Book List

<h2 style="text-align: center;">အခန်း။ ၂၉၇</h2> <h2 style="text-align: center;">*</h2> <p> </p> <p> </p> <p>အေးမြသော စွမ်းအင်များကို အဆက်မပြတ် ဝါးမြိုနေရင်း လင်းယုန်ငှက်၏ ခန္ဓာကိုယ်က တဖြည်းဖြည်း ကြီးထွားလာသည်။ အသွင်ပြောင်းလဲမှု ပြီးဆုံးသွားသောအခါ ၎င်း၏ အရွယ်အစားမှာ မူလထက် သုံးပုံတစ်ပုံခန့် ပိုမိုကြီးမားလာပြီး အတောင်ပံများမှာလည်း ယခင်ကထက် ပိုမိုတောက်ပ လင်းလက်နေတော့သည်။</p> <p>ယခင်က ဝေဝါးခဲ့သော အမွှေးအမျှင် ပုံသဏ္ဌာန်များနှင့် ခြေသည်းများပေါ်ရှိ အရေးအကြောင်းများမှာလည်း ယခုအခါ အထင်းသား ပေါ်လွင်လာခဲ့ပြီ ဖြစ်သည်။ ၎င်းမှာ လုံယီအပေါ် သက်ရောက်မှုရှိလာရာ သူ၏ မျက်ဝန်းများမှာ ပိုမိုတောက်ပလာပြီး စိတ်အာရုံမှာလည်း ပိုမိုထက်မြက်လာကာ အာရုံငါးပါးမှာလည်း သိသိသာသာ စူးရှလာတော့သည်။ မြင့်မားလာသော ဝိညာဉ်အာရုံ၏ လွှမ်းမိုးမှုကြောင့် သူ၏ ခန္ဓာကိုယ်အတွင်း စစ်မှန်သောခွန်အားလည်ပတ်မှုနှုန်းမှာပင် အနည်းငယ် မြန်ဆန်လာခဲ့သည်။</p> <p>အရင်က ကိုယ်ခံပညာ လေ့ကျင့်တာက ရုပ်ပိုင်းဆိုင်ရာ ခန္ဓာကိုယ်ကိုပဲ သန်မာစေတာလို့ ထင်ခဲ့တာ။ ဒါပေမဲ့ အခု မှော်အတတ်ကို လေ့ကျင့်ကြည့်တော့မှ ဒါက ဝိညာဉ်အာရုံကို မြှင့်တင်ပေးတာပဲ။ အရင်က မိုးခေါ်အတတ်က အဆင့်နိမ့်လွန်းလို့ အကျိုးသက်ရောက်မှုက မသိသာခဲ့တာ ဖြစ်နိုင်တယ်။ ရုပ်ခန္ဓာက စိတ်ဝိညာဉ်ကို ထောက်ပံ့ပေးသလို၊ စိတ်ဝိညာဉ်ကလည်း ရုပ်ခန္ဓာကို ပြန်ပြီး အကျိုးပြုနိုင်တာပဲ။ ဒီနှစ်ခုက တစ်ခုနဲ့တစ်ခု အပြန်အလှန် အထောက်အကူပြုနေတာပဲ။</p> <p>ကိုယ်ခံပညာရှင်တစ်ယောက်ရဲ့ လမ်းစဉ်မှာ ရှာဖွေစရာတွေက အများကြီး ကျန်နေသေးတာပဲ။</p> <p>လုံယီသည် သူ လျှောက်လှမ်းရမည့် လမ်းစဉ်တစ်ခုကို ရှာဖွေတွေ့ရှိလိုက်သကဲ့သို့ ခံစားလိုက်ရသည်။ သို့သော် ထိုလမ်းစဉ်မှာ ဝေဝါးနေဆဲဖြစ်ပြီး အနာဂတ်မှာလည်း မသေချာသေးပေ။ သို့သော်လည်း သူ၏ စွမ်းရည်ပြမျက်နှာပြင်ရှိနေသရွေ့ ဤလမ်းစဉ်ကို ပိုမိုသန့်စင်အောင် ပြုလုပ်ပြီး ဆက်လက်လျှောက်လှမ်းရန် သူ ယုံကြည်ချက် အပြည့်ရှိနေသည်။</p> <p>မျက်စိတစ်မှိတ်အတွင်းမှာပင် ဆယ်ရက်တာကာလ ကုန်ဆုံးသွားခဲ့ပြီ ဖြစ်သည်။</p> <p>ဝေကျန်း၏ ဦးဆောင်မှုဖြင့် တပည့်သစ် တစ်ရာကျော်၏ သုံးလပတ် အရည်အချင်းစစ်ဆေးမှုမှာ စတင်တော့မည် ဖြစ်သည်။ တပည့်သစ်များအတွက် စစ်ဆေးမှုကို အဓိကအားဖြင့် ကဏ္ဍလေးခုဖြင့် ခွဲခြားထားကာ စိုက်ခင်းထွက်နှုန်း၊ ဝိညာဉ်စွမ်းအား စစ်ဆေးမှု၊ ဝိညာဉ်အလောင်း ထိန်းချုပ်မှုနှင့် မှော်အတတ် ကျွမ်းကျင်မှုပင်။</p> <p>ဝိညာဉ်စွမ်းအား စစ်ဆေးမှုမှာ စုစုပေါင်းရမှတ်၏ ၄၀ ရာခိုင်နှုန်းရှိပြီး ကျန်ကဏ္ဍ သုံးခုမှာမူ တစ်ခုလျှင် ၂၀ ရာခိုင်နှုန်းစီ အချိုးကျ သတ်မှတ်ထားသည်။ ၎င်းစစ်ဆေးမှုများကို ဖေးရှီတောင်ထိပ်ရှိ ဥပဒေထိန်းသိမ်းရေးခန်းမမှ စောင့်ရှောက်သူများက တိုက်ရိုက်ကြီးကြပ်၍ အမှတ်ပေးကြမည် ဖြစ်သည်။</p> <p>စိုက်ပျိုးရေး ထွက်နှုန်းစစ်ဆေးမှုကို ဦးစွာပထမ ဆောင်ရွက်ရမည်ဖြစ်သော်လည်း ၎င်းကို တပည့်များ၏ လက်တွေ့လုပ်ဆောင်မှုအပေါ် မူတည်၍ စီစဉ်ရမည်ဖြစ်သည်။</p> <p>လုံယီကဲ့သို့သော ဝိညာဉ်အမြစ်ပါရမီအားနည်းသူများကို စိုက်ပျိုးရေးတာဝန် ပေးအပ်ထားသဖြင့် သူတို့အတွက် စိုက်ခင်းထွက်နှုန်းကို အဓိကစစ်ဆေးမည်ဖြစ်သည်။ အကဲဖြတ်</p> <p>စောင့်ရှောက်သူ တစ်ဦးတည်းကသာ ကွင်းဆင်းစစ်ဆေးမည်ဖြစ်ပြီး သက်ဆိုင်ရာတပည့် ကိုယ်တိုင်ရှိနေရန် မလိုပေ။ တစ်ဖက်တွင်မူ အခြားတာဝန်များပေးအပ်ခြင်းခံရသော ယို့ချင်းယီနှင့် ဝမ်ဝမ်ပိုင်တို့မှာမူ အခြားကဏ္ဍများကိုသာ စစ်ဆေးခံရမည်ဖြစ်သည်။</p> <p>ကျန်ရှိသော စစ်ဆေးမှုသုံးခုတွင်မူ တပည့်အားလုံး တန်းတူညီတူ ရှိကြသည်။ တပည့်အားလုံးကို တစ်နေရာတည်းတွင် စုဝေးစေကာ တစ်ဦးချင်းစီ လက်တွေ့စမ်းသပ်စစ်ဆေးမည်ဖြစ်သည်။</p> <p> ဝိညာဉ်စွမ်းအား စစ်ဆေးမှုသည် တပည့်များ၏ ကျင့်ကြံခြင်းအဆင့်ကို တိုင်းတာခြင်းပင်။ သုံးလတာကာလအတွင်း ဝိညာဉ်စွမ်းအား မည်မျှအထိ စုပ်ယူနိုင်ခဲ့သည်ကို စစ်ဆေးခြင်းဖြစ်ရာ ပါရမီထူးချွန်သူများအတွက် အလွန်အားသာချက်ရှိသည်။</p> <p>ဝိညာဉ်အလောင်း ထိန်းချုပ်မှုက မိမိ၏ ဝိညာဉ်အလောင်းနှင့် မည်မျှအထိ စည်းချက်ညီညီ ပေါင်းစပ်နိုင်သည်ကို စစ်ဆေးခြင်းဖြစ်သည်။ ပေါင်းစပ်မှုအားကောင်းလေ ဝိညာဉ်အလောင်းမှာ ပိုမိုသန်မာလာလေဖြစ်ပြီး အနာဂတ်တွင် ကျင့်ကြံသူ၏ အားနည်းသော ရုပ်ခန္ဓာကို အနီးကပ်ကာကွယ်ပေးနိုင်မည်ဖြစ်သည်။ အလောင်းထိန်းချုပ်ခြင်းဂိုဏ်းသားများအတွက် ၎င်းမှာ အသက်တမျှ အရေးကြီးသည်။</p> <p>မှော်အတတ် ကျွမ်းကျင်မှုသည် ကျင့်ကြံသူများအတွက် ကျင့်ကြံခြင်းက ပထမဦးစားပေးဖြစ်သော်လည်း ရန်သူကို ရင်ဆိုင်ရန်အတွက် မှော်အတတ်မှာ မရှိမဖြစ်လိုအပ်သည်။ တပည့်အများစုမှာ မိုးခေါ်အတတ်တစ်ခုတည်းကိုသာ သင်ယူထားကြရသဖြင့် ဤကဏ္ဍတွင် ၎င်းကျင့်စဉ်ကိုသာ စစ်ဆေးမည်ဖြစ်သည်။</p> <p>“စောင့်ရှောက်သူခန်.. ဒီတစ်သုတ်မှာ ကျွန်တော်ဦးဆောင်ခဲ့တဲ့ တပည့် ၁၆၈ ယောက်ထဲက ၁၃ ယောက်ကတော့ ဝိညာဉ်စွမ်းအားကို အာရုံမခံနိုင်လို့ ဂိုဏ်းကနေ အနှင်ခံလိုက်ရပါပြီ။ ကျန်တဲ့ ၁၅၅ ယောက်ကတော့ ပြင်ပစည်းမှာ ဆက်ရှိနေပါတယ်။ သူတို့စိုက်ပျိုးတဲ့ ဝိညာဉ်စိုက်ခင်းတွေကတော့ က ၅ ကနေ ခ ၉ ဇုန်တွေအတွင်းမှာ ရှိနေတာပါ။ အခု ဒါကတော့ က ၅ ဇုန်ပါပဲ...”</p> <p>နက်ပြာရောင် ဝတ်စုံဝတ်ထားပြီး အရပ်ရှည်ရှည် ပိန်ပိန်ပါးပါးနှင့် မျက်လုံးမှေးမှေးရှိသော အမျိုးသားတပည့်တစ်ဦးက ရှေ့ဆုံးမှနေ၍ ရှင်းလင်းပြောကြားနေခြင်းပင်။</p> <p>ဝေကျန်းသည် လုံယီနှင့် ယို့ချင်းယီတို့၏ တပည့်အသုတ်ကို ဦးဆောင်ရသူပီပီ ယခုအခါ ဝိညာဉ်စိုက်ခင်းများကြားရှိ လမ်းကလေးအတိုင်း လျှောက်လှမ်းနေသည်။ လမ်း၏ဝဲယာတစ်ချက်စီတွင် စိမ်းလန်းစိုပြည်နေသော ဝိညာဉ်စပါးခင်းကြီးများမှာ ရနံ့သင်းပျံ့နေပြီး စိတ်ကို ကြည်လင်လန်းဆန်းစေသည်။</p> <p>ဝေကျန်း၏ နောက်ကွယ်တွင်မူ အသက်အရွယ်အမျိုးမျိုးရှိသော အမျိုးသားလေးဦး လိုက်ပါလာကြသည်။ ရှေ့ဆုံးမှ လိုက်ပါလာသူမှာ အသက်လေးဆယ်ဝန်းကျင်ခန့်ရှိပြီး အလောင်းထိန်းချုပ်ခြင်းဂိုဏ်း၏ စောင့်ရှောက်သူဝတ်စုံဖြစ်သော အနီရောင်ဝတ်စုံကို ဝတ်ဆင်ထားသည်။ သူသည် ပိန်ပိန်ပါးပါးနှင့် မျက်နှာဖြူဖြူလျော်လျော်ရှိကာ လက်နှစ်ဖက်ကို နောက်ပစ်ထားပြီး သာမန်ထက်ထူးခြားသော အရှိန်အဝါမျိုး ထွက်ပေါ်နေသည်။</p> <p>သူ၏ဘေးတွင်မူ နက်ပြာရောင် ဝတ်စုံဝတ်ထားသော လူငယ်သုံးဦး ရှိနေသည်။ တစ်ဦးက စာရွက်စာတမ်းများကို ကိုင်ထားပြီး နောက်တစ်ဦးက ကျောက်စိမ်းဖြူမှတ်တမ်းကို ပိုက်ထားကာ ကျန်တစ်ဦးကမူ ငန်းဥပုံသဏ္ဌာန်ရှိသော ကြည်လင်သည့် ကျောက်တုံးတစ်တုံးကို တင်းတင်းဆုပ်ကိုင်ထားသည်။</p> <p>သူတို့သည် စိုက်ခင်းတစ်ခု၏ ရှေ့တွင် ရပ်တန့်လိုက်ကြသည်။ စာရွက်စာတမ်းကို ကိုင်ထားသော ကျင့်ကြံသူလူငယ်က တစ်ချက်ကြည့်လိုက်ပြီးနောက်  “ဇုန် က ၆ လူဇီယွမ် ... သူစိုက်ထားတဲ့ စိုက်ခင်းက ဒီမှာပါ” ဟု ပြောလိုက်သည်။</p> <p>သူတို့ရှေ့ရှိ ဝိညာဉ်စိုက်ခင်းမှာ တစ်ဧကခန့် ကျယ်ဝန်းပြီး ဝိညာဉ်စပါးပင်များမှာ သုံးပေမှ လေးပေခန့်အထိ မြင့်မားနေကာ စပါးနှံများမှာလည်း အောင်မြင်ဖြစ်ထွန်းနေသည်။ နောက်လအနည်းငယ်အတွင်း ရိတ်သိမ်းချိန်ရောက်ပါက အထွက်နှုန်းကောင်းမည့် အနေအထားမျိုး ဖြစ်သည်။</p> <p>ဝေကျန်းကလည်း ယုံကြည်မှုအပြည့်ဖြင့် ပြုံးလိုက်ကာ  “ဒီလူဇီယွမ်ကို ကျွန်တော်သိပါတယ်။ သူ့ရဲ့ ဝိညာဉ်အမြစ်ပါရမီက အဆင့်နိမ့်အဆင့်ဆိုပေမဲ့ အလယ်အလတ်အဆင့်နဲ့ သိပ်မဝေးပါဘူး။ ဒါ့အပြင် သူက အရမ်းဇွဲရှိပြီး တာဝန်ကျေပွန်တဲ့သူပါ။ နောင်တစ်ချိန်မှာ သူ့ရဲ့အောင်မြင်မှုက အလယ်အလတ်အဆင့်ရှိသူတွေထက်တောင် နိမ့်ကျမှာမဟုတ်ဘူး” ဟု ချီးကျူးစကားပြောလိုက်သည်။</p> <p>သို့သော်လည်း အနီရောင်ဝတ်စုံဝတ် စောင့်ရှောက်သူခန်ကမူ ပတ်ဝန်းကျင်ကို လှည့်ပတ်</p> <p>ကြည့်ရှုကာ စပါးနှံအချို့ကို ဆွဲနှုတ်စစ်ဆေးရင်း မျက်မှောင်ကြုတ်လိုက်သည်။</p> <p>“ဝိညာဉ်စပါးပင်တွေ သိသိသာသာ ပျောက်ဆုံးနေတဲ့ နေရာတော်တော်များများကို ငါတွေ့တယ်။ အပင်တွေက ကြီးထွားမှုမကောင်းလို့ အတင်းဆွဲနှုတ်ပစ်ထားတာလား ဒီလိုနှုတ်ထားတဲ့ အပင်အရေအတွက်က မနည်းဘူး။ အနည်းဆုံး ဆယ်ဂဏန်း၊ ရာဂဏန်းလောက်တောင် ရှိနိုင်တယ်။ ဒါကြောင့် ဒီစိုက်ခင်းက နဂိုထွက်ရမယ့်နှုန်းထက် သိသိသာသာ လျော့သွားလိမ့်မယ်"</p> <p>စောင့်ရှောက်သူခန်က ခေါင်းခါလိုက်ပြီး  “ဒီလိုမျိုး လှည့်စားတာက ဘာမှထူးမှာမဟုတ်ဘူး။ ဒါပေမဲ့ အပင်အများစုက ကြီးထွားမှုကောင်းတာကို ထောက်ထားပြီးတော့ အလယ်အလတ်အဆင့်ပဲ သတ်မှတ်ပေးလိုက်မယ်” ဟု ဆုံးဖြတ်လိုက်တော့သည်။</p> <p>ဝေကျန်းသည် ထိုစကားကို ကြားလိုက်ရသောအခါ သူ၏ အပြုံးများမှာ ရုတ်တရက် တောင့်ခဲသွားတော့သည်။ သို့သော်လည်း စောင့်ရှောက်သူခန်၏ နောက်ကွယ်မှ လူငယ်များမှာမူ သူတို့၏ တာဝန်အသီးသီးကို ပုံစံအမျိုးမျိုးဖြင့် လုပ်ဆောင်နေကြသည်။</p> <p>စာရွက်စာတမ်းကို ကိုင်ထားသော တပည့်သည် သူ၏ ရင်ဘတ်အိတ်ကပ်ထဲမှ အနက်ရောင် စုတ်တံတစ်ချောင်းကို ထုတ်ယူကာ စာအုပ်ငယ်ထဲရှိ အမည်တစ်ခု၏ ဘေးတွင် အလယ်အလတ်ဟု စာလုံးကြီးကြီး ရေးသားလိုက်သည်။ ကျောက်စိမ်းဖြူမှတ်တမ်းကို ကိုင်ထားသူကမူ ဝိညာဉ်စွမ်းအား အနည်းငယ်ကို လည်ပတ်စေလိုက်ရာ လူဇီယွမ်၏ အမည်မှာ မှတ်တမ်းပေါ်တွင် လင်းလက်လာသည်။ သူသည် သူ၏လက်ချောင်းကို ကလောင်တံသဖွယ် အသုံးပြု၍ အမည်ဘေးတွင် အလယ်အလတ်ဟုပင် ရေးထိုးလိုက်ပြန်သည်။ ဤကျောက်စိမ်းဖြူမှတ်တမ်းမှာ ယနေ့ခေတ် နည်းည်းပညာကဲ့သို့ပင် အသုံးပြု၍ရပုံပင်။</p> <p>ငန်းဥပုံသဏ္ဌာန်ရှိသော ကြည်လင်သည့် ကျောက်တုံးကို ကိုင်ထားသူကမူ ကျောက်တုံးကို သူ၏ ရင်ဘတ်ရှေ့တွင် နေရာချလိုက်ရာ အဖြူရောင် အလင်းတစ်ချက် လင်းလက်သွားသည်။ ထိုကျောက်တုံး၏ အလယ်ဗဟိုတွင် ဝိညာဉ်စိုက်ခင်း၏ ပုံရိပ်ငယ်ကလေးတစ်ခု ပေါ်ထွက်လာပြီး ဓာတ်ပုံသက်သေအဖြစ် သိမ်းဆည်းလိုက်သည်။</p> <p>“နောက်တစ်နေရာကို ဆက်သွားကြစို့”</p> <p>စောင့်ရှောက်သူခန်က အေးစက်စွာ ပြောလိုက်သည်။</p> <p>“နားလည်ပါပြီခင်ဗျာ"</p> <p>ဝေကျန်းသည် ပြန်လည်ငြင်းဆန်ရန် မဝံ့ရဲသဖြင့် အဖွဲ့ကို ဦးဆောင်ကာ နောက်ထပ် တပည့်တစ်ဦး၏ ဝိညာဉ်စိုက်ခင်းရှိရာသို့ ဆက်လက်ထွက်ခွာခဲ့ရသည်။ သို့သော် သူ၏ စိတ်ထဲတွင်မူ မကျေမနပ် ရေရွတ်နေမိတော့သည်။</p> <p>ဒီလူကြီးခုံက တကယ့်ကို တင်းကျပ်လွန်းတာပဲ။ ကြီးထွားမှုမကောင်းတဲ့ အပင်အချို့ကို နှုတ်</p> <p>ပစ်တာ ဘာအရေးကြီးလို့လဲ။ ဒါက တကယ့်ကို အသေးအဖွဲလေးကို အပြစ်ရှာနေတာပဲ။</p> <p>ဒါက ငါ့ရဲ့ အကျိုးဆောင်မှုရမှတ်ကို ထိခိုက်စေတယ်။ ဒီတပည့်အသုတ်ရဲ့ အမှတ်တွေ ကောင်းလေလေ ငါ့ရဲ့ အကျိုးဆောင်မှုရမှတ်တွေ များလေလေပဲဟာကို။</p> <p>ဒါမှမဟုတ် ငါက စီနီယာအကြီးအကဲချန်ကို ဆရာအဖြစ် မရွေးချယ်ခဲ့လို့ ငါ့ကို တမင်သက်သက် အကျပ်ကိုင်ဖို့ လူလွှတ်လိုက်တာလား အဲ့ဒီလူကြီးက သဘောထားကြီးတယ်လို့ နာမည်ကြီးတာတော့ ကြားဖူးပါတယ်...</p> <p>နောက်ထပ် စိုက်ခင်းအချို့သို့ ရောက်သောအခါတွင်လည်း စောင့်ရှောက်သူခန်သည် အမှတ်ပေးခြင်းနှင့် အကဲဖြတ်ခြင်းများကို ဆက်လက်လုပ်ဆောင်နေသဖြင့် ဝေကျန်း၏ မျက်နှာမှာ ပို၍ပင် မှောင်မှောင်မည်းမည်း ဖြစ်လာတော့သည်။</p> <p>“ဝိညာဉ်စပါးတွေက ကြီးထွားမှု မညီမညာဖြစ်နေတယ်။ ဒါက မိုးခေါ်အတတ်ကို စနစ်တကျ အသုံးမပြုနိုင်တာကို ပြနေတာပဲ။ အနိမ့်ဆုံးအဆင့်"</p> <p>“ဟင်း... ဘာလို့ ပိုးမွှားတွေ ဒီလောက်တောင် များနေရတာလဲ။ ပေါင်းပင်တွေလည်း အများကြီးပဲ။ အလယ်အလတ်”</p> <p>“ထွက်နှုန်းကတော့ သာမန်ပါပဲ။ ထူးထူးခြားခြား ကောင်းတာလည်း မဟုတ်သလို ညံ့တာလည်း မဟုတ်ဘူး။ အလယ်အလတ်"</p> <p>စိုက်ခင်းအားလုံးနီးပါးကို အမှတ်ပေးပြီးချိန်တွင် အမြင့်ဆုံးအဆင့် တစ်ခုမျှ မရှိသည့်အပြင် အထက်အဆင့်ပင် အလွန်ရှားပါးသည်။ ဝေကျန်းမှာ အလွန်အမင်း မကျေမနပ် ဖြစ်နေသဖြင့် စကားပင် သိပ်မပြောချင်တော့ချေ။</p> <p> </p> <p> </p> <p style="text-align: center;">***</p>


Save