Book List

<h2 style="text-align: center;">အခန်း (၄၁၀)</h2> <h2 style="text-align: center;">*</h2> <p> </p> <p> </p> <p> </p> <p> </p> <p style="text-align:justify">မန်ချက်စတာယူနိုက်တက် ရှုံးနိမ့်သွားခြင်းကြောင့် မန်ချက်စတာမြို့ကြီး တိတ်ဆိတ်သွားခြင်း မရှိပေ။ ဆန့်ကျင်ဘက်အနေဖြင့် အီတီဟတ်ကွင်းတွင် အခြားချန်ပီယံလိဂ် ဆီမီးဖိုင်နယ် ပွဲစဉ်တစ်ခု ကျင်းပနေသည်။</p> <p style="text-align:justify">ဂွါဒီယိုလာနှင့် တန်ဟက်ဂ်တို့သည် ကွင်းဘေးတွင် အသီးသီး ရပ်နေကြသည်။ ထိပ်ပြောင်ပြောင် လူနှစ်ယောက်၏ မြင်ကွင်းမှာ တကယ့်ကို ထူးခြားလှပြီး ကလေးကဗျာတစ်ပုဒ်ကိုပင် ပြေးသတိရစေသည်။</p> <p style="text-align:justify">"ဘယ်သူနဲ့ ဘယ်သူ အဆင်ပြေလဲ... ဘူးသီးနဲ့ ဖရုံသီး အဆင်ပြေတယ်... လက်ချင်းချိတ်လို့ မရန်ဖြစ်ကြဘူး..."</p> <p style="text-align:justify">မန်ယူနှင့် လီဗာပူးပွဲနှင့်မတူဘဲ မန်စီးတီးသည် ပွဲကို အလုံးစုံ စိုးမိုးထားသည်။ ပွဲစပြီး ခုနစ်မိနစ်ပင် မပြည့်သေးမီ ဒီဘရိုင်းက မျှောပေးဘော တစ်ချက် ထိုးပေးလိုက်ရာ အဂူရို အတွက် ဂိုးသမားနှင့် တစ်ဦးချင်း ထိပ်တိုက်တွေ့သည့် အခွင့်အရေး ရသွားသည်။</p> <p style="text-align:justify">တင်ပါးဆုံကြီးကြီးနှင့် အိုနာနာကို ရင်ဆိုင်ရာတွင် အဂွဲရိုးက ကန်သွင်းမည့်ဟန်ဖြင့် လှည့်စားကာ နေရာလွတ်ရှာပြီး ဟာလာဟင်းလင်း ဖြစ်နေသော ဂိုးပေါက်ထဲသို့ အသာလေး ကန်သွင်းကာ မန်စီးတီးကို ဦးဆောင်စေခဲ့သည်။</p> <p style="text-align:justify">ထိုအချိန်တွင် ဝေဖန်ရေးခန်းအတွင်းရှိ မန်စီးတီး ဝေဖန်ရေးဆရာက ခနဲ့တဲ့တဲ့ ပြောလိုက်သည်။ "အို... အိုနာနာရဲ့ ခရုပတ်သလို နှေးကွေးတဲ့ လှုပ်ရှားမှုကို ကြည့်ဦး... သူ့တင်ပါးက အဆီတွေကို ထုတ်ပစ်ဖို့ လိုနေပြီ ထင်တယ်"</p> <p style="text-align:justify">"ဒီနေ့တော့ ဘေးအိမ်က မန်ယူတို့လို ပုံစံမျိုး ငါတို့ အဖြစ်မခံဘူး... ဘာရင်ခုန်သံမှ မလိုဘဲ အပြတ်အသတ် အနိုင်ယူပြမယ်"</p> <p style="text-align:justify">အီတီဟတ်ကွင်းအတွင်း ဟိန်းထွက်နေသော အားပေးသံများနှင့်အတူ မန်စီးတီးပရိသတ်များသည် လက်မောင်းများကို စိတ်လှုပ်ရှားစွာ ဝေ့ယမ်းနေကြသည်။ မန်စီးတီးသည် ပြီးခဲ့သည့်ရာသီက လီဗာပူးကို ရှုံးနိမ့်ခဲ့သည်။ </p> <p style="text-align:justify">နှစ်ကျော့ပေါင်း ၅-၁ ဆိုသော ရလဒ်ဆိုးမှာ မန်စီးတီးပရိသတ်များအတွက် နာကျင်စရာ အမှတ်တရ ဖြစ်နေဆဲပင်။ သူတို့သည် လီဗာပူးကို လက်စားချေရန် အမြဲတမ်း ချောင်းနေကြသည်။</p> <p style="text-align:justify">မန်ယူနှင့် ပတ်သက်လျှင်ကော...။</p> <p style="text-align:justify">မန်ယူသည် ပထမအကျော့တွင် လီဗာပူးကို ရှုံးနိမ့်ခဲ့သော်လည်း သူတို့၏ အစွမ်းကို မည်သူမျှ သံသယ မရှိကြပေ။ မန်စီးတီးပရိသတ်များသည် မန်ယူနှင့် ထိပ်တိုက်မတွေ့လိုကြသည်မှာ အမှန်ပင်။ အတိတ်ကို ပြန်ကြည့်လျှင် မန်ယူသည် မန်စီးတီး၏ ရန်သူတော်ကြီး ဖြစ်လာခဲ့သည်။ မန်စီးတီး မည်မျှပင် အသာစီးရနေပါစေ မန်ယူကို အနိုင်ယူရန် လက်တစ်ကမ်း အမြဲလိုနေတတ်သည်။</p> <p style="text-align:justify">မန်စီးတီးသည် အသင်းတည်ထောင်ကတည်းက ချန်ပီယံလိဂ်ဖလား တစ်ခါမှ မရဖူးသည်ကို သတိပြုသင့်သည်။ ထို့ကြောင့် မန်ယူကို လက်စားချေရန်မှာ နောက်ရာသီအထိ စောင့်ဆိုင်းရပေဦးမည်။ မန်စီးတီးပရိသတ်များသည် လီဗာပူးကို စိတ်ထဲမှ တိတ်တဆိတ် အားပေးနေကြပြီး မန်ယူကို ဖြုတ်ချကာ ဇွန်လဆန်းတွင် ကျင်းပမည့် ဗိုလ်လုပွဲသို့ တက်လှမ်းနိုင်ရန် မျှော်လင့်နေကြသည်။</p> <p style="text-align:justify">ထိုအချိန်တွင် မန်ယူပရိသတ်များ ဘာလုပ်နေကြသနည်း။</p> <p style="text-align:justify">သူတို့သည် ဘောလုံးပွဲ အဓိကပြသော ဘား တစ်ခုတွင် စုဝေးကာ ရုပ်မြင်သံကြား ဖန်သားပြင်ကို ငေးကြည့်နေကြသည်။</p> <p style="text-align:justify">"ငါတို့ လီဗာပူးကို ၁-၃ နဲ့ ဘယ်လိုလုပ် ရှုံးသွားတာလဲ... လုံးဝ နားမလည်နိုင်ဘူး။ အရင်က လီဗာပူးနဲ့ ကစားရင် ငါတို့ တောက်လျှောက် ဖိခံထားရပေမဲ့ တန်ပြန်တိုက်စစ်တွေက အမြဲတမ်း ရလဒ်ကောင်းခဲ့တာပဲ... ဒါပေမဲ့ မနေ့ကပွဲမှာတော့ လီဗာပူးရဲ့ ရူးသွပ်တဲ့ တိုက်စစ်တွေကိုပဲ မြင်နေရတယ်" </p> <p style="text-align:justify">လူငယ် မန်ယူပရိသတ်တစ်ဦးက စိတ်ပျက်လက်ပျက်ဖြင့် ဘီယာကို တစ်ကျိုက်တည်း မော့ချလိုက်သည်။</p> <p style="text-align:justify">ဘားကောင်တာ နောက်ကွယ်တွင် ဖန်ခွက်များကို သုတ်နေသော အဘိုးအိုမှာ ငိုက်မြည်းမနေတော့ဘဲ ရီမုကို ရှာကာ ပွဲမှတ်တမ်းတစ်ခုသို့ ပြောင်းလိုက်သည်။ ဖန်သားပြင်ပေါ်တွင် ပေါ်လာသော အချိန်မှာ - ၁၉၉၉ ခုနှစ်၊ မေလ ၂၆ ရက်၊ ည ၈ နာရီ ၄၅ မိနစ်။</p> <p style="text-align:justify">လူငယ် မန်ယူပရိသတ်သည် သူ၏ ဒေါသကို အပြင်သို့ ထုတ်မပြောရဲတော့ပေ။ အဘယ်ကြောင့်ဆိုသော် သူ၏ရှေ့တွင် ထိုင်နေသော အဘိုးအိုမှာ မိုက် ဖြစ်ပြီး မန်ယူအမာခံ ပရိသတ်အဖွဲ့အစည်း၏ ခေါင်းဆောင် တစ်ဦး ဖြစ်သောကြောင့်ပင်။ သူသည် ငါးနှစ်သား အရွယ်ကတည်းက သူ၏ဖခင်များ ခြေရာနင်းကာ မန်ယူကို အားပေးလာသူ ဖြစ်သည်။</p> <p style="text-align:justify">ရီမုခလုတ်များမှာ အနည်းငယ် လေးနေသဖြင့် မိုက်က အကြိမ်အနည်းငယ် ထပ်နှိပ်လိုက်ရာ ဖန်သားပြင်ပေါ်တွင် အခြားပွဲတစ်ခု ပေါ်လာပြန်သည်။ ၂၀၁၈ ခုနှစ်၊ မေလ ၂၇ ရက်၊ ည ၈ နာရီ ၄၅ မိနစ်။</p> <p style="text-align:justify">၁၉ နှစ်တာ ကွာခြားသော ထိုပွဲနှစ်ပွဲလုံးမှာ အံ့ဖွယ် comebackများ ပါဝင်နေသဖြင့် ဆင်တူနေကြသည်။ အဘိုးကြီး မိုက်သည် သူ၏ လွှဲကုလားထိုင်ပေါ်တွင် လဲလျောင်းကာ ကျေနပ်စွာ ခေါင်းညိတ်လိုက်သည်။</p> <p style="text-align:justify">သူ မန်ယူပရိသတ် ဖြစ်လာခဲ့သည်မှာ ၅၆ နှစ် ရှိပြီဖြစ်သည်။ ဖာဂူဆန် တည်ထောင်ခဲ့သော အနီရောင် အင်ပါယာကြီးကို သူ မြင်တွေ့ခဲ့ရသလို ဆာအဲလက်စ် ဖာဂူဆန် အနားယူသွားပြီးနောက် သရဲနီတို့၏ ကျဆုံးခန်းကိုလည်း သူ မြင်ခဲ့ရသည်။ နည်းပြများစွာ ပြောင်းလဲခဲ့သော်လည်း မထူးခြားသဖြင့် မန်ယူသည် ဤအတိုင်းပင် ရပ်တန့်နေတော့မည်ဟု သူ ထင်ခဲ့ဖူးသည်။</p> <p style="text-align:justify">သို့သော် မော်ရင်ညို ရောက်လာပြီးနောက် ဆုဖလား သုံးလုံး ယူဆောင်ပေးခဲ့ခြင်းမှာ အကြာကြီး ငြိမ်သက်နေသော မန်ယူပရိသတ်များအတွက် ရက်ပေါင်းများစွာ အောင်ပွဲခံစရာ ဖြစ်ခဲ့သည်။ သို့သော် အံ့သြစရာကောင်းသည်မှာ ၎င်းမှာ အိမ်မက်၏ အစပျိုးခြင်းသာ ဖြစ်နေသေးသည်။</p> <p style="text-align:justify">နောက်ဆုံးတွင် ဂုဏ်သိက္ခာ၏ ပြယုဂ်ဖြစ်သော နံပါတ် ၇ ဂျာစီကို ဆက်ခံမည့်သူ ပေါ်ထွက်လာပြီး ထိုဂျာစီနှင့် ပတ်သက်သော ကျိန်စာကို ပြတ်ပြတ်သားသား ချိုးဖျက်နိုင်ခဲ့သည်။ ပရီးမီးယားလိဂ် ဂိုးသွင်းစံချိန်ကို ချိုးဖျက်ကာ သူသည် ထိုဂန္ထဝင်ဂျာစီကို ဝတ်ဆင်ရန် ထိုက်တန်ကြောင်း သက်သေပြခဲ့သည်။</p> <p style="text-align:justify">မိုက်အနေဖြင့် ထိုမျှနှင့်တင် စိတ်လှုပ်ရှားနေမည် မဟုတ်ပေ။ သူသည် ပြီးခဲ့သည့် ရာသီက ချန်ပီယံလိဂ် ဗိုလ်လုပွဲကို ရုတ်တရက် သတိရလိုက်သည်။ ကြယ်ပွင့်များစွာ ပါဝင်သော ကြယ်စင်စုအသင်းကို ရင်ဆိုင်ရာတွင် မန်ယူ နိုင်လိမ့်မည်ဟု ဘယ်သူမှ မယုံကြည်ခဲ့ကြပေ။ သို့သော် ရလဒ်မှာ မမျှော်လင့်ဘဲ ထွက်ပေါ်လာခဲ့သည်။</p> <p style="text-align:justify">မန်ယူ နံပါတ် ၇ အသစ်မှာ မှော်အစွမ်း ရှိပုံရပြီး မန်ယူကို မဖြစ်နိုင်သော အောင်ပွဲဆီသို့ ဦးဆောင်ခဲ့သည်။ ချူဖုန်းက နောက်ဆုံး ပင်နယ်တီကို ကန်သွင်းလိုက်သည့် အချိန်တွင် ဘားတစ်ခုလုံး ဗုံးပေါက်ကွဲသကဲ့သို့ ဆူညံသွားပြီး သူ၏ အော်ဟစ်သံကို သူကိုယ်တိုင်ပင် မကြားရတော့ပေ။ ထိုအချိန်က ခံစားချက်မှာ သူ၏ နှလုံးသားထဲတွင် နက်နက်ရှိုင်းရှိုင်း စွဲထင်နေဆဲ ဖြစ်သည်။</p> <p style="text-align:justify">"လူငယ်လေး... စိတ်ရှည်စမ်းပါ... ဂုဏ်သိက္ခာဆီ သွားတဲ့လမ်းက အမြဲတမ်း ခက်ခဲတတ်တာပဲ"</p> <p style="text-align:justify">"နောက်ဆုံးမှာ ချန်ပီယံ မဖြစ်ခဲ့ရင်တောင် ဘာဖြစ်လဲ"</p> <p style="text-align:justify">"ပရိသတ်တွေ အနေနဲ့ အသင်းနဲ့အတူ အမြဲရှိနေပြီး အားပေးဖို့ကပဲ ငါတို့ လုပ်နိုင်တဲ့ တစ်ခုတည်းသော အရာပဲ"</p> <p style="text-align:justify">အဘိုးကြီး မိုက်၏ အသံနက်ကြီးကြောင့် ဘားအတွင်း အနည်းငယ် တိတ်ဆိတ်သွားသည်။ ထိုအချိန်တွင် ဘား၏ ထောင့်တစ်နေရာ၌...</p> <p style="text-align:justify">ချူဖုန်းသည် ထိုင်ခုံတွင် ထိုင်ကာ လိမ္မော်ရည် တစ်ငုံ သောက်လိုက်သည်။ မော်ရင်ညိုက အားလုံးကို တစ်ရက် အနားပေးထားသည်။ သူသည် အိမ်မှာ အနားမယူသလို လေ့ကျင့်ရေးကွင်းသို့လည်း မသွားဘဲ မန်ချက်စတာမြို့ထဲတွင် လမ်းလျှောက်နေခြင်း ဖြစ်သည်။</p> <p style="text-align:justify">အတွေးများက ခေါင်းထဲတွင် ဝဲပျံနေသည်။ မနက်စောစော မန်ချက်စတာမြို့မှာ တိတ်ဆိတ်နေပြီး ကွင်းအတွင်းက ဆူညံသံများနှင့် မတူသဖြင့် စိတ်ကို တည်ငြိမ်အောင် ထားရန် လွယ်ကူလှသည်။ သူသည် အိုးထရက်ဖို့ဒ်ကွင်းဆီသို့ ကားမောင်းသွားပြီး ဘက်စ်ဘီနှင့် ဖာဂူဆန်တို့၏ ရုပ်ထုများကို ငေးကြည့်နေမိသည်။</p> <p style="text-align:justify">အိုးထရက်ဖို့ဒ် အနားက ပန်းခြံတစ်ခုကို ဖြတ်သွားစဉ် မန်ယူဂျာစီအနီရောင် ဝတ်ထားသော ကလေးတစ်စုကို ချူဖုန်း မြင်လိုက်ရသည်။ သူတို့သည် ဘောလုံးကို အတင်းလုနေကြပြီး ဆိုဒါဗူးများဖြင့် ပြုလုပ်ထားသော ဂိုးပေါက်ထဲသို့ ဂိုးဝင်သွားချိန်တွင် ကလေးငယ်က လက်သီးကို ဝဟိန်းကာ အောင်ပွဲခံနေသည်။ ၎င်းကိုကြည့်ပြီး ချူဖုန်း ခပ်ပြုံးပြုံး ဖြစ်သွားမိသည်။</p> <p style="text-align:justify">သူ၏ ငယ်ဘဝကို ရုတ်တရက် သတိရမိသည်။ ထိုအချိန်က တရုတ်ပြည်တွင် ဘောလုံးကွင်းများစွာ မရှိသဖြင့် ကျောင်းလွယ်အိတ်များ၊ ပုလင်းခွံများကို ဂိုးတိုင်အဖြစ် သုံးခဲ့ကြရသည်။ </p> <p style="text-align:justify">ထိုစဉ်က အတူတူ ဘောလုံးကန်ခဲ့သော ကလေးများထဲတွင် သူတစ်ဦးတည်းသာ ပရော်ဖက်ရှင်နယ် ကစားသမား ဖြစ်လာခဲ့ခြင်း ဖြစ်သည်။ သူ၏ အိမ်မက်ကို ပံ့ပိုးပေးခဲ့သော မိဘများကို သူ အလွန် ကျေးဇူးတင်မိသည်။</p> <p style="text-align:justify">ချူဖုန်းက မော်ရင်ညို ပြောခဲ့ဖူးသော စကားတစ်ခွန်းမှာ အလွန် မှန်ကန်သည်ဟု တွေးမိသည်။ "ဖိအား ဟုတ်လား။ ဖိအားဆိုတာ ဘာလဲ။ ဖိအားဆိုတာ ဆင်းရဲသားတွေ သူတို့မိသားစု ဝမ်းစာအတွက် စိုးရိမ်နေရတာကို ခေါ်တာ... ဘောလုံးကစားတာမှာ ဘာဖိအားမှ မရှိဘူး"</p> <p style="text-align:justify">“ဘောလုံးကစားခြင်းကို ဝန်ထုပ်ဝန်ပိုးတစ်ခုလို သဘောထားနေရင် ဘယ်လိုလုပ် ကောင်းကောင်း ကစားနိုင်မှာလဲ”</p> <p style="text-align:justify">ချူဖုန်း ကားကို ဘေးတွင် ရပ်လိုက်ပြီး ရေရွတ်လိုက်သည်။ "တရုတ်ပြည်မှာတော့ အခု နေလည်လောက် ရှိပြီ ထင်တယ်" သူ အိမ်ကို ဖုန်းဆက်လိုက်သည်။</p> <p style="text-align:justify">တီ... တီ... တီ...</p> <p style="text-align:justify">"ဟေး... သား... မနေ့ကပွဲအတွက် အများကြီး မတွေးနဲ့ဦး... ရှုံးတာက သဘာဝပဲ။ သားတို့ ပြိုင်ပွဲက ထွက်လိုက်ရတာမှ မဟုတ်သေးတာ"</p> <p style="text-align:justify">"ပြီးတော့ ဒီအပတ်ပွဲကို အမေ လာကြည့်နိုင်မှာ မဟုတ်ဘူး... စာမေးပွဲ စောင့်ရမှာမို့လို့" ယန်လန်ရှ၏ အသံ ထွက်ပေါ်လာသည်။ သူမသည် သားဖြစ်သူ ရှုံးနိမ့်မှုကြောင့် စိတ်ဓာတ်ကျနေမည်ကို စိုးရိမ်နေခြင်း ဖြစ်သည်။</p> <p style="text-align:justify">"အမေ... ကျွန်တော် အဆင်ပြေပါတယ်... ဒါက ပွဲတစ်ပွဲပဲလေ... ပြန်နိုင်အောင် ကြိုးစားမှာပေါ့" ချူဖုန်းက ခပ်ပြုံးပြုံးဖြင့် ပြန်ပြောလိုက်သည်။</p> <p style="text-align:justify">"သား... အဖေကတော့ ကွင်းထဲအထိ လာပြီး အားပေးမယ်... အဖေ အခုတလော ၄-၃-၃ ကစားကွက်ရဲ့ အားနည်းချက်တွေကို လေ့လာနေတယ်။ ဒါကို သားရဲ့ ယောက္ခမတွေနဲ့ ထပ်ပြီး ဆွေးနွေးဦးမှာ" ချူချန်းကျိ၏ အသံကျယ်ကြီးကို ကြားလိုက်ရသဖြင့် ချူဖုန်း ဖုန်းကို အဝေးသို့ ရွှေ့လိုက်ရသည်။</p> <p style="text-align:justify">နာရီဝက်ခန့် စကားပြောပြီးနောက် ဖုန်းချလိုက်ချိန်တွင် ကလေးတစ်စုမှာ မပြန်သေးသည်ကို တွေ့လိုက်ရသည်။ ထို့ကြောင့် သူ ကားပေါ်က ဆင်းကာ လမ်းလျှောက်သွားလိုက်သည်။</p> <p style="text-align:justify">"ငါပါ ဝင်ကန်လို့ ရမလား... ငါ သိပ်တော့ မကန်တတ်ဘူးနော်"</p> <p style="text-align:justify">ကလေးများက ငြင်းရန် ပြင်လိုက်သော်လည်း မော့ကြည့်လိုက်သောအခါ အားလုံး မှင်တက်သွားကြသည်။ မိမိတို့၏ အသည်းကျော် အိုက်ဒေါလ်က ရှေ့တွင် ပေါ်လာသည့် ခံစားချက်ကို မည်သူ ရှင်းပြနိုင်မည်နည်း။</p> <p style="text-align:justify">"ချူဖုန်း"</p> <p style="text-align:justify">ပန်းခြံတစ်ခုလုံး အော်ဟစ်သံများဖြင့် ဖုံးလွှမ်းသွားပြီး ချူဖုန်းမှာ ချက်ချင်းပင် ဝိုင်းဝန်းခြင်း ခံလိုက်ရသည်။ သူသည် ကလေးများကို လက်မှတ်ထိုးပေးခြင်း၊ ဓာတ်ပုံတွဲရိုက်ခြင်းနှင့် အခြေခံ ဘောလုံးနည်းစနစ် အချို့ကို သင်ကြားပေးခဲ့သည်။ </p> <p style="text-align:justify">မထွက်ခွာမီ...</p> <p style="text-align:justify">"နောက်အပတ် ဗုဒ္ဓဟူးနေ့ ချန်ပီယံလိဂ်ပွဲမှာ ကျွန်တော်တို့ အိမ်ကနေ အားပေးနေမယ်နော်... မန်ယူကို အနိုင်ရအောင် ဦးဆောင်ပေးနိုင်တယ် မဟုတ်လား" ကလေးများက စိတ်လှုပ်ရှားစွာ မေးကြသည်။</p> <p style="text-align:justify">"သေချာတာပေါ့ မင်းတို့က ငါ့ကို မယုံလို့လား" ချူဖုန်းက ပြုံးလျက် ပြန်ဖြေလိုက်သည်။</p> <p style="text-align:justify">"ယုံတာပေါ့ အန်ကယ်လ်ချူက အသန်မာဆုံးပဲ လီဗာပူးကို နိုင်အောင်ကန်ပြီး ဗိုလ်လုပွဲမှာ မန်စီးတီးကို အလဲထိုးလိုက်စမ်းပါ... အဲဒါမှ ကျွန်တော်တို့ ကျောင်းမှာ ကြွားလို့ရမှာ"</p> <p style="text-align:justify">ချူဖုန်း ကျောခိုင်းပြီး လက်ပြနှုတ်ဆက်လိုက်သည်။</p> <p style="text-align:justify">ဘားအတွင်းမှ ရုတ်တရက် ထွက်ပေါ်လာသော အောင်ပွဲခံသံကြောင့် ချူဖုန်း သတိပြန်ဝင်လာသည်။ ရုပ်မြင်သံကြား ဖန်သားပြင်ပေါ်တွင် မန်ယူ ချေပဂိုး သွင်းယူလိုက်သည့် မြင်ကွင်းကို တွေ့လိုက်ရသည်။ </p> <p style="text-align:justify">ထိုသို့ဆိုလျှင် စံချိန်သစ်တစ်ခု ထပ်တင်လိုက်ရုံပေါ့။ ဘာက မဖြစ်နိုင်မှာလဲ။</p> <p style="text-align:justify">ချူဖုန်း သူ၏ ဘေ့စ်ဘောဦးထုပ်ကို ငုံ့ဆောင်းကာ အဘိုးကြီး မိုက်၏ အနားသို့ သွားပြီး တိုးတိုးလေး ပြောလိုက်သည်။ "ဒီညအတွက် ကုန်ကျစရိတ်အားလုံးကို ကျွန်တော် ရှင်းပါ့မယ်... အားလုံးရဲ့ အားပေးမှုတွေ အတွက် ကျေးဇူးတင်ပါတယ်"</p> <p style="text-align:justify">အဘိုးကြီး မိုက်၏ ငိုက်မြည်းနေသော မျက်လုံးများ ချက်ချင်း ပွင့်သွားတော့သည်။ "မင်းကို ဘယ်လိုလုပ် ကျွေးခိုင်းလို့ရမှာလဲ</p> <p style="text-align:justify">"ကစားသမားတစ်ယောက်အနေနဲ့ ပရိသတ်တွေကို ပြန်ပေးဆပ်နိုင်တာက ဆုဖလားတွေတင် မဟုတ်ပါဘူး... ဘီယာတစ်ခွက်ကလည်း လုံလောက်ပါတယ်" </p> <p style="text-align:justify">ချူဖုန်း သူ၏ ဘဏ်ကတ်ကို ထုတ်လိုက်သည်။ "ဘယ်သူ့ကိုမှ မပြောပါနဲ့ဦး... မဟုတ်ရင် ကျွန်တော် ဒီကနေ ထွက်ရမှာ မဟုတ်ဘူး... သန်ဘက်ခါ ဝက်စ်ယော့ခ်ရှိုင်းယားကို သွားရဦးမယ်။ လိဂ်ပွဲ နောက်ဆုံး နှစ်ပွဲက ချန်ပီယံကို ဆုံးဖြတ်မှာမို့လို့"</p> <p style="text-align:justify">အဘိုးကြီး မိုက် ခဏမျှ တိတ်ဆိတ်သွားပြီးမှ ကတ်ကို ခြစ်လိုက်သည်။ နောက်ဆုံးတွင် သူ တစ်ခုခု သတိရသွားကာ မန်ယူဂျာစီတစ်ထည်ကို ထုတ်ပြီး ပြောလိုက်သည်။ </p> <p style="text-align:justify">"ငါ့မြေးက မင်းကို အသည်းအသန် အားပေးတာ... ဒီနေ့ နေ့လည်က သူ အိမ်စာလုပ်နေရင်းနဲ့ ဘာလို့မှန်း မသိ ငိုနေတယ်။ မင်းနဲ့ ဘောလုံးအတူတူ မကန်လိုက်ရလို့တဲ့... သူ့အတွက် လက်မှတ်လေး ထိုးပေးလို့ ရမလား"</p> <p style="text-align:justify">ချူဖုန်း ပြုံးလျက် ခေါင်းညိတ်ကာ ဘေးပတ်ဝန်းကျင်ကို အကဲခတ်ပြီးမှ ဂျာစီပေါ်တွင် လက်မှတ် ထိုးပေးလိုက်သည်။ သူ ထွက်ခွာသွားပြီးနောက် ဘားအတွင်း၌ အောင်ပွဲခံသံများ ချက်ချင်းဆိုသလို ပြန်လည် ထွက်ပေါ်လာတော့သည်။</p> <p style="text-align:justify">***<br />  </p>


Save