Book List

<h2 style="text-align: center;">အခန်း (၄၀၈)</h2> <h2 style="text-align: center;">*</h2> <p> </p> <p> </p> <p> </p> <p> </p> <p style="text-align:justify">“မင်း သူ့ကို ကြည့်ထား... ငါ ကူပေးမယ်” </p> <p style="text-align:justify">ဒေးဗစ်လူးဝစ်က အချိန်မီ ရောက်ရှိလာသဖြင့် ဝမ်ဘစ်ဆာကာ သက်ပြင်းချနိုင်သွားကာ ဝိုင်နယ်လ်ဒမ်ကို ဖိအားပေးရန် ရှေ့သို့ တိုးလိုက်သည်။</p> <p style="text-align:justify">ဝိုင်နယ်လ်ဒမ်က အခွင့်အရေး မပေးပေ။ ဖာမီနိုကလည်း အနီးအနားတွင် ရှိနေသလို လီဗာပူး ကစားသမားများမှာ ရုပ်သေးရုပ်များ မဟုတ်ကြပေ။ သူတို့သည်လည်း အချင်းချင်း ပူးပေါင်းရန် နေရာလွတ်များကို ရှာဖွေနေကြသည်။ ဖာမီနို ဘောလုံးရရှိပြီး ဝိုင်နယ်လ်ဒမ်ထံသို့ ပြန်ပေးလိုက်သည်။</p> <p style="text-align:justify">“ဒေးဗစ်လူးဝစ်က မာနေးကို သွားထိန်းနေပြီ... ဝိုင်နယ်လ်ဒမ်က ဂိုးဧရိယာထဲကို တိုက်ရိုက် ဝင်သွားနိုင်တယ်... မက်ဂွိုင်းယားကတော့ အချိန်မီ ရောက်လာမှာ မဟုတ်ဘူး”</p> <p style="text-align:justify">“ကန်သွင်းလိုက်ပြီ... အဝေးထောင့်ကို ကန်သွင်းလိုက်တာပါ”</p> <p style="text-align:justify">“လှပလိုက်တာ... လှပလိုက်တာ... လှပလိုက်တာဗျာ”</p> <p style="text-align:justify">“ဝိုင်နယ်လ်ဒမ် ဂိုးသွင်းသွားပြန်ပါပြီ လီဗာပူးအတွက် နောက်ထပ် ဂိုးတစ်ဂိုး ထပ်ရလိုက်ပြန်ပြီ... အနိုင်ရဖို့ အခွင့်အရေးက လီဗာပူးဘက်ကို တိမ်းညွှတ်သွားပြီဗျာ”</p> <p style="text-align:justify">“ဒီဂိုးက မန်ယူကို အကျပ်အတည်းထဲကို တွန်းပို့လိုက်တာပဲ”</p> <p style="text-align:justify">“ယူအီးအက်ဖ်အေရဲ့ သမိုင်းဝင် အချက်အလက်တွေအရဆိုရင် ချန်ပီယံလိဂ် ပထမအကျော့မှာ နှစ်ဂိုးပြတ် ရှုံးထားတဲ့အသင်းက ဒုတိယအကျော့မှာ ပြန်နိုင်ဖို့ အခွင့်အရေးဟာ ၃ ရာခိုင်နှုန်းတောင် မရှိပါဘူး”</p> <p style="text-align:justify">“အတိအကျ ပြောရရင် ၁.၆၉ ရာခိုင်နှုန်းပဲ ရှိတာပါ ချယ်လ်ဆီးနဲ့ ဘာစီလိုနာတို့ပဲ ဒါကို လုပ်နိုင်ခဲ့တာ... မန်ယူက ဒီသမိုင်းကို ပြန်ရေးချင်တာလား...”</p> <p style="text-align:justify">“လီဗာပူးက ခွင့်ပြုမပြု အရင်မေးရဦးမယ်”</p> <p style="text-align:justify">ကာရေဂါသည် စိတ်လှုပ်ရှားလွန်းသဖြင့် ပွဲပြီးသွားပြီဟုပင် ထင်မှတ်နေမိသည်။ ဝိုင်နယ်လ်ဒမ်က ဂိုးသွင်းပြီးနောက် ထောင့်အလံဆီသို့ ပြေးသွားကာ ကင်မရာကို ငုံ့နမ်းလိုက်သည်။ ထိုအချိန်မှာပင် လီဗာပူး ပရိသတ် နှစ်ထောင်ကျော်မှာလည်း သူတို့၏ လည်စည်းများကို ဝေ့ယမ်းကာ ရူးသွပ်စွာ အော်ဟစ် အားပေးနေကြသည်။</p> <p style="text-align:justify">သူတို့ မန်ယူကို မနိုင်ခဲ့တာ ဘယ်လောက်တောင် ကြာခဲ့ပြီလဲ။ မနှစ်ကရော ဒီနှစ်မှာပါ တစ်ပွဲမှ မနိုင်ခဲ့ဘဲ မန်ယူ လိဂ်ချန်ပီယံ ဖြစ်သွားတာကိုတောင် ငေးကြည့်ခဲ့ရသည်။ </p> <p style="text-align:justify">သူတို့၏ ရန်သူတော်ကြီး အောင်မြင်နေသည်ကို ကြည့်ရခြင်းမှာ လီဗာပူး ပရိသတ်များအတွက် အလွန် နာကျင်စရာ ကောင်းလှသည်။ အခုတော့ သူတို့ လက်စားချေရန် အခွင့်အရေး ရပြီ ဖြစ်သည်။ သူတို့သည် မန်ယူကို ကျော်ဖြတ်ပြီး ဥရောပ၏ ထိပ်ဆုံးမှာ ရပ်တည်ချင်ကြသည်။</p> <p style="text-align:justify">“Allez Allez Allez”</p> <p style="text-align:justify">နဗီးလ်သည် နားကွဲမတတ် ဆူညံနေသော အားပေးသံများကို နားထောင်ရင်း မျက်နှာပျက်နေမိသည်။ မန်ယူ ချေပဂိုး ပြန်သွင်းနိုင်လိမ့်မည်ဟု သူ ထင်ခဲ့သော်လည်း လီဗာပူးကသာ ထပ်မံ ဂိုးသွင်းသွားခဲ့သည်။ </p> <p style="text-align:justify">မန်ယူကစားသမားများမှာလည်း ထိုနည်းအတိုင်းပင်။ ဒီဂီယာသည် စိတ်ပျက်လက်ပျက်ဖြင့် ဂိုးတိုင်ကို ကန်လိုက်သည်။ သူက အသင်းဖော်များကို အပြစ်တင်နေခြင်း မဟုတ်ဘဲ ထိုဘောလုံးကို သူ ကာကွယ်နိုင်လိမ့်မည်ဟု ထင်ထားခဲ့သောကြောင့် ဖြစ်သည်။ သို့သော် ထိုနောက်ဆုံး စင်တီမီတာ အနည်းငယ်မှာ သူနှင့် အဝေးကြီး ဖြစ်နေခဲ့သည်။</p> <p style="text-align:justify">ပေါ့ဘာ၏ မျက်နှာတွင်လည်း မိမိကိုယ်ကိုယ် အပြစ်တင်စိတ်များ ပြည့်နှက်နေသည်။ သူက လူစွမ်းပြချင်၍ မဟုတ်ဘဲ အသင်းအတွက် တစ်ခုခု လုပ်ပေးချင်သော စိတ်ကြောင့်သာ ဖြစ်သည်။ သို့သော် ရလဒ်ကတော့ ရက်စက်လွန်းလှသည်။</p> <p style="text-align:justify">နဗီးလ်က စိတ်ကို ပြန်ထိန်းပြီး ဝေဖန်လိုက်သည်။ “ပြီးခဲ့တဲ့ရာသီမှာ ပေါ့ဘာ ဘောလုံး ဆုံးရှုံးခဲ့တာ အကြိမ်ပေါင်း ၆၀၂ ကြိမ်တောင် ရှိတယ်... ဒါက မန်ယူမှာတင် မဟုတ်ဘူး။ ပရီးမီးယားလိဂ်မှာပါ အများဆုံးပဲ”</p> <p style="text-align:justify">“ငါတို့ခေတ်တုန်းကဆိုရင် မင်း ဘောလုံးကို မလိုအပ်ဘဲ နှစ်ချက်ထက် ပိုထိလိုက်တာနဲ့ အသင်းခေါင်းဆောင် ကိန်းရဲ့ ဆဲဆိုမှုကို ခံရမှာပဲ”</p> <p style="text-align:justify">“အရင် ကိုဗင်ထရီနဲ့ ပွဲမှာ ငါ ဘောလုံး ဖြတ်မတင်ခင် ဟန်ချက်ပြင်ဖို့ ခဏ စောင့်လိုက်တာနဲ့တင် ကိန်းက ဟောင်နေတဲ့ ခွေးတစ်ကောင်လို ငါ့ကို ဆဲတော့တာပဲ... ငါ့ကို တကယ် ရိုက်တော့မယ်တောင် ထင်မိတယ်”</p> <p style="text-align:justify">“အသင်းခေါင်းဆောင် တစ်ယောက်အနေနဲ့ ချူဖုန်းက သူ့ရဲ့ တာဝန်ကို ပုခုံးထမ်းသင့်ပြီလို့ ငါ ယုံကြည်တယ်”</p> <p style="text-align:justify">အမှန်တကယ်တော့ ချူဖုန်းလည်း ထိုသို့ပင် လုပ်ဆောင်နေခြင်း ဖြစ်သည်။ သူသည် ပေါ့ဘာ၏ အန္တရာယ်ရှိသော ပေးပို့မှုများကို ဂရုမစိုက်ပေ။ အဘယ်ကြောင့်ဆိုသော် ထိုအခြေအနေတွင် ဘောလုံး ဆုံးရှုံးလျှင်ပင် လီဗာပူးအနေဖြင့် ခံစစ်တန်း သုံး၊ လေးတန်းကို ဖြတ်ကျော်ရဦးမည် ဖြစ်သဖြင့် ထိရောက်သော တန်ပြန်တိုက်စစ် ဆင်ရန် မလွယ်ကူသောကြောင့် ဖြစ်သည်။ သို့သော် ပေါ့ဘာ၏ တည်နေရာမှာ အလွန် အရေးကြီးလှသည်။</p> <p style="text-align:justify">“ဖာဘင်ညိုက မင်းကို အနီးကပ် လူကပ်ထားတာ... သူက မင်းကို ဘောလုံးလက်ခံဖို့၊ လှည့်ဖို့ ဒါမှမဟုတ် တစ်ချက်၊ နှစ်ချက် ထိဖို့တောင် အချိန်ပေးမှာ မဟုတ်ဘူး...”</p> <p style="text-align:justify">“ဒါကြောင့် မင်း ပိုပြီး ပြတ်ပြတ်သားသား ဆုံးဖြတ်ရမယ်။ ဘောလုံးကို တတ်နိုင်သမျှ မြန်မြန် ပေးထုတ်ပစ်ရမယ်...”</p> <p style="text-align:justify">“မင်း ပြိုင်ဘက် ခံစစ်ကို ခြိမ်းခြောက်နိုင်မယ်လို့ ငါ ယုံကြည်တယ်... ငါတို့အားလုံးလည်း မင်းကို ကူညီဖို့ ရှေ့မှာ အသင့်ရှိနေမှာပါ...”</p> <p style="text-align:justify">ချူဖုန်းက ပေါ့ဘာကို အပြစ်တင်ခြင်း မပြုဘဲ သူ၏ အမှားကိုသာ ထောက်ပြကာ ဘာလုပ်သင့်သည်ကို ပြောပြလိုက်သည်။ အဘယ်ကြောင့်ဆိုသော် ပေါ့ဘာကဲ့သို့ စိတ်ခံစားမှု ပြင်းထန်သူကို ပြင်းပြင်းထန်ထန် ပြောလိုက်ပါက ပို၍ ဆိုးသွားနိုင်သောကြောင့် ဖြစ်သည်။ </p> <p style="text-align:justify">ပေါ့ဘာကလည်း သူ၏ အမှားကို သိသည်။ သူက စိတ်ခံစားမှုပေါ် မူတည်ပြီး ကစားတတ်သူ ဖြစ်သည်။ စိတ်အခြေအနေ ကောင်းလျှင် ကမ္ဘာ့အဆင့် ကွင်းလယ်လူဖြစ်သော်လည်း စိတ်မပါလျှင်မူ အလွန် ညံ့ဖျင်းသွားတတ်သည်။</p> <p style="text-align:justify">“ချူ... နောက်တစ်ခါကျရင် ငါ ပိုပြီး သတိထားပါ့မယ်...” ပေါ့ဘာက တိုးတိုးလေး ပြောလိုက်သည်။</p> <p style="text-align:justify">“အင်း...” ချူဖုန်းက ခေါင်းညိတ်ပြကာ အသင်းဖော်များကို ကြည့်ပြီး အသံကျယ်ကျယ်ဖြင့် ပြောလိုက်သည်။ </p> <p style="text-align:justify">“မနှစ်ကလည်း ငါတို့ လီဗာပူးကို အနောက်ကနေ လိုက်ကစားခဲ့ရတာပဲ... နောက်ဆုံးမှာ ငါတို့ သူတို့ကို ကျော်ဖြတ်နိုင်ခဲ့တာ မမေ့နဲ့ဦး...”</p> <p style="text-align:justify">“ဖိအားတွေ အများကြီး မထားကြနဲ့... ဒီပွဲမှာ ငါတို့ ရှုံးခဲ့ရင်တောင် ငါတို့မှာ အခွင့်အရေး ရှိသေးတယ်”</p> <p style="text-align:justify">“အားလုံးပဲ စိတ်ကို တည်တည်ငြိမ်ငြိမ် ထားပြီး အကောင်းဆုံး ဆက်ကြိုးစားကြရအောင်”</p> <p style="text-align:justify">ဘောလုံးပွဲတွင် အရှုံးနှင့် ရင်ဆိုင်ရခြင်း၊ အမှားလုပ်မိခြင်းနှင့် မမျှော်လင့်ထားသော အရာများ ဖြစ်ပေါ်ခြင်းမှာ သဘာဝပင် ဖြစ်သည်။ အရေးကြီးသည်မှာ စိတ်ဓာတ်ကို မည်မျှအထိ ထိန်းထားနိုင်သလဲ ဆိုသည့် အချက်ပင်။</p> <p style="text-align:justify">ချူဖုန်းသည် ဤထက် ပို၍ မှောင်မိုက်သော ကာလများကို ဖြတ်ကျော်ခဲ့ဖူးသည်။ ထို့ကြောင့်ပင် သူက အရှုံးမပေးဘဲ မည်သည့်ပွဲကိုမဆို အစွမ်းကုန် ကြိုးစားနေခြင်း ဖြစ်သည်။ ဒါက မိမိကိုယ်ကိုယ် တာဝန်ယူခြင်းပင်။</p> <p style="text-align:justify">သို့သော် သူ၏ စကားများမှာ အသင်းဖော်များအပေါ် သိပ်ပြီး သက်ရောက်မှု မရှိလှပေ။ လူတိုင်းမှာ သူ၏ အတွေ့အကြုံမျိုး ရှိနေကြသည် မဟုတ်ပေ။ ကိုယ့်အိမ်ကွင်းတွင် လီဗာပူးကို သုံးဂိုးအထိ ပေးလိုက်ရခြင်းက မန်ယူကစားသမားများကို အလွန် စိတ်ပျက်သွားစေခဲ့ပြီး သူတို့အားလုံး ချက်ချင်းပင် နုံးခွေသွားကြတော့သည်။</p> <p style="text-align:justify">"ပွဲပြီးဆုံးသွားပါပြီ"</p> <p style="text-align:justify">"မန်ချက်စတာ ယူနိုက်တက် ၁-၃ လီဗာပူး... ဒီနေ့ အိုးထရက်ဖို့ဒ်မှာ ဘာတွေ ဖြစ်ပျက်သွားသလဲဆိုတာ ဘယ်သူမှ ကြိုတင် တွေးဆထားမှာ မဟုတ်ပါဘူး”</p> <p style="text-align:justify">"လီဗာပူးတို့ အဖိုးတန် အောင်ပွဲကို အရယူသွားနိုင်ခဲ့ပါပြီ။ မာနေး၊ ဆာလာနဲ့ ဝိုင်နယ်လ်ဒမ်တို့ဟာ ဒီနေ့ပွဲရဲ့ ကြယ်ပွင့်တွေ ဖြစ်ခဲ့သလို သူတို့ရဲ့ ပြောင်မြောက်တဲ့ ဂိုးသုံးဂိုးနဲ့အတူ အရင်က ရှုံးနိမ့်မှုတွေကို အကြွေးပြန်ဆပ်လိုက်တာလည်း ဖြစ်ပါတယ်”</p> <p style="text-align:justify">"ဒါပေမဲ့ လီဗာပူးရဲ့ အံ့မခန်း တိုက်စစ်ထက် သူတို့ရဲ့ နောက်တန်းခံစစ်အကြောင်းကို ကျွန်တော် ပိုပြောချင်ပါတယ်”</p> <p style="text-align:justify">"မန်ယူ နံပါတ် (၇) က ဘယ်လောက်အထိ သန်မာတယ်ဆိုတာ တစ်ကမ္ဘာလုံး သိပါတယ်။ သူက အခွင့်အရေး မဟုတ်တာတွေကိုတောင် အခွင့်အရေး ဖြစ်အောင် လုပ်နိုင်ပြီး ကွင်းထဲမှာ အံ့ဖွယ်တွေ ဖန်တီးနိုင်သူပါ... ဒါပေမဲ့ ဒီနေ့တော့ သူ မစွမ်းဆောင်နိုင်ခဲ့ဘူး"</p> <p style="text-align:justify">"ဘာလို့လဲဆိုတော့ လီဗာပူးရဲ့ ခံစစ်က တကယ်ကို တောင့်တင်းလွန်းလို့ပါ။ ကစားသမားတိုင်းက စိတ်ဓာတ်ပြင်းပြင်းနဲ့ ကွင်းရဲ့ နေရာအနှံ့မှာ ကိုယ်ချင်းတိုက်ပြီး မန်ယူရဲ့ တိုက်စစ် စည်းချက်ကို ဖျက်ဆီးပစ်ခဲ့တာ ဖြစ်ပါတယ်"</p> <p style="text-align:justify">ကာရေဂါက စကားပြောရင်း ပို၍ စိတ်လှုပ်ရှားလာသည်။ လတ်တလော မန်ယူနှင့် လီဗာပူး တွေ့ဆုံမှု နှစ်ပွဲစလုံးတွင် လီဗာပူးက ရှုံးနိမ့်ထားသဖြင့် လီဗာပူး ဂန္ထဝင်တစ်ဦးဖြစ်သော သူ့အတွက် လွန်စွာ ခံရခက်ခဲ့သည်မှာ သဘာဝပင်။ </p> <p style="text-align:justify">ယနေ့တွင်မူ မန်ယူကို အနိုင်ယူပြီး အရှက်ပြန်ဆပ်နိုင်ခဲ့ပြီ မဟုတ်ပါလား။</p> <p style="text-align:justify">သူသည် စိတ်လှုပ်ရှားမှုကို မထိန်းနိုင်တော့ဘဲ မိုက်ခရိုဖုန်းကို ကိုင်ကာ အော်ဟစ်လိုက်တော့သည်။ "အရင်က ကျွန်တော် ပြောခဲ့သလိုပါပဲ... ချန်ပီယံလိဂ်မှာ အဝေးဂိုးစည်းမျဉ်းနဲ့ နှစ်ကျော့ကစားတဲ့ ပုံစံ ပြောင်းလိုက်ကတည်းက ပထမအကျော့မှာ ၃-၁ နဲ့ နိုင်ထားတဲ့ အသင်းပေါင်း ၁၇၈ သင်း ရှိခဲ့ပါတယ်”</p> <p style="text-align:justify">"ဒါပေမဲ့ အဲဒီထဲကမှ သုံးကြိမ်ပဲ ဒုတိယအကျော့မှာ အနောက်ကနေ ပြန်လိုက်နိုင်ခဲ့တာပါ။ အဲဒီအသင်းတွေကတော့ ဘာစီလိုနာနဲ့ ချယ်လ်ဆီးတို့ပါပဲ။ သူတို့ရဲ့ ပြန်လည် အနိုင်ရနိုင်ခြေ ရာခိုင်နှုန်းက ၁.၆၉ ရာခိုင်နှုန်းပဲ ရှိပါတယ်"</p> <p style="text-align:justify">ကာရေဂါသည် မျက်နှာပျက်နေသော နဗီးလ်ကို တစ်ချက်ကြည့်ကာ လှောင်ပြောင်သော လေသံဖြင့် ဆက်ပြောသည်။ "ပြီးတော့ အဲဒီ အနိုင်ရခဲ့တဲ့ သုံးပွဲစလုံးမှာ တူညီတဲ့ အချက်တစ်ခု ရှိတယ်... အဲဒါက ပထမအကျော့ကို အဝေးကွင်းမှာ ရှုံးခဲ့ပြီး ဒုတိယအကျော့ကို ကိုယ့်အိမ်ကွင်းမှာ ပြန်နိုင်ခဲ့တာမျိုးပါ"</p> <p style="text-align:justify">"ဒါကြောင့် လက်ရှိအချိန်အထိ ပထမအကျော့ကို ကိုယ့်အိမ်ကွင်းမှာ ၁-၃ နဲ့ ရှုံးထားပြီး ဒုတိယအကျော့မှာ ပြိုင်ဘက်အိမ်ကွင်း သွားကစားပြီး ပြန်နိုင်ခဲ့တဲ့ အသင်းဆိုတာ သမိုင်းမှာ မရှိသေးပါဘူး”</p> <p style="text-align:justify">"မန်ယူက အံ့ဖွယ်တွေ အများကြီး ဖန်တီးဖူးတယ်ဆိုတာ ကျွန်တော် သိပါတယ်... ဒါပေမဲ့ ဂယ်ရီကို ကျွန်တော် မေးချင်တာက... မန်ယူတို့ အန်ဖီးလ်ကွင်းမှာ ဒါကို လုပ်နိုင်မယ်လို့ မင်း တကယ် ယုံကြည်လား”</p> <p style="text-align:justify">ကာရေဂါ၏ အသံအဆုံးတွင် ဝေဖန်ရေးခန်းတစ်ခုလုံး တိတ်ဆိတ်သွားသည်။ နဗီးလ်သည် စကားများစွာ ပြောချင်နေသော်လည်း ဝေခွဲမရသဖြင့် နှုတ်ခမ်းများ တဆတ်ဆတ် တုန်နေလေသည်။ သူ၏ အမူအရာကပင် သူ၏ အတွေးများကို ဖော်ပြနေသကဲ့သို့ ရှိသည်။</p> <p style="text-align:justify">အတော်ကြာမှ နဗီးလ်သည် ဆာ ဘက်စ်ဘီ၏ ရုပ်ထုရှိရာ တောင်ဘက်စင်္ကြံဆီသို့ လှမ်းကြည့်လိုက်သည်။ သူသည် အဘယ်ကြောင့်မှန်းမသိဘဲ ယုံကြည်မှုများ ပြန်လည် ရရှိလာပြန်သည်။ </p> <p style="text-align:justify">ထိုအတွေ့အကြုံမှာ မှောင်မိုက်နေသော အချိန်၌ မငြိမ်းနိုင်သော မီးတောက်တစ်ခုကဲ့သို့ပင်။ သရဲနီများသည် မည်သည့်အခါမျှ အရှုံးမပေးတတ်ကြောင်း သူ သိနေသည်။</p> <p style="text-align:justify">နဗီးလ်သည် တစ်ချိန်က မန်ယူအသင်းသား ဖြစ်ခဲ့သလို ယခုအခါတွင်လည်း မန်ယူပရိသတ်တစ်ဦး ဖြစ်သည်။ သူက သရဲနီများ၏ သွေးထဲတွင် မဆုတ်မနစ်သော ဇွဲလုံ့လ စီးဆင်းနေသည်ဟု ယုံကြည်ထားသည်။ မန်ယူသီချင်းထဲမှာပါသကဲ့သို့ပင်...</p> <p style="text-align:justify">"As the reds go marching on on on" </p> <p style="text-align:justify">နဗီးလ်က အသက်ကို ပြင်းပြင်းရှူကာ ပြတ်ပြတ်သားသား ပြောလိုက်သည်။ "ပွဲမပြီးခင် ဘာမှ ကြိုပြီး နိဂုံးမချုပ်လိုက်ပါနဲ့လို့ ဆာဖာဂူဆန်က ကျွန်တော်တို့ကို အရင်ကတည်းက သင်ပေးခဲ့တာပါ"</p> <p style="text-align:justify">"မြူးနစ် လေယာဉ်ပျက်ကျမှုကြီး ဖြစ်ပြီးတုန်းကလည်း ကျွန်တော်တို့ ပြန်ထနိုင်မယ်လို့ ဘယ်သူမှ မယုံကြည်ခဲ့ကြဘူး"</p> <p style="text-align:justify">"၁၉၉၉ ချန်ပီယံလိဂ် ဗိုလ်လုပွဲတုန်းကလည်း ကျွန်တော်တို့ အနောက်ကနေ ပြန်လိုက်နိုင်မယ်လို့ ဘယ်သူမှ မယုံကြည်ခဲ့ကြဘူး"</p> <p style="text-align:justify">"ဒီကမ္ဘာမှာ မချိုးဖျက်နိုင်သေးတဲ့ စံချိန်တွေ အများကြီး ရှိပါတယ်... ဒါပေမဲ့ ဒါက ဘယ်တော့မှ ဖြစ်မလာနိုင်ဘူးလို့ မဆိုလိုပါဘူး။ ပထမအကျော့ အိမ်ကွင်းမှာ ၁-၃ နဲ့ ရှုံးပြီး ဒုတိယအကျော့မှာ ပြန်နိုင်တဲ့ သမိုင်းကြောင်း ဘောလုံးလောကမှာ မရှိသေးဘူးဆိုရင်လည်း..."</p> <p style="text-align:justify">"ကျွန်တော်တို့အသင်းကပဲ အဲဒီသမိုင်းသစ်ကို စတင်ရေးထိုးမယ့်သူ ဖြစ်လာနိုင်ပါတယ်”</p> <p style="text-align:justify">နဗီးလ်က အနိုင်ရမည်ဟု အတိအကျ မပြောသော်လည်း ဖြစ်နိုင်ခြေရှိသည်ဟုသာ ဆိုလိုက်ခြင်း ဖြစ်သည်။ သူသည် အမြဲတမ်း ပွင့်ပွင့်လင်းလင်း ပြောဆိုတတ်သူ ဖြစ်သော်လည်း သူ၏ ကိုယ်ပိုင်စရိုက်ကတော့ မပြောင်းလဲပေ။ မန်ယူအသင်းသည် ယုံကြည်ထိုက်သော အသင်းဖြစ်သည်ဟု သူ ယူဆသည်။</p> <p style="text-align:justify">ဘယ်အသင်းမှ ထာဝရ မနိုင်နိုင်သလို အရှုံးဆိုတာလည်း ရှောင်လွှဲ၍ မရပေ။ သို့သော် အရှုံးနှင့် ရင်ဆိုင်ရချိန်တွင် ပြုမူပုံကသာ လူတစ်ဦးစီ၏ တန်ဖိုးကို ဆုံးဖြတ်ပေးခြင်း ဖြစ်သည်။</p> <p style="text-align:justify">နဗီးလ်က ကာရေဂါကို ဂရုမစိုက်တော့ဘဲ ကွင်းထဲက မန်ယူကစားသမားတွေကို ကြည့်ရင်း လေးလေးနက်နက် ပြောလိုက်သည်။ </p> <p style="text-align:justify">"ကလေးတွေအနေနဲ့ ဒီအရှုံးကနေ သင်ခန်းစာယူနိုင်ဖို့ ငါ မျှော်လင့်ပါတယ်... နောက်တစ်ပတ် အန်ဖီးလ်ကွင်းမှာ နီရဲသော မိစ္ဆာတွေရဲ့ စိတ်ဓာတ်နဲ့ ကစားပြကြစမ်းပါ။ နောက်ဆုံးရလဒ်က ဘာပဲဖြစ်ဖြစ် အစွမ်းကုန် ကြိုးစားခဲ့မယ်ဆိုရင် နောင်တရစရာ မရှိပါဘူး"</p> <p style="text-align:justify">ကာရေဂါသည်လည်း ထပ်မံ လှောင်ပြောင်ခြင်း မပြုတော့ပေ။ ပြိုင်ဘက်ကို လေးစားခြင်းမှာ မိမိကိုယ်ကိုယ် လေးစားခြင်းလည်း ဖြစ်သည်။ မန်ယူ၏ မဆုတ်မနစ်သော စိတ်ဓာတ်အပေါ် သူ၏ လေးစားမှုမှာ လီဗာပူး၏ "You'll never walk alone" စိတ်ဓာတ်အပေါ် လေးစားမှုပင် ဖြစ်သည်။</p> <p style="text-align:justify"><br /> ***</p>


Save