Book List

<h2 style="text-align: center;">အခန်း (၅၇၁)</h2> <h2 style="text-align: center;">ဆန်းကြယ်လေးပါး ဓားသင်္ကေတ၊ ဓားအင်ပါယာ၏ အနားယူရာနေရာ၊</h2> <h2 style="text-align: center;">ကျန့်ချန်ဖုန်း - အရုပ်မော်ဒယ်</h2> <h2 style="text-align: center;">*</h2> <p> </p> <p> </p> <p> </p> <p>တားမြစ်မြေရိုင်းရှိ နေရာတစ်ခုတွင် ဖြစ်၏။</p> <p>ချူခွမ်းရန်သည် တောင်ပေါ်လမ်းများအတိုင်း လမ်းလျှောက်နေသည်။ ရတနာရှာဖွေခြင်းစွမ်းရည်ကို အသက်သွင်းထားပြီး အနီးအနားတွင် တွေ့ရှိသော မည်သည့် ရတနာကိုမဆို ချက်ချင်း ဆွဲယူနေ၏။</p> <p>တားမြစ်မြေရိုင်းဖြစ်စေ၊ လျှို့ဝှက်ဆန်းကြယ် သစ်တောနယ်မြေ ဖြစ်စေ၊ ဤနေရာများသည် ချူခွမ်းရန်အတွက် ရတနာများ တူးဖော်ရန် အကောင်းဆုံးနေရာများ ဖြစ်သည်။</p> <p>ရုတ်တရက် သူ၏ ဆက်သွယ်ရေး သံလိုက်အိမ်မြှောင် စတင် တုန်ခါလာ၏။</p> <p>ချူခွမ်းရန်က သူ့သံလိုက်အိမ်မြှောင်ကို ဖွင့်ကြည့်လိုက်သောအခါ ကောက်ကျစ်သော အပြုံးတစ်ခု မျက်နှာပေါ်တွင် ပေါ်လာသည်။</p> <p>“ဓားတာအိုသခင်က သိပ်တော့ မတုံးဘူးပဲ... ကျန့်ချန်ဖုန်းရဲ့ ထူးဆန်းတဲ့ အပြုအမူကို သတိထားမိသွားပြီ...”</p> <p>ချူခွမ်းရန်အနေဖြင့် ထိုသတင်းကြောင့် အံ့သြခြင်းမရှိပေ။</p> <p>ကျန့်ချန်ဖုန်းကို ထားလိုက်ပါ။ မြင့်မြတ်သခင်ဓားသမားမိန် ပေါ်သွားလျှင်ပင် သူ စိုးစဉ်းမျှ ခံစားရမည် မဟုတ်ပေ။</p> <p>သူတို့က ဓားမျိုးနွယ်စုဝင်များ ဖြစ်ကြသည်လေ။ သူတို့ ကိုယ့်ဂိုဏ်းကို သစ္စာဖောက်လိုက်သည့် အချိန်ကတည်းက ဓားမျိုးနွယ်စုအတွက် ဆုံးရှုံးပြီးသား ဖြစ်သည်။</p> <p>ချူခွမ်းရန်အတွက်မူ သူတို့သည် သူ ကစားနေသော ဂိမ်းတစ်ခုထဲမှ ဇာတ်ပို့ ဇာတ်ကောင်များသာ ဖြစ်ကြ၏။</p> <p>“ဓားတာအိုသခင်... ဓားအင်ပါယာရဲ့ ကံတရားအခွင့်အရေးကိုရှာပေးဖို့ မင်းကိုပဒ အားကိုးရတော့မယ်...”</p> <p>ချူခွမ်းရန်က ပေါ့ပါးစွာ ရယ်မောလိုက်သည်။</p> <p>အခြားနေရာတစ်ခုတွင်။</p> <p>ဓားတာအိုသခင်သည် ဓားမျိုးနွယ်စုဝင် တစ်စုကို တောင်တန်းတစ်ခုရှေ့သို့ ခေါ်ဆောင်သွားသည်။</p> <p>“ဒီလမ်းဆုံးမှာ ဓားအင်ပါယာချင်းရွှမ်ရဲ့ အနားယူရာနေရာရှိတယ်... ဒဏ္ဍာရီတွေအရ ဓားအင်ပါယာက ကျင့်ကြံနေရင်း ကွယ်လွန်သွားပြီး ဒုတိယဘဝ မနေနိုင်ခဲ့ဘူးတဲ့... ဒါပေမဲ့ ရေနဲ့ မီး ဓားသင်္ကေတတွေက သူ့လက်ထဲမှာ ရှိနေတယ်... အဲဒါတွေကို သန့်စင်ပြီးတာနဲ့ ငါ့ရဲ့ ဆန်းကြယ်လေးပါး ဓားတာအိုက ပြီးပြည့်စုံသွားလိမ့်မယ်...”</p> <p>ဓားတာအိုသခင်က စိတ်လှုပ်ရှားစွာ ပြောလိုက်၏။</p> <p>ဆန်းကြယ်လေးပါးဓားတာအိုဆိုသည် သူ ရွေးချယ် လျှောက်လှမ်းထားသော တာအိုလမ်းစဉ်ဖြစ်သည်။ ၎င်းသည် ရှေးဟောင်း အမွေအနှစ်တစ်ခုမှ သူ ရှာဖွေတွေ့ရှိခဲ့သော လမ်းစဉ်ဖြစ်၏။</p> <p>ဆန်းကြယ်လေးပါး ဓားသင်္ကေတသည် တစ်ချိန်က ကွဲပြားခြားနားသော ဓားတာအိုပုံစံ လေးမျိုး၏ စွမ်းအား ပါဝင်သည့် တစ်ခုတည်းသော ပစ္စည်းဖြစ်ကြောင်း ရှေးဟောင်းမှတ်တမ်းတစ်ခုမှတဆင့် ဓားတာအိုသခင် သိရှိခဲ့သည်။ သို့သော်လည်း ရှေးခေတ် စစ်ပွဲကြီးများထဲမှ တစ်ခုတွင် ထိုပစ္စည်းသည် အပိုင်းလေးပိုင်း ကွဲထွက်သွားခဲ့၏။ လေဓားသင်္ကေတ ပါဝင်သော အစိတ်အပိုင်းကို သူ ဆက်ခံရရှိခဲ့သည်။</p> <p>နှစ်ပေါင်းများစွာ ရှာဖွေပြီးနောက် မြေဓားသင်္ကေတကိုလည်း ရှာဖွေတွေ့ရှိခဲ့၏။ ထို့ကြောင့် ဓားတာအိုသခင်သည် ထိုဓားသင်္ကေတကို သန့်စင်ရန် လွန်ခဲ့သော ကာလအနည်းငယ်က တံခါးပိတ် ကျင့်ကြံခဲ့ခြင်းဖြစ်သည်။</p> <p>ကျန်ရှိနေသော ရေဓားသင်္ကေတ နှင့် မီးဓားသင်္ကေတတို့သည် ဓားအင်ပါယာချင်းရွှမ်ထံတွင် ရှိနေသည်ဟု ဆိုကြသည်။</p> <p>ထို့ကြောင့် ဓားတာအိုသခင်သည် ဓားအင်ပါယာချင်းရွှမ်ကို ရှာဖွေရာတွင် အရေးပါသော နတ်ဘုရားမီးအိမ် ရရှိရန် စွဲလမ်းနေခဲ့ခြင်း ဖြစ်သည်။</p> <p>ကျန့်ချန်ဖုန်းသည် ဓားတာအိုသခင်၏ မှတ်ချက်များကို မှတ်သားထားလိုက်၏။</p> <p>အဖွဲ့က ရှေ့သို့ ချီတက်သွားစဉ် ကျန့်ချန်ဖုန်း သည် အနောက်ဘက်တွင် နေရာယူပြီး ဓားအင်ပါယာ ချင်းရွှမ် ရှိမည့်နေရာ အကြောင်း ချူခွမ်းရန်ကို သတင်းပို့လိုက်သည်။</p> <p>သို့သော်လည်း တစ်စုံတစ်ခု မှားယွင်းနေကြောင်း သတိထားမိရန် ကျန့်ချန်ဖုန်းအတွက် အချိန်သိပ်မကြာလိုက်ပေ။</p> <p>အဖွဲ့သည် တောင်တန်းအဆုံးတွင် ရပ်မတန့်ဘဲ အဝေးသို့ ဆက်လက် ချီတက်သွားကြ၏။</p> <p>ဓားတာအိုသခင် အကြံပြုခဲ့သည်နှင့် ဆန့်ကျင်ဘက် ဓားအင်ပါယာချင်းရွှမ်သည် တောင်တန်းတွင်ရှိမနေပေ။</p> <p>ကျန့်ချန်ဖုန်းသည် သူ၏ တွေ့ရှိချက်များကို ချူခွမ်းရန်ထံ သတင်းပို့လိုသော်လည်း ဓားသမားယင်က သူ့ကို စောင့်ကြည့်နေသဖြင့် အခွင့်အရေး မရနိုင်ခဲ့ပေ။</p> <p>ဤအချက်က ကျန့်ချန်ဖုန်းကို စိုးရိမ်ပူပန်စေပြီး ကူကယ်ရာမဲ့ ဖြစ်သွားစေသည်။</p> <p>ဓားတာအိုသခင် သူ့ကို ရိပ်မိသွားကြောင်း သူ သိလိုက်၏။</p> <p>အမှန်တကယ်တော့ သူက ထောင်ချောက်ထဲ ကျသွားခြင်း ဖြစ်သည်။ ဓားတာအိုသခင် သည် ချူခွမ်းရန်ထံ သတင်းအမှား ပေးပို့ရန် သူ့ကို အသုံးပြုခဲ့ခြင်းဖြစ်၏။</p> <p>ခရီးတစ်လျှောက်လုံး ဓားသမားယင်သည် ကျန့်ချန်ဖုန်းကို အနီးကပ် စောင့်ကြည့်နေခဲ့သည်။ မကြာမီ အဖွဲ့သည် ထူထပ်သော မြူမည်းတိမ်တိုက် ဖုံးလွှမ်းနေသည့် ကြောက်မက်ဖွယ် သစ်တောတစ်ခု ရှေ့သို့ ရောက်ရှိလာကြ၏။</p> <p>မြူမည်းများသည် ဧရိယာတစ်ခုလုံးကို ဖုံးလွှမ်းထားသည့် တံဆိပ်ပုံစံတစ်ခု ဖြစ်သည်။</p> <p>၎င်းသည် တားမြစ်မြေရိုင်းတွင် ရှိနေသော သဘာဝ တံဆိပ်တစ်ခု မဟုတ်ပေ။ အမှန်တကယ်တော့ ဤတံဆိပ်ကို ကျင့်ကြံသူ တစ်ဦးက ဖန်တီးထားခြင်း ဖြစ်သည်။</p> <p>“တွေ့ပြီ... ဓားအင်ပါယာချင်းရွှမ်ရဲ့ နေရာအစစ်...”</p> <p>“တာအိုသခင်... ဒီမြူမည်းတွေက ထူးဆန်းနေတယ်...”</p> <p>မြင့်မြတ်သခင်ဓားသမားမိန်က မြူမည်းများကို စိုက်ကြည့်ရင်း မျက်မှောင်ကြုတ်လိုက်၏။</p> <p>“အဲဒီသစ္စာဖောက်ကို အခြေအနေ စမ်းသပ်ခိုင်းလိုက်...”</p> <p>ဓားတာအိုသခင်က တည်ငြိမ်စွာ ပြောလိုက်သည်။ သူ ရည်ညွှန်းသော သစ္စာဖောက်မှာ သေချာပေါက် ကျန့်ချန်ဖုန်း ဖြစ်၏။</p> <p>မကြာမီ ကျန့်ချန်ဖုန်းကို ဓားသမားယင်က ရှေ့သို့ ဆွဲခေါ်လာသည်။</p> <p>“ငါ သိချင်တယ်... ဓားမျိုးနွယ်စုကို ဒီလောက် လိုလိုလားလား သစ္စာဖောက်ဖို့ ချူခွမ်းရန်က မင်းကို ဘယ်လောက် ပေးထားလဲ...”</p> <p>ဓားတာအိုသခင်က အေးစက်စွာ ပြောလိုက်၏။</p> <p>ထိုကဲ့သို့ပင် ကျန့်ချန်ဖုန်း၏ သစ္စာဖောက်မှုမှာ တစ်ဖွဲ့လုံး သိသွားကြပြီး ကျင့်ကြံသူများ အံ့သြတုန်လှုပ်သွားကြသည်။</p> <p>ကျန့်ချန်ဖုန်းက ပြုံးရုံသာ ပြုံးလိုက်ပြီး ပြောလိုက်၏။</p> <p>“ဓားတာအိုသခင်... မင်းက ကျုပ်သခင်ကို မယှဉ်နိုင်ပါဘူး...”</p> <p>“သခင် ဟုတ်လား...”</p> <p>ဓားတာအိုသခင်၏ မျက်နှာထား မည်းမှောင်သွားသည်။</p> <p>“မင်း သူ့ကို သခင်လို့ ခေါ်လိုက်တာလား...”</p> <p>ချူခွမ်းရန်ကို သခင်အဖြစ် အသိအမှတ်ပြုခြင်းသည် လာဘ်ထိုးခံရရုံ သက်သက်ထက် ဓားမျိုးနွယ်စုအတွက် ပိုမို စိုးရိမ်စရာကိစ္စဖြစ်သည်။</p> <p>ကျန့်ချန်ဖုန်းသည် ဓားမျိုးနွယ်စု၏ ထူးချွန်သော ကောင်းကင်သားတော်တစ်ဦး ဖြစ်သည်။ မျိုးနွယ်စု၏ ရန်သူဖြစ်သော ချူခွမ်းရန်ကို သူ၏ သခင်ဟု ခေါ်ဆိုကြောင်း သတင်းပြန့်သွားပါက ဓားမျိုးနွယ်စု၏ ဂုဏ်သိက္ခာ မည်မျှကျဆင်းသွားမည်ကို တွေးကြည့်ပါ။</p> <p>“သူ့ကို မြူတွေထဲ ပစ်ထည့်လိုက်...”</p> <p>ဓားတာအိုသခင်၏ အမိန့်နှင့်အတူ ဓားသမား ယင်က ကျန့်ချန်ဖုန်းကို အားပြင်းပြင်း ရိုက်ချလိုက်ပြီး မြူထဲသို့ တွန်းပို့လိုက်သည်။</p> <p>ပြင်ပလူတစ်ဦး၏ ရုတ်တရက် ဝင်ရောက်မှုက မြူထဲတွင် တုံ့ပြန်မှုတစ်ခု ဖြစ်ပေါ်စေ၏။</p> <p>မြူများသည် တုံ့ပြန်သည့်အနေဖြင့် လှည့်ပတ်သွားပြီး အသိစိတ်ရှိနေသကဲ့သို့ ကျန့်ချန်ဖုန်းထံသို့ ဦးတည်သွားသော ဓားချီအလင်းတန်းများအဖြစ် ဖွဲ့စည်းသွားသည်။</p> <p>တိကျသော ဓားချီများက ကျန့်ချန်ဖုန်းအပေါ်သို့ ပြေးဝင် ကျဆင်းလာ၏။</p> <p>ကျန့်ချန်ဖုန်းသည် သင့်တင့်လျောက်ပတ်သော ကျင့်ကြံသူတစ်ဦးဖြစ်သော်လည်း ဓားချီများ ဝိုင်းရံခံလိုက်ရပြီးနောက် လျင်မြန်စွာ အရေးနိမ့်သွားသည်။</p> <p>ကျယ်လောင်သော စုတ်ပြဲသံနှင့်အတူ ဓားချီများက ကျန့်ချန်ဖုန်း၏ ခြေလက်များကို ဖြတ်တောက်လိုက်၏။</p> <p>မကြာမီ ကျန့်ချန်ဖုန်းသည် ဓားချီများ၏ မွှမွှကြေအောင် ခုတ်ပိုင်းခြင်း ခံလိုက်ရပြီး ချက်ချင်း သေဆုံးသွားသည်။</p> <p>ဓားတာအိုသခင်မှာမူ ယင်းကို ဂရုမစိုက်ပေ။</p> <p>သစ္စာဖောက်တစ်ယောက်၏ သေဆုံးမှုအတွက် ဝမ်းနည်းစရာ အကြောင်း မရှိပါ။</p> <p>သို့သော်လည်း သူ့ရှေ့မှ မြူမည်းများသည် ဖြတ်သန်းသွားလာရန် ခက်ခဲသော အခြေအနေ တစ်ခုကို ပြသနေ၏။</p> <p>“ဒီဓားချီတွေက သိပ်အားပြင်းတယ်... မြူထဲကို ထိုးဖောက်ဝင်ရောက်ဖို့ လွယ်မှာ မဟုတ်ဘူး...”</p> <p>ဓားတာအိုသခင်က မျက်မှောင်ကြုတ်လိုက်သည်။ ထို့နောက် သူက လက်ထဲရှိ နတ်ဘုရားမီးအိမ်ကို ကြည့်လိုက်ပြီး တစ်စုံတစ်ခုကို စဉ်းစားမိလိုက်၏။</p> <p>ဝိညာဉ်စွမ်းအင် အသက်သွင်းလိုက်သည်နှင့် မီးအိမ်မှ ဖျော့တော့သော အလင်းရောင်တစ်ခု ထွက်ပေါ်လာသည်။</p> <p>အလင်းရောင်ရှိသည့် နေရာတိုင်းကို မြူမည်းများက ရှောင်ဖယ်သွားကြ၏။</p> <p>“ငါထင်သားပဲ... မြူမည်းတွေကို ဖယ်ရှားဖို့ နတ်ဘုရားမီးအိမ်က အဓိက သော့ချက်ပဲ...”</p> <p>ဓားတာအိုသခင်က စိတ်လှုပ်ရှားစွာ ပြောလိုက်ပြီး နတ်ဘုရားမီးအိမ်ကို ကိုင်ဆောင်ကာ မြူမည်းများထဲသို့ ဖြည်းညင်းစွာ လှမ်းဝင်လိုက်သည်။ ဓားတာအိုသခင် လှမ်းလိုက်သော ခြေလှမ်းတိုင်းတွင် မြူမည်းများက ဘေးနှစ်ဖက်သို့ ကွဲထွက်သွားကြ၏။</p> <p>ကျန်ရှိသော ဓားမျိုးနွယ်စုဝင်များက သူ့နောက်မှ ကပ်လိုက်သွားကြသည်။</p> <p>ထိုနေရာတွင် ကျန့်ချန်ဖုန်း၏ အလောင်းသာ ကျန်ရစ်ခဲ့၏။</p> <p>သို့သော်လည်း အချိန်အနည်းငယ် ကြာပြီးနောက် လက်ဖဝါးအရွယ်အစားရှိသော သစ်သားအရုပ်တစ်ခု သူ့အလောင်းထဲမှ ထွက်လာသည်။</p> <p>“ဒီမတိုင်ခင် ဝိညာဉ်ပြောင်းရွှေ့ခြင်းနည်းစနစ်ကို ရထားမိလို့ ကံကောင်းသွားတယ်... ငါ့ဝိညာဉ်ကို ဒီအရုပ်ထဲ မပြောင်းထားမိရင် တကယ့်အသေကောင် ဖြစ်သွားမှာ...”</p> <p>ယခု အရုပ်ဖြစ်နေသော ကျန့်ချန်ဖုန်းက လေးနက်စွာ ပြောလိုက်၏။</p> <p>သို့သော်လည်း မြူမည်းများက မကြာမီ ထပ်မံ လှည့်ပတ်လာပြီး ကျန့်ချန်ဖုန်းအနားသို့ တိုးကပ်လာသည်။</p> <p>“နောက်နေတာလား... ငါက အရုပ်ဖြစ်နေပြီလေ... ဘာလို့ မြူမည်းဓားဓာတ်တွေက ငါ့ကို သတ်ဖို့ ကြိုးစားနေတုန်းပဲလဲ...”</p> <p>အရုပ်ကျန့်ချန်ဖုန်း ကြောက်လန့်တကြား ဖြစ်သွား၏။</p> <p>ဒီအရုပ်သာ ကွဲကြေသွားရင် တကယ်ပဲ သူ့ဘဝ အဆုံးသတ်သွားပြီ။</p> <p>ဓားချီများက ကျန့်ချန်ဖုန်းထံသို့ အုံနဲ့ကျင်းနဲ့ တိုးဝင်လာသည်။</p> <p>သူ့ခန္ဓာကိုယ် ပျက်စီးသွားပြီ ဖြစ်သဖြင့် အရုပ်တွင် တိုက်ခိုက်နိုင်စွမ်း လုံးဝ မရှိသလောက်ပင်။ ကျန့်ချန်ဖုန်း ကိုယ့်ကိုယ်ကိုယ် ကာကွယ်ရန် နည်းလမ်း မရှိတော့ပေ။</p> <p>ဓားချီများ သစ်သားအရုပ်ကို မရိုက်ခွဲမီလေးမှာပင် ဓားချီအသစ်တစ်ခု မိုးကုတ်စက်ဝိုင်းဆီမှ ပြေးဝင်လာပြီး အနက်ရောင်မြူဓားချီများကို ဖျက်ဆီးပစ်ကာ ကျန့်ချန်ဖုန်း ပတ်လည်တွင် အကာအကွယ် အတားအဆီးတစ်ခု ဖန်တီးပေးလိုက်၏။</p> <p>“ဒီဓားချီကို ငါ မှတ်မိတယ်... သခင် ရောက်လာပြီ...”</p> <p>ကျန့်ချန်ဖုန်းက ဝမ်းသာသွားပြီး အဝေးသို့ လှမ်းကြည့်လိုက်သည်။</p> <p>ချူခွမ်းရန်က လေပေါ်မှ လျှောဆင်းလာပြီး ကျန့်ချန်ဖုန်း၏ ရှေ့တည့်တည့်တွင် ဆင်းသက်လိုက်၏။ ချူခွမ်းရန်က ပြောင်စပ်စပ်ဖြင့် စနောက်လိုက်သည်။</p> <p>“မင်း ဘယ်လိုလုပ်အရုပ်ဖြစ်သွားတာလဲ...”</p> <p>အရုပ်ဟုတ်လား...</p> <p>အဲဒါ ဘာကြီးလဲ...</p> <p>ချူခွမ်းရန်သုံးလိုက်သည့် စကားလုံးကို ကျန့်ချန်ဖုန်း တစ်ခါမှ မကြားဖူးပေ။</p> <p>သို့သော်လည်း သူ အများကြီး စဉ်းစားမနေဘဲ မြေပြင်ပေါ်တွင် ဒူးထောက်လိုက်၏။</p> <p>“ဂါရဝပြုပါတယ် သခင်... ကံမကောင်းစွာနဲ့ပဲ ကျွန်တော့်အကြောင်း ပေါ်သွားပါပြီ...”</p> <p>ကျန့်ချန်ဖုန်းက ဖြစ်ပျက်ခဲ့သမျှ အဖြစ်အပျက် အားလုံးကို ပြောပြလိုက်သည်။</p> <p>“အင်း... ကောင်းပြီ...”</p> <p>ချူခွမ်းရန်က ကျန့်ချန်ဖုန်း၏ ဇာတ်လမ်းကို အံ့သြပုံမရပေ။</p> <p>ရယ်စရာကောင်းသည်မှာ ဤအချက်က ကျန့်ချန်ဖုန်းကို အံ့အားသင့်သွားစေသည်။</p> <p>မည်သို့ပင်ဆိုစေ ကျန့်ချန်ဖုန်းက သူ့ကို သတင်းအမှား ပေးခဲ့သည် မဟုတ်ပါလား။ ချူခွမ်းရန်က ဒီနေရာကို ဘယ်လို ရှာတွေ့ခဲ့တာလဲ။</p> <p>ဒါ ဖြစ်နိုင်တာက...</p> <p>ကျန့်ချန်ဖုန်း တစ်နည်းနည်းဖြင့် အကြောင်းအရာများကို ဆက်စပ်တွေးမိလိုက်ပြီး အာမေဋိတ် ပြုလိုက်၏။</p> <p> “သခင်... ဓားမျိုးနွယ်စုထဲမှာ နောက်ထပ် သူလျှိုတစ်ယောက် ရှိနေသေးတာလား...”</p> <p>“ဟုတ်တယ်...” ချူခွမ်းရန်က ခေါင်းညိတ်လိုက်သည်။</p> <p> </p> <p> </p> <p style="text-align: center;">***</p>


Save