Book List

<h2 style="text-align: center;">အခန်း (၄၀၅)</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p style="text-align:justify">သူက ချက်ချင်းပင် ခေါင်းမော့ကြည့်လိုက်ပြီး ခံစစ်ကစားသမားများ၏ တည်နေရာကို အကဲခတ်လိုက်သည်။ </p> <p style="text-align:justify">အဝေးပြေး စစ်ဆင်ရေးတစ်ခုတွင် အရေးကြီးဆုံးက ဘာလဲ။ </p> <p style="text-align:justify">လူအများစုက အရှိန်ဟု ပြောကြပေလိမ့်မည်။ သို့သော် လက်တွေ့တွင်မူ လမ်းကြောင်း ရွေးချယ်မှုသာ ဖြစ်သည်။ ခံစစ်ကစားသမားများ၏ တည်နေရာကို ခွဲခြမ်းစိတ်ဖြာရမည်။ သူတို့၏ အားနည်းချက်ကို ရှာဖွေရမည်။ ပြီးနောက် အသင်းဖော်များ၏ လှုပ်ရှားမှုနှင့် ပေါင်းစပ်ပြီး တိုက်စစ်လမ်းကြောင်းကို ဖော်ဆောင်ရမည် ဖြစ်သည်။ </p> <p style="text-align:justify"> breakthrough တစ်ခု ရပြီးနောက် ခံစစ်ကစားသမားတွေ ဘယ်ဘက်ကနေ လာပိတ်မလဲ၊ ဘယ်ဘက်က ဖိအား နည်းမလဲ ဆိုတာကို အချိန်တိုအတွင်း ဆုံးဖြတ်ရခြင်း ဖြစ်သည်။ ၎င်းက ကစားသမား၏ ပွဲဖတ်နိုင်စွမ်းကို စမ်းသပ်ခြင်းပင်။ </p> <p style="text-align:justify">မီလ်နာက ဘေးမှနေ၍ အသည်းအသန် ပြေးဝင်လာသလို ဗန်ဒိုက်ကလည်း ရှေ့မှ ဆီးကြိုနေသည်။</p> <p style="text-align:justify">“မင်း အရင်သွား” ဗန်ဒိုက်က အသံနက်ကြီးဖြင့် ပြောလိုက်သည်။ ချူဖုန်း ဘောလုံးကို ထိလိုက်သည့် အချိန်လေးကို သူ စောင့်ဆိုင်းနေခြင်း ဖြစ်သည်။ မီလ်နာကလည်း တွန့်ဆုတ်မနေဘဲ ချက်ချင်း ဝင်လုသည်။</p> <p style="text-align:justify">ချူဖုန်း၏ မျက်လုံးများ ကျဉ်းမြောင်းသွားသည်။ သူ အရှိန်ဖြင့် ပြေးနေစဉ်မှာပင် ကြွက်သားများက တင်းမာနေပြီး ညာခြေဖြင့် ဘောလုံးကို အသာအယာ ထိန်းကျောင်းနေသည်။ </p> <p style="text-align:justify">ထိပ်သီး ဘောလုံးထိန်းချုပ်မှုနှင့် ကိုင်တွယ်နိုင်စွမ်း ဆိုသည်မှာ ဘာလဲဆိုသည်ကို ပရိသတ်များ ယခုအခါ လက်တွေ့ မြင်တွေ့နေရပြီ ဖြစ်သည်။ ခြေထောက်က ဘောလုံးကို ထိန်းနေတာလား၊ ဘောလုံးက ခြေထောက်ကို လမ်းပြနေတာလား မခွဲခြားနိုင်လောက်အောင်ပင် ချောမွေ့လှသည်။</p> <p style="text-align:justify">မီလ်နာ ဘောလုံးလုရန် ပြင်လိုက်သည့် အချိန်မှာပင် ချူဖုန်း၏ အရှိန်က ရုတ်တရက် ပြောင်းလဲသွားသည်။ မီလ်နာ၏ ခြေထောက်က လွဲချော်သွားပြီး သူ ပြန်လှည့်ကြည့်ချိန်တွင် ချူဖုန်း၏ ကျောပြင်ကိုသာ မြင်လိုက်ရတော့သည်။ သူသည် ဗန်ဒိုက်ကိုသာ အားကိုးလိုက်ရတော့သည်။</p> <p style="text-align:justify">“အခုပဲ” </p> <p style="text-align:justify">ဗန်ဒိုက်၏ ဖျက်ထုတ်မှုမှာ အလွန် တိကျလှသည်။ ချူဖုန်း ဘောလုံးကို ထိလိုက်သည့် အချိန်လေးမှာပင် သူက ဝင်ရောက် တားဆီးလိုက်ခြင်း ဖြစ်သည်။ </p> <p style="text-align:justify">သူသည် ချူဖုန်း၏ မျက်လုံးများကို စိုက်ကြည့်နေသည်။ အကောင်းဆုံး နောက်ခံလူများသည် ဘောလုံးကို မကြည့်ဘဲ တိုက်စစ်မှူး၏ ဟန်ချက်ကိုသာ ကြည့်၍ ဆုံးဖြတ်တတ်ကြသည်။</p> <p style="text-align:justify">ရုတ်တရက်… အရေးကြီးသော အချိန်တွင် ချူဖုန်းက ဘောလုံးကို ဘယ်ဘက်သို့ ဆွဲလှည့်လိုက်ရာ မာတစ် ကျန်ရစ်ခဲ့သော နေရာလွတ်ထဲသို့ ရောက်ရှိသွားသည်။ မာတစ်က ထောင့်ကန်ဘော တက်ကစားထားသဖြင့် ပြန်မဆင်းနိုင်သေးပေ။ သို့သော် ဗန်ဒိုက်က ကြိုတင် ပြင်ဆင်ထားသဖြင့် ချက်ချင်းပင် လိုက်ပါလာသည်။ ၎င်းက ထိပ်တန်းအဆင့် တိုက်စစ်နှင့် ခံစစ် အားပြိုင်မှုပင် ဖြစ်သည်။</p> <p style="text-align:justify">ဗန်ဒိုက် လမ်းကြောင်း ပြောင်းလိုက်သည့် အချိန်မှာပင် ချူဖုန်းက သူ၏ ဘယ်ခြေကို ဘေးတိုက် ယိမ်းလိုက်ရာ ၎င်းက အလွန် မြန်ဆန်ပြီး လျှို့ဝှက်လှသည်။ ထို့ပြင် သူ၏ ဟန်ချက်ကို အသုံးချကာ တစ်ဖက်လူကို လှည့်စားလိုက်ခြင်း ဖြစ်သည်။ </p> <p style="text-align:justify">လီဗာပူး ပရိသတ်များ မျှော်လင့်ချက် ကုန်ဆုံးလုနီးပါး အချိန်တွင် ဗန်ဒိုက်က ကမ္ဘာ့အဆင့် နောက်ခံလူ တစ်ဦး၏ စွမ်းဆောင်ရည်ကို ပြသကာ သူ၏ ခန္ဓာကိုယ်ကို အတင်း လှည့်၍ ချူဖုန်း၏ ဘောလုံးထိမှုကို နှောင့်ယှက်လိုက်သည်။ ၎င်းကြောင့် ချူဖုန်း ဘောလုံးဆွဲရာတွင် အနည်းငယ် ပို၍ ကျယ်သွားရသည်။</p> <p style="text-align:justify">အဝေးပြေး တိုက်စစ်တစ်ခု၏ တိုတောင်းသော အချိန်အတွင်း အပိုလှုပ်ရှားမှုတိုင်းက အသက် အန္တရာယ်ကဲ့သို့ပင်။ အလီဆန်က ဂိုးပေါက်မှ ထွက်လာသည်။ သူ ဘောလုံးကို ထိရန်ပင် မလိုဘဲ ဂိုးပေါက်၏ အနီးဆုံးထောင့်ကို ပိတ်ဆို့ထားရန်သာ ကြိုးစားလိုက်သည်။ </p> <p style="text-align:justify">ဇီးရိုးဒီဂရီကနေ ဂိုးသွင်းဖို့လား။ ဒါက ပရော်ဖက်ရှင်နယ် ပွဲတွေမှာ တွေ့ရခဲလှသည်။ </p> <p style="text-align:justify">ပြီးတော့ ချူဖုန်းက ဘောလုံးကို ကောင်းကောင်း မထိန်းနိုင်တော့သဖြင့် မည်သို့ပင် ကန်သွင်းစေကာမူ ဂိုးဝင်ရန် မလွယ်ကူတော့ပေ။</p> <p style="text-align:justify">နောက်တန်းမှ ဒီဂီယာက သက်ပြင်းချလိုက်သည်။ သူ ရှင်းရှင်းလင်းလင်း မမြင်ရသော်လည်း ထိုဘောလုံး ဂိုးမဝင်နိုင်တော့သည်ကို သူ သိသည်။ ချူဖုန်းက အရှိန်အကုန် မြှင့်ထားသဖြင့် ဂိုးစည်းနှင့် ပို၍ ပို၍ နီးကပ်လာသည်။ သူသည် ဂိုးသွင်းရန် အစီအစဉ်ကို ချက်ချင်း လက်လျှော့လိုက်သည်။</p> <p style="text-align:justify">လောင်းကြေးထပ်လိုက်ရအောင်…။ </p> <p style="text-align:justify">သူ၏ အသင်းဖော်များ ထပ်ကြပ်မကွာ လိုက်ပါလာလိမ့်မည်ဟု သူက ယုံကြည်လိုက်ခြင်း ဖြစ်သည်။ သူသည် ဘောလုံးကို ကျော်ကာ ခြေလှမ်းလိုက်ပြီး သူ၏ ညာဘက် ဖနောင့်ဖြင့် နောက်သို့ ခတ်ပေးလိုက်တော့သည်။</p> <p style="text-align:justify">ဖပ်…</p> <p style="text-align:justify">ပြတ်သားသော အသံနှင့်အတူ ဘောလုံးက နောက်စည်းပေါ်မှ ပြန်လည် ထွက်ပေါ်လာပြီး ဂိုးဧရိယာ အစွန်းဆီသို့ တြိဂံပုံစံ လိမ့်တက်သွားသည်။ ထို့နောက်တွင်တော့ အလီဆန် မြင်လိုက်ရသည်မှာ ဗန်ဒိုက်ထက်ပင် ပို၍ မြန်သော အရှိန်ဖြင့် ပြေးဝင်လာသော ရက်ရှ်ဖို့ဒ်က ဘောလုံးကို လီဗာပူး ဂိုးပေါက်ထဲသို့ အပိုင် ကန်သွင်းလိုက်ခြင်းပင် ဖြစ်ပါတော့သည်။</p> <p style="text-align:justify">"ဂိုးဝင်သွားပြီ… ဂိုးဝင်သွားပြီဗျာ"</p> <p style="text-align:justify">"မန်ချက်စတာ ယူနိုက်တက်ဟာ မိနစ်ငါးဆယ်လုံးလုံး လီဗာပူးရဲ့ ဖိအားပေးမှုကို အသည်းအသန် တောင့်ခံခဲ့ရတာပါ... အခုတော့ တန်ပြန်တိုက်စစ် အခွင့်အရေးကို အမိအရ ဆုပ်ကိုင်ပြီး ချေပဂိုး သွင်းယူသွားနိုင်ခဲ့ပါပြီ"</p> <p style="text-align:justify">"ဒီဂိုး ဖြစ်ပေါ်လာပုံက တကယ့်ကို မှော်ဆန်လွန်းတယ်လို့ ပြောရမယ်... ချူဖုန်းက ဘယ်အချိန်ကတည်းက နောက်ဆုတ်သွားမှန်းတောင် မသိလိုက်ရဘူး... ဖာဘင်ညိုရဲ့ အဝေးကန်ချက်ကို ဟန့်တားခဲ့ရုံတင် မကဘူး။ အခြေအနေကို အသုံးချပြီး အံ့မခန်း အဝေးပြေး တိုက်စစ်တစ်ခုကိုပါ အဆုံးသတ်နိုင်ခဲ့တာပါ..."</p> <p style="text-align:justify">"ဒုတိယပိုင်း ၅၃ မိနစ်မှာ မန်ယူတို့ ချေပဂိုး ရသွားပါပြီ"</p> <p style="text-align:justify">နဗီးလ်သည် လက်သီးကို ကျစ်ကျစ်ပါအောင် ဆုပ်ကာ ဟိန်းဟောက် အော်ဟစ်လိုက်တော့သည်။ အိမ်မက်ပြဇာတ်ရုံကြီး တစ်ခုလုံး ပရိသတ်သောင်းပေါင်းများစွာ၏ အောင်ပွဲခံသံများဖြင့် တုန်ဟည်းသွားပြီး ကွင်း၏ ထောင့်တိုင်းတွင် ထိုအသံများ ပဲ့တင်ထပ်နေသည်။</p> <p style="text-align:justify">ရက်ရှ်ဖို့ဒ်မှာလည်း စိတ်လှုပ်ရှားမှုများစွာဖြင့် မြေပြင်ပေါ်တွင် ဒူးတိုက်လျှောထိုးကာ အောင်ပွဲခံလိုက်သည်။ ယခုအခါ မန်ယူသည် ၄-၃-၁-၂ ပုံစံဖြင့် ကစားလေ့ရှိသဖြင့် သူ ပွဲထွက်ခွင့်ရခဲလှသည်။ </p> <p style="text-align:justify">ယနေ့ကဲ့သို့ အရေးကြီးသော ပွဲစဉ်တွင် လီဗာပူးကဲ့သို့ ပြိုင်ဘက်မျိုးကို အဆုံးအဖြတ်ဂိုး သွင်းယူနိုင်ခဲ့ခြင်းမှာ သူ့ကို များစွာ ပျော်ရွှင်စေလေသည်။</p> <p style="text-align:justify">"မင်း ငါ့ကို ကျော်ပြီး ပေးနိုင်မယ်ဆိုတာ ငါသိလို့ တောက်လျှောက် လိုက်လာတာဟေ့" ရက်ရှ်ဖို့ဒ်နှင့် ချူဖုန်းတို့ လက်ဝါးချင်း ရိုက်လိုက်ကြသည်။</p> <p style="text-align:justify">တန်ပြန်တိုက်စစ်များ ထိရောက်သည်ဖြစ်စေ၊ မထိရောက်သည်ဖြစ်စေ ကစားသမားများ လုပ်ဆောင်ရမည့် အခြေခံအချက်မှာ ရပ်ကြည့်မနေဘဲ အစွမ်းကုန် လိုက်ပါရန်ပင် ဖြစ်သည်။ ၎င်းမှာ မော်ရင်ညိုက သူ၏ ကစားသမားများအပေါ် ထားရှိသော အနိမ့်ဆုံး စံနှုန်းလည်း ဖြစ်သည်။ </p> <p style="text-align:justify">ဘောလုံးသမိုင်းတွင် အံ့ဖွယ်ဖြစ်ရပ်များစွာ ရှိခဲ့သော်လည်း ထိုအရာအားလုံး၏ အခြေခံမှာ ကစားသမားများက လက်မလျှော့ဘဲ ကြိုးစားခဲ့ခြင်းကြောင့်သာ ဖြစ်သည်။</p> <p style="text-align:justify">နူးကမ့်ကွင်းမှ အံ့ဖွယ်ဖြစ်ရပ်၊ အစ္စတန်ဘူလ်မှ အံ့ဖွယ်ဖြစ်ရပ်... </p> <p style="text-align:justify">ယခု လီဗာပူးကို သွင်းယူလိုက်သော ဂိုးသည် ထိုအဆင့်အထိ မရောက်သေးသော်လည်း မန်ယူကစားသမားများ၏ စိတ်ဓာတ်ကိုတော့ ထင်ထင်ရှားရှား ပြသနိုင်ခဲ့သည်။</p> <p style="text-align:justify">"ငါ နောက်ကို လှည့်ကြည့်ဖို့တောင် အချိန်မရခဲ့ဘူး... တကယ်လို့ ဗန်ဒိုက်ဆီ ဘောလုံးပါသွားပြီး လီဗာပူးက တန်ပြန်တိုက်စစ်ဆင်ရင် ငါတို့ နောက်တန်းမှာ လူမရှိတော့လို့ ဂိုးပေးရမှာ သေချာတယ်..." ချူဖုန်း ပြန်စဉ်းစားကြည့်ရင်း ရင်ထိတ်သွားမိသည်။</p> <p style="text-align:justify">ထိုစဉ်က သူ ဘာကိုမှ မစဉ်းစားမိဘဲ တစ်သက်တွင် တစ်ခါရခဲသော အခွင့်အရေးကို အလဟဿ မဖြစ်စေရန်သာ အာရုံစိုက်ခဲ့ခြင်း ဖြစ်သည်။ ကံကောင်းထောက်မစွာဖြင့် ရက်ရှ်ဖို့ဒ်က သူ၏နောက်တွင် ရှိနေခဲ့သည်။</p> <p style="text-align:justify">"ဒါက ကံတရားက ငါတို့ဘက်မှာ ရှိနေတယ်ဆိုတာ ပြတာပဲ... ဒီနေ့ လီဗာပူးကို ငါတို့ အနိုင်ယူရမယ်" မာရက်ဇ်က သူ၏ လက်မောင်းများကို ဝေ့ယမ်းကာ အားပေးလိုက်သည်။</p> <p style="text-align:justify">မန်ယူတွင် သူ ကုန်ဆုံးခဲ့သော အချိန်များသည် လက်စတာစီးတီးတွင် ချန်ပီယံဆုအတွက် အတူတူ ကြိုးစားခဲ့ကြစဉ်ကနှင့် ဆင်တူသည်ဟု သူ ခံစားရသည်။ ၎င်းမှာ ကစားသမားများအတွက် အကောင်းဆုံး ပတ်ဝန်းကျင်ပင် ဖြစ်သည်။</p> <p style="text-align:justify">"မိနစ် ၆၀ ပြည့်တော့မယ်... အားလုံး အစွမ်းကုန် ကြိုးစားကြစမ်း။ ငါတို့ အိမ်ကွင်းမှာ ကစားနေတာ။ အနိုင်မှတစ်ပါး အခြားမရှိဘူး" ချူဖုန်းက မန်ယူကစားသမားများကို ဦးဆောင်ကာ ပြန်လာခဲ့သည်။</p> <p style="text-align:justify">သူ လီဗာပူး ကစားသမားများကို ဖြတ်ကျော်သွားချိန်တွင် ဗန်ဒိုက်က မျက်မှောင်ကြုတ်ကာ မော့ကြည့်လိုက်သည်။ လီဗာပူး၏ ချူဖုန်းအပေါ် လူကပ်ကာကွယ်မှုမှာ အလွန် ထိရောက်ခဲ့သည်ဟု ဆိုနိုင်သည်။ </p> <p style="text-align:justify">သို့သော် ဒင်းက ဘယ်လိုလုပ်ပြီး အခွင့်အရေး ရသွားတာလဲ...။</p> <p style="text-align:justify">မဟုတ်ဘူး... ဒါက သူကိုယ်တိုင် ဖန်တီးယူခဲ့တဲ့ အခွင့်အရေးပဲ။</p> <p style="text-align:justify">ဗန်ဒိုက်က ထိုဂိုး ဖြစ်ပေါ်လာပုံကို သေသေချာချာ ပြန်လည် စဉ်းစားကြည့်သည်။ ချူဖုန်းသည် လျှို့ဝှက်စွာ နောက်ဆုတ်သွားခဲ့သလို အချိန်ကိုက်မှာလည်း အလွန် ဆိုးရွားလှသည်။ မူလက သူ အနီးကပ် လိုက်ကပ်ရန် ကြိုးစားခဲ့သော်လည်း သတိလက်လွတ် ဖြစ်သွားစဉ်မှာပင် ချူဖုန်းက သူ့ကို ခါထုတ်သွားခဲ့ခြင်း ဖြစ်သည်။</p> <p style="text-align:justify">ရှေ့သို့ ထပ်တိုးလိုက်လျှင် နောက်တန်းတွင် ဟာကွက်များ ဖြစ်ပေါ်သွားမည် ဖြစ်သဖြင့် ချူဖုန်းက ထောင့်ဖြတ်ဘောဖြင့် အလွယ်တကူ ဖောက်ထွက်သွားနိုင်သည်။ ရောဘတ်ဆန်၏ အရှိန်ကလည်း မာရက်ဇ်ကို မမီနိုင်သည်မှာ သေချာသည်။ ထို့ကြောင့် နေရာမပျက်ဘဲ ခံစစ်ဆင်ရန် ရွေးချယ်ခဲ့ခြင်းမှာ ပြဿနာ မဟုတ်ပေ။</p> <p style="text-align:justify">သို့သော် ချူဖုန်းက မီလ်နာနှင့် သူ့ကို ဆက်တိုက်ကျော်ဖြတ်ကာ အဝေးပြေး တိုက်စစ်ဆင်လိမ့်မည်ဟု မည်သူ ထင်ထားမည်နည်း။ နောက်ဆုံးတွင် သူ နှောင့်ယှက်နိုင်ခဲ့သော်လည်း ပါးနပ်လှသော ဖနောင့်ပေးပို့မှုက လီဗာပူး၏ ကြိုးစားအားထုတ်မှု အားလုံးကို အချည်းနှီး ဖြစ်စေခဲ့သည်။</p> <p style="text-align:justify">"ရပါတယ်... နောက်တစ်ခါကျရင် ဘောလုံးမရခင်မှာ ပတ်ဝန်းကျင်ကို သေသေချာချာ ကြည့်ထားကြ... မန်ယူကစားသမားတွေကို အလစ်ငိုက် တိုက်စစ်ဆင်ခွင့် မပေးနဲ့... ပွဲက အခုမှ ပြန်စတာလို့ပဲ သဘောထားလိုက်ကြ... ငါတို့မှာ အဝေးဂိုး အသာစီး ရထားတာပဲ" </p> <p style="text-align:justify">ဟန်ဒါဆန်က အသံကျယ်ကျယ်ဖြင့် အသင်းဖော်များကို အားပေးလိုက်သည်။</p> <p style="text-align:justify">သူ၏ အသင်းဖော်များ စိတ်ဓာတ်ကျသွားမည်ကို သူ မစိုးရိမ်သော်လည်း ဘောလုံး ကိုင်တွယ်ရာတွင် ဝေခွဲမရ ဖြစ်သွားမည်ကိုမူ သူ စိုးရိမ်မိသည်။</p> <p style="text-align:justify">"စိတ်မပူပါနဲ့... အခု ပျာယာခတ်နေရမှာက မန်ယူပဲ ဖြစ်ရမယ်... ငါတို့ ခဏလောက် ခံစစ်ဆင်မယ်။ ပြီးတော့မှ..." ဗန်ဒိုက်ကလည်း ထောက်ခံလိုက်သည်။</p> <p style="text-align:justify">မော်ရင်ညိုတွင် ပစ်မှတ်ထားသော နည်းဗျူဟာများ ရှိသကဲ့သို့ ကလော့ပ်တွင်လည်း ရှိသည် မဟုတ်ပါလား။ </p> <p style="text-align:justify">အမှန်တကယ်တော့ မန်ယူသည် ပြီးခဲ့သည့်ရာသီက ပရီးမီးယားလိဂ် ချန်ပီယံဆုကို ရရှိခဲ့ကတည်းက ဥရောပတစ်ခွင်လုံး၏ လေ့လာစောင့်ကြည့်ခြင်းကို ခံနေရခြင်း ဖြစ်သည်။ "တိုင်းပြည်ကို တည်ထောင်ဖို့က လွယ်ပေမဲ့ ထိန်းသိမ်းဖို့က ခက်တယ်" ဆိုသည့် စကားအတိုင်းပင်။</p> <p style="text-align:justify">သူတို့သည် မန်ယူ၏ အားသာချက်နှင့် အားနည်းချက်များကို အဏုကြည့်မှန်ဘီလူးဖြင့် ကြည့်သကဲ့သို့ အသေးစိတ် စစ်ဆေးခဲ့ကြသည်။ </p> <p style="text-align:justify">မော်ရင်ညိုသည် အဆိုးဆုံး အခြေအနေအတွက် ပြင်ဆင်ထားပြီး နည်းဗျူဟာသစ်များစွာကို ရှာဖွေထားသော်လည်း...</p> <p style="text-align:justify">ကလော့ပ်က အရန်ခုံတန်းသို့ လျှောက်သွားကာ အာနိုးလ်ကို ကြည့်ပြီး ပြောလိုက်သည်။ "မန်ယူရဲ့ ညာဘက်ခြမ်းမှာ အားနည်းချက် ရှိနေတယ်... ကန်တေ မပါတဲ့အခါ သူတို့ လှုပ်ရှားမှုအပိုင်းမှာ အားနည်းသွားတယ်... ဘယ်လောက်ပဲ တက်တက်ကြွကြွ ပြေးပြေး၊ အဲဒီ အားနည်းချက်ကို ဖုံးကွယ်လို့ မရဘူး..."</p> <p style="text-align:justify">"မင်း ကွင်းထဲ ရောက်သွားရင် တွန့်ဆုတ်မနေနဲ့... မန်ယူရဲ့ ညာဘက်ခြမ်းကိုပဲ ဖိတိုက်စမ်း... သူတို့ရဲ့ ခံစစ်အင်အားတွေ အဲဒီဘက်ကို ရောက်လာပြီဆိုရင် ငါတို့က ဘောလုံးကို တစ်ဖက်ခြမ်းကို လွှဲပြီး တိုက်စစ် အသာစီး ရအောင် လုပ်မယ်..."</p> <p style="text-align:justify">မန်ယူ ညာနောက်ခံလူ လုခ်ရှောသည် လေ့ကျင့်ရေးနှင့် စိတ်ဓာတ်ပိုင်းတွင် အလွန် ကောင်းမွန်သော်ငြား သူသည် ယခင်က ခြေထောက်ကျိုးဖူးသူ ဖြစ်သည်။ ခေတ်မီဆေးပညာက သူ့ကို မူလအတိုင်း ပြန်ဖြစ်အောင် မစွမ်းဆောင်နိုင်သေးပေ။ </p> <p style="text-align:justify">ထို့ကြောင့် ပေါက်ကွဲအားနှင့် လှုပ်ရှားနိုင်စွမ်း လျော့နည်းသွားသည့် ဒဏ်ကို သူ ခံစားနေရဆဲ ဖြစ်ကာ ၎င်းက သူ၏ ခံစစ်စွမ်းရည်ကို များစွာ အားနည်းစေသည်။ မက်တော်မီနေးမှာလည်း အလားတူပင်။ သို့သော် သူက ဒဏ်ရာကြောင့် မဟုတ်ဘဲ သူ၏ ရုပ်ပိုင်းဆိုင်ရာနှင့် ခန္ဓာကိုယ် တည်ဆောက်ပုံကြောင့်သာ ဖြစ်သည်။</p> <p style="text-align:justify">***</p>


Save