Book List

<h2 style="text-align: center;">အပိုင်း ( 2008 )</h2> <h2 style="text-align: center;">ခွေးနဲ့ဝက်တွေထက် ပိုဆိုးတဲ့ အညစ်အကြေးတွေ</h2> <h2 style="text-align: center;">*</h2> <p style="text-align:center"> </p> <p style="text-align:center"> </p> <p style="text-align:center"> </p> <p><br /> ပုံရိပ်တစ်ခုက လုမင်၏ရှေ့တွင် ဆင်းသက်လာပြီး ဟဲကောင်း၏ အရှိန်အဝါဖိအားကို ဖြတ်တောက်ပစ်လိုက်သည်။ </p> <p>"အကြီးတန်း ပင်းမု"<br /> လုမင်၏ မျက်လုံးများက တောက်ပလာသည်။</p> <p>ထိုလူက အမှန်တကယ် ချင်ယွဲ့၏ဆရာ ပင်းမုပင်။</p> <p>"မင်း တိုက်ခိုက်မယ်ဆိုရင် ငါမင်းကိုလည်းသတ်မယ်"<br /> ဟဲကောင်းက အလွန်ကြီးစိုးသည်။ သူ့လက်ဝါးစောင်းကို ဓားအဖြစ် အသုံးပြုပြီး သတ်ဖြတ်လိုစိတ်အပြည့်ဖြင့် ပင်းမုကို ခုတ်ချလိုက်၏။</p> <p>"ရေခဲတံဆိပ်တော်"<br /> ပင်းမုက သူ့လက်ညှိုးဖြင့် တစ်ချက်ညွှန်ပြလိုက်သည်။</p> <p>ရုတ်တရက်၊ ပင်းမု၏ လက်ချောင်းကို ဗဟိုပြုပြီး အရာအားလုံးကို အေးခဲသွားစေနိုင်သည့် အအေးလှိုင်းတစ်ခုက  ပျံ့နှံ့သွား၏။</p> <p>ကမ္ဘာကြီး၏ အပူချိန်က ရုတ်ချည်းထိုးကျသွားခဲ့သည်။  ကြောက်စရာကောင်းအောင် အေးစက်သော စွမ်းအားတစ်ခုက ဟဲကောင်း၏ ဓားအလင်းကို အေးခဲစေရုံသာမက ဟဲကောင်းထံ ဆက်လက်ပျံ့နှံ့လာတော့သည်။</p> <p>"ချိုးဖြတ်စမ်း"<br /> ဟဲကောင်းက ဟိန်းဟောက်လိုက်သည်။ သူ့ထံမှ ကမ္ဘာစွမ်းအားက ပေါက်ကွဲထွက်လာပြီး ရေခဲစွမ်းအင်လှိုင်းဆီသို့ တိုက်ခတ်သွား၏။</p> <p>သို့သော်လည်း အအေးဓာတ်စွမ်းအင်လှိုင်း ဖြတ်သန်းသွားသည့် နေရာတိုင်းနှင့် ကမ္ဘာ့စွမ်းအင်သည်ပင် အေးခဲသွားခဲ့သည်။ ကြောက်မက်ဖွယ်ကောင်းသော အအေးဓာတ်စွမ်းအင်က ဟဲကောင်းကို ဖုံးလွှမ်းသွား၏။ မျက်စိတစ်မှိတ်အတွင်း ရေခဲတောင်ကြီးတစ်ခုက လေထဲတွင် ပေါ်လာပြီး ဟဲကောင်းမှာ အထဲတွင် အေးခဲသွားတော့သည်။</p> <p>တိုက်ခိုက်မှုတစ်ခုက အစစ်အမှန်ဧကရာဇ်တစ်ပါးကို ရပ်တန့်သွားစေနိုင်သည်။ ဒါက မယုံနိုင်စရာပင်။</p> <p>ရေခဲတောင်အတွင်းမှ ဟဲကောင်း၏ မျက်လုံးများမှာလည်း အံ့အားသင့်မှုတို့ ပြည့်နေခဲ့သည်။</p> <p>ပင်းမုက သူ့ကို တစ်ချက်တည်းဖြင့် အေးခဲစေနိုင်မည်ဟု သူမမျှော်လင့်ခဲ့ပေ။</p> <p>"အားလုံး အတူတူ တိုက်ခိုက်ကြ"<br /> ဟဲမိသားစုမှ အစစ်အမှန်ဧကရာဇ်တစ်ပါးက ဟိန်းဟောက်ပြီး ရေခဲတောင်ကို တိုက်ခိုက်ခဲ့သည်။</p> <p>"ဝုန်း"<br /> ရေခဲတောင်က ပေါက်ကွဲသွားပြီးနောက် ဟဲကောင်းမှာ ကသောကမျော ဆုတ်သွား၏။ သို့တိုင်၊ သူ့မျက်နှာက ဖြူဖျော့နေပြီး သူ့ခန္ဓာကိုယ်တစ်ခုလုံးမှာလည်း ရေခဲလွှာတစ်ခုက ဖုံးလွှမ်းနေသေးသည်။</p> <p>"သူက တော်တော်အစွမ်းထက်တယ်၊ အတူတူတိုက်ခိုက်ပြီး သတ်ကြစို့"<br /> ဟဲကောင်းက‌ အော်ဟစ်ပြီး သူ့ခန္ဓာကိုယ်မှ ရေခဲများကို ခွာချရန် ကမ္ဘာ့စွမ်းအင်ကို ထုတ်လွှတ်လိုက်သည်။</p> <p>တစ်ချိန်တည်းမှာပင်၊ ဟဲမိသားစုမှ အစစ်အမှန်ဧကရာဇ်များက ပင်းမုကို အတူတကွ တိုက်ခိုက်ခဲ့ကြသည်။</p> <p>အစစ်အမှန်ဧကရာဇ် အများအပြား၏ ပေါင်းစပ်တိုက်ခိုက်မှုက ကြောက်စရာကောင်းသော်လည်း ပင်းမုက မတုန်လှုပ်သေးပေ။ သူက လက်ညှိုးညွှန်ပြလိုက်သောအခါ ရေခဲစွမ်းအင်လှိုင်းတစ်ခု ပျံ့နှံ့သွားပြီး ဟဲမိသားစု၏ တိုက်ခိုက်မှုအားလုံးကို ရပ်တန့်သွားစေခဲ့သည်။</p> <p>"စွမ်းအားကြီးလိုက်တာ"<br /> လုမင်လည်း တိတ်တဆိတ် အံ့အားသင့်သွားခဲ့သည်။ ပင်းမု၏ စွမ်းရည်က တကယ်ကို မြင့်မားလွန်း၏။</p> <p>ဟဲမိသားစုမှ အစစ်အမှန်ဧကရာဇ်များက သာမန်မဟုတ်သော်လည်း ပင်းမုက သူတို့အားလုံးကို ရပ်တန့်နိုင်ခဲ့သည်။</p> <p>ပင်းမုက တာ့လော့ကောင်းကင်ဂိုဏ်းကို တစ်ယောက်တည်း တိုက်ခိုက်ဝံ့တာ အံ့သြစရာ မဟုတ်ပါ။ သာမန် အစစ်အမှန်ဧကရာဇ်များက ထိုသို့လုပ်ဝံ့ကြမည် မဟုတ်ပေ။</p> <p>တိုက်ခိုက်မှုများစွာ ဖလှယ်ပြီးသည့်တိုင် ဟဲမိသားစု၏ အစစ်အမှန်ဧကရာဇ်များက ပင်းမုကို ဘာမှမလုပ်နိုင်ခဲ့ပေ။ သူတို့က မျက်စိမျက်နှာမကောင်းစွာဖြင့် နောက်ဆုတ်သွားကြသည်။</p> <p>"မင်းက တစ်ခုတည်းသော နတ်နန်းတော်က ပင်းမုပဲ"<br /> ဟဲမိသားစုမှ တစ်စုံတစ်ယောက်က ပင်းမုကို မှတ်မိပြီး လေးနက်သော အမူအရာဖြင့် ပြောလိုက်သည်။</p> <p>"မှန်တယ်"<br /> ပင်းမုက မငြင်းဆန်ပေ။</p> <p>"ပင်းမု၊ မင်းက ငါတို့ ဟဲမိသားစုကို ဆန့်ကျင်ချင်တာ သေချာလား။ ဒါက တစ်ခုတည်းသော နတ်နန်းတော်အတွက် ဘာမှ အကျိုးမရှိဘူးနော်"<br /> ဟဲကောင်းက အေးစက်စွာ ပြောလိုက်သည်။</p> <p>"ဟင်းဟင်း၊ ဟဲမိသားစုက မဟာဧကရာဇ်အဆင့် အင်အားစုကြီးတစ်ခုဖြစ်ပေမဲ့ ဧကရာဇ်တစ်ပိုင်းအဆင့် လူငယ်လေးတချို့ကို အနိုင်မယူနိုင်လို့ ကျွမ်းကျင်သူအများကြီးကို စုရုံးလာရတယ်။ ဒါက ရှက်စရာကောင်းတယ်လို့ မထင်ဘူးလား"<br /> ပင်းမုက လှောင်ပြောင်လိုက်သည်။</p> <p>ဟဲမိသားစုဝင်များ၏ မျက်နှာများက ရှုံ့မဲ့သွား၏။</p> <p>အမှန်ပင် သူတို့က ဂုဏ်သိက္ခရှိသော မဟာဧကရာဇ်အဆင့် အင်အားစုတစ်ခု ဖြစ်သည်။ သို့သော်လည်း သာမန်အကြီးအကဲတချို့ဖြင့် လူငယ်လေးများကို မကိုင်တွယ်နိုင်ကြပေ။ ထို့ကြောင့် ဟဲမိသားစုသည် လုမင်တို့ကို ကိုင်တွယ်ရန်အတွက် သိုင်းဧကရာဇ် အများအပြားကို‌ စေလွှတ်ခဲ့ရသည်။</p> <p>"ဒီကိစ္စလောက်လေးနဲ့ ငါ့ရဲ့ ဟဲမိသားစုက ကျွမ်းကျင်သူ အများကြီးကို စည်းရုံးခဲ့မယ်လို့ မင်းထင်လို့လား"<br /> ဟဲမိသားစု၏ အစစ်အမှန်ဧကရာဇ်များထဲမှ တစ်ယောက်က ပြောလိုက်သည်။</p> <p>လူအတော်များများ၏ မျက်နှာအမူအရာများက ပြောင်းလဲသွား၏။ ဟဲမိသားစုက တခြားအကြောင်းပြချက်တစ်ခုခုကြောင့် ဤနေရာကို ရောက်ရှိလာခြင်း ဖြစ်မည်လော။</p> <p>"လုမင်က ဟဲမိသားစုက တစ်ယောက်ယောက်လို ဟန်ဆောင်ပြီး ဟန်မိသားစုရဲ့ တပည့်တွေကို လိုက်လံသတ်ဖြတ်ခဲ့တယ်။ နောက်ပိုင်းမှာ သူက ဟန်မိသားစုက တစ်ယောက်ယောက်လို ဟန်ဆောင်ပြီး ငါတို့ရဲ့ ဟဲမိသားစုရဲ့ တပည့်တွေကို လိုက်လံသတ်ဖြတ်ပြန်တယ်။ ဒီလိုနဲ့ မိသားစုကြီးနှစ်ခုကြား စစ်ပွဲတစ်ခု ဖြစ်ပေါ်စေခဲ့ပြီး နောက်ဆုံးမှာတော့ ငါတို့မိသားစုဟာ ကြီးမားတဲ့ ဆုံးရှုံးမှုတွေနဲ့ ရင်ဆိုင်ခဲ့ရတယ်။ ဒီအပြစ်က ဆေးကြောမရဘဲ အသက်နဲ့ ပြန်ပေးဆပ်သင့်တယ်"<br /> ဟဲမိသားစု၏ အစစ်အမှန်ဧကရာဇ်များထဲမှ တစ်ဦးက အေးစက်စွာ ပြောလိုက်သည်။</p> <p>"ဟင်"<br /> လူအတော်များများ အံ့အားသင့်သွားကြသည်။</p> <p>ဒီကိစ္စမျိုး တကယ်ဖြစ်ပျက်ခဲ့တာလား။</p> <p>လူအတော်များများက မိသားစုကြီးနှစ်ခုကြားမှ စစ်ပွဲအကြောင်းကို ကြားဖူးကြသည်။ အကြောင်းရင်းကတော့ ဟဲမိသားစု၏ အစစ်အမှန်ဧကရာဇ် ဟဲကောင်းသည် ဟန်မိသားစုမှ ရတနာတစ်ပါးကို ယူဆောင်သွားခဲ့သောကြောင့်ပင်။ ထို့ကြောင့် ဟန်မိသားစုက ဒေါသထွက်သွားပြီး ဟဲမိသားစု၏ တပည့်များကို လိုက်လံသတ်ဖြတ်ရန် ကျွမ်းကျင်သူများကို စေလွှတ်ခဲ့သည်။</p> <p>ဟဲမိသားစုကလည်း ဟန်မိသားစု၏ တပည့်များကို လိုက်လံသတ်ဖြတ်ရန် ကျွမ်းကျင်သူများ စေလွှတ်ခြင်းဖြင့် လက်စားချေခဲ့ကြ၏။</p> <p>ဤသို့ဖြင့် နှစ်ဖက်အကြား ပဋိပက္ခများ ပိုမိုဆိုးရွားလာခဲ့သည်။</p> <p>ယခုတော့ ဤနောက်ကွယ်မှာ လုမင်က ရှိနေခဲ့ခြင်း ဖြစ်မည်လော။</p> <p>လုမင်က ကစဉ့်ကလျားနိယာမကို ထိန်းချုပ်ထားသည်။ ကစဉ့်ကလျားနိယာမက အသန်မာဆုံး နိယာမဆယ်ခုနှင့် ဘုရင်နိယာမများမှတပါး အခြား နိယာမအားလုံးအားလုံးကို အသွင်ပြောင်းလဲနိုင်ပေသည်။ ထိုသို့ဆိုလျှင် ဒါက တကယ်ဖြစ်နိုင်သည်။</p> <p>လူတိုင်း၏ အကြည့်များက လုမင်အပေါ်သို့ ကျရောက်လာခဲ့သည်။</p> <p>ဤအတိုင်းမှန်လျှင် လုမင်၏ နည်းလမ်းက တကယ်ကို အံ့ဩစရာပင်။ သူ၏ ကိုယ်ပိုင်အစွမ်းအစဖြင့် မဟာဧကရာဇ်အဆင့် အင်အားစုနှစ်ခုကို အကြီးအကျယ် ထိခိုက်စေခဲ့သည်။</p> <p>လုမင်က မျက်လုံးများကို မှေးစင်းပြီး ကြည့်လိုက်သော်လည်း ဘာမျှမပြောပေ။</p> <p>ဤကိစ္စကို ကြာကြာဖုံးကွယ်ထားလို့ မရဘူးဆိုတာ သူသိသည်။</p> <p>ထိုစဥ်အခါက မိသားစုကြီးနှစ်ခုဟာ သူတို့ကြားမှ နက်ရှိုင်းသော ပဋိပက္ခကြောင့်သာ တိုက်ခိုက်ခဲ့ကြခြင်း ဖြစ်သည်။ သူတို့ကြားမှ ရန်ငြိုးရန်စများက မီးပွားလေးနဲ့တင် လောင်ကျွမ်းနိုင်သော ယမ်းမှုန့်များလိုပင်။</p> <p>သို့သော်လည်း နှစ်ဖက်စလုံးက စိတ်အေးအေးထားပြီး စဉ်းစားလိုက်သည်နှင့် ဟာကွက်များကို ရှာတွေ့ကာ လုမင်နှင့် အလွယ်တကူ ဆက်စပ်မိမည် ဖြစ်သည်။</p> <p>"လုမင်၊ မင်း ငြင်းဖို့မစဉ်းစားနဲ့။ ငါတို့ သေချာစစ်ဆေးခဲ့ပြီး ဟန်မိသားစုနဲ့လည်း ဆွေးနွေးပြီးပြီ။ ဒီကိစ္စရဲ့နောက်ကွယ်မှာ ရှိနေသူက မင်းပဲ"<br /> ဟဲမိသားစု၏ အစစ်အမှန်ဧကရာဇ်များထဲမှ တစ်ယောက်က ပြောလိုက်သည်။</p> <p>"အမှန်ပဲ၊ ငါလုပ်ခဲ့တယ်"<br /> လုမင်က ပြောလိုက်သည်။ သူတို့က ခန့်မှန်းပြီးသားဖြစ်သောကြောင့် ငြင်းဆန်နေစရာ မလိုပေ။</p> <p>"ခွေးကောင်၊ မင်း သေသင့်တယ်"<br /> ဟဲကောင်းက အော်ဟစ်လိုက်သည်။ သူက လုမင်ကို အပိုင်းပိုင်း ဆုပ်ဖြဲပစ်ရန် မစောင့်နိုင်တော့ပေ။</p> <p>လုမင်က အမှန်တကယ်ပင် သူ့ကိစ္စကို အသုံးချပြီး မိသားစုကြီးနှစ်ခုကြား စစ်ပွဲတစ်ခုကို စတင်စေခဲ့သည်။ မုန်းစရာပင်။</p> <p>"ဟုတ်တယ်၊ သူက အကြိမ်တစ်သောင်းမက သေသင့်တယ်"<br /> ထိုအချိန်တွင်၊ ကောင်းကင်မှ အေးစက်သော အသံတစ်ခု ထွက်ပေါ်လာပြီး နောက်ထပ် ကျွမ်းကျင်သူတစ်စု ဆင်းသက်လာခဲ့သည်။</p> <p>"ဟန်မိသားစု"<br /> ပင်းမုက လေးနက်စွာ ပြောလိုက်သည်။</p> <p>"ဟန်မိသားစုလည်း ရောက်လာပြီ"<br /> ဟွမ်လင်၊ လုံချန်၊ အိုးရန်ဝူရွှမ့်နှင့် အခြားသူများ၏ မျက်နှာအမူအရာများလည်း လေးနက်သွား၏။</p> <p>ဟဲမိသားစုအပြင် ဟန်မိသားစုလည်း ရောက်ရှိလာကြပြီ။</p> <p>ထို့ပြင် ဟန်မိသားစုမှ ကျွမ်းကျင်သူ အရေအတွက်က ဟဲမိသားစုထက် အားနည်းသည် မဟုတ်ပါ။ သူတို့က မည်သို့တိုက်ခိုက်ကြရမည်နည်း။</p> <p>ယခုအချိန်တွင်၊ တည်ငြိမ်မှုရှိသူက လုမင် တစ်ဦးတည်းသာ ဖြစ်သည်။</p> <p>"လုမင်၊ မင်းကများ ငါ့ဟန်မိသားစုကို ကြီးမားတဲ့ ဆုံးရှုံးမှုတွေ ခံစားရအောင် ပြုဝံ့တယ်။ မင်း အကြိမ်တစ်သောင်း သေရရင်တောင် ဒီအပြစ်ကို ချေဖျက်ဖို့ မဖြစ်နိုင်ဘူး။ ဒါပေမဲ့ ကောင်းကင်ဧကရာဇ်ရဲ့ဓားကို လွှဲပေးမယ်ဆိုရင် မင်းရဲ့ အလောင်းကို မပျက်မစီး ထားခဲ့မယ်"<br /> ဟန်မိသားစု၏ အစစ်အမှန်ဧကရာဇ်များထဲမှ တစ်ဦးက အေးစက်စွာ ပြောလိုက်သည်။</p> <p>"ဝက်တွေနဲ့ ခွေးတွေထက် ပိုဆိုးတဲ့ နောက်ထပ် ငကြောက်တစ်စု"<br /> လုမင်က လျစ်လျူရှုစွာ ပြောလိုက်သည်။</p> <p>တချို့လူများက အံ့အားသင့်သွားကြ၏။ ဤအခြေအနေမျိုးတွင် လုမင်က ဟန်မိသားစုကို ဝေဖန်ဝံ့သည်။ သူက တကယ်ကို သတ္တိကောင်းပေသည်။</p> <p>မျှော်လင့်ထားသည့်အတိုင်း၊ ဟန်မိသားစုမှ ကျွမ်းကျင်သူအားလုံးမှာ ချက်ချင်း ဒေါသပေါက်ကွဲသွားကြသည်။</p> <p>"လုမင်၊ မင်းအတွက် သေတာထက်ပိုဆိုးတဲ့ ကံကြမ္မာကို သေချာပေါက် ခံစားရလိမ့်မယ်။ မင်းရဲ့ စကားတွေအတွက် ကြီးမားတဲ့ တန်ဖိုးကို ပေးဆပ်ရလိမ့်မယ်"<br /> ဟန်မိသားစု၏ အစစ်အမှန်ဧကရာဇ်များထဲမှ တစ်ဦးက အေးစက်စွာ ပြောလိုက်သည်။</p> <p>"အို၊ ဒေါသထွက်တာလား။ မင်းတို့က ရွံစရာကောင်းမှန်း လူတိုင်းသိနေတာကို ဝန်ခံဖို့ ငြင်းဆန်နေသေးတယ်။ တခြားသူတွေက ထောက်ပြလာတဲ့အခါမှာလည်း အရှက်မရှိ အင်အားသုံးပြီး ဖိနှိပ်တယ်။ မင်းတို့က ကိုယ့်ကိုယ်ကိုယ် အတင်းအကြပ်လှည့်စားနေတဲ့ ရွံစရာကောင်းတဲ့ အမှိုက်တွေပဲ"<br /> လုမင်က လျစ်လျူရှုစွာ ပြောလိုက်သည်။ သူ့အသံက ထိုနေရာတစ်ခုလုံးတွင် ပဲ့တင်ထပ်သွား၏။</p> <p>ဟဲမိသားစုနှင့် ဟန်မိသားစုဝင်တို့၏ မျက်နှာများက ရှုံ့မဲ့သွားကြသည်။</p> <p>တခြားသူများက မိစ္ဆာနတ်ဘုရားမျိုးနွယ်ကို တိုက်ခိုက်နေချိန်တွင် သူတို့က အမှန်တကယ် ပုန်းအောင်းနေခဲ့သည်။ ထို့နောက် အ‌ခြေအနေများ ငြိမ်သက်သောအခါ အခြားသူများ၏ နယ်မြေများကို သိမ်းပိုက်ရန် ထွက်ခဲ့ကြ၏။ သူတို့က မည်သို့သောလူမျိုးဖြစ်ကြောင်း သူတို့ကိုယ်တိုင် သိကြသည်။</p> <p>သို့သော်လည်း သူတို့က ဝန်ခံမည် မဟုတ်ပေ။ တခြားသူများကိုလည်း ပြောခွင့်ပြုမည် မဟုတ်ပါ။ ထိုအကြောင်းကို ပြောဝံ့ပါက သေရမည် ဖြစ်သည်။</p> <p>ကိုယ့်ကိုယ်ကိုယ် အတင်းအကြပ်လှည့်စားနေတဲ့ ရွံစရာကောင်းတဲ့ အမှိုက်တွေ...</p> <p>လုမင်၏ ဆိုစကားက သူတို့၏ နားထဲမှာ သံရည်ပူဖြင့် လောင်းချလိုက်သကဲ့သို့ပင်။</p> <p>လူငယ်မျိုးဆက်မှ နှစ်ဦးဆိုလျှင် ရှက်ရွံ့မှု အရိပ်အယောင်တို့ပင် ပေါ်လာခဲ့ကြသည်။ သို့သော်လည်း ချက်ချင်း ဖုံးကွယ်ခဲ့ကြလေသည်။</p>


Save