Book List

<h2 style="text-align: center;"> အခန်း ၇၅၄</h2> <h2 style="text-align: center;">ဘာလို့ အစ်ကို ဖြစ်နေရတာလဲ</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p style="text-align:justify">ကျူးယိုးဖေးဖေး၏ မျက်လုံးများက ဟိုဟိုဒီဒီ ဝေ့ဝဲကြည့်လိုက်သည်။ ပထမဆုံး လင်ဇီးမှိုကို တစ်ချက် ကြည့်ပြီးနောက် ယဲ့ပုဖန်နှင့် လုံရှောင်ယွဲတို့အား အကဲခတ်သည့် အကြည့်ဖြင့် ကြည့်ကာ "အဲဒါ တကယ်ပဲလား" ဟု မေးလိုက်၏။</p> <p style="text-align:justify">လုံရှောင်ယွဲ၏ မိတ်ဆက်ပေးမှုကြောင့် ယဲ့ပုဖန်သည် လူနာများကို ကုသပေးပြီး သူတစ်ပါးကို ကူညီတတ်သည့် ကျူးယိုးမိသားစုအပေါ် အထင်ကြီးလေးစားစိတ် ရှိနေခဲ့သည်။</p> <p style="text-align:justify">ထို့ကြောင့် သူက စိတ်ရှည်လက်ရှည်ပင် ရှင်းပြလိုက်သည်။ "သခင်မလေး ကျူးယိုး... ဆေးပင် ရှာဖွေသူတွေရဲ့ ထုံးစံအရ အရင်ရောက်တဲ့သူက ပိုင်ရှင်ပါပဲ။ ကျွန်တော်တို့က ဒီနေရာကို အရင်ရောက်တာဖြစ်လို့ ဒီလင်ဇီးမှိုက သဘာဝကျကျပဲ ကျွန်တော်တို့နဲ့ ဆိုင်ပါတယ်"</p> <p style="text-align:justify">လုံရှောင်ယွဲကလည်း "ဟုတ်တယ် သခင်မလေး ကျူးယိုး... ကျွန်မတို့က ဒီဆေးပင်ကို အရင်တွေ့တာပါ။ သခင်မလေးရဲ့ လူတွေကမှ အတင်း လုယူဖို့ ကြိုးစားနေတာ" ဟု ဝင်ပြောလိုက်သည်။</p> <p style="text-align:justify">ကျူးယိုးဖေးဖေးက လူလတ်ပိုင်း အမျိုးသားဘက်သို့ လှည့်ကြည့်ကာ "တကယ်ပဲလား" ဟု ထပ်မေးလိုက်ပြန်၏။</p> <p style="text-align:justify">ထိုလူသည် ခဏမျှ တုံ့ဆိုင်းသွားသော်လည်း နောက်ဆုံးတွင် အံတင်းတင်း ကြိတ်ကာ "သခင်မလေး... ကျွန်တော်တို့က အရင်ရောက်တာပါ။ သူတို့ကမှ ကျွန်တော်တို့ ဆေးပင်ကို လုဖို့ ကြိုးစားနေတာပါ" ဟု လိမ်ညာပြောဆိုလိုက်တော့သည်။</p> <p style="text-align:justify">မျက်နှာပြောင်တိုက်၍ လိမ်နေသော ထိုလူကို ကြည့်ကာ လုံရှောင်ယွဲက ဒေါသတကြီးဖြင့် "မဟုတ်တာတွေ ကျွန်မနဲ့ ကိုကိုက အရင်ရောက်တာပါနော်" ဟု ပြန်လည် ချေပလိုက်သည်။</p> <p style="text-align:justify">စကားကို စပြောမိသွားပြီဖြစ်သဖြင့် ထိုလူသည်လည်း အရှက်မရှိ ဆက်လက်၍ "ငါတို့က အရင်တွေ့တာ။ မင်းတို့ကမှ ငါတို့ ဆေးပင်ကို လုချင်နေတာ" ဟု ဆိုနေတော့သည်။</p> <p style="text-align:justify">"ရှင်... ရှင်ကတော့လေ..."</p> <p style="text-align:justify">လုံရှောင်ယွဲ၏ လှပသော မျက်နှာလေးမှာ ဒေါသကြောင့် နီမြန်းလာပြီး ထိုလူ့ပါးကို နောက်ထပ် အချက်အနည်းငယ်ခန့် ရိုက်ပစ်ချင်စိတ် ပေါက်သွားရသည်။</p> <p style="text-align:justify">"ကဲ... တော်ကြတော့"</p> <p style="text-align:justify">ကျူးယိုးဖေးဖေးက "ဒီလိုလုပ်ရအောင်... အငြင်းမပွားကြနဲ့တော့။ ဒီလင်ဇီးမှိုကို ငါတို့ ကျူးယိုးမိသားစုဆီ ရောင်းလိုက်ပါ။ ငါ ပေါက်ဈေးအတိုင်း ပေးပါ့မယ်" ဟု ဆိုသည်။</p> <p style="text-align:justify">ပြောပြီးနောက် သူမက ချက်စာအုပ်ကို ထုတ်လိုက်ကာ "ဒီလင်ဇီးမှိုက သက်တမ်း ရှစ်ရာလောက် ရှိမယ်။ ပေါက်ဈေးအရဆိုရင် ယွမ် ရှစ်သန်း ပေးမယ်။ ဘယ်လိုလဲ"</p> <p style="text-align:justify">ယဲ့ပုဖန်က ခေါင်းခါပြလိုက်သည်။ သူ၏ သိုလှောင်လက်စွပ်အတွင်း၌ ဆေးပင်များစွာ ရှိသော်လည်း ဤကဲ့သို့သော သက်တမ်းရင့် လင်ဇီးမှိုမျိုး မရှိသေးသဖြင့် သူ လက်မလွှတ်နိုင်ပေ။</p> <p style="text-align:justify">သူက "သခင်မလေး ကျူးယိုး... ဒီလင်ဇီးမှိုက မူလကတည်းက ကျွန်တော်တို့ဟာပါ။ ကျွန်တော် ရောင်းဖို့ အစီအစဉ် မရှိပါဘူး" ဟု ပြတ်ပြတ်သားသား ငြင်းဆိုလိုက်သည်။</p> <p style="text-align:justify">ကျူးယိုးဖေးဖေးက "ဈေးနည်းနေလို့လား။ ဒါဆို ယွမ် ၁၀ သန်း ပေးမယ်။ ဘယ်လိုလဲ"</p> <p style="text-align:justify">ယဲ့ပုဖန်က "စိတ်မရှိပါနဲ့ သခင်မလေး... ဒါက ပိုက်ဆံနဲ့ မဆိုင်ပါဘူး။ ကျွန်တော်ကိုယ်တိုင်လည်း ဒီဆေးပင်ကို တကယ် လိုအပ်နေလို့ပါ"</p> <p style="text-align:justify">ညှိနှိုင်း၍ မရနိုင်ကြောင်း သိလိုက်ရသောအခါ ကျူးယိုးဖေးဖေး၏ မျက်နှာမှာလည်း အေးစက်သွားတော့သည်။</p> <p style="text-align:justify">"ရှင်က နည်းနည်းတော့ အလျှော့အတင်း မရှိလွန်းဘူးနော်"</p> <p style="text-align:justify">သူမ၏ စိတ်ထဲတွင် သူမ၏ လူယုံက သူမအား လိမ်ညာရဲမည်မဟုတ်ဟု ထင်မှတ်ကာ မိမိလူဘက်မှသာ ယုံကြည်နေခြင်း ဖြစ်သည်။ သူမဘက်က ယွမ် ၁၀ သန်းအထိ ပေးရန် သဘောတူထားပါလျက် တစ်ဖက်လူက လက်မခံဘဲ သူတို့မိသားစု၏ ဆေးပင်ကို အတင်းလုယူချင်နေသည်ဟု သူမ ထင်မြင်သွားခြင်းပင်။</p> <p style="text-align:justify">လူလတ်ပိုင်း အမျိုးသားကလည်း ချက်ချင်းပင် "သခင်မလေး မြင်တယ်မလား။ သူတို့က တကယ်ကို ယုတ္တိမရှိတာ" ဟု အော်ဟစ်ကာ မီးလောင်ရာ လေပင့်လိုက်သည်။</p> <p style="text-align:justify">ယဲ့ပုဖန်က တည်ငြိမ်စွာဖြင့် "ဘယ်သူက ယုတ္တိမရှိတာလဲဆိုတာ ခင်ဗျားကိုယ်တိုင် အသိဆုံးပါ။ ကျွန်တော်တို့က ဒီဆေးပင်ကို အရင်တွေ့ခဲ့တာပါ"</p> <p style="text-align:justify">ကျူးယိုးဖေးဖေးက "ရှင်က ကျွန်မရဲ့ အကြံပြုချက်ကို လက်မခံဘူးဆိုတော့လည်း တိုက်ခိုက်ကြတာပေါ့။ နိုင်တဲ့သူက ဒီလင်ဇီးမှိုကို ယူသွား" ဟု စိန်ခေါ်လိုက်သည်။</p> <p style="text-align:justify">လုံရှောင်ယွဲက "သခင်မလေး ကျူးယိုး... ဒါက မတရားဘူးလေ။ ကျွန်မတို့က အရင်တွေ့တာပါဆို" ဟု အော်ဟစ်လိုက်သော်လည်း ကျူးယိုးဖေးဖေးက ဂရုမစိုက်ပေ။</p> <p style="text-align:justify">"ကျွန်မရဲ့ လူက သူတို့ အရင်တွေ့တာလို့ ပြောနေတယ်လေ။ ကျွန်မတို့ ကျူးယိုးမိသားစုက လူတွေကို အမြဲတမ်း တရားသဖြင့်ပဲ ဆက်ဆံပါတယ်။ အခု ရှင်တို့ရှေ့မှာ ရွေးချယ်စရာ နှစ်ခု ရှိတယ်။ တစ်ခုက ယွမ် ၁၀ သန်းနဲ့ ရောင်းမလား ဒါမှမဟုတ် ကျွန်မနဲ့ တိုက်မလား။ နိုင်တဲ့သူက လင်ဇီးမှိုကို ယူသွားစတမ်းပဲ"</p> <p style="text-align:justify">လုံရှောင်ယွဲက မခံချင်စိတ်ဖြင့် "ဒါဆိုရင်လည်း ကျွန်မ ရှင်နဲ့ တိုက်မယ်" ဟု ရှေ့သို့ ထွက်လိုက်သည်။</p> <p style="text-align:justify">ကျူးယိုးဖေးဖေးက ယုံကြည်မှုအပြည့်ဖြင့် "ကောင်းပြီ... ရှင်တို့ထဲက ဘယ်သူမဆို ကျွန်မကို နိုင်ရင် ဒီဆေးပင်ကို ယူသွားလို့ ရတယ်"</p> <p style="text-align:justify">"ဒါဆိုရင်တော့ အားမနာတော့ဘူးနော် သခင်မလေး"</p> <p style="text-align:justify">လုံရှောင်ယွဲက ပြောပြောဆိုဆိုနှင့် ခြေလှမ်းကျဲကျဲ လှမ်းကာ ကျူးယိုးဖေးဖေး၏ ရင်ဘတ်ဆီသို့ လက်ဝါးဖြင့် ရိုက်နှက်လိုက်သည်။ သို့သော် လက်ဝါးချက် ကျရောက်ခါနီးမှာပင် သူမ၏ အမြင်အာရုံမှာ ဝေဝါးသွားပြီး ပြိုင်ဘက်မှာ ပျောက်ကွယ်သွားတော့သည်။ ထို့နောက် ချက်ချင်းပင် နောက်ကျောဆီမှ ပြင်းထန်သော အားတစ်ခု ကျရောက်လာကာ သူမ လွင့်ထွက်သွားရသည်။</p> <p style="text-align:justify">ကံကောင်းသည်မှာ ကျူးယိုးဖေးဖေးသည် လုံရှောင်ယွဲ့၏ အသက်ကို ရန်ရှာရန် ရည်ရွယ်ချက် မရှိပေ။ သူမသည် အနည်းငယ်မျှသော ချီစွမ်းအင်ကို အသုံးပြုထားသဖြင့် လုံရှောင်ယွဲမှာ ခုနစ်မီတာ၊ ရှစ်မီတာခန့် လွင့်ထွက်သွားရုံမှလွဲ၍ ထိခိုက်ဒဏ်ရာ အပြင်းအထန် မရရှိခဲ့ချေ။</p> <p style="text-align:justify">"ညီမလေး... နင်က ငါ့ရဲ့ ပြိုင်ဘက် မဟုတ်သေးဘူး"</p> <p style="text-align:justify">"ရှင်..."</p> <p style="text-align:justify">လုံရှောင်ယွဲ၏ ပါးပြင်လေးများမှာ ဒေါသကြောင့် နီမြန်းနေသော်လည်း နောက်ဆုံးတွင် သူမ အောင့်အီးသည်းခံလိုက်ရသည်။</p> <p style="text-align:justify">ကျူးယိုးဖေးဖေးက ယဲ့ပုဖန်ဘက်သို့ လှည့်ကာ "ရှင့်အလှည့်ပဲ"</p> <p style="text-align:justify">လူလတ်ပိုင်း အမျိုးသားကလည်း "ဟေ့ကောင်... ငါတို့ သခင်မလေး ဘယ်လောက် စွမ်းလဲဆိုတာ မြင်ပြီမလား။ အခုပဲ လင်ဇီးမှိုကို အသာတကြည် အပ်လိုက်စမ်း" ဟု အော်ဟစ်လိုက်သည်။</p> <p style="text-align:justify">ယဲ့ပုဖန် အနည်းငယ် မျက်မှောင်ကြုတ်လိုက်မိသည်။ ဤအမျိုးသမီးမှာ မြေကမ္ဘာအဆင့်၏ အထွတ်အထိပ်အဆင့်သို့ ရောက်ရှိနေပြီ ဖြစ်ရာ သူနှင့် လုံရှောင်ယွဲတို့ထက် တစ်ဆင့် မြင့်နေသည်။</p> <p style="text-align:justify">ကျင့်ကြံသူတစ်ဦးအနေဖြင့် သူသည် အဆင့်တူများကြားတွင် ပြိုင်ဘက်ကင်းနိုင်သော်လည်း မိမိထက် တစ်ဆင့်မြင့်သော ပြိုင်ဘက်ကို ရင်ဆိုင်ရန်မှာမူ စိန်ခေါ်မှု တစ်ခုပင်။ သို့သော်လည်း မြေကမ္ဘာအဆင့် အလယ်အလတ်အဆင့်သို့ တက်လှမ်းပြီးနောက်ပိုင်း သူ အပြင်းအထန် မတိုက်ခိုက်ရသေးသဖြင့် ဤသည်မှာ သူနှင့် ပြိုင်ဘက်ကြားရှိ ကွာဟချက်ကို စမ်းသပ်ရန် အခွင့်ကောင်းတစ်ခုပင် ဖြစ်သည်။</p> <p style="text-align:justify">ယင်းသို့ တွေးတောကာ သူသည် လက်တွန့်မနေတော့ဘဲ နဂါးနတ်ဘုရား ကောင်းကင်နင်းခြေလှမ်းကို အသုံးပြု၍ ကျူးယိုးဖေးဖေးနှင့် တိုက်ခိုက်တော့သည်။</p> <p style="text-align:justify">သူ၏ ကျင့်ကြံမှုမှာ မြေကမ္ဘာအဆင့် အလယ်အလတ်အဆင့်သာ ရှိသော်လည်း သူ၏ အစွမ်းမှာ လုံရှောင်ယွဲထက် များစွာ သာလွန်လှသည်။ အဆင့်မြင့် ကိုယ်ယောင်ဖျောက်ခြေလှမ်းများနှင့် ပေါင်းစပ်လိုက်သောအခါ အားနည်းချက် ရှိနေသည့်တိုင် သူမကို တောင့်ခံ၍ တိုက်ခိုက်နိုင်နေသေးသည်။</p> <p style="text-align:justify">ကျူးယိုးဖေးဖေးမှာ အံ့အားသင့်သွားရသည်။ သူမသည် ကျူးယိုးမိသားစု၏ ကျော်ကြားလှသော သိုင်းပါရမီရှင်တစ်ဦး မဟုတ်ပါလား။ </p> <p style="text-align:justify">သူမ၏ အစ်ကိုဖြစ်သူ ကျူးယိုးကျန့် ပျောက်ဆုံးသွားပြီးကတည်းက သူမ၏ အဖိုးမှာ သူမကိုသာ အာရုံစိုက် ပြုစုပျိုးထောင်ခဲ့ပြီး မိသားစု၏ အရင်းအမြစ်အားလုံးကို သူမအတွက် ပုံအောပေးခဲ့သဖြင့် ယခုကဲ့သို့ အောင်မြင်မှုများ ရရှိခဲ့ခြင်း ဖြစ်သည်။</p> <p style="text-align:justify">သူမသည် လူအများအပေါ် ကြင်နာတတ်သော်လည်း စိတ်ထဲတွင်မူ မိမိကိုယ်မိမိ အလွန် ဂုဏ်ယူ ဝင့်ကြွားတတ်ပြီး မိမိ၏ မျိုးဆက်ထဲတွင် အတော်ဆုံးဟု ယုံကြည်ထားသူ ဖြစ်သည်။ သို့သော် ယခု ရှေ့မှ လူငယ်နှစ်ဦးက သူမ၏ အမြင်ကို ပြောင်းလဲပစ်လိုက်သည်။ </p> <p style="text-align:justify">လုံရှောင်ယွဲမှာ သူမ၏ ပြိုင်ဘက် မဟုတ်ခဲ့သော်လည်း ဤမျှ ငယ်ရွယ်သော အသက်အရွယ်နှင့် မြေကမ္ဘာအဆင့် အလယ်အလတ်သို့ ရောက်ရှိနေခြင်းမှာ ချီးကျူးစရာပင်။</p> <p style="text-align:justify">ယခု ဤလူငယ်က ပို၍ပင် ထူးခြားလှသည်။ မြေကမ္ဘာအဆင့် အလယ်အလတ်အဆင့်ဖြင့် သူမ၏ သိုင်းကွက်ပေါင်း တစ်ဒါဇင်ကျော်ကို တောင့်ခံထားနိုင်ခြင်းမှာ အံ့ဩစရာပင်။ ရှန်းရှီးဒေသမှာ ဘယ်တုန်းက ဤမျှ ငယ်ရွယ်သော သိုင်းပညာရှင်တွေ ပေါ်လာရတာလဲ။</p> <p style="text-align:justify">သူမ၏ စိတ်ထဲတွင် လှုပ်ရှားသွားသော်လည်း လက်များမှာမူ ရပ်တန့်မနေချေ။ သူမသည် ပြင်းထန်သော သိုင်းကွက်များကို ဆက်တိုက် ထုတ်ဖော်လိုက်ရာ နောက်ဆုံးတွင် ယဲ့ပုဖန်၏ ပခုံးကို လက်ဝါးဖြင့် ရိုက်နှက်နိုင်ခဲ့သည်။</p> <p style="text-align:justify">ယဲ့ပုဖန်သည် စိတ်ထဲမှ ခေါင်းခါလိုက်မိသည်။ အင်အားကွာဟချက်က ရှိနေဆဲပင်။ မိမိထက် တစ်ဆင့်မြင့်သော ပြိုင်ဘက်ထံမှ အသက်လု ထွက်ပြေးရန်မှာ လွယ်ကူသော်လည်း ပြိုင်ဘက်ကို အနိုင်ယူရန်မှာမူ မလုံလောက်သေးချေ။</p> <p style="text-align:justify">ကျူးယိုးဖေးဖေးက "ရှင် ရှုံးသွားပြီ" ဟု ဆိုလိုက်သည်။</p> <p style="text-align:justify">"နိဂုံးချုပ်ဖို့က စောလွန်းပါသေးတယ်"</p> <p style="text-align:justify">ယဲ့ပုဖန်သည် ဤရှားပါးလှသော လင်ဇီးမှိုကို အလွယ်တကူ အရှုံးမပေးနိုင်ပေ။ သူက စိတ်အာရုံဖြင့် ယဲ့ထျန်းကို ဆင့်ခေါ်လိုက်တော့သည်။</p> <p style="text-align:justify">"သခင်မလေး ကျူးယိုး... ဒါက ကျွန်တော့်ရဲ့ အလောင်းရုပ်သေးပဲ။ သူကလည်း ကျွန်တော့်အစွမ်းရဲ့ အစိတ်အပိုင်းတစ်ခုပဲလေ။ တကယ်လို့ သူ့ကို နိုင်ရင်တော့ ကျွန်တော် အရှုံးပေးပါ့မယ်"</p> <p style="text-align:justify">"ရှင်က အလောင်းသန့်စင်တဲ့အတတ်ကို ကျင့်ကြံတဲ့သူ ဖြစ်လိမ့်မယ်လို့ မထင်ထားမိဘူး။ ရှိသမျှ အစွမ်းတွေကိုသာ ထုတ်သုံးလိုက်ပါ"</p> <p style="text-align:justify">ကျူးယိုးဖေးဖေးက ယဲ့ပုဖန်ကို အံ့သြသော မျက်လုံးများဖြင့် အကဲခတ်လိုက်သည်။ သို့သော် လောက၏ ထုံးစံအရ အလောင်းရုပ်သေး ပိုင်ဆိုင်ထားပါက ၎င်းမှာ ပိုင်ရှင်၏ အစွမ်းဟုပင် သတ်မှတ်သဖြင့် စည်းကမ်းနှင့် မညီညွတ်ခြင်း မရှိချေ။</p> <p style="text-align:justify">ထိုအခိုက်အတန့်တွင် ယဲ့ထျန်းက သူမ၏ မျက်နှာဆီသို့ လက်သီးဖြင့် ထိုးနှက်လိုက်သည်။ လက်သီးချက်မှာ လေထုကို ခွဲကာ တဝီဝီ မြည်ဟီးသွားပြီး ၎င်း၏ စွမ်းအင်မှာ အလွန်ပင် ကြီးမားလှသည်။</p> <p style="text-align:justify">ဒုတိယအဆင့် ငွေအလောင်းအဖြစ် အဆင့်တက်ပြီးနောက် ယဲ့ထျန်း၏ အစွမ်းမှာ မြေကမ္ဘာအဆင့် အထွတ်အထိပ်သို့ ရောက်ရှိနေပြီ ဖြစ်ရာ သူမထက်ပင် ပို၍ အစွမ်းထက်လှသည်။ ကျူးယိုးဖေးဖေးသည် ပြိုင်ဘက်၏ စွမ်းအားကို ခံစားလိုက်ရသဖြင့် ချက်ချင်းပင် တည်ငြိမ်သွားတော့သည်။ သူမသည် မပေါ့ဆရဲတော့ဘဲ ရှိသမျှ အစွမ်းတို့ကို ထုတ်သုံးကာ လက်သီးကို ခုခံလိုက်သည်။</p> <p style="text-align:justify">သို့သော် ယဲ့ထျန်း၏ ရုပ်သွင်ကို သူမ သေသေချာချာ မြင်လိုက်ရသောအခါ သူမ၏ မျက်နှာမှာ ရုတ်တရက် အကြီးအကျယ် ပျက်သွားတော့သည်။ လွှဲလိုက်သော လက်သီးမှာလည်း လေထဲတွင် ရပ်တန့်သွားပြီး သူမက ထိတ်လန့်တကြား အော်ဟစ်လိုက်မိ၏။</p> <p style="text-align:justify">"အစ်ကို... ဒါ ဘာလို့ အစ်ကို ဖြစ်နေရတာလဲ"</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save