Book List

<h2 style="text-align: center;">အခန်း (၁၅)</h2> <h2 style="text-align: center;">နင်းဖန်အတွက် ရှေးဟောင်းအစီအစဉ်ကို ပြန်လည်စတင်ခြင်း</h2> <h2 style="text-align: center;">*</h2> <p> </p> <p> </p> <p>ကျမ်းစာဆောင်၊ နဝမထပ်။</p> <p>ဤအထပ်သို့ ခြေချပြီးနောက် နင်းဖန်သည် အနည်းငယ် ထူးဆန်းနေသလို ခံစားလိုက်ရ၏။</p> <p>နောက်ဆုံး လှေကားထစ် နှစ်ထစ်ကို တက်လိုက်သောအခါ မမြင်ရသော လက်တစ်စုံက သူ၏ ပခုံးများ ကို ဖိချလိုက်သကဲ့သို့ ခံစားလိုက်ရပြီး သူ၏ ခန္ဓာကိုယ်တစ်ခုလုံး အတော်လေး နိမ့်ကျသွားစေခဲ့သည်။</p> <p>*ဒါက စိတ်ကူးယဉ်သက်သက်ပဲလား...*</p> <p>နင်းဖန်က ပခုံးတွန့်လိုက်ပြီး ထိုအကြောင်းကို သိပ်မစဉ်းစားတော့ချေ။</p> <p>ထိုကိစ္စကို အခြားကမ္ဘာတစ်ခု၏ လက္ခဏာတစ်ရပ်အဖြစ်သာ သူ မှတ်ယူလိုက်၏။ အရာရာတိုင်းက အနည်းငယ် ထူးဆန်းနေခြင်းမှာ ပုံမှန်ပင် ဖြစ်သည်။</p> <p>ထို့နောက် သူသည် စိတ်ဓာတ်တက်ကြွစွာဖြင့် ရှေ့သို့ လှမ်းသွားခဲ့၏။ သူ ရှေ့သို့ လျှောက်သွားရင်း ဤအထပ်ကို အကဲခတ်ကြည့်လိုက်သည်။</p> <p>ကျမ်းစာဆောင်၏ ထိပ်ဆုံးထပ်သည် အခြားအထပ်များနှင့် အလွန် ကွဲပြားခြားနားနေခဲ့၏။ အစီအရီ ရှိနေသော မြင့်မားသည့် စာအုပ်စင်များ မရှိသလို ခရီးသွားမှတ်တမ်းများ သို့မဟုတ် အခြားစာအုပ်များ လည်း မရှိချေ။</p> <p>လေထဲတွင် လွင့်မျောနေသော ကျောက်စိမ်းပြား ဒါဇင်ပေါင်းများစွာသာ ရှိပေသည်။ နင်းဖန် ပထမဆုံး ခြေလှမ်းကို လှမ်းလိုက်သောအခါ ဤကျောက်စိမ်းပြားများ အားလုံးသည် အခိုက်အတန့်မျှ တိတ်ဆိတ် သွားကြ၏။</p> <p>တိတိကျကျ ဆိုရလျှင်..... သူတို့၏ အလင်းရောင်များ ပျောက်ကွယ်သွားပြီး သူတို့၏ လွင့်မျောနေသော အမြင့်သည် ရုတ်တရက် စင်တီမီတာ အနည်းငယ်ခန့် နိမ့် ဆင်းသွားခဲ့သည်။</p> <p>ဤထူးဆန်းသော မြင်ကွင်းကြောင့် နင်းဖန်မှာ ဇဝေဇဝါ ဖြစ်သွားခဲ့၏။</p> <p>ထိုက်ရီအကြွင်းအကျန်နယ်မြေ အတွင်း၌ စောင့်ကြည့်နေသော အကြီးအကဲများစွာမှာလည်း မျက်မှောင်ကြုတ်သွားကြသည်။</p> <p>ဆေးဖက်ဝင်အပင်တစ်ရာတောင်ထိပ်၏ အကြီးအကဲက မေးလိုက်၏။</p> <p>"ကျောက်စိမ်းပြားတွေအားလုံး ဘာလို့ တိတ်ဆိတ်သွားတာလဲ... နင်းဖန်ရဲ့ ပါရမီက ကောင်းကင်ဘုံ အဆင့်မြင့် ကျင့်ကြံခြင်းနည်းစနစ်တွေကို စိတ်ဝင်စားဖို့ မလုံလောက်လို့များလား...။"</p> <p>သူ စကားပြောပြီးသည်နှင့် အခြားသူများ ပြန်လည်ဖြေကြားရန် အကြောင်းပြချက် မစဉ်းစားနိုင် မီမှာပင်.....</p> <p>အောက်ဘက်ရှိ ကျမ်းစာဆောင် အတွင်းမှ မြင်ကွင်းမှာ ထပ်မံ ပြောင်းလဲသွားခဲ့၏။</p> <p>နဝမထပ်ရှိ ကျောက်စိမ်းပြားများ အားလုံးသည် အချိန်တိုတောင်းသော တိတ်ဆိတ်မှုအပြီးတွင် တောက်ပသော အလင်းရောင်များဖြင့် ရုတ်တရက်  ပေါက်ကွဲထွက်လာခဲ့သည်။</p> <p>ကျောက်စိမ်းပြားတစ်ခုစီသည် လေထဲတွင် ဟိုဟိုဒီဒီ သွားလာနေကြပြီး ကျက်သရေရှိသော စက်ဝိုင်း ခြမ်းပုံစံများကို ဖန်တီးကာ နင်းဖန်ကို ဝိုင်းရံရန် အလုအယက် ကြိုးစားနေကြ၏။</p> <p>ဤမြင်ကွင်းက ဆေးဖက်ဝင်အပင်တစ်ရာတောင်ထိပ်၏ အကြီးအကဲကို မှင်တက်သွားစေခဲ့သည်။</p> <p>ထျန်းကျီးတောင်ထိပ်၏ အရှင်သခင် ကျူးကော့မင်က ခါးသီးစွာ ပြုံးလိုက်၏။</p> <p>"နင်းဖန်ရဲ့ ပါရမီက မလုံလောက်တာ မဟုတ်ဘူး... အရမ်းကောင်းလွန်းနေတာ... ဘယ်လောက်တောင် ကောင်းလဲဆိုရင် ကျမ်းစာဆောင်ရဲ့ နဝမထပ်အတွက် လိုအပ်တဲ့ စံနှုန်းတွေထက် အများကြီး ကျော်လွန်နေတယ်... အဲဒါကြောင့် ဒီကျောက်စိမ်းပြားတွေက ပထမတော့ တုံ့ပြန်မှုတောင် မရှိဘဲ နေရာမှာတင် မှင်တက်သွားကြတာပဲ...။"</p> <p>သူ၏ စကားများမှာ ရယ်စရာကောင်းပြီး လူသားဆန်လွန်းနေခဲ့၏။</p> <p>သို့သော် နားထောင်နေသူများအတွက် စကားလုံးများမှာ ရိုင်းစိုင်းသော်လည်း ယုတ္တိရှိလှပေသည်။</p> <p>လက်ရှိ အခြေအနေမှာ အမှန်တကယ်ပင် ထိုသို့ ဖြစ်နေခဲ့၏။  မည်သို့ပင်ဆိုစေ ကျမ်းစာဆောင်၏ နဝမထပ်တွင် သိမ်းဆည်းထားသော ကျင့်ကြံခြင်းနည်းစနစ် တိုင်းသည် ကောင်းကင်ဘုံ အဆင့်မြင့် ဖြစ်သည်။</p> <p>ဤသည်မှာ ကမ္ဘာပေါ်တွင် အမြင့်ဆုံး အဆင့်ဖြစ်နေပြီဖြစ်ပြီး တိုက်ကြီးကို နှစ်သန်းဆယ်ချီကြာ လွှမ်းမိုးထားစဉ်အတွင်း ထိုက်ရီအစစ်အမှန်ဂိုဏ်းမှ လက်ဆင့်ကမ်းလာခဲ့သော အခြေခံအုတ်မြစ်ကို ကိုယ်စားပြုပေသည်။</p> <p>ထိုအဆင့်ရှိ ကျင့်ကြံခြင်းနည်းစနစ် ကျောက်စိမ်းပြားများသည် မယုံကြည်နိုင်လောက်အောင် သိပ်သည်းသော နာမ်ဝိညာဉ်များ ပါဝင်နေခဲ့၏။</p> <p>သူတို့တွင် စစ်မှန်သော ဉာဏ်ရည်ဉာဏ်သွေး မရှိသော်လည်း သူတို့သည် အထူးတလည် တက်ကြွ နေကြလေသည်။</p> <p>"နည်းစနစ်က သခင်ကို ရွေးချယ်တယ်" ဟူသော စကားမှာ တင်စားချက်တစ်ခုသက်သက် မဟုတ်တော့ ချေ။</p> <p>ယေဘုယျအားဖြင့် ပြောရလျှင် လူတိုင်း၏ ခန္ဓာကိုယ်သည် ကွဲပြားသောကြောင့် သူတို့၏ ကျင့်ကြံခြင်း လမ်းကြောင်းများမှာလည်း များစွာ ကွဲပြားကြ၏။</p> <p>ပါရမီရှင် တပည့်များစွာသည် ကျမ်းစာဆောင်၏ ထိပ်ဆုံး အထပ်သုံးထပ်သို့ ရောက်ရှိလျှင်ပင် ကျောက်စိမ်းပြားများစွာထဲမှ သင့်တော်သော တစ်ခု သို့မဟုတ် နှစ်ခုကိုသာ ရွေးချယ်နိုင်ပေသည်။</p> <p>ဤသည်မှာ အထူးခန္ဓာကိုယ်များ၏ ကန့်သတ်ချက်ဖြစ်ပြီး ထိုအရာကို ရှောင်လွှဲ၍မရနိုင်ချေ။</p> <p>လွန်ခဲ့သော နှစ်တစ်သန်းက နဝမထပ်သို့ ရောက်ရှိခဲ့သော ပါရမီရှင်သည် ဤကျောက်စိမ်းပြား ဒါဇင် ပေါင်းများစွာထဲမှ နှစ်ခု သို့မဟုတ် သုံးခုကိုသာ ရေစက်ပါကြောင်း အချက်ပြနိုင်ခဲ့သည်ဟု ဆိုကြ၏။</p> <p>သို့သော် ယခု နင်းဖန် ဖန်တီးနေသော မြင်ကွင်းကကော မည်သို့နည်း။</p> <p>သူ ရောက်ရှိလာသည်နှင့်တစ်ပြိုင်နက် နဝမထပ်ရှိ ကျောက်စိမ်းပြားတိုင်းသည် ရူးသွပ်သွားကြသည်။ ဤသည်မှာ အမှန်တကယ်ပင် အံ့အားသင့်စရာ ကောင်းလှ၏။</p> <p>ဤသည်ကို ကြည့်ရင်း ဂိုဏ်း၏ အဆင့်မြင့်အရာရှိများ အားလုံးသည် သူတို့၏ နှလုံးသားထဲတွင် ဖော်ပြ ၍မရနိုင်သော တုန်လှုပ်မှုကို ခံစားလိုက်ရသည်။</p> <p>သူတော်စင်သည် မျက်လုံးလျင်လှ၏။ သူ အမြဲတမ်း တောင့်တနေခဲ့သော အောက်ကမ္ဘာ နဂါးပြောင်းလဲ ခြင်း ကျမ်းစာ ကို သူ ချက်ချင်း မြင်တွေ့လိုက်ရသည်။</p> <p>ဤသည်မှာ သူ ကျင့်ကြံနေသော ငရဲမြေကမ္ဘာ နဂါးဆွဲငင်ခြင်းနည်းစနစ်၏ သာလွန်သော မူရင်းဗားရှင်း ဖြစ်၏။</p> <p>ထိုအရာသည် စိတ်ဝိညာဉ်ကျင့်ကြံခြင်း လမ်းကြောင်း၏ အမြင့်ဆုံး နတ်ဘုရားနည်းစနစ် ဖြစ်ပေသည်။</p> <p>သို့သော် ယခု..... သူတော်စင် တောင့်တနေသော ဤ အောက်ကမ္ဘာ နဂါးပြောင်းလဲခြင်း ကျမ်းစာ သည် နင်းဖန်၏ နောက်တွင် ဖော်လံဖားတစ်ဦးကဲ့သို့ လွင့်မျောနေခဲ့၏။</p> <p>ကျောက်စိမ်းပြားများစွာထဲတွင် ထိုကျောက်စိမ်းပြားသည် အတက်ကြွဆုံး ဖြစ်နေခဲ့သည်။ ကံမကောင်း စွာဖြင့် နင်းဖန်က လှည့်ပင်မကြည့်ဘဲ ထိုနည်းစနစ်ကို လုံးဝ လျစ်လျူရှုထားခဲ့၏။</p> <p>ဤမြင်ကွင်းက သူတော်စင်ကို အံကြိတ်သွားစေပြီး သူ၏ နှလုံးသားမှာ ကြေမွသွားခဲ့သည်။</p> <p>သူ အဖိုးတန် ရတနာတစ်ခုအဖြစ် သတ်မှတ်ထားသောအရာကို အခြားသူတစ်ဦးက ဟောင်းနွမ်း နေသော ဖိနပ်တစ်ရန်ကဲ့သို့ လုံးဝ ဂရုမစိုက်ဘဲ ဆက်ဆံနေခဲ့သည်ပင်မဟုတ်ပါတကား။</p> <p>သူတော်စင်၏ တာအိုနှလုံးသားမှာ ပြိုကျလုနီးပါး ဖြစ်နေပြီဖြစ်၏။ ဤသည်ကို မြင်သောအခါ ဖော်ပြ ၍မရနိုင်သော မသက်မသာဖြစ်မှုနှင့်အတူ ခါးသီးသော ခံစားချက်များ ရောနှောကာ ခံစားလိုက်ရသည်။</p> <p>ထိုက်ရီဂိုဏ်းချုပ် ဖေ့ချင်းယွီက သက်ပြင်းချလိုက်၏။</p> <p>"ဒါက သေမျိုးခန္ဓာကိုယ်ပဲ..."</p> <p>သေမျိုးခန္ဓာကိုယ်သည် အဆုံးမရှိသော ဖြစ်နိုင်ခြေများကို ပိုင်ဆိုင်ထားသည့် စက္ကူအလွတ်တစ်ရွက်နှင့် တူပေသည်။ မည်သည့် ကျင့်ကြံခြင်းနည်းစနစ်ကိုမဆို ကျင့်ကြံနိုင်၏။</p> <p>တစ်ခုတည်းသော အားနည်းချက်မှာ ပါရမီမရှိခြင်းပင်။ သေမျိုးခန္ဓာကိုယ် အများစုသည် သာမန်လူ အဖြစ်သာ မှေးမှိန်သွားနိုင်ပေသည်။</p> <p>သို့သော် နင်းဖန်သည် ဤစည်းမျဉ်းကို ချိုးဖျက်ခဲ့ပြီ ဖြစ်၏။</p> <p>သူ၏ ကျင့်ကြံခြင်း ပါရမီမှာ ခန့်မှန်းရန် ခက်ခဲလောက်အောင် မြင့်မားနေပြီး အမျိုးမျိုးသော အံ့ဖွယ် အထူးခန္ဓာကိုယ်များနှင့် နှိုင်းယှဉ်နိုင်ပေသည်။ သို့တိုင် သူသည် အထူးခန္ဓာကိုယ်များ၏ ကန့်သတ်ချက် များဖြင့် ကန့်သတ်မခံရချေ။</p> <p>ဆိုလိုသည်မှာ နင်းဖန်၏ ကြီးထွားနိုင်စွမ်းမှာ မယုံကြည်နိုင်လောက်အောင် ကျယ်ပြန့်ပြီး အကန့်အသတ် မရှိသော အနာဂတ် ရှိနေသည်ဟု ဆိုလိုခြင်းပင်။</p> <p>မိန်းမောနေစဉ်အတွင်း သေမျိုးခန္ဓာကိုယ်ဖြင့် သူ၏ တာအိုကို သက်သေပြကာ အတိတ်နှင့် ပစ္စုပ္ပန်၏ အကန့်အသတ်များကို ချိုးဖျက်ပြီး နေ၊ လနှင့် ကောင်းကင်တို့ကို ဖြတ်တောက်မည့် ပြိုင်ဘက်ကင်း ပါရမီရှင်တစ်ဦး ပေါ်ထွက်လာတော့မည်ကို ဖေ့ချင်းယွီ မြင်တွေ့လိုက်ရသကဲ့သို့ပင်။</p> <p>ဖေ့ချင်းယွီ၏ စိတ်ထဲတွင် အခိုက်အတန့်လေးအတွင်းမှာပင် မတူညီသော လေ့ကျင့်ရေး အစီအစဉ် များစွာ ပုံဖော်ပေါ်လာခဲ့၏။</p> <p>ထိုအစီအစဉ်များအားလုံး၏ အဓိကအချက်မှာ အရာတစ်ခုတည်းကိုသာ ညွှန်ပြနေခဲ့သည်.....</p> <p>နင်းဖန်ကို ပြုစုပျိုးထောင်ရန် ဂိုဏ်းတစ်ခုလုံး၏ အင်အားကို စုစည်းမည်။</p> <p>ဤသည်ကို တွေးမိသောအခါ ဖေ့ချင်းယွီသည် ချက်ချင်းပင် ရှေ့သို့ တစ်လှမ်း လှမ်းလိုက်ရာ ကောင်းကင်ယံတွင် ချက်ချင်း ပေါ်လာပြီး တာအိုဆွဲဆောင်မှု အလွှာများနှင့် နတ်ဘုရားစွမ်းရည်များက သူ့ထံမှ ဖြာထွက်နေခဲ့၏။</p> <p>သူသည် ထိုက်ရီအကြွင်းအကျန်နယ်မြေ၏ အနက်ရှိုင်းဆုံးနေရာဆီသို့ လက်အုပ်ချီကာ ပြောလိုက် လေသည်။</p> <p>"မဟာအကြီးအကဲ သုံးဦးကို ငါ သတင်းပို့ပါတယ်... ဒီကလေး နင်းဖန်မှာ အံ့မခန်း ပါရမီ ရှိပါတယ်... သူ့ကို သူတော်စင်နဲ့ သူတော်စင်မိန်းမပျိုတို့ထက် မြင့်တဲ့ အဆင့်အတန်းတစ်ခုဖြစ်တဲ့ ဂိုဏ်းရဲ့ တပည့် ခေါင်းဆောင် အစီအစဉ်တစ်ခု သတ်မှတ်ပြီး သူ လွတ်လပ်သွားတာနဲ့ သူ့ကို ပြုစုပျိုးထောင်ဖို့ ငါတို့ရဲ့ ကြိုးစား အားထုတ်မှု အားလုံးကို မြှုပ်နှံချင်ပါတယ်...။"</p> <p>သူ စကားပြောပြီးသည်နှင့် တစ်ပြိုင်နက် ထိုက်ရီအကြွင်းအကျန်နယ်မြေ အတွင်း၌ ရုန်းရင်းဆန်ခတ် မှုတစ်ခု ချက်ချင်း ပေါက်ကွဲထွက်လာခဲ့၏။</p> <p>"ဂိုဏ်း တပည့်ခေါင်းဆောင်အစီအစဉ်တဲ့လား... "</p> <p>"သူတော်စင်နဲ့ သူတော်စင်မိန်းမပျိုတို့ထက် မြင့်တဲ့ အဆင့်အတန်းတဲ့လား... "</p> <p>"သူတို့ နင်းဖန်ကို တကယ်ပဲ တန်ဖိုးထားတာပဲ... "</p> <p>သို့သော် သူ၏ အံ့မခန်း ပါရမီကို ထည့်သွင်းစဉ်းစားပါက အားလုံးမှာ အဓိပ္ပာယ်ရှိပုံရပေသည်။</p> <p>အကြီးအကဲများအားလုံး သက်ပြင်းချလိုက်ကြ၏။ ဂိုဏ်းချုပ်က ဤဆုံးဖြတ်ချက်ကို အမှန်တကယ်ပင် ပြုလုပ်ခဲ့ခြင်း ဖြစ်သည်။ အစီအစဉ် ဆိုသည်မှာ ဖေ့ချင်းယွီမှ သီးသန့် ဖန်တီးထားသော တပည့်ရာထူး တစ်ခု မဟုတ်ဘဲ ရှေးခေတ်ကာလကတည်းက တည်ရှိခဲ့သောအရာ ဖြစ်၏။</p> <p>ထိုအချိန်က ကမ္ဘာကြီးမှာ ကစဉ့်ကလျားဖြစ်နေပြီး ဒေသလေးခုမှာ စစ်မက်ဖြစ်ပွားနေခဲ့သည်။</p> <p>အင်အားကြီးမားသော အင်အားစုများသည် ဖွံ့ဖြိုးတိုးတက်ရေးနှင့် တပည့်များကို ပြုစုပျိုးထောင်ရေး အပေါ် အာရုံစိုက်နေခဲ့ကြ၏။</p> <p>ထိုက်ရီအစစ်အမှန်ဂိုဏ်းလည်း ထိုနည်းတူပင်။ ကစဉ့်ကလျား အခြေအနေများကြားတွင် အင်အား ကြီးမားလာစေရန် ဂိုဏ်းအတွင်းရှိ ပါရမီရှင် တပည့်များအတွက် "အစီအစဉ် လေ့ကျင့်ရေးနည်းလမ်း" ကို စတင်ခဲ့သည်။</p> <p>အလားအလာရှိသော တပည့်များကို တပည့်ခေါင်းဆောင် အစီအစဉ်များအဖြစ် ဖွဲ့စည်းပြီး သူတို့၏ တိုက်ခိုက်လိုစိတ်ကို မြှင့်တင်ရန် အချင်းချင်း ယှဉ်ပြိုင်စေခဲ့၏။</p> <p>နောက်ဆုံး အနိုင်ရရှိသူသည် ပထမ အစီအစဉ် ဖြစ်လာမည်ဖြစ်ပြီး အခြားတပည့်အားလုံးထက် သာလွန်ကာ ဂိုဏ်းတစ်ခုလုံး၏ အရင်းအမြစ်များကို ခံစားခွင့်ရှိမည် ဖြစ်သည်။</p> <p>ဤပြင်းထန်သော အစီအစဉ် လေ့ကျင့်ရေးနည်းလမ်းကို ထိုက်ရီအစစ်အမှန်ဂိုဏ်းသည် ဤနယ်မြေ၏ ထိပ်တန်းအင်အားစု ဖြစ်လာပြီး ကမ္ဘာကြီး ငြိမ်းချမ်းသွားပြီးနောက်မှသာ တဖြည်းဖြည်း ဖျက်သိမ်းခဲ့ ခြင်း ဖြစ်၏။</p> <p>ထိုအရာ၏ နေရာတွင် နှိုင်းယှဉ်ချက်အရ ပိုမိုပျော့ပျောင်းသော "သူတော်စင်စုံတွဲ စနစ်" ကို မိတ်ဆက် ခဲ့သည်။</p> <p>ဆိုလိုသည်မှာ ပါရမီအကောင်းဆုံး အမျိုးသားနှင့် အမျိုးသမီး တပည့်များကို သူတော်စင်နှင့် သူတော်စင်မိန်းမပျိုအဖြစ် ရွေးချယ်ခြင်း ဖြစ်၏။</p> <p>ယခုမူ.....</p> <p>ထိုက်ရီဂိုဏ်းချုပ်၏ "ရှေးဟောင်းအစီအစဉ်" ကို ပြန်လည်စတင်ရန် ရည်ရွယ်ချက်မှာ ရှင်းလင်းလှပေ သည်။</p> <p>သူသည် နင်းဖန်အား ဂိုဏ်း၏ ဆက်ခံသူအဖြစ် အပြည့်အဝ ပြုစုပျိုးထောင်ရန် ရည်ရွယ်ထားခြင်း ဖြစ်၏။</p> <p>အောက်ဘက်တွင် သူတော်စင်၏ ခန္ဓာကိုယ်မှာ ဤကိစ္စကို ကြားသောအခါ မတုန်ယင်ဘဲ မနေနိုင်ခဲ့ချေ။</p> <p>နင်းဖန်တွင် ကျမ်းစာဆောင်၏ နဝမထပ်သို့ ခြေချနိုင်သော ပါရမီ အမှန်တကယ် ရှိကြောင်း သူ မြင်လိုက်ရသောအခါ သူ့တွင် မကောင်းသော ခံစားချက်တစ်ခု ဖြစ်ပေါ်လာခဲ့၏။</p> <p>သို့သော် ဤအခိုက်အတန့်သည် ဤမျှ လျင်မြန်စွာ ရောက်ရှိလာလိမ့်မည်ဟု သူ မမျှော်လင့်ထားခဲ့ချေ။</p> <p>ဖေ့ချင်းယွီက ရှေးဟောင်း ဂိုဏ်း အစီအစဉ် ရာထူးများကို ပြန်လည်စတင်ရန် အမှန်တကယ် အဆိုပြု ခဲ့ပြီး နင်းဖန်ကို သူတော်စင်စုံတွဲများ၏ အထက်တွင် ထားရှိခဲ့သည်။</p> <p>ဤအမိန့်ကို အကောင်အထည်ဖော်လိုက်သည်နှင့် ဂိုဏ်း၏ အမျိုးသား တပည့်များ၏ ခေါင်းဆောင် အဖြစ် သူ၏ ရာထူးသည် အတိတ်၏ အရာတစ်ခု ဖြစ်သွားမည် မဟုတ်ပါလော။</p> <p>သူတော်စင်သည် တင်းမာနေသလို ခံစားလိုက်ရပြီး သူ၏ တာအိုနှလုံးသားမှာ နောက်တစ်ကြိမ် တုန်လှုပ်သွားခဲ့၏။</p> <p>အမိုးခုံး၏ အနက်ရှိုင်းဆုံး နေရာတွင် မဟာအကြီးအကဲ သုံးဦးသည် ဤကိစ္စကို ကြားသောအခါ ချက်ချင်း တုံ့ပြန်ခြင်း မရှိခဲ့ချေ။</p> <p>သူတို့ တိုင်ပင်ဆွေးနွေးနေပုံရ၏။ ဤဧရိယာသည်လည်း တိတ်ဆိတ်သွားခဲ့သည်။</p> <p>အကြီးအကဲများစွာနှင့် အစစ်အမှန်တပည့်များသည် ရလဒ်ကို စောင့်ဆိုင်နေခဲ့ကြ၏။</p> <p>သို့သော် ထိုအချိန်တွင် အပြင်ဘက် ဧရိယာများမှ ဆူညံသံများက ရုတ်တရက် လေထုကို ချိုးဖျက် သွားခဲ့လေသည်။</p> <p>အကြီးအကဲများသည် ထိုက်ရီအကြွင်းအကျန်နယ်မြေ တစ်ခုလုံးကို သူတို့၏ နတ်ဘုရားစိတ်အာရုံ များဖြင့် လွှမ်းမိုးစစ်ဆေးလိုက်ရာ အပြင်စည်းတပည့်များ အဘယ်ကြောင့် ဆူညံနေရကြောင်းကို ချက်ချင်း နားလည်သွားခဲ့၏။</p> <p>နင်းဖန်က နောက်ထပ် လှုပ်ရှားမှုတစ်ခု လုပ်နေခြင်း ဖြစ်သည်။</p> <p>အားလုံးက မဟာအကြီးအကဲများ၏ ဆုံးဖြတ်ချက်ကို စောင့်ဆိုင်းရန် အာရုံစိုက်လွန်းနေသဖြင့် အောက်ဘက်ရှိ အခြေအနေကို စောင့်ကြည့်ရန် မေ့လျော့နေခဲ့ကြ၏။</p> <p>ယခု အနီးကပ် ကြည့်လိုက်သောအခါ နင်းဖန်သည် ရည်ရွယ်ချက်မဲ့စွာ လျှောက်သွားနေခြင်း မရှိတော့ ကြောင်း တွေ့လိုက်ရသည်။</p> <p>ယင်းအစား သူသည် အလယ်ဗဟိုတွင် လက်နှစ်ဖက်ကို ပိုက်ထားလျက် မလှုပ်မယှက် ရပ်နေ၏။ သူ၏ရှေ့တွင် မီးခိုးငွေ့ ထွက်နေသော အဖြူရောင် မြူခိုးတန်းတစ်ခု ရှိနေပုံရပြီး ကျင့်ကြံခြင်းနည်းစနစ် ကျောက်စိမ်းပြားများ အားလုံးက ထိုအရာ၏ ပတ်လည်တွင် ကခုန်နေကြသည်။</p> <p>"ဒါက... သန့်စင်ပြီး ပေါင်းစည်းခြင်း နည်းစနစ်လား...။"</p> <p>သေချာ မြင်လိုက်ရပြီးနောက် ထျန်းကုန်းတောင်ထိပ်၏ အကြီးအကဲက မအော်ဟစ်ဘဲ မနေနိုင်ခဲ့ချေ။</p> <p>ဤအော်ဟစ်သံက ချက်ချင်းပင် ပတ်ဝန်းကျင်ကို ဆူပွက်သွားစေခဲ့၏။</p> <p>အကြီးအကဲများအားလုံး ပြုံးခြင်းနှင့် ချီးမွမ်းခြင်းများကို ရပ်တန့်သွားကြသည်။ သူတို့၏ အမူအရာများ အေးခဲသွားပြီးနောက် အဆုံးမရှိသော ဒေါသအဖြစ်သို့ ပြောင်းလဲသွားတော့၏။</p> <p>"ရပ်စမ်း..."</p> <p>"သန့်စင်ပြီး ပေါင်းစည်းခြင်း နည်းစနစ်ကို သူ ဘယ်လိုလုပ် သိတာလဲ...။"</p> <p>"ဒီကလေး ဘာလုပ်နေတာလဲ... သူက ငါတို့ ထိုက်ရီအစစ်အမှန်ဂိုဏ်းရဲ့ အခြေခံအုတ်မြစ်ကို ဖျက်ဆီး ချင်နေတာလား...။"</p> <p>မျက်စိတစ်မှိတ်အတွင်းမှာပင် နင်းဖန်အပေါ် ထားရှိသော ရောက်ရှိနေသူ အားလုံး၏ သဘောထားမှာ ရုတ်တရက် အဆိုးရွားဆုံးသို့ ပြောင်းလဲသွားခဲ့ပြီး ဂိုဏ်းချုပ်၏ မျက်နှာပင်လျှင် မှောင်မိုက်သွားခဲ့၏。</p> <p> </p> <p> </p> <p style="text-align: center;">***</p>


Save