Book List

<h2 style="text-align: center;">အခန်း ၁၆၃</h2> <h2 style="text-align: center;"> ကိုးကမ္ဘာနတ်လက်နက် ပေါ်ထွန်းခြင်း..... ကျင်းယွမ်ကလန် တုန်လှုပ်သွားခြင်း..</h2> <h2 style="text-align: center;">*</h2> <p> </p> <p> </p> <p>ကိုးကမ္ဘာနတ်လက်နက် တစ်ခုကို သွန်းလုပ်ရန်အတွက် ရက်သတ္တပတ် နှစ်ပတ် (၁၅ ရက်) ခန့် ကြာမြင့်မည် ဖြစ်သည်။</p> <p>ဤသည်မှာလည်း ဂျိချန်းဖန်တွင် မီးလျှံမှန် ရှိနေသောကြောင့်သာ ဖြစ်သည်။ မဟုတ်လျှင်... ကိုးကမ္ဘာနတ်လက်နက်တစ်ခု သွန်းလုပ်ရန် အနည်းဆုံး အချိန်ခြောက်လခန့် ကြာမြင့်ပေလိမ့်မည်။</p> <p>လိုအပ်သော ပစ္စည်းများကို ရရှိပြီးနောက် ဂျိချန်းဖန်သည် ကျင့်ပင်အာနှင့်အတူ ရွှမ်ချာဂိုဏ်း တည်ထောင်ရေးဆိုင်ရာ ကိစ္စအချို့ကို ကူညီဖြေရှင်းပေးခဲ့ပြီးနောက် နတ်လက်နက် သွန်းလုပ်ရန်အတွက် အထီးကျန် တရားကျင့်ကြံသည့် ဂူအတွင်းသို့ ဝင်ရောက်သွားတော့သည်။</p> <p>အသုံးပြုမည့် ပစ္စည်းပမာဏမှာ အလွန်အကျွံ မဟုတ်သောကြောင့် ဂျိချန်းဖန်သည် ဆံထိုးပုံစံ နတ်လက်နက်တစ်ခုကိုသာ သွန်းလုပ်ရန် စီစဉ်ထားသည်။</p> <p>ယခင်က အတွေ့အကြုံများ ရှိထားပြီးဖြစ်သဖြင့် ယခုတစ်ကြိမ်တွင် သူ မလွဲချော်နိုင်ဟု ယုံကြည်နေသည်။ ကိုးကမ္ဘာနတ်လက်နက် အဆင့်ရှိသော လက်နက်တစ်ခုကို သွန်းလုပ်ရန်မှာ သူ့အတွက် ပြဿနာ မရှိနိုင်ပေ။</p> <p>“ဝုန်း…”</p> <p>ကျင့်ကြံရာဂူအတွင်း၌ ဂျိချန်းဖန်သည် မီးလျှံမှန်ကို ဆင့်ခေါ်လိုက်ရာ ပြင်းထန်သော မီးတောက်များ မှုတ်ထုတ်လာသည်။</p> <p>သူသည် ကိုးကမ္ဘာ့ထူးခြားသတ္တု အပိုင်းအစနှစ်ခုကို မီးတောက်များ၏ အဆီအနှစ်ဖြင့် စတင် သွန်းလုပ်တော့သည်။</p> <p>အစောပိုင်း သွန်းလုပ်ခြင်း အဆင့်သည် အချိန်အတော်အတန် ပေးရသည်။ ထိုအချိန်အတွင်း သူသည် အားလပ်ခြင်း မရှိပေ။ လက်တွေ့အသုံးဝင်လှသော နတ်ဆေးလုံး အပုံလိုက်ကိုလည်း တစ်ပါတည်း ဖော်စပ်နေခဲ့သည်။</p> <p>၎င်းတို့အနက် သူသည် 'ရှန်ကျင်းဆေးလုံး' ဟု ခေါ်သော နတ်ဆေးလုံးတစ်မျိုးကိုလည်း ဖော်စပ်ခဲ့သည်။</p> <p>အမည်အတိုင်းပင် ၎င်းဆေးလုံးသည် ရှန်ကျင်း နယ်ပယ်သို့ ဖောက်ထွက် နိုင်မည့် အခွင့်အလမ်းကို တိုးမြင့်ပေးနိုင်သည်။</p> <p>ဤဆေးလုံးမှာ ဂျိချန်းဖန်က ယခင်က ရရှိခဲ့သော နဂါးနီ၏ အတွင်းအားအနှစ် ကို အခြားသော ကောင်းကင်နှင့် မြေကြီးရတနာများနှင့် ပေါင်းစပ်ဖော်စပ်ထားသည့် အဆင့်မြင့်ဆုံး နတ်ဆေးလုံး ဖြစ်သည်။</p> <p>အကယ်၍ ဤသတင်းသာ အပြင်သို့ ပေါက်ကြားသွားပါက နတ်ဘုရားနယ်မြေ တိုက်ကြီးတစ်ခုလုံး ပေါက်ကွဲသွားလောက်အောင် တုန်လှုပ်သွားပေလိမ့်မည်။</p> <p>မည်သို့ပင်ဆိုစေ ၎င်းမှာ ရှန်ကျင်းနယ်ပယ်သို့ တက်လှမ်းရာတွင် အထောက်အကူပြုသည့် ဆေးလုံး မဟုတ်ပါလား....... လောကတွင် တစ်ခုတည်းသာ ရှိသောအရာပင်....... မည်သူက ငြင်းပယ်နိုင်ပါမည်နည်း.......</p> <p>ဤဆေးလုံးသာ လူသိရှင်ကြား ဖြစ်သွားပါက ကျင့်ကြံသူ အပေါင်း၏ လုယူလိုစိတ်ကို နှိုးဆွပေးသကဲ့သို့ ဖြစ်သွားပေလိမ့်မည်...။</p> <p>၎င်း၏ အာနိသင်မှာ ထင်ရှားလွန်းလှသည် မဟုတ်ပါလော။</p> <p>တောင်းရမ်းလက်ဆောင်အဖြစ် အသုံးပြုမည့် နတ်ဆေးလုံးအချို့ကို ဖော်စပ်ပြီးနောက် ဂျိချန်းဖန်သည် ဆေးဖော်စပ်ခြင်းကို ရပ်နားလိုက်ပြီး မီးတောက်များကြားတွင် အရည်ပျော်နေသော ကိုးကမ္ဘာ့ထူးခြားသတ္တုဆီသို့သာ အာရုံစိုက်လိုက်တော့သည်။</p> <p>တစ်ခဏချင်းမှာပင် ရက်သတ္တပတ် နှစ်ပတ် ကုန်ဆုံးသွားခဲ့သည်။ ထိုအချိန်အတွင်း ရွှမ်ချာဂိုဏ်း တည်ထောင်ခြင်း လုပ်ငန်းစဉ်မှာလည်း လုံးဝ ပြီးစီးသွားခဲ့ပြီ ဖြစ်သည်။</p> <p>ကျင်းယွမ်ကလန်နှင့် မိုင်တစ်ရာခန့် ဝေးကွာသော မြောင်ယင်းတောင်ထိပ်တွင် နန်းတော်များမှာ တစ်ခုပြီးတစ်ခု ပေါ်ထွက်လာပြီး ၎င်းတို့၏ တည်ဆောက်ပုံမှာလည်း အလွန်ပင် ခမ်းနားလှသည်...။</p> <p>တစ်ချိန်တည်းမှာပင် ကျင်းယွမ်ကလန်သည်လည်း ဖြောင့်မတ်သောလမ်းစဉ်နှင့် နတ်ဆိုးလမ်းစဉ် နှစ်ဖက်စလုံးကို 'ရွှမ်ချာဂိုဏ်း' တည်ထောင်ကြောင်း ကြေညာလိုက်ပြီး ဖြောင့်မတ်သောလမ်းစဉ်တွင် နောက်ထပ် ထိပ်တန်းဂိုဏ်းတစ်ခု တိုးပွားလာခြင်းအတွက် ဂုဏ်ပြုကြောင်း အသိပေးလိုက်သည်။</p> <p>ချက်ချင်းဆိုသလိုပင် နတ်ဘုရားနယ်မြေ တစ်ခုလုံး ဆွံ့အသွားကြသည်။</p> <p>ရွှမ်ချာဂိုဏ်း....... ဟဲ့ဟွမ် မူလလမ်းစဉ်.......</p> <p>မဖြစ်နိုင်တာ....... ဟဲ့ဟွမ်ဂိုဏ်းက မကောင်းမှုကို စွန့်ပယ်ပြီး ကောင်းမှုဘက်ကို ကူးပြောင်းလာတာလား..............</p> <p>သာမန်ကျင့်ကြံသူများသာမက လမ်းစဉ်နှစ်ခုလုံးမှ လူများမှာလည်း ဝေခွဲမရ ဖြစ်ကုန်ကြသည်။</p> <p>ဟဲ့ဟွမ်ဂိုဏ်းက သူတို့ရဲ့ အဆုံးအမတွေကို သစ္စာဖောက်လိုက်တာလား....... ငါတို့ ဘာလို့ မသိရတာလဲ....... ပြီးတော့ ရွှမ်ချာဂိုဏ်း ဆိုတာကကော ဘာလဲ.......</p> <p>မြေခွေးနီတောင် ၊ နတ်ဆိုးဘုရင်ဂိုဏ်း။</p> <p>ဂိုဏ်းချုပ် ဝမ်ရန်ဝမ် သည် သူ၏လက်ထဲမှ သတင်းအချက်အလက်ကို ကြည့်ရင်း မျက်မှောင်ကြုတ်လိုက်မိသည်။</p> <p>ဟဲ့ဟွမ် မူလလမ်းစဉ်....... ရွှမ်ချာဂိုဏ်း..............</p> <p>သူသည် ကျင့်ပင်အာကို ချက်ချင်းပင် သတိရလိုက်သည်။ မည်သို့ပင်ဆိုစေ သူမသည် ဟဲ့ဟွမ် မူလလမ်းစဉ်၏ အမွေအနှစ်ကို ထိန်းချုပ်ထားသူ မဟုတ်ပါလား.......</p> <p>ဒါဆိုရင်... သူမက ကျင်းယွမ်ကလန်ကို သွားပြီး အားကိုးရှာလိုက်တာလား....... မဟုတ်သေးဘူး....... သူမက မိန်းကလေးငယ်လေး တစ်ယောက်ပဲ ရှိသေးတာ။</p> <p>သူမမှာ တကယ်ပဲ အဲ့ဒီလို စွမ်းဆောင်နိုင်ရည်မျိုး ရှိလို့လား.......</p> <p>ဝမ်ရန်ဝမ်၏ မျက်လုံးများ လက်ခနဲ ဖြစ်သွားသည်။ တစ်ခုခု မှားယွင်းနေကြောင်း သူ ချက်ချင်း ခံစားလိုက်ရပြီး အရာအားလုံးကို နားလည်သွားတော့သည်။</p> <p>“ဟဲဟဲ အံ့ဖွယ်သုံးပါးနတ်သမီးမှာ ကောင်းမွန်တဲ့ နည်းလမ်းတွေ ရှိတာပဲ.......” ခေတ္တမျှ တိတ်ဆိတ်သွားပြီးနောက် ဝမ်ရန်ဝမ်က သက်ပြင်းချလိုက်သည်။</p> <p>သံသယဖြစ်စရာ မလိုပေ။ ဤကိစ္စတွင် အံ့ဖွယ်သုံးပါးနတ်သမီး၏ စီစဉ်မှုများ ပါဝင်နေရမည်။</p> <p>မဟုတ်လျှင် ကျင့်ပင်အာသည် ဟဲ့ဟွမ် မူလလမ်းစဉ်၏ အမွေအနှစ်ကို ဤမျှ လွယ်ကူစွာ ယူဆောင်သွားနိုင်လိမ့်မည် မဟုတ်ပေ။</p> <p>နတ်ဆိုးဂိုဏ်း၏ တမန်တော်ကြီး လေးပါးမှာလည်း စုဝေးနေကြသည်။ အဇူရာနဂါးနှင့် အခြားသူများမှာလည်း သက်ပြင်းချနေကြသည်။</p> <p>အံ့ဖွယ်သုံးပါးနတ်သမီး၏ နှစ်ဖက်ခွပြီး ကြိုးစားမှုမှာ မနှစ်မြို့ဖွယ် ဖြစ်နိုင်သော်လည်း သူမသည် သေဆုံးသွားပြီဖြစ်ရာ ယခုအချိန်တွင် မည်သူက ဘာပြောနိုင်ပါဦးမည်နည်း.......</p> <p>ယူကျင်း၏ ကြယ်တာရာကဲ့သို့ မျက်လုံးများမှာမူ လက်ခနဲ ဖြစ်သွားသည်။</p> <p>သူမသည် ဘေးဘက်တွင် ကျော့ရှင်းစွာ ထိုင်နေပြီး မျက်လုံးလေးများကို အသာအယာ နှိမ့်ချကာ တစ်ခုခုကို စဉ်းစားနေပုံရသည်။</p> <p>“ဟင်း…” ဝမ်ရန်ဝမ်က သက်ပြင်းချလိုက်သည်။ နှစ်ဖက်ခွပြီး အားကိုးရှာတာလား....... နတ်ဆိုးဘုရင်ဂိုဏ်းကလည်း ဒါကို လုပ်နိုင်တာပဲ။</p> <p>သို့သော် သူ၏ သမီးဖြစ်သူ ပိယောင်ကို တွေးမိသောအခါ သူ မတတ်နိုင်ဘဲ ဖြစ်နေရသည်။</p> <p>သူ၏ သမီးအရင်းမှာ နတ်ဆိုးဂိုဏ်းကြီး အမြန်ဆုံး ပျက်စီးသွားစေရန်သာ ဆုတောင်းနေသည် မဟုတ်ပါလား။ သူ ဘာတတ်နိုင်ပါဦးမည်နည်း.......</p> <p>...</p> <p>အခြားတစ်ဖက်တွင်မူ အဆိပ်တစ်သောင်းဂိုဏ်း၊ ဟဲ့ဟွမ်ဂိုဏ်း နှင့် သက်ရှည်ခန်းမ တို့မှာလည်း 'ရွှမ်ချာဂိုဏ်း' တည်ထောင်သည့် သတင်းကို ကြားသိရချိန်တွင် ခံစားချက် အမျိုးမျိုး ဖြစ်ပေါ်နေကြသည်။</p> <p>အဆိပ်တစ်သောင်းဂိုဏ်းက အနည်းငယ် အံ့သြသွားသော်လည်း အလေးအနက်မထားပေ။ မည်သို့ပင်ဖြစ်စေ အသစ်တည်ထောင်ထားသော ဂိုဏ်းလေးတစ်ခုက ဘာမှလုပ်နိုင်မည်မဟုတ်ပေ.......။</p> <p>၎င်းအပြင် ရွှမ်ချာဂိုဏ်း၏ ဂိုဏ်းချုပ် ကျင့်ပင်အာမှာ ယွီကျင်း နယ်ပယ်တွင်သာ ရှိသေးပြီး ရှန်ကျင်း နယ်ပယ်သို့ပင် မရောက်သေးရာ ကြောက်နေစရာ မလိုပေ။</p> <p>ရွှမ်ချာဂိုဏ်း တည်ထောင်ခြင်းမှာ ဟဲ့ဟွမ်ဂိုဏ်းကို စိတ်အနှောင့်အယှက် ဖြစ်စေရန်သာ ရှိပြီး လက်တွေ့တွင်မူ အသုံးမဝင်လှပေ။</p> <p>၎င်းမှာလည်း အမှန်တရားပင် ဖြစ်သည်။ ဟဲ့ဟွမ်ဂိုဏ်းဝင်များမှာ စိတ်ပျက်လွန်း၍ သေလုနီးပါး ဖြစ်နေကြသည်။</p> <p>“မင်းက ငါတို့ဂိုဏ်းရဲ့ ကျင့်စဉ်တွေကို ယူတယ်၊ ငါတို့ဂိုဏ်းရဲ့ နတ်လက်နက်တွေကို သုံးတယ်၊ ဒါတင်မပ ငါတို့ဂိုဏ်းရဲ့ အမွေအနှစ်တွေကို ခိုးယူတယ်၊ ပြီးတော့ မင်းကိုယ်မင်း 'ဟဲ့ဟွမ် မူလလမ်းစဉ်' လို့ ခေါ်တယ် ဟုတ်လား.....................</p> <p>နောက်ပြောင်နေတာလား.......”</p> <p>ခေတ္တမျှအတွင်း ဟဲ့ဟွမ်ဂိုဏ်းတစ်ခုလုံးမှာ ရွှမ်ချာဂိုဏ်းအပေါ် ရန်လိုမုန်းတီးလာကြသည်။ သူတို့သည် သက်ရှည်ခန်းမနှင့် ပူးပေါင်းကာ ရွှမ်ချာဂိုဏ်းကို တိုက်ရန် ကြံစည်နေကြသည်။</p> <p>သို့သော် နှမြောစရာကောင်းသည်မှာ ၎င်းမှာ ဘယ်သောအခါမှ ဖြစ်မလာနိုင်သော ကိစ္စပင်။ ရွှမ်ချာဂိုဏ်း၏ နောက်ကွယ်တွင် ကျင်းယွမ်ကလန် ရှိနေသည် မဟုတ်ပါလား....... မည်သူမျှ ဘာမှ မလုပ်နိုင်ပေ။</p> <p>...</p> <p>ကျင်းယွမ်ကလန်၊ တိုက်ကျူးတောင်ထိပ်.......</p> <p>မူလက ငြိမ်သက်နေသော တောင်ထိပ်မှာ ရုတ်တရက် အပြောင်းအလဲကြီးတစ်ခု ဖြစ်ပေါ်လာသည်။ တောက်ပသော ဝိညာဉ်အလင်းတန်းများမှာ ကျင့်ကြံရာဂူအတွင်းမှ ကောင်းကင်ယံသို့ ထိုးတက်သွားပြီး တိမ်တိုက်များကို ဖောက်ထွက်သွားတော့သည်။</p> <p>ဤမြင်ကွင်းမှာ ကျင်းယွမ်ကလန်၏ တောင်ထိပ်ခုနစ်ခုစလုံးကို ချက်ချင်းပင် လှုပ်ခတ်သွားစေသည်။</p> <p>တောက်ပသော ဝိညာဉ်အလင်းတန်းများမှာ အမျိုးမျိုးသော အရောင်အဆင်းများ ဖြာထွက်နေပြီး စူးရှသော အရှိန်အဝါများမှာလည်း အဆက်မပြတ် ပျံ့နှံ့နေကာ အနားသို့ မကပ်ရသေးခင်မှာပင် ဖိအားတစ်ခုကို ခံစားရစေသည်။</p> <p>ဒါက... နတ်ဘုရားလက်နက်တစ်ခု ပေါ်ထွန်းလာတာလား..............</p> <p>တောင်ထိပ်ခုနစ်ခုမှ တပည့်များမှာ အံ့သြသွားကြသည်။</p> <p>တိုက်ကျူးတောင်ထိပ်မှာ ဒဏ္ဍာရီလာ နတ်လက်နက် ရှိနေသေးလို့လား....... ငါ မှတ်မိသလောက်ဆိုရင် မိုရွှယ် နတ်ဘုရားဓား တစ်စင်းပဲ ရှိတာလေ....... ဒါပေမဲ့ မိုရွှယ်ဓားကို ဂျိချန်းဖန်ကို ပေးလိုက်ပြီ မဟုတ်ဘူးလား....... အဲ့ဒါဆိုရင် ဒီနေ့ ပေါ်ထွန်းလာတဲ့ နတ်ဘုရားလက်နက်က ဘာလဲ..............</p> <p>တောင်ထိပ်ခုနစ်ခုမှ ခေါင်းဆောင်များသည်လည်း တိုက်ကျူးတောင်ထိပ်မှ လှုပ်ရှားမှုကို သတိပြုမိလိုက်ကြသည်။</p> <p>သူတို့၏ ဗဟုသုတအရ ဤကဲ့သို့ ကောင်းကင်သို့ ထိုးတက်နေသော ဝိညာဉ်အလင်းတန်းမှာ သာမန်နတ်လက်နက် မဟုတ်ဘဲ ကိုးကမ္ဘာနတ်လက်နက်တစ်ခု ပေါ်ထွန်းလာချိန်တွင်သာ မြင်တွေ့ရတတ်သော အံ့ဖွယ်မြင်ကွင်း ဖြစ်ကြောင်း သိလိုက်ကြသည်။</p> <p>ဒါဆိုရင်... တိုက်ကျူးတောင်ထိပ်က တစ်ယောက်ယောက်က ကိုးကမ္ဘာနတ်လက်နက်တစ်ခုကို သွန်းလုပ်လိုက်တာလား.......</p> <p>...</p> <p>ရှောင်ကျူးတောင်ထိပ်၊ ကျင့်ကျူးဆောင်။</p> <p>တာအိုသခင်မ (ရွှယ်ယွဲ့) ၏ မျက်လုံးများမှာ တိုက်ကျူးတောင်ထိပ်ဘက်သို့ အံ့သြစွာ ကြည့်နေမိသည်။ သူမသည် ကောင်းကင်သို့ ထိုးတက်နေသော အလင်းတန်းကို ကြည့်ရင်း ခေတ္တမျှ တွေးတောလိုက်သည်။</p> <p>“မင်းတို့ ဒီမှာပဲ စောင့်နေကြ။ မင်းတို့ရဲ့ ဆရာမက တိုက်ကျူးတောင်ထိပ်ကို သွားလိုက်ဦးမယ်။” တာအိုသခင်မက သူမ၏ တပည့်များကို တိုးတိုးလေး မှာကြားလိုက်သည်။</p> <p>သို့သော် ထိုအချိန်မှာပင် မြင့်မားသွယ်လျပြီး ကျော့ရှင်းသော ပုံရိပ်တစ်ခုက ရှေ့သို့ တက်လာသည်။</p> <p>အဖြူရောင် ဝတ်စုံကို ဝတ်ဆင်ထားသော မိန်းကလေးမှာ လက်ထဲတွင် အမှောင်ဆီးနှင်းဓား ကို ကိုင်ဆောင်ကာ ကြည်လင်သော အသံဖြင့် ပြောလိုက်သည်  “ဆရာ... ကျွန်မကိုလည်း ဆရာနဲ့အတူ လိုက်ခွင့်ပြုပါ။”</p> <p>၎င်းကို ကြားသော် ဂရန်းမာစတာ ရွှယ်ယွဲ့သည် နောက်သို့ လှည့်ကြည့်လိုက်သည်။</p> <p>သူမသည် သူမ၏ ဂုဏ်ယူရဆုံး တပည့်ကို ကြည့်ပြီး နောက်ဆုံးတွင် လိုက်ခွင့်ပြုလိုက်တော့သည်။</p> <p>သူမ မသိလိုက်သည့် အချက်မှာ မကြာမီတွင် သူမသည် ဤဆုံးဖြတ်ချက်အတွက် နောင်တရလိမ့်မည် ဆိုသည်ပင်။</p> <p>“ဘာလို့ အကြောင်းပြချက် မရှိဘဲ တိုက်ကျူးတောင်ထိပ်ကို သွားခဲ့မိပါလိမ့်.............. တောက်.......”</p> <p>“ဝှစ်…”</p> <p>ဓားအလင်းတန်းများမှာ ကောင်းကင်သို့ ပျံတက်သွားကြသည်။</p> <p>တောင်ထိပ်တစ်ခုစီမှ ခေါင်းဆောင်များသည် ဘာများဖြစ်နေသလဲဆိုသည်ကို သိလိုသဖြင့် ၎င်းတို့၏ ဓားများဖြင့် တိုက်ကျူးတောင်ထိပ်ဆီသို့ ပျံသန်းသွားကြတော့သည်။</p> <p>မည်သို့ပင်ဆိုစေ ကိုးကမ္ဘာနတ်လက်နက်တစ်ခု ပေါ်ထွန်းသည့် မြင်ကွင်းမှာ တွေ့ရခဲလှသည်။</p> <p> </p> <p> </p> <p style="text-align: center;">***</p>


Save