Book List

<h2 style="text-align: center;">အခန်း (၇)</h2> <h2 style="text-align: center;">ဂိုဏ်းတစ်ခုလုံး စောင့်ကြည့်</h2> <h2 style="text-align: center;">*</h2> <p> </p> <p> </p> <p>ဂိုဏ်းချုပ် အလွန် ပင်ပန်းနွမ်းနယ်နေသလို ခံစားနေရ၏။</p> <p>နင်းဖန် ကျမ်းစာဆောင်၏ ဆဋ္ဌမထပ်သို့ တက်သွားကတည်းက အကြီးအကဲများစွာ ဂနာမငြိမ် ဖြစ်လာကြပြီး အားလုံးက သူ့အား တပည့်အဖြစ် လက်ခံလိုနေကြသည်။</p> <p>လျှို့ဝှက် ဓားတောင်ထိပ်၏ အရှင်သခင် ယွီရူရွှမ်းပင်လျှင် ယခုအခါ သူ့ကို လုယူရန် ဝင်ရောက်လာခဲ့ပြီ ဖြစ်၏။</p> <p>သူမသည် ဂိုဏ်းအတွင်းရှိ အမှန်တကယ် အရေးပါသော ပုဂ္ဂိုလ်တစ်ဦး ဖြစ်ပေသည်။</p> <p>သူမ စကားပြောလိုက်သည်နှင့် နင်းဖန်ကို ကိုယ်ပိုင်တပည့်အဖြစ် လက်ခံမည်ဟု ကြေညာလိုက်သဖြင့် သူ၏ တန်ဖိုးကို သိသိသာသာ မြင့်တက်သွားစေခဲ့၏။</p> <p>အခြားတောင်ထိပ်များမှ အကြီးအကဲများစွာမှာလည်း သွေးဆောင်ဖြားယောင်းမှုများကို စတင် ခံစားလာရသည်။</p> <p>နင်းဖန်ကဲ့သို့သော အလွန် ကောင်းမွန်သည့် မျိုးစေ့လေးကို သူတို့လည်း ကြိုးစားပြီး အရယူသင့်သလားဟု သူတို့ ကိုယ်တိုင် တွေးတောနေကြ၏။</p> <p>တစ်ချိန်တည်းမှာပင် အစစ်အမှန်တပည့်များစွာသည် အံ့အားသင့်စွာဖြင့် နားထောင်နေကြသည်။</p> <p>"အကြီးအကဲယွီတောင်မှ..."</p> <p>"ဘုရားရေ... အကြီးအကဲ သုံးယောက်လုံး သူ့ကို လုယူဖို့ ထွက်လာကြပြီး တခြား အကြီးအကဲတွေကလည်း လှုပ်ရှားချင်နေကြပြီ... ဒီနင်းဖန်က တကယ်ပဲ အဲဒီလောက်တောင် ထူးချွန်နေတာလား..."</p> <p>"ငါ အရမ်း မနာလိုဖြစ်မိတယ်… လျှို့ဝှက်ဓားတောင်ထိပ်က ငါတို့ဂိုဏ်းရဲ့ တိုက်ခိုက်ရေးအင်အား အကောင်းဆုံး နံပါတ်တစ် တောင်ထိပ်ပဲ... အလယ်ပိုင်းကုန်းမြေ မြင့်မြတ်နယ်မြေမှာ ထိုက်ရီလျှို့ဝှက်ဓား နာမည်ကို မကြားဖူးတဲ့သူ ဘယ်သူရှိလို့လဲ… လျှို့ဝှက် ဓားတောင်ထိပ်က တပည့်တွေ အပြင်ထွက်ရင် အမြဲတမ်း ခေါင်းမော့ပြီး လျှောက်နိုင်တယ်လေ... တောင်ထိပ်အရှင်သခင်ရဲ့ ကိုယ်ပိုင်တပည့်ဆိုရင် ပြောစရာတောင် မလိုတော့ဘူး..."</p> <p>"တော်တော် မုန်းစရာကောင်းတာပဲ... ငါ့မှာလည်း ကျမ်းစာဆောင်ရဲ့ ဆဋ္ဌမထပ်အထိ ရောက်နိုင်တဲ့ ပါရမီ ရှိတာပဲ... ဘာလို့ အကြီးအကဲယွီက ငါ့ကို ကိုယ်ပိုင်တပည့်အဖြစ် မလက်ခံရတာလဲ..."</p> <p>"ဒီလိုကိစ္စမျိုးက ရေစက်နဲ့ အချိန်အခါပေါ်မှာ မူတည်တယ်... ဒီနင်းဖန်ရဲ့ ကံက အရမ်းကောင်းလွန်းတယ်လို့ပဲ ပြောရမှာပေါ့..."</p> <p>"ဟုတ်တယ်... ဒီနေ့ ငါတို့အားလုံး လျှို့ဝှက်နယ်မြေထဲမှာ ပိတ်မိနေပြီး သူ့ကိုပဲ အာရုံစိုက်နေရတယ်လေ... ဒီအချိန်မှာ အသေးအမွှား လှုပ်ရှားမှုလေးတောင် အဆမတန် ကြီးမားသွားမှာပဲ... သဘာဝကျကျ အကြီးအကဲယွီရဲ့ မျက်လုံးကို ဖမ်းစားနိုင်တာပေါ့..."</p> <p>တပည့်များစွာက သူတို့အချင်းချင်း တိုးတိုးလေး ပြောဆိုနေကြ၏။</p> <p>အဆုံးတွင် သူတို့အားလုံး နင်းဖန်၏ ကံကောင်းမှုကို မနာလိုဖြစ်ကာ ဝန်တိုနေကြသည်။</p> <p>မည်သို့ပင်ဆိုစေ ဤအစစ်အမှန်တပည့် မျိုးဆက်များထဲတွင် ဆဋ္ဌမထပ်သို့ ရောက်ရှိနိုင်သူ အခြားသူများ မရှိသည်တော့ မဟုတ်ချေ။</p> <p>သို့သော် ယွီရူရွှမ်း ကိုယ်တိုင် အပါအဝင် တောင်ထိပ်အရှင်သခင်အဆင့် အကြီးအကဲများစွာ လုယူခံရသူမှာ နင်းဖန် တစ်ဦးတည်းသာ ဖြစ်၏။</p> <p>ဤဆက်ဆံရေးက တပည့်များစွာကို မနာလိုဖြစ်စေပြီး ဝန်တိုစေကာ ဝန်တိုမှုမှတစ်ဆင့် ရန်ငြိုးဖွဲ့စေပြီး ရန်ငြိုးမှတစ်ဆင့် စိတ်အနှောင့်အယှက် ဖြစ်စေသည်မှာ သဘာဝပင်။</p> <p>တစ်ချိန်တည်းမှာပင် အကြီးအကဲများဘက်တွင်မူ...</p> <p>ယွီရူရွှမ်း၏ စကားများကို ကြားသောအခါ ရွှီယိုဝေနှင့် လီချန်မင် နှစ်ဦးစလုံး တိတ်ဆိတ်သွားကြ၏။</p> <p>သူတို့နှစ်ဦးက တစ်ဦးကိုတစ်ဦး ကြည့်ကာ မျက်စိဖြင့် အချက်ပြလိုက်ကြသည်။</p> <p>'မင်းက သိပ်စွမ်းရင် မင်းအရင်သွားလေ' ဟူသော ထင်ရှားသည့် အရိပ်အယောင်တစ်ခု ရှိနေခဲ့၏။</p> <p>သို့သော် အချိန်အတော်ကြာအောင် တစ်ဦးကိုတစ်ဦး မျက်နှာပြောင်ပြနေပြီးနောက် မည်သူမျှ သူတို့၏ အကြီးဆုံး စီနီယာအစ်မကို ဝင်ရောက်ယှဉ်ပြိုင်ရန် မဝံ့ရဲကြချေ။</p> <p>မည်သို့ပင်ဆိုစေ မျိုးဆက်တစ်ခုတည်းမှ တပည့်များအနေဖြင့် ဤနူးညံ့ပုံရသော အကြီးဆုံး စီနီယာအစ်မ၏ စွမ်းအား မည်မျှ ကြောက်မက်ဖွယ် ကောင်းကြောင်းကို သူတို့ နက်နက်ရှိုင်းရှိုင်း သိရှိထားကြ၏။</p> <p>မည်သူမဆို လျှို့ဝှက်ဓားတောင်ထိပ်၏ အရှင်သခင် ဖြစ်လာနိုင်သည် မဟုတ်ချေ။</p> <p>အကြီးဆုံး စီနီယာအစ်မထံမှ လူလုယူရဲသူများသည် အရိုက်မခံရဖူးသေးသူများသာ ဖြစ်ပေသည်။</p> <p>သူတို့နှစ်ဦး အကြိမ်ကြိမ် တုံ့ဆိုင်းနေပြီး အခြားအကြီးအကဲများကလည်း ဝင်ရောက်စွက်ဖက်ရန် စဉ်းစားနေကြစဉ်အတွင်း...</p> <p>အတွင်းစည်း အုပ်ထိန်းသူတစ်ဦး ရုတ်တရက် ရောက်ရှိလာပြီး သတင်းပို့လေ၏။</p> <p>တပည့်များစွာသည် သူတို့၏ သိမြင်နားလည်မှုများကို တစ်ယောက်ပြီးတစ်ယောက် ပြီးဆုံးသွားကြပြီး လျှို့ဝှက်နယ်မြေမှ ထွက်ခွာရန် လမ်းကြောင်းမှာ အချိန်ကြာမြင့်စွာ မပွင့်လာသည်ကို မြင်သောအခါ ဂနာမငြိမ်ဖြစ်မှု လက္ခဏာများ စတင် ပေါ်ပေါက်လာကြောင်း သိရသည်။</p> <p>"ဂိုဏ်းချုပ်... တပည့်တွေကို ချွေးသိပ်ဖို့ ဆင်ခြေတစ်ခု ဖန်တီးသင့်လား"</p> <p>အုပ်ထိန်းသူက သူ၏ သတင်းပို့ချက် အပြီးတွင် အကြံပြုလိုက်၏။</p> <p>"မလိုဘူး..."</p> <p>ဂိုဏ်းချုပ်က ဤသည်ကို ကြားသောအခါ ခေါင်းခါလိုက်သည်။</p> <p>ထိပ်တန်းအဆင့် အင်အားစုတစ်ခုအနေဖြင့် ထိုက်ရီအစစ်အမှန်ဂိုဏ်းတွင် အတွင်းစည်းတပည့် ၃၆၀၀ နှင့် အပြင်စည်းတပည့် ၁၂၀၀၀၀ ရှိပေသည်။</p> <p>ဤသည်မှာ နည်းပါးသော အရေအတွက် မဟုတ်ချေ။ လက်ရှိတွင် အခြေအနေမှာ မသေချာမရေရာဖြစ်နေပြီး မည်သည့်အချိန်တွင် အပြင်ထွက်နိုင်မည်ကို မသိရသေးချေ။</p> <p>အကယ်၍ သူတို့က လိမ်လည်မှုများကို ကျပန်း ဖန်တီးလိုက်ပါက အမှန်တရားကို သိရှိသွားချိန်တွင် ပို၍ ကြီးမားသော ထိတ်လန့်မှုများကို ဖြစ်ပေါ်စေနိုင်ပေသည်။</p> <p>ဤသည်ကို တွေးမိသောအခါ ဂိုဏ်းချုပ်က လက်ဝှေ့ယမ်းကာ ပြောလိုက်၏။</p> <p>"ဖုံးကွယ်ထားစရာ မလိုဘူး... အခြေအနေကို သူတို့ကို တိုက်ရိုက် အသိပေးလိုက်ပါ..."</p> <p>"တစ်ချိန်တည်းမှာပဲ အပြင်ဘက်ကို စောင့်ကြည့်နိုင်တဲ့ အတိုင်းအတာကို လျှို့ဝှက်နယ်မြေ တစ်ခုလုံးအထိ ချဲ့ထွင်လိုက်... တပည့်အားလုံး အောက်က စိတ်လှုပ်ရှားစရာတွေကို ကြည့်ပါစေ..."</p> <p>သူ စကားပြောပြီးသည်နှင့် အုပ်ထိန်းသူက စကားရပ်သွားပြီး ချက်ချင်းပင် ထွက်ခွာသွားခဲ့၏။</p> <p>အခြားအကြီးအကဲများက အနည်းငယ် ခေါင်းညိတ်လိုက်ကြသည်။</p> <p>ထိုက်ရီအကြွင်းအကျန်နယ်မြေ အတွင်းရှိ အခြေအနေနှင့် ပတ်သက်၍ တပည့်များကို အမှန်အတိုင်း ပြောပြခြင်းမှာ မဆင်မခြင် ပြုမူရာရောက်သည်ဟု ထင်ရသော်လည်း အမှန်တကယ်တော့ မဟုတ်ချေ။</p> <p>အဘယ်ကြောင့်ဆိုသော် မျက်ကန်းတစ္ဆေမကြောက် ဖုံးကွယ်ထားခြင်းကသာ ထိတ်လန့်မှုများကို ဖန်တီးပေးမည် ဖြစ်သောကြောင့်ပင်။</p> <p>အမှန်တရားကို ပွင့်ပွင့်လင်းလင်း ပြောပြလိုက်သည်နှင့် တပည့်များမှာ စိတ်သက်သာရာ ရသွားမည် ဖြစ်၏။</p> <p>မည်သို့ပင်ဆိုစေ လျှို့ဝှက်နယ်မြေမှ မထွက်ခွာနိုင်ခြင်းမှာ လမ်းကြောင်းဖွင့်ရန် ဂါထာမန္တာန် ချို့ယွင်းမှုကြောင့်သာဖြစ်ပြီး သူတို့ အန္တရာယ်တစ်ခုခုနှင့် ကြုံတွေ့ရသောကြောင့် မဟုတ်ချေ။</p> <p>မဟာအကြီးအကဲသုံးဦးက စုံစမ်းစစ်ဆေးနေပြီဆိုသည်ကိုတော့ ပြောစရာပင် မလိုတော့ချေ။</p> <p>မဟာအကြီးအကဲများမှာ မည်သို့သော ပုဂ္ဂိုလ်များ ဖြစ်ကြသနည်း။</p> <p>တစ်ဦးစီတိုင်းမှာ အမြင့်မြတ်ဆုံး ကျွမ်းကျင်သူများဖြစ်ပြီး ကောင်းကင်သို့တိုင် မြင့်မားသော စွမ်းအားများရှိသည့် ဂိုဏ်း၏ မဏ္ဍိုင်များ ဖြစ်ကြပေသည်။</p> <p>အမှန်တကယ် အန္တရာယ်နှင့် မကြုံတွေ့ရဘဲ ဂိုဏ်းတစ်ခုလုံးနှင့်အတူ လျှို့ဝှက်နယ်မြေထဲတွင် ပိတ်မိနေခြင်း ဖြစ်၏။</p> <p>အထက်တွင် ဂရန်းအကြီးအကဲများ၊ အလယ်တွင် ဂိုဏ်းချုပ်နှင့် တောင်ထိပ်အရှင်သခင်များ၊ အောက်တွင် သူတော်စင်နှင့် အစစ်အမှန်တပည့်များ ရှိနေပြီး အင်အားကြီးမားသော ပုဂ္ဂိုလ်များစွာက သူတို့နှင့်အတူ တစ်နေရာတည်းတွင် ပိတ်မိနေသဖြင့် တပည့်များအတွက် စိုးရိမ်စရာ ဘာမှမရှိသည်မှာ သဘာဝပင်။</p> <p>အပြင်ထွက်ရန် ကိစ္စနှင့် ပတ်သက်၍မူ...</p> <p>အချိန်တစ်ခု စောင့်ရုံသာ ဖြစ်ပေမည်။</p> <p>မကြာမီ သတင်းသည် ထိုက်ရီအကြွင်းအကျန်နယ်မြေ တစ်ခုလုံးသို့ ပြန့်နှံ့သွားခဲ့၏။</p> <p>တပည့်အားလုံးသည် လက်ရှိ အခြေအနေကို သိရှိသွားကြသည်။</p> <p>မျှော်လင့်ထားသည့်အတိုင်း သူတို့ကြားတွင် ထိတ်လန့်မှု သို့မဟုတ် ကစဉ့်ကလျား ဖြစ်မှုမျိုး မရှိခဲ့ဘဲ စိတ်လှုပ်ရှားစွာဖြင့် ဂနာမငြိမ် ဖြစ်နေခဲ့ကြ၏။</p> <p>၎င်းမှာ ကျောင်းရောက်နေသကဲ့သို့ပင်။ အကယ်၍ အပြင်ဘက်တွင် မိုးသည်းထန်စွာ ရွာသွန်းနေပြီး ကျောင်းသားတစ်ဦးတည်းသာ အပြစ်ပေးခံရသဖြင့် အခန်းထဲတွင် ပိတ်မိနေပါက သူသည် သဘာဝကျစွာပင် စိုးရိမ်ပူပန်နေမည် ဖြစ်သည်။</p> <p>သို့သော် အတန်းတစ်ခုလုံး မိုးကြောင့် အတူတကွ ပိတ်မိနေပါက ထိုစိုးရိမ်မှုများ ပျောက်ကွယ်သွားပြီး စိတ်လှုပ်ရှားမှု တစ်မျိုးအဖြစ်သို့ပင် ပြောင်းလဲသွားမည် ဖြစ်၏။</p> <p>ယခု အခြေအနေမှာလည်း အတိအကျ ထိုအတိုင်းပင်။</p> <p>ထို့ပြင် အုပ်ထိန်းသူတစ်ဦးက ဂိုဏ်းချုပ်သည် လျှို့ဝှက်နယ်မြေရှိ အာကာသ အတားအဆီးများကို ပွင့်လင်းမြင်သာအောင် ပြုလုပ်ပြီး အားလုံးကို အပြင်ဘက်ကမ္ဘာအား အတူတကွ စောင့်ကြည့်ခွင့်ပြုမည်ဟု ကြေညာထားပြီး ဖြစ်ရာ တပည့်များမှာ ပို၍ပင် သိချင်စိတ် ပြင်းပြနေခဲ့ကြ၏။</p> <p>"အပြင်စည်း အစမ်းခန့်တပည့်တစ်ယောက်က အကြောင်းပြချက်တစ်ခုခုကြောင့် ထိုက်ရီအကြွင်းအကျန်နယ်မြေထဲကို မဝင်လာနိုင်ဘဲ အခု ဂိုဏ်းကို တစ်ယောက်တည်း စောင့်နေတယ်လို့ ကြားတယ်..."</p> <p>"ဟုတ်တယ်... ဂိုဏ်းချုပ်နဲ့ အကြီးအကဲတွေက သူ့ကို စောင့်ကြည့်နေတာ ကြာပြီ... ဒီတပည့်က အရမ်း ရဲတင်းတာပဲ... ဂိုဏ်းမှာ လူမရှိတာကို မြင်တော့ သူ ပထမဆုံး လုပ်တဲ့အရာက သူ့ရဲ့ တံဆိပ်ပြားထဲကို ဂုဏ်ပြုမှတ် တစ်သန်း ထည့်တာတဲ့..."</p> <p>"ဘာ... အဲဒီလောက်တောင်..."</p> <p>"ဘုရားရေ... ဒီလူက ရှင်းလွီတောင်ထိပ်က အကြီးအကဲဝူရဲ့ အရိုးချိုး ဝိညာဉ်နုတ်ခံရမှာကို မကြောက်ဘူးလား..."</p> <p>"သူ မခံရလောက်ဘူး... ငါ့ဆီမှာ နောက်ဆုံးရ သတင်းရှိတယ်... ဒီတပည့်က ချွမ်းကုန်းတောင်ထိပ်ကို သွားပြီး ကျမ်းစာဆောင်ရဲ့ ဆဋ္ဌမထပ်ကို တစ်ခါတည်း တက်သွားတယ်လို့ ကြားတယ်... အခု အကြီးအကဲတွေ အများကြီးက သူ့ကို တပည့်အဖြစ် လက်ခံဖို့ လုနေကြတယ်..."</p> <p>"ဆဋ္ဌမထပ်... သူက အပြင်စည်း အစမ်းခန့်တပည့် မဟုတ်ဘူးလား... သူ့ရဲ့ ပါရမီက ဘယ်လိုလုပ် ဒီလောက် ကောင်းနေရတာလဲ..."</p> <p>"ဘယ်သူသိမှာလဲ... ဒီလူက ကြီးမားတဲ့ ပြစ်မှုကျူးလွန်ထားတဲ့ သေရမယ့်သူ ဘဝကနေ တောင်ထိပ်အရှင်သခင်အဆင့် အကြီးအကဲတွေရဲ့ မျက်စိထဲက အဖိုးတန် ရတနာတစ်ခု ဖြစ်လာတာပဲ... လုံးဝကို အဓိပ္ပာယ်မရှိတာပဲ..."</p> <p>သတင်းများ ဖြန့်ဝေလာသည်နှင့်အမျှ ဤကာလအတွင်း လျှို့ဝှက်နယ်မြေ၏ အပြင်ဘက်နှင့် အတွင်းဘက် နှစ်ခုလုံးတွင် ဖြစ်ပျက်ခဲ့သော အဖြစ်အပျက်များသည် လှိုင်းလုံးများကဲ့သို့ ဗဟိုမှ အပြင်ဘက်သို့ တစ်လှိုင်းပြီးတစ်လှိုင်း ပြန့်နှံ့သွားခဲ့၏။</p> <p>မကြာမီ ၎င်းသည် ထိုက်ရီအကြွင်းအကျန်နယ်မြေ တစ်ခုလုံးသို့ ပြန့်နှံ့သွားခဲ့သည်။</p> <p>နင်းဖန်၏ လုပ်ရပ်များအကြောင်း ကြားပြီးနောက် တစ်သိန်းကျော်သော တပည့်အားလုံးမှာ အံ့အားသင့်သွားကြ၏။</p> <p>ပထမဦးစွာ လောကတွင် ဤမျှ ရဲတင်းသောသူ ရှိလိမ့်မည်ဟု သူတို့ မမျှော်လင့်ထားခဲ့ကြချေ။</p> <p>ဒုတိယအချက်မှာ အဖြစ်အပျက်များ၏ အချိုးအကွေ့များသည် သူတို့ကို လုံးဝ အလစ်အငိုက် မိသွားစေခဲ့သည်။</p> <p>ထို့နောက် အတွင်းစည်းတပည့်ဖြစ်စေ၊ အပြင်စည်းတပည့်ဖြစ်စေ အားလုံး စိတ်လှုပ်ရှားစွာဖြင့် ဆွေးနွေးနေကြ၏။</p> <p>တစ်ချိန်တည်းမှာပင် ဂိုဏ်းချုပ်နှင့် အကြီးအကဲများစွာက သူတို့၏ စွမ်းအားများကို အတူတကွ ထုတ်ဖော်လိုက်ကြသည်။</p> <p>လျှို့ဝှက်နယ်မြေ၏ ဥပဒေသများကို ကိုင်တွယ်ကာ သူတို့၏ ခြေအောက်ရှိ အတားအဆီး၏ ပွင့်လင်းမြင်သာသော အပိုင်းကို လျင်မြန်စွာ ကျယ်ပြန့်သွားစေခဲ့၏။</p> <p>နောက်ဆုံးတွင် ၎င်းသည် လျှို့ဝှက်နယ်မြေ တစ်ခုလုံးကို လွှမ်းမိုးသွားခဲ့သည်။</p> <p>တပည့်အားလုံးသည် ကောင်းကင်ယံတွင် ရပ်နေရသကဲ့သို့ ခံစားလိုက်ရပြီး အောက်သို့ ငုံ့ကြည့်လိုက်သရွေ့ ဂိုဏ်း၏ ခမ်းနားလှသော ရှုခင်းများကို မြင်တွေ့နိုင်ပေသည်။</p> <p>ထိုက်ရီဂိုဏ်းချုပ်၏ လှုပ်ရှားမှုမှာ အမှန်တကယ်တော့ အားလုံးကို အာရုံလွှဲရန် ဖြစ်၏။</p> <p>မည်သို့ပင်ဆိုစေ ဤလျှို့ဝှက်နယ်မြေထဲတွင် မည်မျှကြာအောင် ပိတ်မိနေမည်ကို သူ လုံးဝ မသိရှိချေ။</p> <p>သူတို့အပေါ် သူ ရိုးသားခဲ့သော်လည်း အချိန်ကြာလာသည်နှင့်အမျှ တပည့်များစွာသည် စိုးရိမ်ပူပန်မှုများ ဖြစ်ပေါ်လာနိုင်ချေ ရှိပေသည်။</p> <p>ထို့ပြင် ဘာမှမလုပ်ရဘဲ အချိန်ကြာမြင့်စွာ ပိတ်မိနေခြင်းက အမှန်တကယ်ပင် ပျင်းစရာကောင်းလွန်းလှ၏။</p> <p>ထောင်ထဲရောက်နေသကဲ့သို့ပင်။</p> <p>ထို့ကြောင့် ထိုက်ရီအကြွင်းအကျန်နယ်မြေ၏ အာကာသ အတားအဆီးများကို ပွင့်လင်းမြင်သာအောင် ပြုလုပ်ခြင်းမှာ ပိတ်လှောင်ထားသော ထောင်အခန်းထဲတွင် ပြတင်းပေါက်ကြီးတစ်ခု ဖွင့်ပေးလိုက်သကဲ့သို့ဖြစ်ပြီး လူတစ်ဦး၏ စိတ်အခြေအနေကို များစွာ သက်သာရာရစေမည် ဖြစ်သည်။</p> <p>အဆင်သင့်ရှိနေသော "ဖျော်ဖြေတင်ဆက်သူ" နင်းဖန် ရှိနေသည်ကိုတော့ ပြောစရာပင် မလိုတော့ချေ။</p> <p>အကယ်၍ တပည့်များ၏ အာရုံစိုက်မှုသည် နင်းဖန်ထံသို့ ရောက်သွားပါက သဘာဝကျစွာပင် မည်သူကမျှ ပိတ်မိနေခြင်းကို ဂရုစိုက်တော့မည် မဟုတ်ချေ။</p> <p>ထို့ပြင် ကျင့်ကြံမှု မလုံလောက်သော အပြင်စည်းတပည့်များပင် စိတ်လှုပ်ရှားဖွယ်ရာများကို မြင်တွေ့နိုင်စေရန်အတွက် ဂိုဏ်းချုပ်သည် ကြီးမားသော နတ်ဘုရားစွမ်းရည်တစ်ခုကို အထူးတလည် အသုံးပြုခဲ့ပြီး လျှို့ဝှက်နယ်မြေအတွင်းရှိ တပည့်အားလုံး၏ အမြင်အာရုံကို လွှမ်းမိုးကာ သူတို့၏ အကြည့်များကို ကျမ်းစာဆောင်၏ ခေါင်မိုးကို အလွယ်တကူ ဖောက်ထွင်းမြင်နိုင်စေပြီး အတွင်းရှိ မြင်ကွင်းကို မြင်တွေ့နိုင်စေခဲ့၏။</p> <p>ထိုအချိန်၌ သောင်းချီသော မျက်လုံးများ၏ အကြည့်အောက်တွင် ကျမ်းစာဆောင်၏ ဆဋ္ဌမထပ်၌ ရပ်နေကာ လျှို့ဝှက်ကျမ်းစာ အချို့ကို ဖတ်ရှုပြီးသော ပုံရိပ်သည် နောက်ဆုံးတွင် ထပ်မံ လှုပ်ရှားသွားခဲ့သည်။</p> <p>ဤအထပ်တွင် သိမ်းဆည်းထားသော ကျင့်ကြံခြင်းနည်းစနစ်များကို မကျေနပ်သကဲ့သို့ သူ ဦးစွာ ခေါင်းခါလိုက်၏။</p> <p>ထို့နောက် သတ္တမထပ်သို့ သွားသည့် လှေကားဆီသို့ မော့ကြည့်လိုက်ပြီး အားလုံး၏ မယုံကြည်နိုင်သော အကြည့်များအောက်တွင် သူသည် ခြေထောက်ကို မြှောက်ကာ အပေါ်သို့ တက်သွားလေတော့သည်။</p> <p> </p> <p> </p> <p style="text-align: center;">***</p>


Save