏ တိုက်ပွဲတွင် ကြားညှပ်မိမည်ကို စိုးရိမ်သောကြောင့် လူအများက အလျင်အမြန် ဆုတ်ခွာသွားကြသည်။</p> <p>"ဧကရာဇ်သားတော်က တကယ်ကို ပြိုင်ဘက်ကင်းပဲ"<br /> သက်ရှည်ခြင်းဧကရာဇ်သားတော်၏ ကြီးစိုးသော အရှိန်အဝါတို့ကို မြင်သောအခါ သက်ရှည်ခြင်းနတ်ဘုရားမ၏ မျက်လုံးများက မျှော်လင့်ချက်များဖြင့် ပြန်လည်ပြည့်နှက်လာခဲ့သည်။</p> <p>"သက်ရှည်ခြင်း အင်မော်တယ်ကျမ်းက တကယ်ကို အံ့သြစရာကောင်းပါပေတယ်"<br /> ကျွင်းရှောင်ယောက်က အနည်းငယ် ခေါင်းညိတ်လိုက်မိသည်။</p> <p>သက်ရှည်ခြင်း အင်မော်တယ်ကျမ်းက ကမ္ဘာပေါ်တွင် ရှားပါးသော အမွေအနှစ်တစ်ခုပင်။</p> <p>၎င်းကို ရယူနိုင်ပါက အကြီးမားဆုံး အမွေအနှစ်တစ်ခုဖြစ်လာမည် ဖြစ်သည်။</p> <p>အရေးကြီးဆုံးအချက်က၊ ဤအင်မော်တယ်ကျမ်းဟာ သက်ရှည်ကျွန်း၏ လျှို့ဝှက်ဆန်းကြယ်သော ပထမဆုံး ယဇ်ဆရာသခင် လေ့ကျင့်ခဲ့သော နည်းလမ်းပင်။</p> <p>အကယ်၍၊ ဤကျမ်းစာကို ရရှိခဲ့လျှင် ၎င်းကို တန်ပြန်နိုင်မည့် နည်းလမ်းများကိုပင် လေ့လာနိုင်ပေလိမ့်မည်။</p> <p>ကျွင်းရှောင်ယောက်လည်း တစ်ဖက်လူ၏ သက်ရှည်ခြင်း အင်မော်တယ်ကျမ်း လှုပ်ရှားမှုကို ချက်ချင်း အာရုံစိုက်လိုက်သည်။</p> <p>တစ်ချိန်တည်းမှာပင်၊ သူက လှုပ်ရှားမှုပြုခဲ့၏။</p> <p>သူ၏လက်နှစ်ဖက်ဖြင့် ရှင်သန်ခြင်းနှင့် သေဆုံးခြင်းကို ထိန်းချုပ်ထားကာ ကောင်းကင်ဘုံကို ခြယ်လှယ်သည်။</p> <p>ရှင်သန်ခြင်းနှင့် သေဆုံးခြင်းက သူ့လက်ထဲတွင် ရှိ၏။</p> <p>၎င်းက ကောင်းကင်အားလုံး၏ သေခြင်းရှင်ခြင်းဘီးမှတပါး အခြားမဟုတ်ပေ။</p> <p>ဤနည်းလမ်းကလည်း လွှမ်းမိုးနိုင်စွမ်းကြီးမားပြီး နတ်ဘုရားတစ်ပါးကဲ့သို့ သက်ရှိအားလုံး၏ ရှင်သန်မှုနှင့် သေဆုံးမှုကို ထိန်းချုပ်နိုင်စေသည်။</p> <p>သက်ရှည်ခြင်းဧကရာဇ်သားတော်က နေနှင့်လကို အုပ်စိုးသော အရှင်သခင်တစ်ပါးကဲ့သို့ ရှေ့ကိုတိုးလာပြီး ကြောက်မက်ဖွယ်ကောင်းသော တိုက်ခိုက်မှုတို့ကို ထုတ်ဖော်လိုက်သည်။</p> <p>ကျွင်းရှောင်ယောက်ကလည်း နတ်ဘုရားတစ်ပါးကဲ့သို့ သက်ရှိများ၏ သေခြင်းရှင်ခြင်းကို ထိန်းချုပ်ထား၏။</p> <p>နေနှင့်လ၏ အမှတ်အသားများက သေခြင်းရှင်ခြင်းစက်ဝန်းအပေါ်တွင် ထင်ဟပ်နေသည်။</p> <p>သူတို့နှစ်ဦးက ရှေးဧကရာဇ်နှစ်ပါးကဲ့သို့ ပြင်းထန်စွာ ထိပ်တိုက်ရင်ဆိုင်လိုက်တော့သည်။</p> <p>ထိုမှထွက်ပေါ်လာသော တိုက်ခိုက်မှုအားလှိုင်းများက ဂြိုလ်တစ်လုံး ပေါက်ကွဲသကဲ့သို့ပင် ဖြစ်သည်။ လူတိုင်းက တောက်ပသော နိယာမအလင်းများကြားတွင် နစ်မြုပ်သွားကြ၏။</p> <p>သို့သော်လည်း ကောင်းကင်ကိုးပါး၏ ကျင့်ကြံသူများက မျက်လုံးများကို အတင်းဖြဲကာ တိုက်ပွဲကို စောင့်ကြည့်နေကြသည်။</p> <p>စူးရှလွန်းသော အလင်းရောင်များကြောင့် မျက်လုံးများ ကျိန်းစပ်နေသည့်တိုင် တိုက်ပွဲရလဒ်ကို သိလိုစိတ်ဖြင့် စောင့်ကြည့်နေကြသေးသည်။</p> <p> </p> <p> </p> <p> </p> <p style="text-align: center;">***</p>


Save