Book List

<h2 style="text-align: center;">အခန်း (၄၀၂)</h2> <h2 style="text-align: center;">*</h2> <p> </p> <p> </p> <p> </p> <p> </p> <p style="text-align:justify">ချူဖုန်းက ဘောလုံးကျမည့် နေရာကို ကြိုတင် ခန့်မှန်းပြီး စောစောစီးစီး ထွက်ခွာခဲ့သော်လည်း ဗန်ဒိုက်ကလည်း လုံးဝ မနှေးပေ။ နှစ်ယောက်လုံး ပြင်းထန်သော ရုန်းကန်မှုအတွင်း ပိတ်မိနေကြသည်။</p> <p style="text-align:justify">"ဒီလူက ငါ့ထက် အရပ်ရှည်ပြီး ပိုလေးတာတောင်မှ သူ့ရဲ့ ရုပ်ပိုင်းဆိုင်ရာ စွမ်းရည်က တကယ်ကို ကြောက်ဖို့ကောင်းတာပဲ" ဗန်ဒိုက်သည် ချူဖုန်း၏ တွန်းထုတ်မှုကြောင့် နောက်သို့ ခြေတစ်လှမ်း ဆုတ်လိုက်ရကာ စိတ်ထဲမှ တိုးတိုးလေး ညည်းတွားလိုက်သည်။ </p> <p style="text-align:justify">သူ၏ ရုပ်ပိုင်းဆိုင်ရာမှာ ဘောလုံးလောကတွင် ထိပ်တန်းဖြစ်သည်။ အရပ် ၁.၉၂ မီတာရှိပြီး အလေးချိန် ၉၁ ကီလိုဂရမ် ရှိသည်။ သန်မာရုံသာမက ပေါက်ကွဲအားလည်း အလွန်ကောင်းသည်။ ယခုရာသီတွင် သူသည် မြန်ဆန်သော တိုက်စစ်မှူးများစွာကို တစ်ဦးတည်း တားဆီးနိုင်ခဲ့သလို ၁၃ ပွဲဆက်တိုက် ကျော်ဖြတ်မခံရသည့် စံချိန်ကို တင်နိုင်ခဲ့သော်လည်း ချူဖုန်းက ထိုစံချိန်ကို ချိုးဖျက်ခဲ့ဖူးသည်။ </p> <p style="text-align:justify">ထို့ကြောင့် ဗန်ဒိုက်သည် ချူဖုန်းနှင့် ထိပ်တိုက် မရင်ဆိုင်တော့ဘဲ ချူဖုန်း၏ ဘောလုံးပေးပို့နိုင်မည့် လမ်းကြောင်းများကို ပိတ်ထားရန် အသင်းဖော်များကို ညွှန်ကြားလိုက်သည်။ </p> <p style="text-align:justify">မင်း ဘယ်လောက်ပဲ သန်မာပါစေ… အားလုံးကို တစ်ယောက်တည်း လုပ်နိုင်ပါ့မလား။ မလုပ်နိုင်ပါဘူး။</p> <p style="text-align:justify">ချူဖုန်းက ဘောလုံးကို ပေါ့ဘာထံသို့ ခေါင်းတိုက်ပေးလိုက်သော်လည်း ပေါ့ဘာကို ဖာဘင်ညိုက နှောင့်ယှက်နေသဖြင့် ပေးပို့မှု အရည်အသွေး ကျဆင်းသွားသည်။ </p> <p style="text-align:justify">"မာရက်ဇ် ဘောလုံး မရလိုက်ဘဲ ရောဘတ်ဆန်က ဘေးစည်းကနေ ကန်ထုတ်လိုက်ပါတယ်..."</p> <p style="text-align:justify">"ဒီလို တိုက်စစ်နဲ့ ခံစစ် အကူးအပြောင်း နှစ်ခုကနေ လီဗာပူးရဲ့ လှုပ်ရှားမှုနဲ့ မန်ယူရဲ့ တိုက်စစ်ပိုင်း ကန့်သတ်ချက်တွေကို မြင်နိုင်ပါတယ်..."</p> <p style="text-align:justify">"လီဗာပူးအကြောင်း အရင်ပြောရရင် ဘောလုံးဆုံးရှုံးပြီးနောက်မှာ သူတို့က ချက်ချင်း နောက်ကို ဆင်းလာပြီး ခံစစ်တန်းကို အချိန်မီ တည်ဆောက်နိုင်ခဲ့လို့ မန်ယူရဲ့ တန်ပြန်တိုက်စစ်က နှေးသွားရတာပါ..."</p> <p style="text-align:justify">"မန်ယူအကြောင်း ပြောရရင်တော့ တောင်ပံကစားသမား နှစ်ယောက်က နောက်ကို အရမ်းဆင်းနေလို့ ချူဖုန်းက တိုက်စစ်ဇုန်မှာ ကူမယ့်သူ မရှိသလို ဖြစ်နေတယ်... ပြီးတော့ ဗန်ဒိုက်ကလည်း ဖိအားတွေ အများကြီး ပေးထားတော့ ချူဖုန်း ဘောလုံးကို မထိန်းနိုင်အောင် ဖြစ်နေတယ်... ဒါက အရေးကြီးတဲ့ ခံစစ်နည်းဗျူဟာပဲ..."</p> <p style="text-align:justify">"မန်ယူရဲ့ အရင်တိုက်စစ်တွေမှာ ချူဖုန်းက ကစားကွက် ဖန်တီးပေးလေ့ရှိပေမဲ့ အခုတော့ သူ အဲဒီအခွင့်အရေး မရတော့ဘူး..." ကာရေဂါက မိုက်ခရိုဖုန်းရှေ့တွင် အာဝဇ္ဇန်းရွှင်စွာ ပြောနေလေသည်။</p> <p style="text-align:justify">နဗီးလ်ကမူ မျက်နှာပျက်ပျက်ဖြင့် ဘေးတွင် ရပ်နေသည်။ ကာရေဂါ၏ စကားများက နားခါးသော်လည်း အမှန်တရားများ ဖြစ်နေသည်။ </p> <p style="text-align:justify">မန်ယူသည် နောက်တန်းမှ တန်ပြန်တိုက်စစ်ဆင်ရာတွင် အားနည်းနေပြီး ချူဖုန်း တစ်ဦးတည်းကသာ ဘောလုံးကို ထိန်းကာ အသင်းဖော်များအတွက် အချိန်နှင့် နေရာလွတ်ကို ဖန်တီးပေးနေရခြင်း ဖြစ်သည်။ သို့သော် အခုတော့ သူက ဖိအားများလွန်းနေပြီး အနီးအနားတွင် ကူညီမည့်သူ မရှိပေ။ </p> <p style="text-align:justify">ရလဒ်အနေဖြင့် တိုက်စစ်မှာ ပိတ်ဆို့နေသလို ဖြစ်နေသည်။</p> <p style="text-align:justify">ချူဖုန်းက ဗန်ဒိုက်ကို ကြည့်ရင်း မျက်မှောင်ကြုတ်ကာ စိတ်ထဲမှ အစီအစဉ်များ ချမှတ်လိုက်သည်။ လီဗာပူးသည် ၎င်းတို့၏ တိုက်စစ်ကို အားကိုးပြီး မန်ယူ၏ ခံစစ်ကို ဖျက်ဆီးရန်နှင့် ၎င်းတို့ နောက်ခံလူများ အပေါ် ကျရောက်မည့် ဖိအားများကို လျှော့ချရန် ကြိုးစားနေခြင်းမှာ ထင်ရှားသည်။ ဘောလုံးလောကတွင် လီဗာပူးလောက် ရူးသွပ်သော နည်းဗျူဟာကို သုံးသူမှာ အလွန်နည်းပါးသည်။</p> <p style="text-align:justify">"အရင် နည်းဗျူဟာအတိုင်းပဲ ဆက်သွားမယ်..." </p> <p style="text-align:justify">ချူဖုန်းက အသင်းဖော်များကို လက်ဟန်ခြေဟန် ပြလိုက်သည်။ ဘောလုံးပွဲတွင် နောက်ဆုံး ရယ်နေသူကသာ အနိုင်ရသူ ဖြစ်သည်။ </p> <p style="text-align:justify">လီဗာပူး၏ နည်းဗျူဟာသည် ရုပ်ပိုင်းဆိုင်ရာ အလွန်ပင်ပန်းစေမည်မှာ သေချာသည်။ ပွဲမစမီက မော်ရင်ညို ပြောခဲ့ဖူးသည် - "ကလော့ပ်ရဲ့ နည်းဗျူဟာက ပထမ မိနစ် ၆၀ မှာ အားသာချက်တွေ အများကြီး ရအောင်ယူပြီး နောက်ပိုင်းမှာ ဖြစ်လာမယ့် ပြဿနာတွေကို ဖြေရှင်းဖို့ပဲ... ဒါပေမဲ့ ငါတို့သာ အစောပိုင်း အဆင့်တွေကို တောင့်ခံနိုင်မယ်ဆိုရင်..."</p> <p style="text-align:justify">တင်းကျပ်သော ခံစစ်ဖြင့် လီဗာပူးကို တားဆီးရင်း အားအင်များကို ချွေတာရမည်။ လီဗာပူးက အစောပိုင်းကာလကို လောင်းကြေးထပ်ထားလျှင် မန်ယူက နောက်ပိုင်းကာလကို လောင်းကြေး ထပ်ထားသည်။ မည်သူက အရင် ဖိအားဒဏ်ကို ခံနိုင်မည်လဲ ဆိုသည်ကို အပြိုင်အဆိုင် ကစားကြရမည် ဖြစ်သည်။</p> <p style="text-align:justify">မသိလိုက်မသိဘာသာဖြင့် ၁၅ မိနစ် ကုန်ဆုံးသွားသည်။ မန်ယူ၏ ခံစစ်သည် တဖြည်းဖြည်း နောက်ဆုတ်လာကာ ဂိုးရှေ့တွင် ဘတ်စ်ကား ပိတ်ရပ် ထားသကဲ့သို့ ဖြစ်နေသည်။ ၎င်းက လီဗာပူး ပရိသတ်များကို လှောင်ပြောင်ရန် အခွင့်အရေး ပေးလိုက်သလို ဖြစ်သွားသည်။</p> <p style="text-align:justify">"သောက်ကျိုးနည်း... မန်ချက်စတာက သောက်ကောင်တွေ... လိပ်ခွံလိုမျိုး ခံစစ်ထဲမှာပဲ ပုန်းနေကြတော့တာပဲ"</p> <p style="text-align:justify">"မင်းတို့ကိုယ်မင်းတို့ ထိပ်သီးကလပ်လို့ ခေါ်ရဲသေးလား... ထိပ်သီးကလပ်က ဘတ်စ်ကား ပိတ်ရပ်တာ တွေ့ဖူးလို့လား... ကိုယ့်ကိုယ်ကိုယ် လိမ်မနေကြနဲ့"</p> <p style="text-align:justify">"သူရဲဘောကြောင်တဲ့ကောင်တွေ"</p> <p style="text-align:justify">"ဘတ်စ်ကား နှစ်စီးလောက် ပိတ်မရပ်တာ ဘာလို့လဲဟေ့"</p> <p style="text-align:justify">လီဗာပူး ပရိသတ် နှစ်ထောင်ကျော်၏ အော်ဟစ်သံများသည် ဟိန်းထွက်မလာမီမှာပင် ပျောက်ကွယ်သွားသော်လည်း မန်ယူပရိသတ်အချို့မှာမူ မကျေမနပ် ဖြစ်လာကြသည်။ လီဗာပူးနှင့် တွေ့လျှင် မဆုတ်မနစ် တိုက်စစ်ဆင်ရမည်ဟု သူတို့က ယုံကြည်ထားကြသည်။ ယခုကဲ့သို့ အပျက်သဘောဆောင်သော ခံစစ်ကစားပုံမှာ ကြည့်ကောင်းလှသည်တော့ မဟုတ်ပေ။</p> <p style="text-align:justify">သို့သော် ပရိသတ်များအတွက် ဖျော်ဖြေမှုက ပိုအရေးကြီးသလား၊ ရလဒ်က ပိုအရေးကြီးသလား။ </p> <p style="text-align:justify">အများစုကတော့ ရလဒ်ကိုသာ ရွေးချယ်ကြပေလိမ့်မည်။ ဆုဖလားများ ပိုရလာလေ၊ ပရိသတ်များက ပိုပြီး ကောင်းမွန်သော ကစားကွက်ကို တောင်းဆိုလာလေ ဖြစ်သည်။</p> <p style="text-align:justify">မော်ရင်ညိုက ကွင်းဘေးတွင် လက်ပိုက်ရပ်ကာ ရှေ့ကို ကြည့်နေသည်။ သူက အတော်လေး ခေါင်းမာသောသူ တစ်ယောက် ဖြစ်သည်။ အသက်အရွယ်ရလာသည်နှင့်အမျှ ပြောင်းလဲလာသော်လည်း အနိုင်ရလိုစိတ်ကမူ မပြောင်းလဲပေ။ ပွဲက မည်မျှလှပသည်ကို သူ ဂရုမစိုက်။</p> <p style="text-align:justify">"ဆရာ... ဒါက တကယ်ပဲ အဆင်ပြေပါ့မလား... နောက်တန်းက ဖိအားတွေကို မလျှော့ချနိုင်ရင် မကြာခင်မှာ ပေါက်ကွဲသွားနိုင်တယ်..." ဖာရီယာ၏ မျက်နှာတွင် စိုးရိမ်ရိပ်များ ပြည့်နေသည်။ </p> <p style="text-align:justify">ဤနည်းဗျူဟာမှာ ကစားသမားများအပေါ် အလွန် တာဝန်ကြီးလှသည်။ အမှားတစ်ခုခု ဖြစ်သွားပါက ဆိုးကျိုးများစွာ ခံစားရနိုင်သည်။ </p> <p style="text-align:justify">ထို့အပြင် ဒါက မန်ယူ၏ အိမ်ကွင်း မဟုတ်ပါလား။ အကယ်၍ သရေကျလျှင်ပင် မန်ယူအတွက် အရှုံးနှင့် မခြားပေ။</p> <p style="text-align:justify">"ရပါတယ်... ဂိုးပေးလိုက်ရရင်လည်း ကိစ္စမရှိဘူး... သတင်းစာ ရှင်းလင်းပွဲမှာ ငါ ပြောခဲ့တာ မင်း မှတ်မိလား..." မော်ရင်ညိုက တိုးတိုးလေး မေးလိုက်သည်။</p> <p style="text-align:justify">ဖာရီယာက သေသေချာချာ စဉ်းစားလိုက်ပြီးမှ စိတ်အေးသွားတော့သည်။ အဆိုးဆုံး အခြေအနေတွင် မန်ယူအနေဖြင့် လီဗာပူးကို ဂိုးပေးလိုက်ရလျှင်ပင် မန်ယူကသာ နောက်ဆုံးတွင် အနိုင်ရသူ ဖြစ်လိမ့်မည်ဟု သူက အခိုင်အမာ ယုံကြည်သွားသည်။ အကြောင်းမှာ မန်ယူတွင် ထူးခြားသော စိတ်ဓာတ်တစ်ခု ကိန်းအောင်းနေသောကြောင့် ဖြစ်သည်။</p> <p style="text-align:justify">ပထမပိုင်း ၃၅ မိနစ်။ </p> <p style="text-align:justify">လီဗာပူး၏ တိုက်စစ်က လျော့မသွားဘဲ ပို၍ပင် ပြင်းထန်လာသည်။ သူတို့က ညာဘက်ခြမ်းမှ ဆက်တိုက် တိုးဝင်လာသည်။ မက်တော်မီနေးက ချက်ချင်း ဝင်မလုတော့ဘဲ ဘေးကင်းမည့် နေရာမှ နေ၍ လမ်းကြောင်းများကို ပိတ်ဆို့ထားသည်။ </p> <p style="text-align:justify">ဒါကိုမြင်တော့ ဆာလာက အချိန်ဆွဲမနေတော့ပေ။ သူက အရှိန်မြှင့် ပြေးထွက်လိုက်ရာ လုခ်ရှောနှင့် မက်တော်မီနေးတို့၏ အာရုံစိုက်မှုကို ရရှိသွားသည်။ </p> <p style="text-align:justify">သူတို့ နှစ်ယောက် ဝိုင်းမပိတ်မီမှာပင် ဆာလာက သူ၏ ပေါက်ကွဲအားကို အသုံးပြု၍ အတင်း တိုးထွက်သွားတော့သည်။ လီဗာပူး ပရိသတ်များ၏ အော်ဟစ်အားပေးသံများ ချက်ချင်း ထွက်ပေါ်လာသည်။ </p> <p style="text-align:justify">မက်တော်မီနေးက နည်းဗျူဟာအရ ဖောင်းဘောလုပ်ရန် ကြိုးစားသော်လည်း ဆာလာက ခန္ဓာကိုယ်ကို ယိမ်းလိုက်ရုံဖြင့် အသာလေး ကျော်ဖြတ်ကာ ဂိုးဧရိယာထဲသို့ တိုးဝင်သွားသည်။ ဗဟိုရှိ မက်ဂွိုင်းယားပါ ဆာလာဆီသို့ အာရုံရောက်သွားစဉ် ဖာမီနိုက ညာဘက်သို့ ပြေးထွက်သွားပြီး ဆာလာကလည်း အချိန်ကိုက် ပေးပို့လိုက်သည်။</p> <p style="text-align:justify">ဖာမီနိုက ဘောလုံးကို ထပ်မပေးတော့ဘဲ တိုက်ရိုက် ကန်သွင်းလိုက်တော့သည်။</p> <p style="text-align:justify">"အဝေးထောင့်ကို ကန်သွင်းလိုက်ပြီ"</p> <p style="text-align:justify">"ဒီဂီယာ ကမ္ဘာ့အဆင့် ကာကွယ်မှုကြီးနဲ့ ပုတ်ထုတ်လိုက်ပြန်ပြီ…" နဗီးလ်၏ အသံက ရုတ်တရက် ရပ်တန့်သွားသည်။</p> <p style="text-align:justify">အကြောင်းမှာ ဘောလုံးက ဂိုးဧရိယာထဲသို့ ပြန်ကျလာပြီး မာနေးက အပိုင် ကန်သွင်းလိုက်သည်ကို သူ မြင်လိုက်ရသောကြောင့်ပင်…။</p> <p style="text-align:justify">"ဂိုး... ဂိုး... ဂိုး"</p> <p style="text-align:justify">"လီဗာပူးရဲ့ အရှိန်ပြင်းတဲ့ တိုက်စစ်အောက်မှာ မန်ယူတို့ အမှားအယွင်း ရှိသွားခဲ့ပြီ... ဒါမှမဟုတ် အမှားလို့ မဆိုနိုင်ဘဲ လီဗာပူးက အရမ်းတော်လွန်းသွားတာလို့ ပြောရမှာပါ"</p> <p style="text-align:justify">"ဆာလာရဲ့ တောင်ပံကနေ ရုတ်တရက် တိုးဝင်မှုက မန်ယူရဲ့ ခံစစ်ကို အပိုင်းပိုင်း ပြတ်သွားစေခဲ့တယ်... အဲဒီနောက်မှာတော့ အားလုံးက အရမ်းရိုးရှင်းသွားပါပြီ" </p> <p style="text-align:justify">ကာရေဂါက မျက်နှာတစ်ခုလုံး နီမြန်းနေကာ အော်ဟစ်လိုက်သည်။ သူ မျှော်လင့်နေသော အချိန် ရောက်ရှိလာပြီ ဖြစ်သည်။</p> <p style="text-align:justify">ဧည့်သည် ပရိသတ်များရှိရာ နေရာမှ လီဗာပူး ပရိသတ်များမှာလည်း ထိုဂိုးကြောင့် ရူးသွပ်ကုန်ကြသည်။ သူတို့အားလုံး ထရပ်ပြီး လက်မောင်းများကို မြှောက်ကာ အော်ဟစ်နေကြသည်။</p> <p style="text-align:justify">"မန်ယူကို သူတို့နယ်မြေထဲမှာတင် ပိတ်ထားပြီး အလဲထိုးလိုက်စမ်း"</p> <p style="text-align:justify">"မန်ယူမှာ ကမ္ဘာ့ဈေးအကြီးဆုံး တိုက်စစ်မှူး ရှိတယ်လို့ ကြားတယ်... ဒါပေမဲ့ ဒီနေ့တော့ မတွေ့မိဘူး... သူက အရန်ခုံမှာ ထိုင်နေတာလား?"</p> <p style="text-align:justify">"မမြင်ရတဲ့ မန်ယူ နံပါတ် (၇) ရေ... ဘယ်ပျောက်နေတာလဲဟေ့"</p> <p style="text-align:justify">လီဗာပူး ပရိသတ်များ၏ လှောင်ပြောင်သံများသည် အိုးထရက်ဖို့ဒ် တစ်ကွင်းလုံးသို့ ပဲ့တင်ထပ်သွားပြီး ဆိတ်ဆိတ်နေသော မန်ယူပရိသတ်များ၏ နားထဲသို့ ရောက်ရှိသွားသည်။ သူတို့က ထိုမြင်ကွင်းကို မယုံကြည်နိုင်စွာ ကြည့်နေကြသည်။ အစောပိုင်းက လီဗာပူး၏ ဖိအားပေးမှုကို ခံခဲ့ရသော်လည်း မန်ယူကသာ အရင် ဂိုးရမည်ဟု သူတို့ ယုံကြည်ခဲ့ကြသည်။ </p> <p style="text-align:justify">သို့သော် ၀-၁ ဆိုသော ရလဒ်က အမှန်တရားကို ဖော်ပြနေသည်။</p> <p style="text-align:justify">မန်ယူက ပရီးမီးယားလိဂ် ဇယားထိပ်မှာ ရှိနေသလို မနှစ်က ချန်ပီယံလိဂ် ဆုရှင်လည်း ဖြစ်သည်။ ဒါကို ဘာကြောင့် လီဗာပူးကို ရှုံးနေရတာလဲ။ </p> <p style="text-align:justify">ချူဖုန်းလည်း ထိုလှောင်ပြောင်သံများကို ကြားသည်။ သူက မန်ယူ ကစားသမားများထံသို့ အမြန်လျှောက်သွားပြီး အားလုံး၏ အာရုံကို ရယူရန် လက်ဝါးချင်း ရိုက်လိုက်သည်။ ထို့နောက် စိတ်အေးလက်အေး လေသံဖြင့် ပြောလိုက်သည်။ </p> <p style="text-align:justify">"ပွဲအစပိုင်းမှာ ရလဒ်အတွက် အရမ်း စိုးရိမ်မနေနဲ့... ပွဲမစခင်က ပြောထားတဲ့ နည်းဗျူဟာတွေကိုပဲ အကောင်းဆုံး အကောင်အထည်ဖော်ဖို့ မှတ်ထားကြ... ကျန်တာကို ငါ့ကိုပဲ လွှတ်ထားလိုက်..."</p> <p style="text-align:justify">သူ့ကို မမြင်ရဘူး ဟုတ်လား။</p> <p style="text-align:justify">သူ အရင်က သိပ်မလှုပ်ရှားခဲ့သည်မှာ နည်းဗျူဟာ ဘောင်အတွင်း၌ ရှိနေသောကြောင့် ဖြစ်သည်။ မန်ယူကသာ တိုက်စစ်ပုံစံသို့ ပြန်ပြောင်းလိုက်လျှင် သူသည် လီဗာပူး ပရိသတ်များ၏ ပါးစပ်ကို ပိတ်ပစ်မည်ဖြစ်သည်။ </p> <p style="text-align:justify">အခုလုပ်ရမှာက ပွဲရဲ့ အရှိန်ကို ထိန်းထားဖို့နှင့် လီဗာပူးကို ထပ်ပြီး ဂိုးမပေးရဖို့ပင်…။</p> <p style="text-align:justify">***</p>


Save