Book List

<h2 style="text-align: center;">အပိုင်း (၄၇၇)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"ဒီနေ့ ညစာစားချိန်မှာ မစ်ရှင်ပြီးမြောက်သွားပြီဆိုတော့ ဝင်ငွေရဲ့ ၆၀% အချိုးအစားအသစ်နဲ့ပဲ အခုကစပြီး တွက်ချက်ပေးတော့မှာလား" ယွမ်ကျိုးက တည်ကြည်လေးနက်သော မျက်နှာပေးဖြင့် မေးမြန်းလိုက်သည်။</p> <p> </p> <p>စနစ် "တွက်ချက်မှုကို မနက်ဖြန်မနက်မှ ချိန်ညှိပေးပါမယ်"</p> <p> </p> <p>"စနစ်တစ်ခုဆိုပြီး ဘာလို့ ဒီလောက်တောင် ငွေရှာချင်နေရတာလဲ။ အားလုံးကို ငါ့ဆီပေးလိုက်တာက အလုံခြုံဆုံးပဲလေ" ယွမ်ကျိုးက စနစ်ကို စည်းရုံးရန် ကြိုးစားလိုက်သည်။</p> <p> </p> <p>စနစ် "ဆိုင်ရှင်... ပြီးခဲ့တဲ့တစ်ခေါက် အထည်ဆိုင်သွားပြီးနောက်ပိုင်း ဘဏ်အကောင့်မှာ ငွေသုံးစွဲမှုမှတ်တမ်း လုံးဝမရှိပါဘူး"</p> <p> </p> <p>"ဟ... အခု ငါဘယ်လောက် ချွေတာတတ်လဲဆိုတာ မင်းမြင်ပြီမလား။ ပိုပြီး ချွေတာနိုင်အောင် ဒီနေ့ကစပြီး အချိုးအစားသစ်နဲ့ တွက်ချက်ကြရအောင်" ယွမ်ကျိုးက စနစ်၏ ဆိုလိုရင်းကို လုံးဝလျစ်လျူရှုကာ ဇွတ်အတင်း ပြောလိုက်သည်။</p> <p> </p> <p>စနစ် "ဆိုင်ရှင်ရဲ့ ဝင်ငွေအချိုးအစားနှင့် နှိုင်းယှဉ်ရင်သုံးစွဲတာ မရှိသလောက် ဖြစ်နေတယ်"</p> <p> </p> <p>"မှန်တယ်... အကောင့်ထဲမှာ ဂဏန်းတွေ မြန်မြန်တက်လာတာကို မြင်ရတာ ငါကြိုက်လို့၊ ဒါကြောင့် မသုံးဘဲ ထားရတာကို ပိုကြိုက်တယ်" ယွမ်ကျိုးက ဂုဏ်ယူစွာ ပြောလိုက်သည်။</p> <p> </p> <p>အမှန်တကယ်ပင် ယွမ်ကျိုးသည် ညတိုင်း အိပ်ရာမဝင်မီ ဘဏ်အကောင့်လက်ကျန်ငွေကို စစ်ဆေးရန် စာတိုပို့လေ့ရှိသည်။ သူသည် စိတ်ညစ်သည့်အခါမျိုးတွင် စုဘူးထဲမှ အကြွေစေ့များကို ထုတ်ရေတွက်ရင်း စိတ်သက်သာရာရတတ်သည့် လူစားမျိုး ဖြစ်သည်။</p> <p> </p> <p>"ဆုလာဘ်ကို လက်ခံရယူနိုင်ပါပြီ။ ဆိုင်ရှင်... ကျေးဇူးပြုပြီး လက်ခံပါ" စနစ်က စကားလမ်းကြောင်းလွှဲရန် ကြိုးစားသည်။</p> <p> </p> <p>"ဆုလာဘ်ကိုတော့ မှတ်မိတာပေါ့။ ဒါပေမဲ့ ဝင်ငွေခွဲဝေမှုကိစ္စကိုလည်း မမေ့နဲ့ဦး" ယွမ်ကျိုးက သူရရှိမည့် ဝေစုကိုသာ စွဲမြဲစွာ တွေးနေသည်။</p> <p> </p> <p>စနစ်"မနက်ဖြန်မှ စတင်ပြောင်းလဲပါမည်"</p> <p> </p> <p>"မဟုတ်ဘူး... မဟုတ်ဘူး... မဟုတ်ဘူး။ တရားမျှတမှုအပေါ် အခြေခံပြီး ဆွေးနွေးရအောင်။ ငါတာဝန်ကိုဒီနေ့ပြီးသွားပြီလေ" ယွမ်ကျိုးက လေးနက်သော အမူအရာဖြင့် စတင်ငြင်းခုံတော့သည်။ </p> <p> </p> <p>"ဒါ့အပြင် ဒီနေ့အလုပ်ချိန်က မပြီးသေးဘူးလေ... တွေ့လား" ယွမ်ကျိုးက သူရှိနေသည့် ဘားကောင်တာလေးကို လက်ညှိုးထိုးပြလိုက်သည်။ </p> <p> </p> <p>"ပုံမှန်ဆိုရင် အလုပ်ချိန်ပြီးမှ ဝင်ငွေကို ခွဲဝေယူရတာလေ။ ဒါကြောင့် ခြုံပြောရရင် ဒီနေ့ညနေကစပြီး ၆၀% အချိုးနဲ့ တွက်ချက်သင့်တယ်"</p> <p> </p> <p>ယွမ်ကျိုးက အကြောင်းပြချက်ပေါင်းစုံကို ချောမွေ့စွာ ထုတ်ဖော်ပြောဆိုနေတော့သည်။</p> <p> </p> <p>စနစ်"ဒါပေမဲ့... မနက်စာ နဲ့ နေ့လယ်စာစားချိန်‌တွေမှာမစ်ရှင် မပြီးသေးဘူးလေ" စနစ်က အနည်းငယ် တွန့်ဆုတ်နေပုံရသည်။</p> <p> </p> <p>"ကိစ္စမရှိပါဘူး... ငါလောဘမကြီးဘူး။ ညစာစားချိန်ကစပြီး အချိုးအစားအသစ်နဲ့ တွက်ချက်ပေးရင် ရပြီ" ယွမ်ကျိုးက အင်မတန် ရက်ရောသည့် လူကြီးလူကောင်းတစ်ဦးကဲ့သို့ ပြောလိုက်သည်။</p> <p> </p> <p>"အချက်အလက်များအရ... ဝင်ငွေ ၆၀% ခွဲဝေမှုကို ယနေ့ညစာစားပွဲအတွက်သာ စတင်အကျုံးဝင်စေပါမယ်" စနစ်ကနောက်ဆုံးတွင် အလျှော့ပေးလိုက်ရသည်။</p> <p> </p> <p>"အင်း... ကျေးဇူးတင်ပါတယ် စနစ်ရေ" ယွမ်ကျိုးက တည်ငြိမ်သောအမူအရာဖြင့် ကျေးဇူးတင်စကား ဆိုလိုက်သည်။</p> <p> </p> <p>ကံကောင်းထောက်မစွာဖြင့် စနစ်တွင် လူသားတို့၏ စိတ်ခံစားချက်များ မရှိပေ။ မဟုတ်ပါက ယွမ်ကျိုးကို "ဟင်း... ဟင်း..."  အဓိပ္ပာယ်ပါသော လှောင်ရယ်သံဖြင့် တုံ့ပြန်မိလိမ့်မည်မှာ သေချာသည်။</p> <p> </p> <p>"ဝင်ငွေကိစ္စကို ပျော်ပျော်ရွှင်ရွှင် သဘောတူညီပြီးပြီဆိုတော့... အခု ဆုလာဘ်ကို ပေးတော့လေ" ယွမ်ကျိုးက စိတ်လှုပ်ရှားစွာ ပြောလိုက်သည်။</p> <p> </p> <p>"ဆုလာဘ်ကို ထုတ်ပေးပြီးပါပြီ အခု လက်ခံရယူပါ"</p> <p> </p> <p>"ကောင်းပြီ... ကျွန်တော့်ရဲ့ လက်ရှိအဆင့်ဇယားကို ကြည့်ပါရစေ"  ယွမ်ကျိုးက သူ၏စိတ်ထဲတွင် တိတ်တိတ်လေး ရေရွတ်လိုက်သည်။</p> <p> </p> <p>ထိုအခါ စနစ် က ယွမ်ကျိုး၏ လက်ရှိအခြေအနေကို တိုက်ရိုက်ပြသလိုက်သည်။</p> <p> </p> <p>ဖော််ပြချက်: "ဒီစနစ်က သင်မသိသေးတဲ့ စကြဝဠာတစ်ခုက‌နေလာစတင်ပေါ်ပေါက်လာတာပါ။ စနစ်ကို အလွန်ကျော်ကြားတဲ့ သိပ္ပံပညာရှင် ဒေါက်တာ A က လူသားတွေ ပိုမိုမြင့်မားတဲ့ စိတ်ပျော်ရွှင်မှုကိုရရှိဖို့အတွက်ရည်ရွယ်ပြီး ဖန်တီးခဲ့တာဖြစ်ပါတယ်။ ဒီကမ္ဘာကိုလွန်ခဲ့တဲ့ နှစ် ၂၅၀၀ လောက် ကတည်းကရောက်ရှိလာပြီး စနစ်မှာ ဆိုင်ရှင် ၁၀ ဦးအထိရှိခဲ့ပြီး သင်ဟာ ၁၁ယောက်မြောက် ဆိုင်ရှင်ဖြစ်ပါတယ်"</p> <p> </p> <p>ပန်းတိုင်: " စနစ်က သင့်ကို ‌အနောက်တိုင်းနဲ့ တရုတ်ရိုးရာအစားအစာ ချက်ပြုတ်နည်း အသိပညာတွေကို သင်ပေးပြီး သင့်ကို ထိတ်တန်း စားဖိုမှုးတစ်ယောက် ဖြစ်အောင်လေ့ကျင့်ပေးမှာပါ"</p> <p>ဆိုင်ရှင်: ယွမ်ကျိုး (သာမန်လူသား တရုတ်နိုင်ငံသား)</p> <p> </p> <p>အသက်: ၂၄ နှစ်</p> <p> </p> <p>ရုပ်ပိုင်းဆိုင်ရာ အရည်အသွေး: B (တုံ့ပြန်မှု၊ ခွန်အား၊ ညှိနှိုင်းဆောင်ရွက်မှုနှင့် သွက်လက်မှုတို့အပေါ် အခြေခံထားသည်။)</p> <p> </p> <p>ချက်ပြုတ်ခြင်းစွမ်းရည်: မသိရှိရသေးပါ။</p> <p> </p> <p>စွမ်းရည်: မရှိ‌။</p> <p> </p> <p>ပစ္စည်း: မရှိ။</p> <p> </p> <p>အကဲဖြတ်ချက်: အတွေ့အကြုံမရှိသေးသူ (ဒေသိယအစားအစာတစ်ခုမျှပင် ပြည့်စုံစွာ မကျွမ်းကျင်သော စားဖိုမှူးကို စားဖိုမှူးကြီးဟု မသတ်မှတ်နိုင်ပါ။)</p> <p> </p> <p>လက်ရှိအဆင့်: ၅ (ဝင်ငွေ၏ ၆၀% ကိုလက်ခံရရှိနိုင်ခြင်း)</p> <p> </p> <p>---</p> <p> </p> <p>"တကယ်ပဲ အဆင့်တက်သွားပြီဟ အလယ်အလတ်အဆင့် စားဖိုမှူး ဖြစ်သွားတာ တကယ်ကို ကောင်းတာပဲ"  ယွမ်ကျိုးက ရေရွတ်လိုက်သည်။ အထူးသဖြင့် "ဝင်ငွေ ၆၀%" ဟူသော စာသားကို ကြည့်ကာ သူ အလွန်ပင် ကျေနပ်နေမိသည်။</p> <p> </p> <p>"ကဲ... မစ်ရှင်ရဲ့ ဆုလာဘ်တွေကို ပြပါဦး"</p> <p> </p> <p>စနစ်က ပြီးမြောက်သွားသော မစ်ရှင်နှင့် ရရှိနိုင်သော ဆုလာဘ်များကို ဖော်ပြလာသည် -</p> <p> </p> <p>[မစ်ရှင်ဆုလာဘ်]</p> <p>1. အဆင့်မြှင့်တင်မှု (ပြီးဆုံး)</p> <p>2. ကံစမ်းမဲ (တစ်ကြိမ်)</p> <p>3. အထူးဆုလာဘ်</p> <p>4. အလယ်အလတ်စားဖိုမှူးအတွက် ဆုလာဘ်</p> <p> </p> <p>ရရှိနိုင်သော ဆုလာဘ်များကို မြင်သောအခါ ယွမ်ကျိုးမှာ အလွန်ပင် ပျော်ရွှင်သွားသည်။ သူသည် ဆုံးဖြတ်ချက်ချရာတွင် ပြတ်သားသူ ဖြစ်သော်လည်း ယခုတစ်ကြိမ်တွင် မည်သည့်အရာကို အရင်ယူရမည်နည်း ငါးမိနစ်ခန့် စဉ်းစားနေမိသည်။</p> <p> </p> <p>"ကံစမ်းမဲအရင်နှိုက်ကြည့်မယ်... ဒါနဲ့ ဒီတစ်ခါလည်း ဒေသထွက် အစားအစာအတွဲပဲ ရဦးမှာလား"  ယွမ်ကျိုးက မစတင်မီ စနစ်ကို လှမ်းမေးလိုက်ပါတော့သည်။</p> <p> </p> <p>"စနစ်... ရှိပြီးသား ဒေသထွက် အစားအစာအတွဲကို ထပ်ကျဦးမှာလား" ယွမ်ကျိုးက ထပ်မံအတည်ပြုရာ စနစ်က  တိုတိုရှင်းရှင်း ဖြေကြားသည်။</p> <p> </p> <p>"ဟုတ်ပါတယ်"</p> <p> </p> <p>စနစ်၏ တုံ့ပြန်မှုမှာ စက်ရုပ်ဆန်လွန်းနေသဖြင့် ယွမ်ကျိုး အနည်းငယ် စိုးရိမ်သွားသော်လည်း ဆုလာဘ်အတွက် ရင်ခုန်စွာဖြင့် ကံစမ်းမဲဘီးကို စိတ်ထဲမှ လှည့်လိုက်တော့သည်။ ဘီးရပ်သွားချိန်တွင် စနစ်က ကြေညာလိုက်သည်။</p> <p> </p> <p>"ဂုဏ်ယူပါတယ် ဆိုင်ရှင် ကွမ်တုံအစားအစာအမျိုးမျိုးထဲမှ 'ဒေါင်ကျင်းဟင်းလျာအတွဲ' ကို ရရှိပါပြီ။ ဟင်းလျာစုစုပေါင်း ငါးမျိုး ပါဝင်ပါသည်။ ကျေးဇူးပြု၍ လက်ခံပါ"</p> <p> </p> <p>"ဟမ်... ဒေါင်ကျင်း ဟင်းလျာအတွဲလား" ယွမ်ကျိုးက ဇဝေဇဝါ ဖြစ်သွားသည်။ စနစ်က ထိုဟင်းလျာများမှာ ဟွေ့ကျိုးဒေသကို ကိုယ်စားပြုပြီး ဟတ်ကာလူမျိုးတို့၏ ရိုးရာနှင့် ဆက်စပ်နေကြောင်း Baidu မှ ကူးယူထားသကဲ့သို့ ရှင်းပြနေသည်။</p> <p> </p> <p>ယွမ်ကျိုးက စနစ်ကို လှောင်ပြောင်လိုက်သော်လည်း ဆုလာဘ်ကိုတော့ ဝမ်းသာအားရ လက်ခံလိုက်သည်။ ချက်ချင်းပင် ထိုဟင်းလျာငါးမျိုး၏ ချက်ပြုတ်နည်း ဗဟုသုတများမှာ သူ၏ ဦးနှောက်ထဲသို့ ဝင်ရောက်လာသည်။ သို့သော် အသေးစိတ် စစ်ဆေးကြည့်ပြီးနောက် ယွမ်ကျိုးမှာ အံ့အားသင့်သွားရပြန်သည်။</p> <p> </p> <p>"စနစ်... စုဒုံပို (Su Dongpo)က မင်းရဲ့ ဆွေမျိုးလား အခုရတဲ့ ဟင်းလျာငါးမျိုးထဲက လေးမျိုးက သူနဲ့ ဆက်စပ်နေတယ်နော်"</p> <p> </p> <p>စနစ်က စုဒုံပို (အမည်ရင်း စုရှီ) ၏ နောက်ခံသမိုင်းကြောင်းကို အကျဉ်းချုံး ပြသလိုက်ပြီး ယွမ်ကျိုးကိုလည်း သူ၏ ဗဟုသုတကို ပြန်လည်စစ်ဆေးရန် အကြံပြုသည်။ ယွမ်ကျိုးသည် ဖုန်းဖြင့် အမြန်ရှာဖွေကြည့်လိုက်သောအခါ ဒေါင်ကျင်းဒေသ၏ ဂန္တဝင်ဟင်းလျာ ၁၂ မျိုးအနက် ၆ မျိုးမှာ စုဒုံပိုနှင့် တိုက်ရိုက်ပတ်သက်နေသည်ကို တွေ့လိုက်ရသည်။</p> <p> </p> <p>"အံ့သြစရာပဲ ဆရာစု ဟွေ့ကျိုးကို နန်းတော်ကနေ နှင်ထုတ်ခံရတာတောင် ဒီလောက်များတဲ့ ဟင်းလျာတွေကို ယူလာခဲ့တာလား"ယွမ်ကျိုးက အားကျစွာ ရေရွတ်လိုက်သည်။</p> <p> </p> <p>စုဒုံပို ဆိုသော လူတစ်ယောက်တည်းကပင် ဒေသတစ်ခုလုံး၏ ဟင်းလျာသမိုင်းကို ထောက်ခံပေးထားနိုင်ခြင်းမှာ အမှန်တကယ်ပင် အံ့ဩစရာ ဖြစ်သည်။ ဒေါင်ကျင်းဟင်းလျာများအားလုံးမှာ စုဒုံပို၏ လက်ရာများ၊ စိတ်ကူးများနှင့် တစ်နည်းမဟုတ်တစ်နည်း ဆက်စပ်နေခြင်းမှာ ဤဆုလာဘ်ကို ပို၍ တန်ဖို</p> <p>းရှိစေပါတော့သည်။</p> <p> </p> <p>"ဒီဆုလာဘ်က တကယ်ကို အရမ်းကောင်းတာပဲ"</p> <p> </p> <p> </p> <p> </p> <p> </p> <p style="text-align: center;">***</p>


Save