Book List

<h2 style="text-align: center;">အခန်း (၁၄)</h2> <h2 style="text-align: center;">သူတော်စင်၏ တာအိုနှလုံးသားကို သိသိသာသာ ချိုးဖျက်ခြင်း</h2> <h2 style="text-align: center;">*</h2> <p> </p> <p> </p> <p>ထောက်လှမ်းရေး ဝင်္ကပါ ချို့ယွင်းသွားသည်လော။</p> <p>ထိုသတင်း ထွက်ပေါ်လာသည်နှင့် အခြေအနေမှာ ချက်ချင်းပင် အပြောင်းအလဲ ဖြစ်သွားခဲ့၏။</p> <p>အကြီးအကဲအားလုံးက ရွှီယိုဝေကို အံ့အားသင့်စွာ ကြည့်လိုက်ကြသည်။</p> <p>ထျန်းကုန်းတောင်ထိပ်၏ အကြီးအကဲက ပထမဆုံး စကားပြောလာပြီး တင်းမာစွာ ပြောလိုက်၏။</p> <p>"စီနီယာအစ်ကို... အဓိပ္ပာယ်မရှိတာတွေ မပြောပါနဲ့... ကျမ်းစာဆောင်ရဲ့ ထောက်လှမ်းရေး ဝင်္ကပါကို ဂိုဏ်းရဲ့ ဘိုးဘေး ကိုယ်တိုင် တည်ဆောက်ခဲ့တာဖြစ်ပြီး အဲဒီအထဲမှာ သူ့ရဲ့ ကိုယ်ပိုင် ဥပဒေသ အနည်း ငယ်တောင် ပါဝင်ပါသေးတယ်... ဘယ်လိုလုပ် လွယ်လွယ်လေး ချို့ယွင်းသွားနိုင်မှာလဲ...။"</p> <p>ကျမ်းစာဆောင်၏ ပါရမီ စမ်းသပ်နိုင်စွမ်းမှာ ရေတွက်မရနိုင်သော နှစ်များတစ်လျှောက် တစ်ခါမျှ မပျက်ကွက်ခဲ့ဖူးချေ။</p> <p>ထိုအရာမှာ ကောင်းကင်အထိ ထိုးဖောက်နိုင်သော စွမ်းအားနှင့် ဘိုးဘေး တာအိုအရှင်ထိုက်ရီ၏ အမြင့် ဆုံး နတ်ဘုရားစွမ်းရည်ကို ကိုယ်စားပြုပေသည်။</p> <p>ထို့ကြောင့် ရွှီယိုဝေက ဤသို့ ပြောလာသဖြင့် ထျန်းကုန်းတောင်ထိပ်၏ အကြီးအကဲမှာ သဘာဝကျစွာ ပင် ပြန်လည် မချေပဘဲ မနေနိုင်ခဲ့ချေ။</p> <p>သူသည် မှော်လက်နက်ဖန်တီးခြင်း လမ်းကြောင်းတွင် ထိပ်တန်း ဆရာတစ်ဆူဖြစ်ပြီး အဆောင်များနှင့် ဝင်္ကပါများကိုလည်း အတော်လေး သုတေသန ပြုထားသူ ဖြစ်၏။</p> <p>မှော်လက်နက်များနှင့် ဝင်္ကပါများ နှစ်ခုလုံးတွင် အမြင့်ဆုံးဖြစ်သော ဘိုးဘေးကို သူ အမြဲတမ်း အလေး စားဆုံး ဖြစ်ခဲ့သည်ပင် ။</p> <p>ထို့ကြောင့် ကာကွယ်ပြောဆိုသည့် စကားများသည် သူ၏ ပါးစပ်မှ အလိုအလျောက် ထွက်ကျလာခဲ့၏။</p> <p>ထိုသည်ကို မြင်သောအခါ ရွှီယိုဝေက ဗလာကျင်းနေသော ကောင်းကင်ယံသို့ လက်အုပ်ချီကာ ပြော လိုက်သည်။</p> <p>"ငါ သဘာဝကျကျ ဘိုးဘေးကို မေးခွန်းထုတ်ဖို့ မရဲပါဘူး... ဒါပေမယ့် အချိန်က ရက်စက်တယ်လေ... နတ်ဘုရားကူးဖြတ်ခြင်းအဆင့်က အသန်မာဆုံးသူတောင် အချိန်ကို မအနိုင်ယူနိုင်ပါဘူး... ဒီကမ္ဘာ ပေါ်မှာ ထာဝရ တည်တံ့မယ်လို့ ဘယ်အရာက ဆိုနိုင်မှာလဲ...။"</p> <p>"ကျမ်းစာဆောင်က နှစ်သန်းပေါင်းများစွာ တည်ရှိနေခဲ့တာ... ဝင်္ကပါရဲ့ ဥပဒေသတွေက အခုထိ အားကောင်းနေသေးတယ်လို့ အာမခံဖို့ ခက်ပါတယ်... အရေးကြီးတဲ့ နေရာတွေက ဝိညာဉ်ကျောက်တုံး အနည်းငယ်က... ထောက်လှမ်းမှု စွမ်းဆောင်ရည်ကို တကယ်ပဲ ပျက်ကွက်သွားစေတာ ဖြစ်နိုင်တယ်...။"</p> <p>အခြားအကြီးအကဲများစွာသည် သူတို့နှစ်ဦး၏ စကားဝိုင်းကို နားထောင်ရင်း တစ်ယောက်ပြီး တစ်ယောက် သတိဝင်လာကြ၏။</p> <p>တစ်စုံတစ်ဦးက သဘောတူညီစွာဖြင့် ခေါင်းမညိတ်၍ မနေနိုင်ခဲ့ဘဲ ပြောလိုက်၏။</p> <p>"ဟုတ်တယ်... ဘိုးဘေးက ဝင်္ကပါ လမ်းကြောင်းမှာ အမြင့်ဆုံး မဟာဆရာကြီးတစ်ယောက် ဖြစ်ပေ မယ့် အချိန်က အရမ်းကြာသွားပြီလေ... စီနီယာအစ်ကိုရွှီ ပြောတာက မဖြစ်နိုင်တာတော့ မဟုတ်ဘူး..."</p> <p>ထျန်းကျီးတောင်ထိပ်၏ အရှင်သခင် ကျူးကော့မင်သည် တွက်ချက်မှုအချို့ ပြုလုပ်ပြီးနောက် ကောက် ချက်တစ်ခုသို့ ရောက်ရှိသွားကာ ပြောလိုက်၏။</p> <p>"နင်းဖန်နဲ့ ပတ်သက်တဲ့ ဒီကိစ္စက ဒီနေ့ နေရာတိုင်းမှာ ထူးဆန်းနေခဲ့တာ... သူ ဂိုဏ်းထဲ ရောက်နေတာ နှစ်ဝက်ရှိပြီ ရုပ်ခန္ဓာကိုယ်သန့်စင်ခြင်းကိုတောင် မရောက်နိုင်သေးဘူး... ဒါပေမယ့် ကျမ်းစာဆောင်ထဲ ဝင်ပြီးနောက်မှာ သူက နဝမထပ်ကို တိုက်ရိုက် သွားပြီး သေမျိုးခန္ဓာကိုယ် ပါရမီရဲ့ အကန့်အသတ်တွေ ကို အကြိမ်ကြိမ် ချိုးဖျက်ခဲ့တယ်...။ အရင်က ငါတို့ ဘယ်လောက်ပဲ တွေးတွေး နားမလည်နိုင်ခဲ့ဘူး လေ...။"</p> <p>"အခု အကြီးအကဲရွှီရဲ့ စကားကို ကြားရတော့ ကျမ်းစာဆောင်ရဲ့ ထောက်လှမ်းရေး ဝင်္ကပါက တကယ်ပဲ အားနည်းချက် ရှိနေတယ်ဆိုရင် အရာအားလုံးက အဓိပ္ပာယ်ရှိသွားပြီ...။"</p> <p>စကားပြောပြီးနောက် ကျူးကော့မင်၏ အမူအရာမှာ အနည်းငယ် သဘာဝမကျ ဖြစ်သွားခဲ့၏။</p> <p>မည်သို့ပင်ဆိုစေ အကယ်၍ ထိုအရာမှာ ဝင်္ကပါ ချို့ယွင်းမှုကြောင့် ဖြစ်ပါက ယနေ့သည် အမှန် တကယ်ပင် ကြီးမားသော အမှားတစ်ခု ဖြစ်ပေလိမ့်မည်။</p> <p>သူတို့၊ ဤအကြီးအကဲများနှင့် ဂိုဏ်းချုပ်တို့သည် စောစောက အလွန် စိတ်လှုပ်ရှားကာ တည်ငြိမ်မှု ပျက်ပြားခဲ့ကြသည်မှာ အမှန်တကယ်ပင် ရှက်စရာကောင်းလှ၏။</p> <p>အခြားအကြီးအကဲများကလည်း ဤအချက်ကို တွေးမိကြပြီး အားလုံးမှာ အနေခက်သွားကြသည်။</p> <p>အပြင်ဘက် စက်ဝိုင်းရှိ အစစ်အမှန်တပည့်များမှာလည်း ထိုသည်ကို မြင်သောအခါ အံ့အားသင့် သွားကြလေ၏။</p> <p>ထောက်လှမ်းရေး ဝင်္ကပါ ချို့ယွင်းသွားသည်လော။</p> <p>နင်းဖန်၏ ပါရမီက အတုလော။</p> <p>ထိုအချက်က ယခုလေးတင်က အထွတ်အထိပ် အခိုက်အတန့်များသည် တိုက်ဆိုင်မှုများနှင့် နားလည်မှု လွဲမှားမှုများ ဆက်တိုက် ဖြစ်နေခြင်းထက် မပိုကြောင်း ဆိုလိုသည် မဟုတ်ပါလော။</p> <p>အမှန်တကယ်တော့ ဤနင်းဖန်သည် ပါရမီမရှိသော အပြင်စည်း အစမ်းခန့်တပည့် တစ်ယောက်သာ ဖြစ်နေဆဲလော။</p> <p>ဤသည်ကို တွေးမိသောအခါ အစစ်အမှန်တပည့် အထက်တန်းစားများစွာ၏ အမူအရာများမှာ ချက်ချင်းပင် အရုပ်ဆိုးသွားခဲ့၏။</p> <p>ယခုလေးတင်က အလွန် စိတ်အားထက်သန်နေခဲ့သော အမျိုးသမီး တပည့်အချို့သည် သူတို့၏ လေးစားမှုနှင့် စိတ်လှုပ်ရှားမှုများကို ပြန်လည် ရုပ်သိမ်းလိုက်ကြပြီး နောက်တစ်ကြိမ် ပြန်လည် အေးစက်သွားကြသည်။</p> <p>တစ်ယောက်က အော်ဟစ်လိုက်၏။</p> <p>"အတုလား..."</p> <p>"သူက အတုကြီးလား..."</p> <p>လူအုပ်ထဲတွင် ထိုက်ရီ သူတော်စင်သည် ထိုစကားများကို ကြားသောအခါ ယခင်က စိတ်ပျက် အားငယ်နေသော သူ၏ အမူအရာမှာ ရုတ်တရက် ပြောင်းလဲသွားပြီး သူ၏ မျက်လုံးများမှာ ထပ်မံ၍ တောက်ပသော အလင်းရောင်များဖြင့် ပြန်လည်တောက်ပလာခဲ့၏။</p> <p>ထာဝရ အသန်မာဆုံး သေမျိုးခန္ဓာကိုယ် ဟူသည် အဘယ်နည်း၊ ကျမ်းစာဆောင်၏ နဝမထပ်အတွက် နှစ်တစ်သန်းတွင် တစ်ခါသာ ပေါ်ထွက်တတ်သော ပါရမီ ဟူသည် အဘယ်နည်း။</p> <p>ထိုအရာမှာ အမှားတစ်ခုသာ ဖြစ်နေခဲ့သည်တကား။</p> <p>ဤမျိုးဆက် တပည့်များထဲတွင် သူ၏ ထိုက်ယင် မြင့်မြတ်သော ခန္ဓာကိုယ်သည် ကမ္ဘာပေါ်တွင် အကောင်းဆုံး ဖြစ်နေဆဲဖြစ်ပြီး ပြိုင်ဘက်ကင်းစွာ ရပ်တည်နေဆဲပင်။</p> <p>လေများ ရပ်တန့်သွားပြီး မိုးများ စဲသွားခဲ့ပြီ။</p> <p>သူတော်စင်သည် သူ ပြန်လည် စွမ်းဆောင်နိုင်ပြီဟု ခံစားလိုက်ရ၏။</p> <p>အောက်ဘက်ရှိ နင်းဖန်၏ ပုံရိပ်ကို သူ ကြည့်လိုက်ရာ မနာလိုမှု သို့မဟုတ် ခါးသီးမှုများ မရှိတော့ချေ။</p> <p>သူ၏ မျက်လုံးများတွင် လောကနှင့် မသက်ဆိုင်သော ဂရုမစိုက်မှုများသာ ရှိနေတော့သည်။</p> <p>နင်းဖန်ကို နဝမထပ်သို့ မတော်တဆ ခြေချမိရန် ကံကောင်းမှုကိုသာ အားကိုးခဲ့သော အပြင်စည်း အစမ်းခန့်တပည့် တစ်ယောက်အဖြစ် လုံးဝ သတ်မှတ်လိုက်ပြီ ဖြစ်၏။</p> <p>ထိုက်ရီဂိုဏ်းချုပ်၏ မျက်နှာမှာ မှောင်မိုက်နေပြီး အောက်ခြေအဆင့် အကြီးအကဲကို အော်ဟစ် လိုက်၏။</p> <p>"အဲဒီ အောက်ခြေအဆင့် အကြီးအကဲကို ထွက်သွားပြီး သူ့ရဲ့ အပြစ်ပေးမှုကို ခံယူဖို့ စည်းကမ်း ထိန်းသိမ်းရေးခန်းမကို သွားခိုင်းလိုက်စမ်း...။"</p> <p>အခြားတစ်ဖက်တွင် ထိုက်ရီဂိုဏ်းချုပ်သည် ချက်ချင်းပင် ဤရယ်စရာကိစ္စ၏ တရားခံနှင့် စာရင်းရှင်း လိုက်ခြင်း ဖြစ်သည်...။</p> <p>သူ၏ ကိုယ်ပိုင် အိတ်ကပ်ကို ဖြည့်တင်းခြင်းဖြင့် ယနေ့ ဂိုဏ်း၏ အကြီးမားဆုံးသော ရယ်စရာကိစ္စကို မတော်တဆ ဖြစ်ပေါ်စေခဲ့သည့် ချွမ်းကုန်းတောင်ထိပ်မှ အောက်ခြေအဆင့် အကြီးအကဲတစ်ဦးပင် ဖြစ်၏။</p> <p>ထိုအကြီးအကဲ၏ မျက်နှာမှာ ဖြူရော်နေပြီး ခြေထောက်များ တုန်ယင်နေကာ အကြီးအကဲဝူထံ သွားရောက် အပြစ်ပေးခံယူရန် ခေါင်းငုံ့ထားခဲ့သည်။</p> <p>အမှန်တကယ်တော့ သူ ခိုးယူခဲ့သော အရေးကြီးသည့် နေရာများမှ အဆင့်မြင့် ဝိညာဉ်ကျောက်တုံး အနည်းငယ်က ဝင်္ကပါ၏ လည်ပတ်မှုကို ထိခိုက်စေမည်လား ဆိုသည်ကို သူ သေချာ မသိချေ။</p> <p>သို့သော် စောစောက နင်းဖန် မျှော်စင်ပေါ်သို့ မြေပြင်ပေါ်တွင် လမ်းလျှောက်နေသကဲ့သို့ တက်သွား သည်ကို မြင်ရသောအခါ သူ ကြည့်လေလေ အရာများက ပို၍ မှားယွင်းနေသကဲ့သို့ ထင်ရလေလေပင်။</p> <p>လူသားများသည် ကိုယ့်ကိုယ်ကိုယ် ခြောက်လှန့်ရခြင်းကို အကြောက်ဆုံး သတ္တဝါများ ဖြစ်ကြ၏။</p> <p>သေမျိုးခန္ဓာကိုယ် ပါရမီရှိသော အပြင်စည်း အစမ်းခန့်တပည့်တစ်ဦးက ယနေ့တွင် ဂိုဏ်း၏ စံချိန်တင် အကန့်အသတ်ကိုပင် ချိုးဖျက်ကာ ရုတ်တရက် အံ့မခန်း ဖြစ်ရပ်တစ်ခု ဖန်တီးခဲ့သည်။</p> <p>မည်သို့ပင် ကြည့်စေကာမူ ဤကိစ္စမှာ ဖယ်ရှားခံလိုက်ရသော ထိုဝိညာဉ်ကျောက်တုံး အနည်းငယ်နှင့် ဆက်စပ်နေပုံရ၏... သူ စဉ်းစားလေလေ ပို၍ ကြောက်လာလေလေပင်။</p> <p>အကယ်၍ ထောက်လှမ်းရေး ဝင်္ကပါက မချို့ယွင်းခဲ့ဘူးဆိုလျှင် အဆင်ပြေသည်၊ ဘာမှဖြစ်လာမည် မဟုတ်ချေ။</p> <p>သို့သော် ဤနင်းဖန်က အမှန်တကယ် အသုံးမကျသော ကောက်ရိုးအိတ်တစ်လုံး ဖြစ်နေမည်ကို သူ ကြောက်ရွံ့နေခဲ့၏။</p> <p>ထိုသို့ဆိုလျှင် အားလုံး လွတ်လပ်သွားပြီး ဂိုဏ်းချုပ်က သူ့အား ဝမ်းသာအားရ တပည့်အဖြစ် လက်ခံလိုက်သောအခါ...</p> <p>သူ့ကို သင်ကြားပေးချိန်တွင် ဤကလေး၌ မျှော်လင့်ထားသော ကောင်းကင်ဘုံကို အံတုနိုင်သည့် ပါရမီ မရှိကြောင်း တွေ့ရှိရပါက ပြစ်မှုမှာ ကြီးမားလှပေလိမ့်မည်။</p> <p>ဂိုဏ်းချုပ် အပါအဝင် ဂိုဏ်းတစ်ခုလုံး၏ ဒေါသကို သူ ရင်ဆိုင်ရပေမည်။</p> <p>ထို့ကြောင့် ဤအောက်ခြေအဆင့် အကြီးအကဲ စဉ်းစားလေလေ ပို၍ စိတ်မသက်မသာ ဖြစ်လေ လေပင်။ သူသည် ဆက်လက်၍ မဖုံးကွယ်ထားဝံ့တော့ဘဲ လေးလံသော နှလုံးသားဖြင့် သတင်းပို့ရန် ရွေးချယ်ခဲ့ခြင်း ဖြစ်၏။</p> <p>ယခု အပြစ်ပေးမှု ကျရောက်လာသည်ကို မြင်သောအခါ သူ၏ နှလုံးသားမှာ ခါးသီးနေသော်လည်း စိတ်သက်သာရာရမှု တစ်ခုကိုလည်း ခံစားလိုက်ရသည်။</p> <p>အားလုံး၏ အမူအရာများမှာ ယင်ကောင်များကို မျိုချလိုက်ရသကဲ့သို့ အနေခက်ကာ မသက်မသာ ဖြစ်နေစဉ် အသံတစ်သံ ရုတ်တရက် ထွက်ပေါ်လာကာ ယွီရူရွှမ်းက မေးလိုက်၏။</p> <p>"ဂျူနီယာညီလေးဂိုဏ်းချုပ်... အဲဒီလိုဆိုရင် မင်း နင်းဖန်ကို တပည့်အဖြစ် လက်ခံဖို့ အစီအစဉ် မရှိတော့ ဘူးပေါ့..."</p> <p>ထိုက်ရီဂိုဏ်းချုပ်က မျက်မှောင်ကြုတ်ကာ မေးလိုက်၏။</p> <p>"စီနီယာအစ်မတော်ယွီ... အဲဒီလို မေးတာ ဘာသဘောလဲ..."</p> <p>ယွီရူရွှမ်းက ပြုံးကာ ပြောလိုက်သည်။</p> <p>"မင်း စကားကို ပြန်ရုပ်သိမ်းလိုက်ပြီဆိုတော့ နင်းဖန်ကို တပည့်အဖြစ် လက်ခံမယ့် ကိစ္စက ငါနဲ့ပဲ သက်ဆိုင်သွားပြီလို့ ဆိုလိုတာပေါ့..."</p> <p>ဤစကားများ ပြောလိုက်သည်နှင့် အားလုံး မှင်တက်သွားကြ၏။</p> <p>ထိုက်ရီဂိုဏ်းချုပ်သည် နေရာမှာပင် အထူး မှင်တက်သွားခဲ့သည်။</p> <p>ချက်ချင်းပင် သူ တစ်စုံတစ်ခုကို တွေးမိသွားပုံရပြီး အောက်ဘက်ရှိ ကျမ်းစာဆောင်သို့ ရုတ်တရက် ငုံ့ကြည့်လိုက်ရာ သူ၏ မျက်လုံးသူငယ်အိမ်များ ကျုံ့ဝင်သွားခဲ့၏။</p> <p>နေပါဦး။</p> <p>ကျမ်းစာဆောင်၏ ပါရမီ ထောက်လှမ်းမှုက ချို့ယွင်းသွားပြီဖြစ်ရာ ယွီရူရွှမ်းသည် ဤအချိန်တွင် နင်းဖန်ကို တပည့်အဖြစ် လက်ခံရန် ဇွဲရှိနေစရာ အကြောင်း မရှိချေ။</p> <p>အကယ်၍များ... သူသည် ကျမ်းစာဆောင်၏ နဝမထပ်တွင် ရပ်နေသော ပုံရိပ်ကို ကြည့်လိုက်ရာ သူ၏ အတွေးများ ပြေးလွှားနေခဲ့၏။</p> <p>နောက်တစ်စက္ကန့်တွင် သူက အနည်းငယ် မိန်းမောစွာဖြင့် ရေရွတ်လိုက်သည်။</p> <p>"နင်းဖန်ရဲ့ ပါရမီက... အတု မဟုတ်ဘူး..."</p> <p>အခြားအကြီးအကဲများအားလုံး အံ့အားသင့်သွားကာ အော်ဟစ်လိုက်ကြ၏။</p> <p>"ဘာ..."</p> <p>ရွှီယိုဝေက အလျင်အမြန်ပင် မေးလိုက်သည်။</p> <p>"ဂိုဏ်းချုပ်... ထောက်လှမ်းရေး ဝင်္ကပါ အမှားမလုပ်ခဲ့ဘူးဆိုတာ ဘယ်လို သေချာတာလဲ..."</p> <p>ဖေ့ချင်းယွီသည် ပထမဦးစွာ ခေါင်းခါလိုက်ပြီးနောက် သက်ပြင်းရှည်ကြီးတစ်ခု ချလိုက်ကာ ပြောလိုက် ၏။</p> <p>"ငါ သေချာ မပြောနိုင်ဘူး..."</p> <p>"ဒါပေမယ့် ယနေ့ အဖြစ်အပျက်တွေနဲ့ ပတ်သက်လို့ ငါတို့ အပေါ်ယံ အသွင်အပြင်တွေကြောင့် မျက်ကန်းဖြစ်သွားခဲ့တယ်ဆိုတာကို ငါ နားလည်ပါတယ်..."</p> <p>"ဘာလို့လဲဆိုတော့ လူတစ်ယောက်ရဲ့ ပါရမီကို စောင့်ကြည့်ဖို့ ကျမ်းစာဆောင်ရဲ့ ဝင်္ကပါ ထောက်လှမ်းမှု ကို အားကိုးနေစရာ လုံးဝ မလိုလို့ပဲ... သတ္တမထပ်နဲ့ အဋ္ဌမထပ်က ကျောက်စိမ်းပြားတွေက အကောင်း ဆုံး သက်သေပဲ...။"</p> <p>ဤစကားများသည် မိုးကြိုးပစ်ချလိုက်သကဲ့သို့ပင်။</p> <p>အခြားလူအားလုံး တုန်လှုပ်သွားကြပြီး နင်းဖန် အဋ္ဌမထပ်သို့ ခြေချလိုက်စဉ်က ကျောက်စိမ်းပြားများ အားလုံး တောက်ပလာခဲ့သည့် မြင်ကွင်းသည် သူတို့၏ စိတ်ထဲတွင် အလိုအလျောက် ပေါ်လာခဲ့၏။</p> <p>ကောင်းကင်ဘုံအဆင့် ကျင့်ကြံခြင်းနည်းစနစ်များကို လောကတွင် တစ်ခုတည်းသာရှိပြီး နာမ်ဝိညာဉ် ပါရှိသော ကျောက်စိမ်းပြားများပေါ်တွင် မှတ်တမ်းတင်ထားခြင်း ဖြစ်သည်။</p> <p>နည်းစနစ် ပိုမို အားကောင်းလေလေ ထိုအရာ၏ နာမ်ဝိညာဉ် ပိုမို ကြီးမားလေလေ ဖြစ်၏။</p> <p>နင်းဖန် အဋ္ဌမထပ်သို့ ခြေချလိုက်သောအခါ အထပ်တစ်ခုလုံးရှိ ကျောက်စိမ်းပြားတိုင်းသည် ချွင်းချက် မရှိ တောက်ပလာခဲ့သည်။</p> <p>ဤသည်မှာ ကောင်းကင်ဘုံအဆင့် နည်းစနစ်များက နင်းဖန်ကို အသိအမှတ်ပြုခြင်းပင် ဖြစ်၏။</p> <p>ဤအသိအမှတ်ပြုမှုသည် အဓိပ္ပာယ်တစ်မျိုးဖြင့် ကျမ်းစာဆောင်၏ ပါရမီ ထောက်လှမ်းမှုထက်ပင် ပို၍ အခွင့်အာဏာ ရှိပေသည်။</p> <p>ထို့ကြောင့် ဥပဒေသ၏ ထိရောက်မှု ပျက်ကွက်သည်ဖြစ်စေ မပျက်ကွက်သည်ဖြစ်စေ နင်းဖန်၏ ပါရမီ မှာ စိတ်ကူးထက်ကျော်လွန်ကာ အကြွင်းမဲ့ အားကောင်းနေခဲ့၏။</p> <p>ဤအချက်ကို စဉ်းစားမိပြီးနောက် အကြီးအကဲများသည် သူတို့၏ စကားကို ထပ်မံ ပြောင်းလဲလိုက်ကြ ပြန်သည်။</p> <p>"ကောင်းကင်က ငါတို့ဂိုဏ်းကို ကောင်းချီးပေးတာပဲ...။"</p> <p>"ကံကောင်းလို့ အမှားကြီးတစ်ခု မဟုတ်ခဲ့ဘူး...။"</p> <p>"ဒီကလေး နင်းဖန်ဆီမှာ ပြိုင်ဘက်ကင်း ပါရမီရှင်တစ်ယောက်ရဲ့ အသွင်အပြင်နဲ့ ကြီးမားတဲ့ ရည်မှန်း ချက်တွေ ရှိနေတာကို ငါ အစကတည်းက သတိထားမိပါတယ်... အဲဒါက အတုနဲ့ မတူပါဘူး...။"</p> <p>"နင်းဖန်က ငါတို့ ထိုက်ရီအစစ်အမှန်ဂိုဏ်းရဲ့ အမြင့်ဆုံး ချီလင်သားတော် ဖြစ်သင့်တယ်...။"</p> <p>"..."</p> <p>အကြီးအကဲများစွာ အလုအယက် စကားပြောလာကြ၏။</p> <p>စိတ်အားထက်သန်သော ချီးကျူးမှုများဖြင့် ပြည့်နှက်နေသည့် သူတို့၏ မျက်နှာများပေါ်တွင် ယခင် စိတ်ခံစားမှု ပြောင်းလဲခြင်းမှ ရရှိခဲ့သော ရှက်ရွံ့မှု အရိပ်အယောင်မျှ မရှိတော့ချေ။</p> <p>စောင့်ကြည့်နေသော အစစ်အမှန်တပည့်များသည် ဤအဖြစ်အပျက်များ၏ အချိုးအကွေ့ကို မြင်သော အခါ သူတို့၏ ပါးစပ်များမှာ ထိန်းမရအောင် တွန့်ကွေးနေပြီး သူတို့၏ နှလုံးသားများမှာ အတွေးပေါင်း တစ်ထောင်ဖြင့် ပြေးလွှားနေခဲ့၏။</p> <p>သူတော်စင်မှာ အဆိုးရွားဆုံး ဖြစ်သွားခဲ့သည်။ သူ ယခုလေးတင် ပြန်လည် ကောက်ယူခဲ့သော သာလွန် မှု အငွေ့အသက်မှာ ပြိုကျသွားပြီး မြေပြင်ပေါ်တွင် အနှံ့အပြား ပြန့်ကျဲသွားခဲ့၏။</p> <p>'တကယ်ပြောနေတာလား လူအိုကြီးတို့...'</p> <p>'တစ်ခဏက အတုလို့ ပြောလိုက် နောက်တစ်ခဏကျ အစစ်လို့ ပြောလိုက်နဲ့... မင်းတို့ ကစားနေတာ လား...'</p> <p>'အတိအကျ အဖြေတစ်ခု ပေးလို့မရဘူးလား...'</p> <p>ဤအကွေ့အကောက်များတွင် ချိုးဖျက်ခံလိုက်ရသူမှာ နင်းဖန် မဟုတ်ချေ။</p> <p>ထိုအရာမှာ ရှင်းလင်းစွာပင် သူတော်စင်၏ တာအိုနှလုံးသား ဖြစ်ပေသည်။</p> <p> </p> <p> </p> <p style="text-align: center;">***</p>


Save