Book List

<h2 style="text-align: center;">အပိုင်း ( 2007 )</h2> <h2 style="text-align: center;">ဟဲမိသားစု ရောက်လာပြီ</h2> <h2 style="text-align: center;">*</h2> <p style="text-align:center"> </p> <p style="text-align:center"> </p> <p style="text-align:center"> </p> <p style="text-align:center"> </p> <p style="text-align:center"> </p> <p><br /> ယွမ်တောင်မြင့်မြတ်သောကျောင်းတော်တွင် နေရာအများစုကို ပြန်လည်ပြုပြင်ပြီးလုနီး ဖြစ်သည်။ သို့သော်လည်း ကျင့်ကြံမှုနယ်မြေ အချို့ကိုတော့ ပြုပြင်နိုင်ခြင်း မရှိသေးပေ။</p> <p>ထို့ပြင်၊ ယခုအခါ ယွမ်တောင်မြင့်မြတ်သောကျောင်းတော်တွင် ပါရမီရှင် အနည်းငယ်သာ ရှိတော့သည်။ အများစုမှာ သူတို့၏ သက်ဆိုင်ရာ အင်အားစုများသို့ ပြန်သွားကြပြီ ဖြစ်သည်။</p> <p>ယွမ်တောင်မြင့်မြတ်သောကျောင်းတော်တွင် ပါရမီရှင် တပည့်အနည်းငယ်နှင့် ဆရာများသာ ရှိလေသည်။</p> <p>ဟုတ်သည်၊ ယခင်က ကောင်းကင်ဧကရာဇ်မြို့တော်တွင် မိစ္ဆာနတ်ဘုရားမျိုးနွယ်၏ အကြွင်းအကျန်များကို ရှာဖွေရှင်းလင်းခြင်း လုပ်ငန်းစဉ်များကြောင့် အစွမ်းထက်သော အကျော်အမော်အများစုက ကောင်းကင်ဧကရာဇ်မြို့တော်တွင် ယာယီ နေထိုင်ခဲ့ကြသည်။</p> <p>ဥပမာအားဖြင့် ဖီးနစ်နန်းတော်နှင့် နတ်ဆင်ဂိုဏ်းမှ ကျွမ်းကျင်သူအချို့က ယွမ်တောင်မြင့်မြတ်သောကျောင်းတော် ယာယီတည်းခိုခဲ့ကြပေသည်။</p> <p>လုမင်နှင့် အခြားသူများက ဝေ့ရှန်း၏ ဒဏ်ရာများကို ကုသရန် ၎င်းတို့နေထိုင်ရာ တောင်သို့ ပြန်သွားခဲ့ကြသည်။ ကံကောင်းထောက်မစွာဖြင့် ဝေ့ရှန်း၏ ဒဏ်ရာများက မပြင်းထန်ဘဲ လျင်မြန်စွာ ပြန်လည်ကောင်းမွန်လာခဲ့ပေသည်။</p> <p>သို့သော်လည်း သူ့မျက်လုံးများက ဝမ်းနည်းပူဆွေးမှုတို့ ပြည့်နှက်နေခဲ့သည်။</p> <p>တစ်ချိန်က ကြီးကျယ်ခမ်းနားခဲ့သော ပျောက်ကွယ်လုနီးဖြစ်ပြီး သူတစ်ဦးတည်းသာ ကျန်ရှိတော့သည်။</p> <p>"ဟဲမိသားစု"<br /> ဝေ့ရှန်းက လက်သီးကို တင်းတင်းဆုပ်လိုက်သည်။ သူ၏ သတ်ဖြတ်ချင်စိတ်မှာလည်း အနှိုင်းမဲ့ ပြင်းထန်လွန်း၏။</p> <p>ဤအချိန်တွင်၊ ယွမ်တောင်မြင့်မြတ်သောကျောင်းတော် အပြင်ဘက်သို့ အစွမ်းထက်သော အကျော်အမော်တစ်စု ရောက်ရှိလာကြသည်။</p> <p>ဤသူများက ဟဲမိသားစု၏ အကျော်အမော်များပင်။ သူတို့ကို အစစ်အမှန်ဧကရာဇ်များက ဦးဆောင်လာပြီး ဟဲကောင်းလည်း အပါအဝင် ဖြစ်သည်။</p> <p>"လူတိုင်းပဲ၊ ဒါက ယွမ်တောင်မြင့်မြတ်သောကျောင်းတော်ပါ။ ကျေးဇူးပြုပြီး ခဏစောင့်ကြပါ"<br /> ယွမ်တောင်မြင့်မြတ်သောကျောင်းတော်မှ ဆရာနှစ်ဦး ပေါ်လာပြီး ဟဲမိသားစု၏ ကျွမ်းကျင်သူများကို တားဆီးလိုက်သည်။</p> <p>"လုမင်က ယွမ်တောင်မြင့်မြတ်သောကျောင်းတော်မှာ ရှိတယ်မဟုတ်လား။ သူ့ကို ထွက်လာပြီး သေခိုင်းလိုက်စမ်း"<br /> ဟဲကောင်းက အေးစက်စွာ ပြောလိုက်သည်။ သူက လုမင်ကို သတ်ချင်နေခဲ့တာ ကြာပြီ။</p> <p>"လူတိုင်းပဲ၊ ဒါက ယွမ်တောင်မြင့်မြတ်သောကျောင်းတော်ပါ။ လုမင်နဲ့ ဘယ်လိုမကျေနပ်ချက်တွေပဲရှိရှိ ယွမ်တောင်မြင့်မြတ်သောကျောင်းတော်ရဲ့ အပြင်မှာပဲ ဖြေရှင်းကြ"<br /> ယွမ်တောင်မြင့်မြတ်သောကျောင်းတော်၏ ဆရာတစ်ဦးက ပြောလိုက်သည်။</p> <p>"လုမင်ကို ထွက်လာခိုင်းလိုက်ပါ၊ မဟုတ်ရင် ငါတို့ကိုယ်တိုင်ဝင်ပြီး သူ့ကိုရှာရလိမ့်မယ်"<br /> ဟဲမိသားစု၏ အခြား အစစ်အမှန်ဧကရာဇ်တစ်ပါးက ပြောဆိုပြီး ရှေ့သို့ တိုးလာသည်။</p> <p>"လူတိုင်းပဲ ကျေးဇူးပြုပြီး ခဏစောင့်ပါဦး"<br /> ယွမ်တောင် မြင့်မြတ်သောကျောင်းတော်၏ ဆရာကလည်း သူ့လက်ကိုဖြန့်ပြီး တားဆီးထားဆဲပင်။</p> <p>"ထွက်သွားစမ်း"<br /> ဟဲမိသားစု၏ အစစ်အမှန်ဧကရာဇ်က လက်ဝါးဖြင့် တစ်ချက်ရိုက်ထုတ်လိုက်သည်။ ကြောက်စရာကောင်းသော လက်ဝါးအင်အားကြောင့် ယွမ်တောင်မြင့်မြတ်သောကျောင်းတော်၏ ဆရာမှာ သွေးများ အန်ထွက်လာပြီး လွင့်စဉ်သွားတော့သည်။</p> <p>ယွမ်တောင်မြင့်မြတ်သောကျောင်းတော်၏ ဆရာမှာ ဗလာနယ်ဧကရာဇ်တစ်ဦးသာဖြစ်ပြီး တစ်ဖက်လူကို လုံးဝခုခံနိုင်စွမ်း မရှိပေ။</p> <p>"သွားကြမယ်"<br /> ဟဲမိသားစု၏ ကျွမ်းကျင်သူအများအပြားက ယွမ်တောင်မြင့်မြတ်သောကျောင်းတော်၏ ဆရာများကို လုံးဝလျစ်လျူရှုလိုက်သည်။ သူတို့က ကျောင်းတော်အတွင်းသို့ ဝင်ရောက်သွားပြီး ဝိညာဉ်အသိကို ဖြန့်ကျက်ကာ လုမင်ကို ရှာဖွေလိုကြသည်။</p> <p>"သတင်းဖြန့်လိုက်"<br /> ယွမ်တောင် မြင့်မြတ်သောကျောင်းတော်မှ ဆရာနှစ်ဦးလည်း မျက်နှာပျက်သွားပြီး ချက်ချင်း သတင်းဖြန့်ဝေလိုက်တော့သည်။</p> <p>မူလက ယွမ်တောင် မြင့်မြတ်သောကျောင်းတော်တွင် မဟာဧကရာဇ်ကြီးသုံးပါး ရှိခဲ့သည်။ ထို့ကြောင့် အခြား အင်အားစုများက ယွမ်တောင် မြင့်မြတ်သောကျောင်းတော်တွင် ခေါင်းမမော်ဝံ့ခဲ့ပေ။</p> <p>သို့သော်လည်း မိစ္ဆာနတ်ဘုရားမျိုးနွယ်နှင့် တိုက်ပွဲအပြီးတွင် ကျောင်းတော်၏ မဟာဧကရာဇ်နှစ်ဦးက ကျဆုံးသွားခဲ့သည်။ ဤကိစ္စက ယွမ်တောင်တစ်ခွင်လုံးတွင် ပျံ့နှံ့သွားခဲ့ပြီ။</p> <p>ထို့ကြောင့် ဟဲမိသားစုက အနည်းငယ်မျှ ကြောက်ရွံ့မှု မရှိတော့ဘဲ ယွမ်တောင် မြင့်မြတ်သောကျောင်းတော်အတွင်းသို့ ဝင်ရောက်ဝံ့ကြခြင်း ဖြစ်သည်။</p> <p>လုမင်နှင့် အခြားသူများ၏ နေအိမ်တွင်...</p> <p>ရုတ်တရက်၊ လုမင်နှင့် အခြားသူများသည် အစွမ်းထက်သော ဝိညာဉ်အသိတစ်ခုက သူတို့ကို လွှမ်းခြုံသွားပြီး သူတို့အပေါ်တွင် ရပ်တန့်သွားသည်ကို ခံစားလိုက်ရသည်။</p> <p>"ဟဲမိသားစုက ရောက်လာပြီ"<br /> လုမင်၏ မျက်လုံးများက ကျဉ်းမြောင်းသွားပြီး အေးစက်သော အရိပ်အယောင်တစ်ခု ပေါ်လာခဲ့သည်။</p> <p>ဟဲမိသားစုကို ယွမ်တောင် မြင့်မြတ်သောကျောင်းတော်အတွင်းသို့ ဝင်ရောက်ရှာဖွေဝံ့မည်ဟု သူ မမျှော်လင့်ခဲ့ပေ။</p> <p>"ဝုန်း..."<br /> အဝေးတွင်၊ ကျွမ်းကျင်သူတစ်စုက လေထဲမှ လျှောက်လှမ်းလာနေပြီး လေဟာနယ်က တုန်ခါသွားခဲ့သည်။</p> <p>ကြောက်မက်ဖွယ်ကောင်းသော ဖိအားများကြောင့် လုမင်နှင့် အခြားသူများက အသက်ရှူရန်ပင် ခက်ခဲသလို ခံစားရ၏။</p> <p>လုမင်နှင့် ကျန်သူများလည်း အခန်းထဲမှ အပြေးအလွှား ထွက်လာပြီး လေထဲတွင် ရပ်လိုက်ကြသည်။</p> <p>'ဟဲကောင်း'<br /> လုမင်က ဟဲကောင်းကို တစ်ချက်ကြည့်လိုက်သည်။</p> <p>ဟဲကောင်းကလည်း လုမင်နှင့် အခြားသူများကို မျက်‌လုံးဝေ့ကြည့်၏။ သူ့အကြည့်က လုမင်ကို ဖြတ်သွားချိန်တွင် သတ်ဖြတ်လိုစိတ် အပြည့်ရှိသော်လည်း လုရှန်းရှန်းအပေါ်မှာတော့ လောဘဆန္ဒတို့ ပြည့်နေတော့သည်။</p> <p>လုရှန်းရှန်းကို သူ ရရမယ်။</p> <p>"လုမင်၊ မင်းက ငါ့ရဲ့ ဟဲမိသားစုရဲ့ ကျွမ်းကျင်သူတွေ အများကြီးကို အကြောင်းမဲ့ သတ်ပစ်လိုက်တာ... ဒီအတွက် မင်းရဲ့အသက်နဲ့ ပေးဆပ်ရမယ်"<br /> ဟဲကောင်းက အေးစက်သော သတ်ဖြတ်လိုစိတ်အပြည့်ဖြင့် ပထမဆုံး ပြောခဲ့သည်။</p> <p>"အကြောင်းပြချက်မရှိဘူးတဲ့လား၊ ဟာသပဲ။ မင်းပြောသလို အသက်အတွက် အသက်နဲ့ ပေးဆပ်ရမယ်ဆိုရင် ဝေ့မျိုးနွယ်က မတရားသေခဲ့ရသူတွေအတွက် သူတို့ရဲ့အသက်နဲ့ ပြန်ပေးဆပ်ခဲ့ရတာ ဘာမှားလို့လဲ"<br /> လုမင်က လှောင်ပြောင်လိုက်သည်။</p> <p>"ဝေ့မျိုးနွယ်စုကလူတွေကို ငါ့ ဟဲမိသားစုနဲ့ ဘယ်လိုနှိုင်းယှဉ်နိုင်မှာလဲ"<br /> ဟဲကောင်းက ပြန်ပြောသည်။</p> <p>"ဟားဟားဟား....."<br /> ဤတစ်ကြိမ်တွင် လုမင်က ဟားတိုက် ရယ်မောလိုက်သည်။ သူ့ရယ်သံတွင် မထီမဲ့မြင်ပြုခြင်း၊ အထင်မြင်သေးခြင်းများ ပြည့်နှက်နေ၏။ ယင်းက ဟဲမိသားစုဝင်များ၏ မျက်နှာများကို မည်းမှောင်သွားစေသည်။</p> <p>"မင်းတို့ကသာ ဟဲမိသားစုကို မိုးလောက်မြင့်ပါတယ်ဆိုပြီး ဇွတ်အမွှမ်းတင်နေတာ။ ငါ့အမြင်မှာတော့ မင်းတို့ဟဲမိသားစုက ခွေးတစ်ကောင်ရဲ့ အသက်နဲ့တောင် နှိုင်းယှဉ်လို့မရဘူး"<br /> လုမင်က လှောင်ပြောင်လိုက်သည်။</p> <p>"ဘာကွ၊ မင်းသေချင်နေတာပဲ"</p> <p>"ကျောင်းမှန်း ကန်မှန်းမသိတဲ့ ခွေး"</p> <p>ဟဲမိသားစုဝင်များမှာ ချက်ချင်း ဒေါသပေါက်ကွဲသွားကြသည်။</p> <p>"ဘာလဲ၊ ရှက်ကြတာလား... မင်းတို့က ရှက်ရော ရှက်တတ်ကြလို့လား။ ဒါဆိုရင် ငါမေးမယ်၊ မိစ္ဆာနတ်ဘုရားမျိုးနွယ်က ကျူးကျော်လာချိန်မှာ မင်းတို့ ဟဲမိသားစုက ဘယ်ကိုရောက်နေကြတာလဲ"</p> <p>"ယွမ်တောင်ကို ကာကွယ်ဖို့အတွက် တခြားသူတွေက သူတို့ရဲ့အသက်ကိုစွန့်... မိစ္ဆာနတ်ဘုရားမျိုးနွယ်နဲ့ အသေအရှင် တိုက်ခိုက်ခဲ့ကြချိန် မင်းတို့ ဘယ်ပျောက်နေကြသလဲ။ မင်းတို့ ဟဲမိသားစုက သေမှာကြောက်ပြီး အမြီးတောင်မမြင်ရအောင် ထွက်ပြေးတိမ်းရှောင်ခဲ့ကြတယ်။ အခု အားလုံး ပြီးဆုံးသွားချိန်မှ ပြန်ရောက်လာပြီး အခွင့်အရေးတွေယူချင်တယ်။ မင်းတို့က လူရောဟုတ်ရဲ့လား။ မင်းတို့ကို ခွေးတစ်ကောင်ထက် ပိုဆိုးတယ်လို့ပြောတာက ဘာမှားလဲ"<br /> လုမင်၏ လှောင်ပြောင်ပြောဆိုသံများက အဆက်မပြတ် ထွက်ပေါ်လာသည်။</p> <p>မိစ္ဆာနတ်ဘုရားမျိုးနွယ်ကို အသက်သေသည်အထိ ရင်ဆိုင်တိုက်ခိုက်ခဲ့သော မဟာဧကရာဇ်များအကြောင်း သူ ပြန်တွေးမိ၏။ အဆုံးတွင်၊ ဟွင်းထျန်းမဟာဧကရာဇ်နှင့် ထျန်းဟော်မဟာဧကရာဇ်တို့က သေသည်၊ရှင်သည်ကိုပင် မသိရတော့ပေ။</p> <p>မိစ္ဆာနတ်ဘုရားမျိုးနွယ်နှင့် တိုက်ပွဲတွင် အကြီးအကျယ်ဆုံးရှုံးမှုများခဲ့သော အခြားအင်အားစုအချို့ရှိခဲ့ပြီး ကျွမ်းကျင်သူများစွာတို့လည်း သေဆုံးခဲ့ရသည်။ သို့သော်လည်း အခြေအနေများ ရှင်းသွားသောအခါ ဟဲမိသားစုနှင့် ဟန်မိသားစုက ဤအင်အားစုများ၏ နယ်မြေများကို သိမ်းပိုက်ရန် ထွက်ပေါ်လာကြသည်။ ထိုအင်အားစုများမှ လူများကိုပင် သတ်ဖြတ်ခဲ့ကြသေးသည်။</p> <p>ဤအကြောင်းများကို တွေးမိသောအခါ လုမင်၏ ဒေါသက ပြင်းထန်စွာ‌ လောင်ကျွမ်းလာရသည်။</p> <p>"မင်း အဓိပ္ပာယ်မရှိတဲ့စကားတွေ လာမပြောနဲ့။ ငါ့ရဲ့ ဟဲမိသားစုကို ဘယ်လိုတောင် စော်ကားဝံ့တာလဲ။ မင်း သေပြီ"</p> <p>"မင်းက ဘယ်လောက်ပဲ စကား‌တတ်နေပါစေ၊ ဒီနေ့တော့ မင်းသေရပြီပဲ"</p> <p>ဟဲမိသားစုဝင်များက တစ်ယောက်တစ်ပေါက် အော်ဟစ်လိုက်ကြသည်။</p> <p>"ဝုန်း... ဝုန်း..."<br /> ဟဲမိသားစုဝင်များထံမှ အားကောင်းသော အရှိန်အဝါများ ပေါက်ကွဲထွက်လာကြ၏။</p> <p>'လုမင်... ဒီနေ့တော့ မင်းကို ဘယ်သူမှ မကယ်တင်နိုင်တော့ဘူး။ မဟာဧကရာဇ် ဝူရှန်းတောင်မှ မင်းကို မကယ်တင်နိုင်ဘူး။ ပြီးတော့ ဒီအဘိုးကြီးက မင်းရဲ့တပည့် ရှန်းရှန်းကိုလည်း ကောင်းကောင်း ဂရုစိုက်ပေးမှာပါ။ ဟဲဟဲဟဲ'<br /> ဟဲကောင်းက လုမင်ထံ အသံပို့လွှတ်ပြီး ပြောလိုက်သည်။</p> <p>'ခွေးအိုကြီး'<br /> လုမင်၏ မျက်လုံးထဲတွင် အဆုံးမဲ့ သတ်ဖြတ်လိုစိတ်တို့ ပြည့်သွားသည်။</p> <p>"ဝှစ်... ဝှစ်... ဝှစ်..."<br /> ထိုစဉ်၊ အနီးအနားရှိ တောင်ထိပ်များပေါ်မှ ပုံရိပ်များစွာ ပျံသန်းလာပြီး လုမင်နှင့် အခြားသူများရှေ့တွင် ဆင်းသက်လာကြသည်။ သူတို့ထံမှ အားကောင်းသော အရှိန်အဝါများလည်း ထွက်ပေါ်လျက်ရှိ၏။</p> <p>ဗလာနယ်ဧကရာဇ်နှင့် အစစ်အမှန်ဧကရာဇ်များပင်။</p> <p>ဤကျွမ်းကျင်သူများမှာ ဖီးနစ်နန်းတော်၊ နတ်ဆင်ဂိုဏ်း၊ ရှန်းယွမ်အင်ပါယာနှင့် အခြားအင်အားစုများမှ ဖြစ်ကြသည်။</p> <p>သူတို့က မိစ္ဆာနတ်ဘုရားမျိုးနွယ်ကို သုတ်သင်ရှင်းလင်းပြီးနောက် ဤနေရာတွင် ယာယီတည်းခိုနေကာ ပြန်မသွားကြသေးပေ။</p> <p>"မင်းတို့ရဲ့ အင်အားလေးနဲ့ ငါ့ဟဲမိသားစုကို တားဆီးချင်တာလား။ မင်းတို့ကိုယ်ကို အထင်ကြီးလွန်းမနေဘူးလား"<br /> ဟဲကောင်းက လှောင်ပြောင်လိုက်သည်။</p> <p>ထိုအချိန်တွင် အဝေးမှ ပုံရိပ်များစွာတို့ ထပ်မံပေါ်လာခဲ့ကြသည်။ သူတို့အားလုံးက ကြောက်မက်ဖွယ်ကောင်းသော ကျွမ်းကျင်သူများ ဖြစ်၏။</p> <p>ဟဲမိသားစုမှ ကျွမ်းကျင်သူများဖြစ်ပြီး အများစုက သိုင်းဧကရာဇ်နယ်ပယ်တွင် ရှိသည်။ အစစ်အမှန်ဧကရာဇ်အချို့ပင် ရှိကြသေးသည်။</p> <p>ဟဲမိသားစု၏ ကျွမ်းကျင်သူအရေအတွက်က ပိုတိုးလာသည်။ ယင်းက နတ်ဆင်ဂိုဏ်း၊ ဖီးနစ်နန်းတော်နှင့် အခြား အင်အားစုများမှ ကျွမ်းကျင်သူများကို အမူအရာပြောင်းစေခဲ့ပေသည်။</p> <p>ဟဲမိသားစုက မဟာဧကရာဇ်အဆင့် အင်အားစုတစ်ခု ဖြစ်သည်။ သူတို့က အလွန်အင်အားကြီးကာ အစစ်အမှန်ဧကရာဇ်များလည်း အများကြီးရှိသည်။</p> <p>၎င်းက ဖီးနစ်နန်းတော်နှင့် နတ်ဆင်ဂိုဏ်းကဲ့သို့ အင်အားစုများ နှိုင်းယှဉ်နိုင်သောအရာ မဟုတ်ပေ။</p> <p>"ဒီနေ့ ငါကိုယ်တိုင် လုမင်ရဲ့ခေါင်းကို ယူမယ်"<br /> ဟဲကောင်းက ပြောဆိုပြီး ရှေ့သို့ ခြေတစ်လှမ်းတိုးလိုက်သည်။ သူ့ထံမှ အားကောင်းသော အရှိန်အဝါဖိအားများက လုမင်အပေါ် ကျရောက်သွား၏။</p> <p>ဖီးနစ်နန်းတော်၊ နတ်ဆင်ဂိုဏ်းနှင့် ရှန်းယွမ်အင်ပါယာမှ အစစ်အမှန်ဧကရာဇ်များက ကူညီလိုကြသော်လည်း ဟဲမိသားစု၏ အစစ်အမှန်ဧကရာဇ်များဖြင့် တားဆီးခံကြရသည်။ သူတို့ဘက်မှ လှုပ်ရှားသည်နှင့် ဟဲမိသားစုက ပြင်းပြင်းထန်ထန် တိုက်ခိုက်ကြလိမ့်မည်။</p> <p>လုမင်၏ မျက်နှာက လေးနက်သွားသည်။ ဟဲကောင်း၏ အရှိန်အဝါဖိအားကြောင့် သူ လုံးဝ မလှုပ်နိုင်တော့ပေ။</p> <p>အစစ်အမှန်ဧကရာဇ်တစ်ပါးက အစွမ်းထက်လွန်းပြီး သူတိုက်ခိုက်နိုင်သောသူ မဟုတ်ပါ။</p> <p>လုမင်၏ မျက်လုံးအိမ်များက ကျဉ်းမြောင်းသွားသည်။ သူက ကောင်းကင်ဧကရာဇ်၏ခန္ဓာကို ထိန်းချုပ်ရန် စဉ်းစားလိုက်၏။</p> <p>"မင်းသူ့ကို ဘယ်လိုသတ်မလဲဆိုတာ ကြည့်ရအောင်"<br /> ထိုအချိန်တွင် စကားသံတစ်ခုနှင့်အတူ ပုံရိပ်တစ်ခု ပေါ်လာတော့သည်။</p>


Save