Book List

<h2 style="text-align: center;">အခန်း (၅၇၂)</h2> <h2 style="text-align: center;">ဓားအင်ပါယာ၏ အမွေအနှစ်၊ ချူခွမ်းရန်၏ ဆိုက်ရောက်လာခြင်း</h2> <h2 style="text-align: center;">*</h2> <p> </p> <p> </p> <p>ဓားတာအိုသခင်နှင့် ဓားကလန် အဖွဲ့ဝင်များက အနက်ရောင်မြူခိုးများကို ဖြတ်သန်းသွားလာနိုင်ခဲ့ပြီး ထူးခြားသည့် နေရာတစ်ခုသို့ ရောက်ရှိသွားကြ၏။</p> <p>၎င်းက တစ်စုံတစ်ယောက် တည်ဆောက်ထားခဲ့သော မှော်နယ်မြေတစ်ခု ဖြစ်သည်။</p> <p>တောင်တန်းများနှင့် ရေကန်များကို နောက်ခံထား၍ နန်းတော်တစ်ခုက ထိုနေရာတွင် မားမားမတ်မတ် ရှိနေ၏။</p> <p>နန်းတော်ဝင်းတစ်လျှောက်တွင် ဓားရာများ ပြန့်ကျဲနေပြီး ၎င်းတို့ တစ်ခုစီတိုင်း၌ ထက်မြက်လှသော ဓားအခြေခံ တာအိုစည်းချက်များနှင့် အင်ပါယာ၏ အရှိန်အဝါတို့ ရောယှက် ပါဝင်နေသည်။</p> <p>ဤသည်က ဓားအင်ပါယာ ချန်ရစ်ခဲ့သော ဓားရာများပင် ဖြစ်၏။</p> <p>ဓားတာအိုသခင်နှင့် အခြားကျင့်ကြံသူများက ဤနေရာသို့ ရောက်ရောက်ချင်းပင် တူညီသော အတွေးတစ်ခု ဝင်လာခဲ့ကြသည်။</p> <p>သူတို့က ထိုဓားရာများကို စိတ်အားထက်သန်စွာဖြင့် စိုက်ကြည့်နေကြ၏။</p> <p>ဤဓားရာများထဲတွင် ဓားအင်ပါယာ ချန်ရစ်ခဲ့သော တာအိုများ ပါဝင်နေသည်။ ထို့ကြောင့် ၎င်းကို လေ့လာ၍ ထိုးထွင်းသိမြင်မှုများ ရယူခြင်းက သူတို့အတွက် အလွန်ကြီးမားသော အကျိုးကျေးဇူး ဖြစ်စေလိမ့်မည် ဖြစ်၏။</p> <p>ထိုအုပ်စုထဲတွင် ဓားတာအိုသခင်က ဓားတာအို၌ အမြင့်မားဆုံးဖြစ်ပြီး သူက ဓားရာများနှင့် ပတ်သက်၍ ထူးဆန်းသော အရာတစ်ခုကို သတိပြုမိလိုက်သည်။</p> <p>“ဒီဓားရာတွေက ဖရိုဖရဲဖြစ်နေပြီး ပုံစံတကျ မရှိဘူး... တစ်ယောက်ယောက်က သူ့ဓားကို ရမ်းကားစွာ ခုတ်ပိုင်းထားသလိုပဲ... ပိုတိတိကျကျ ပြောရရင် တစ်ယောက်ယောက်က သူ့ဒေါသတွေကို ပေါက်ကွဲထုတ်နေတာပဲ...”</p> <p>ဓားတာအိုသခင်က အကဲခတ်လိုက်၏။ ဓားရာများထဲမှတစ်ဆင့် ပွက်ပွက်ဆူနေသော မုန်းတီးမှု၊ ဒေါသနှင့် ဝန်လေးတွန့်ဆုတ်မှု အငွေ့အသက်တို့ကို သူ ခံစားလိုက်ရသည်။</p> <p>“ဒီကိစ္စကို ခဏထားခဲ့ပြီး နန်းတော်ထဲ အရင် ဝင်ကြမယ်...”</p> <p>ဓားတာအိုသခင်က ပြောလိုက်ပြီးနောက် ကျင့်ကြံသူများကို ဦးဆောင်ကာ နန်းတော်အတွင်းသို့ ဝင်ရောက်သွား၏။</p> <p>နန်းတော်အတွင်း၌ အင်အားကြီးမားသော အင်ပါယာ၏ အရှိန်အဝါများကို ထုတ်လွှတ်နေသည့် အရိုးစုတစ်ခုက တင်ပျဉ်ခွေ ထိုင်နေသည်။</p> <p>၎င်းက ဓားအင်ပါယာချင်းရွှယ်၏ ကြွင်းကျန်ရစ်သော အရိုးစုပင် ဖြစ်၏။</p> <p>သိသာထင်ရှားစွာပင် ဓားအင်ပါယာ ချင်းရွှယ်က သူ တရားထိုင်နေစဉ်အတွင်း ကွယ်လွန်သွားခဲ့ခြင်း ဖြစ်သည်။</p> <p>အရိုးစု၏ ပတ်ပတ်လည်တွင် ဓားရာအကြွင်းအကျန်များရှိနေပြီး တစ်ခုစီတိုင်းက အင်အားကြီးမားသော တွန့်ဆုတ်မှု ခံစားချက်တို့ဖြင့် ပွက်ပွက်ဆူနေ၏။</p> <p>နန်းတော်အတွင်းရှိ တိုင်လုံးများအနက်မှ တစ်ခုပေါ်တွင် စာကြောင်းနှစ်ကြောင်း ထွင်းထုထားသည်။</p> <p>“နှစ်ကာလ အရှည်ကြာဆုံး ငါ တွေးတောဆင်ခြင်ခဲ့ပြီး ငါ့ဘဝက အဆုံးသတ်ကို ရောက်လာခဲ့ပြီ... ဒါတောင်မှ ဒုတိယဘဝကို ရှင်သန်နိုင်ဖို့ ငါ ကျရှုံးခဲ့ရတယ်... အို... ဒီအရာအားလုံးကို ငါ ဘယ်လောက်တောင် မုန်းတီးလိုက်သလဲ...”</p> <p>“မင်းနဲ့ မတွေ့နိုင်ခဲ့တဲ့အတွက် ငါ့ကို ခွင့်လွှတ်ပါ ချင်းလီ...”</p> <p>ထိုစာသားများကို ဖတ်ပြီးနောက် ကျင့်ကြံသူများက အခြေအနေကို နောက်ဆုံးတွင် သဘောပေါက်သွားကြ၏။</p> <p>ဓားရာများက တကယ်ပင် ဓားအင်ပါယာ ချင်းရွှယ် ချန်ရစ်ခဲ့ခြင်း ဖြစ်သည်။ ၎င်းတို့က ဒုတိယဘဝကို မရှင်သန်နိုင်ခဲ့သည့်အတွက် သူ၏ စိတ်ပျက်အားငယ်မှုများကို ဖော်ပြနေခြင်းပင်ဖြစ်၏။</p> <p>“ကောလာဟလတွေအရတော့ အင်ပါယာတွေတောင်မှ သေမျိုးတွေပဲတဲ့... သူတို့ရဲ့ ကန့်သတ်ချက်တွေကို ရောက်သွားတာနဲ့ ဒုတိယဘဝကို မကူးပြောင်းနိုင်ဘူးဆိုရင် သေဆုံးသွားကြရတာပဲ...”</p> <p>ဓားသမားယင်က ညည်းတွားလိုက်သည်။</p> <p>သူ၏ ပတ်လည်ရှိ ဒေါသနှင့် တွန့်ဆုတ်မှု ဓားရာများ၏ လွှမ်းမိုးခံလိုက်ရသကဲ့သို့ သူကိုယ်တိုင်လည်း မျှော်လင့်ချက် ကင်းမဲ့ခြင်း ခံစားချက်ကို ခံစားလိုက်ရ၏။</p> <p>အင်ပါယာများပင်လျှင် ပျက်သုဉ်းရမည် ဖြစ်သည်။</p> <p>ကောင်းကင်ဘုံနှင့် တူညီသော သက်တမ်းကို မည်သူမျှ မပိုင်ဆိုင်နိုင်ကြတော့ချေ။</p> <p>နာမည်ကျော်ကြားလှသော အင်မော်တယ်များကများ ထိုသို့သော အောင်မြင်မှုကို ရရှိနိုင်မည်လော။</p> <p>ဓားသမားယင်မှာ ဝေခွဲမရ ဖြစ်သွားပြီး ကျန်သည့်လူများမှာလည်း အဖြေမရှိကြပေ။</p> <p>မကြာမီပင် သူတို့က ဓားအင်ပါယာ၏ စိတ်ခံစားချက်များမှ ခွာထွက်လိုက်ကြပြီး သူ၏ အလောင်းပေါ်သို့သာ အာရုံစိုက်လိုက်ကြ၏။</p> <p>အသားများအားလုံး ပုပ်သိုးဆွေးမြည့်နေပြီ ဖြစ်သော်လည်း ၎င်းက အင်ပါယာတစ်ပါး၏ အလောင်းပင် ဖြစ်သေးသည်။ ၎င်း၏ တန်ဖိုးက ခန့်မှန်း၍ မရနိုင်လောက်ပေ။</p> <p>“ဓားသင်္ကေတတွေ ဘယ်မှာလဲ...”</p> <p>ဓားတာအိုသခင်က လျှို့ဝှက်ဆန်းကြယ်ဓားသင်္ကေတလေးပါးကို ပို၍ စိတ်ဝင်စားနေ၏။</p> <p>ထို့ကြောင့် သူက ဝင်ပေါက်ကိုးခု ဓားနှလုံးသားခန္ဓာကို အသက်သွင်းလိုက်ပြီး ၎င်းတို့၏ တည်ရှိမှုကို မကြာမီ အာရုံခံမိသွားသည်။</p> <p>“အဲဒါတွေက ဒီနေရာမှာပဲ ရှိနေပုံရတယ်...”</p> <p>ဓားတာအိုသခင်က သူ၏ စိတ်ဝိညာဉ်စွမ်းအင်များကို စုစည်း၍ သူ၏ လက်ကို မြှောက်လိုက်၏။</p> <p>လက်သီးဆုပ်ခန့် အရွယ်အစားရှိ အနီနှင့် အပြာရောင် အလင်းလုံးတစ်စုံက ဓားအင်ပါယာ ချင်းရွှယ်၏ အလောင်းထဲမှ ထွက်ပေါ်လာသည်။ ၎င်းတို့က အင်အားကြီးမားသော ဓားအခြေခံ တာအိုစည်းချက် လှိုင်းလုံးများနှင့်အတူ လင်းလက် တောက်ပနေ၏။</p> <p>၎င်းတို့အနက်မှ တစ်ခုက မြစ်တစ်စင်း၏ တည်ငြိမ်သော ရေစီးကြောင်းကဲ့သို့ အေးချမ်းနေပြီး အခြားတစ်ခုကမူ ရန်လိုမှုများနှင့်အတူ လောင်ကျွမ်းနေသည်။</p> <p>၎င်းတို့က လျှို့ဝှက်ဆန်းကြယ်ဓားသင်္ကေတလေးပါးထမှ မီးနှင့် ရေ ဓားသင်္ကေတများပင် ဖြစ်၏။</p> <p>“နောက်ဆုံးတော့ ငါ ရှာတွေ့ခဲ့ပြီ...”</p> <p>ဓားတာအိုသခင်က ဝမ်းသာအားရ တောက်ပသွားပြီး ဓားသင်္ကေတများကို ဆုပ်ကိုင်လိုက်သည်။</p> <p>“ချူခွမ်းရန်... ဒီဓားသင်္ကေတတွေကို ငါ သန့်စင်ပြီးသွားတာနဲ့ မင်းကို ကြောက်နေစရာ မလိုတော့ဘူး...”</p> <p>ဓားတာအိုသခင်က စိတ်လှုပ်ရှားစွာဖြင့် ပြောလိုက်၏။</p> <p>ထို့နောက် အလင်းလုံးတစ်လုံးက ဓားအင်ပါယာ၏ အလောင်းထဲမှ ထပ်မံ ထွက်ပေါ်လာသည်။</p> <p>“ဒါက... ဓားအင်ပါယာရဲ့ အမွေအနှစ်များလား...”</p> <p>ဓားတာအိုသခင်မှာ ယခုအခါ ဝမ်းသာလွန်း၍ မြူးတူးနေ၏။</p> <p>“လျှို့ဝှက်ဆန်းကြယ် ဓားသင်္ကေတတွေအပြင် တခြားအရာတွေ ရှိနေဦးမယ်လို့ ငါ မထင်ထားခဲ့ဘူး...”</p> <p>ထိုသို့ဆိုကာ သူက အလင်းလုံးဆီသို့ လက်လှမ်းလိုက်သည်။</p> <p>အလင်းလုံးကို လှည့်ပတ်နေသော ရေတွက်၍မရနိုင်သည့် တာအိုစည်းချက်များ ရှိနေ၏။ စည်းချက်တစ်ခုစီတိုင်းတွင် အင်ပါယာတစ်ပိုင်းအဆင့်တစ်ယောက် အလွန် ကြီးမားသော အကျိုးကျေးဇူး ရရှိရန် လုံလောက်သည့် အင်အားများ ပါဝင်နေသည်။</p> <p>“ပထမက လျှို့ဝှက်ဆန်းကြယ် ဓားသင်္ကေတလေးပါး... အခုက ဓားအင်ပါယာရဲ့ အမွေအနှစ်... ဟားဟား... ကောင်းကင်ဘုံက ငါ့ဘက်မှာ ရှိနေတာပဲ...”</p> <p>“ဒီလို ကံကြမ္မာအခွင့်အရေးမျိုးက တားမြစ်ထားသော ကန္တာရလွင်ပြင်ထဲမှာတောင် အင်မတန် ရှားပါးလိမ့်မယ်... ချူခွမ်းရန်... မင်း ဒါကို ဘယ်လို ရင်ဆိုင်မလဲ ကြည့်ကြသေးတာပေါ့...”</p> <p>ဓားတာအိုသခင်က အလွန် ပျော်ရွှင်သွားပြီး အလင်းလုံးကို သူ၏ခန္ဓာကိုယ်ထဲသို့ အလျင်အမြန် စုပ်ယူလိုက်၏။</p> <p>သူ၏ ဝင်ပေါက်ကိုးခု ဓားနှလုံးသားခန္ဓာက ဓားတာအိုနှင့် နီးကပ်စွာ ဆက်စပ်နေသော မည်သည့် ဒြပ်စင်များနှင့်မဆို သဘာဝအရ ရင်းနှီးကျွမ်းဝင်မှု ရှိနေသည်။ အခြား မည်သူမဆိုဆိုလျှင် ဓားအင်ပါယာ၏ အမွေအနှစ်ကို စုပ်ယူရန် အချိန် အမြောက်အမြား လိုအပ်မည်ဖြစ်၏။</p> <p>သို့သော်လည်း ဓားတာအိုသခင်တွင် ထိုသို့သော အားနည်းချက် မရှိပေ။</p> <p>ဓားအင်ပါယာ၏ ထိုးထွင်းသိမြင်မှုများက သူ၏ စိတ်ထဲသို့ ရေကြီးသကဲ့သို့ ဝင်ရောက်လာသောအခါ ဓားတာအိုသခင်၏ ဓားတာအိုအပေါ် နားလည်သဘောပေါက်မှုက အဆင့်သစ်တစ်ခုသို့ တက်လှမ်းသွားတော့သည်။</p> <p>ထိုမြင်ကွင်းကို ကြည့်ရင်း ဓားသမားမိန်မှာ ပို၍ စိုးရိမ်ပူပန်လာ၏။</p> <p>လျှို့ဝှက်ဆန်းကြယ်ဓားသင်္ကေတလေးပါးနှင့် ဓားအင်ပါယာ၏ အမွေအနှစ် ကဲ့သို့သော ရှားပါးလှသည့် ကံကြမ္မာအခွင့်အရေးမျိုးကို ဓားတာအိုသခင် တွေ့ကြုံရလိမ့်မည်ဟု သူမ ဘယ်တုန်းကမှ မျှော်လင့်မထားခဲ့ပေ။</p> <p>၎င်းတို့က ဓားတာအိုသခင်၏ စွမ်းရည်ကို ကြောက်မက်ဖွယ်ကောင်းသော အဆင့်တစ်ခုအထိ မြှင့်တင်ပေးရန် လုံလောက်နေသည်။</p> <p>ဓားတာအိုသခင်က ချူခွမ်းရန်အတွက် ခြိမ်းခြောက်မှု တစ်ခု ဖြစ်လာမည်ကို သူမ စိုးရိမ်နေ၏။</p> <p>“သူ ဓားအင်ပါယာရဲ့ အမွေအနှစ်ကို သန့်စင်နေတုန်း အခုပဲ သူ့ကို လုပ်ကြံလိုက်ရမလား...”</p> <p>ဓားသမားမိန်က ဓားတာအိုသခင်ကို ရုတ်တရက် ရက်စက်စွာ စိုက်ကြည့်လိုက်သည်။</p> <p>သို့သော်လည်း သူမက သူမ၏ အတွေးများကို မကြာမီ ပြန်လည်ထိန်းချုပ်လိုက်၏။</p> <p>အခြားအရိပ်ဓားသမားများနှစ်ယောက်က ဓားတာအိုသခင်၏ ဘေးတစ်ဖက်တစ်ချက်စီတွင် ရှိနေသဖြင့် သူမ ဤကိစ္စကို အောင်မြင်အောင် လုပ်ဆောင်နိုင်ရန် လမ်းစမရှိပေ။ တိုက်ပွဲတစ်ခုတွင် သူမက ဓားသမားယင်ကိုပင် အနိုင်ယူနိုင်စွမ်း မရှိချေ။</p> <p>တစ်စုံတစ်ခု မှားယွင်းနေကြောင်း အာရုံခံမိပြီးနောက် ဓားတာအိုသခင်က ရုတ်တရက် ထစ်အသွားသည်။</p> <p>“ဟင်…”</p> <p>“ဘယ်လိုလုပ် ဖြစ်နိုင်မှာလဲ... သူက ဘယ်လိုလုပ် ဒီနေရာကို ရောက်နေတာလဲ... ဒီပ မဖြစ်နိုင်ဘူး...”</p> <p>ဓားတာအိုသခင်မှာ မကြာမီမှာပင် ထိတ်လန့်တုန်လှုပ်မှုများက လွှမ်းမိုးသွား၏။</p> <p>အနီးအနားတွင် အခြားဝင်ပေါက်ကိုးခု ဓားနှလုံးသားခန္ဓာတစ်ခု၏ တည်ရှိနေမှုကို သူ အာရုံခံမိလိုက်ခြင်း ဖြစ်သည်။</p> <p>ချူခွမ်းရန်မှလွဲ၍ မည်သူက ဝင်ပေါက်ကိုးခု ဓားနှလုံးသားခန္ဓာကို ပိုင်ဆိုင်ထားသေးသနည်း။</p> <p>သို့သော်လည်း ၎င်းက သူ၏ စိတ်ထဲတွင် အဓိပ္ပာယ် မရှိလှပေ။ ချူခွမ်းရန်က အခြား တစ်နေရာသို့ လမ်းလွဲခေါ်ဆောင်ခံလိုက်ရပြီ ဖြစ်ပြီး ကျန့်ချန်ဖုန်းကလည်း သေဆုံးသွားပြီဟု ဓားတာအိုသခင်က ထင်မှတ်ထားခဲ့သည်။ ချူခွမ်းရန်က ဤနေရာသို့ လာရာလမ်းကို မည်သို့ ရှာတွေ့နိုင်မည်နည်း။</p> <p>ဓားတာအိုသခင်မှာ ဇဝေဇဝါ ဖြစ်နေသော်လည်း ဓားအင်ပါယာ၏ အမွေအနှစ်ကို သန့်စင်နေဆဲဖြစ်၏။</p> <p>“မိန်အာ... ချူခွမ်းရန် ရောက်နေတယ်... အခြားလူတွေနဲ့ ပူးပေါင်းပြီး သူ ဒီနေရာကို ဝင်မလာနိုင်အောင် တားထား...”</p> <p>သူ့စကားကို ကြားသောအခါ ကျင့်ကြံသူများမှာ အံ့အားသင့်သွားကြသည်။</p> <p>သူတို့ ထပ်မံ မေးခွန်းထုတ်ရန် အချိန်မရလိုက်မီမှာပင် အဝေးမှ ရောက်ရှိလာသော ကျောချမ်းဖွယ် ဓားအခြေခံ တာအိုစည်းချက်များ၏ ကျူးကျော် ဝင်ရောက်လာမှုကို သူတို့ ခံစားလိုက်ရ၏။</p> <p>“အင်အားကြီးမားလိုက်တဲ့ တာအိုစည်းချက်ပဲ... တကယ်ပဲ ချူခွမ်းရန် ဖြစ်နေတာကိုး...”</p> <p>“တာအိုသခင်ကို သူ နှောင့်ယှက်တာမျိုး မဖြစ်ရအောင် ငါတို့ ဘာပဲပေးဆပ်ရပေးဆပ်ရ တားဆီးရမယ်...”</p> <p>သူ ရောက်ရှိလာသည့်အတွက် တိတ်တဆိတ် ဝမ်းသာနေသော ဓားသမားမိန်မှလွဲ၍ ကျန်သည့် ကျင့်ကြံသူများမှာ ထိတ်လန့်နေကြသည်။</p> <p>သခင်က နောက်ဆုံးတော့ ရောက်လာခဲ့ပြီပေတည်း။</p> <p>ဟင်းလင်းပြင်ထဲမှ အရိပ်မည်းတစ်ခု ထွက်ပေါ်လာပြီး ပိန်ချုံးနေသော သက်ကြီးရွယ်အို တစ်ယောက်အဖြစ် ပေါ်လာ၏။ သူ၏ ရုပ်သွင်ပြင်လက္ခဏာက မည်သို့ပင် ရှိစေကာမူ ထိုသူက ဓားသမားယင်ထက် များစွာ ပိုမို ကြီးစိုးလွှမ်းမိုးနိုင်သော အရှိန်အဝါ တစ်ခုကို ထုတ်လွှတ်နေသည်။</p> <p>သူ၏ အရှိန်အဝါက အနီးအနားရှိ မည်သူ့နှလုံးသားထဲကိုမဆို ထိတ်လန့် ကြောက်ရွံ့မှုများ ထည့်သွင်းပေးနေ၏။</p> <p>သူက ဓားတာအိုသခင်ကို ကာကွယ်ရန် စေလွှတ်ခြင်း ခံထားရသည့် အရိပ်ဓားသမားသုံးယောက်အနက်မှ တစ်ယောက်ဖြစ်သော ဓားသမားကူ ဖြစ်သည်။</p> <p>ဓားသမားကူက ဓားကလန်အတွင်းရှိ အကောင်းဆုံး ဓားသမားများထဲမှ တစ်ယောက်ဖြစ်၏။ သူ၏ ဓားပညာက ဓားကလန်ခေါင်းဆောင်နှင့်ပင် ယှဉ်ပြိုင်နိုင်စွမ်း ရှိသည်ဟု ဆိုကြသည်။</p> <p>ဓားတာအိုသခင်၏ စေခိုင်းချက်တွင် သူ ပါဝင်နေခြင်းက ဓားကလန်က ဓားတာအိုသခင်အပေါ် မည်မျှအထိ ဂရုစိုက်ကြောင်း ဖော်ပြနေခြင်းပင် ဖြစ်သည်။</p> <p>ဓားသမားကူ၏ ဦးဆောင်မှုအောက်တွင် ကျင့်ကြံသူများက နန်းတော်ထဲမှ ထွက်လာကြပြီး ချူခွမ်းရန်နှင့် ရင်ဆိုင်ရန် ပြင်ဆင်လိုက်ကြ၏။</p> <p>မြူခိုးများထဲမှ တဖြည်းဖြည်း ထွက်ပေါ်လာပြီး သူတို့ထံ ချဉ်းကပ်လာသော ဝတ်ရုံဖြူလူငယ်လေးကို သူတို့ မြင်လိုက်ရသည်။ သူ၏ နောက်တွင် ထူးဆန်းသော အရုပ်ငယ်လေးတစ်ခုက ကပ်လျက် လိုက်ပါလာ၏။</p> <p>ထိုအရုပ်ငယ်လေးက အခြားသူမဟုတ်ဘဲ ရုပ်သေးရုပ်လေးအဖြစ် ပြောင်းလဲသွားသော ကျန့်ချန်ဖုန်းပင် ဖြစ်သည်။</p> <p>ပတ်ဝန်းကျင်ရှိ မြူခိုးများက ၎င်း၏ သေစေနိုင်သော ဓားချီများဖြင့် ချူခွမ်းရန်ကို ထိုးဖောက်ရန် ကြိုးစားလာကြ၏။ သို့သော်လည်း ဓားချီများက ချူခွမ်းရန်နှင့် သုံးမီတာ အကွာသို့ ရောက်သည်နှင့် တစ်ပြိုင်နက် ပျက်စီးသွားကြသည်။</p> <p>ချူခွမ်းရန်ကို ပို၍ အင်အားကြီးမားသော ဓားချီတစ်ခုက ရစ်ပတ်နေကြောင်း ကျင့်ကြံသူများက ရှင်းလင်းစွာ မြင်တွေ့နိုင်ကြသည်။</p> <p>ထိုဓားချီက မြူခိုးနက်၏ တိုက်ခိုက်မှုကို အားစိုက်ထုတ်စရာမလိုဘဲ ဖျက်ဆီးပစ်ခဲ့ခြင်း ဖြစ်၏။</p> <p>“အဟက်... ငါ ရောက်လာတဲ့အတွက် ဓားကလန်က ဒီလောက် ကြီးကျယ်ခမ်းနားတဲ့ ကြိုဆိုပွဲ အခမ်းအနားကို စီစဉ်ပေးထားတော့ ငါ အတော့်ကို ဝမ်းသာမိတာပေါ့...”</p> <p>သူ၏ အလာကို စိုးရိမ်တကြီး စောင့်ဆိုင်းနေကြသော ဓားကလန် ကျင့်ကြံသူများ အားလုံးကို ကြည့်၍ ချူခွမ်းရန်က ကျိတ်ရယ်လိုက်သည်။</p> <p> </p> <p> </p> <p style="text-align: center;">***</p>


Save