Book List

<h3>ကျင့်ကြံခြင်းလောကကို ပတ်မွှေမယ်</h3> <p>ဘာသာပြန် - Heavenly Dao Translation Sect</p> <p> </p> <p>ချန်လော့သည် မသေမျိုးကျင့်ကြံခြင်းလောကသို့ မတော်တဆ ကူးပြောင်းရောက်ရှိသွားခဲ့ပြီးနောက် ၊ စနစ် သည် နိုးထလာခဲ့၏။</p> <p> </p> <p>စနစ်၏အကူအညီပါသော ဇာတ်လိုက်မင်းသားတစ်ပါးအနေအဖြစ် ၊ ချန်လော့သည် မသေမျိုးကျင့်ကြံခြင်း ခရီးစဉ်ကို စတင်ခဲ့သည်။</p> <p> </p> <p>သို့သော် သူ၏ မသေမျိုးကျင့်ကြံခြင်း ခရီးစဉ်သည် ယခင်လူဟောင်းများ၏ လမ်းစဉ်များနှင့် မတူညီဘဲ ကွဲပြားခြားနားနေပုံပေါ်၏။</p> <p> </p> <p>မဟာသူတော်စင်ကြီး က ဆိုရှာသည်။</p> <p> </p> <p> "ချန်လော့နဲ့ မတွေ့ခင် ငါ့ရဲ့ဘဝကြီးက သိပ်ကို ပင်ပန်းဆင်းရဲတယ်လို့ အမြဲထင်နေခဲ့တာ... ဘယ်ဟုတ်မလဲ သူလည်း ပေါ်လာရော ငါ့ဘဝကြီးက တကယ်တော့ တော်တော်လေး လွယ်ကူတယ်ဆိုတာကို သဘောပေါက်သွားတော့တယ်"</p> <p> </p> <p>ပိုင်မု ကောင်းကင်သခင် က ထောက်ခံ၏။</p> <p> </p> <p>"လောကကြီးမှာရှိတဲ့ အရာအားလုံးကို ငါ ရှင်းရှင်းလင်းလင်း မြင်နိုင်တယ်လို့ အစက ထင်ထားခဲ့တာ...ဘယ်ဟုတ်မလဲ... ဒါက ချန်လော့ကို မမြင်ခင်အချိန်ထိပဲ.... အဲ့ဒီတော့မှ သူ့စိတ်နှလုံးက ပိုပြီးတော့တောင် မှောင်မိုက်နေပြီး ထိုးထွင်းသိမြင်ဖို့ ပိုခက်ခဲတယ်ဆိုတာကို တွေ့လိုက်ရတယ်လေ"</p> <p> </p> <p>ခံစားချက်ကင်းမဲ့သော ဓားသမား က ညည်းညူလေသည်။</p> <p> </p> <p> "ငါက ခံစားချက်မရှိတဲ့ ဓားသမားတစ်ယောက်လို့ အစက ထင်ထားခဲ့တာ.. ချန်လော့နဲ့လည်း တွေ့ရော ငါလည်း ဒေါသထွက်တတ်သေးတာပဲဆိုတာကို နားလည်သွားတော့တယ်"</p> <p> </p> <p>လူအများ က ဤသို့ဆို၏။</p> <p> </p> <p> "ချန်လော့က လုံးဝကို နတ်ဆိုးပဲ" </p> <p> </p> <p>နတ်ဆိုးလောကသားများ ကလည်း ထောက်ခံကြသည်။</p> <p> </p> <p> "မင်းတို့တွေ ငါတို့ရဲ့ နတ်ဆိုးလောကကို လာမစော်ကားနဲ့ကွ"</p> <p> </p> <p>သို့သော် ချန်လော့ကမူ - "ငါ့ရဲ့ မသေမျိုးဖြစ်ဖို့ လျှောက်လှမ်းဖို့ခရီးစဉ်က မှန်ကန်တဲ့ ရှုထောင့်သုံးခုပေါ်မှာ အခြေခံထားတာလေ"</p> <p> </p> <h2 style="text-align: center;">အခန်း (၁)</h2> <h2 style="text-align: center;"> ငါ့ညီအစ်ကိုများက ငါ့အပေါ် အလွန်ကောင်းကြသည်</h2> <h2 style="text-align: center;">*</h2> <p style="text-align: center;"> </p> <p> </p> <p> </p> <p> </p> <p>“ပိုင်ရှင်ကို ရှာဖွေတွေ့ရှိပါပြီ... ကျင့်ကြံမှု အဆတိုးပွားစေသော စနစ်ကို အောင်မြင်စွာ ချိတ်ဆက်ပြီးပါပြီ...”</p> <p> </p> <p> </p> <p> </p> <p>“သင့်ရဲ့ ကျင့်ကြံမှုက အဆတစ်ရာ တိုးပွားလာပါမယ်... တစ်ကြိမ် ကျင့်ကြံတာက ပုံမှန် အကြိမ်တစ်ရာ ကျင့်ကြံတာနဲ့ ညီမျှပါတယ်...”</p> <p> </p> <p> </p> <p> </p> <p>သူ၏ စိတ်ထဲမှ ထွက်ပေါ်လာသော အသံကို ကြားလိုက်ရသောအခါ ပတ်တီးများ ရစ်ပတ်ထားဆဲ ဖြစ်သည့် ချန်လော့သည် ကုတင်ပေါ်မှ ရုတ်တရက် မတ်တတ်ထရပ်လိုက်၏။</p> <p> </p> <p> </p> <p> </p> <p>“အသုံးမကျတဲ့ လူငယ်လေး တစ်ယောက်က ပြန်လည် တန်ပြန်တိုက်ခိုက်မယ့် ဇာတ်လမ်းမျိုးပဲ... ဒီဇာတ်ညွှန်းကို ငါ ရင်းနှီးပြီးသားပဲလေ...”</p> <p> </p> <p> </p> <p> </p> <p>ဝါရင့် အွန်လိုင်းဝတ္ထု ဖတ်ရှုသူ တစ်ယောက် အနေဖြင့် ချန်လော့သည် ဤဇာတ်ညွှန်းနှင့် အလွန်ပင် ရင်းနှီးသည်။</p> <p> </p> <p> </p> <p> </p> <p>“ငါက ဘယ်သူလဲ၊ ဘယ်နေရာကို ရောက်နေတာလဲ ဆိုတာကို မသိပေမဲ့ ငါ ဘာလို့ ကူးပြောင်းလာရသလဲ ဆိုတာကိုတော့ ပိုလို့တောင် မသိသေးဘူး...”</p> <p> </p> <p> </p> <p> </p> <p>“ဒါပေမဲ့ ငါ အခု စတင်ပြီး စွမ်းရည်တွေ ထုတ်ပြရတော့မယ် ဆိုတာကိုတော့ သိတယ်...”</p> <p> </p> <p> </p> <p> </p> <p>“ဒါနဲ့ နေပါဦး... တကယ်တော့ ငါက ဘယ်သူပါလိမ့်...”</p> <p> </p> <p> </p> <p> </p> <p>ထို့နောက် ချန်လော့သည် သူ၏ စိတ်ထဲတွင် ကျန်ရစ်နေသော ယခင်လူ၏ မှတ်ဉာဏ်များကို ဆယ်မိနစ်ကျော်ခန့် အချိန်ယူ၍ နားလည်အောင် ကြိုးစားလိုက်၏။</p> <p> </p> <p> </p> <p> </p> <p>ယခင်လူ၏ အမည်မှာလည်း ချန်လော့ပင် ဖြစ်ပြီး ၊ ယွင်ထျန်းဂိုဏ်းမှ သာမန် အပြင်ဂိုဏ်းသား တစ်ယောက် ဖြစ်ကာ သာမန် ပါရမီနှင့် သာမန် ကျင့်ကြံမှုသာ ရှိသူ ဖြစ်သည်။</p> <p> </p> <p> </p> <p> </p> <p>ရုတ်တရက် ကြည့်လိုက်လျှင် သူသည် နောက်ခံ ဇာတ်ကောင် တစ်ယောက်နှင့် အတော်လေး တူနေ၏။</p> <p> </p> <p> </p> <p> </p> <p>သို့သော်လည်း အနည်းငယ် ကွဲပြားနေသည့် တစ်ခုတည်းသော အချက်မှာ သူ့တွင် ပိုင်ယီယီ အမည်ရသည့် ငယ်ချစ်သူ တစ်ယောက် ရှိနေခြင်း ဖြစ်သည်။</p> <p> </p> <p> </p> <p> </p> <p>လွန်ခဲ့သော သုံးနှစ်ခန့်က သူတို့ နှစ်ယောက်စလုံးသည် ရွာထဲတွင် ယွင်ထျန်းဂိုဏ်းမှ အကြီးအကဲ တစ်ဦး၏ ရွေးချယ်ခြင်းကို ခံခဲ့ရပြီး ဂိုဏ်းထဲသို့ ဝင်ရောက်လာခဲ့ကြသည်။</p> <p> </p> <p> </p> <p> </p> <p>သူတို့သည် တစ်ရွာတည်းသားများ ဖြစ်ကြသော်လည်း ၊ သူတို့၏ ပါရမီများမှာမူ ကောင်းကင်နှင့် မြေကြီးသဖွယ် ကွာခြားလှ၏။</p> <p> </p> <p> </p> <p> </p> <p>ချန်လော့၏ သာမန်ဖြစ်မှုနှင့် မတူဘဲ ပိုင်ယီယီမှာမူ အလွန် ထူးချွန်သော ပါရမီ ရှိပြီး ၊ သူမ၏ ကျင့်ကြံမှုအရှိန်မှာ အလွန်ပင် မြန်ဆန်လှသည်။</p> <p> </p> <p> </p> <p> </p> <p>ဂိုဏ်းထဲသို့ ဝင်ရောက်ပြီး သုံးနှစ်အတွင်း ချန်လော့သည် ချီသန့်စင်ခြင်းအဆင့်၏ တတိယအဆင့်သို့သာ ဝင်ရောက်နိုင်သေးသော်လည်း ၊ ပိုင်ယီယီသည် အခြေခံတည်ဆောက်ခြင်းအဆင့်၏ နဝမအဆင့်သို့ပင် ရောက်ရှိနေပြီ ဖြစ်ကာ ၊ အကြီးအကဲ ချင်းရွှေ၏ တိုက်ရိုက်တပည့် အဖြစ်ပင် လက်ခံခြင်း ခံခဲ့ရသဖြင့် သူမ၏ အနာဂတ်မှာ ခန့်မှန်း၍မရနိုင်အောင်ပင် တောက်ပနေခဲ့ပြီ ဖြစ်သည်။</p> <p> </p> <p> </p> <p> </p> <p>ချန်လော့ အရိုက်ခံရသည့် အကြောင်းရင်းမှာ ဂိုဏ်းထဲတွင် ပိုင်ယီယီကို သဘောကျနေသော ကျန်းချီ အမည်ရသည့် အတွင်းဂိုဏ်းသား တစ်ယောက် ရှိနေသောကြောင့် ဖြစ်သည်။</p> <p> </p> <p> </p> <p> </p> <p>ပိုင်ယီယီသည် သူ့အပေါ် အမြဲတမ်း အေးစက်စက်သာ ဆက်ဆံပြီး ပုံမှန်အားဖြင့် အခြားသူများနှင့် ဆက်ဆံရသည်ကို မနှစ်သက်သော်လည်း ၊ ချန်လော့ကိုမူ အထူးတလည် ဂရုစိုက်ကာ သူ့ထံ မကြာခဏ လာရောက် ရှာဖွေတတ်၏။</p> <p> </p> <p> </p> <p> </p> <p>ကျန်းချီသည် ထိုအကြောင်းကို ကြားသိသွားသောအခါ တမုဟုတ်ချင်း ဒေါသထွက်သွားပြီး ၊ အပြင်ဂိုဏ်းသားများ နေထိုင်ရာ နယ်မြေသို့ တိုက်ရိုက် သွားရောက်ကာ ချန်လော့ကို ရက်ရက်စက်စက် ရိုက်နှက်ခဲ့သည်။</p> <p> </p> <p> </p> <p> </p> <p>ယခင်လူမှာ ပြင်းထန်သော ရိုက်နှက်မှု ဒဏ်များကို မခံနိုင်သောကြောင့် ပြန်ပို့ခံရပြီး  မကြာမီမှာပင် သေဆုံးသွားခဲ့ရာမှ ကူးပြောင်းလာသူ ချန်လော့အတွက် အခွင့်အရေး ရသွားခဲ့ခြင်း ဖြစ်သည်။</p> <p> </p> <p> </p> <p> </p> <p>“ကျစ်... သူက မင်းကို အထင်သေးတာလေ... သူ့ကို သွားရိုက်ပေါ့... ဘာလို့ ငါ့ကို လာရိုက်ရတာလဲ...”</p> <p> </p> <p> </p> <p> </p> <p>ဤအခိုက်အတန့်၌ ချန်လော့မှာ ဒေါသထွက်လွန်းသဖြင့် သွားကြိတ်ထားမိသည်။</p> <p> </p> <p> </p> <p> </p> <p>ဤလူများ၏ စဉ်းစားတွေးခေါ်ပုံကို သူ နားမလည်နိုင်အောင် ဖြစ်ရ၏။</p> <p> </p> <p> </p> <p> </p> <p>“အဲ့ဒီမိန်းကလေးက မင်းကို အထင်သေးတာကို မင်းကိုယ်မင်း တိုးတက်အောင် ကြိုးစားပြီး သက်သေပြရမယ့်အစား ငါ့ကို လာရိုက်ရသလား...”</p> <p> </p> <p> </p> <p> </p> <p>“ဘာလဲ... ငါ့ကို ရိုက်လိုက်ရင် အဲ့မိန်းကလေးက မင်းကို သဘောကျသွားမှာမို့လို့လား...”</p> <p> </p> <p> </p> <p> </p> <p>“မင်းက ရက်စက်ကြမ်းကြုတ်တဲ့ နတ်ဆိုးလမ်းစဉ် ကျင့်ကြံသူ တစ်ယောက်ကို ရိုက်နှက်နေတာ မဟုတ်ဘူး... သူမ သဘောကျတဲ့သူကို ရိုက်နှက်နေတာ...”</p> <p> </p> <p> </p> <p> </p> <p>“လူတစ်ယောက်ကို ရိုက်နှက်တာက မင်းကို ပိုမုန်းသွားစေရုံပဲ ရှိမယ်... မင်းအပေါ် ဘာခံစားချက်မှ ဖြစ်လာစေမှာ မဟုတ်ဘူး...”</p> <p> </p> <p> </p> <p> </p> <p>“ငါ့ကို ရိုက်နှက်နေမယ့်အစား ငါ့ကို မျက်နှာချိုသွေးပြီး မင်းတို့ နှစ်ယောက် နီးစပ်သွားအောင် အောင်သွယ်ပေးဖို့ တောင်းဆိုတာကမှ ပိုပြီး လက်တွေ့ကျဦးမယ်...”</p> <p> </p> <p> </p> <p> </p> <p>“ကျစ်... တွေးလေ ဒေါသထွက်လေပဲ... သေစမ်း...”</p> <p> </p> <p> </p> <p> </p> <p>“အခု ငါ့မှာ စနစ် ရှိနေပြီ... မင်းကို မနိုင်ဘူး ဆိုတာ ငါ မယုံဘူး...”</p> <p> </p> <p> </p> <p> </p> <p>ထိုသို့ ပြောလိုက်ရင်းနှင့် ချန်လော့သည် ချက်ချင်းပင် တင်ပျဉ်ခွေ ထိုင်ချလိုက်သည်။</p> <p> </p> <p> </p> <p> </p> <p>လတ်တလောတွင် သူ ဒေါသထွက်နေသော်လည်း၊ သို့သော် သူသည် မိုက်မဲသူ တစ်ယောက်တော့ မဟုတ်ချေ။</p> <p> </p> <p> </p> <p> </p> <p>ထိုလူသည် အရင်က သူ့ကို ရိုက်နှက်နိုင်ခဲ့လျှင် ယခုလည်း သူ့ကို ရိုက်နှက်နိုင်လိမ့်မည်။ ထို့ကြောင့် သူ၏ ကျင့်ကြံမှုကို တိုးတက်လာစေရန် စနစ်အပေါ် အရင် မှီခိုလိုက်သည်က ပိုကောင်းမည် ဖြစ်၏။</p> <p> </p> <p> </p> <p> </p> <p>ကျင့်ကြံနေရင်းနှင့် ချန်လော့သည် ကျန်းချီနှင့် ပတ်သက်သော အချက်အလက်များကို သူ၏ စိတ်ထဲတွင် ပြန်လည် စဉ်းစားလိုက်သည်။</p> <p> </p> <p> </p> <p> </p> <p>ကျန်းချီမှာ အတွင်းဂိုဏ်းသား တစ်ယောက်သာ ဖြစ်ပြီး သူ၏ ကျင့်ကြံမှုမှာလည်း ချီသန့်စင်ခြင်းအဆင့်၏ သတ္တမအဆင့်တွင်သာ ရှိသေးသော်လည်း သူ၏ နောက်ခံမှာမူ သာမန် မဟုတ်ပေ။</p> <p> </p> <p> </p> <p> </p> <p>သူ၏ အဘိုးဖြစ်သူမှာ ယွင်ထျန်းဂိုဏ်းမှ အတွင်းဂိုဏ်း အကြီးအကဲ တစ်ဦး ဖြစ်ပြီး ၊ ရွှေမြုတေအဆင့်၏ သတ္တမအဆင့်အထိ ရောက်ရှိနေသော ထိတ်လန့်ဖွယ်ရာ ခွန်အားကို ပိုင်ဆိုင်ထားသူ ဖြစ်သည်။</p> <p> </p> <p> </p> <p> </p> <p>ကံကောင်းသည်မှာ ယွင်ထျန်းဂိုဏ်းသည် နာမည်ကောင်းရှိသော ဖြောင့်မတ်သည့် ဂိုဏ်းတစ်ခု ဖြစ်ခြင်းပင်။ အသက်အန္တရာယ် မရှိသရွေ့ တပည့်များအကြား အငြင်းပွားမှုများတွင် အကြီးအကဲများ အနေဖြင့် တပည့်များကို အကြောင်းမဲ့ ဝင်ရောက် တိုက်ခိုက်ခွင့် မရှိကြောင်း ဂိုဏ်း၏ စည်းမျဉ်းများက ရှင်းလင်းစွာ ပြဋ္ဌာန်းထားသည်။ ထိုသို့ မဟုတ်ပါက တွေ့ရှိသည်နှင့် တစ်ပြိုင်နက် ဂိုဏ်းမှ နှင်ထုတ်ခံရမည် ဖြစ်၏။</p> <p> </p> <p> </p> <p> </p> <p>ထိုစည်းမျဉ်းကိုလည်း အတော်လေး တင်းကျပ်စွာ အကောင်အထည်ဖော်ပုံ ရသည်။</p> <p> </p> <p> </p> <p> </p> <p>“ရွှေမြုတေအဆင့်လောက်ကို သုံးနှစ်အတွင်း ငါ သေချာပေါက် ဖြုတ်ချပစ်မယ်...”</p> <p> </p> <p> </p> <p> </p> <p>ထိုသို့ ပြောလိုက်ပြီးနောက် ချန်လော့သည် မျက်လုံးများကို မှိတ်၍ စတင် ကျင့်ကြံလိုက်သည်။</p> <p> </p> <p> </p> <p> </p> <p>“ပိုင်ရှင် ကျင့်ကြံနေသည်ကို တွေ့ရှိပါသည်... အဆတိုးပွားမှုကို ဖွင့်ချင်ပါသလား…”</p> <p> </p> <p> </p> <p> </p> <p>“ဖွင့်မယ်...”</p> <p> </p> <p> </p> <p> </p> <p>ချန်လော့မှာ အနည်းငယ်မျှပင် တုံ့ဆိုင်းမနေခဲ့ပေ။ အဆတစ်ရာ တိုးပွားမှု။ တစ်ရက် ကျင့်ကြံခြင်းက ရက်တစ်ရာ ကျင့်ကြံခြင်းနှင့် ညီမျှနေသည်ကို သူက ဘာကြောင့် မဖွင့်ဘဲ နေမည်နည်း။</p> <p> </p> <p> </p> <p> </p> <p>“အဆတိုးပွားမှုကို ဖွင့်ရန် တစ်ရက်လျှင် ဝိညာဉ်ကျောက်တုံး တစ်တုံး လိုအပ်ပါသည်... ပိုင်ရှင် ကျေးဇူးပြု၍ ပေးချေပါ...”</p> <p> </p> <p> </p> <p> </p> <p>ဤစကားကို ကြားလိုက်ရသောအခါ ချန်လော့မှာ နေရာမှာတင် သွေးအန်တော့မတတ် ဖြစ်သွားသည်။</p> <p> </p> <p> </p> <p> </p> <p>“သေနာကောင်...”</p> <p> </p> <p> </p> <p> </p> <p>“ဘာလို့ ဒီစုတ်ပြတ်နေတဲ့ စနစ်ကလည်း ပိုက်ဆံ လိုရတာလဲ...”</p> <p> </p> <p> </p> <p> </p> <p>ဝိညာဉ်ကျောက်တုံး တစ်တုံး ဆိုသည်မှာ အစပိုင်းတွင် များပြားသည်ဟု မထင်ရသော်လည်း ချန်လော့သည် သာမန် အပြင်ဂိုဏ်းသား တစ်ယောက်သာ ဖြစ်ကြောင်း သင် သိထားရမည် ။</p> <p> </p> <p> </p> <p> </p> <p>ယွင်ထျန်းဂိုဏ်း၏ သာမန် အပြင်ဂိုဏ်းသားများမှာ လစဉ်ကြေး အဖြစ် ဝိညာဉ်ကျောက်တုံး တစ်တုံးကိုသာ ရရှိကြသည်။</p> <p> </p> <p> </p> <p> </p> <p>ထို့အပြင် သူ၏ ပါရမီကလည်း သာမန်သာ ဖြစ်သဖြင့် ဝိညာဉ်ကျောက်တုံး ရရှိပြီးသည်နှင့် တစ်ပြိုင်နက် ကျင့်ကြံခြင်းဆိုင်ရာ အထောက်အကူပြု ပစ္စည်းများနှင့် ချက်ချင်း လဲလှယ်လိုက်လေ့ ရှိ၏။</p> <p> </p> <p> </p> <p> </p> <p>သုံးနှစ်အတွင်း သူသည် ဝိညာဉ်ကျောက်တုံး တစ်တုံးကိုမျှ စုဆောင်းထားနိုင်ခဲ့ခြင်း မရှိပေ။</p> <p> </p> <p> </p> <p> </p> <p>“ပိုင်ရှင်က ဆင်းရဲမွဲတေနေသူ ဖြစ်ကြောင်း တွေ့ရှိရပါသည်... စနစ်သည် လုံးဝ ပိတ်သိမ်းတော့မည် ဖြစ်ပါသည်...”</p> <p> </p> <p> </p> <p> </p> <p>ဤစကားကို ကြားလိုက်ရသောအခါ ချန်လော့မှာ နေရာမှာတင် သွေးအန်မတတ် ဖြစ်ခဲ့ရသည်။</p> <p> </p> <p> </p> <p> </p> <p>“မသွားပါနဲ့ ညီအစ်ကိုရာ... ငါ့မှာ ဝိညာဉ်ကျောက်တုံးတွေ ရှိပါတယ်... ရှိပါတယ်...”</p> <p> </p> <p> </p> <p> </p> <p>ထိုသို့ ပြောလိုက်ရင်းနှင့် ချန်လော့သည် ကုတင်ဘေးသို့ အလျင်အမြန် ပြေးသွားကာ ကုတင်အောက်မှ သစ်သားပြား တစ်ပြားကို မ၍ အတွင်းမှ သေတ္တာငယ် တစ်လုံးကို ထုတ်ယူလိုက်သည်။</p> <p> </p> <p> </p> <p> </p> <p>သေတ္တာငယ်ကို ဖွင့်လိုက်သောအခါ ဝိညာဉ်စွမ်းအင်များ ပြည့်နှက်နေသည့် ဝိညာဉ်ကျောက်တုံး ဆယ်တုံး ထဲတွင် ရှိနေသည်ကို တွေ့လိုက်ရ၏။</p> <p> </p> <p> </p> <p> </p> <p>သို့သော်လည်း ဤဝိညာဉ်ကျောက်တုံးများက ချန်လော့ ပိုင်ဆိုင်သည်များ မဟုတ်ဘဲ အခြားသော အပြင်ဂိုဏ်းသား နှစ်ယောက်၏ အရာများ ဖြစ်သည်။</p> <p> </p> <p> </p> <p> </p> <p>ထိုသူ နှစ်ယောက်စလုံးမှာ ဂိုဏ်းအတွင်းရှိ ချန်လော့၏ ညီအစ်ကိုကောင်းများ ဖြစ်ကြပြီး ၊ သူတို့သည် မစ်ရှင်များကို အတူတကွ သွားရောက်လုပ်ဆောင်လေ့ ရှိကြသည်။</p> <p> </p> <p> </p> <p> </p> <p>သို့သော် လွန်ခဲ့သော တစ်လခန့်က သူတို့ သုံးယောက်သည် မစ်ရှင်တစ်ခုကို လုပ်ဆောင်နေစဉ် တစ်စုံတစ်ခု မှားယွင်းသွားခဲ့သည်။</p> <p> </p> <p> </p> <p> </p> <p>ထိုနှစ်ယောက်စလုံးမှာ မိစ္ဆာသားရဲ တစ်ကောင်၏ တိုက်ခိုက်မှုကြောင့် ပြင်းထန်စွာ ဒဏ်ရာရရှိခဲ့ပြီး ချန်လော့ တစ်ယောက်တည်းသာ အသက်ရှင်ကျန်ရစ်ခဲ့၏။</p> <p> </p> <p> </p> <p> </p> <p>နောက်ဆုံးတွင် သူတို့သည် မိစ္ဆာသားရဲကို သတ်ဖြတ်နိုင်ခဲ့သော်လည်း  ၊ နှစ်ယောက်စလုံးမှာ အသက်ရှင်နိုင်တော့မည် မဟုတ်ကြောင်းကို ခံစားလိုက်ရသည်။</p> <p> </p> <p> </p> <p> </p> <p>မသေဆုံးမီ ၎င်းတို့ နှစ်ယောက်သည် သူတို့၏ ဝိညာဉ်ကျောက်တုံးများကို ချန်လော့ထံ လွှဲပြောင်းပေးခဲ့ပြီး ၊ ဤဝိညာဉ်ကျောက်တုံးများကို လောကီနယ်ပယ်ရှိ သူတို့၏ မိသားစုများထံ ချန်လော့က ပေးအပ်နိုင်လိမ့်မည်ဟု မျှော်လင့်ခဲ့ကြသည်။</p> <p> </p> <p> </p> <p> </p> <p>ချန်လော့သည် သူ၏ လက်ထဲမှ ဝိညာဉ်ကျောက်တုံးများကို ကြည့်လိုက်ရာ ၊ သူ၏ ရင်ထဲတွင် ခံစားချက်ပေါင်းစုံ ရောထွေးနေတော့၏။</p> <p> </p> <p> </p> <p> </p> <p>“ငါ့ညီအစ်ကိုတွေက ငါ့အပေါ် အလွန်ကောင်းကြတာပဲ... ငါ ဝိညာဉ်ကျောက်တုံးတွေ လိုအပ်မယ့် နေ့တစ်နေ့ ရှိလာမယ် ဆိုတာကို သိလို့ သူတို့ မသေခင် ငါ့ကို ဝိညာဉ်ကျောက်တုံးတွေ တမင်တကာ ပေးခဲ့ကြတာ...”</p> <p> </p> <p> </p> <p> </p> <p>“ဒီဝိညာဉ်ကျောက်တုံးတွေက ငါ့အတွက် ငါ့ညီအစ်ကိုတွေ သူတို့ အသက်နဲ့ လဲပြီး ပေးခဲ့တာ ဆိုတော့ သဘာဝကျကျပဲ ငါ ငြင်းဆန်လို့ မရဘူး...”</p> <p> </p> <p> </p> <p> </p> <p>“ဒီဝိညာဉ်ကျောက်တုံးတွေကို ငါ အားနာနာနဲ့ပဲ လက်ခံလိုက်ပါတော့မယ်...”</p> <p> </p> <p> </p> <p> </p> <p>ထိုသို့ ပြောလိုက်ရင်းနှင့် ချန်လော့သည် သေတ္တာထဲမှ ဝိညာဉ်ကျောက်တုံးများကို ထုတ်ယူလိုက်သည်။</p> <p> </p> <p> </p> <p> </p> <p>“စနစ်... အဆတိုးပွားမှုကို ဖွင့်လိုက်...”</p> <p> </p> <p> </p> <p> </p> <p>“ဒီဝိညာဉ်ကျောက်တုံး ဆယ်တုံးက အဆတိုးပွားမှု ဆယ်ရက်အတွက် လုံလောက်လောက်ပါတယ်...”</p> <p> </p> <p> </p> <p> </p> <p>စနစ်သည် တစ်ခဏမျှ တိတ်ဆိတ်သွားပြီးနောက် ချန်လော့၏ စိတ်ထဲတွင် စာလုံးအနည်းငယ်ကို တဖြည်းဖြည်းချင်း ဖော်ပြလာသည်။</p> <p> </p> <p> </p> <p> </p> <p>“မင်းက တကယ့်ကို လူမဟုတ်ဘူးပဲ...”</p> <p> </p> <p> </p> <p> </p> <p>ချန်လော့သည် သူ၏ စိတ်ထဲမှ စာလုံးများကို ကြည့်လိုက်ပြီး အနည်းငယ် အံ့အားသင့်သွားသော်လည်း ၊ ထို့နောက်တွင် ရှက်သွေးဖြာသော အပြုံးတစ်ခုကို ပြုံးပြလိုက်သည်။</p> <p> </p> <p> </p> <p> </p> <p>“မင်းက လူကဲခတ်တာ အတော်လေး တော်တာပဲ...”</p> <p> </p> <p> </p> <p> </p> <p>စနစ်: .…</p> <p> </p> <p> </p> <p> </p> <p>“ဝိညာဉ်ကျောက်တုံး တစ်တုံး ကုန်ကျပါသည်... အဆတစ်ရာ တိုးပွားမှုကို ဖွင့်လိုက်ပါပြီ...”</p> <p> </p> <p> </p> <p> </p> <p>စနစ်၏ အသံကို ကြားလိုက်ရသောအခါ ချန်လော့မှာ အချိန် ထပ်မဖြုန်းတော့ပေ။ သူသည် တင်ပျဉ်ခွေ ထိုင်ချလိုက်ပြီး ချီသန့်စင်ခြင်းအဆင့်အတွက် အခြေခံအကျဆုံး ကျင့်စဉ်ဖြစ်သည့် ချီဆွဲဆောင်ခြင်းကျင့်စဉ် ကို စတင် ကျင့်ကြံလိုက်သည်။</p> <p> </p> <p> </p> <p> </p> <p>မကြာမီမှာပင် တစ်ရက်တာ ကုန်ဆုံးသွား၏။ ချန်လော့သည် မျက်လုံးများကို တဖြည်းဖြည်းချင်း ဖွင့်လိုက်ပြီး လေပူတစ်ချက် မှုတ်ထုတ်လိုက်သည်။</p> <p> </p> <p> </p> <p> </p> <p>“သင် တစ်ရက်လုံး ကျင့်ကြံခဲ့ပါသည်... အဆတစ်ရာ တိုးပွားမှုပြီးနောက် သင်သည် ရက်တစ်ရာ ကျင့်ကြံခဲ့ပြီး ဖြစ်ပါသည်...”</p> <p> </p> <p> </p> <p> </p> <p>“သင်၏ကျင့်ကြံမှုသည် ချီသန့်စင်ခြင်းအဆင့်၏ စတုတ္ထအဆင့်သို့ တိုးတက်သွားပါပြီ...”</p> <p> </p> <p> </p> <p> </p> <p>ဤစကားကို ကြားလိုက်ရသောအခါ ချန်လော့၏ မျက်လုံးများက ချက်ချင်းပင် အရောင်လက်သွားပြီး ပြုံးလိုက်၏။</p> <p> </p> <p> </p> <p> </p> <p>“တစ်ရက် ကျင့်ကြံရုံနဲ့ အဆင့်တစ်ခုကို ဖောက်ထွက်နိုင်ခဲ့ပြီ... မိုက်တယ်ဟေ့...”</p> <p> </p> <p> </p> <p> </p> <p>ချန်လော့သည် အချိန်မဖြုန်းတော့ပေ။ သူသည် နောက်ထပ် ဝိညာဉ်ကျောက်တုံး တစ်တုံးကို ချက်ချင်း အသုံးပြုလိုက်ပြီး ဆက်လက် ကျင့်ကြံလိုက်သည်။</p> <p> </p> <p> </p> <div> </div> <p> </p> <p> </p> <p> </p> <p style="text-align: center;">***</p>


Save