Book List

<h2 style="text-align: center;">အပိုင်း (၁၀၆၃)</h2> <h2 style="text-align: center;">မတရားစွပ်စွဲခံရမှုကို ရှင်းလင်းခြင်း၊ မျှော်လင့်ချက်ကင်းမဲ့ခြင်း (၄)</h2> <h2 style="text-align: center;">*</h2> <p> </p> <p> </p> <p>မျက်စိတစ်မှိတ်အတွင်း ဤနေရာ၌ လူများဖြင့် ပြည့်နှက်သွားခဲ့သည်။</p> <p>လီမိသားစုဝင်များသည် အားကောင်းသော အရှိန်အဝါများ ရှိကြသည့် များပြားသော လူအုပ်ကြီး ရုတ်တရက် စုဝေးလာသည်ကို မြင်သောအခါ အံ့အားသင့်သွားကြသည်။ အများစုမှာ 'ရပ်တည်မှုလေးခုနယ်ပယ်' မှ ဖြစ်ကြပြီး အတော်များများမှာ 'တာအိုနားလည်ခြင်းနယ်ပယ်'တွင် ရှိနေကြသည်။ သူတို့မှာ ရင်ထဲတွင် တိတ်တဆိတ် ထိတ်လန့်သွားကြမိသည်။</p> <p>ထိုလူများ၏ အသွင်အပြင်ကို ကြည့်ရုံဖြင့်ပင် လီဟောင်၏ မိတ်ဆွေများ ဖြစ်ကြောင်း သိသာသည်။</p> <p>လီဖျင်အန်းသည် လူအုပ်ကြားတွင် ရပ်နေရင်း သူ၏ မျက်နှာမှာ ဖြူဖျော့လိုက်၊ နီရဲလိုက် ဖြစ်နေသည်။ သူသည် ကြယ်တာရံများ ဝန်းရံနေသည့် လမင်းကဲ့သို့ လူအများ ဝိုင်းရံထားခြင်း ခံနေရသည့် ပုံရိပ်ကို ငေးကြည့်နေမိသည်။ သူ ကြားဖူးခဲ့သော လီဟောင်နှင့် ပတ်သက်သည့် ပုံပြင်များစွာမှာ ယခုအခါ သူ၏ မျက်စိရှေ့တွင် အမှန်တကယ် ပေါ်ပေါက်လာခဲ့ပြီ ဖြစ်သည်။</p> <p>အချို့က သူ၏ အစ်ကိုမှာ လူအပေါင်း၏ လေးစားမှုကို ခံရသူ၊ မွေးရာပါ အုပ်ချုပ်သူတစ်ဦး ဖြစ်သည်ဟု ပြောကြသည်။</p> <p>အချို့ကမူ သူ၏ အစ်ကိုမှာ ရုတ်တရက် ထွက်ပေါ်လာသော၊ မည်သူနှင့်မျှ နှိုင်းယှဉ်၍မရသော ပြိုင်ဘက်ကင်းပါရမီရှင်တစ်ဦး ဖြစ်သည်ဟု ပြောကြသည်။</p> <p>မရေမတွက်နိုင်သော ချီးမွမ်းမှုများနှင့် ဂုဏ်ပြုမှုများကြောင့် ထိုပုံရိပ်မှာ တောင်ထိပ်ပေါ်တွင် ရပ်နေပြီး အရာအားလုံးကို ငုံ့ကြည့်နေသူတစ်ဦးကဲ့သို့ သူ ခံစားလိုက်ရသည်။</p> <p>ယခုအခါ တစ်ဖက်လူမှာ အမှန်တကယ်ပင် ထိုကဲ့သို့ ဖြစ်နေခဲ့သည်။</p> <p>"ကျွန်မ ရောက်ပါပြီ... ကျွန်မရဲ့ ဆရာကလည်း သူ့ရဲ့ မိတ်ဆွေတွေကို ခေါ်လာခဲ့တယ်... လူတွေ အရမ်းများသွားလားဟင်"</p> <p>လင်းချင်းယွဲ့သည် လီဟောင်ထံသို့ လျှောက်လာပြီး ဂျိဆန်းကြယ်နတ်ဘုရားကဲ့သို့ပင် လူများလွန်းသဖြင့် လီဟောင်ကို အနှောင့်အယှက် ဖြစ်စေမည်ကို စိုးရိမ်စွာ မေးလိုက်သည်။</p> <p>လီဟောင် တစ်ချက်ကြည့်ကာ ပြုံးလိုက်ပြီး "ဒါက များတယ်လို့ ခေါ်တာလား။ ငါ့ရဲ့ မြင့်မြတ်နယ်မြေက လူတိုင်းကို လက်မခံနိုင်တဲ့ ပုံစံမျိုး ပေါက်နေလို့လား" ဟု ပြောလိုက်သည်။</p> <p>ထိုစကားကို ကြားသောအခါ လင်းချင်းယွဲ့မှာ သက်ပြင်းချနိုင်သွားသည်။ ထို့နောက် သူ(မ)သည် သူတော်စင်များကို သတိထားမိသွားသဖြင့် သူ(မ)၏ မျက်နှာအမူအရာမှာ အနည်းငယ် ပြောင်းလဲသွားခဲ့သည်။ လီဟောင် ခံစားခဲ့ရသော မတရားမှုများကို ဓါးဆရာသခင်ထံမှ သူ(မ) ကြားသိထားပြီး ဖြစ်သဖြင့် လီဟောင်အတွက် မကျေမနပ် ဖြစ်နေမိသည်။</p> <p>ပြဿနာကို သူတော်စင်များက စတင်ခဲ့ခြင်း ဖြစ်သော်လည်း သူတို့သည် လီဟောင်၏ ဂုဏ်သိက္ခာကို ကောင်းကင်ဘုံတစ်လုံးတွင် နာမည်ဖျက်ခဲ့ကြပြီး သူ၏ ယုံကြည်မှုစွမ်းအားများကို ဖြတ်တောက်ခဲ့ကြသည်။</p> <p>"ရှင် တောင့်မခံနိုင်ရင် ကိုယ့်ကိုယ်ကိုယ် အတင်းအကျပ် မလုပ်ပါနဲ့"</p> <p>လင်းချင်းယွဲ့က ညင်သာစွာ ပြောလိုက်သည်။</p> <p>လီဟောင်က အသာအယာ ခေါင်းညိတ်လိုက်သည်။</p> <p>မကြာမီမှာပင် ဟင်းလင်းပြင် အက်ကွဲသွားပြီး ဆေးသူတော်စင်ထွက်ပေါ်လာခဲ့သည်။ သူ(မ)သည် ပတ်ဝန်းကျင်ကို ဝေ့ကြည့်ကာ သူတော်စင်များ ရှိနေသည်ကို မြင်သော်လည်း အံ့ဩခြင်းမရှိဘဲ လီဟောင်၏ ရှေ့သို့ တိတ်ဆိတ်စွာ ဆင်းသက်လိုက်သည်။</p> <p>အခြား သူတော်စင်တစ်ပါး ထပ်မံ ရောက်ရှိလာသည်ကို မြင်သောအခါ လီမိသားစုနှင့် အခြားသူများမှာ ထိတ်လန့်သွားကြပြီး လီဟောင် ရှိနေသည့် နေရာမှာ ကောင်းကင်ဘုံ၏ ဗဟိုချက် ဖြစ်လာသကဲ့သို့ ခံစားလိုက်ရသည်။</p> <p>"ရှင့်ရဲ့ မြင့်မြတ်နယ်မြေက အတော်လေး ကျယ်တာပဲ။ ငါ လူတော်တော်များများ ခေါ်လာတယ်၊ သန်းတစ်ထောင်လောက် ရှိမယ်။ တောင့်ခံနိုင်ပါ့မလား"</p> <p>ဆေးသူတော်စင်က ညင်သာစွာ မေးလိုက်သည်။</p> <p>လီဟောင်မှာ ထိုအချက်ကို ကြိုတင် ခန့်မှန်းထားပြီး ဖြစ်သဖြင့် ခေါင်းညိတ်ပြလိုက်ပြီး "ကျွန်တော် အားလုံးအတွက် နေရာ ပြင်ဆင်ထားပြီးသားပါ။ ဒါက ကိစ္စအသေးအမွှားလေးပါ" ဟု ပြောလိုက်သည်။</p> <p>ဆေးသူတော်စင်မှာ စိတ်အေးသွားပြီး အရင်းအမြစ် ဘိုးဘေးနှင့် အခြားသူများကို တစ်ချက် လှမ်းကြည့်လိုက်သည်။ သူ(မ)သည် လီဟောင်ဘက်တွင် ရပ်တည်နေသူ ဖြစ်ပြီး သူ့အပေါ် ကျေးဇူးရှိသဖြင့် လီဟောင်အတွက် စကားပြောပေးလိုသည့် ဆန္ဒဖြင့် အေးစက်စွာ ပြောလိုက်သည်။</p> <p>"ရှင်တို့က ဘာလို့ ဒီမှာ ရှိနေတာလဲ၊ ဟိုဘက်က အက်ကြောင်းကို သွားမပိတ်ဘူးလား။ အစောတုန်းကတော့ ဟောင်ထျန်းက တစ်ကိုယ်ကောင်းဆန်တယ်လို့ ပြောခဲ့ကြပြီး အခုကျတော့ ဟောင်ထျန်းကိုပဲ ရှင်တို့ရဲ့ ပြဿနာတွေကို ရှင်းခိုင်းချင်နေတာလား"</p> <p>သူ(မ)၏ စကားကို ကြားသောအခါ ရောက်ရှိနေသူ အားလုံးမှာ အံ့ဩသွားကြပြီး သူတော်စင်များကို လှမ်းကြည့်လိုက်ကြသည်။</p> <p>လီမိသားစု၊ ယုဧကရာဇ်နှင့် အခြားသူများမှာ ဇဝေဇဝါ ဖြစ်သွားကြသည်။ လီဟောင်ကို တစ်ကိုယ်ကောင်းဆန်တယ်လို့ ပြောခဲ့ကြတယ် ဟူသော စကားကြောင့်ဖြစ်သည်။</p> <p>သူတို့သည် သူတော်စင်များကို သံသယမျက်လုံးများဖြင့် မကြည့်ဘဲ မနေနိုင်တော့ပေ။</p> <p>အရင်းအမြစ် ဘိုးဘေးနှင့် အခြားသူများသည် လီမိသားစုကို ရှင်းပြစဉ်က သူတို့၏ ပေါ့ဆမှုနှင့် အမှားများကြောင့် ဖြစ်ရသည်ဟုသာ ပြောခဲ့ပြီး လီဟောင်၏ ဂုဏ်သိက္ခာကို နာမည်ဖျက်ခဲ့သည့် အချက်ကိုမူ အသေးစိတ် မပြောခဲ့ပေ။ ယခုအခါ ဆေးသူတော်စင်က ထုတ်ဖော် ပြောဆိုလိုက်သဖြင့် သူတို့မှာ နေရခက်သွားကြပြီး သူ(မ)၏ စကားများကြောင့် သူတို့၏ အစီအစဉ်ကြီး ပျက်စီးသွားမည်ကို စိုးရိမ်ကာ ဒေါသထွက်လာကြသည်။</p> <p>"အဲဒါတွေ အားလုံးက အထင်အမြင် လွဲမှားမှုတွေပါ၊ ငါတို့ ဟောင်ထျန်းသူတော်စင်ကို တောင်းပန်ပြီးပါပြီ"</p> <p>အရင်းအမြစ် ဘိုးဘေးမှာ မနည်း ပြုံးပြလိုက်ရင်း ဆေးသူတော်စင်ကို သတိပေးသည့် အကြည့်ဖြင့် ကြည့်လိုက်သည်။</p> <p>သာမန်အချိန်တွင်ဆိုလျှင် ဆေးသူတော်စင်မှာ အရင်းအမြစ် ဘိုးဘေးကို ယှဉ်နိုင်စွမ်း မရှိသလို 'သတ္တမကပ်ဘေး ဧကရာဇ်လက်နက်' မှာလည်း သူတော်စင်များကို နှိမ်နင်းရန် လုံလောက်သဖြင့် သူ(မ)အနေဖြင့် သေချာ စဉ်းစားလိမ့်မည် ဖြစ်သည်။</p> <p>သို့သော် ယခုအခါ သူ(မ)တွင် ထိုကဲ့သို့ စိုးရိမ်မှုမျိုး မရှိတော့ပေ။ သူ(မ)သည် သတိပေးမှုကို လျစ်လျူရှုကာ တည်ငြိမ်စွာပင် ဆက်ပြောလိုက်သည်။</p> <p>"တကယ်လို့ အလွဲအမှား တစ်ခုပဲဆိုရင် ဘာလို့ နေရာအနှံ့မှာ ဟောင်ထျန်းသူတော်စင်က တစ်ကိုယ်ကောင်းဆန်တယ်၊ ရှင်တို့ရဲ့ အင်မော်တယ်လမ်းစဉ်ကို ပိတ်ပင်ထားတယ်ဆိုတဲ့ သတင်းတွေ ပျံ့နေတုန်းလဲ။ တကယ် တောင်းပန်တာဆိုရင် အရင်ဆုံး ဒီအလွဲအမှားကို ရှင်းလင်းပေးရမှာ မဟုတ်ဘူးလား"</p> <p>အရင်းအမြစ် ဘိုးဘေးနှင့် သူတော်စင်များ၏ မျက်နှာများမှာ အလွန်ပျက်သွားခဲ့သည်။ သို့သော် အရင်းအမြစ် ဘိုးဘေးက အလျင်အမြန်ပင် ပြုံးလိုက်ပြီး "သေချာတာပေါ့... ငါတို့ ဟောင်ထျန်းသူတော်စင်အတွက် ဒါကို ရှင်းလင်းပေးမှာပါ" ဟု ပြောလိုက်သည်။</p> <p>"ဘယ်လို ရှင်းလင်းမှာလဲ၊ စကားတစ်ခွန်းတည်းနဲ့လား။ ကျွန်မ အကြံပေးချင်တာကတော့ 'နယ်နိမိတ်ကျောက်တုံး'ကို သုံးပြီး ကောင်းကင်ဘုံအသီးသီးကို ပုံရိပ်လွှင့်ပေးဖို့ပဲ။ အင်မော်တယ်တံခါးမှာ ဟောင်ထျန်းသူတော်စင်က ရှင်တို့ကို ဘယ်လို တားဆီးခဲ့လဲဆိုတာရယ်၊ ရှင်တို့က ဟောင်ထျန်းရဲ့ တားဆီးမှုကို လျစ်လျူရှုပြီး ရှေးဟောင်းနတ်ဆိုးတွေကို ဒီလောကထဲ ခေါ်လာခဲ့တာကိုရယ် အားလုံးကို ပြပေးလိုက်ပါ။ အဲဒီအခါမှ ကောင်းကင်ဘုံက လူတွေက အမှန်တရားကို ကိုယ်တိုင် ဆုံးဖြတ်ကြလိမ့်မယ်"</p> <p>ဆေးသူတော်စင်၏ မျက်လုံးများမှာ နူးညံ့နေသော်လည်း သူ(မ)၏ စကားများမှာမူ ဓားသွားကဲ့သို့ ထက်ရှလှသည်။</p> <p>အရင်းအမြစ် ဘိုးဘေးနှင့် သူတော်စင်များ၏ မျက်နှာများမှာ တစ်ပြိုင်နက် ပြောင်းလဲသွားခဲ့သည်။ ဤကဲ့သို့ လုပ်ဆောင်ခြင်းမှာ သူတို့၏ ယုံကြည်မှုစွမ်းအင် ကို ဖြတ်တောက်လိုက်ခြင်းနှင့် တူညီနေသည်။ အမှန်တရားကို သိသွားပါက ဟောင်ထျန်းသူတော်စင်သည် ကပ်ဘေးကို တားဆီးရန် အစွမ်းကုန် ကြိုးစားခဲ့သူ ဖြစ်ပြီး သူတို့မှာ ကပ်ဘေးကို ဖိတ်ခေါ်ခဲ့သူများ ဖြစ်ကြောင်း တစ်လောကလုံး သိသွားနိုင်သည်။</p> <p>ထိုအချိန်တွင် လီဟောင်သည် မရေမတွက်နိုင်သော လူများ၏ ယုံကြည်မှုကို ရရှိသွားလိမ့်မည်။</p> <p>သူတို့၏ နောက်လိုက်များမှာလည်း သူတို့ကို ကျောခိုင်းသွားကြလိမ့်မည်။</p> <p>"ဆေးသူတော်စင်... စည်းမကျော်လာနဲ့။ မင်း ဟောင်ထျန်းကို အကျိုးပြုချင်တာ ငါ နားလည်ပါတယ်၊ ဒါပေမဲ့ မင်းရဲ့ ကိုယ်ပိုင် ရည်ရွယ်ချက်တွေကို ငါ မဖော်ထုတ်အောင် မလုပ်ပါနဲ့။ ငါတို့ကို ပြုတ်ကျစေပြီး ဟောင်ထျန်းသူတော်စင်ရဲ့ နောက်လိုက်လုပ်ကာ ဒီလောကကို ဟောင်ထျန်း ရှင်းလင်းပြီးတဲ့အခါ မင်းက အမြင့်ဆုံးနေရာကို ရယူချင်နေတာ မဟုတ်လား။ မင်း အများကြီး တွေးနေပြီပဲ"</p> <p>အရင်းအမြစ် ဘိုးဘေး၏ အေးစက်သော အသံမှာ ဆေးသူတော်စင်၏ စိတ်ထဲသို့ ဝင်ရောက်လာခဲ့သည်။</p> <p>တစ်ချိန်တည်းတွင် ဆေးသူတော်စင်သည် အခြား သူတော်စင်များထံမှလည်း စိတ်ဖြင့် ဆက်သွယ်မှုများကို လက်ခံရရှိနေသည်။ အချို့က ဆဲဆိုကြပြီး၊ အချို့က ဖျောင်းဖျကာ၊ အချို့ကမူ အကျိုးအမြတ်များကို တွက်ချက်ပြနေကြသည်။</p> <p>ဆေးသူတော်စင်နှင့် သူတော်စင်များမှာ အပြင်ပန်းတွင် သဘာဝအတိုင်း ရှိနေကြသော်လည်း သူတို့၏ စိတ်ချင်း ဆက်သွယ်မှုများမှာမူ အလွန် ပြင်းထန်နေခဲ့သည်။</p> <p>ဆေးသူတော်စင်က ပြုံးလိုက်ပြီး အရင်းအမြစ် ဘိုးဘေးကို ကြည့်ကာ စိတ်ဖြင့် ပြန်လည် ဖြေကြားလိုက်သည်။ "ရှင် အများကြီး တွေးနေတာပဲ။ တကယ်လို့ ဟောင်ထျန်းသူတော်စင်က နတ်ဘုရားလောကကို သွားရင် ကျွန်မလည်း သူ့နောက် လိုက်သွားမှာပဲ။ ဒီလောကကို ဘယ်သူက ဂရုစိုက်မှာလဲ"</p> <p>အရင်းအမြစ် ဘိုးဘေးက နှာခေါင်းရှုံ့လိုက်သည်။ တစ်ဖက်လူ၏ စကားကို သူ မယုံကြည်ပေ။ နတ်ဘုရားလောကတွင် ရှေးဟောင်းနတ်ဆိုးများ ရှိနေသဖြင့် ထိုနေရာတွင် နေထိုင်ရန် မလွယ်ကူပေ။ ထို့အပြင် သူ(မ) အမှန်တကယ် စီစဉ်ထားလျှင်ပင် ဤလောကမှာ သူ(မ)အတွက် အရန်နေရာ ဖြစ်နေဆဲဖြစ်သည်။</p> <p>သူတော်စင်တို့၏ အတွေးများမှာ အလွန် နက်ရှိုင်းပြီး မြင်တွေ့နေရသလောက် မရိုးရှင်းပေ။</p> <p>"အရာအားလုံးကို အစွန်းမရောက်စေနဲ့" အရင်းအမြစ် ဘိုးဘေးက သတိပေးလိုက်သည်။</p> <p>ဆေးသူတော်စင်က ပြုံးနေစဉ်မှာပင် ဘေးရှိ လီဟောင်က စကားပြောလိုက်သည်။</p> <p>"ဆေးသူတော်စင် ပြောတာ အချက်ကျပါတယ်။ ကျွန်တော်တောင် ဒီကိစ္စကို မေ့နေတော့မလို့။ အားလုံးပဲ... ဘာကန့်ကွက်စရာ ရှိသေးလဲ"</p> <p>လီဟောင် စကားပြောလိုက်သည်ကို မြင်သောအခါ အရင်းအမြစ် ဘိုးဘေးနှင့် သူတော်စင်များမှာ တစ်ယောက်ကိုတစ်ယောက် ကြည့်လိုက်ကြပြီး သူတို့၏ မျက်နှာများမှာ နေရခက်သွားကာ စိတ်ချင်း ဆက်သွယ်၍ အသည်းအသန် ဆွေးနွေးနေကြတော့သည်။</p> <p> </p> <p> </p> <p>***</p>


Save