Book List

<h2 style="text-align: center;">အခန်း (၁၅၁)</h2> <h2 style="text-align: center;">နတ်သားတော်များ စုံစည်းခြင်း</h2> <h2 style="text-align: center;">*</h2> <p> </p> <p> </p> <p> </p> <p>မုန့်ဝမ်သည် ဖားယားတတ်သည့် ထိုလူနှင့် စကားများမနေတော့ဘဲ ဖီးနစ်တောင်ကြားသို့ ပြန်ရောက်သည်နှင့် သွေးပင်လယ်၏ စွမ်းအားကို အသုံးပြု၍ ‘ဝိညာဉ်လက်နက်’ များကို သန့်စင်ရန် ချက်ချင်းပင် တံခါးပိတ် ကျင့်ကြံတော့သည်။</p> <p>တုပေါင်းဆောင် ပွင့်ရန် ၁၀ ရက်သာ လိုတော့သည်။ ပုံမှန်အတိုင်း တဖြည်းဖြည်း ကျင့်ကြံနေခြင်းမှာ အချိန်ဖြုန်းရာ ကျလှသည်။ လက်နက်များကို သန့်စင်ပြီး စွမ်းအားမြှင့်တင်ခြင်းကသာ ပို၍ ထိရောက်သော တိုးတက်မှုကို ရရှိစေမည်ဖြစ်သည်။</p> <p>မုန့်ဝမ်သည် သွေးဝိညာဉ်ပုတီး၊ သွေးမိစ္ဆာပုတီး၊ သွေးရောင်ဓားရှည်နှင့် ယွမ်ဝူ၊ ယွီချီတို့ဆီမှ လုယူထားသော သွေးလက်နက် အားလုံးကို သွေးပင်လယ်ထဲသို့ ပစ်ထည့်လိုက်သည်။</p> <p>သွေးပင်လယ်၏ နက်ရှိုင်းသော နေရာတွင် ပုံသဏ္ဌာန်မျိုးစုံရှိသော သွေးလက်နက် ဒါဇင်ပေါင်းများစွာမှာ နစ်မြုပ်နေကြသည်။</p> <p>သူမ အသက်ရှူလိုက်တိုင်း သွေးရေပမာဏ အမြောက်အမြားမှာ ထိုလက်နက်များကို ပွတ်တိုက်ခြင်း၊ ဖိသိပ်ခြင်းနှင့် ရိုက်ခတ်ခြင်းများကို အဆက်မပြတ် လုပ်ဆောင်နေသည်။</p> <p>အစွမ်းနည်းသော လက်နက်အချို့မှာ ပြင်းထန်သော ဖိအားကို မခံနိုင်ဘဲ “ဘုန်း” ခနဲ အသံနှင့်အတူ ပေါက်ကွဲကာ အစိပ်စိပ်အမွှာမွှာ ဖြစ်သွားကြသည်။ ထိုအစအနများကို သွေးရေများက ပြန်လည် ဆေးကြော သန့်စင်ပေးနေသည်။</p> <p>“ဘုန်း... ဘုန်း... ဘုန်း”</p> <p>အချိန်ကြာလာသည်နှင့်အမျှ အောင်မြင်စွာ ခံနိုင်ရည်မရှိသော လက်နက်များမှာ တစ်ခုပြီးတစ်ခု ပေါက်ကွဲသွားကြသည်။ နောက်ဆုံးတွင် သွေးဝိညာဉ်ပုတီး၊ သွေးမိစ္ဆာပုတီး၊ သွေးရောင်ဓားရှည်၊ ယွမ်ဝူ၏ တံစဉ်နှင့် အခြား လက်နက် ခုနစ်ခု ရှစ်ခုခန့်သာ ကျန်ရှိတော့သည်။</p> <p>မုန့်ဝမ်သည် ပျက်စီးသွားသော လက်နက်များမှ ထွက်လာသည့် အနှစ်သာရများကို ကျန်ရှိသော လက်နက်များထဲသို့ ‘သွေးလမ်းစဉ်ကျင့်စဉ်’ ကို အသုံးပြု၍ ပေါင်းစပ်ထည့်သွင်းပေးလိုက်သည်။</p> <p>သန့်စင်မှု လုပ်ငန်းစဉ်မှာ ဆယ်ပုံတစ်ပုံခန့်သာ ပြီးစီးသေးသော်လည်း ၁၀ ရက်တာ အချိန်မှာ ကုန်ဆုံးသွားခဲ့ပြီ ဖြစ်ရာ တုပေါင်းဆောင်သို့ ထွက်ခွာရန် အချိန်ကျရောက်လာခဲ့သည်။ မုန့်ဝမ်သည် လက်နက်သန့်စင်ခြင်းကို ရပ်တန့်ကာ ဆဋ္ဌမတောင်ထိပ်သို့ ဦးတည်လေသည်။</p> <p>သူမ ရောက်သွားသောအခါ စီနီယာအစ်မ ချင်းလင်မှာ စောင့်နေသည်မှာ ကြာနေပြီဖြစ်သည်။ မုန့်ဝမ်ကို မြင်သောအခါ ချင်းလင်၏ မျက်ဝန်းထဲတွင် အေးစက်သော အလင်းတစ်ခု လက်ခနဲ ဖြစ်သွားပြီး အေးစက်စွာပင် နှုတ်ဆက်လိုက်သည်။</p> <p>“ညီမလေး မုန့်”</p> <p>“နေကောင်းလား စီနီယာအစ်မ ချင်းလင်”</p> <p>မုန့်ဝမ်က ပြုံးရွှင်စွာ ပြန်လည်နှုတ်ဆက်လိုက်သည်။ ချင်းလင်၏ အေးစက်သော အမူအရာကို သူမ ဂရုမစိုက်ဘဲ ဘေးတွင် ရိုသေစွာ ရပ်စောင့်နေသည်။</p> <p>မကြာမီမှာပင် တောင်ထိပ်မှ သွေးရောင်အလင်းတစ်ခုမှာ သူတို့နှစ်ဦး ရှေ့သို့ ကျဆင်းလာသည်။ အလင်းများ ပျောက်ကွယ်သွားသောအခါ ရက်စက်ယုတ်မာသော အသွင်အပြင်ရှိသည့် ချောမောခန့်ညားသော လူတစ်ယောက် ပေါ်လာသည်။</p> <p>သူကား သွေးလမ်းစဉ်၏ နတ်သားတော် ရွှယ်ဝူယာ ပင် ဖြစ်ချေသည်။ အနက်ရောင် ပန်းခက်ပုံစံများ ထိုးထားသော သွေးရောင် ဝတ်စုံကို ဝတ်ဆင်ထားပြီး သူ၏ မျက်ခုံးများကြားရှိ မောက်မာမှုကြောင့် လူတိုင်းမှာ သူ့ကို တိုက်ရိုက်မကြည့်ရဲကြပေ။</p> <p>“သွားကြစို့”</p> <p>ရွှယ်ဝူယာက အပိုစကား မပြောဘဲ တည်ငြိမ်စွာ ဆိုလိုက်ကာ ဦးတည်ချက်တစ်ခုသို့ လျှောက်လှမ်းသွားသည်။ မုန့်ဝမ်နှင့် ချင်းလင်တို့က အမြန်ပင် နောက်က လိုက်သွားကြသည်။</p> <p>“တုပေါင်းဆောင် ပွင့်တော့မယ်။ အရင်ဆုံး လျှို့ဝှက်နေရာတစ်ခုကို သွားရမယ်။ အဲဒီက ‘တယ်လီပို့’  ကနေတစ်ဆင့်မှ တုပေါင်းဆောင်ရဲ့ ပထမထပ်ကို ဝင်လို့ရမှာ။</p> <p>တုပေါင်းဆောင်ထဲမှာ ရတနာတွေ အများကြီးရှိတယ်။ လူတိုင်းက ကိုယ့်အရည်အချင်းနဲ့ကိုယ် လုယူကြရမှာ ဖြစ်သလို တခြားလမ်းစဉ်တွေက ပါရမီရှင်တွေနဲ့လည်း တိုက်ခိုက်ရမှာ သေချာတယ်” ဟု ရွှယ်ဝူယာက ရှင်းပြသည်။</p> <p>လမ်းတလျှောက်တွင် ရွှယ်ဝူယာသည် တုပေါင်းဆောင်အတွင်းရှိ စည်းမျဉ်းများ၊ သတိထားရမည့် အချက်များနှင့် ရရှိနိုင်မည့် ရတနာများအကြောင်းကို အတိုချုပ် ရှင်းပြပေးခဲ့သည်။</p> <p>သူ၏ လေသံမှာ အေးဆေးနေသော်လည်း ငြင်းပယ်၍မရသော အာဏာ ပါဝင်နေသည်။</p> <p>“မှတ်ထား... တုပေါင်းဆောင်ထဲ ရောက်ရင် ငါ့ရဲ့ အမိန့်ကိုပဲ နာခံရမယ်။ ခဏတာ အကျိုးအမြတ်အတွက် လောဘမကြီးကြနဲ့” ဟု သူက သတိပေးလိုက်သည်။</p> <p>ချိုင့်ဝှမ်းတစ်ခုသို့ ရောက်သောအခါ ရွှယ်ဝူယာက ရပ်လိုက်ပြီး အောက်ဘက်ရှိ ချိုင့်ဝှမ်းကို ကြည့်ကာ အဓိပ္ပာယ်ပါသော အပြုံးတစ်ခု ပြုံးလိုက်သည်။</p> <p>“ဒါက ‘လျှို့ဝှက်နယ်မြေ’ ရဲ့ အဝင်ဝပဲ”</p> <p>သူတို့ သုံးဦး ချိုင့်ဝှမ်းကို ဖြတ်ကျော်လိုက်သောအခါ မြင်ကွင်းမှာ ရုတ်တရက် ကျယ်ပြန့်သွားသည်။ ကွင်းပြင်ထဲတွင် ရှေးဟောင်း တယ်လီပို့ စက်ကွင်းတစ်ခုမှာ ဝိညာဉ်အလင်းတန်းလေးများ ထုတ်လွှတ်လျက် တည်ရှိနေသည်။</p> <p>စက်ကွင်းအနီးတွင် ကျင့်ကြံသူ အများအပြား ရှိနေသော်လည်း သူတို့မှာ လမ်းစဉ်ငယ်လေးများမှ တပည့်များသာ ဖြစ်ဟန်တူသည်။</p> <p>ထိုစဉ် လူအချို့မှာ အဝေးမှ ပျံသန်းလာပြီး စက်ကွင်းဘေးသို့ ဆင်းသက်လိုက်ကြသည်။</p> <p>“ရွှယ်ဝူယာ... မင်း ရောက်တာ စောသားပဲ”</p> <p>စကားပြောသူမှာ ဝတ်စုံနက်ကို ကျပ်ထုတ်နေအောင် ဝတ်ထားပြီး ‘ယင်’ စွမ်းအင်များ ဝန်းရံထားသည့် ‘ဝိညာဉ်လမ်းစဉ်’ ၏ နတ်သားတော် ဖြစ်သည်။</p> <p>သူ၏ ဘေးတွင်မူ ဆွဲဆောင်မှုရှိသော အနီရောင်ဝတ်စုံနှင့် ‘မိစ္ဆာလမ်းစဉ်’ ၏ နတ်သမီးတော် ရှိနေသည်။</p> <p>ရွှယ်ဝူယာက နှာခေါင်းရှုံ့လိုက်ကာ - “မင်းတို့လည်း မနောက်ကျပါဘူး” ဟု အေးစက်စွာ တုံ့ပြန်လိုက်သည်။</p> <p>ဝိညာဉ်လမ်းစဉ် နတ်သားတော်က မုန့်ဝမ်ကို တစ်ချက်ကြည့်ကာ စူးရှသော အသံဖြင့် ရယ်မောလိုက်သည်။ “မင်း နောက်လိုက်အသစ် ကောင်းကောင်းတစ်ယောက် ရထားတယ်လို့ ကြားတယ်။ ဒီနေ့တော့ ငါကိုယ်တိုင် မြင်ရတာပေါ့”</p> <p>မိစ္ဆာလမ်းစဉ် နတ်သမီးတော်က ပါးစပ်ကို ပိတ်ကာ တခိခိ ရယ်မောလိုက်ပြီး မုန့်ဝမ်နှင့် ချင်းလင်ကို ကြည့်ကာ အဆိပ်လူးထားသော စကားများကို ဆိုလိုက်သည်။</p> <p>“နတ်သားတော် ရွှယ်... မင်းက တကယ့်ကို ကံကောင်းတာပဲ။ ဒီလို အသားဖြူဖြူ ချောချောလှလှလေး နှစ်ယောက်က သနားစရာလေးတွေပါ။ မင်းက သူတို့ကို သနားလို့ တုပေါင်းဆောင်ထဲကို ဗဟုသုတရအောင် ခေါ်လာတာလား၊ ဒါမှမဟုတ် ရတနာလုဖို့ ခေါ်လာတာလား”</p> <p>ဝိညာဉ်လမ်းစဉ် နတ်သားတော်က ကျောက်သင်ပုန်းကို လက်သည်းဖြင့် ခြစ်လိုက်သကဲ့သို့ နားမခံသာသော အသံဖြင့် ထပ်မံ ရယ်မောလိုက်ပြန်သည်။ “ရွှယ်ဝူယာ... ပြီးခဲ့တဲ့အကြိမ်က သင်ခန်းစာကို မေ့သွားပြီလား။ ဝန်ထုပ်ဝန်ပိုး နှစ်ခုကို ခေါ်လာတာ... အရင်တုန်းကလို လက်ဗလာနဲ့ ပြန်ရမှာ မကြောက်ဘူးလား”</p> <p>ရွှယ်ဝူယာ၏ မျက်နှာမှာ မပြောင်းလဲဘဲ - “မင်းတို့ စိုးရိမ်တာ များသွားပြီ။ ဒါပေမဲ့ သူတို့ကို ဒုက္ခပေးဖို့ မကြိုးစားကြနဲ့၊ မဟုတ်ရင် မင်းတို့ကိုယ်တိုင် ပြဿနာတက်လိမ့်မယ်” ဟု အေးအေးဆေးဆေးပင် ပြောလိုက်သည်။</p> <p>မိစ္ဆာလမ်းစဉ် နတ်သမီးတော်က မျက်လုံးထဲတွင် အေးစက်သော အလင်းတန်းတစ်ခု လက်ခနဲ ဖြစ်သွားကာ - “နတ်သားတော် ရွှယ်... မင်းက ကိုယ့်ကိုယ်ကိုယ် ယုံကြည်မှု လွန်ကဲနေတာ မဟုတ်ဘူးလား” ဟု မေးလိုက်သည်။</p> <p>ဘေးဘက်မှ ဝိညာဉ်လမ်းစဉ် နတ်သားတော်ကလည်း နှာခေါင်းရှုံ့လိုက်သည်။ “တုပေါင်းဆောင်ထဲမှာတော့ ကိုယ့်အရည်အချင်းနဲ့ကိုယ်ပဲ။ ဘယ်သူနိုင်မလဲဆိုတာ စောင့်ကြည့်ရမှာပေါ့”</p> <p>နှစ်ဖက်စလုံးမှာ စကားကောင်း ပြောနေကြသော်လည်း အတွင်းစိတ်ထဲတွင်မူ ပြင်းထန်သော တိုက်ပွဲတစ်ခု စတင်နေချေပြီ။</p> <p>“ဟက်... ဒါဆိုရင်လည်း စောင့်ကြည့်တာပေါ့”</p> <p>ရွှယ်ဝူယာက လက်အင်္ကျီကို ခါလိုက်ပြီး တယ်လီပို့ စက်ကွင်းထဲသို့ ပထမဆုံး ဝင်ရောက်လိုက်သည်။</p> <p>မုန့်ဝမ်သည် ခေါင်းငုံ့ထားရင်း မိစ္ဆာလမ်းစဉ် နတ်သမီးတော်ကို ခိုးကြည့်လိုက်ရာ ထူးဆန်းသော အရာတစ်ခုကို သတိထားမိလိုက်သည်။ နတ်သမီးတော်၏ ခန္ဓာကိုယ်တွင် မိစ္ဆာစွမ်းအင်များအပြင် သွေးစွမ်းအင် အနည်းငယ်လည်း ရောယှက်နေသဖြင့် သူမသည် ‘သွေးလမ်းစဉ်ကျင့်စဉ်’ ကိုလည်း ကျင့်ကြံထားကြောင်း သိလိုက်ရသည်။ ထို့ပြင် ဝိညာဉ်လမ်းစဉ် နတ်သားတော်၏ စွမ်းအင်များမှာလည်း သန့်စင်မနေဘဲ တစ်ခုခုနှင့် ရောထွေးနေသည်ကို သတိပြုမိသည်။ ထိုနတ်သားတော်များသည် လမ်းစဉ်တစ်ခုတည်းနှင့် မကျေနပ်ကြဘဲ အခြားလမ်းစဉ်များမှ စွမ်းအားများကို ပေါင်းစပ်ရန် ကြိုးစားနေကြဟန် တူသည်။</p> <p>ထိုစဉ် နောက်ထပ် လူအချို့ ရောက်လာကြပြန်သည်။ ရှေ့ဆုံးမှ အမျိုးသမီးမှာ အနက်ရောင်ဝတ်စုံကို ဝတ်ဆင်ထားပြီး ‘အဆိပ်’ အငွေ့အသက်များ ဝန်းရံထားသည်။ သူမကား ရွှယ်ဝူယာ၏ မဟာမိတ် ‘အဆိပ်လမ်းစဉ်’ ၏ နတ်သမီးတော် ‘လွီရှောက်’ ပင် ဖြစ်သည်။ သူမသည် ရွှယ်ဝူယာကို ခေါင်းညိတ် နှုတ်ဆက်လိုက်သော်လည်း အနားသို့ မလာဘဲ တစ်နေရာတွင် တင်ပျဉ်ခွေထိုင်ကာ စောင့်နေလိုက်သည်။</p> <p>သူမ၏ နောက်တွင် ‘ဂူလမ်းစဉ်’(အဆိပ်ဂူလမ်းစဉ်က မပြေလို့ ဂူလို့ပြောင်းထားပါတယ်)  နှင့် ‘ခွန်အားလမ်းစဉ်’ နတ်သားတော်များလည်း အတူတူ ရောက်လာကြသည်။ ဂူလမ်းစဉ် နတ်သားတော်မှာ ဖျော့တော့သောအသွင်ရှိပြီး အားနည်းဟန် ပေါ်သော်လည်း၊ ခွန်အားလမ်းစဉ် နတ်သားတော်မှာမူ ကျန်းမာသန်စွမ်းပြီး စွမ်းအင်များ ပြည့်ဝနေပုံရသည်။</p> <p>နတ်သားတော်များ အားလုံး စုံစည်းသွားသောအခါ လေထုမှာ ပို၍ တင်းမာလာပြီး မည်သူမျှ စကားမဟရဲကြတော့ဘဲ တိတ်ဆိတ်ငြိမ်သက်သွားတော့သည်။</p> <p>***</p> <p> </p>


Save