Book List

<h2 style="text-align: center;">မသေလမ်း ရှာပုံတော်</h2> <h2 style="text-align: center;">အခန်း ၅၈၃</h2> <h2 style="text-align: center;">သူ ဖြစ်နေခဲ့တာပဲ</h2> <h2 style="text-align: center;">*</h2> <p> </p> <p> </p> <p>"ရှောင်လိုက်"</p> <p> </p> <p>လေနှင်ရာ ခရီးသည်လည်း အသူရာ အလောင်းကောင် ပုံမှန် မဟုတ်ကြောင်း သတိပြုမိပြီး အလျင်အမြန် လှမ်းအော်လိုက်သည်။</p> <p> </p> <p>သို့သော် သူနှင့် အလှမ်းဝေးလွန်းနေသည်။ အရိပ်ဝါးကျားသစ်ကို ဖမ်းဆီးရန် နတ်ဆိုးဘုရင် သွေးတံဆိပ်နှင့် အပြစ်ကင်းစင် ပုလဲ နှစ်ခုလုံး၏ စွမ်းအားကို အကုန်ထုတ်သုံးခဲ့ရသဖြင့် သူ့ဝိညာဉ်စွမ်းအင်များ ကုန်ခမ်းနေပြီ ဖြစ်သည်။ ယခုတွင် သူ ဘာမှမတတ်နိုင်တော့။</p> <p> </p> <p>အသူရာ အလောင်းကောင်က ဘာလို့ သစ္စာဖောက်ရတာလဲ…</p> <p> </p> <p>ချင်စန်း ကြောင်အမ်းသွားသည်။ သူ့ဝိညာဉ် ချိပ်ပိတ်မှုက အသူရာ အလောင်းကောင်ထဲတွင် မပျက်စီးဘဲ အပြည့်အဝ ကျန်နေသေးကြောင်း ရှင်းလင်းစွာ အာရုံခံမိနေ၏။</p> <p> </p> <p>သက်ရှိ အလောင်းကောင်အဖြစ် သန့်စင်စဉ်က ယုဟွာ၏ စိတ်စွမ်းအင်ကို လုံးဝ ဖျက်ဆီးပစ်ခဲ့ပြီးသား ဖြစ်သည်။</p> <p> </p> <p>ပုံမှန် အခြေအနေမျိုးတွင် အသူရာ အလောင်းကောင်က မည်သည့်အခါမျှ ပုန်ကန်နိုင်မည် မဟုတ်ပေ။ အကယ်၍ ဖြစ်နိုင်ခဲ့လျှင်လည်း ဖန်တီးစကတည်းက တန်ပြန် သက်ရောက်မှု ရှိခဲ့ပေလိမ့်မည်။</p> <p> </p> <p>ယခုအချိန်ထိ ပုန်ကန်မည့် အရိပ်အယောင် တစ်စွန်းတစ်စမျှ မပြခဲ့ချေ။</p> <p> </p> <p>ယခုတွင်မူ ရွှီထျန်းမိုးကြိုး၏ နောက်ဆက်တွဲ ရိုက်ခတ်မှုကို ရှောင်ရှားရန် နောက်ဆုတ်ခဲ့သဖြင့် သူနှင့် အသူရာ အလောင်းကောင်ကြား အကွာအဝေးမှာ သိပ်မရှိတော့ပေ။ ၎င်း ရုတ်တရက် လှည့်၍ တိုက်ခိုက်လာချိန်တွင် သူ့ရှေ့တည့်တည့်သို့ ရောက်နေလေပြီ။</p> <p> </p> <p>မထင်မှတ်ဘဲ တိုက်ခိုက်ခံလိုက်ရသဖြင့် ချင်စန်းလည်း ဝိညာဉ် ချိပ်ပိတ်နှိပ်မှုကို ဗီဇအတိုင်း အသက်သွင်းပြီး အသူရာ အလောင်းကောင်အား အတင်းအကျပ် ထိန်းချုပ်ကာ တားဆီးရန် ကြိုးစားလိုက်သည်။</p> <p> </p> <p>၎င်း ခန္ဓာကိုယ် တောင့်တင်းသွားပြီး ထူးဆန်းသော သားရဲအသံမျိုး ရှူးခနဲ အော်ဟစ်လိုက်၏။</p> <p> </p> <p>ပုံမှန်ဆို ခံစားချက်မဲ့ပြီး သက်မဲ့ဖြစ်နေသော စိမ်းပြာရောင် အစွယ်များနှင့် မျက်နှာမှာ ယခုအခါ သိသာထင်ရှားသော နာကျင်မှုနှင့် ရုန်းကန်မှုတို့ကြောင့် တွန့်လိမ်နေသည်။ ခဏတာ လူတစ်ယောက်နှင့်ပင် တူသွားသယောင်။</p> <p> </p> <p>၎င်းက သူ့ထိန်းချုပ်မှုကို ခုခံနေခြင်းပင်။</p> <p> </p> <p>တစ်ချိန်တည်းမှာပင် ချင်စန်းက ယခင် တစ်ခါမှ မခံစားဖူးသော စွမ်းအားတစ်ခု အသူရာ အလောင်းကောင်၏ ခန္ဓာကိုယ်ထဲမှ ထွက်ပေါ်လာပြီး ဝိညာဉ် ချိပ်ပိတ်နှိပ်မှုကို ကြမ်းတမ်းစွာ ရိုက်ခတ်လာသည်အား အာရုံခံလိုက်ရသည်။</p> <p> </p> <p>ဤစွမ်းအားမှာ အလွန် နက်ရှိုင်းစွာ မြှုပ်နှံထားသဖြင့် သူ တစ်ခါမှ သတိမထားမိခဲ့ပေ။</p> <p> </p> <p>၎င်းမှာ လုံးဝ စိမ်းသက်ပြီး ဆိုးညစ်သော အငွေ့အသက် ရှိနေကာ ကျောချမ်းစရာ ခံစားချက်ကို ပေးစွမ်းသည်။ သို့သော် အသူရာ အလောင်းကောင်၏ အလောင်းကောင်ချီနှင့် သိသိသာသာ ကွဲပြားနေသည်။</p> <p> </p> <p>ဒါ အသူရာ အလောင်းကောင်ရဲ့ ကိုယ်ပိုင်စွမ်းအား မဟုတ်ဘူ…</p> <p> </p> <p>ခေတ္တမျှ ရပ်တန့်သွားပြီးနောက် အသူရာ အလောင်းကောင်၏ ရက်စက်သော အမူအရာ ပြန်ပေါ်လာသည်။ ၎င်းက ရှေ့သို့ နောက်တစ်ကြိမ် တိုးဝင်လာပြန်၏။</p> <p> </p> <p>၎င်း ပုံရိပ်မှာ သရဲတစ္ဆေ တစ်ကောင်အလား။ အလောင်းကောင်ချီများ ပေါက်ကွဲထွက်လာသည်။</p> <p> </p> <p>ချင်စန်းလည်း သူ့ဝိညာဉ် ချိပ်ပိတ်နှိပ်မှု အပြည့်အဝ ဖိနှိပ်ခံလိုက်ရကြောင်း သဘောပေါက်လိုက်သည်။ အသူရာ အလောင်းကောင်မှာ သူ့ထိန်းချုပ်မှုအောက်တွင် မရှိတော့ပေ။</p> <p> </p> <p>သို့သော် သူ ထိတ်လန့်မသွားချေ။</p> <p> </p> <p>သူ ဝယ်ယူခဲ့သော အချိန်က လုံလောက်လေပြီ။ ရွှီထျန်းမိုးကြိုးကို အသုံးမပြုနိုင်တော့သော်လည်း သူ့တွင် အလောင်းကောင် အမြူတေ ရှိနေသေးသည် မဟုတ်ပါလား။</p> <p> </p> <p>နောက်သို့ ဆုတ်ခွာရင်း ချင်စန်း ချီပင်လယ်အတွင်းရှိ အလောင်းကောင် အမြူတေ ချိပ်တံဆိပ်ပွင့်သွားသည်။ ကြီးမားသော အစစ်အမှန်ချီများ သူ့ခန္ဓာကိုယ် အနှံ့ စီးဆင်းသွားပြီး ပတ်လမ်းကြောင်း တစ်ခုလုံး ပြီးပြည့်စုံသွား၏။ တောက်ပသော ဓားအလင်းတန်း တစ်ခု သူနှင့် အသူရာ အလောင်းကောင်ကြား ပေါက်ကွဲထွက်လာလေပြီ။</p> <p> </p> <p>ဓားချီမှာ သက်တန့်တစ်ခုအလား။ မိုးခြိမ်းသံများ ပတ်ပတ်လည်တွင် မြည်ဟိန်းနေ၏။</p> <p> </p> <p>သစ်နက်ဓားက ဝိညာဉ်လက်နက်၏ စွမ်းအားကို နောက်ဆုံးတွင် တဖန် ထုတ်ဖော်လိုက်ပြီ ဖြစ်သည်။</p> <p> </p> <p>အသူရာ အလောင်းကောင်က သူ့ကို ပြန်လှန် တိုက်ခိုက်လာခြင်း ဖြစ်ပြီး အကြောင်းရင်းကို မသိရပေ။ သူ လက်တွန့်မနေရဲတော့။ သစ်နက်ဓားက အသူရာ အလောင်းကောင်၏ နဖူးတည့်တည့်၊ အသက်သွေးကြော နေရာသို့ တန်းတန်းမတ်မတ် ပစ်ဝင်သွားသည်။</p> <p> </p> <p>အသူရာ အလောင်းကောင်ကို သူကိုယ်တိုင် ဖန်တီးခဲ့ခြင်း ဖြစ်သောကြောင့် ၎င်း အားနည်းချက်များကို ကောင်းစွာ သိထားသည်။ အကြီးမားဆုံး အားနည်းချက်မှာ မူလဝိညာဉ်ပင်။ အကယ်၍ သူသာ ကောင်းကင်အလောင်းကောင် တာအိုအဆောင်ကို ဖျက်ဆီးပြီး ၎င်း မူလဝိညာဉ်အား ချေမှုန်းလိုက်ပါက အသူရာ အလောင်းကောင်မှာ ချက်ချင်း သေဆုံးသွားပေလိမ့်မည်။</p> <p> </p> <p>မမျှော်လင့်ဘဲ သစ်နက်ဓားမှာ လျင်မြန်သည့်တိုင် အသူရာ အလောင်းကောင် တုံ့ပြန်မှုမှာလည်း ထပ်တူ မြန်ဆန်နေ၏။ စူးရှသော အော်သံနှင့်အတူ ၎င်း၏ သရဲလက်မောင်းများကို မြှောက်၍ ကာကွယ်လိုက်သည်။</p> <p> </p> <p>လက်နှစ်ဖက်လုံး သစ်နက်ဓားကြောင့် စုတ်ပြတ်သွားသော်လည်း အသက်သွေးကြော နေရာကို ကာကွယ်နိုင်လိုက်ပြီး ချက်ချင်း သေဆုံးခြင်းမှ ရှောင်လွှဲနိုင်ခဲ့သည်။</p> <p> </p> <p>ချက်ချင်းဆိုသလိုပင် အသူရာ အလောင်းကောင်က နောက်သို့ ခုန်ဆုတ်လိုက်သည်။ စူးရှသော အသံတစ်ခု ၎င်း ကိုယ်ထဲမှ ထွက်ပေါ်လာ၏။</p> <p> </p> <p>"အလောင်းကောင် အမြူတေလား"</p> <p> </p> <p>ထိုအော်သံကို ကြားလိုက်ရသဖြင့် ချင်စန်း မျက်နှာထား တင်းမာသွားသည်။</p> <p> </p> <p>အသူရာ အလောင်းကောင်က အကြောင်းမဲ့ သစ္စာဖောက်ခြင်း မဖြစ်နိုင်ကြောင်း သူ သံသယ ဝင်နေပြီးသား ဖြစ်သည်။ တစ်ခုတည်းသော ရှင်းပြချက်မှာ လေလွင့်ဝိညာဉ် တစ်ကောင်က သူ့အာရုံခံနိုင်စွမ်းမှ ဖုံးကွယ်ပြီး အသူရာ အလောင်းကောင်၏ ခန္ဓာကိုယ်ကို သိမ်းပိုက်လိုက်ခြင်းသာ ဖြစ်ပေလိမ့်မည်။</p> <p> </p> <p>သေချာ စဉ်းစားကြည့်လိုက်လျှင် ဖြစ်နိုင်ခြေရှိသော အချိန်တစ်ခုသာ ရှိသည်။ နေဝင်ဂူ။</p> <p> </p> <p>ယုဟွာကို ဖမ်းဆီးပြီးနောက် အသူရာ အလောင်းကောင်အဖြစ် သန့်စင်သည့် အချိန်အထိ ချင်စန်းက ၎င်းအား အနားတွင် ထားရှိခဲ့သည်။ သူ့စောင့်ကြည့်မှုအောက်တွင် မည်သူမျှ ခိုးဝင်ပြီး သိမ်းပိုက်နိုင်မည် မဟုတ်ပေ။</p> <p> </p> <p>တာအိုရောင်းရင်း ကျိုးဖောင်ကို သတ်ဖြတ်ပြီးနောက် အသူရာ အလောင်းကောင် ဒဏ်ရာအပြင်းအထန် ရ၍ နေဝင်ဂူထဲတွင် ကုသနေချိန်မှသာ အခွင့်အရေး ရှိခဲ့ခြင်း ဖြစ်သည်။ ထိုအချိန်က ချင်စန်း ထိုနေရာတွင် မရှိခဲ့ပေ။</p> <p> </p> <p>ဤအော်သံက သူ့သံသယကို အတည်ပြုပေးလိုက်သည်။</p> <p> </p> <p>ထူးဆန်းသည်မှာ အသံက ရင်းနှီးနေခြင်းပင်။ ချင်စန်းလည်း ဘယ်နေရာတွင် ကြားဖူးသလဲ စဉ်းစားနေမိသည်။</p> <p> </p> <p>သို့သော် ထပ်မံ တွေးတောရန် အချိန်မရှိတော့။</p> <p> </p> <p>အသူရာ အလောင်းကောင်က ချုံခိုတိုက်ခိုက်မှု မအောင်မြင်သဖြင့် လှည့်၍ ခရမ်းရောင် တိမ်တိုက်သီး ရှိရာဆီ ပြေးဝင်သွားသည်။ ရင်ဘတ်ပေါ်တွင် အစိမ်းရောင် အလင်းတန်း လက်ခနဲ ဖြစ်ပေါ်လာပြီး အံ့မခန်း အမြန်နှုန်းဖြင့် ပေါက်ကွဲထွက်သွား၏။ ဓားချီမိုးကြိုး ထုတ်လွှတ်လိုက်သော သစ်နက်ဓားထက်ပင် ပိုမြန်ဆန်နေသေးသည်။</p> <p> </p> <p>လေနှင်ရာ ခရီးသည်မှာ အားကုန်ခမ်းနေသဖြင့် တားဆီးနိုင်စွမ်း မရှိတော့ပေ။</p> <p> </p> <p>ချင်စန်းလည်း အလစ်အငိုက် မိသွားသဖြင့် ကြားဖြတ် တားဆီးရန် အချိန်နှောင်းသွားခဲ့လေပြီ။</p> <p> </p> <p>မျက်တောင်တစ်ခတ် အတွင်းမှာပင် အသူရာ အလောင်းကောင်က ရေကန်ကို ဖြတ်ကျော်ပျံသန်းပြီး ခရမ်းရောင် တိမ်တိုက်သီး အပင်ရှေ့သို့ ဆင်းသက်လိုက်သည်။ လက်ဖဝါး တစ်ဖက်ကို အပင်ဆီ မြှောက်လိုက်ရာ အလောင်းကောင်ချီများက ပင်စည်နှင့် မှည့်ဝင်းနေသော ခရမ်းရောင် တိမ်တိုက်သီး တစ်ဝိုက် ရစ်ပတ်သွား၏။</p> <p> </p> <p>ထို့နောက် ၎င်းက လှည့်လိုက်သည်။ နက်မှောင်သော မျက်လုံးများထဲတွင် အေးစက်သော အလင်းရောင်များ လက်ခနဲ ဖြစ်ပေါ်နေပြီး ချင်စန်းကို စူးစိုက်ကြည့်ကာ…</p> <p> </p> <p>"မင်း လှုပ်ရင် ငါ ဒါကို ချက်ချင်း ဖျက်ဆီးပစ်မယ်"</p> <p> </p> <p>ချင်စန်းက ရေမျက်နှာပြင်ပေါ်တွင် ရပ်ရင်း မျက်နှာ ဖြူဖျော့သွားသည်။ နောက်ဆုံးတွင် ထိုအသံကို ဘယ်နေရာက ကြားဖူးပြီး ဘယ်သူပိုင်ဆိုင်ကြောင်း သူ မှတ်မိသွားလေပြီ။</p> <p> </p> <p>"ယွီထျန်းရီ… ခင်ဗျား မသေသေးဘူးပဲ"</p> <p> </p> <p>ယွီထျန်းရီ… ကွေ့ယင်ဂိုဏ်း၏ ဂိုဏ်းချုပ်။</p> <p> </p> <p>ချင်စန်း၏ မူလဝိညာဉ်ထဲတွင် နှလုံးစားပိုးကောင် ထည့်သွင်းပြီး ယွမ်ကျောက်ဂိုဏ်းထဲသို့ အတင်းအကျပ် စိမ့်ဝင်ခိုင်းကာ ဘေးဒုက္ခပေါင်းစုံ ဖြစ်ပွားစေခဲ့သူမှာ ထိုလူသာ မဟုတ်ပါလား။</p> <p> </p> <p>သူက ချင်စန်း ပထမဆုံး တွေ့ကြုံခဲ့ရသော ရက်စက်ပြီး အနိုင်ကျင့် ဗိုလ်ကျတတ်သည့် မိစ္ဆာတစ်ကောင် ဖြစ်သည်။ ထိုစဉ်က ပြန်လည် ခုခံနိုင်စွမ်း မရှိသဖြင့် ကြိုးဆွဲရာ ကရပြီး အသုံးချခံရုံမှလွဲ၍ ရွေးချယ်စရာ မရှိခဲ့ပေ။</p> <p> </p> <p>ထိုအချိန်က ယွီထျန်းရီ၏ သက်တမ်းမှာ ကုန်ဆုံးလုနီးပါး ဖြစ်နေလေပြီ။ နောက်ဆုံး လောင်းကြေးအဖြစ် ယွမ်ကျောက်ဂိုဏ်း၏ ရတနာဖြစ်သော ကိုးသွယ်ပုံရိပ်ယောင် ကောင်းကင်သစ်ခွကို ခိုးယူခဲ့သော်လည်း ဂိုဏ်းချုပ် တန်ပြန်တိုက်ခိုက်မှုနှင့် မိမိကိုယ်ကို ဖောက်ခွဲလိုက်သော ကြီးမားသည့် အစီအရင်ကြောင့် သေဆုံးသွားခဲ့သည်။ သူ့အလောင်းအစအနပင် မကျန်ခဲ့ဟု ဆိုကြသည်။</p> <p> </p> <p>ချင်စန်းက ထိုသူ သေပြီဟု ယုံကြည်ခဲ့သည်မှာ ကြာခဲ့လေပြီ။ ငရဲအောက်ဆုံးထိ ရောက်နေပြီဟု ထင်ခဲ့သည်။ သို့သော် ယခုမူ ထိုသူက အသက်ရှင်နေရုံမက အသူရာ အလောင်းကောင်၏ ခန္ဓာကိုယ်ကို သိမ်းပိုက်ပြီး ချုံခိုတိုက်ခိုက်လာသည် မဟုတ်ပါလား။</p> <p> </p> <p>အသူရာ အလောင်းကောင်၏ မျက်နှာမှာ ပုံပျက်ပန်းပျက် တွန့်လိမ်နေပြီး ယွီထျန်းရီ မျက်နှာအသွင် ပြောင်းလဲသွားသည်။</p> <p> </p> <p>ထိုမျက်နှာ ပြာဖြစ်သွားလျှင်ပင် ချင်စန်း မှတ်မိနေဦးမည်။</p> <p> </p> <p>"ကိုယ့်ကိုယ်ကိုယ် အလောင်းကောင် အဖြစ် ပြောင်းလဲပြီး အလောင်းကောင် အမြူတေကို ပြင်ပအမြူတေ အဖြစ် အသုံးပြုတယ်ပေါ့… တော်တော် ရက်စက်တာပဲ"</p> <p> </p> <p>ယွီထျန်းရီက ယုတ်မာသော ရယ်သံဖြင့် ရယ်မောပြီးနောက် ချီးကျူးဟန်ဆောင်၍ သက်ပြင်းချလိုက်သည်။</p> <p> </p> <p>"ငါတို့ ကွေ့ယင်ဂိုဏ်းက မင်းလိုလူမျိုး မွေးထုတ်ပေးနိုင်ခဲ့တာပဲ… ငါ မင်းကို တကယ် အထင်သေးမိတာ… အသုံးမကျဘူးလို့ ငါပြောခဲ့တဲ့ ခွေးကောင်လေးက တကယ့် ရက်စက်တဲ့ကောင် ဖြစ်နေတာကိုး… သမာသမတ် လမ်းစဉ်မှာ ပုန်းအောင်းနေပြီး မိစ္ဆာပညာရပ်တွေ ကျင့်ကြံတယ်… ကွေ့ယင်ဂိုဏ်း တစ်ခုလုံးကို တိုက်ကွက် တစ်ကွက်တည်းနဲ့ မျိုးဖြုတ်ပစ်တယ်… ကိုယ့်ကိုယ်ကိုယ်တောင် အလောင်းကောင် သန့်စင်ခြင်း ပြုလုပ်ပြီး ငါ့အစီအစဉ်တွေကို ဖျက်ဆီးသေးတယ်… ကျင့်ကြံခြင်း လောကတစ်ခုလုံးမှာ မင်းလိုလူ ဒုတိယ တစ်ယောက် ရှိမှာ မဟုတ်ဘူး… မင်း ဒီလောက်ထိ ရောက်လာတာ အံ့ဩစရာ မဟုတ်တော့ဘူး"</p> <p> </p> <p>ယွီထျန်းရီ၏ လေသံထဲတွင် စစ်မှန်သော လေးစားမှု အရိပ်အယောင် အနည်းငယ်ပင် ပါဝင်နေသည်။</p> <p> </p> <p>ချင်စန်း ဂုဏ်ယူမနေပေ။ သူ့ရင်ထဲ ဒေါသများ တောက်လောင်နေပြီး မီးတောင်တစ်ခု ပေါက်ကွဲတော့မည့်အလား။</p> <p> </p> <p>"ခင်ဗျားရဲ့ မူလဝိညာဉ်က ဒီတစ်ချိန်လုံး ယုဟွာရဲ့ ကိုယ်ထဲမှာ ပုန်းနေခဲ့တာလား"</p> <p> </p> <p>အသူရာ အလောင်းကောင်၏ ခန္ဓာကိုယ်ကို သိမ်းပိုက်ထားသူမှာ ယွီထျန်းရီ ဖြစ်ကြောင်း သိလိုက်ရသဖြင့် ချင်စန်းစိတ် တစ်ခုလုံး ရုတ်တရက် ရှင်းလင်းသွားသည်။ အတိတ်က သံသယများနှင့် ပုံမှန် မဟုတ်မှုများ အားလုံး အဓိပ္ပာယ် ရှိလာလေပြီ။</p> <p> </p> <p>ယုဟွာနှင့် တွေ့ဆုံခဲ့မှုကို ပြန်ပြောင်း သတိရလိုက်သည်။</p> <p> </p> <p>အဆုံးမဲ့ တောင်ကြားတွင် ရှိစဉ်က ယုဟွာ၏ နှလုံးစားပိုးကောင်မှ တဆင့် သူ့တည်နေရာကို အာရုံခံမိပြီး လိုက်လံ ဖမ်းဆီးခဲ့ခြင်း ဖြစ်သည်။</p> <p> </p> <p>သို့သော် ထိုအချိန်က ချင်စန်း အနေဖြင့် ပိုးကောင်၏ တုန်ခါမှုများကို ရှုယွမ်တံဆိပ် အသုံးပြု၍ ဖိနှိပ်ထားပြီးသား ဖြစ်သည်။ အချက်ပြမှုကို အလွန်သေးငယ်သော အချင်းဝက် အတွင်းသာ ကန့်သတ်ထားနိုင်ခဲ့သည်။</p> <p> </p> <p>ထိုအချင်းဝက် အတွင်းရှိသူသာ အာရုံခံနိုင်မည် ဖြစ်သည်။</p> <p> </p> <p>နှလုံးစားပိုးကောင်၏ မူလပိုင်ရှင် ယွီထျန်းရီမှာမူ ခြွင်းချက်ပင်။</p> <p> </p> <p>ထိုစဉ်က သူ့ကို အာရုံခံမိသူမှာ ယုဟွာ လုံးဝ မဟုတ်ဘဲ ယွီထျန်းရီ ဖြစ်နေနိုင်သည်။</p> <p> </p> <p>ထို့အပြင် ယုဟွာ၏ ကွေ့ယင်ဂိုဏ်း ကျန်ရစ်သူများအကြောင်း သိရှိမှုမှာ သာမန် အုပ်မြစ်တည်ဆောက်ခြင်း အဆင့် တပည့်တစ်ယောက် သိသင့်သည်ထက် များစွာ ပိုလွန်နေ၏။</p> <p> </p> <p>သူတို့ တည်နေရာကို သိရုံမက တာအိုရောင်းရင်း ကျိုးဖောင်၏ နောက်ခံနှင့် ပုန်းအောင်းရာ နေရာ အပါအဝင် အသေးစိတ် အချက်အလက်များကိုပါ နားလည်ထားသည် မဟုတ်ပါလား။</p> <p> </p> <p> </p> <p style="text-align: center;">***</p>


Save