Book List

<h2 style="text-align: center;">အခန်း (၅၇၃)</h2> <h2 style="text-align: center;">ဓားသမားဂူနှင့် တိုက်ခိုက်ခြင်း၊ သခင်က ကျွန်မအတွက် အရာအားလုံးပါပဲ</h2> <h2 style="text-align: center;">*</h2> <p> </p> <p> </p> <p>“ချူခွမ်းရန်... ဒီနေရာကို လာတဲ့လမ်းကို မင်း ဘယ်လို ရှာတွေ့ခဲ့တာလဲ...”</p> <p>ဓားသမားယင်မှာ ဘာမျှမသိတော့ပေ။</p> <p>ချူခွမ်းရန်ထံ သတင်းအမှားများ ပေးပို့ရန် ကျန့်ချန်ဖုန်းကို သူတို့ အသုံးပြုခဲ့ပြီး ဖြစ်သော်လည်း သူက ဤနေရာသို့ လာရာလမ်းကို မည်သို့ ရှာတွေ့ခဲ့သေးသနည်း။</p> <p>“ခန့်မှန်းကြည့်ချင်လား...”</p> <p>“မင်းမှာ ဓားကလန်ထဲက နောက်ထပ် သူလျှို တစ်ယောက် ရှိနေသေးတာလား...”</p> <p>အခြေအနေများကို ချိတ်ဆက် စဉ်းစားမိသွားသောအခါ ဓားသမားဂူမှာ အံ့အားသင့်သွား၏။</p> <p>“ခစ်...”</p> <p>အုပ်စုထဲမှ အငြိုးတကြီး ရယ်မောသံတစ်ခု ထွက်ပေါ်လာသည်။</p> <p>ဓားသမားဂူ သတိမထားမိလိုက်မီမှာပင် ဓားသမားမိန်က ဓားကလန်က ကျင့်ကြံသူ နှစ်ယောက်ကို ရုတ်တရက် သတ်ဖြတ်လိုက်၏။</p> <p>တစ္ဆေတစ်ကောင်ကဲ့သို့ပင် သူမက အရိပ်များထဲသို့ ပျောက်ကွယ်သွားပြီးနောက် ပြန်လည် ထွက်ပေါ်လာကာ ချူခွမ်းရန်၏ ရှေ့တွင် ဒူးထောက်လိုက်သည်။</p> <p>“ဂါရဝပြုပါတယ် သခင်...”</p> <p>မေးရိုးပြုတ်ကျမတတ်မြင်ကွင်းက ဓားကလန်၏ ကျင့်ကြံသူများကို လမ်းကြောင်းလွဲသွားစေ၏။</p> <p>ကျန့်ချန်ဖုန်း တစ်ယောက်တည်းသာဆိုလျှင် ထားလိုက်တော့ချေ။</p> <p>သို့သော်လည်း ဓားသမားမိန်ကပင်လျှင် ချူခွမ်းရန်ထံ သစ္စာခံလိုက်ပုံရသည်။ ၎င်းက လုံးဝကို ယုံကြည်နိုင်စရာမရှိပေ။</p> <p>ဓားသမားမိန်က ကျန့်ချန်ဖုန်းနှင့် နှိုင်းယှဉ်ပါက များစွာ ပို၍ ထူးချွန်သော ကောင်းကင်သမီးတော်တစ်ယောက် ဖြစ်၏။ အမှောင်ထုသက်ဆင်းခြင်းခန္ဓာကို ပိုင်ဆိုင်ထားသူ ဖြစ်သည့်အတွက် သူမက ဓားကလန်၏ အနာဂတ်မဏ္ဍိုင် ဖြစ်လာရမည် ဖြစ်သည်။</p> <p>ထို့အပြင် ဓားတာအိုသခင် အပေါ်ထားရှိသော သူမ၏ မသေနိုင်သည့် စွဲလမ်းမှုကို ကျင့်ကြံသူများက ကောင်းစွာ သိရှိထားကြ၏။</p> <p>သူမ၏ ယိမ်းယိုင်ခြင်းမရှိသော သစ္စာတရားက ယခုအခါ အခြား ယောက်ျားတစ်ယောက်ထံ မည်သို့ ရောက်ရှိသွားရသနည်း။</p> <p>“ဘာတွေ ဖြစ်နေတာလဲ...”</p> <p>“ဓားသမားမိန်နဲ့ ကျန့်ချန်ဖုန်း... ဓားကလန်ရဲ့ တောက်ပတဲ့ ကောင်းကင်သားတော်နှစ်ယောက်က ချူခွမ်းရန်ကို သူတို့ရဲ့ သခင်အဖြစ် အသိအမှတ်ပြုလိုက်ကြတယ်ပေါ့လေ...”</p> <p>ဓားသမားဂူ၏ မျက်နှာက ဒေါသကြောင့် ရှုံ့မဲ့သွားသည်။</p> <p>“ချူခွမ်းရန်... ဓားသမားမိန်နဲ့ ကျန့်ချန်ဖုန်းကို မင်း ဘာတွေ လုပ်လိုက်တာလဲ...”</p> <p>ဓားသမားယင်က ကျယ်လောင်စွာ မေးခွန်းထုတ်လိုက်၏။</p> <p>ချူခွမ်းရန်က ပေါ့ပေါ့ပါးပါးပင် ပြန်ဖြေလိုက်သည်။</p> <p>“သူတို့ကို မင်းဘာသာ မေးကြည့်ပါလား...”</p> <p>“ဓားသမားမိန်... ချူခွမ်းရန်က မင်းကို ဘာတွေများ ကမ်းလှမ်းခဲ့လို့လဲ... ဒါမှမဟုတ် ချူခွမ်းရန်က မင်းကို တစ်ခုခု အသုံးချပြီး အကျပ်ကိုင်ထားတာလား...”</p> <p>ကျင့်ကြံသူများအနက်မှ တစ်ယောက်က ဓားသမားမိန်ကို မေးလိုက်၏။</p> <p>“သခင့်အပေါ် သစ္စာခံတာက လုံးဝကို ကျွန်မရဲ့ ဆုံးဖြတ်ချက်ပဲ... သခင်က ကျွန်မအတွက် အရာအားလုံးပဲ...”</p> <p>ဓားသမားမိန်က ပြောလိုက်သည်။ သူမက ချူခွမ်းရန်ကို ကြည့်လိုက်သောအခါ သူမ၏ မျက်လုံးများက ဓားတာအိုသခင်ကို သူမ ကြည့်လေ့ရှိစဉ်ကထက် များစွာ ပိုမို နက်ရှိုင်းသော ခံစားချက်၊ လေးစား အားကျမှုတို့ဖြင့် လောင်ကျွမ်းနေ၏။</p> <p>ကျင့်ကြံသူများမှာ သူတို့၏ ခြေဖျားမှနေ၍ ဦးရေပြားထိ တွားသွားတက်လာသော ကြက်သီးထဖွယ် ခံစားချက်တစ်ခုကို မခံစားရဘဲ မနေနိုင်ကြပေ။</p> <p>ဓားသမားကူကဲ့သို့သော အတွေ့အကြုံရင့် ကျင့်ကြံသူ တစ်ယောက်ပင်လျှင် နက်ရှိုင်းလှသော ကြောက်ရွံ့မှုများ လွှမ်းမိုးခြင်း ခံလိုက်ရသည်။</p> <p>ချူခွမ်းရန်က အလွန်တရာ ဆိုးယုတ်လွန်း၏။</p> <p>“မင်း ဘယ်သူပဲဖြစ်ဖြစ် ငါ ဂရုမစိုက်ဘူး... ဓားကလန်ကို သစ္စာဖောက်တဲ့သူတွေ သေရမယ်...”</p> <p>ဓားသမားယင်က ပြောလိုက်ပြီး လေထုထဲသို့ ချက်ချင်း ပျောက်ကွယ်သွားသည်။</p> <p>ဓားသမားယင်က ကိုယ်ပျောက်နည်းစနစ်များတွင် ကျွမ်းကျင်သော ကျင့်ကြံသူတစ်ယောက် ဖြစ်ပြီး အရိပ်ဓားသမားများအဆင့်တွင် အတော်ဆုံး လုပ်ကြံသတ်ဖြတ်သူများထဲမှ တစ်ယောက်ဖြစ်၏။</p> <p>သူ၏ သားကောင်အများစုမှာ တုံ့ပြန်ရန် အချိန်ပင် မရလိုက်ဘဲ သူ၏ လက်ထဲတွင် ပျက်သုဉ်းသွားတတ်ကြသည်။</p> <p>ရွှစ်...</p> <p>မျက်တောင်တစ်ခတ် အတွင်းမှာပင် ဓားအလင်းတန်း တစ်ခုက ချူခွမ်းရန်ထံ ပစ်ဝင်လာ၏။</p> <p>၎င်း၏ အရှိန်နှင့် ကောက်ကျစ်စဉ်းလဲသော ပစ်မှတ်ထားရာထောင့်က ဓားသမားယင်၏ ထူးခြားပြောင်မြောက်လှသော လုပ်ကြံသတ်ဖြတ်ရေး နည်းစနစ်များ၏ ပြယုဂ်ပင် ဖြစ်သည်။</p> <p>ကျယ်လောင်သော အသံတစ်ခုနှင့်အတူ မီးပွားများ လွင့်စင်သွားသည်။</p> <p>သို့သော်လည်း ဓားသမားယင်၏ တိုက်ခိုက်မှုကို ကြိုဆိုလိုက်သူမှာ ချူခွမ်းရန် မဟုတ်ဘဲ ဓားသမားမိန် ဖြစ်နေ၏။</p> <p>“သခင်နဲ့ တိုက်ခိုက်ဖို့ နင်က အရည်အချင်း မမီပါဘူး... ကိုယ်ပျောက်နည်းစနစ် ဟုတ်လား... အဲဒီကစားပွဲကို နှစ်ယောက်စလုံး ကစားလို့ ရတာပေါ့...”</p> <p>ဓားသမားမိန်က နှာခေါင်းရှုံ့လိုက်ပြီး သူမ၏ ခန္ဓာကိုယ်ထဲမှ အမှောင်ချီများ တစ်ဟုန်ထိုး ထွက်ပေါ်လာသည်။</p> <p>“ဟွန့်... ဒါဆိုလည်း မင်းကို အရင် အဆုံးသတ်ပေးရတာပေါ့ သစ္စာဖောက်မ...”</p> <p>ဓားသမားယင်က လှောင်ပြောင်လိုက်ပြီး ဓားသမားမိန်နှင့် ဓားချင်း ယှဉ်ခုတ်တော့၏။ သူတို့ နှစ်ယောက်က လေထဲတွင် တိုက်ခိုက်မှုများကို ဖလှယ်ကြပြီး ဓားအခြေခံ တာအိုစည်းချက် လှိုင်းလုံးများကို တစ်ခုပြီးတစ်ခု ထုတ်လွှတ်လိုက်ကြသည်။</p> <p>ချူခွမ်းရန်က ဓားသမားကူနှင့် ကျန်သည့်လူများကို စိုက်ကြည့်ကာ ပြောလိုက်သည်။</p> <p>“ငါ့မှာ အချိန်သိပ်မရှိဘူး... အားလုံး တစ်ပြိုင်နက်တည်းသာ ဝင်ခဲ့ကြ...”</p> <p>ချူခွမ်းရန်က လွယ်ကူသော ပြိုင်ဘက် မဟုတ်ကြောင်း ကျင့်ကြံသူများက သိထားကြသဖြင့် သူ့ကို တစ်ယောက်တည်း တိုက်ခိုက်ရန် ရည်ရွယ်မထားကြပေ။</p> <p>ဓားကလန် ကျင့်ကြံသူများက သူတို့၏ ဓားချီများကို စတင် ထုတ်လွှတ်လိုက်ကြပြီး ၎င်းတို့က စုပေါင်းကာ လေထဲတွင် သိမ်မွေ့သော ပိုက်ကွန်တစ်ခုအဖြစ် ဖွဲ့စည်းသွားကာ ချူခွမ်းရန်ထံ ပစ်လွှတ်လိုက်ကြ၏။</p> <p>၎င်းက ဓားကလန် ကျင့်ကြံသူများ၏ စုပေါင်း ဓားအခြေခံ တာအိုစည်းချက်များဖြင့် ဖွဲ့စည်းထားခြင်း ဖြစ်သဖြင့် ဓားပိုက်ကွန်က သိသိသာသာကို အင်အားကြီးမားလှသည်။</p> <p>အင်ပါယာတစ်ပိုင်း အဆင့်တစ်ယောက်ပင်လျှင် ၎င်း၏ ဖမ်းဆုပ်မှုမှ လွတ်မြောက်ရန် လွယ်ကူမည် မဟုတ်ပေ။</p> <p>သို့သော်လည်း ချူခွမ်းရန်က ဓားချီကြိုးမျှင် တစ်ချောင်းကိုသာ ထုတ်လွှတ်၍ တုံ့ပြန်လိုက်ရာ လွှမ်းမိုးနိုင်စွမ်းရှိသော ဓားပိုက်ကွန်ကြီးမှာ ချက်ချင်းပင် အပိုင်းပိုင်း ဆုတ်ဖြဲခံလိုက်ရ၏။</p> <p>ထိုမျှသာမက ဓားချီက အရှိန်အဟုန် ကောင်းနေဆဲ ဖြစ်ပြီး ဓားကလန်၏ ကျင့်ကြံသူများထံ ဆက်လက် တိုးဝင်သွားသည်။</p> <p>သွေးမြူတိမ်တိုက် အမြောက်အမြားက ရုတ်တရက် ပေါက်ကွဲထွက်သွား၏။</p> <p>“ဘာ...”</p> <p>“ကြောက်စရာကောင်းလိုက်တဲ့ ဓားချီပဲ...”</p> <p>ကျင့်ကြံသူများမှာ ကြောက်ရွံ့တုန်လှုပ်သွားကြသည်။</p> <p>ဓားတာအိုသခင်၏ ခွန်အားများကို သူတို့က ကောင်းစွာ ရင်းနှီးထားကြသဖြင့် ဝင်ပေါက်ကိုးခု ဓားနှလုံးသားခန္ဓာက မည်မျှ အင်အားကြီးမားကြောင်း သူတို့ သိထားကြ၏။ သို့သော်လည်း ဓားတာအိုသခင်၏ ဓားချီက ချူခွမ်းရန်၏ ဓားချီထက် များစွာနိမ့်ကျနေသည်။</p> <p>“သတ်...”</p> <p>ဓားသမားကူက ကျယ်လောင်သော စစ်သည်တော် ဟစ်ကြွေးသံနှင့်အတူ တိုက်ခိုက်လိုက်သည်။</p> <p>သူက သူ၏ ဓားကို ရှေ့သို့ လွှဲခုတ်လိုက်ရာ ကြောက်မက်ဖွယ်ကောင်းသော သတ်ဖြတ်လိုစိတ်များနှင့် ပွက်ပွက်ဆူနေသည့် မီးခိုးရောင် ဓားအလင်းတန်းတစ်ခု ပစ်ထွက်သွား၏။ ဓားအလင်းတန်းက ကောင်းကင်ယံကို ထိုးဖောက်၍ ချူခွမ်းရန်ထံ အညှာအတာမဲ့စွာ ဦးတည်သွားသည်။</p> <p>ဓားကလန်အတွင်းရှိ အသန်မာဆုံး စစ်သည်တော်တစ်ယောက် ဖြစ်သည့်အားလျော်စွာ သူ၏ ကျင့်ကြံခြင်း အဆင့်က အထွတ်အထိပ်အင်ပါယာတစ်ပိုင်း အဆင့်သို့ ရောက်ရှိနေသည်မှာ ကြာပြီ ဖြစ်သည်။ တာအိုအပေါ် နားလည်သဘောပေါက်မှု အပိုင်းတွင် သူက အရှင်သခင်အဆင့် တစ်ယောက်ထက်သာ အားနည်းခြင်း ဖြစ်၏။</p> <p>“ကျွမ်းကျင်သူ တာအိုလား...”</p> <p>“နှမြောစရာပဲ... မင်းသာ ပြီးပြည့်စုံသော တာအိုကို ရရှိအောင် လုပ်နိုင်ခဲ့မယ်ဆိုရင် အများကြီး ပိုစိတ်ဝင်စားစရာကောင်းတဲ့ တိုက်ပွဲတစ်ခု ဖြစ်လာမှာ...”</p> <p>ချူခွမ်းရန်က သူ၏ လက်ကို ညင်သာစွာ မြှောက်လိုက်ပြီး လက်ညိုးနှင့် လက်ခလယ်ကို ဆန့်ထုတ်ကာ မီးခိုးရောင် သေခြင်းတရား ဓားအလင်းတန်းထံ လက်ချောင်းနည်းစနစ် တစ်ခုကို ထုတ်လွှတ်လိုက်သည်။</p> <p>အင်အားကြီးမားသော ခရမ်းရောင် ဓားအလင်းတန်းတစ်ခု ပစ်ထွက်သွား၏။</p> <p>ဓားအလင်းတန်းများ အချင်းချင်း ဆုံတွေ့သွားသည့် အခိုက်အတန့်တွင် ခရမ်းရောင် ဓားအလင်းတန်းက မီးခိုးရောင် ဓားအလင်းတန်းကို အားစိုက်ထုတ်စရာမလိုဘဲ ခုတ်ပိုင်းဖြတ်ကျော်သွားပြီး ဓားသမားကူထံ ဆက်လက် ကျူးကျော် ဝင်ရောက်သွားသည်။</p> <p>“ဒါက ဘယ်လိုလုပ် ဖြစ်နိုင်မှာလဲ...”</p> <p>ဓားသမားကူက မျက်လုံးများ ပြူးကျယ်သွားပြီး ဝင်လာသော ဓားအလင်းတန်းကို ပိတ်ဆို့ရန် သူ၏ ဓားရှည်ကို လွှဲခုတ်၍ ကမန်းကတန်း တုံ့ပြန်လိုက်၏။</p> <p>ကျယ်လောင်သော အသံတစ်ခုနှင့်အတူ သူ၏ ဓားရှည်က သူ၏ လက်ချောင်းများကြားမှ လွတ်ကျသွားသည်။ တစ်ချိန်တည်းမှာပင် ဓားသမားကူမှာ နန်းတော် နံရံဆီသို့ လွင့်စင်သွား၏။</p> <p>နံရံများ အပိုင်းပိုင်း အစအနများအဖြစ် ပြိုကျသွားစဉ် ကျယ်လောင်သော ပေါက်ကွဲသံ တစ်ခု ထွက်ပေါ်လာသည်။ ဓားသမားကူက လတ်ဆတ်သော သွေးတစ်ပွက်ကို အန်ထုတ်လိုက်ရပြီး သူ၏ အရိုးများ အပိုင်းပိုင်း ကျိုးပဲ့သွားသည်ကို ခံစားလိုက်ရသည်။</p> <p>သူက ချူခွမ်းရန်ကို ထိတ်လန့်တုန်လှုပ်စွာဖြင့် စိုက်ကြည့်နေ၏။</p> <p>ဓားသမားကူက ချူခွမ်းရန်၏ ဇာတ်လမ်းများကို ကြားဖူးထားသည်။ အင်ပါယာလက်နက်ကို သူ ကိုင်ဆောင်ထားစဉ်တွင် အရှင်သခင်အဆင့်အောက်ရှိ မည်သူမျှ သူ့ကို အနိုင်မယူနိုင်ကြောင်း ပြောဆိုကြ၏။</p> <p>သို့သော်လည်း ချူခွမ်းရန်က ယခုအချိန်တွင် အင်ပါယာလက်နက်ကိုပင် ကိုင်ဆောင်ထားခြင်း မရှိပေ။ သူ လုပ်လိုက်သည့်အရာဟူ၍ လက်ချောင်းကို မြှောက်လိုက်ခြင်းသာဖြစ်ပြီး ဓားသမားကူမှာ ရှုံးနိမ့်သွားခဲ့ရသည်။</p> <p>ဤသည်က အလွန်တရာ ကြောက်မက်ဖွယ် ကောင်းလွန်းလှ၏။</p> <p>“သူက ကောလာဟလတွေ ပြောတာထက်တောင် ပိုကြောက်ဖို့ကောင်းသေးတယ်... ရက်ပိုင်းလေး အတွင်းမှာကို ဒီလောက် အံ့မခန်း တိုးတက်မှုကို သူ ရရှိအောင် လုပ်နိုင်ခဲ့တယ်... အရင်းအမြစ်တွေ အကူအညီရခဲ့တယ် ဆိုရင်တောင် အဲဒါတွေ အားလုံးကို ဘယ်လိုလုပ် ဒီလောက် မြန်မြန် သန့်စင်နိုင်ခဲ့တာလဲ...”</p> <p>ဓားသမားကူက တည်ငြိမ်နေသော ချူခွမ်းရန်ကို ကြည့်လိုက်ပြီး သူ ယှဉ်နိုင်မည့် ပြိုင်ဘက် မဟုတ်ကြောင်း သိလိုက်သည်။</p> <p>ဓားသမားကူက သွားကြိတ်လိုက်ပြီး အင်အားကြီးမားသော စွမ်းအင်လှိုင်းတစ်ခုကို ထုတ်လွှတ်လိုက်၏။ ယခုအခါ သူက အနက်ရောင်သန်းနေသော ကြက်သွေးရောင် မီးလျှံများနှင့်အတူ လောင်ကျွမ်းနေသည်။</p> <p>“ငါ့အသက်ကို စတေးရမယ်ဆိုရင်တောင် မင်း တာအိုသခင်ကို နှောင့်ယှက်တာမျိုး ငါ ခွင့်မပြုနိုင်ဘူး...”</p> <p>ဓားသမားကူက ခြိမ်းခြောက်နေသော မျက်နှာ အမူအရာဖြင့် ပြောလိုက်သည်။</p> <p>ချူခွမ်းရန်က ဉာဏ်အလင်းမျက်လုံးကို အသက်သွင်းလိုက်ပြီး ဓားသမားကူက သူ၏ စိတ်ဝိညာဉ်စွမ်းအင်အဆင့်ကို သိသိသာသာ မြှင့်တင်ရန် လျှို့ဝှက် နည်းစနစ်တစ်ခုကို အသုံးပြုထားကြောင်း သိလိုက်ရ၏။</p> <p>သို့သော်လည်း သူက ဤနည်းစနစ်ကို သူ၏ သက်တမ်းကိုရင်း၍ အသုံးပြုထားခြင်း ဖြစ်သည်။</p> <p>နည်းစနစ်၏ အလုပ်လုပ်ပုံက ချူခွမ်းရန်၏ သေခြင်းတရားကိုးပါး သွေးလောင်ကျွမ်းခြင်းပညာရပ်နှင့် ဆင်တူသော်လည်း ဤအရာက များစွာ ပိုမို လျှို့ဝှက်ဆန်းကြယ်၏။</p> <p>“အခု သေလိုက်တော့...”</p> <p>ဓားသမားကူက ဓားအလင်းတန်းတစ်ခုအဖြစ် ပြောင်းလဲသွားပြီး ချူခွမ်းရန်ထံ ပြေးဝင်သွားသည်။ သူ၏ ကြီးမားလှသော ဓားအခြေခံ တာအိုစည်းချက်များ တစ်ဟုန်ထိုး ထွက်ပေါ်လာသည်နှင့်အမျှ ကြက်သွေးရောင် မီးလျှံများက ပိုမို တောက်ပစွာ လောင်ကျွမ်းလာပြီး ဘေးဒုက္ခ အငွေ့အသက်များ တထောင်းထောင်းထနေသည့် ဧရာမဓားအရိပ်ကြီး တစ်ခုအဖြစ် ပြောင်းလဲသွား၏။</p> <p>အစွမ်းကုန် ကြိုးစားမှုဖြင့် ဓားသမားကူက သူ၏ တစ်သက်တာလုံးတွင် အကြီးမားဆုံးသော တိုက်ခိုက်မှုကို ထုတ်လွှတ်ရန် သူ့ကိုယ်သူ ဓားတစ်လက်အဖြစ် ပြောင်းလဲလိုက်ခြင်း ဖြစ်သည်။</p> <p>“မင်းရဲ့ သတ္တိက ချီးကျူးစရာကောင်းပေမဲ့ နှမြောစရာပဲ... အချည်းနှီး ဖြစ်သွားပြီ...”</p> <p>ချူခွမ်းရန်က ခပ်တိုးတိုး ပြောလိုက်ရင်း ကောင်းကင်သက်ဆင်းကို ဆွဲထုတ်လိုက်ရာ ညကောင်းကင်ယံတွင် တောက်ပသော လခြမ်းတစ်ခုကဲ့သို့ လင်းလက်သွားသည့် ခရမ်းရောင် ဓားအလင်းတန်းတစ်ခု ထွက်ပေါ်လာ၏။</p> <p>၎င်းက အံ့သြဖွယ်ကောင်းပြီး ရင်သပ်ရှုမောဖွယ်ပင် ဖြစ်သည်။</p> <p>တစ်ချိန်တည်းမှာပင် ၎င်းက ခွင့်လွှတ်မှု ကင်းမဲ့သော သွေးဆာမှုများနှင့်အတူ ပွက်ပွက်ဆူနေ၏။</p> <p>ဓားသမားကူ၏ ဓားအရိပ်မှာ ထောပတ်တုံးလေး တစ်တုံးကဲ့သို့ ခုတ်ပိုင်းခံလိုက်ရပြီး သူ၏ တစ်ကိုယ်လုံးမှာ နှစ်ပိုင်း ပြတ်သွားသည်။</p> <p>သနားစရာကောင်းလိုက်သည့် မြင်ကွင်းပင်ဖြစ်၏။</p> <p>ဓားကလန်၏ ကျင့်ကြံသူများမှာ ကြောက်ရွံ့မှုများ၏ ရိုက်ခတ်ခြင်းကို ခံလိုက်ရ၏။ သူတို့အတွက် သူတို့ ရှေ့မှ ချောမောသော ဝတ်ရုံဖြူ လူငယ်လေးက ငရဲပြည်၏ အနက်ရှိုင်းဆုံးနေရာမှ တက်လှမ်းလာသော နတ်ဆိုးတစ်ကောင်၏ ဝင်စားခြင်း ခံထားရသူ တစ်ယောက်နှင့် တူနေတော့သည်။</p> <p> </p> <p> </p> <p style="text-align: center;">***</p>


Save