Book List

<h2 style="text-align: center;">အခန်း (၆)</h2> <h2 style="text-align: center;">စီနီယာအစ်မတော်ယွီကသာ အကျိုးအကြောင်း အသင့်မြတ်ဆုံး ဖြစ်သည်</h2> <h2 style="text-align: center;">*</h2> <p> </p> <p> </p> <p>မနှစ်မြို့ခြင်းနှင့် အထင်သေးခြင်းမှသည် ချီးကျူးစကားများဖြင့် ပြည့်နှက်လာခြင်းအထိ နေ့တစ်ဝက်ပင် မကြာလိုက်ချေ။</p> <p>ထိုက်ရီ၏ ဂိုဏ်းချုပ်ပင်လျှင် နင်းဖန်အတွက် ဆင်ခြေတစ်ခုကို ကြိုတင် စဉ်းစားထားပြီး ဖြစ်၏။</p> <p>အချိန်အတော်ကြာ တိတ်ဆိတ်နေခဲ့သော ချွမ်းကုန်းတောင်ထိပ်၏ အရှင်သခင်က ရုတ်တရက် သူ၏ မုတ်ဆိတ်မွေးများကို ပွတ်သပ်ကာ ပြောလိုက်သည်။</p> <p>"နင်းဖန်မှာ ခံနိုင်ရည်ရှိတဲ့ စိတ်နေသဘောထားနဲ့ လူကြီးလူကောင်းဆန်တဲ့ အမူအကျင့်ရှိတာကို ငါ သတိထားမိတယ်... ရုတ်တရက် ဗလာဖြစ်သွားတဲ့ ဂိုဏ်းကြီးကို ရင်ဆိုင်ရရင်တောင် သူက တည်တည်ငြိမ်ငြိမ် နေနိုင်သေးတယ်... ဒါက သူရဲကောင်းတစ်ယောက်ရဲ့ အသွင်အပြင်ပဲ... ဆိုရိုးစကားရှိသလိုပေါ့ 'ရင်ဘတ်ထဲမှာ မိုးကြိုးမုန်တိုင်းတွေ ရှိနေပေမယ့် မျက်နှာက ရေကန်တစ်ခုလို တည်ငြိမ်နေသူကို စစ်သူကြီးအဖြစ် ခန့်အပ်နိုင်တယ်' တဲ့..."</p> <p>"ဒီလို အရိုင်းတုံး ကျောက်စိမ်းကောင်းလေးကို သေချာ ထွင်းထုဖို့ပဲ လိုတယ်... ပြီးရင် သူက သေချာပေါက် အနာဂတ်မှာ ဂိုဏ်းရဲ့ နောက်ထပ် မဏ္ဍိုင်တစ်ခု ဖြစ်လာမှာပဲ..."</p> <p>"ငါ့ရဲ့ ညီအစ်ကိုတွေအားလုံး နေ့စဉ်ကိစ္စတွေနဲ့ အလုပ်ရှုပ်နေကြတယ်ဆိုတာ ငါ သိပါတယ်... ဒီဒုက္ခကနေ ငါတို့ လွတ်မြောက်တာနဲ့ ဂိုဏ်းရဲ့ ဝန်ထုပ်ဝန်ပိုးတွေကို မျှဝေခံယူပြီး နင်းဖန်ကို တပည့်အဖြစ် လက်ခံကာ ကိုယ်တိုင် သင်ကြားပေးဖို့ ငါ ဆန္ဒရှိတယ်..."</p> <p>ချွမ်းကုန်းတောင်ထိပ် အရှင်သခင်၏ စကားများမှာ စိတ်အားထက်သန်မှု အပြည့်ရှိနေပြီး သူ၏ အမူအရာမှာလည်း အလွန် လေးနက်နေခဲ့၏။</p> <p>ဤသည်ကို ကြားသောအခါ ပတ်ဝန်းကျင်ရှိ အစစ်အမှန်တပည့်များအားလုံး၏ မျက်နှာပေါ်တွင် မနာလိုသည့် အမူအရာများ ပေါ်လာခဲ့သည်။</p> <p>ချွမ်းကုန်းတောင်ထိပ်၏ အရှင်သခင်သည် နည်းစနစ်များ သင်ကြားပေးခြင်းကို အဓိက တာဝန်ယူရသော်လည်း ထိုက်ရီအစစ်အမှန်ဂိုဏ်းကြီးက မည်မျှ ကျယ်ဝန်းသနည်း။ ၎င်း၏ တပည့်အရေအတွက်မှာ သိန်းနှင့်ချီ၍ ရှိပေသည်။</p> <p>ထိုအပြင်စည်းတပည့်များသည် ပုံမှန်နေ့ရက်များတွင် ချွမ်းကုန်းတောင်ထိပ်၏ အရှင်သခင်ကို တွေ့မြင်နိုင်ရန် မဖြစ်နိုင်ချေ။ သူတို့သည် အပြင်တောင်ထိပ်များတွင် ကျင့်ကြံခြင်းဆိုင်ရာများ သင်ကြားပို့ချပေးသော အောက်ခြေအဆင့် အကြီးအကဲများကိုသာ နားထောင်ရန် အရည်အချင်း မီပေသည်။</p> <p>အတွင်းစည်းတပည့်များနှင့် အစစ်အမှန်တပည့်များသာလျှင် ချွမ်းကုန်းတောင်ထိပ်သို့ ခြေချကာ ဟောပြောပို့ချမှုများ နာကြားရန် အရည်အချင်း ပြည့်မီကြ၏။</p> <p>တစ်လလျှင် တစ်ကြိမ် သူသည် နည်းစနစ်များကို သင်ကြားပေးပြီး သံသယများကို ဖြေရှင်းပေးသည်။</p> <p>အခြားအချိန်များတွင် ပိုမိုသင်ယူလိုပါက တောင်ထိပ်အရှင်သခင်၏ ဓမ္မမျက်လုံးကို ဖမ်းစားနိုင်ခြင်း ရှိ၊ မရှိအပေါ်တွင်သာ မူတည်ပေသည်။</p> <p>အချို့သော ထိပ်တန်းအဆင့် အစစ်အမှန်တပည့်များမှာသာ သီးသန့် သင်ကြားခွင့် ရရှိနိုင်ပေမည်။</p> <p>သို့သော် ထိုသို့သော အခွင့်အရေးမျိုးက ချွမ်းကုန်းတောင်ထိပ် အရှင်သခင်၏ တပည့်အဖြစ် တိုက်ရိုက် ခံယူရခြင်း၏ အကျိုးကျေးဇူးများနှင့် မည်သို့ နှိုင်းယှဉ်နိုင်မည်နည်း။</p> <p>သူ၏ တပည့်ဖြစ်လာပြီးနောက် တောင်ထိပ်အရှင်သခင်အဆင့် အကြီးအကဲတစ်ဦးကို ကျောထောက်နောက်ခံအဖြစ် ရရှိရုံသာမက တာအိုတရားများကို နားထောင်နိုင်ပြီး သံသယများကို အချိန်မရွေး ဖြေရှင်းနိုင်မည် ဖြစ်သည်။ ဤအခွင့်အရေးကို သေးငယ်သည်ဟု မဆိုနိုင်ချေ။</p> <p>ချွမ်းကုန်းတောင်ထိပ်၏ အရှင်သခင်က နင်းဖန်ကို တပည့်အဖြစ် လက်ခံလိုကြောင်း ကြားသောအခါ အစစ်အမှန်တပည့်များစွာက ဤသို့ တုံ့ပြန်ကြသည်မှာ အံ့သြစရာ မဟုတ်ပေ။</p> <p>သာမန် အပြင်စည်း အစမ်းခန့်တပည့်ဘဝမှ တောင်ထိပ်အရှင်သခင်၏ ကိုယ်ပိုင်တပည့် ဖြစ်လာခြင်းမှာ အမှန်တကယ်ပင် ဥက္ကာပျံကဲ့သို့ မြင့်တက်လာခြင်း ဖြစ်ပေသည်။</p> <p>နင်းဖန်သည် အမှန်တကယ်ပင် ကံကောင်းသွားခဲ့ပြီ ဖြစ်၏။</p> <p>အစစ်အမှန်တပည့်များစွာ၏ မနာလိုမှုများနှင့် မတူဘဲ အခြားတောင်ထိပ်များမှ အကြီးအကဲများအားလုံးကမူ မျက်လုံးပြူးသွားကြသည်။</p> <p>ဤလူအိုကြီးက တော်တော် အရှက်မရှိခြင်းပင်။</p> <p>ယခုလေးတင် သရော်စာများ ပြောဆိုကာ နင်းဖန် မျှော်စင်ပေါ်သို့ မတက်နိုင်ကြောင်း သေချာပေါက် ပြောဆိုခဲ့သူများထဲတွင် သူက အတက်ကြွဆုံး ဖြစ်ခဲ့၏။</p> <p>ယခု နင်းဖန်က ကျမ်းစာဆောင်၏ ဆဋ္ဌမထပ်သို့ ခြေချနိုင်မည့် အလားအလာရှိသည်ကို မြင်သောအခါ သူသည် ချက်ချင်းပင် စကားပြောင်းသွားပြီး သူ့တွင် လူကြီးလူကောင်းဆန်သော အမူအကျင့်ရှိသည်ဟု ဆိုလာလေသည်။</p> <p>သူ၏ မျက်နှာပြောင်းလဲမှု အမြန်နှုန်းနှင့် ချောမွေ့မှုမှာ အမှန်တကယ်ပင် အထင်သေးစရာ ကောင်းလှပေသည်။</p> <p>တောင်ထိပ်အရှင်သခင်အဆင့် အကြီးအကဲများစွာထဲမှ လက်ရှိ ထျန်းကုန်းတောင်ထိပ်၏ အရှင်သခင် လီချန်မင်က ဤအချိန်တွင် ရုတ်တရက် ထွက်လာခဲ့၏။</p> <p>သူက ချွမ်းကုန်းတောင်ထိပ် အကြီးအကဲကို လှည့်ကြည့်လိုက်ပြီး သူ၏ မျက်နှာမှာ လေးနက်မှုများ အပြည့်ဖြစ်နေကာ ပြောလိုက်သည်။</p> <p>"ဂျူနီယာညီလေးရွှီ... မင်းရဲ့ လူတွေကို အကဲဖြတ်တဲ့ နေရာမှာက တကယ်ကို တိကျတာပဲ..."</p> <p>အကြီးအကဲရွှီမှာ ဆွံ့အသွား၏။</p> <p>သူ၏ အကျင့်အတိုင်း ခက်ထန်သော ဤစီနီယာအစ်ကိုသည် သူ၏ ဖောက်ပြန်လွယ်သော သဘာဝနှင့် လောကီဆန်လွန်းသော အပြုအမူများကို ဆုံးမရန် ပြင်းထန်သော စကားတစ်ခုခု ပြောမည်ဟု သူ ထင်မှတ်ထားခဲ့သည်။</p> <p>သို့သော် ဤစကားစု ဖြစ်လာခဲ့၏။</p> <p>ထို့နောက် လီချန်မင်က လေးနက်စွာ ပြောသည်ကို သူ မြင်လိုက်ရသည်။</p> <p>"ငါက ပါရမီမပါပေမယ့် ဒီကလေးရဲ့ အကျင့်စရိုက်နဲ့ ပါရမီ နှစ်ခုလုံးက ထိပ်တန်းအဆင့်ဆိုတာ ငါ သတိထားမိတယ်... စနစ်တကျ ပြုစုပျိုးထောင်ပေးရင် သူက အစစ်အမှန်တပည့်တွေကြားမှာ နေရာယူနိုင်မှာပဲ..."</p> <p>"ဒါပေမယ့် ဂျူနီယာညီလေးရွှီ... ငါ ငြင်းပယ်ရမယ့် အချက်တစ်ခု ရှိတယ်..."</p> <p>"ဒီနှစ်တွေတစ်လျှောက်လုံး မင်း ဂိုဏ်းအတွက် သွေးကြွေးတွေ၊ ချွေးတွေ ရင်းပြီး ဘယ်လောက်တောင် ကြိုးကြိုးစားစား လုပ်ခဲ့ရလဲဆိုတာ ပြောပြစမ်းပါ... နေ့တိုင်း တပည့်များစွာကို နည်းစနစ်တွေ သင်ပေးရတာ မပြောနဲ့ဦး... တစ်ခါတလေ အစစ်အမှန်တပည့်တွေကို တစ်ယောက်ချင်းစီ သင်ပေးပြီး သံသယတွေကို ဖြေရှင်းပေးရသေးတယ်..."</p> <p>"နှလုံးသားဆိုတာ အသားနဲ့ လုပ်ထားတာပါ... ငါတို့ ညီအစ်ကိုတွေက နှုတ်က မပြောပေမယ့် မင်းရဲ့ အနစ်နာခံမှုကို မြင်ပါတယ်..."</p> <p>"ငါတို့ ဒီမှာ ရှိနေသေးတယ်လေ... ဒါတောင် မင်းက အရာအားလုံးကို ကိုယ့်ကိုယ်ကိုယ် တာဝန်ယူပြီး တပည့်တစ်ယောက် လက်ခံသင်ပေးချင်နေသေးတယ်... မင်းရဲ့ အလုပ်တာဝန်တွေကို ထပ်တိုးနေတာပဲ... ဒါက ငါတို့ရဲ့ မျက်နှာကို ဖြတ်ရိုက်နေတာ မဟုတ်ဘူးလား..."</p> <p>"ဒါကြောင့် ဒီနေ့ နင်းဖန်ကို တပည့်အဖြစ် လက်ခံမယ့် ကိစ္စနဲ့ ပတ်သက်လို့ မင်းရဲ့ စီနီယာအစ်ကိုဖြစ်တဲ့ ငါက လုံးဝ သဘောမတူနိုင်ဘူး..."</p> <p>"ဂျူနီယာညီလေးရွှီ... မင်း အဲဒီကိစ္စကနေ ရှောင်နေလို့ ရပါတယ်... ဒီကလေးကို ကျင့်ကြံမှုဆိုင်ရာတွေ ဟောပြောသင်ပြပေးမယ့် ကိစ္စကိုတော့ မင်းကိုယ်စား ငါ လုပ်ပေးမယ်..."</p> <p>လီချန်မင်၏ စကားများမှာ စိတ်အားထက်သန်မှု အပြည့်ရှိနေခဲ့၏။</p> <p>ပထမတစ်ဝက်က ချွမ်းကုန်းတောင်ထိပ်၏ အရှင်သခင်ကို အလွန် စိတ်လှုပ်ရှားသွားစေခဲ့သည်။</p> <p>ဒုတိယတစ်ဝက်ကမူ သူ့ကို ဆွံ့အသွားစေပြီး နေရာမှာပင် အေးခဲသွားစေခဲ့၏။</p> <p>စိတ်လှုပ်ရှားသည် ဟုတ်လား။</p> <p>ထိုသို့ဆိုလျှင် ဤလူအိုကြီးက ဤကိစ္စကို စောင့်ဖို့အတွက် အဝေးကြီး လှည့်ပတ်ပြောနေခြင်းပင်။</p> <p>သူ၏ ကြိုးစားအားထုတ်မှုများကို သနားသည်ဆိုတာက အတု... တပည့်ကို လုချင်တာက အစစ်ပင်။</p> <p>ကံကောင်းထောက်မစွာဖြင့် ချွမ်းကုန်းတောင်ထိပ်၏ အရှင်သခင်သည်လည်း အကျိုးအမြတ်ကို လွယ်လွယ်ဖြင့် လက်လွှတ်မည့်သူ မဟုတ်ချေ။ အလွန် ထူးချွန်သော ပါရမီရှိသည့် အစစ်အမှန်တပည့်တစ်ဦးကို တပည့် အဖြစ် လက်ခံရခြင်းမှာ ကောင်းမွန်သော အလုပ်တစ်ခု ဖြစ်ပြီး သူ လုံးဝ နောက်ဆုတ်၍ မရနိုင်ချေ။</p> <p>ချက်ချင်းပင် သူက မျက်ရည်အနည်းငယ် ညှစ်ထုတ်လိုက်ပြီး စိတ်လှုပ်ရှားစွာဖြင့် ပြောလိုက်၏။</p> <p>"စီနီယာအစ်ကိုချန်မင်... ငါတို့ ငယ်ငယ်ကတည်းက မင်းပဲ ငါ့ကို စောင့်ရှောက်ခဲ့တာလေ... နှစ်ထောင်ပေါင်းများစွာအတွင်းမှာ မင်းဆီကနေ ကျေးဇူးတွေ ဘယ်လောက်တောင် ရခဲ့လဲ... ဘာပဲဖြစ်ဖြစ် ဒီနေ့က မင်းကို ကျေးဇူးဆပ်ရမယ့် အချိန်ရောက်ပြီ..."</p> <p>"ငါ ခေါင်းမာနေတာ မဟုတ်ပါဘူး... ဒါပေမယ့် မင်းရဲ့ ထျန်းကုန်းတောင်ထိပ်က အရမ်းကို အထူးပြုလွန်းတယ်... မှော်လက်နက်ဖန်တီးတာ၊ အဆောင်ဆွဲတာ... ဘယ်ဟာကများ ထူးခြားတဲ့ ပါရမီ မလိုလို့လဲ..."</p> <p>"ဒီနင်းဖန်က ကျင့်ကြံခြင်း ပါရမီ ကောင်းရုံလေးပဲ ရှိတာ... မှော်လက်နက်ဖန်တီးတာနဲ့ အဆောင်ဆွဲတဲ့ လမ်းကြောင်းမှာ သူက ထူးချွန်ချင်မှ ထူးချွန်မှာ..."</p> <p>" တကယ်လို့ သူက ပါရမီနည်းနေရင် သူ့ကို လမ်းညွှန်ဖို့ မင်း အချိန်ပိုပေးရပြီး ဒုက္ခရောက်ရမှာ မဟုတ်ဘူးလား..."</p> <p>"မင်းရဲ့ ထျန်းကုန်းတောင်ထိပ်က အခုတောင် အလုပ်များနေပြီ... အခု နင်းဖန်ကို သင်ပေးရမယ့် တာဝန် ထပ်တိုးလာရင် စီနီယာအစ်ကို သေလောက်အောင် အလုပ်လုပ်နေရတာကို ငါ့ကို ကြည့်နေစေချင်လို့လား..."</p> <p>"ဒါကြောင့် နင်းဖန်ကို တပည့်အဖြစ် လက်ခံမယ့် ကိစ္စမှာ ဂျူနီယာညီလေးဖြစ်တဲ့ ငါ့မှာ ရှောင်လွှဲလို့မရတဲ့ တာဝန်ရှိတယ်..."</p> <p>ချွမ်းကုန်းတောင်ထိပ်၏ အရှင်သခင် ရွှီယိုဝေက မျက်ရည်စက်လက်ဖြင့် ပြောလိုက်၏။ အစပိုင်းတွင် ရိုးသားပုံရ၏။</p> <p>သို့သော် အမှန်တကယ်တွင်မူ သူသည် အခြားတစ်ဖက်ကို သွယ်ဝိုက်၍ သတိပေးနေခြင်း ဖြစ်သည်။ သူ၏ ထျန်းကုန်းတောင်ထိပ်က ဘယ်အဆင့်နည်း။ သူ့၏ ချွမ်းကုန်းတောင်ထိပ်ဆီကနေ တပည့်တစ်ယောက်ကို လုယူရန် သူက ထိုက်တန်သည်ဟု ထင်နေသလော။</p> <p>ထိုက်ရီ၏ အဓိက တောင်ထိပ် ဆယ့်နှစ်ခုအနက် ထျန်းကုန်းတောင်ထိပ်သည် မှော်လက်နက်ဖန်တီးခြင်းနှင့် အဆောင်ဆွဲခြင်းတို့ကို တာဝန်ယူရသည်။</p> <p>တောင်ထိပ်ပေါ်တွင် ကြမ်းတမ်းသော အမျိုးသားများသာ ရှိ၏။ တောင်ထိပ်မှာ နေ့စဉ် မီးခိုးများဖြင့် ဖုံးလွှမ်းနေပြီး သံပန်းတည်းခတ်သံများက မရပ်မနား ထွက်ပေါ်နေတတ်သည်။</p> <p>တပည့်အနည်းငယ်သာ ထျန်းကုန်းတောင်ထိပ်သို့ သွားလိုကြ၏။</p> <p>ဤသည်က ထျန်းကုန်းတောင်ထိပ်ကို ဂိုဏ်း၏ ထောက်ပံ့ပို့ဆောင်ရေး အချက်အချာအဖြစ် အရေးပါသော်လည်း ချွမ်းကုန်းတောင်ထိပ်လောက် ဂိုဏ်းအတွင်း လူကြိုက်မများစေခဲ့ချေ။</p> <p>လီချန်မင်သည် နှစ်ထောင်ပေါင်းများစွာ အသက်ရှင်ခဲ့သူ ဖြစ်၏။ ရွှီယိုဝေ၏ အတွင်းကျကျ အဓိပ္ပာယ်ကို သူ မည်သို့ နားမလည်ဘဲ နေမည်နည်း။</p> <p>သူ၏ ပါးပြင်ရှိ အသားများမှာ ထိန်းမရအောင် တုန်ခါသွားခဲ့၏။</p> <p>ဤရွှီယိုဝေကတော့လေ...</p> <p>တပည့်တစ်ယောက်ကို လုယူရန်အတွက် သူ တကယ်ပင် သိက္ခာမရှိတော့ချေ။</p> <p>သူ သေလောက်အောင် အလုပ်လုပ်ရမည်ကို ကြောက်သည်ဟုတောင် ပြောရက်ပေသည်။</p> <p>ဂုဏ်သိက္ခာရှိသော တောင်ထိပ်အရှင်သခင်အဆင့် အကြီးအကဲတစ်ဦးအနေဖြင့် သူသည် နှစ်တစ်ရာကြာအောင် အစာမစား၊ ရေမသောက်ဘဲ သံတည်းခတ်နေလျှင်ပင် အနည်းငယ်မျှ ပင်ပန်းနွမ်းနယ်မှုကို ခံစားရမည် မဟုတ်ချေ။</p> <p>လီချန်မင် ဒေါသထွက်သွားပြီး ရွှီယိုဝေနှင့် နောက်ထပ် အကြိမ်သုံးရာလောက် ဆက်လက် ငြင်းခုံရန် စကားလုံးများကို စီစဉ်နေခဲ့၏။</p> <p>သို့သော် ဤအချိန်တွင် အမျိုးသမီးတစ်ဦး၏ အသံက ရုတ်တရက် ဝင်လာခဲ့သည်။</p> <p>"ဂျူနီယာမောင်လေး တို့... ဒီလောက် ကိစ္စသေးသေးလေးအတွက် ဘာလို့ ရန်ဖြစ်နေကြတာလဲ... ဒါက မင်းတို့ရဲ့ ဆက်ဆံရေးကိုပဲ ထိခိုက်စေလိမ့်မယ်နော်"</p> <p>ဤလေသံမှာ ပြေပြစ်နူးညံ့ပြီး ရင့်ကျက်သော ဆွဲဆောင်မှုများဖြင့် ပြည့်နှက်နေကာ မျက်နှာပေါ်သို့ ဖြတ်တိုက်သွားသော နွေဦးလေညင်းလေးကဲ့သို့ပင်။</p> <p>အားလုံး လှည့်ကြည့်လိုက်သောအခါ အသံပိုင်ရှင်ကို တွေ့လိုက်ရ၏။ ခရမ်းရောင် တာအိုဝတ်ရုံကို ဝတ်ဆင်ထားသော လှပသည့် အမျိုးသမီးတစ်ဦးသည် သူမ၏ သွယ်လျသော ခါးကို ယိမ်းနွဲ့ကာ ချုပ်တည်းမှုနှင့် ဆွဲဆောင်မှု အနည်းငယ် ရောယှက်နေသော မျက်နှာဖြင့် လျှောက်လာနေသည်။</p> <p>"စီနီယာအစ်မယွီ"</p> <p>ဤအမျိုးသမီးကို မြင်သောအခါ ရွှီယိုဝေနှင့် လီချန်မင် နှစ်ဦးစလုံး သူတို့၏ အတွေးများကို ဘေးဖယ်ထားလိုက်ပြီး ရိုသေလေးစားစွာ လက်သီးဆုပ်လိုက်ကြ၏။</p> <p>အဘယ်ကြောင့်ဆိုသော် သူတို့ရှေ့ရှိ အမျိုးသမီးမှာ ရင့်ကျက်ပြေပြစ်သော စိတ်နေသဘောထားနှင့် ရေကဲ့သို့ နူးညံ့မှုတို့ဖြင့် သူတို့မျိုးဆက်၏ အကြီးဆုံး စီနီယာအစ်မ ဖြစ်သောကြောင့်ပင်။</p> <p>တစ်ချိန်တည်းမှာပင် သူမသည် အဓိက တောင်ထိပ် ဆယ့်နှစ်ခုအနက် သတ်ဖြတ်ခြင်း လမ်းကြောင်းကို ကြီးကြပ်ရသော လျှို့ဝှက်ဓားတောင်ထိပ်၏ အရှင်သခင်လည်း ဖြစ်ပေသည်။</p> <p>သူမ၏ နာမည်မှာ ယွီရူရွှမ်း။</p> <p>ယွီရူရွှမ်း ထွက်လာသည်ကို မြင်သောအခါ ထိုက်ရီ၏ ဂိုဏ်းချုပ်က သူမအား အတွင်းစိတ်ထဲမှ မချီးကျူးဘဲ မနေနိုင်ခဲ့ချေ။</p> <p>စီနီယာအစ်မယွီကသာ အကျိုးအကြောင်း အသင့်မြတ်ဆုံးပင်ယ အရေးကြီးသည့် အချိန်ရောက်တော့ ဤလူအိုကြီး နှစ်ယောက်ကို သူမ တားလိုက်ခြင်း ဖြစ်သည်။ မဟုတ်လျှင် တပည့်များစွာရှေ့တွင် ဘယ်လိုဖြစ်သွားမည် မသိချေ...</p> <p>သူ ဤသို့ စိတ်သက်သာရာရစွာဖြင့် တွေးနေခဲ့၏။</p> <p>သို့သော် နောက်တစ်စက္ကန့်တွင် ယွီရူရွှမ်းက ပြုံးကာ ပြောသည်ကို သူ ကြားလိုက်ရသည်။</p> <p>"ဒီနင်းဖန်ကို ငါ့ရဲ့  လျှို့ဝှက် ဓားတောင်ထိပ်မှာ ဘာလို့ မထားတာလဲ... ငါက မကြာသေးခင်က ကိုယ်ပိုင်တပည့်တစ်ယောက် လက်ခံချင်နေတာ... ပြီးတော့ သင့်တော်တဲ့သူ မရှိလို့ စိတ်ပူနေခဲ့တာ..."</p> <p>ဤစကားများ ထွက်ပေါ်လာသည်နှင့် ရွှီယိုဝေနှင့် လီချန်မင်တို့ ချက်ချင်းပင် အေးခဲသွားကြ၏။</p> <p>ဂိုဏ်းချုပ်၏ မျက်ခွံများ ပြင်းထန်စွာ တုန်လှုပ်သွားခဲ့သည်။</p> <p>စီနီယာအစ်မ ယွီ….. အို စီနီယာအစ်မယွီ...</p> <p>သူမက အကျိုးအကြောင်း သင့်မြတ်ပြီး ဤနှစ်ယောက်၏ လူရွှင်တော်လုပ်ရပ်ကို ဘယ်လို တားရမည်ဆိုတာ သိသည်ဟု သူ ယခုလေးတင် ချီးကျူးခဲ့မိသည် မဟုတ်လော...</p> <p>ထိုသို့ဖြစ်ပါလျက် သူမက ချက်ချင်းလှည့်ပြီး ကိုယ်တိုင် ပါဝင်ပတ်သက်လိုက်ချေသည်။</p> <p>ဤ နင်းဖန်လေးတစ်ယောက်က တောင်ထိပ်အရှင်သခင်အဆင့် အကြီးအကဲသုံးယောက် လုယူရန် တန်ပါသည်လား။</p> <p> </p> <p> </p> <p style="text-align: center;">***</p>


Save