Book List

<h2 style="text-align: center;">အပိုင်း (၁၀၆၆)</h2> <h2 style="text-align: center;">တစ်ဦးတည်းသော ကောင်းကင်ဘုံစောင့်ရှောက်သူ (၂)</h2> <h2 style="text-align: center;">*</h2> <p> </p> <p> </p> <p>သူသည် ကျိုးပဲ့နေသော အင်မော်တယ်ဓားတစ်လက်ကို အရိပ်ကိုယ်ပွားထံသို့ ပေးအပ်လိုက်သည်။ အကယ်၍ တတိယအဆင့် ရှေးဟောင်းနတ်ဆိုးနှင့် တွေ့ဆုံပါက ထိုကိုယ်ပွားအနေဖြင့် သတ်ဖြတ်နိုင်စွမ်း ရှိမည်ဖြစ်သည်။</p> <p>ထိုတာဝန်များကို ပြီးစီးအောင် ဆောင်ရွက်ပြီးနောက် လီဟောင်သည် သူ၏ 'လောကဦးနတ်ဝိညာဉ်'ကို မြင့်မြတ်နယ်မြေတစ်ခုလုံးပေါ်သို့ လွှမ်းခြုံလိုက်ပြီးနောက် မဟာယုနတ်ဘုရားမင်းဆက်မှ လူများကို မြင့်မြတ်နယ်မြေအတွင်းသို့ ခေါ်ဆောင်ရန် သေမျိုးလောကသို့ ဆင်းသက်ရန် ပြင်ဆင်လိုက်သည်။</p> <p>"ဟောင်ထျန်းသူတော်စင်... တစ်ခုခု ဖြစ်နေပြီ"</p> <p>လီဟောင် လှုပ်ရှားရန် ပြင်နေစဉ်မှာပင် ဆေးသူတော်စင်သည် လီဟောင်ကို အသည်းအသန် လာရောက်ရှာဖွေခဲ့သည်။ သူ(မ)၏ မျက်နှာအမူအရာမှာ အလွန် လေးနက်နေပြီး "လောကငယ် အတော်များများ ရှေးဟောင်းနတ်ဆိုးတွေရဲ့ တိုက်ခိုက်မှုကို ခံနေရပြီလို့ သတင်းရထားတယ်။ မိုသူတော်စင်ပေးထားတဲ့ 'မျက်နှာတစ်ထောင်ရုပ်သေး'ကို သုံးပြီး ရှေးဟောင်းခန်းမကို သွားစုံစမ်းခိုင်းတဲ့အခါ လမ်းမှာ အရင်းအမြစ် ဘိုးဘေးနဲ့ သူတော်စင်တွေ ဆုတ်ခွာလာတာကို တွေ့ခဲ့ရတယ်" ဟု ပြောလိုက်သည်။</p> <p>"မိုသူတော်စင် ပြောတာတော့ ရှေးဟောင်းခန်းမကို ရှေးဟောင်းနတ်ဆိုးတွေ သိမ်းပိုက်လိုက်ပြီတဲ့၊ အက်ကြောင်းကိုလည်း ပိတ်လို့မရတော့ဘူး။ သူတို့ အစွမ်းကုန် ကြိုးစားခဲ့ပြီးပြီလို့ ပြောတယ်"</p> <p>လီဟောင်က မျက်မှောင်ကြုတ်လိုက်ပြီး "ရှေးဟောင်းနတ်ဆိုးတွေထဲမှာ ထူးထူးခြားခြား ကြီးမားတဲ့ကောင်တွေ ပါလာလား" ဟု မေးလိုက်သည်။</p> <p>ဆေးသူတော်စင်က ခေါင်းညိတ်ပြကာ "အရင်းအမြစ် ဘိုးဘေးရဲ့ အစီရင်ခံစာအရ ဒုတိယအဆင့် ရှေးဟောင်းနတ်ဆိုးတွေ ကျူးကျော်လာတာကို သူတို့ မခုခံနိုင်ခဲ့ဘူးတဲ့။ အခွင့်အရေး ဆုံးရှုံးသွားပြီး သူတော်စင် ခုနစ်ပါး ဒါမှမဟုတ် ရှစ်ပါးလောက် ကျဆုံးသွားပြီ။ အခု သူတို့ ဒီဘက်ကို ထွက်ပြေးလာကြပြီး အရင်က မကျေနပ်ချက်တွေကို ဘေးဖယ်ထားပြီး သူတို့ကို လက်ခံပေးဖို့ မျှော်လင့်နေကြတယ်" ဟု ပြောလိုက်သည်။</p> <p>"တကယ်လို့ နေရာချင်းသာ လဲကြည့်မယ်ဆိုရင် သူတို့က ငါတို့ကို လက်ခံမှာ မဟုတ်ဘူး"</p> <p>လီဟောင်က သူတော်စင်အပေါင်းအပေါ် အလွန်အမင်း မကျေမနပ်ဖြစ်ကာ နှာခေါင်းရှုံ့လိုက်ပြီး "ဒုတိယအဆင့် ရှေးဟောင်းနတ်ဆိုးတွေ ဖြစ်နေရင်တောင် အက်ကြောင်းကို ပိတ်ဖို့သာ အစွမ်းကုန် ကြိုးစားခဲ့ရင် တားဆီးနိုင်ပါသေးတယ်။ အဲဒီ ဒုတိယအဆင့် ရှေးဟောင်းနတ်ဆိုးတွေက တစ်ကောင်ချင်းစီပဲ ဝင်လာနိုင်တာ... ထွက်လာသမျှ တစ်ကောင်ချင်းစီ သတ်ရုံပဲ! အစောပိုင်းကတည်းက ဒုတိယအဆင့် ရှေးဟောင်းနတ်ဆိုးတွေရဲ့ ကြောက်မက်ဖွယ်ကောင်းပုံကို ငါ သတိပေးခဲ့ပြီးသား။ ဒါကို သူတို့က အက်ကြောင်းကို စောင့်ဖို့ လူအနည်းငယ်ပဲ ချန်ထားခဲ့ပြီး ကျန်တဲ့သူတွေက မဆင်မခြင် လျှောက်သွားနေကြတာ။ နောက်ဆုံး ဆုံးရှုံးမှုနဲ့ ကြုံရတော့မှပဲ နာကျင်တတ်ကြတာပဲ" ဟု ပြောလိုက်သည်။</p> <p>ထိုစကားကို ကြားသောအခါ ဆေးသူတော်စင်မှာ ရင်ထဲတွင် သက်ပြင်းချမိလိုက်သည်။ လွန်ခဲ့သော ရက်အနည်းငယ်က အရင်းအမြစ် ဘိုးဘေးနှင့် သူတော်စင်များသည် ပြဿနာကို ဖြေရှင်းရန် စိတ်မကူးဘဲ လီဟောင်ထံတွင် ခိုလှုံရန်သာ လာရောက်ခဲ့ကြခြင်း ဖြစ်သည်။</p> <p>သို့သော် ထိုကိစ္စကို ပြန်ပြင်၍ မရနိုင်တော့ကြောင်း သူ(မ) နားလည်ထားသည်။ အမှားကျူးလွန်မိပါက အကျိုးဆက်ကို ခံစားရမည်သာ ဖြစ်သည်။</p> <p>သို့သော် ကောင်းကင်ဘုံ တစ်ခုလုံးရှိ လူသားများသာ ဒုက္ခရောက်ကြရသည်။</p> <p>ဆေးသူတော်စင်၏ တွန့်ဆုတ်နေသော အမူအရာကို မြင်သောအခါ လီဟောင်က သူ(မ)၏ စိတ်ဓာတ် ပျော့ညံ့သွားကြောင်း ခန့်မှန်းမိသဖြင့် ဘာမှ မပြောဘဲ... "သူတို့ လာရင် သူတို့နောက်မှာ ရှေးဟောင်းနတ်ဆိုးတွေ ပါလာမှာ မဟုတ်လား" ဟုသာ မေးလိုက်သည်။</p> <p>ဆေးသူတော်စင်သည် လီဟောင်၏ ဆိုလိုရင်းကို ချက်ချင်း သဘောပေါက်သွားပြီး သူ(မ)၏ ရင်ထဲရှိ သနားစိတ်မှာ ချက်ချင်း ပျောက်ကွယ်သွားခဲ့သည်။ သူ(မ)က ခေါင်းညိတ်ပြကာ "ဟုတ်ပါတယ်။ ကျွန်မ 'မျက်နှာတစ်ထောင်ရုပ်သေး' နဲ့ စုံစမ်းကြည့်တော့ သူတို့နောက်မှာ ရှေးဟောင်းနတ်ဆိုးတွေ လိုက်လာနေတာကို တွေ့ရတယ်" ဟု ပြောလိုက်သည်။</p> <p>"အကူအညီတောင်းတယ်လို့ အကြောင်းပြပြီး ကပ်ဘေးကို ဒီကို ဆွဲခေါ်လာကြတာပဲ"</p> <p>လီဟောင်က ခေါင်းကို အသာအယာ ခါယမ်းလိုက်သည်။ သူသည် သူတို့အပေါ် မျှော်လင့်ချက် ကင်းမဲ့နေသည်မှာ ကြာပြီ ဖြစ်သဖြင့် ယခုအခါတွင် စိတ်အနှောင့်အယှက်ပင် မဖြစ်တော့ပေ။</p> <p>သူသည် သူတော်စင်တောင်တန်းကို လွှမ်းခြုံထားသော လောကဦးနတ်ဝိညာဉ်ကို ပြန်လည် ရုတ်သိမ်းလိုက်ပြီး တောင်ထိပ်၏ ကောင်းကင်ထက်တွင် ရပ်ကာ ဆေးသူတော်စင် ညွှန်ပြသော လမ်းကြောင်းသို့ ကြည့်လျက် တိတ်ဆိတ်စွာ စောင့်ဆိုင်းနေခဲ့သည်။</p> <p>ဆေးသူတော်စင်မှာ လီဟောင်၏ လုပ်ရပ်ကို မြင်သောအခါ အနည်းငယ် အံ့ဩသွားခဲ့သည်။ လီဟောင်အနေဖြင့် ဤသတင်းကို ကြားလျှင် လှည့်ထွက်သွားလိမ့်မည်ဟု သူ(မ) ထင်ထားသော်လည်း သူက ရပ်တန့်နေခဲ့သည်။</p> <p>"ရှင် သူတို့ကို ကူညီမလို့လား" ဆေးသူတော်စင်က မမေးဘဲ မနေနိုင်တော့ပေ။</p> <p>သူတော်စင်များနှင့် အရင်းအမြစ် ဘိုးဘေးတို့၏ ရည်ရွယ်ချက်ကို သိရှိသွားချိန်တွင် သူ(မ)ကိုယ်တိုင်ပင် လှည့်ထွက်သွားချင်မိသော်လည်း လီဟောင်က ရပ်နေခဲ့သည်။</p> <p>"သူတို့ကို အသက်ရှင်ခွင့်ပေးထားရင် တစ်ခုခုတော့ အသုံးဝင်နိုင်ပါသေးတယ်" လီဟောင်က ရိုးရှင်းစွာပင် ပြောလိုက်သည်။</p> <p>မကြာမီမှာပင် ဟင်းလင်းပြင် အက်ကွဲကြောင်းများအတွင်းမှ ပုံရိပ်များစွာ ထွက်ပေါ်လာပြီး သူတို့ထံသို့ အရှိန်အဟုန်ဖြင့် ပြေးဝင်လာခဲ့ကြသည်။</p> <p>ထိုအချိန်တွင် ဓါးဆရာသခင်သည်လည်း သူတော်စင်များ၏ အရှိန်အဝါကို အာရုံခံမိသဖြင့် တောင်ထိပ်ပေါ်ရှိ လီဟောင်၏ ဘေးသို့ ချက်ချင်း ရောက်ရှိလာခဲ့သည်။</p> <p>"သူတို့က..."</p> <p>ဓါးဆရာသခင် စကားမဆုံးသေးမီမှာပင် သူတော်စင်များ၏ အနောက်ရှိ ဟင်းလင်းပြင်အတွင်း၌ လိပ်တက်နေသော အနက်ရောင် တိမ်တိုက်ကြီးများ သူတို့ထံသို့ ဦးတည်လာသည်ကို မြင်လိုက်ရသဖြင့် သူ၏ မျက်နှာမှာ သိသိသာသာ ပြောင်းလဲသွားခဲ့သည်။</p> <p>လီဟောင်က ဘာမှ မပြောဘဲ သူတော်စင်တောင်တန်း၏ အပြင်ဘက်သို့ ဖြည်းညင်းစွာ လျှောက်လှမ်းသွားခဲ့သည်။</p> <p>တစ်ချိန်တည်းတွင် အရင်းအမြစ် ဘိုးဘေးနှင့် နတ်ဘုရားဘုရင်တို့သည် လီဟောင်၏ ပုံရိပ်ကို လှမ်းမြင်လိုက်ရသဖြင့် သူတို့၏ အရှိန်ကို ပိုမြှင့်လိုက်ကြသည်။</p> <p>"ဟောင်ထျန်းသူတော်စင်... ငါတို့နောက်မှာ လိုက်လာတာတွေက ဒုတိယအဆင့် ရှေးဟောင်းနတ်ဆိုးတွေပဲ။ ငါတို့ တစ်ဖွဲ့တည်းနဲ့ မခုခံနိုင်လို့ အင်အားချင်း ပေါင်းစပ်ကြရအောင်"</p> <p>လီဟောင်ကို မြင်သည်နှင့် အရင်းအမြစ် ဘိုးဘေးက အသည်းအသန် ပြောလိုက်သည်။</p> <p>သူ၏ မျက်နှာမှာ စိုးရိမ်ပူပန်နေပုံရသော်လည်း သူ၏ ရင်ထဲတွင်မူ အရာအားလုံးကို ကြိုတင် စီစဉ်ထားပြီး ဖြစ်သည်။ လီဟောင်သည် ရှေးဟောင်းနတ်ဆိုးများကို ဤနေရာသို့ ဆွဲခေါ်လာသည့် သူ၏ ပရိယာယ်ကို ရိပ်မိလိမ့်မည်ဖြစ်ကြောင်း သူ သိထားသဖြင့် လီဟောင်၏ ဒေါသကို ကြောက်ရွံ့နေမိသည်။ ထို့ကြောင့် နတ်ဆိုးများကို နှိမ်နှင်းရန်အတွက် လီဟောင်၏ အင်အားကို တောင်းခံသည့် ပုံစံမျိုး ဟန်ဆောင်လိုက်ခြင်း ဖြစ်သည်။</p> <p>နတ်ဘုရားဘုရင်မှာမူ အရင်းအမြစ် ဘိုးဘေးကဲ့သို့ ဟန်ဆောင်ခြင်း မရှိဘဲ လီဟောင်ကိုသာ စူးစိုက်ကြည့်ရင်း သူ၏ တုံ့ပြန်မှုကို စောင့်ဆိုင်းနေခဲ့သည်။</p> <p>လီဟောင်၏ အကြည့်မှာ သူတို့၏ အနောက်ရှိ ဥပဒေမဟာသူတော်စင်နှင့် အမည်နာမသူတော်စင်တို့ကို ဖြတ်ကျော်ကြည့်လိုက်ရာ သူတို့မှာ အတော်လေး ဖရိုဖရဲ ဖြစ်နေသည်ကို တွေ့လိုက်ရသည်။</p> <p>ကျန်ရှိနေသော သူတော်စင်များမှာလည်း အသက်ရှူသံများ ပြတ်တောင်းနေပြီး အချို့မှာ ပြင်းထန်စွာ ဒဏ်ရာရထားကြသည်။</p> <p>ဝူးးးးး</p> <p>ထိုအခိုက်အတန့်တွင် ရှေးဟောင်းနတ်ဆိုးများ၏ ဟိန်းဟောက်သံမှာ ဟင်းလင်းပြင်အတွင်း ပဲ့တင်ထပ်သွားခဲ့သည်။</p> <p>ဟင်းလင်းပြင် တစ်ခုလုံးမှာ အဆုံးမဲ့ မိုးကြိုးမုန်တိုင်းများ ကျရောက်လာသကဲ့သို့ တုန်ခါသွားခဲ့သည်။</p> <p>သူတော်စင်တောင်တန်းပေါ်တွင် အနားယူနေကြသော လူအားလုံးမှာ ထိတ်လန့်တုန်လှုပ်သွားကြပြီး ဆူညံသံများ ထွက်ပေါ်ရာသို့ ကြည့်လိုက်ကြရာ လီဟောင်၊ သူတော်စင်များနှင့် သူတို့နောက်သို့ မဆုတ်မနာတမ်း လိုက်လာနေသော ရှေးဟောင်းနတ်ဆိုးများကို မြင်လိုက်ရသည်။</p> <p>ရှေးဟောင်းနတ်ဆိုးများမှာ အရေအတွက် အလွန်များပြားပြီး တစ်ဆယ်ကျော်မျှ ရှိကာ ဒုတိယအဆင့် ရှေးဟောင်းနတ်ဆိုး လေးကောင်က ဦးဆောင်လာခဲ့သည်။</p> <p>ထိုပုံရိပ်မှာ ကောင်းကင်တစ်ခုလုံးကို မှောင်မိုက်သွားစေပြီး ပြင်းထန်သော မကောင်းဆိုးဝါး အရှိန်အဝါနှင့် ဝိညာဉ်ကို ခြောက်ခြားစေသော အငွေ့အသက်များမှာ သူတော်စင်တောင်တန်းပေါ်ရှိ လူတိုင်း၏ ခြေဖျားမှ ဦးခေါင်းအထိ အေးစိမ့်သွားစေခဲ့သည်။</p> <p>"ဒါ... ဒါတွေက ဘယ်လို သားရဲတွေလဲ"</p> <p>"အဲဒါတွေက ရှေးဟောင်းနတ်ဆိုးတွေပဲ၊ ငါ အရင်က မြင်ဖူးတယ်"</p> <p>"အဲဒီ ရှေးဟောင်းနတ်ဆိုးတွေက သူတော်စင်များကို လိုက်သတ်နေတာလား။ သူတို့က ဘာလို့ ဒီနတ်ဆိုးတွေကို ဒီအထိ ဆွဲခေါ်လာကြတာလဲ"</p> <p>တောင်တန်းပေါ်ရှိ လူများမှာ အထိတ်တလန့် ဖြစ်ကုန်ကြသည်။</p> <p>သူတို့သည် ရှေးဟောင်းနတ်ဆိုးများ၏ ကျူးကျော်မှုကို ရှောင်ရှားရန် ဤနေရာသို့ လာခဲ့ကြခြင်း ဖြစ်သော်လည်း သူတော်စင်များ၏ ရောက်ရှိလာမှုက နတ်ဆိုးများကိုပါ တစ်ပါတည်း ခေါ်ဆောင်လာလိမ့်မည်ဟု မထင်မှတ်ထားခဲ့ကြပေ။</p> <p>ယခုအခါ တစ်ဆယ်ကျော်မျှ ရှိသော ရှေးဟောင်းနတ်ဆိုးများမှာ တဖြည်းဖြည်း နီးကပ်လာပြီ ဖြစ်သည်။ ဦးဆောင်လာသော ဒုတိယအဆင့် ရှေးဟောင်းနတ်ဆိုး လေးကောင်၏ မျက်လုံးများထဲရှိ ရက်စက်ကြမ်းကြုတ်မှုများမှာ ရုတ်တရက် တည်ငြိမ်သွားခဲ့သည်။</p> <p>သူတို့သည် ရှေ့ရှိ လူအုပ်ကြီးထဲတွင် ဘေးရှိ လူများအားလုံးနှင့် မတူဘဲ အလွန်ပြင်းထန်သော ဝိညာဉ်စွမ်းအင်များ ရှိနေသည့် ပုံရိပ်တစ်ခုကို အာရုံခံမိလိုက်ကြသည်။</p> <p>"ပူးပေါင်းမယ် ဟုတ်လား"</p> <p>လီဟောင်သည် အရင်းအမြစ် ဘိုးဘေး၏ စကားကို ကြားသောအခါ သူ၏ နှုတ်ခမ်းများတွင် လှောင်ပြုံးတစ်ခုအဖြစ် ပေါ်လာခဲ့သည်။</p> <p>အရင်းအမြစ် ဘိုးဘေးနှင့် သူတော်စင်များမှာ လီဟောင်က သဘောမတူဟု ထင်မှတ်ကာ ရင်ထဲတွင် ထိတ်လန့်သွားကြသည်။</p> <p>"ဟောင်ထျန်းသူတော်စင်..."</p> <p> </p> <p> </p> <p>***</p>


Save