Book List

<h2 style="text-align: center;">အခန်း (၅၇၅)</h2> <h2 style="text-align: center;">ဓားတာအိုသခင် ထွက်ပြေးခြင်း၊ လျှို့ဝှက်ဆန်းကြယ်ဒြပ်စင်လေးပါး နတ်ဘုရားဓား</h2> <h2 style="text-align: center;">*</h2> <p> </p> <p> </p> <p> </p> <p>လျှို့ဝှက်ဆန်းကြယ်ဒြပ်စင်လေးပါးနှင့် ရာသီလေးပါး ဓားအစီအရင်တို့၏ စွမ်းအားများက ဖြတ်တောက်သွားပြီး ကောင်းကင်ယံ တစ်ခုလုံးကို ကြွယ်ဝသော အရောင်အသွေးစုံလင်သည့် မြင်ကွင်းတစ်ခုဖြင့် ဆေးခြယ်လိုက်၏။</p> <p>ထို့နောက် ဓားတာအိုသခင်က ချူခွမ်းရန်၏ ဓားရှည် နှစ်ဆယ့်လေးလက်ဖြင့် အလယ်တွင် ဝိုင်းရံထားသော ဓားသင်္ကေတများကို သတိပြုမိလိုက်သည်။ သူ မည်မျှပင် ပြန်လည် ခေါ်ယူရန် ကြိုးစားစေကာမူ ဓားသင်္ကေတများက လှုပ်ရှားခြင်း မရှိပေ။</p> <p>“ကျစ်... ချူခွမ်းရန်က ငါ့ရဲ့ ဓားသင်္ကေတတွေကို ယူဖို့ ကြိုးစားနေတာပဲ...”</p> <p>ဓားတာအိုသခင်မှာ ထိတ်လန့်လာ၏။</p> <p>ဓားသင်္ကေတများက သူ ရရှိရန်အတွက် နှလုံးသားနှင့် ဝိညာဉ်ကို နှစ်မြှုပ်ထားခဲ့ရသော အရင်းအမြစ်များ ဖြစ်သည်။ ၎င်းတို့က သူ၏ လျှို့ဝှက်ဆန်းကြယ်ဓားတာအိုလေးပါးကို လိုက်စားရာတွင် အဓိက သော့ချက် ဖြစ်သဖြင့် ၎င်းတို့ကို ဆုံးရှုံးရခြင်း၏ အကျိုးဆက်များက ကြီးမားလှပေမည်။</p> <p>သို့သော်လည်း ရာသီလေးပါး ဓားအစီအရင်က အင်ပါယာအဆင့် ဓားအစီအရင်တစ်ခု ဖြစ်၏။ ၎င်းက နောက်ဆုံးအဆင့်တွင် မရှိသေးသော်လည်း ဓားအစီအရင်က ဓားသင်္ကေတများကို ၎င်း၏ နေရာတွင် ပိတ်လှောင်ထားရန် လုံလောက်အောင် အင်အားကြီးမားသည်။ ထို့ကြောင့် ဓားတာအိုသခင်ကို ၎င်းတို့အပေါ် ထိန်းချုပ်ခွင့် မရှိအောင် လုပ်ဆောင်လိုက်ခြင်း ဖြစ်၏။</p> <p>“ချီး... သောက်ကျိုးနည်း...”</p> <p>ချူခွမ်းရန် အပေါ်ထားရှိသော ဓားတာအိုသခင်၏ မုန်းတီးမှုက အမြင့်ဆုံးသို့ ရောက်ရှိနေပြီ ဖြစ်သည်။</p> <p>မည်သို့ပင်ဆိုစေကာမူ သူ ဆက်လက် တိုက်ခိုက်နေမည်ဆိုလျှင် ဓားသင်္ကေတများကိုသာမက သူ၏ အသက်ကိုပါ ဆုံးရှုံးရမည်ကို ဓားတာအိုသခင်က နားလည်ထား၏။</p> <p>“ချူခွမ်းရန်... ဒီကိစ္စအတွက် မင်း ပြန်ပေးဆပ်ရအောင် ငါ လုပ်ပြမယ်...”</p> <p>ဓားတာအိုသခင်က သွားကြိတ်၍ ပြောလိုက်သည်။ ချူခွမ်းရန်က ဓားအစီအရင်ကို လှုပ်ရှားရန် အလုပ်များနေစဉ် ဓားတာအိုသခင်က အလင်းတန်းတစ်ခုအဖြစ် ပြောင်းလဲသွားပြီး အဝေးသို့ ပျောက်ကွယ်သွား၏။</p> <p>ချူခွမ်းရန်က လိုက်ဖမ်းချင်သော်လည်း ဓားသင်္ကေတများမှ ကြောက်မက်ဖွယ်ကောင်းသော ဓားတာအို စွမ်းအင်များ ရုတ်တရက် ပေါက်ကွဲထွက်လာသဖြင့် အာရုံလွဲသွားသည်။</p> <p>“အို... ငါ့အတွက် အတော်လေး ကောင်းမွန်တဲ့ ရတနာတစ်ခုရလိုက်ပုံပဲ...”</p> <p>ချူခွမ်းရန်က ပြုံးလိုက်ပြီး ဓားသင်္ကေတ၏ စွမ်းအားကို တဖြည်းဖြည်း ဖိနှိပ်ရန် ဓားအစီအရင်ထဲသို့ သူ၏ စိတ်ဝိညာဉ်စွမ်းအင်များကို ထည့်သွင်းလိုက်၏။</p> <p>ကျန်ရှိနေသော ဓားကလန် အဖွဲ့ဝင်များမှာလည်း ထွက်ပြေးချင်ကြသော်လည်း ဓားသမားမိန်က တားဆီးထားသည်။</p> <p>“ဓားသမားမိန်... သစ္စာဖောက်မ...”</p> <p>“ကျစ်... သူမကို သတ်ကြစို့...”</p> <p>ကျင့်ကြံသူများက ဓားသမားမိန်ကို စတင် တိုက်ခိုက်ကြပြီး သူတို့၏ ပြင်းထန်သော ဓားချီများက စစ်မြေပြင် တစ်လျှောက် ပြန့်ကျဲသွား၏။</p> <p>ချူခွမ်းရန်က ဓားသင်္ကေတများကို ဖိနှိပ်နိုင်ခဲ့ပြီး သူ၏ လက်ဖဝါးထဲတွင် ဆုပ်ကိုင်ထားပြီးနောက် ဓားကလန်၏ ကျင့်ကြံသူများထံ စိုက်ကြည့်လိုက်သည်။ သူ၏ လက်စွပ်ကို တစ်ချက် ဝှေ့ယမ်းလိုက်သည်နှင့် ဓားချီ မိုးပေါက်များက သူတို့အပေါ်သို့ ရွာသွန်းသွား၏။</p> <p>မကြာမီပင် ဓားကလန်၏ ကျင့်ကြံသူများမှာ ဓားချီ မိုးရွာသွန်းမှုအောက်တွင် ပျက်သုဉ်းသွားကြသည်။ သူတို့က တိုက်ခိုက်မှုကို လုံးဝ ခုခံကာကွယ်နိုင်စွမ်း မရှိကြပေ။</p> <p>“သခင်... ဓားတာအိုသခင်က လွတ်သွားပြီ... အခု ကျွန်မတို့ ဘာလုပ်ကြမလဲ...”</p> <p>ဓားသမားမိန်က ပြောလိုက်၏။</p> <p>ဓားတာအိုသခင် ထွက်ခွာသွားသည်နှင့် ဓားသမားမိန်၏ အမှန်တကယ် မည်သူမည်ဝါဖြစ်ကြောင်း ပေါ်လွင်သွားမည် ဖြစ်ပြီး သူမက ဓားကလန်သို့ ပြန်သွား၍ မရနိုင်တော့ပေ။</p> <p>“ကိစ္စမရှိပါဘူး... နောက်တစ်ခါ သူ့ကို တွေ့ရင် ငါ သတ်လိုက်မယ်... မင်းကတော့ လောလောဆယ် ငါ့ဘေးမှာ နေလို့ ရပါတယ်...”</p> <p>ချူခွမ်းရန်က ပြောလိုက်သည်။ သူ့အတွက် ဓားတာအိုသခင်က သူ၏ အားလပ်ချိန်များတွင် ကစားရန် လူတစ်ယောက်မျှသာ ဖြစ်၏။</p> <p>ချူခွမ်းရန် ပျင်းရိနေသောအခါ ဓားတာအိုသခင်နှင့် အတူ ကစားနိုင်သည်။ ဤကစားပွဲကို သူ ငြီးငွေ့သွားသည်နှင့် တစ်ပြိုင်နက် နောက်လူကို ရိုးရှင်းစွာ သတ်ဖြတ်ပစ်နိုင်၏။</p> <p>အစစ်အမှန် စွမ်းအားများ ရှေ့မှောက်တွင် မည်သူမျှ ခုခံရန် အခွင့်အရေး ရရှိမည် မဟုတ်ပေ။</p> <p>“ဟုတ်ကဲ့ပါ သခင်...”</p> <p>ချူခွမ်းရန်၏ ဘေးတွင် နေခွင့်ရကြောင်း ကြားလိုက်ရသောအခါ ဓားသမားမိန် ဝမ်းသာသွားသည်။</p> <p>“ဒီဓားသင်္ကေတတွေက အတော်လေး အဖိုးတန်ပုံရတယ်... အဲဒါတွေကို အခုချက်ချင်း သန့်စင်ချင်နေပြီ... ဒီနယ်မြေကို ကာကွယ်ရေး မှော်အစီအရင်တစ်ခု ချထားလိုက်...”</p> <p>ချူခွမ်းရန်က ခပ်တိုးတိုး ပြောလိုက်၏။</p> <p>လိုအပ်သော စီစဉ်မှုများ ပြုလုပ်ပြီးနောက် ချူခွမ်းရန်က နန်းတော်အတွင်းသို့ ဝင်ရောက်သွားပြီး ဓားသင်္ကေတများကို သန့်စင်ရန် သူ့ကိုယ်သူ ပြင်ဆင်လိုက်သည်။</p> <p>ဓားအင်ပါယာ ချင်းရွှယ်၏ အလောင်းမှာ ကြာမြင့်စွာကတည်းက ပျောက်ဆုံးနေပြီ ဖြစ်ပြီး ဓားတာအိုသခင် ယူဆောင်သွားခြင်း ဖြစ်ဟန်တူ၏။</p> <p>အကယ်၍ ဓားတာအိုသခင်က အလောင်းကို သန့်စင်နိုင်ခဲ့ပါက သူက ၎င်းထံမှ အလွန် ကြီးမားသော အကျိုးကျေးဇူးများကို သေချာပေါက် ရရှိမည် ဖြစ်သည်။</p> <p>“ကောင်းပြီလေ... အခုတော့ ငါတို့ရဲ့ နောက်တစ်ကြိမ် ဆုံတွေ့မှုကို ငါ စိတ်လှုပ်ရှားနေပြီ...”</p> <p>ချူခွမ်းရန်က ရေရွတ်လိုက်၏။ ထို့နောက် သူက သူ၏ အကြည့်များကို တိုင်လုံးတစ်ခုဆီသို့ လွှဲလိုက်ပြီး ဓားအင်ပါယာ ချင်းရွှယ် ချန်ရစ်ခဲ့သော စကားလုံးများကို သတိပြုမိလိုက်သည်။</p> <p>“အင်ပါယာတွေတောင်မှ ကန့်သတ်ချက်ရှိတဲ့ သက်တမ်းကို ပိုင်ဆိုင်ထားတာပဲ... ဒီလောကမှာ အင်မော်တယ်တွေ တကယ်ရှိနေတာလား...”</p> <p>ချူခွမ်းရန်က သူ့ကိုယ်သူ တွေးလိုက်သည်။</p> <p>အင်ပါယာတစ်ပါးထက် ကြီးကျယ်ခမ်းနားသော သက်ရှိတစ်ခု တည်ရှိနေနိုင်သည်ဟု ချူခွမ်းရန် ခံစားလိုက်ရ၏။</p> <p>သို့သော်လည်း လျှို့ဝှက်ဆန်းကြယ်ဓားသင်္ကေတလေးပါးကို သူ စတင် သန့်စင်လိုက်သဖြင့် သူက ၎င်းအပေါ် ဆက်လက် အာရုံစိုက် မနေတော့ပေ။</p> <p>လျှို့ဝှက်ဆန်းကြယ်ဓားသင်္ကေတလေးပါးက ထူးခြားပြောင်မြောက်လှသော ရတနာများ ဖြစ်သည်။ ထို့ကြောင့် ၎င်းတို့ကို သန့်စင်ခြင်းက ရိုးရှင်းသော ကိစ္စရပ်တစ်ခုဖြစ်မည် မဟုတ်ဘဲ အထူးသဖြင့် ဓားတာအိုသခင် ယခင်က သန့်စင်ထားခဲ့သော လေနှင့် မြေ ဓားသင်္ကေတများ အတွက် ဖြစ်၏။ ချူခွမ်းရန်က ၎င်းတို့ကို သန့်စင်လိုပါက ဓားတာအိုသခင် ချန်ရစ်ခဲ့သော စိတ်ဝိညာဉ်အတွေး အမှတ်အသားများကို ဦးစွာ ဖယ်ရှားရမည် ဖြစ်သည်။</p> <p>အမှန်တကယ်တော့ ဤအရာများက ချူခွမ်းရန်အတွက် ခက်ခဲသော ကိစ္စရပ်များ မဟုတ်ပေ။</p> <p>သူ၏ စိတ်ဝိညာဉ်အတွေးများကို လှုပ်ရှားလိုက်သည်နှင့်အမျှ ဓားသင်္ကေတများ အပေါ်တွင် ဓားတာအိုသခင် ချန်ရစ်ခဲ့သော အမှတ်အသားများက စတင် ပျောက်ကွယ်သွား၏။</p> <p>အဝေးတစ်နေရာမှ ထွက်ပြေးနေသော ဓားတာအိုသခင်၏ မျက်နှာက ချက်ချင်း ဖြူရော်သွားသည်။</p> <p>“ချူခွမ်းရန်က ဓားသင်္ကေတတွေပေါ်က ငါ့ရဲ့ အမှတ်အသားတွေကို ဖျက်ပစ်လိုက်ပြီ... ကျိုးလိုက်တဲ့ ချူခွမ်းရန်...”</p> <p>ဓားတာအိုသခင်က ဒေါသတကြီး သွားကြိတ်လိုက်၏။</p> <p>“ဓားအင်ပါယာရဲ့ အမွေအနှစ်အားလုံးကို ငါ သန့်စင်ပြီးတာနဲ့ ပြန်လာခဲ့မယ်…”</p> <p>ချူခွမ်းရန်က ဓားအင်ပါယာ ချင်းရွှယ်၏ တရားထိုင်ရာ အခန်းတွင် လျှို့ဝှက်ဆန်းကြယ်ဓားသင်္ကေတလေးပါးကို သန့်စင်နေ၏။</p> <p>ယခုအခါ ခုနစ်ရက် ကြာမြင့်သွားပြီ ဖြစ်သည်။</p> <p>စွဲမက်ဖွယ်ကောင်းသော ဓားချီတစ်ခုက ကောင်းကင်ယံသို့ တိုင်လုံး တစ်ခုအဖြစ် ထွက်ပေါ်လာ၏။ ၎င်းအတွင်းတွင် အစိမ်း၊ အဝါ၊ အပြာနှင့် အနီရောင် အလင်းတန်းများ ပါဝင်နေသည်။ ၎င်းက လျှို့ဝှက်ဆန်းကြယ်စွမ်းအားလေးပါး၏ စွမ်းအင်ပင် ဖြစ်၏။</p> <p>စွမ်းအင်များက အကန့်အသတ်မရှိ ကြီးကျယ်ခမ်းနားလွန်းသဖြင့် အနီးအနားရှိ အရာအားလုံးက တုန်ခါနေသည်။</p> <p>ထိုသို့ဖြစ်ပျက်နေချိန်တွင် ဓားသမားမိန်နှင့် ကျန့်ချန်ဖုန်းတို့က နန်းတော် အပြင်ဘက်တွင် ရှိနေကြ၏။ ၎င်း၏ စွမ်းအင်များကြောင့် သူတို့၏ ခန္ဓာကိုယ်များ တုန်ယင်နေသည်ကို သူတို့ ခံစားလိုက်ရသည်။</p> <p>“ဘယ်လောက်တောင် အင်အားကြီးမားလိုက်သလဲ... ဒါက ဓားတာအိုသခင် တစ်သက်လုံး ရှာဖွေနေခဲ့တဲ့ ပြီးပြည့်စုံသော လျှို့ဝှက်ဆန်းကြယ်ဓားသင်္ကေတလေးပါးရဲ့ စွမ်းအင်လား...”</p> <p>“တကယ့်ကို အင်အားကြီးမားတာပဲ...”</p> <p>နန်းတော်အတွင်း၌။</p> <p>ချူခွမ်းရန်က ဖြည်းညင်းစွာ မျက်လုံးဖွင့်လိုက်ပြီး သူ၏ မျက်လုံးများကို အရောင်အသွေးစုံလင်သည့် အလင်းတန်း တစ်ခု ဖြတ်သန်းသွား၏။</p> <p>သူက ကျေနပ်စွာ ပြုံးလိုက်သည်။</p> <p>“မဆိုးဘူး... လျှို့ဝှက်ဆန်းကြယ်ဓားသင်္ကေတလေးပါးက တကယ်ကို ထူးခြားပြောင်မြောက်လှတဲ့ ရတနာတစ်ခုပဲ... လျှို့ဝှက်ဆန်းကြယ်ဓားတာအိုလေးပါးနဲ့ ပတ်သက်တဲ့ ထိုးထွင်းသိမြင်မှုတွေကို ငါ့ကို ပေးအပ်တာ အပြင် ၎င်းတို့က နတ်ဘုရားစွမ်းအား တစ်ခုဖြစ်တဲ့ လျှို့ဝှက်ဆန်းကြယ်ဒြပ်စင်လေးပါး နတ်ဘုရားဓား ကို ဖွဲ့စည်းဖို့ ပေါင်းစပ်သွားကြတယ်...”</p> <p>ဤနေရာတွင် လျှို့ဝှက်ဆန်းကြယ်ဓားသင်္ကေတလေးပါး၏ အစစ်အမှန် တန်ဖိုးဖြစ်သော လျှို့ဝှက်ဆန်းကြယ်ဒြပ်စင်လေးပါး နတ်ဘုရားဓားတည်ရှိနေခြင်း ဖြစ်၏။</p> <p>ကျင့်ကြံသူ တစ်ယောက်က လျှို့ဝှက်ဆန်းကြယ်ဓားသင်္ကေတလေးပါးကို အောင်မြင်စွာ သန့်စင်ပြီးသည်နှင့် နတ်ဘုရားစွမ်းအားကို ပေးအပ်ခြင်း ဖြစ်သည်။</p> <p>နတ်ဘုရားစွမ်းအားဆိုသည်မှာ တာအိုနည်းစနစ်ထက် သာလွန်သော စွမ်းအင် ပုံစံတစ်ခု ဖြစ်၏။</p> <p>အချို့သော နတ်ဘုရားစွမ်းအားများက ကျင့်ကြံသူတစ်ယောက်ကို မွေးရာပါ သဘာဝအတိုင်း ပေးအပ်ထားပြီး အချို့မှာမူ ကံကြမ္မာ အခွင့်အရေးများနှင့် ကျင့်ကြံခြင်းများ၏ အမျိုးမျိုးသော အတွေ့အကြုံများ အပြီးတွင်ရရှိခြင်း ဖြစ်သည်။ နတ်ဘုရားစွမ်းအားများက တာအိုကိုယ်ပိုင်လက္ခဏာများနှင့် ဆင်တူသော သဘောတရားတစ်ခုကို မျှဝေကြ၏။</p> <p>နတ်ဘုရားစွမ်းအားများကို ယေဘုယျအားဖြင့် အသေးစား နတ်ဘုရားစွမ်းအားများ၊ ကြီးမားသော နတ်ဘုရားစွမ်းအားများနှင့် အထွတ်အထိပ် နတ်ဘုရားစွမ်းအားများဟူ၍ အမျိုးအစား ခွဲခြားထားသည်။</p> <p>အထွတ်အထိပ် တာအိုကိုယ်ပိုင်လက္ခဏာများ ကဲ့သို့ပင် အထွတ်အထိပ် နတ်ဘုရားစွမ်းအားများက ကျင့်ကြံသူ တစ်ယောက် ပိုင်ဆိုင်ရန် အရှားပါးဆုံး ဖြစ်သော်လည်း အင်အားအကြီးမားဆုံး ဖြစ်၏။</p> <p>တာအိုနည်းစနစ်တစ်ခုနှင့် မတူဘဲ နတ်ဘုရားစွမ်းအားများ၏ ပြင်းအားက ကျင့်ကြံသူ၏ ခွန်အားများနှင့် အချိုးကျ တိုးတက်လာမည် ဖြစ်သည်။ ကျင့်ကြံသူ တစ်ယောက် ပို၍ သန်မာလေလေ သူတို့၏ နတ်ဘုရားစွမ်းအားများက ပို၍ သေစေနိုင်စွမ်း ရှိလာလေလေ ဖြစ်၏။</p> <p>လျှို့ဝှက်ဆန်းကြယ်ဒြပ်စင်လေးပါး နတ်ဘုရားဓားက ချူခွမ်းရန်ကို ပေးအပ်ထားသည့် အထွတ်အထိပ် နတ်ဘုရားစွမ်းအားတစ်ခု တိတိကျကျပင် ဖြစ်သည်။</p> <p>ချူခွမ်းရန်က အနာဂတ်တွင် အင်ပါယာ တစ်ပါးဖြစ်လာလျှင်တောင် လျှို့ဝှက်ဆန်းကြယ်ဒြပ်စင်လေးပါး နတ်ဘုရားဓားက ဓားအင်ပါယာ ချင်းရွှယ်၏ အမွေအနှစ်ထက် ချူခွမ်းရန်အတွက် ပို၍ အသုံးဝင်သော ပိုင်ဆိုင်မှု တစ်ခုဖြစ်နေဆဲ ဖြစ်မည်။</p> <p>“အထွတ်အထိပ် နတ်ဘုရားစွမ်းအားဆိုတာက ကောင်းကင်ကြယ်တာရာက ကျင့်ကြံသူတွေ တီထွင်ထားတဲ့ ဝေါဟာရတစ်ခုသာ ဖြစ်တယ်... အထွတ်အထိပ် နတ်ဘုရားစွမ်းအားတွေလို့ ခေါ်တဲ့ အရာတွေထက် ပိုကြီးကျယ်တဲ့ နတ်ဘုရားစွမ်းအားတွေ ရှိနေရမယ်... ဥပမာ ငါ့ရဲ့ ဉာဏ်အလင်းမျက်လုံးက အထွတ်အထိပ် နတ်ဘုရားစွမ်းအား အများစုထက် အများကြီး ပိုရှုပ်ထွေးတဲ့ နတ်ဘုရားစွမ်းအား တစ်ခု ဖြစ်သလိုပေါ့... ဒီအရာက အထွတ်အထိပ် တာအိုကိုယ်ပိုင်လက္ခဏာများ အားလုံးထက် သာလွန်တဲ့ ငါ့ရဲ့ အင်မော်တယ်ခန္ဓာနဲ့ စကြာ၀ဠာမီးပေါင်းဖိုခန္ဓာတို့နဲ့ ဆင်တူတယ်...”</p> <p>ချူခွမ်းရန်က ရေရွတ်လိုက်၏။ အင်ပါယာ တစ်ပါးဖြစ်လာခြင်းက ကျင့်ကြံသူ တစ်ယောက်၏ နောက်ဆုံး ပန်းတိုင် ဖြစ်လာရန် ဘယ်သောအခါမှ မရည်ရွယ်ထားကြောင်း သူ ခံစားလိုက်ရသည်။</p> <p>ဤကမ္ဘာလောကတွင် စူးစမ်းလေ့လာရခြင်း မရှိသေးသော နယ်မြေများစွာ ကျန်ရှိနေသေး၏။</p> <p>သူက ဓားအင်ပါယာ ချင်းရွှယ်၏ စကားလုံးများကို ကြည့်လိုက်ပြီး ပြတ်သားစွာ ရေရွတ်လိုက်သည်။</p> <p>“အင်ပါယာတွေက ထာဝရ မရှင်သန်နိုင်ဘူးဆိုရင် ငါက အဲဒီထက် ပိုပြီး ရှေ့ဆက်သွားရမယ်... အင်ပါယာတွေက မလုပ်နိုင်ဘူးဆိုရင် ငါက ဒဏ္ဍာရီလာ အင်မော်တယ်တွေထဲက တစ်ယောက် ဖြစ်လာအောင် လုပ်မယ်... အင်မော်တယ်တွေတောင်မှ မလုပ်နိုင်ဘူးဆိုရင် ငါက သူတို့ထက် အများကြီး ပိုအင်အားကြီးတဲ့ တည်ရှိမှုတစ်ခု ဖြစ်လာအောင် လုပ်မယ်...”</p> <p>ချူခွမ်းရန်က မတ်တတ်ရပ်လိုက်ပြီး နန်းတော်ထဲမှ ထွက်လာ၏။</p> <p>သူ၏ ပေါ်ထွက်လာမှုကို ကြာမြင့်စွာကတည်းက မျှော်လင့်ထားကြသော ဓားသမားမိန်နှင့် ကျန့်ချန်ဖုန်းတို့က သူ တံခါးမှ လျှောက်ထွက်လာသောအခါ စိတ်အားထက်သန်စွာဖြင့် နှုတ်ဆက်ကြသည်။</p> <p>“တရားထိုင်ခြင်း ပြီးမြောက်သွားတဲ့အတွက် ဂုဏ်ယူပါတယ် သခင်...”</p> <p>“ကောင်းပြီ... အခု ထကြတော့... ဒီနေရာမှာ ဆက်နေစရာ အကြောင်းမရှိတော့ဘူး... သွားကြစို့...”</p> <p>ချူခွမ်းရန်က ပြောလိုက်၏။ ထို့နောက် သူက သူ၏ လက်ဖဝါးကို မြှောက်လိုက်ပြီး သည်းထန်လှသော စိတ်ဝိညာဉ်စွမ်းအင်များကို ထုတ်လွှတ်လိုက်သည်။</p> <p>လျှို့ဝှက်ဆန်းကြယ်ဒြပ်စင်လေးပါး၏ စွမ်းအားက မြူခိုးနက်များကို ဖြတ်တောက်ပြီး နန်းတော်၏ အပြင်ဘက် ပတ်လည်ကို ဝိုင်းရံထားသည့် အညှာအတာမဲ့သော လျှို့ဝှက်ဆန်းကြယ်ဒြပ်စင်လေးပါး ဓားအရိပ်တစ်ခုအဖြစ် ဖန်တီးလိုက်၏။</p> <p>ဓားချီက မြူခိုးများကို ထိုးဖောက်သွားပြီး အစီအရင် တစ်ခုလုံးကို ချက်ချင်း ဆုတ်ဖြဲပစ်လိုက်တော့သည်။</p> <p> </p> <p> </p> <p> </p> <p style="text-align: center;">***</p>


Save