Book List

<h2 style="text-align: center;">အပိုင်း (၁၀၆၇)</h2> <h2 style="text-align: center;">တစ်ဦးတည်းသော ကောင်းကင်ဘုံစောင့်ရှောက်သူ (၃)</h2> <h2 style="text-align: center;">*</h2> <p> </p> <p> </p> <p>အရင်းအမြစ် ဘိုးဘေးonf တစ်စုံတစ်ခု ထပ်ပြောရန် မပြင်မီမှာပင် လီဟောင်က ကြားဖြတ်၍ အေးစက်စွာ ပြောလိုက်သည်။</p> <p>"ဒီရှေးဟောင်းနတ်ဆိုးတွေကို ငါ ကိုင်တွယ်မယ်။ ဒါပေမဲ့ ဒါဟာ မင်းတို့ ချန်ခဲ့တဲ့ ပြဿနာတွေကို ငါ လိုက်ရှင်းပေးတာ နောက်ဆုံးအကြိမ်ပဲ။ ဒီနတ်ဆိုးတွေကို နှိမ်နှင်းပြီးတာနဲ့ အဲဒီအက်ကြောင်းကို သေချာပိတ်ဖို့ လုပ်ကြ၊ မဟုတ်ရင်တော့ ဘယ်သူမှ မင်းတို့ကို ကယ်နိုင်မှာ မဟုတ်တော့ဘူး"</p> <p>အရင်းအမြစ် ဘိုးဘေးနှင့် အခြားသူများမှာ သူတို့ နားကြားမှားသလားဟုပင် ထင်မှတ်ကာ မှင်သက်သွားကြသည်။ လီဟောင်သည် အမှန်တကယ် ကူညီရန် သဘောတူလိုက်သည် မဟုတ်ပါလား။</p> <p>သူတို့မှာ အတိုင်းမသိ ဝမ်းသာသွားကြပြီး သူတော်စင်များ၏ လီဟောင်အပေါ် အမြင်မှာလည်း မကျေနပ်ချက်များမှ စိတ်လှုပ်ရှားမှုနှင့် ကြည်ညိုမှုများသို့ ချက်ချင်း ပြောင်းလဲသွားခဲ့သည်။ ထိုအခိုက်အတန့်တွင် သူတို့၏ ရင်ထဲ၌ ရှက်ရွံ့ခြင်းများလည်း ဖြစ်ပေါ်လာသည်။ ဤလူငယ်မှာ ဓားဆရာသခင်နှင့် ဆေးသူတော်စင်တို့ ပြောခဲ့သကဲ့သို့ပင် သူတို့ ထင်ထားသလို ယုတ်မာသောသူ မဟုတ်ကြောင်း သူတို့ သိသွားကြသည်။</p> <p>"ဟောင်ထျန်းသူတော်စင်... ဒီရှေးဟောင်းနတ်ဆိုးတွေက အရမ်းကြောက်ဖို့ကောင်းတယ်၊ အထူးသဖြင့် မင်းပြောတဲ့ ဒုတိယအဆင့် ရှေးဟောင်းနတ်ဆိုးတွေပဲ။ နတ်ဘုရားဘုရင်နဲ့ ငါတောင် သူတို့ကို တော်တော်လေး ရင်ဆိုင်ရခက်တယ်။ ပူးပေါင်းကြရအောင်"</p> <p>အရင်းအမြစ် ဘိုးဘေးမှာ အလွန်စိတ်လှုပ်ရှားနေပြီး လီဟောင်ကို ပိုမို နွေးထွေးစွာ ပြောလိုက်သည်။</p> <p>သို့သော် လီဟောင်ကမူ သူ၏ အမူအရာကို ဂရုမစိုက်ပေ။ ထိုမြေခွေးအိုကြီးသည် သူတစ်ပါးကို ပြသသမျှ အရာအားလုံးမှာ တမင်တကာ လုပ်ဆောင်နေခြင်းဖြစ်ပြီး သူ၏ စိတ်ရင်းမှာ မည်သို့ရှိမည်ကို မည်သူမျှ မသိနိုင်ပေ။</p> <p>လီဟောင်သည် သူ၏ အတွေးများကို စုံစမ်းရန် စိတ်မဝင်စားဘဲ ရှေ့သို့ ခြေတစ်လှမ်း လှမ်းလိုက်သည်။</p> <p>အရင်းအမြစ် ဘိုးဘေးနှင့် နတ်ဘုရားဘုရင်တို့မှာ အလိုအလျောက်ပင် ဘေးသို့ ဖယ်ပေးလိုက်ကြသည်။</p> <p>ထိုအခိုက်အတန့်တွင် ရှေးဟောင်းနတ်ဆိုးများမှာလည်း သူတော်စင်များထံသို့ မရောက်မီ အရှိန်သတ်လိုက်ကြသည်။</p> <p>သူတို့သည် ယခင်ကကဲ့သို့ မဆင်မခြင် မတိုက်ခိုက်ကြတော့ဘဲ လူအုပ်ထဲမှ ထိုလူငယ်ထံမှ ထွက်ပေါ်နေသော ဖုံးကွယ်ထားသည့် ခြိမ်းခြောက်မှုကို အာရုံခံမိလိုက်ကြသည်။</p> <p>ဝိညာဉ်များကို ဝါးမြိုနိုင်သော သူတို့၏ စွမ်းရည်ကြောင့် ဝိညာဉ်များ၏ အခြေအနေကို အကဲခတ်ရာတွင် အလွန်ထက်မြက်ကြပြီး ထိုလူငယ်ထံမှ ထွက်ပေါ်နေသော အန္တရာယ်ရှိသော အရှိန်အဝါကို သူတို့ သိရှိလိုက်ကြခြင်း ဖြစ်သည်။</p> <p>တစ်ချိန်တည်းတွင် သူတို့သည် ထိုလူငယ်၏ ဝိညာဉ်ကို ဝါးမြိုနိုင်ပါက သူတို့အတွက် ကြီးမားသော အသွင်ပြောင်းလဲမှုနှင့် အဆင့်မြှင့်တင်မှုများ ဖြစ်ပေါ်လာနိုင်ပြီး 'ပထမအဆင့် ခေါင်းဆောင်'အဆင့်သို့ပင် တက်လှမ်းနိုင်မည်ဟု ခံစားလိုက်ရသည်။</p> <p>သူတော်စင်များသည်လည်း ရှေးဟောင်းနတ်ဆိုးများ၏ အမူအရာ ပြောင်းလဲသွားသည်ကို သတိထားမိလိုက်သည်။ ယခင်က တိုက်ပွဲများတွင် ပြသခဲ့သော အရူးအမူး ဒေါသထွက်မှုများအစား ယခုအခါတွင်မူ သူတို့၏ မျက်လုံးများထဲတွင် စိုးရိမ်ပူပန်မှုနှင့် လေးနက်မှုများ ပြည့်နှက်နေခဲ့သည်။</p> <p>သူတော်စင်များမှာ ဤသည်မှာ သူတို့၏ ထင်ယောင်ထင်မှား ဖြစ်သည်ဟု ထင်ကာ အံ့အားသင့်သွားကြသည်။</p> <p>ဟင်းလင်းပြင်အတွင်းရှိ လေတိုက်သံများမှာပင် ထိုအခိုက်အတန့်၌ တိတ်ဆိတ်သွားပုံရသည်။</p> <p>"ဟောင်ထျန်းသူတော်စင်..." အရင်းအမြစ် ဘိုးဘေးက တစ်ခုခု ပြောရန် ပြင်လိုက်သည်။</p> <p>သို့သော် လီဟောင်၏ ပတ်ပတ်လည်တွင် ဟင်းလင်းပြင် အက်ကွဲကြောင်းများ တစ်ခုပြီးတစ်ခု ပေါ်လာခဲ့ပြီး ထိုအက်ကြောင်းများအတွင်းမှ ပျက်စီးနေသော အင်မော်တယ်လက်နက်အချို့ ထွက်ပေါ်လာခဲ့သည်။</p> <p>'နီရဲသော ပန်းပွားတပ် လှံ' ကို ကိုင်ဆောင်ထားသည့် အမျိုးသမီးသည် ရှေးဟောင်းနတ်ဆိုး စစ်သူကြီးကို သတ်ဖြတ်ပြီးနောက် လီဟောင်နှင့် နန်ကုန်းကျန့်တို့သည် ရှေးဟောင်းနတ်ဆိုး ခေါင်းဆောင်များ၏ နယ်မြေများကို ဝင်ရောက်စီးနင်းခဲ့ကြပြီး ပျက်စီးနေသော အင်မော်တယ်လက်နက် ရှစ်ခုကို စုဆောင်းခဲ့ကြသည်။ ၎င်းတို့မှာ အင်မော်တယ်စွမ်းအားများ ကုန်ခမ်းနေပြီ ဖြစ်သော်လည်း လက်နက်တစ်ခုချင်းစီမှာ ထက်ရှသော အင်မော်တယ်ဓားသွားများ ရှိနေဆဲဖြစ်သည်။</p> <p>'ဓားကျိုး'နှင့် ပေါင်းလိုက်လျှင် စုစုပေါင်း ကိုးခု ရှိသည်။</p> <p>ထိုအခိုက်အတန့်တွင် ဓားတစ်လက်ကို 'အရိပ်ကိုယ်ပွား' က ကိုင်ဆောင်ထားသည်။</p> <p>လီဟောင်သည် သူ၏ ဘေးတွင် လက်နက် ခြောက်ခုကိုသာ ဆင့်ခေါ်လိုက်သည်။ ရှေးဟောင်းနတ်ဆိုးဆယ်ကောင်ကျော်ကို နှိမ်နှင်းရန်အတွက် ဤမျှနှင့်ပင် လုံလောက်နေပြီ ဖြစ်သည်။</p> <p>ပျက်စီးနေသော ထိုအင်မော်တယ်လက်နက်များမှာ လီဟောင်၏ ပတ်ပတ်လည်တွင် ဘီးတစ်ခုကဲ့သို့ လည်ပတ်နေကြသည်။ သူသည် ကောင်းကင်နှင့် မြေပြင်၏ အရှင်သခင်ကဲ့သို့ ခန့်ညားထည်ဝါသဖြင့် သူတော်စင်များမှာ ဘေးမှ အရေးမပါသော နောက်ခံလူများကဲ့သို့ ဖြစ်သွားခဲ့သည်။ သူသည် ကြီးမားသော ရှေးဟောင်းနတ်ဆိုးများ၏ ရှေ့တွင် ပုရွက်ဆိတ်ငယ်လေး တစ်ကောင်ကဲ့သို့ ထင်ရသော်လည်း သူ၏ ကိုယ်မှ ထွက်ပေါ်နေသော တောက်ပသည့် နတ်ဘုရားအလင်းတန်းနှင့် အရှိန်အဝါမှာ လောကတစ်ခုလုံးကို လွှမ်းမိုးထားခဲ့သည်။</p> <p>ထိုမြင်ကွင်းမှာ သူတော်စင်တောင်တန်းပေါ်တွင် ခိုလှုံနေကြသော မရေမတွက်နိုင်သော လူများကို မှင်သက်သွားစေခဲ့သည်။</p> <p>"ဟောင်"</p> <p>"ဟောင်အာ"</p> <p>လီမိသားစုဝင်များလည်း ထိုမြင်ကွင်းကို မြင်သောအခါ သူတို့၏ ပါးစပ်များကို လက်ဖြင့် အုပ်ကာ မျက်လုံးများတွင် အံ့ဩကြည်ညိုမှုများဖြင့် ပြည့်နှက်သွားခဲ့သည်။</p> <p>ထိုအခိုက်အတန့်တွင် ရှေးဟောင်းနတ်ဆိုးများသည် လီဟောင်ထံမှ ထွက်ပေါ်နေသော အန္တရာယ်မှာ ပိုမို ပြင်းထန်လာကြောင်း သိရှိလိုက်ကြသဖြင့် နောက်ဆုံးတွင် မအောင့်နိုင်တော့ဘဲ ဟိန်းဟောက်ရင်း လီဟောင်ထံသို့ တဟုန်ထိုး ပြေးဝင်လာကြတော့သည်။</p> <p>အမှောင်ထု လွှမ်းခြုံထားသော ဝိညာဉ်ဝါးမြိုသည့် မြူခိုးများ ပျံ့နှံ့လာသည်နှင့်အမျှ ရှေးဟောင်းနတ်ဆိုးများ၏ နောက်ကျောတွင် အနက်ရောင် ဝဲဂယက်ကြီးများ ပေါ်လာခဲ့ပြီး ကြောက်မက်ဖွယ်ကောင်းသော ဆွဲအားများကို ထုတ်လွှတ်လိုက်သည်။</p> <p>သူတော်စင်များမှာ သူတို့၏ လောကဦးနတ်ဝိညာဉ်များမှာ ခန္ဓာကိုယ်အတွင်းမှ ရုန်းထွက်ကာ ထိုဝဲဂယက်များအတွင်းသို့ စုပ်ယူခံရတော့မည်သကဲ့သို့ ခံစားနေရသည့်အတွက် တုန်လှုပ်သွားခဲ့ကြသည်။</p> <p>သို့သော် လီဟောင်၏ ပတ်ပတ်လည်တွင် လည်ပတ်နေသော ပျက်စီးနေသော အင်မော်တယ်လက်နက် ခြောက်ခုမှာ ရုတ်တရက် ပျံထွက်သွားခဲ့သည်။</p> <p>ရှေးဟောင်းနတ်ဆိုးများ၏ ခန္ဓာကိုယ်ကို ဓားဖြင့် လှီးဖြတ်လိုက်သည့် ခံစားချက်မှာ လီဟောင်၏ စိတ်ထဲတွင် ထင်ထင်ရှားရှား ပေါ်လာခဲ့သည်။ လောကဦးနတ်ဝိညာဉ်၏ ထိန်းချုပ်မှုအောက်တွင် အင်မော်တယ်လက်နက်များသည် အရှိန်အဟုန် အမြင့်ဆုံးဖြင့် စီးဆင်းနေသော အလင်းတန်းများကဲ့သို့ တဟုန်ထိုး ပျံသန်းသွားခဲ့သည်။</p> <p>ဤနေရာရှိ ဟင်းလင်းပြင်မှာ 'အစစ်အမှန် နယ်မြေ'ကဲ့သို့ ခိုင်မာမှု မရှိသဖြင့် အင်မော်တယ်လက်နက်များ ဖြတ်သန်းသွားသည့် နေရာတိုင်းတွင် လူတို့၏ မျက်စိဖြင့် မမီနိုင်သော အရှိန်အဝါနှင့်အတူ ဟင်းလင်းပြင်အတွင်း၌ အနက်ရောင် အက်ကြောင်းများ ထင်ကျန်ရစ်ခဲ့သည်။</p> <p>ထိုအနက်ရောင် အက်ကြောင်းများ ပေါ်လာသည်နှင့်အမျှ ရှေးဟောင်းနတ်ဆိုးများ၏ ခန္ဓာကိုယ်များမှာလည်း တစ်ပြိုင်နက်တည်း ပေါက်ကွဲထွက်သွားခဲ့သည်။</p> <p>သူတို့၏ ခန္ဓကိုယ်များမှာ ဗို့အားသန်းပေါင်းများစွာရှိသော လျှပ်စစ်ဓာတ်အား အသွင်းခံလိုက်ရသကဲ့သို့ ချက်ချင်းပင် တောင့်တင်းသွားခဲ့သည်။ ခဏအကြာတွင် အနက်ရောင် အရှိန်အဝါများ ဖုံးလွှမ်းနေသော သူတို့၏ လောကဦးနတ်ဝိညာဉ်များမှာ ခန္ဓာကိုယ်အတွင်းမှ တုန်ခါလျက် ထွက်ပေါ်လာခဲ့သည်။</p> <p>ရှေးဟောင်းနတ်ဆိုးများ၏ နတ်ဝိညာဉ်များ မလှုပ်ရှားနိုင်ခင် လီဟောင်၏ လောကဦးနတ်ဝိညာဉ်မှာ သူ၏ ခန္ဓာကိုယ်အတွင်းမှ နတ်ဘုရားတစ်ပါးကဲ့သို့ ထွက်ပေါ်လာခဲ့သည်။ ၎င်းမှာ ရွှေရောင်အလင်းတန်းများ တောက်ပနေပြီး ရှေးဟောင်းနတ်ဆိုးများ၏ နတ်ဝိညာဉ်များထံသို့ တဟုန်ထိုး ဆင်းသက်သွားခဲ့သည်။</p> <p>"သူ... သူ့ရဲ လောကဦးနတ်ဝိညာဉ်က ရွှေရောင်ကြီးလား"</p> <p>သူတော်စင်များသည် လီဟောင်၏ လောကဦးနတ်ဝိညာဉ်ကို ရှင်းရှင်းလင်းလင်း မမြင်ရပေ။ ၎င်း၏ အရှိန်မှာ အလွန် မြန်ဆန်လွန်းသည်။ သို့သော် ရွှေရောင်အလင်းတန်းများ ထွက်ပေါ်နေသည်ကို မြင်သောအခါ သူတို့မှာ အလွန်ထိတ်လန့်သွားကြသည်။</p> <p>ထို့ပြင် လီဟောင်၏ လောကဦးနတ်ဝိညာဉ်ထံမှ ထွက်ပေါ်နေသော ဝိညာဉ်ဖိအားမှာ သူတို့၏ 'အကန့်အသတ်အဆင့်' နတ်ဝိညာဉ်များကိုပင် များစွာ ကျော်လွန်နေပြီဖြစ်ကြောင်း သူတို့ ခံစားလိုက်ရသည်။</p> <p>ဘုန်း</p> <p>လောကဦးနတ်ဝိညာဉ်၏ တိုက်ခိုက်မှုအောက်တွင် ဒုတိယအဆင့် ရှေးဟောင်းနတ်ဆိုး လေးကောင်မှာ လီဟောင်၏ လက်ဝါးချက်ဖြင့် ပထမဆုံး အမှုန့်ဖြစ်သွားခဲ့သည်။</p> <p>ထို့နောက် ရွှေရောင် အလင်းတန်းတစ်ခုမှာ တတိယအဆင့် ရှေးဟောင်းနတ်ဆိုးများ၏ နတ်ဝိညာဉ်များအတွင်းသို့ လျှပ်စီးကဲ့သို့ ဝင်ရောက်သွားခဲ့ပြီး မျက်စိတစ်မှိတ်အတွင်းမှာပင် ရှေးဟောင်းနတ်ဆိုးများ၏ နတ်ဝိညာဉ် အားလုံးမှာ ပေါက်ကွဲကာ ပျောက်ကွယ်သွားခဲ့တော့သည်။</p> <p>ကောင်းကင်နှင့် မြေပြင်အကြားတွင် တိတ်ဆိတ်မှုက စိုးမိုးသွားခဲ့သည်။</p> <p>ယခင်က ဟိန်းဟောက်နေခဲ့သော ရှေးဟောင်းနတ်ဆိုးများ၏ အသံမှာ ယခုအခါတွင်မူ လုံးဝ မရှိခဲ့သကဲ့သို့ အိပ်မက်တစ်ခုလို ဖြစ်သွားခဲ့သည်။</p> <p>လီဟောင်သည် သူ၏ လက်ကို မြှောက်လိုက်ရာ ပျက်စီးနေသော အင်မော်တယ်လက်နက် ခြောက်ခုမှာ မိုးမြေဟင်းလင်းပြင်အတွင်းသို့ တစ်ခုပြီးတစ်ခု ပြန်လည် ဝင်ရောက်သွားခဲ့သည်။ ထိုအချိန်မှသာ သူတော်စင်များမှာ သတိပြန်ဝင်လာကြသည်။</p> <p>သို့သော် ဟင်းလင်းပြင်အတွင်း၌ အသက်မဲ့စွာ လွင့်မျောနေသော ရှေးဟောင်းနတ်ဆိုး အလောင်း၁၀ခုကျော်များကို ကြည့်ရင်း သူတော်စင်များမှာ ဆွံ့အသွားကြပြီး သူတို့၏ မျက်နှာများတွင် မယုံနိုင်လောက်အောင် အံ့ဩတုန်လှုပ်မှုများဖြင့် ပြည့်နှက်နေခဲ့သည်။</p> <p> </p> <p> </p> <p> </p> <p>***</p> <p> </p>


Save