Book List

<h2 style="text-align: center;">အပိုင်း ( 2010 )</h2> <h2 style="text-align: center;">လုမင် ဘာလုပ်ခဲ့တာလဲ</h2> <h2 style="text-align: center;">*</h2> <p style="text-align:center"> </p> <p style="text-align:center"> </p> <p style="text-align:center"> </p> <p style="text-align:center"> </p> <p><br /> အပေါ်ယံကြည့်မည်ဆိုလျှင်၊ ယွမ်တောင်တွင် မဟာဧကရာဇ် အနည်းငယ်သာရှိသော်လည်း တကယ်တမ်းမှာတော့ ထိုထက်ပို၍ ရှိကြသည်။</p> <p>ထို့ကြောင့် လုမင်၏နောက်ကွယ်တွင် မဟာဧကရာဇ်တစ်ပါး ရှိနေခြင်းက သိပ်တော့ အံ့ဩစရာမရှိပေ။</p> <p>"အဘိုးကြီး၊ မင်းပဲ"<br /> မဟာဧကရာဇ် ထျန်းလော့က မျက်မှောင်ကြုတ်ကာ ဦးလေးခုန်းကို ကြည့်လိုက်သည်။</p> <p>"လုမင်က တာ့ယန်ဆေးခန်းမရဲ့ ခန်းမသခင်ပဲ။ မင်းသူ့ကိုထိဝံ့ရင် ငါမင်းကိုသတ်မယ်"<br /> ဦးလေးခုန်းက ခပ်အေးအေးသာ ပြောလိုက်သော်လည်း သူ့အသံက သတ်ဖြတ်လိုစိတ် အပြည့်ရှိသည်။</p> <p>လူအတော်များများ အံ့အားသင့်သွားကြ၏။ ဤအဘိုးကြီးက အမှန်တကယ် ကြီးစိုးသည်။ ထျန်းလော့ မဟာဧကရာဇ်က လုမင်ကို သတ်ချင်လျှင် မဟာဧကရာဇ် ထျန်းလော့ကို သတ်ရမည်။</p> <p>ဤအဘိုးကြီးက အမှန်ပင် ထိုမျှအစွမ်းထက်ခြင်း ဖြစ်မည်လော။</p> <p>"ငါ့ကိုသတ်မယ်...၊ သန်းခုန်း... မင်းက ယုံကြည်မှုတော်တော်မြင့်မားနေတာပဲ။ မင်းရဲ့ အထွတ်အထိပ်ကာလမှာတောင် ငါ့ကို ဘာမှလုပ်နိုင်မှာမဟုတ်ဘူး။ အခုလို မင်းဒဏ်ရာရနေချိန်မှာ မင်းက ငါ့ရဲ့ပြိုင်ဘက်တောင်ဖြစ်ပါ့မလား"<br /> မဟာဧကရာဇ် ထျန်းလော့က လှောင်ပြောင်လိုက်သည်။</p> <p>မိစ္ဆာနတ်ဘုရားမျိုးနွယ်စုနှင့် တိုက်ပွဲတွင်... မိစ္ဆာနတ်ဘုရားမျိုးနွယ်ဝင် မဟာဧကရာဇ်များကို လောကတံခါးမှတစ်ဆင့် ပို့ဆောင်ရန်အတွက် ယွမ်တောင်၏ မဟာဧကရာဇ်အများအပြား ဒဏ်ရာရရှိခဲ့ကြသည်။</p> <p>မဟာဧကရာဇ်များသည် မဟာလမ်းစဥ်၏ ကာကွယ်မှုကို ရရှိထားသောကြောင့် ထိခိုက်ဒဏ်ရာရရန် ခက်ခဲသည်။ သို့သော်လည်း ၎င်းတို့ ဒဏ်ရာရပြီးသည်နှင့် ပြန်လည်ကောင်းမွန်လာရန် မလွယ်ကူတော့ပေ။</p> <p>ဤကာလအတွင်းတွင် ရှန့် မဟာဧကရာဇ်ကဲ့သို့သော မဟာဧကရာဇ်များက ပြန်လည်ကောင်းမွန်လာစေရန် တိတ်တဆိတ် ကုသနေခဲ့ကြသည်။ သို့သော်လည်း ဦးလေးခုန်းနှင့် မဟာဧကရာဇ် ဝူရှန်းတို့၏ ဒဏ်ရာများက မပျောက်ကင်းသေးသလို ၎င်းတို့၏ တိုက်ပွဲအင်အားသည်လည်း အထွတ်အထိပ်တွင် မရှိသေးပေ။ ထို့ကြောင့် မဟာဧကရာဇ် ထျန်းလော့က ထိုသို့ပြောခဲ့ခြင်း ဖြစ်သည်။</p> <p>"ရွံစရာကောင်းလိုက်တာ၊ သူတို့က မဟာဧကရာဇ်တွေ မိစ္ဆာနတ်ဘုရားမျိုးနွယ်နဲ့ တိုက်ပွဲမှာ ဒဏ်ရာရခဲ့တာကို အခွင့်ကောင်းယူ‌ဖို့ ရောက်လာကြတယ်"<br /> ဟွမ်လီ မနေနိုင်ဘဲ အော်ဟစ်လိုက်သည်။ မဟာဧကရာဇ် ထျန်းလော့၏ အေးစက်သော အကြည့်က ဟွမ်လီအပေါ် ဖြတ်သန်းသွား၏။</p> <p>သို့သော်လည်း ဟွမ်လီက မကြောက်ရွံ့ဘဲ မဟာဧကရာဇ်ထျန်းလော့ကို စိုက်ကြည့်နေဆဲပင်။</p> <p>"ရွှမ်"<br /> ဦးလေးခုန်းက ဘာမှထပ်မပြောတော့ဘဲ သူ့ဓားကို ဓားအိမ်မှ တိုက်ရိုက်ထုတ်လိုက်သည်။ ဤအခိုက်တွင်၊ ဦးလေးခုန်းထံမှ အနှိုင်းမဲ့ ထက်မြက်သော အငွေ့အသက်တို့ ထွက်ပေါ်လာ၏။ သူက အိုမင်းနေသော အဘိုးအိုတစ်ဦးအသွင်မှ ပြိုင်စံရှား ဓားသမားတစ်ဦးအသွင် ပြောင်းလဲလာတော့သည်။</p> <p>"ဝုန်း"<br /> ဒဏ်ရာရနေသော ဦးလေးခုန်းကို ရင်ဆိုင်ရသော်လည်း မဟာဧကရာဇ် ထျန်းလော့ဟာ ပေါ့ပေါ့တန်တန် သဘောမထားဝံ့ပေ။ သူက အရှိန်အဝါများကို အမြင့်ဆုံးထုတ်ဖော်လိုက်သည်။ တံဆိပ်ကြီးတစ်ခုကလည်း သူ့ဦးခေါင်းထက်တွင် လွင့်မျောလာ၏။</p> <p>"မင်းတို့နှစ်ယောက်တည်းနဲ့ လုမင်ကို မကယ်တင်နိုင်မှာ ငါကြောက်တယ်"<br /> ဤအချိန်တွင် အေးစက်သော အသံတစ်ခု ထွက်ပေါ်လာသည်။ ဟဲမိသားစုဝင် ကျွမ်းကျင်သူများ၏ အထက်တွင် ပုံရိပ်တစ်ခု ပေါ်လာခဲ့၏။</p> <p>လူအတော်များများ၏ နှလုံးသားများက တုန်ခါသွားကြသည်။</p> <p>ဟဲမိသားစု၏ မဟာဧကရာဇ်ကြီး ရောက်လာပြီ။</p> <p>မဟာဧကရာဇ်အဆင့် အင်အားစုကြီးသုံးခုမှ မဟာဧကရာဇ်သုံးပါးစလုံး ရောက်ရှိလာကြပြီ ဖြစ်သည်။</p> <p>လုမင်က ယနေ့မှာ အမှန်တကယ်ကို ကိစ္စပြတ်ပြီ။</p> <p>လုမင်၏ဘက်တွင် မဟာဧကရာဇ်နှစ်ပါးရှိသော်လည်း မဟာဧကရာဇ်သုံးပါးကို ရင်ဆိုင်နိုင်မည် မဟုတ်ပေ။ ထို့ပြင်၊ အင်အားစုကြီးသုံးခုမှ ကျွမ်းကျင်သူများကလည်း အများကြီး ရှိခဲ့သည်။</p> <p>လူအတော်များများ သက်ပြင်းချလိုက်ကြလေသည်။</p> <p>"ဝုန်း"<br /> မဟာဧကရာဇ်ဝူရှန်းက အားကောင်းသော အရှိန်အဝါတို့ကို ထုတ်လွှတ်လိုက်သည်။ သို့ရာတွင်၊ ဟန်မိသားစု၏ မဟာဧကရာဇ်သည်လည်း သူ၏ အရှိန်အဝါကို ထုတ်လွှတ်လိုက်၏။ သူက မဟာဧကရာဇ်ဝူရှန်းကို ဟန့်တားထားပြီး လုမင်အတွက် အကူအညီကို ပြတ်စေသည်။</p> <p>"မင်းတို့က မဟာဧကရာဇ်တွေဖြစ်ပြီး အငယ်လေးတစ်ယောက်ကို ကိုင်တွယ်ဖို့ လူအများကြီး စုပေါင်းနေရတယ်။ တကယ်ကို ရှက်စရာပဲ"<br /> မဟာဧကရာဇ် ဝူရှန်းက ပြောလိုက်သည်။</p> <p>"လုမင်က ငါတို့ မိသားစုကြီးနှစ်ခုကြားကို သွေးထိုးခဲ့တာကြောင့် တန်ရာတန်ကြေးကို သူ ပေးဆပ်ရမယ်။ နောက်ပြီးတော့ ဒီနေ့လာခဲ့တာမှာ အကြောင်းတစ်ခု ရှိသေးတယ်။ ဝူရှန်း... မင်းကို ငါတို့ပြောစရာရှိတယ်"</p> <p>"အခုကစပြီး ကောင်းကင်ဧကရာဇ်မြို့တော်ဟာ ဟဲမိသားစုနဲ့ ဟန်မိသားစုရဲ့ ပိုင်ဆိုင်မှုဖြစ်လိမ့်မယ်။ ယွမ်တောင် မြင့်မြတ်သောကျောင်းတော်လည်း အတူတူပဲ။ ဝူရှန်း... မင်း ကောင်းကင်ဧကရာဇ်မြို့တော်ကနေ ထွက်သွားသင့်တယ်"<br /> ဟဲမိသားစု၏ မဟာဧကရာဇ်က အေးစက်စွာ ပြောလိုက်သည်။</p> <p>'ဘာ'</p> <p>လူအများက ထိုစကားကိုကြားသောအခါ ဒေါသထွက်သွားကြသည်။ အထူးသဖြင့်၊ လုမင်နှင့် ယွမ်တောင်မြင့်မြတ်သောကျောင်းတော်မှ ကျန်လူများမှာ ဒေါသပေါက်ကွဲသွား၏။</p> <p>ဟန်မိသားစုနှင့် ဟဲမိသားစုတို့က ယွမ်တောင်မြင့်မြတ်သောကျောင်းတော်ကို သူတို့ကိုယ်ကျိုးအတွက် သိမ်းပိုက်လိုကြသည်။ ၎င်းကို စက်ဆုပ်ရွံရှာဖွယ်ကောင်းသည်ဟု ဖော်ပြ၍ပင် မရတော့ပါ။</p> <p>"ဟားဟားဟား၊ ဘာကို မဟာဧကရာဇ်လဲ။ မင်းတို့က သောက်ရှက်မရှိတဲ့ ခွေးအိုကြီးတွေပဲဖြစ်ရမယ်"<br /> လုမင်က လက်သီးကို ဆုပ်ပြီး လှောင်ပြောင်ရယ်မောလိုက်သည်။</p> <p>သူ့စကားများက ဟဲမိသားစု၏ မဟာဧကရာဇ်၊ ဟန်မိသားစု၏ မဟာဧကရာဇ်နှင့် မဟာဧကရာဇ် ထျန်းလော့တို့ကို မျက်မှောင်ကြုတ်သွားစေခဲ့သည်။ သူတို့က လုမင်ကို စူးရှသော မျက်လုံးများဖြင့် ကြည့်လိုက်ကြ၏။</p> <p>အင်အားစုကြီးသုံးခုမှ အခြားသူများမှာလည်း ဒေါသထွက်ကုန်ကြတော့သည်။</p> <p>"လုမင်၊ မင်း ဘာပြောလိုက်တာလဲ"</p> <p>"မင်းကများ မဟာဧကရာဇ်ကြီးတွေကို စော်ကားဝံ့တယ်။ မင်း သေချင်နေတာပဲ"</p> <p>ဟန်မိသားစုဝင်များနှင့် အခြားလူများက အော်ဟစ်လိုက်ကြသည်။</p> <p>"ငါမှားလို့လား၊ ငါ့အမြင်အရတော့ မင်းတို့ရဲ့ မဟာဧကရာဇ်ကြီးသုံးပါးက မိစ္ဆာနတ်ဘုရားမျိုးနွယ်လောက်တောင် မသန့်ရှင်းကြဘူး"</p> <p>"ယွမ်တောင် မြင့်မြတ်သောကျောင်းတော်ရဲ့ မဟာဧကရာဇ်ကြီးသုံးပါးနဲ့ အခြား မဟာဧကရာဇ်ကြီးတွေက ယွမ်တောင်ကို ကာကွယ်ဖို့အတွက် အသက်စွန့် ကြိုးပမ်းခဲ့ကြတယ်။ နောက်ဆုံးမှာ မဟာမကရာဇ်ကြီး ထျန်းဟော်နဲ့ မဟာဧကရာဇ်ကြီး ဟွင်းထျန်းတို့က အသက်ကိုစတေးခဲ့ပြီး အခြား မဟာဧကရာဇ်ကြီးတွေလည်း ဒဏ်ရာရရှိခဲ့တယ်။ ဒါပေမဲ့ မင်းတို့ကတော့ လိပ်လို ပုန်းအောင်းခဲ့ပြီး အခြေအနေကို အခွင့်ကောင်းယူခဲ့ကြတယ်"</p> <p>"မင်းတို့က သေရမှာကြောက်ရုံတင်မကဘဲ မိစ္ဆာနတ်ဘုရားမျိုးနွယ်ကို တိုက်ခိုက်ခဲ့တဲ့ သူရဲကောင်းတွေရဲ့ နယ်မြေကိုလည်း သိမ်းပိုက်ချင်သေးတယ်။ မင်းတို့ကမှ ခွေးတွေမဟုတ်ရင် ဘာလဲ။ မဟုတ်သေးဘူး... ငါမှားသွားတယ်။ ခွေးတွေတောင် သူတို့ကို အစာ‌ကျွေးသူအပေါ် သစ္စာရှိတယ်။ မင်းတို့ကို ခွေးလို့ခေါ်တာက ခွေးတွေကို စော်ကားတာပဲ"</p> <p>လုမင်က အဆက်မပြတ် ပြောလိုက်သည်။ သူ့ရင်ဘတ်ထဲတွင် ဒေါသဖြင့် မီးလျှံတို့ပင် လောင်ကျွမ်းနေသလို ခံစားရပေသည်။</p> <p>ဟန်မိသားစု၊ ဟဲမိသားစုနှင့် တာ့လော့ကောင်းကင်ဂိုဏ်းတို့မှ လူများလည်း ရှက်ရွံ့ခြင်း၊ ဒေါသဖြစ်ခြင်းတို့ဖြင့် လုမင်ကို စိုက်ကြည့်လိုက်ကြသည်။</p> <p>"ဟမ့်၊ မင်းလေသံကတော့ တော်တော်မြင့်တယ်။ မသိရင် မင်းက အရမ်းကိုကြီးမားတဲ့ ပံ့ပိုးကူညီမှုတွေ ပြုလုပ်ခဲ့သလိုပဲ"</p> <p>"မင်းကိုယ်တိုင်‌ကရော မိစ္ဆာနတ်ဘုရားမျိုးနွယ် ဘာလုပ်နေခဲ့လို့လဲ"</p> <p>ဟဲမိသားစုနှင့် ဟန်မိသားစုတို့မှ လူငယ်များက မနေနိုင်ဘဲ မေးလိုက်ကြသည်။</p> <p>"ငါက မိစ္ဆာနတ်ဘုရားမျိုးနွယ်ကို တိုက်ခိုက်နေခဲ့တာ"<br /> လုမင်က အသံကျယ်ကျယ်ဖြင့် ပြောလိုက်သည်။</p> <p>"မိစ္ဆာနတ်ဘုရားမျိုးနွယ်ကို တိုက်ခိုက်တာလား။ ‌ဒါက ကောင်းမွန်တယ်လို့ ထင်ရပေမဲ့ တကယ်တမ်းမှာတော့ မင်းက ငါးလေးတွေ၊ ကြက်ကလေးတွေကို သုတ်သင်ဖို့ အခွင့်အရေးယူခဲ့ရုံပါပဲ။ ဒါက စစ်ပွဲတစ်ခုလုံးအတွက် ဘယ်လိုအကျိုးသက်ရောက်မှုရှိမှာလဲ။ ကိုယ့်ကိုယ်ကိုယ် အဲဒီလောက် အမွှန်းတင်မနေနဲ့"<br /> ဟီမိသားစုမှ လူငယ်တစ်ဦးက လှောင်ပြောင်လိုက်သည်။</p> <p>"ဟားဟားဟား၊ တကယ်ကို ဘမျိုးဘိုးတူတွေပါပဲ"<br /> ထိုအချိန်တွင်၊ မဟာဧကရာဇ်ဝူရှန်းက လှောင်ပြောင်သရော်ဟန်ဖြင့် ပြုံးလိုက်သည်။ ထို့နောက် သူ့လေသံကိုမြှင့်ပြီး ပြောလိုက်၏။<br /> "ဒါဆိုရင် ဒီနေ့ ငါပြောပြလိုက်မယ်။ လုမင်က မိစ္ဆာနတ်ဘုရားမျိုးနွယ်ကို တိုက်ခိုက်ရာမှာ ဘာတွေလုပ်ခဲ့သလဲ"</p> <p>"တကယ်တမ်း မိစ္ဆာနတ်ဘုရားမျိုးနွယ်က ဖွင့်လှစ်ထားတဲ့ ဟင်းလင်းပြင်လမ်းကြောင်းကို လုမင်က တံဆိပ်ခတ်ခဲ့တာ"<br /> မဟာဧကရာဇ်ဝူရှန်း၏ အသံက ကျယ်လောင်ပြတ်သားပြီး ကောင်းကင်ဧကရာဇ်မြို့တော်တစ်ခုလုံးသို့ ပျံ့နှံ့သွားသည်။</p> <p>"ဘာ၊ လုမင်က ဟင်းလင်းပြင်လမ်းကြောင်းကို တံဆိပ်ခတ်လိုက်တာလား။ အဲဒါ ဘယ်လိုလုပ်ဖြစ်နိုင်မှာလဲ"</p> <p>"လုမင်ရဲ့ ကျင့်ကြံမှုနဲ့ သူက ဘယ်လိုလုပ်နိုင်မှာလဲ"</p> <p>လူအများက မယုံကြည်နိုင်ဟန် ပြသခဲ့ကြသည်။</p> <p>"ဒါက လုံးဝ မဖြစ်နိုင်ဘူး၊ သူက လုမင်ရဲ့ အဆင့်အတန်းကို တမင်တကာ မြှင့်တင်နေတာ"</p> <p>"လုမင်းရဲ့ ကျင့်ကြံမှုနဲ့ဆိုရင် ဒါက ဘယ်လိုဖြစ်နိုင်မှာလဲ။ ဒီလိုဟာသမျိုးကို ဘယ်သူမှ မယုံဘူး"</p> <p>ဟန်မိသားစု၊ ဟဲမိသားစုနှင့် တာ့လော့ကောင်းကင်ဂိုဏ်းတို့မှ လူများက အော်ဟစ်ကာ ငြင်းဆိုလိုက်ကြသည်။</p> <p>"လုမင်က ကစဉ့်ကလျားနိယာမကို အသုံးပြုပြီး ရှေးဟောင်း ကစဉ့်ကလျားကျောက်ပြားကို ပြန်လည်အသက်သွင်းခဲ့တယ်။ အဲဒီအချိန်က ငါတို့အကြီးအကဲတွေဟာ ဟင်းလင်းပြင်လမ်းကြောင်းကို ပိတ်ဖို့တိုက်ပွဲအတွင်းမှာ လုမင်ကိုကူညီခဲ့ရုံပဲ"</p> <p>"မဟာဧကရာဇ်တွေရဲ့ နာမည်နဲ့ ငါကျိန်ဆိုဝံ့တယ်။ ဒါက လုံးဝ အမှန်တရားပဲ။ လုမင်သာမရှိရင် ယွမ်တောင်ဟာ စစ်ပွဲရဲ့ မီးလျှံတွေထဲမှာ ပိတ်မိနေဦးမှာ သေချာတယ်။ ဒါပေမဲ့ အခုတော့ သူတို့က ဒီလိုဂုဏ်ထူးဆောင်ပုဂ္ဂိုလ်ကို သတ်ချင်နေကြတယ်။ မင်းတို့က ဒါကို ဒီအတိုင်းပဲ ကြည့်နေကြတော့မှာလား"<br /> မဟာဧကရာဇ် ဝူရှန်း၏ အသံက ကောင်းကင်ဧကရာဇ်မြို့တော်တစ်ခွင် ပျံ့နှံ့သွားသည်။</p> <p>သူက ကောင်းကင်ဧကရာဇ်မြို့တော်မှ အခြားသူများကို ပြောလိုက်ခြင်း ဖြစ်၏။</p> <p>လူအများ၏ မျက်နှာအမူအရာများ ပြောင်းလဲသွားကြသည်။</p> <p>မဟာဧကရာဇ် ဝူရှန်းက မဟာဧကရာဇ်၏အမည်ဖြင့် ကျိန်ဆိုခဲ့ခြင်းဖြစ်၍ အမှားအယွင်း မရှိနိုင်ပေ။</p> <p>ထိုနေ့က တိုက်ပွဲ၏နောက်ကွယ်တွင် ဤမျှများပြားသော အဖြစ်အပျက်များ ဖြစ်ပျက်ခဲ့လိမ့်မည်ဟု သူတို့ မမျှော်လင့်ထားပါ။</p> <p>ထို့ထက် အကြီးမားဆုံး ဂုဏ်ထူးဆောင်ပုဂ္ဂိုလ်က လုမင်ဖြစ်လိမ့်မည်ဟု မည်သူမျှ မမျှော်လင့်ခဲ့ပေ။ သို့ရာတွင် လုမင်က ဤကိစ္စကို ဘယ်တုန်းကမှ ထုတ်မပြောဘဲ နှုတ်ဆိတ်နေခဲ့သည်။ အင်အားစုကြီးသုံးခု၏ ဖိအားပေးခြင်းကြောင့် မဟာဧကရာဇ် ဝူရှန်းက အမှန်အတိုင်းပြောခဲ့ခြင်းမဟုတ်လျှင် မည်သူမျှတောင် သိရှိနိုင်မည် မဟုတ်ပါချေ။</p> <p>အင်အားစုကြီးသုံးခုက မိစ္ဆာနတ်ဘုရားမျိုးနွယ်ကို ချေမှုန်းရန် အကြီးမားဆုံး ဂုဏ်ထူးဆောင်ခဲ့‌သော ပုဂ္ဂိုလ်ကို သတ်ရန်ကြိုးစားနေကြသည်။</p> <p>"ဝှစ်... ဝှစ်... ဝှစ်..."<br /> လုမင်နှင့် အခြားသူများ၏ နောက်ကွယ်တွင် ပုံရိပ်တချို့ ပေါ်လာခဲ့သည်။ သူတို့ထံမှ အားကောင်းသော အရှိန်အဝါများလည်း ထွက်ပေါ်လာတော့သည်။</p>


Save