Book List

<h2 style="text-align: center;">အခန်း ၁၁</h2> <h2 style="text-align: center;">ကောင်းကင်ဘုံသို့ တက်လှမ်းမည့် တောင်ကို တက်ခြင်း၊ ထူးခြားသော လမ်းစဉ်တစ်ခုကို ဖွင့်လှစ်ခြင်း</h2> <h2 style="text-align: center;">*</h2> <p> </p> <p> </p> <p>ကျယ်ပြောပြီး အဆုံးအစမဲ့သော မြေပြင်ပေါ်တွင် သပ်ရပ်စွာ စီစဉ်ထားသော လယ်ကွင်းများ ရှိနေခဲ့သည်။</p> <p>ဝိညာဉ်နယ်မြေတွင်လည်း လယ်ကွင်းများ ရှိနေကြောင်း ထင်ရှားပေ၏။</p> <p>သို့သော် ဤလယ်ကွင်းများတွင် စိုက်ပျိုးထားသော အရာများမှာ များပြားလွန်းလှသည်။</p> <p>အပြင်ဘက်ဆုံးအလွှာတွင် စပါးခင်းများ ပါဝင်ပြီး တစ်ချက်ကြည့်လိုက်လျှင် ပြင်ပကမ္ဘာရှိ စပါးများနှင့် သိသာထင်ရှားသော ကွာခြားချက် မရှိပုံရပေ၏။</p> <p>သို့သော် ၎င်းတို့အတွင်း ပါဝင်သော ဝိညာဉ်ရေးရာ အနှစ်သာရများကို ကြည့်လျှင် ဤစပါးစေ့များမှာ သာမန်မဟုတ်ကြောင်း သက်သေပြနေခဲ့သည်။</p> <p>ဒုတိယအလွှာတွင် သစ်သီးမျိုးစုံ ပါဝင်ပြီး၊ ၎င်းတို့ တစ်ခုချင်းစီတိုင်းသည် ပုံဆောင်ခဲကဲ့သို့ ကြည်လင်နေကာ ကြွယ်ဝသော သစ်သီးရနံ့များကို ထုတ်လွှတ်နေခဲ့၏။</p> <p>ကောင်းကင်ယံ ပေတစ်ရာခန့် အမြင့်မှပင် ၎င်းတို့ကို ရှင်းလင်းစွာ မြင်နိုင်ပေသည်။</p> <p>အတွင်းဘက်သို့ ပိုမိုဝင်ရောက်သွားသောအခါ မြင့်မားသော သစ်ပင်ကြီးများ ရှိနေပြီး အချို့မှာ ပွင့်လန်းနေကာ အချို့မှာ အသီးများ သီးနေပြီ ဖြစ်၏။</p> <p>ထိုသစ်ပင်ကြီးများအထက်တွင် လင်းရီသည် ယူဟန် ဝင်္ကပါပြား ပေါ်ရှိ ပုံစံများနှင့် အလွန်ဆင်တူသော လျှို့ဝှက်ဆန်းကြယ်သည့် ပုံစံများကို မြင်တွေ့ခဲ့ရသည်။</p> <p>လယ်ကွင်းများအတွင်း၌ အလုပ်လုပ်နေသော သက်ရှိမျိုးစုံလည်း ရှိနေခဲ့၏။</p> <p>လယ်ကွင်းရိုးများကြားတွင် သွားလာလှုပ်ရှားနေသော လူနှင့်တူသည့် သက်ရှိများ ရှိနေပြီး၊ ပေါင်းသင်ခြင်း သို့မဟုတ် ရိတ်သိမ်းခြင်းများ ပြုလုပ်နေကာ ပေါကြွယ်ဝမှုများဖြင့် ပြည့်နှက်နေသော လေထုတစ်ခုကို ဖန်တီးပေးနေခဲ့သည်။</p> <p>ထို့ပြင် အဝေးရှိ မြစ်ကြီးတစ်ခုမှ ပျံဝဲထွက်ပေါ်လာသော နှင်းကဲ့သို့ ဖြူဖွေးသည့် နဂါးများလည်း ရှိနေကာ လယ်ကွင်းများအထက်တွင် ဝဲပျံနေကြပြီး ၊ တစ်ချက် မှုတ်ထုတ်လိုက်ရုံဖြင့် ကောင်းကင်အပြည့် မိုးဖွဲများကို ရွာသွန်းစေကာ ပြန့်ကျဲစွာ ကျဆင်းလာစေသည်။</p> <p>လယ်ကွင်းများ၏ အဆုံးတွင် တိမ်များထဲသို့ ထိုးတက်နေသော မြင့်မားသည့် တောင်တန်းတစ်ရာ ရှိနေခဲ့သည်။</p> <p>၎င်းတို့မှာ အမှန်တကယ်ပင် ပေတစ်သောင်းခန့် မြင့်မားသော တောင်များဖြစ်ပြီး၊၎င်းတို့၏ တောင်ထွတ်များကို မမြင်နိုင်ဘဲ တောင်ခါးပန်းများတွင် ရစ်ပတ်နေသော တိမ်များကိုသာ မြင်တွေ့နိုင်သည်။ ၎င်းတ်ို့သည် အမှန်တကယ်ပင် အင်မော်တယ်များ၏ ရတနာနယ်မြေတစ်ခု ဖြစ်ပေသည်။</p> <p>တောင်ပေါ်တွင် ထူးဆန်းသော ပန်းများနှင့် ရှားပါးသော ဆေးဖက်ဝင်အပင်များစွာ ပေါက်ရောက်နေပြီး၊ မြူခိုးတိမ်တိုက်များကြားတွင် ပုန်းကွယ်နေသော ခမ်းနားလှသည့် နန်းတော်များလည်း ရှိနေကာ လှပသော ပန်းချီကားတစ်ချပ်နှင့် တူနေပေသည်။</p> <p>ရံဖန်ရံခါ ကောင်းကင်ယံကို ဖြတ်ပျံနေသော ကြိုးကြာငှက်တန်းများကိုလည်း မြင်တွေ့နိုင်ပြီး သွက်လက်ကာ အသက်ဝင်မှုများ အပြည့်ရှိနေခဲ့၏။</p> <p>မည်သူပင်ဖြစ်စေ ဤနေရာသည် အင်မော်တယ်များ၏ ကောင်းချီးနယ်မြေ ဖြစ်ကြောင်း သံသယဝင်မည် မဟုတ်ချေ။</p> <p>တောင်တစ်ရာ ၏ ဗဟိုတွင် မြင့်မားသော စင်မြင့်တစ်ခု ရှိနေခဲ့သည်။</p> <p>မြင့်မားသော စင်မြင့်မှာ ပေသုံးဆယ်ခန့်သာ မြင့်သော်လည်း ၎င်းသည် တောင်တစ်ရာ ၏ အဓိက အာရုံစိုက်ရာနေရာ ဖြစ်လာခဲ့၏။</p> <p>မည်သည့်ဘက်မှ ကြည့်သည်ဖြစ်စေ ၎င်းကို ရှင်းလင်းစွာ မြင်တွေ့နိုင်ပေသည်။</p> <p>မြင့်မားသော စင်မြင့်တစ်ခုလုံးသည် ကျောက်စိမ်းပမာ ဖြူဖွေးတောက်ပနေပြီး၊ အမည်မသိ ပစ္စည်းတစ်ခုဖြင့် ပြုလုပ်ထားကာ မှိန်ဖျော့ဖျော့ အလင်းရောင်များကို ထုတ်လွှတ်နေသည်။</p> <p>ဤအချိန်တွင် ထိုမြင့်မားသော စင်မြင့်ပေါ်၌ များစွာသော သက်ရှိများသည် တစ်လှမ်းချင်း တက်လှမ်းနေကြပြီး၊ တစ်ခါတစ်ရံတွင် တစ်စုံတစ်ဦးသည် ရပ်တန့်သွားကာ သူတို့၏ ခန္ဓာကိုယ်မှ တောက်ပသော အလင်းရောင်များ ပေါက်ကွဲထွက်လာကြပြီး၊ တစ်ခါတစ်ရံတွင် တစ်စုံတစ်ဦးသည် မလိုလားသော မျက်နှာအမူအရာဖြင့် နောက်ဆုတ်သွားတတ်ကြသည်။</p> <p>ဤကောင်းကင်နှင့် မြေကြီးတွင် ဝိညာဉ်ချီများသည် ကောင်းကင်မြစ်ပမာ အောက်သို့ စီးကျနေပြီး၊ ရံဖန်ရံခါ ဝိညာဉ်ရေးရာ အလင်းရောင် အစက်အပြောက်လေးများကို လှုံ့ဆော်ပေးလျက် ရှိသည်။</p> <p>ဤသည်မှာ ကောင်းကင်နှင့် မြေကြီး၏ စွမ်းအားသည် အလွန်အမင်း စုစည်းသွားသော အခြေအနေသို့ ရောက်ရှိသွားသောအခါ အစိုင်အခဲ ဖြစ်သွားသည့် ဖြစ်စဉ်တစ်ခု ဖြစ်ပေသည်။</p> <p>ထိုသို့သော နေရာတွင် အချိန်ကြာမြင့်စွာ ကျင့်ကြံပါက၊ ကျင့်ကြံခြင်း အမြန်နှုန်းမှာ မည်မျှမြန်ဆန်မည်ကို စိတ်ကူးကြည့်ရန်ပင် ခက်ခဲလှပေ၏။</p> <p>"အဲဒါ အရိုးစစ်ဆေးရေးစင်မြင့် ပဲ..."</p> <p>"ဒါက မင်းတို့ ရင်ဆိုင်ရမယ့် ဒုတိယမြောက် စမ်းသပ်မှုလည်း ဖြစ်တယ်..."</p> <p>"ဒါကို တက်လှမ်းခြင်းလမ်းစဉ် လို့ ခေါ်တယ်..."</p> <p>"ခြေလှမ်း တစ်ရာ တက်နိုင်တဲ့သူတွေက ဂိုဏ်းထဲကို ဝင်ခွင့်ရမယ်..."</p> <p>ကျိုးယွင်သည် ယူဟန် ဝင်္ကပါပြား ကို ထိန်းချုပ်နေသော ကျင့်ကြံသူအား အချက်ပြလိုက်ပြီးနောက်၊ လူတိုင်းကို လယ်ကွင်းရိုးများပေါ်သို့ ဆင်းသက်ရန်် တည်ငြိမ်စွာ ပြောလိုက်၏။</p> <p>"ခြေလှမ်း တစ်ရာ တက်နိုင်ရင် ဂိုဏ်းထဲ ဝင်ခွင့်ရတယ်ပေါ့..."</p> <p>"ခြေလှမ်း နှစ်ရာ၊ ခြေလှမ်း သုံးရာ... ဒါမှမဟုတ် ခြေလှမ်း တစ်ထောင့်နှစ်ရာ ဆိုရင်ကော..."</p> <p>လူငယ်တစ်ဦးက မနေနိုင်ဘဲ မေးလိုက်သည်။</p> <p>"အရိုးစစ်ဆေးရေးစင်မြင့် ပေါ်မှာ ပထမ ခြေလှမ်း ငါးရာက အခြေခံ တပည့်တွေအတွက်ပဲ..."</p> <p>"ခြေလှမ်း ငါးရာ ကနေ တစ်ထောင် အထိက တောင်တစ်ရာ ရဲ့ အတွင်းစည်း တပည့်တွေ ဖြစ်လာမယ်..."</p> <p>"ခြေလှမ်း တစ်ထောင် ကို ကျော်ဖြတ်နိုင်ရင် စစ်မှန်တဲ့ တပည့်တွေ ဖြစ်လာမယ်..."</p> <p>"ခြေလှမ်း တစ်ထောင့်နှစ်ရာ ကို ရောက်ပြီး အရိုးစစ်ဆေးရေးစင်မြင့် ပေါ်ကို တကယ် တက်နိုင်တဲ့ သူတွေအတွက်ကတော့ ...သူတို့က အတွင်းစည်းဂိုဏ်းရဲ့ အပြင်စည်း တပည့်တွေ ဖြစ်လာနိုင်တယ်..."</p> <p>ကျိုးယွင်သည် လူတိုင်းကို ဖြည်းညင်းစွာ ရှေ့သို့ ဦးဆောင်သွားရင်း တည်ငြိမ်စွာ ပြောလိုက်၏။</p> <p>"အတွင်းစည်း ဂိုဏ်းရဲ့ အပြင်စည်း တပည့်တွေလား..."</p> <p>၎င်းကို ကြားသောအခါ လူတိုင်း အံ့အားသင့်သွားကြသည်။</p> <p>"အရိုးစစ်ဆေးရေးစင်မြင့် ပေါ်ကို တက်နိုင်တာက ဒီလူမှာ အမြင့်မြတ်ဆုံးနဲ့ အသန်မာဆုံး ပါရမီ ရှိတယ်ဆိုတာကို ညွှန်ပြနေတယ်..."</p> <p>"ဒီလိုလူတွေကို အတွင်းစည်း ဂိုဏ်းအောက်မှာ စာရင်းသွင်းလိမ့်မယ်..."</p> <p>"သူတို့ကို ယာယီအားဖြင့် တောင်တစ်ရာ ရဲ့ တောင်သခင် က တိုက်ရိုက် သင်ကြားပေးလိမ့်မယ်..."</p> <p>"နောက်ဆုံးမှာ သူတို့က ရွှေရောင်အမြူတေ အဆင့်ကို ရောက်သွားပြီးရင် အတွင်းစည်း တပည့်တွေ ဖြစ်လာကြလိမ့်မယ်..."</p> <p>ကျိုးယွင်က ဖြည်းညင်းစွာ ပြောလိုက်၏။</p> <p>"ဒါဆို အကောင်းဆုံး ရလဒ်ရခဲ့ရင်ရော ဘယ်လိုဖြစ်မလဲ..."</p> <p>လင်းရီက မေးလိုက်သည်။</p> <p>"အကောင်းဆုံးဆိုရင်တော့ သူတို့က ကိုယ်ပိုင် တောင်ကို တည်ထောင်ပြီး ကိုယ်ပိုင် တာအိုကို ဖွင့်လှစ်နိုင်တယ်လေ..."</p> <p>ကဲ့ချင် က ကျိုးယွင်ကို အဓိပ္ပာယ်ပါပါ ကြည့်ကာ ပြုံးလိုက်၏။</p> <p>"ကိုယ်ပိုင် တောင်ကို တည်ထောင်ပြီး ကိုယ်ပိုင် တာအိုကို ဖွင့်လှစ်တယ်ပေါ့..."</p> <p>လင်းရီ အံ့အားသင့်သွားခဲ့သည်။</p> <p>ဤနေရာသို့ ရောက်လာသော လူများထဲတွင် လင်းရီ၏ ချီသန့်စင်ခြင်း ဒုတိယအဆင့်သည် လူတိုင်းထက် အားသာချက် ဖြစ်နေပြီ ဖြစ်၏။</p> <p>သို့တိုင်အောင် သူသည် ဝိညာဉ်နယ်မြေတွင် အဆင့်နိမ့် ကျင့်ကြံသူ တစ်ဦးသာ ဖြစ်နေသေးသည်။</p> <p>ထိုသို့သော ကျင့်ကြံခြင်းမျိုးဖြင့် မည်သို့ ကိုယ်ပိုင် တာအိုကို ဖွင့်လှစ်ကာ ကိုယ်ပိုင် တောင်ကို တည်ထောင်နိုင်မည်နည်း။</p> <p>"ခြေလှမ်း တစ်ထောင့်နှစ်ရာ ကို တက်ပြီး အရိုးစစ်ဆေးရေးစင်မြင့် ထဲကို ဝင်နိုင်တာကို ဒွါဒသမအဆင့် အောင်မြင်မှုလို့ သတ်မှတ်တယ်..."</p> <p>"အကယ်၍ လူတစ်ယောက်ရဲ့ အရိုးတည်ဆောက်ပုံက ငါတို့တောင်တစ်ရာ နဲ့ အပြည့်အဝ ကိုက်ညီမယ်ဆိုရင်တော့ သဘာဝကျကျ အကောင်းဆုံးပေါ့.."</p> <p>"ဒါပေမဲ့ ကောင်းကင်တာအို က အကန့်အသတ် မရှိဘူး..."</p> <p>"အကယ်၍ လူတစ်ယောက်ဟာ  ငါတို့ တောင်တစ်ရာမှာ ရှိတဲ့ တာအိုတစ်ရာနဲ့ မကိုက်ညီဘူးဆိုရင်တော့ တာလော့အင်မော်တယ်ဂိုဏ်း က အဲ့လိုလူကို သင်ကြားပေးနိုင်မှာ မဟုတ်ဘူး..."</p> <p>"ဒါပေမဲ့ ငါတို့ရဲ့ တာလော့အင်မော်တယ်ဂိုဏ်း မှာ ကြီးမားတဲ့ သတ္တိတွေ ရှိတယ်..."</p> <p>"သင်ပေးနိုင်တဲ့သူ မရှိရင် သူတို့ဘာသာ တာအိုကို တည်ထောင်ခွင့် ပေးလိုက်တယ်လေ..."</p> <p>"တောင်တစ်ရာ ရဲ့ အနှစ်သာရ အားလုံးကို အသုံးချလို့ ရတယ်..."</p> <p>"ဒါက ငါတို့ရဲ့ တာလော့အင်မော်တယ်ဂိုဏ်း ကို နောက်ထပ် ကြီးမြတ်တဲ့ တာအိုအမွေအနှစ် တစ်ခု ရလာစေမှာပဲ..."</p> <p>"ငါတို့ရဲ့ တာလော့အင်မော်တယ်ဂိုဏ်း က ဝိညာဉ်နယ်မြေမှာရှိတဲ့ ထိပ်တန်း အင်မော်တယ်ဂိုဏ်း ငါးခုစာရင်းမှာ ပါဝင်နိုင်တယ်ဆိုတာက ဒီကြီးမားတဲ့ သတ္တိကြောင့်ပဲ..."</p> <p>ကဲ့ချင် ၏ မျက်နှာပေါ်တွင် ဂုဏ်ယူမှုနှင့် ဝင့်ကြွားမှုများဖြင့် ပြည့်နှက်နေခဲ့၏။</p> <p>လင်းရီနှင့် အခြားသူများအားလုံး ၎င်းကို ကြားသောအခါ အံ့အားသင့်သွားကြသည်။</p> <p>သင်ပေးနိုင်သူ မရှိပါက သူတို့၏ ကိုယ်ပိုင် တာအိုကို တည်ထောင်ရာတွင် ကူညီရန် တောင်တစ်ရာ၏ အနှစ်သာရကို အသုံးချခွင့်ပေးမည်။</p> <p>ဂိုဏ်းတွင် နောက်ထပ် တာအိုတစ်ခုကို မွေးဖွားခွင့်ပြုမည်။</p> <p>ထိုသို့သော သတ္တိနှင့် အမြင်မျိုးက မည်သို့ အံ့ဩစရာ မကောင်းဘဲ နေမည်နည်း။</p> <p>"အဲဒီလို အောင်မြင်ခဲ့တဲ့သူ ရှိဖူးလား..."</p> <p>လင်းရီက မေးလိုက်၏။</p> <p>"သဘာဝကျကျ ရှိဖူးတာပေါ့..."</p> <p>ကျိုးယွင်က ခေါင်းညိတ်လိုက်သည်။</p> <p>"တာလော့အင်မော်တယ်ဂိုဏ်း ကို စတင်တည်ထောင်တုန်းက တောင် ရှစ်ဆယ့်တစ်လုံး ရှိခဲ့တယ်..."</p> <p>"နောက်ပိုင်းမှာ သူတော်စင်တွေနဲ့ ပညာရှိတွေက တာအိုကို ရရှိခဲ့ကြပြီး တောင် ဆယ့်ခြောက်လုံး ထပ်တိုးလာလို့ တောင် ကိုးဆယ့်ခုနစ်လုံး ဖြစ်လာခဲ့တယ်..."</p> <p>"ကျန်တဲ့ တောင် သုံးလုံးကတော့ ဒီ အရိုးစစ်ဆေးရေးစင်မြင့် ပေါ်မှာ ဒွါဒသမအဆင့် ကို တက်နိုင်ခဲ့တဲ့ သူတွေက သူတို့ရဲ့ ကိုယ်ပိုင် တာအိုကို ဖန်တီးပြီး တည်ထောင်ခဲ့တာမလို့ တစ်ရာ ပြည့်သွားတာပဲ..."</p> <p>ကဲ့ချင် က တည်ငြိမ်သော အမူအရာဖြင့် ပြောလိုက်၏။</p> <p>"ဪ ဒီလိုကိုး..."</p> <p>"ဘယ်လို အံ့မခန်း ပါရမီရှင်တွေကများ ကိုယ်ပိုင် တောင်ကို တည်ထောင်ပြီး ကိုယ်ပိုင် တာအိုကို ဖွင့်လှစ်နိုင်ခဲ့တာလဲ..."</p> <p>လူငယ်အချို့က လေးစားအားကျစွာဖြင့် အာမေဍိတ်သံ ပြုလိုက်ကြသည်။</p> <p>"အဝေးကြီး သွားမနေနဲ့ အနီးစပ်ဆုံး တစ်ယောက်ကို မင်းတို့အားလုံး သိတယ်..."</p> <p>ကဲ့ချင် က ရယ်မောလိုက်၏။</p> <p>"ဟင်..."</p> <p>ရောက်ရှိနေသူအားလုံးမှာ ဉာဏ်ရည်ထက်မြက်ကြပြီး သူတို့၏ စိတ်ထဲတွင် ဆက်စပ်မှုတစ်ခု ချက်ချင်း ဖြစ်ပေါ်လာခဲ့သည်။</p> <p>"သဘာဝကျကျ တောင်သခင် ကျိုးယွင် ပေါ့..."</p> <p>ကဲ့ချင် သည် အားရပါးရ ရယ်မောလိုက်၏။</p> <p>ကျိုးယွင်သည် သူ၏ ငယ်ရွယ်စဉ်ကာလတွင် လေ့လာမှုမှတစ်ဆင့် တာအိုထဲသို့ ဝင်ရောက်ခဲ့ပြီး သူ၏ မွေးရာပါ ပါရမီဖြင့် ခြေလှမ်း တစ်ထောင့်နှစ်ရာ ကို တက်ကာ ဒွါဒသမအဆင့် သို့ ရောက်ရှိခဲ့ပြီး၊ တာအိုသိုလှောင်ရာ စာအုပ်တောင် ကို လက်ဗလာမှ စတင်တည်ထောင်ခဲ့ခြင်း ဖြစ်ပေသည်။</p> <p>ယခုအခါ ၎င်းသည် တောင်တစ်ရာ ၏ ခေါင်းဆောင်အဖြစ် ခမ်းနားမှုကို ပိုင်ဆိုင်နေပြီ ဖြစ်၏။</p> <p>ပါရမီအရ ပြောရလျှင် ရှေးဟောင်း သမိုင်းကို ရှာဖွေကြည့်လျှင်ပင် နှိုင်းယှဉ်နိုင်သူ အနည်းငယ်သာ ရှိပေလိမ့်မည်။</p> <p>လင်းရီနှင့် လူငယ်များအားလုံးသည် ကျိုးယွင်ကို တောင့်တမှုနှင့် လေးစားမှုများဖြင့် ကြည့်လိုက်ကြသည်။</p> <p>သူပဲ ဖြစ်ရမယ် ...</p> <p>ကျိုးယွင်သည် ဤအရာများကို ဂရုမစိုက်ပုံရပြီး၊ လူတိုင်းကို အရိုးစစ်ဆေးရေးစင်မြင့် နှင့် တက်လှမ်းခြင်းလမ်းစဉ် ကို လုပ်ဆောင်ရန် ဦးဆောင်သွားခဲ့၏။</p> <p>ဝီ။</p> <p>ဤနေရာသို့ ချဉ်းကပ်သွားရုံဖြင့် လူတိုင်း၏ ခန္ဓာကိုယ်များမှာ အလိုအလျောက် မြည်ဟည်းသံတစ်ခု ထွက်ပေါ်လာခဲ့သည်။</p> <p> မမြင်နိုင်သော စွမ်းအားတစ်ခုက သူတို့၏ နက်ရှိုင်းသော နေရာတွင် မြှုပ်နှံထားသည့် စွမ်းအားများကို လှုံ့ဆော်ပေးရန် ကြိုးစားနေသကဲ့သို့ ပင်။</p> <p>"ဒီ အရိုးစစ်ဆေးရေးစင်မြင့် က အတိအကျက ဘာလဲ..."</p> <p>"ဘယ်လိုလုပ် ဒီလောက် ကြောက်စရာကောင်းနေရတာလဲ..."</p> <p>"အနားရောက်ရုံနဲ့တင် ငါ့အထဲက စွမ်းအားတွေ ပေါက်ကွဲထွက်တော့မလို ခံစားနေရပြီ..."</p> <p>များစွာသော လူများသည် အရိုးစစ်ဆေးရေးစင်မြင့် နှင့် တက်လှမ်းခြင်းလမ်းစဉ် ကို ကြည့်ကာ အံ့အားသင့်စွာဖြင့် ပြောဆိုလိုက်ကြသည်။</p> <p>"အရိုးစစ်ဆေးရေးစင်မြင့် က ဝိညာဉ်နယ်မြေမှာရှိတဲ့ ‘ကြီးမြတ်တဲ့တာအိုကို မေးမြန်းခြင်း စင်မြင့်’ သုံးခုထဲက တစ်ခုပဲ..."</p> <p>ကျိုးယွင်က တည်ငြိမ်စွာ ပြောလိုက်၏။</p> <p>" ဒါဆို’ ကြီးမြတ်တဲ့တာအိုကို မေးမြန်းခြင်း စင်မြင့်’ နှစ်ခုက ဘာတွေလဲ..."</p> <p>လင်းရီက စပ်စုစွာ မေးလိုက်သည်။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save