Book List

<h2 style="text-align: center;"><br /> အခန်း ၇၅၉</h2> <h2 style="text-align: center;"> ပထမအဆင့် ငွေအလောင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p style="text-align:justify">ယဲ့ပုဖန် အချိန်မီ ရောက်ရှိလာသည်ကို မြင်လိုက်ရသောအခါ လုံရှောင်ယွဲမှာ သက်ပြင်းတစ်ချက်ကို အသာအယာ ချလိုက်မိတော့သည်။</p> <p style="text-align:justify">သူမကိုယ်တိုင်မှာ မြေကမ္ဘာအဆင့် သိုင်းပညာရှင်တစ်ဦး ဖြစ်ပြီး ခုနစ်ရောင်ခြယ် အာကာသအဆင့် ကူအင်းကို ပိုင်ဆိုင်ထားသူ ဖြစ်သော်လည်း မိန်းကလေးသဘာဝအရ မိမိအပေါ် ယုတ်ညံ့သော ရည်ရွယ်ချက်ရှိသည့် အမျိုးသားတစ်ဦးနှင့် ရင်ဆိုင်ရချိန်တွင် အနည်းငယ်မျှတော့ ထိတ်လန့် တုန်လှုပ်မိသည်မှာ ဓမ္မတာပင်။</p> <p style="text-align:justify">"ကိုကို ရောက်လာပြီပဲ" သူမက ယဲ့ပုဖန်၏ လက်ကို ဆုပ်ကိုင်ကာ ပြောလိုက်သည်။ </p> <p style="text-align:justify">"ဒီလူယုတ်မာကို ဘယ်လို ကိုင်တွယ်ကြမလဲ"</p> <p style="text-align:justify">"သူက ယုတ်မာတဲ့သူဆိုမှတော့ သူ့ကို သွားသင့်တဲ့လမ်းကိုပဲ ပို့ပေးလိုက်ရမှာပေါ့"</p> <p style="text-align:justify">ယဲ့ပုဖန် ပြောပြီးသည်နှင့် စိမ်းဖန့်ဖန့် ဒန်မီး တစ်ခုကို လက်ဖျားမှ တောက်ထုတ်လိုက်ရာ သတိ မေ့နေသော ရှန်းကွမ်ဟုန်ချင်းမှာ ခဏချင်းမှာပင် ပြာပုံဘဝသို့ ရောက်ရှိသွားတော့သည်။</p> <p style="text-align:justify">သူသည် ရှန်းကွမ်မိသားစုဝင်များအပေါ် မည်သည့် ကရုဏာမျှ ထားရှိရန် အစီအစဉ် မရှိပေ။ အလောင်း ရုပ်သေး တစ်ရုပ်ကို သန့်စင်နိုင်ရန်မှာ လူ့အသက်တစ်ချောင်းကို သတ်ဖြတ်ရန် လိုအပ်သည် ဖြစ်သလို ဤလူယုတ်မာသည် နှစ်ပေါင်းများစွာအတွင်း အပြစ်မဲ့ အမျိုးသမီးများစွာ၏ ဘဝကို ဖျက်ဆီးခဲ့ပြီး ဒုစရိုက်များစွာကို ကျူးလွန်ခဲ့သူ ဖြစ်သည်။</p> <p style="text-align:justify">ရှန်းကွမ်ဟုန်ချင်းကို သတ်ဖြတ်ပြီးနောက် သူက အခန်းထောင့်တွင် ရပ်နေသော ရှန်းကွမ်ဟုန်ချင်း၏ အလောင်းရုပ်သေးထံသို့ အကြည့်ကို လွှဲလိုက်၏။ ၎င်းမှာ ဒုတိယအဆင့် ငွေအလောင်း ဖြစ်ပြီး မြေကမ္ဘာအဆင့် အထွတ်အထိပ် သိုင်းပညာရှင်တစ်ဦးနှင့် အစွမ်းချင်း တူညီကာ သူတို့နှစ်ဦးထက်ပင် ကျင့်ကြံမှုအဆင့် ပို၍ မြင့်မားနေသည်။</p> <p style="text-align:justify">သို့သော် အလောင်းရုပ်သေးမှာ အလောင်းရုပ်သေးသာ ဖြစ်ပြီး ၎င်းတွင် ကိုယ်ပိုင်အတွေးအခေါ် မရှိချေ။ ယဲ့ပုဖန်က အရှိန်အဟုန်ဖြင့် ရှန်းကွမ်ဟုန်ချင်းကို အလဲထိုးလိုက်သဖြင့် အရှင်သခင်၏ အမိန့်မရသော အလောင်းရုပ်သေးမှာ သစ်တုံးတစ်တုံးပမာ ရပ်နေခြင်းပင်။</p> <p style="text-align:justify">ယဲ့ပုဖန်သည် ရှေ့သို့ တိုးသွားကာ မိစ္ဆာသန့်စင်အိုးကို ထုတ်ယူ၍ အလောင်း၏ ပိုင်ဟွေ အပ်စိုက်မှတ် အပေါ်သို့ အသာအယာ ဖိနှိပ်လိုက်ရာ အလောင်း၏ အဆီအနှစ်များမှာ ချက်ချင်းပင် စုပ်ယူခံလိုက်ရပြီး အိုးအတွင်း၌ အနက်ရောင် ဆေးလုံးငယ်လေးတစ်လုံး ပေါ်ထွက်လာသည်။</p> <p style="text-align:justify">သူက ထိုဆေးလုံးကို သိုလှောင်လက်စွပ်အတွင်းရှိ ယဲ့ထျန်း၏ ပါးစပ်ထဲသို့ ထည့်ပေးလိုက်၏။ အလင်းတန်း တစ်ချက် လက်သွားပြီးနောက် ယဲ့ထျန်း၏ ခန္ဓာကိုယ်အရောင်မှာ ပို၍ ရဲတက်လာပြီး ပထမအဆင့် ငွေအလောင်းနယ်ပယ်သို့ ခြေတစ်လှမ်း တိုးကပ်သွားတော့သည်။</p> <p style="text-align:justify">အဆီအနှစ်များ စုပ်ယူခံလိုက်ရသဖြင့် ရှေ့မှ အလောင်းရုပ်သေးမှာ အစွမ်းမဲ့သွားပြီး သာမန် တောင့်တင်းနေသော အလောင်းတစ်လောင်းအဖြစ် ပြောင်းလဲသွားသည်။ ယဲ့ပုဖန်က နောက်ထပ် ဒန်မီးတစ်ချက်ဖြင့် ထိုအလောင်းကိုပါ တစ်ပါတည်း ရှင်းလင်းပစ်လိုက်လေသည်။</p> <p style="text-align:justify">လုံရှောင်ယွဲက "ကိုကို... နောက်ထပ် ဘာဆက်လုပ်မလဲ" ဟု မေးသည်။</p> <p style="text-align:justify">"အရင် အစီအစဉ်အတိုင်းပဲ... မင်း အပြင်မှာထွက်ပြီး ငါ့ကို စောင့်နေပါ။ ကျန်တာကို ငါ ရှင်းလိုက်မယ်"</p> <p style="text-align:justify">ယဲ့ပုဖန်သည် ပြောပြောဆိုဆိုနှင့် သူ၏ အဝတ်အစားများကို ချွတ်ကာ ရှန်းကွမ်ဟုန်ချင်း၏ ဝတ်စုံကို လဲလှယ် ဝတ်ဆင်လိုက်သည်။ ထို့နောက် မျက်နှာပြောင်းဆေးကို အသုံးပြု၍ ရှန်းကွမ်ဟုန်ချင်းနှင့် တစ်ပုံစံတည်း တူအောင် ပြောင်းလဲလိုက်တော့သည်။</p> <p style="text-align:justify">လုံရှောင်ယွဲမှာ အံ့ဩတကြီးဖြင့် "ကိုကို့ရဲ့ မျက်နှာပြောင်းလဲတဲ့အတတ်က တကယ်ကို အံ့ဩဖို့ ကောင်းတာပဲ။ လူယုတ်မာနဲ့ တစ်ပုံစံတည်း ဖြစ်သွားပြီ။ ကျွန်မတောင် ကိုကို့ကိုယ်ပေါ်မှာ ကူအင်းတစ်ကောင် တင်ထားချင်စိတ် ပေါက်လာပြီ။ မဟုတ်ရင် တစ်နေ့ကျလို့ ကိုကိုက တခြားရုပ်ပြောင်းလိုက်ရင် ကျွန်မ ရှာတွေ့မှာ မဟုတ်တော့ဘူး" ဟု ဆိုသည်။</p> <p style="text-align:justify">"ကဲ... သွားတော့။ မင်း အရင်ပြန်ပြီး ငါ့ကို စောင့်နေပါ။ တကယ်လို့ ထူးခြားတာ တစ်ခုခုရှိရင် ငါတို့ ဒီကနေ ချက်ချင်း ထွက်သွားကြမယ်"</p> <p style="text-align:justify">လုံရှောင်ယွဲ ခေါင်းငြိမ့်ကာ ထွက်ခွာသွားတော့သည်။ အပြင်ဘက်တွင် ဖော်လံဖားရန် စောင့်နေသော အိမ်တော်ထိန်းသည် လုံရှောင်ယွဲ ဤမျှ မြန်မြန် ထွက်လာသည်ကို မြင်သောအခါ အံ့သြသွားမိသည်။ "သခင်လေးက ဒီလောက်တောင် မြန်သွားတာလား" ဟု သူ တွေးနေစဉ်မှာပင် ယဲ့ပုဖန် ထွက်လာသည်။</p> <p style="text-align:justify">အိမ်တော်ထိန်းက ရှေ့သို့ တိုးသွားကာ "သခင်လေး... အဲဒီမိန်းကလေးကို ဘာလို့ ဒီလောက်မြန်မြန် လွှတ်လိုက်တာလဲ" ဟု မေးမြန်းလိုက်၏။</p> <p style="text-align:justify">ယဲ့ပုဖန်က စိတ်ပျက်ဟန် ဖမ်းကာ "တောက်... ကံကို ညံ့တာပဲ။ ငါ စိတ်ပါနေတုန်း ရှိသေးတယ်... အဲဒီမိန်းကလေးက ကိုယ်လက်မအသန့်ဖြစ်နေတယ်လေ။ နောက်ရက်မှပဲ စောင့်ရတော့မှာပေါ့" ဟု ဆိုသည်။</p> <p style="text-align:justify">သူ၏ စိတ်ဝိညာဉ်အာရုံကို အသုံးပြု၍ ရှန်းကွမ်ဟုန်ချင်း၏ အသံကို တစ်ပုံစံတည်း တုပလိုက်သဖြင့် အိမ်တော်ထိန်းမှာ အနည်းငယ်မျှပင် သံသယ မဝင်ခဲ့ပေ။</p> <p style="text-align:justify">"သခင်လေး... ကျွန်တော် တခြားအစေခံမလေးတွေ ရှာပေးရမလား"</p> <p style="text-align:justify">"မလိုပါဘူး။ ဒီလောက် လှတဲ့သူကို မြင်ပြီးမှတော့ တခြားသူတွေကို စိတ်မပါတော့ဘူး။ အခု ငါ အားမွေးထားမှ နောက်ရက်တွေကျရင် ကောင်းကောင်း တိုက်ပွဲဝင်နိုင်မှာပေါ့" </p> <p style="text-align:justify">ယဲ့ပုဖန်က ပြောပြီးနောက် ရှန်းကွမ်ဟုန်ချင်း၏ စရိုက်အတိုင်း ရွံစရာကောင်းသော အပြုံးဖြင့် ရယ်မောလိုက်သည်။</p> <p style="text-align:justify">"သခင်လေး ပြောတာ မှန်ပါတယ်။ အဲဒီမိန်းကလေးက တကယ်ကို အဆင့်မြင့်တဲ့ ပစ္စည်းလေးပါ" </p> <p style="text-align:justify">အိမ်တော်ထိန်းက ရှေ့သို့ လျှောက်သွားသော သူ့ကို ကြည့်ကာ "သခင်လေး... တစ်ခုခု လုပ်မလို့လား။ ကျွန်တော့်ကို ခိုင်းမလို့လား" ဟု မေးသည်။</p> <p style="text-align:justify">"မလိုဘူး။ ငါ အပြင်မှာ ခဏ လမ်းလျှောက်မလို့... အစေခံတွေ အလုပ်ခိုနေသလားလို့ ကြည့်မလို့လေ။ သခင်ကြီးသာ စိတ်မရှည်ရင် ငါတို့တွေ ဒုက္ခရောက်ကုန်မယ်"</p> <p style="text-align:justify">အိမ်တော်ထိန်းက "ကျွန်တော် လိုက်ခဲ့ရမလား" ဟု မေးရာ ယဲ့ပုဖန်က "မလိုပါဘူး။ ငါ ညစာ စားတာ နည်းနည်း များသွားလို့ လမ်းလျှောက်ရင်း အစာချေမလို့ပါ" ဟု ငြင်းလိုက်သည်။</p> <p style="text-align:justify">ထို့နောက် ယဲ့ပုဖန်သည် ရှန်းကွမ်အိမ်တော်အတွင်း၌ လက်နှစ်ဖက်ကို နောက်ပစ်ကာ အေးအေးလူလူ လမ်းလျှောက်နေတော့သည်။ အိမ်တော်ထိန်းကလည်း ဘာမှ ထူးထူးခြားခြား မတွေးဘဲ သူ၏ အလုပ်များကိုသာ လုပ်ရန် ထွက်သွားခဲ့သည်။</p> <p style="text-align:justify">ယဲ့ပုဖန်သည် နေ့ဘက်ကတည်းက ရှန်းကွမ်မိသားစု၏ အခြေအနေကို သေချာ စုံစမ်းထားပြီး ဖြစ်သည်။ တောင်လယ်အောက်ပိုင်းတွင် ရှိသော အလောင်းရုပ်သေးများမှာ အဆင့်နိမ့် တတိယအဆင့် အလောင်းရုပ်သေး များသာ ဖြစ်သဖြင့် ယဲ့ထျန်းအတွက် အကျိုးကျေးဇူး များများစားစား မရှိပေ။ ထို့ကြောင့် သူသည် တောင်လယ်အထက်ပိုင်းသို့ တိုက်ရိုက် ဦးတည်လိုက်သည်။</p> <p style="text-align:justify">ရှန်းကွမ်မိသားစု၏ အဓိက အဝန်းအဝိုင်းအတွင်းတွင် လှည့်လည်ကြည့်ရှုနေခြင်းမှာ သူ၏ ရာထူးအရ ပုံမှန်ကိစ္စ တစ်ခု ဖြစ်သဖြင့် မည်သူမှ သတိမထားမိကြချေ။ မိနစ်အနည်းငယ်အတွင်းမှာပင် သူ၏ ပထမဆုံး ပစ်မှတ်ကို တွေ့ရှိခဲ့သည်။ ၎င်းမှာ ရှန်းကွမ်မိသားစု၏ တတိယမျိုးဆက် တပည့်တစ်ဦး ဖြစ်ပြီး စတုတ္ထအဆင့် ငွေအလောင်း တစ်ရုပ်ကို ပိုင်ဆိုင်ထားသူ ဖြစ်သည်။</p> <p style="text-align:justify">ယေဘုယျအားဖြင့် အလောင်းရုပ်သေး ပိုင်ရှင်များသည် ၎င်းတို့၏ အလောင်းရုပ်သေးထက် ကျင့်ကြံမှု အဆင့် များစွာ နိမ့်ကျလေ့ရှိသည်။ ထို့ကြောင့် ထိုအရှင်သခင်မှာ ကောင်းကင်အဆင့် အစောပိုင်းအဆင့်သာ ရှိသဖြင့် ယဲ့ပုဖန် အနားသို့ ရောက်လာသည်ကိုပင် မသိရှိခဲ့ချေ။</p> <p style="text-align:justify">မကြာမီမှာပင် သူသည် အလောင်းရုပ်သေး၏ အဆီအနှစ်ကို လုံးဝ စုပ်ယူလိုက်သဖြင့် ၎င်းမှာ သာမန် အလောင်းတစ်လောင်း ဖြစ်သွားတော့သည်။ သူ ထွက်ခွာသွားသည့်တိုင် ထိုလူမှာ အခန်းထဲတွင် ဂျပန်ဗီဒီယိုကား ကြည့်ရင်း စိတ်ပါလက်ပါ ဖြစ်နေသဖြင့် အပြင်ဘက်မှ အပြောင်းအလဲကို လုံးဝ သတိမပြုမိခဲ့ပေ။</p> <p style="text-align:justify">အရာအားလုံးမှာ အလွန်ပင် ချောမွေ့လှသည်။ ယဲ့ပုဖန်၏ စိတ်ဝိညာဉ်အာရုံမှာ ရေဒါတစ်ခုအလား အရာအားလုံးကို ထွင်းဖောက်မြင်နိုင်သလို မိစ္ဆာသန့်စင်အိုး၏ စုပ်ယူမှုမှာလည်း အသံတိတ်လှသဖြင့် မည်သူမှ ရိပ်မိရန် ခက်ခဲလှသည်။</p> <p style="text-align:justify">တစ်နာရီအတွင်းမှာပင် သူသည် ငွေအလောင်း ၆၀ ကျော်၏ အဆီအနှစ်များကို စုပ်ယူပြီးစီးသွားခဲ့သည်။ ထိုအခိုက်တွင် သိုလှောင်လက်စွပ်အတွင်းရှိ ယဲ့ထျန်းမှာ ငွေရောင်အလင်းတန်းများ တောက်ပနေပြီး ပထမအဆင့် ငွေအလောင်း နယ်ပယ်သို့ အောင်မြင်စွာ ရောက်ရှိသွားခဲ့ပြီ ဖြစ်သည်။</p> <p style="text-align:justify">ပထမအဆင့် ငွေအလောင်းမှာ မြေကမ္ဘာအဆင့် ပြည့်စုံခြင်းအဆင့်နှင့် အစွမ်းချင်း တူညီသော်လည်း ယဲ့ပုဖန်အတွက်မူ ဤမျှနှင့် မလုံလောက်သေးချေ။ ရှန်းကွမ်မိသားစုကို ဖြေဆေးပေးအောင် ဖိအားပေးနိုင်ရန်မှာ အနည်းဆုံး အာကာသအဆင့် ရှိသော အစွမ်းမျိုး လိုအပ်ပေလိမ့်မည်။</p> <p style="text-align:justify">ထို့ကြောင့် သူသည် လုပ်ဆောင်ချက်များကို ပိုမိုမြန်ဆန်စွာ ဆက်လက် လုပ်ဆောင်နေတော့သည်။ မဟုတ်ပါက ထိုလူများ သူတို့၏ အလောင်းရုပ်သေးများ ပုံမှန်မဟုတ်တော့ကြောင်း သတိထားမိသွားလျှင် ဒုက္ခရောက်နိုင်သောကြောင့်ပင်။</p> <p style="text-align:justify">တဖြည်းဖြည်းနှင့် သူသည် သတိမထားမိဘဲ ရှန်းကွမ်အိမ်တော်၏ တောင်ထိပ်ပိုင်းသို့ ရောက်ရှိလာ၏။ ဤနေရာတွင် ရှန်းကွမ်ရှုံနှင့် ရှန်းကွမ်ကျိုးတို့အပြင် ကျန်ရှိနေသောသူများမှာ မိသားစု၏ ဒုတိယ မျိုးဆက်များသာ ဖြစ်သည်။</p> <p style="text-align:justify">ယဲ့ပုဖန်သည် အစေခံများကို စစ်ဆေးသည့် ပုံစံဖြင့် အေးအေးဆေးဆေး လမ်းလျှောက်နေသော်လည်း သူ၏ စိတ်ဝိညာဉ်အာရုံမှာမူ ပစ်မှတ်ထားရမည့် ငွေအလောင်းများကို ရှာဖွေနေသည်။</p> <p style="text-align:justify">ရုတ်တရက် သူ၏ စိတ်ဝိညာဉ်အာရုံထဲတွင် ကုတင်ပေါ်၌ ကိုယ်လုံးတီးဖြင့် လုံးထွေးနေသော အမျိုးသား တစ်ဦးနှင့် အမျိုးသမီးတစ်ဦးကို တွေ့လိုက်ရသည်။ အမျိုးသမီးမှာ အသက် ၃၀ ခန့်ရှိသော အိမ်ထောင်သည် အမျိုးသမီး တစ်ဦး ဖြစ်ပြီး အမျိုးသားမှာမူ အသက် ၄၀ ကျော်၊ ၅၀ နီးပါးခန့် ရှိပေသည်။</p> <p style="text-align:justify">မူလက သူသည် ထိုကိစ္စကို စိတ်မဝင်စားသော်လည်း ကုတင်ဘေးတွင် ရပ်နေသော အလောင်းရုပ်သေးမှာ ပထမအဆင့် ငွေအလောင်း ဖြစ်နေသည်ကို တွေ့လိုက်ရသဖြင့် သူ၏ ခြေလှမ်းများ ရပ်တန့်သွားတော့သည်။</p> <p style="text-align:justify">ယဲ့ပုဖန်သည် အခွင့်အရေးကို စောင့်ဆိုင်းရင်း ထိုဝါးအိမ်အနီးသို့ တိုးကပ်သွားစဉ်မှာပင် အမျိုးသမီး၏ အသံကို ကြားလိုက်ရသည်။ "ရှင်ကလည်း လူဆိုးကြီးပဲ... ဘာလို့ ဒီလောက် စောစောလာတာလဲ။ ရှင့်အဖေ တွေ့သွားမှာကို မကြောက်ဘူးလား"</p> <p style="text-align:justify">ထိုလူလတ်ပိုင်း အမျိုးသားက ရယ်မောကာ "ငါ့အဖေက အခုမှ မိန်းမငယ်လေး နှစ်ယောက် ထပ်ယူထားတာလေ... သူက မင်းလို ခုနစ်ယောက်မြောက် မယားငယ်ကို ဘယ်မှာ ဂရုစိုက်နိုင်တော့မှာလဲ"</p> <p style="text-align:justify">"ပြီးတော့ သူက အခု အရမ်းအိုနေပြီလေ... သူ့မှာ ဘာလိုအပ်ချက်တွေ ရှိဦးမှာလဲ။ မင်းတို့ကို အလှပြရုပ်လေးတွေ အဖြစ်ပဲ ထားထားတာနေမှာပါ။ မဟုတ်ရင် သူက တောင်ထိပ်ပေါ်မှာပဲ တစ်ချိန်လုံး အောင်းမနေဘဲ တစ်ပတ်တစ်ခါ၊ ဆယ်ရက်တစ်ခါလောက်တော့ ဆင်းလာမှာပေါ့"</p> <p style="text-align:justify">အမျိုးသမီးက တခိခိ ရယ်မောရင်း "ရှင့်အဖေအကြောင်းကို ဒီလိုပြောရဲတယ်ပေါ့... သခင်ကြီးသာ စိတ်တိုပြီး ရှင့်ကို ဒုက္ခပေးလိုက်ရင် ဘယ်လိုလုပ်မလဲ"</p> <p style="text-align:justify">သူတို့၏ စကားဝိုင်းမှာ တိုတောင်းလှသော်လည်း ယဲ့ပုဖန်အတွက်မူ လုံလောက်သော သတင်း အချက်အလက်ကို ရရှိသွားခဲ့ပြီ ဖြစ်သည်။ ရှေ့မှ လူနှစ်ဦးမှာ ပုံမှန် လင်မယား မဟုတ်ကြဘဲ တစ်ဦးမှာ ရှန်းကွမ်ရှုံ၏ သားဖြစ်ပြီး ကျန်တစ်ဦးမှာမူ ရှန်းကွမ်ရှုံ၏ ခုနစ်ယောက်မြောက် မယားငယ် ဖြစ်နေကြခြင်းပင်…။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save