Book List

<h2 style="text-align: center;">အခန်း (၂၁)</h2> <h2 style="text-align: center;">ရှေးခေတ်ကတည်းက ရှိခဲ့သော စံချိန်များကို ချိုးဖျက်ခြင်း</h2> <h2 style="text-align: center;">*</h2> <p> </p> <p>သူတော်စင်၏ စိတ်ခံစားချက်သည် အလွန်ဆိုးရွားနေ၏။</p> <p> </p> <p>လွန်ခဲ့သော အခိုက်အတန့်လေးကပင် ကျမ်းစာဆောင်၏ ထိပ်တန်းအဆင့် သိုင်းနည်းစနစ်များကို သန့်စင်ရန် ကြိုးစားသည့် နင်းဖန်၏ မိုက်မဲမှုအပေါ် သူ ကြိတ်ပြီး ဝမ်းသာနေခဲ့သည်ပင်။ မည်မျှ ရယ်စရာကောင်းလိုက်ပါ သနည်း။</p> <p> </p> <p>သူသည် သူ၏ တောက်ပသော အနာဂတ်ကို သူ၏လက်အစုံဖြင့် လွှင့်ပစ်နေခဲ့ခြင်းသာဖြစ်၏။</p> <p> </p> <p>သို့သော် မျက်စိတစ်မှိတ်အတွင်းမှာပင် မြေကြီးထဲမှ ရွှေရောင်ကြာပန်းများ ပေါက်ကွဲထွက်လာပြီး ကောင်းကင်မှ မင်္ဂလာရှိသော နိမိတ်လက္ခဏာများ ကျဆင်းလာကာ မဟာတာအိုသည် တစ်ပြိုင်နက် တည်း ပဲ့တင်ထပ်သွားခဲ့လေသည်။</p> <p> </p> <p>ရိုးရိုးသားသား ပြောရလျှင် သူတော်စင်သည် မိန်းမောနေဆဲပင် ဖြစ်၏။</p> <p> </p> <p>သူ၏ ဦးနှောက်ကို မည်မျှပင် အလုပ်ပေးစေကာမူ ကောင်းကင်ဘုံ အဆင့်မြင့် ကျင့်ကြံခြင်းသိုင်းနည်း စနစ် သုံးဆယ့်ခုနစ်ခုကို သန့်စင်ခြင်းက မည်သို့ အောင်မြင်သွားနိုင်သနည်းဆိုသည်ကို သူ နားမလည်နိုင် ခဲ့ချေ။ ထိုကဲ့သို့ အလွယ်တကူပင်။</p> <p> </p> <p>လုံးဝကို အဓိပ္ပာယ်မရှိလှချေ။</p> <p> </p> <p>ထို့ထက်ဆိုးသည်မှာ နင်းဖန်၏ အောင်မြင်မှုက ယခင် ပြစ်မှုအားလုံးကို ချက်ချင်း ဖျက်ပစ်လိုက်ခြင်းပင် ဖြစ်သည်။</p> <p> </p> <p>မဟာအကြီးအကဲ ကျီးယန်ပင်လျှင် သတ်ဖြတ်ရန် အမိန့်ကို ရုပ်သိမ်းခဲ့ပြီး သူ့အား ကိုယ်တိုင် တရား သေလွှတ်ပေးခဲ့ခြင်းဖြစ်၏။</p> <p> </p> <p>ဂိုဏ်းတစ်ခုလုံး လွတ်လပ်သွားသည်နှင့် နင်းဖန်သည် တပည့်ခေါင်းဆောင်၏ ထိပ်ဆုံးသို့ တိုက်ရိုက် ခုန်တက်သွားမည် ဖြစ်သည်။</p> <p> </p> <p>သူ၏ အဆင့်အတန်းသည် အခြားတပည့်တိုင်းထက် သာလွန်သွားမည် ဖြစ်၏။</p> <p> </p> <p>ယခင်က "သူတော်စင်များ" သည်လည်း ယခုမူ နှိုင်းယှဉ်၍မရနိုင်တော့ချေ။</p> <p> </p> <p>သူတော်စင်သည် မည်သို့ တည်ငြိမ်နေနိုင်မည်နည်း။</p> <p> </p> <p>ထို့ပြင် ယခင်က နင်းဖန်နှင့် ပတ်သက်သည့် ကိစ္စတိုင်းသည် အချိုးအကွေ့များဖြင့် ပြည့်နှက်နေပြီး သူတော်စင်၏ တာအိုနှလုံးသားကို ဆိုးရွားစွာ တုန်လှုပ်စေခဲ့ပြီး ဖြစ်၏။</p> <p> </p> <p>ယခုအချိန်တွင် သူသည် လုံးဝ တုန်လှုပ်နေခဲ့ပြီဖြစ်သည်။</p> <p> </p> <p>သူသည် နှုတ်ခမ်းများကို တင်းတင်းစေ့ကာ အချိန်အတော်ကြာ တုံ့ဆိုင်းနေပြီးနောက် နောက်ဆုံးတွင် စကားပြောလိုက်၏။</p> <p>"ဂျူနီယာညီလေးနင်းဆီမှာ...။ ပြိုင်ဘက်ကင်း ပါရမီရှိတယ်...။ ဒီတပည့်က ပေါ့ပေါ့ဆဆ ခန့်မှန်းဖို့ မရဲပါဘူး...။"</p> <p> </p> <p>"ဒါပေမယ့် သိုင်းလမ်းကြောင်းမှာ မွေးရာပါ ပါရမီအပြင် လူတစ်ယောက်ရဲ့ နားလည်နိုင်စွမ်းကလည်း အဆုံးအဖြတ်ပေးပါတယ်...။"</p> <p> </p> <p>"ဂျူနီယာညီလေးနင်းက ကောင်းကင်ဘုံအဆင့် အမြင့်ဆုံး သိုင်းနည်းစနစ်တစ်ခုကို ကျင့်ကြံနေတာ ဆိုတော့ သူ့ရဲ့ နားလည်နိုင်စွမ်းအပေါ် တောင်းဆိုမှုတွေက ပိုမြင့်မားပြီး နားလည်ဖို့ လိုအပ်တဲ့ အချိန်ကလည်း ပိုရှည်ကြာလိမ့်မယ်...။"</p> <p> </p> <p>"ဒါကြောင့် ရုပ်ခန္ဓာကိုယ်သန့်စင်ခြင်းအဆင့်ကို ဝင်ရောက်ဖို့ သုံးရက်ထက် ပိုကြာတာက လုံးဝကို ပုံမှန်ပါပဲ...။"</p> <p> </p> <p>သူတော်စင် စကားပြောပြီးသောအခါ အကြီးအကဲများသည် တစ်ဦးကိုတစ်ဦး ကြည့်ကာ အနည်းငယ် ခေါင်းညိတ်လိုက်ကြ၏။</p> <p> </p> <p>ကျင့်ကြံခြင်းလမ်းကြောင်းတွင် နားလည်နိုင်စွမ်းသည် ပါရမီကဲ့သို့ပင် အရေးကြီးပေသည်။</p> <p> </p> <p>မြင့်မားသော ပါရမီဆိုသည်မှာ ရုပ်ခန္ဓာကိုယ်သည် စိတ်ဝိညာဉ်ချီများကို သန့်စင်ရန် ပိုမိုကောင်းမွန်စွာ လိုက်လျောညီထွေဖြစ်ပြီး အဟန့်အတားများ နည်းပါးစွာ ကြုံတွေ့ရခြင်းကိုသာ ဆိုလို၏။</p> <p> </p> <p>နားလည်နိုင်စွမ်းမှာမူ ကွဲပြားလေသည်။ ထိုစွမ်းရည်သည် ဉာဏ်ရည်ဉာဏ်သွေး၊ ဦးနှောက်စွမ်းရည်ကို ကိုယ်စားပြုပေသည်။</p> <p>မကျင့်ကြံမီ ကျင့်ကြံခြင်းသိုင်းနည်းစနစ်ကို ကိုယ်တိုင် ဦးစွာ သင်ယူရမည် ဖြစ်၏။</p> <p> </p> <p>ဘယ်လို အသက်ရှူရမလဲ၊ သွေးကြောများကတစ်ဆင့် ချီနဲ့ သွေးတွေကို ဘယ်လို လမ်းကြောင်းပေးရ မလဲ စသည်များကို သင်ယူရမည် ဖြစ်သည်။</p> <p> </p> <p>ဤသင်ယူမှု လုပ်ငန်းစဉ်သည် လူတစ်ဦးနှင့်တစ်ဦး ကွဲပြားမှုရှိလေ၏။</p> <p> </p> <p>ထက်မြက်သော နားလည်နိုင်စွမ်း ရှိသူများသည် အရိပ်အမြွက် အနည်းငယ်ဖြင့်ပင် နားလည်နိုင်ကြ လေသည်။</p> <p> </p> <p>ထိုစွမ်းရည် မရှိသူများမှာမူ သိုင်းနည်းစနစ်က မည်သည့်အရာကို ဆိုလိုကြောင်း နားလည်ရန် အချိန် ကြာမြင့်စွာ လေ့လာရပေမည်ဖြစ်၏။</p> <p> </p> <p>ထို့ကြောင့် ပါရမီနှင့် နားလည်နိုင်စွမ်းသည် ကွဲပြားသောအရာနှစ်ခု ဖြစ်ပြီး ထိုနှစ်ခုပေါင်းစပ်မှသာ အလုံးစုံသော စွမ်းရည်ကို ဖြစ်ပေါ်စေနိုင်ပေသည်။</p> <p> </p> <p>ယခုအချိန်တွင် နင်းဖန်သည် ကျမ်းစာဆောင်၏ ထိပ်ဆုံးထပ်သို့ ရောက်ရှိခြင်းက သူ၏ ပါရမီသည် ထူးခြားကြောင်း သက်သေပြနေ၏။</p> <p> </p> <p>ထိုသေမျိုးခန္ဓာကိုယ်သည် မည်သည့် ကျင့်ကြံခြင်းသိုင်းနည်းစနစ်နှင့်မဆို လိုက်လျောညီထွေဖြစ်ပြီး ထို ခန္ဓာကိုယ်၏ အမြန်နှုန်းမှာ ထိပ်တန်း နတ်ဘုရား သို့မဟုတ် သူတော်စင် ခန္ဓာကိုယ်များနှင့် ယှဉ်နိုင် ပေသည်။</p> <p> </p> <p>သို့သော် သူ၏ နားလည်နိုင်စွမ်းကိုမူ မပြသရသေးချေ။</p> <p> </p> <p>တိုက်ဆိုင်စွာပင် သူ ကျင့်ကြံနေသော အကန့်အသတ်မဲ့ တာအိုကျမ်းစာသည် ကမ္ဘာပေါ်တွင် ပထမဆုံး သော ကောင်းကင်ဘုံအဆင့် အမြင့်ဆုံး သိုင်းနည်းစနစ်ဖြစ်ပြီး အလွန် ခက်ခဲလှ၏။</p> <p> </p> <p>ထို့ကြောင့် သူ၏ လှုပ်ရှားမှုများမှာ သွက်လက်နေပုံရသော်လည်း သူသည် လေ့ကျင့်နေစဉ်အတွင်း သင်ယူနေဆဲဖြစ်ပြီး သိုင်းနည်းစနစ်၏ အရေးကြီးသော အချက်များကို လိုက်နာနေခြင်း ဖြစ်သည်။</p> <p> </p> <p>ထိုသင်ယူမှုသည် အချိန်မည်မျှ ကြာမည်ကို မည်သူကမျှ မသိရှိချေ။</p> <p> </p> <p>ထိုက်ရီ သူတော်စင်သည် အကြွင်းမဲ့ စကားများ မပြောခဲ့ချေ။ သူသည် ဦးစွာ နှိမ့်ချသော အနေအထားကို ယူကာ ထို့နောက် သူ၏ အမြင်ကို ပါးနပ်စွာ ပေးခဲ့၏။</p> <p> </p> <p>ဤသည်က အကြီးအကဲများစွာကို ကျေနပ်စေခဲ့သည်။</p> <p> </p> <p>အထူးသဖြင့် ရွှီယိုဝေမှာ အလွန် ဝမ်းသာနေခဲ့၏။</p> <p> </p> <p>ချွမ်းကုန်းတောင်ထိပ်၏ အရှင်သခင်အနေဖြင့် သူသည် သူတော်စင်နှင့် သူတော်စင်မိန်းမပျိုတို့နှင့် အများ ဆုံး ဆက်ဆံလေ့ရှိပြီး ကျင့်ကြံခြင်းအကြောင်း မကြာခဏ ဟောပြောပို့ချလေ့ရှိသည်။</p> <p> </p> <p>သူတော်စင်၏ စိတ်နေသဘောထားကို သူ ကောင်းစွာ သိရှိထား၏။</p> <p> </p> <p>ပါရမီရှိပြီး ကိုယ်ကျင့်တရား ကောင်းမွန်သော်လည်း၊</p> <p> </p> <p>အမြင်ကျဉ်းမြောင်းကာ မွေးရာပါ ကြောက်တတ်ပြီး စမ်းသပ်မှု မခံရဖူးချေ။</p> <p> </p> <p>နားလည်နိုင်ပါသည်။ ဂိုဏ်းအတွင်း ကြီးပြင်းလာပြီး လောကကို အတွေ့အကြုံယူရန် ဘယ်သောအခါမျှ အပြင်မထွက်ခဲ့ဖူးချေ။</p> <p> </p> <p>ဂိုဏ်းက သူ့ကို အပြင်ထွက်ခွင့် မပေးခြင်း မဟုတ်ဘဲ သူကိုယ်တိုင်က ဆန္ဒမရှိခြင်းသာ ဖြစ်၏။</p> <p> </p> <p>သူ၏ အမြင်တွင် ထိုက်ရီအစစ်အမှန်ဂိုဏ်း၏ သူတော်စင်တစ်ဦးအနေဖြင့် သူ့တွင် အရင်းအမြစ်များနှင့် ပါရမီရှိရာ အပြင်ဘက်တွင် အသက်အန္တရာယ် စွန့်ရန် မလိုအပ်ချေ။</p> <p> </p> <p>ဂိုဏ်းထဲတွင် နေကာ တိတ်ဆိတ်စွာ ကျင့်ကြံပြီး အချိန်တန်လျှင် သူသည် ဂိုဏ်းချုပ်ရာထူးကို သဘာ ဝကျကျ ဆက်ခံမည်ပင်  ဖြစ်သည်။</p> <p> </p> <p>အကယ်၍ သူ အပြင်ထွက်ပြီး မတော်တဆမှုဖြင့် သေဆုံးသွားပါက သူသာလျှင် ရယ်စရာ ဖြစ်သွား ပေလိမ့်မည်။</p> <p> </p> <p>ထိပ်တန်း အင်အားစုတစ်ခု၏ သူတော်စင်ကို မည်သူကမျှ မထိရဲဘူးဟု သူ ယူဆထားလေ၏။</p> <p> </p> <p>သို့သော် သင် အပြင်ထွက်လိုက်သည်နှင့် မည်သည့်အရာမဆို ဖြစ်လာနိုင်ပေသည်။</p> <p> </p> <p>အသက်စွန့်ရန် ဝန်မလေးသူများသည် သင့် နောက်ခံကို ဂရုစိုက်မည် မဟုတ်ချေ။</p> <p> </p> <p>ဤစိတ်ဓာတ်ဖြင့် သူတော်စင်သည် အမြဲတမ်း အတွင်း၌သာ နေခဲ့၏။</p> <p> </p> <p>ရွှီယိုဝေနှင့် ဂိုဏ်းချုပ်တို့သည် ဤကိစ္စကို သီးသန့် ဆွေးနွေးခဲ့ဖူးကြသည်။</p> <p> </p> <p>သူတော်စင်သည် ပိုမို သတ္တိရှိလာပြီး တောင်တံခါးမှ ထွက်ခွာနိုင်ရန် သူတို့ မျှော်လင့်ခဲ့ဘူးကြ၏။</p> <p> </p> <p>ကျင့်ကြံခြင်း ကပင် ကောင်းကင်ဘုံကို အံတုသော လုပ်ရပ်တစ်ခု ဖြစ်သည်။</p> <p> </p> <p>အပြင်ကမ္ဘာတွင် ရဲရင့်စွာ ရင်ဆိုင်သော ပါရမီရှင်များသည် အရင်းအမြစ်များအတွက်သာမက အသက် နှင့်သေဆုံးခြင်း အတွေ့အကြုံများအတွက်ပါ တိုက်ခိုက်ကြရ၏။</p> <p> </p> <p>သွေးနှင့် မီးဖြင့် သန့်စင်ခြင်းမှတစ်ဆင့်သာ မဟာတာအိုကို အမှန်တကယ် လျှောက်လှမ်းနိုင်မည် ဖြစ် သည်။</p> <p> </p> <p>ယနေ့ နင်းဖန်သည် ကြယ်တံခွန်တစ်ခုကဲ့သို့ ပေါ်လာပြီး မဟာအကြီးအကဲများက တညီတညွတ်တည်း မျက်နှာသာပေးခြင်းကို ခံခဲ့ရ၏။</p> <p> </p> <p>ယခု သူ၏ အဆင့်အတန်းသည် သူတော်စင်ကို ခြိမ်းခြောက်နေပြီ ဖြစ်သည်။</p> <p> </p> <p>ရွှီယိုဝေအတွက်မူ ဤသည်မှာ အလွန် ကောင်းမွန်ပေသည်။</p> <p>ထိုအရာက သူတော်စင်ကို ဖိအားများ ခံစားရစေရန် လှုံ့ဆော်ပေးနိုင်ပြီး သူ၏ အားနည်းသော စိတ်ဓာတ် ကို ပြောင်းလဲပေးနိုင်ကောင်း ပြောင်းလဲပေးနိုင်ပေလိမ့်မည်။</p> <p> </p> <p>အစောပိုင်း မေးခွန်းမှာ သူတော်စင်၏ တုံ့ပြန်မှုကို စမ်းသပ်ခြင်း ဖြစ်၏။</p> <p> </p> <p>အကယ်၍ သူတော်စင်သာ ဒေါသထွက်ပြီး နင်းဖန် အောက်ကျနေချိန်တွင် ထပ်မံ ထိုးနှက်ရန် ကြိုးစား ခဲ့ပါက အကြီးအကဲများ အလွန် စိတ်ပျက်သွားကြမည် ဖြစ်သည်။</p> <p> </p> <p>သို့သော် ယခုလောလောဆယ်တွင်မူ သူတော်စင်သည် တုန်လှုပ်နေသော်လည်း တည်ငြိမ်နေဆဲ ဖြစ်၏။</p> <p> </p> <p>သူသည် ချဲ့ကားပြောဆိုခြင်းလည်း မရှိသလို အထင်သေးခြင်းလည်း မရှိခဲ့ချေ။</p> <p> </p> <p>ကျင့်ကြံခြင်း၏ အမှန်တရားများကိုသာ သူ ရိုးရှင်းစွာ ပြောဆိုခဲ့သည်။</p> <p> </p> <p>ဤသည်က အကြီးအကဲများ တွေးတောနေသည်နှင့် ကိုက်ညီပေသည်။</p> <p> </p> <p>နင်းဖန်သည် လွန်ခဲ့သော နှစ်သန်းနှစ်ဆယ်က ပြိုင်ဘက်ကင်း ပါရမီရှင်ကဲ့သို့ သုံးရက်အတွင်း ရုပ်ခန္ဓာ ကိုယ်သန့်စင်ခြင်းကို ပြီးမြောက်နိုင်၊ မနိုင် မည်သူကမျှ မပြောနိုင်ချေ။</p> <p> </p> <p>မည်သို့ပင်ဆိုစေ သေမျိုးခန္ဓာကိုယ်တစ်ခုတွင် အထူးရုပ်ခန္ဓာကိုယ်၏ အထူး မြှင့်တင်မှုများ မရှိရာ အမြန် နှုန်း နှေးကွေးခြင်းမှာ ပုံမှန်ပင် ဖြစ်၏။</p> <p> </p> <p>ထို့ပြင် သူ၏ နားလည်နိုင်စွမ်းကိုလည်း မသိရသေးချေ။ မျှော်လင့်ချက်များကို အလွန်အမင်း မြင့်မားစွာ မထားသင့်ပေ။ သို့သော် ဆယ်ရက်ဆိုလျှင်တော့ လုံလောက်ပေသည်။</p> <p> </p> <p>ထိုသို့ဆိုလျှင်ပင် သမိုင်း၏ ထိပ်တန်း အယောက်တစ်ရာစာရင်းတွင် ပါဝင်မည်ဖြစ်ပြီး ၎င်းမှာ အလွန် အံ့မခန်း ဖြစ်နေပြီ ဖြစ်၏။</p> <p> </p> <p>ရွှီယိုဝေက သူ၏ မုတ်ဆိတ်မွေးများကို ပွတ်သပ်ကာ လေးစားစွာ သက်ပြင်းချလိုက်ပြီး ပြောလိုက်၏။</p> <p> </p> <p>"ငါတို့ရဲ့ ဘိုးဘေးက ငါတို့ကို တကယ် စောင့်ရှောက်တာပဲ...။ နင်းဖန်လို ထူးချွန်တဲ့ တပည့်တစ်ယောက် ရလိုက်လို့ ငါတို့ဂိုဏ်းက ပိုပြီး စည်ပင်လာတော့မှာပဲ...။"</p> <p> </p> <p>အခြားအကြီးအကဲများကလည်း သူ့စကားကို ထောက်ခံလိုက်ကြ၏။ စကားလုံးတိုင်းက နင်းဖန်ကို ချီးမွမ်းနေကြသည်။</p> <p> </p> <p>ယွီရူရွှမ်း၏ နှုတ်ခမ်းများတွင် အပြုံးတစ်ခု ကွေးတက်သွားကာ ပြောလိုက်၏။</p> <p> </p> <p>"ဒီကောင်လေးက အံ့သြစရာတွေချည်းပဲ...။ ။ ငါတောင် သူ့အကွက်ထဲ ရောက်သွားတယ်...။"</p> <p> </p> <p>ကောင်းကင် နိမိတ်လက္ခဏာများ မပေါ်လာမီက အခြေအနေ ပြောင်းပြန်ဖြစ်သွားနိုင်မည်ဟု မည်သူကမျှ မထင်ခဲ့ကြချေ။</p> <p> </p> <p>သို့သော် ပြောင်းပြန်ဖြစ်သွားခဲ့၏။</p> <p>ခေတ်အဆက်ဆက် မတွေ့ခဲ့ရသော ဤအသန်မာဆုံး သေမျိုးခန္ဓာကိုယ်သည် သာမန် အသိတရားကို အမှန်တကယ် ဆန့်ကျင်နေပေသည်။ ယွီရူရွှမ်းသည် ယခုအခါ နင်းဖန်ကို ပို၍ပင် လေးစားလာခဲ့၏။</p> <p> </p> <p>သူ့အား ကိုယ်ပိုင်တပည့်အဖြစ် လက်ခံလိုသော သူမ၏ ဆန္ဒသည် ပိုမို အားကောင်းလာခဲ့သည်။ သူမ သည်လည်း သိချင်နေခဲ့၏။ ဤသေမျိုးခန္ဓာကိုယ်ပိုင်ရှင် ပါရမီရှင်သည် ရုပ်ခန္ဓာကိုယ်သန့်စင်ခြင်းကို ဝင်ရောက်ရန် ရက်မည်မျှ ကြာနိုင်မည်နည်း။</p> <p> </p> <p>အောက်ဘက်တွင်…၊</p> <p> </p> <p>နင်းဖန်သည် သူ၏ လှုပ်ရှားမှုတိုင်းက ဤမျှ အာရုံစိုက်ခံနေရကြောင်းကို လုံးဝ မသိသေးချေ။ ဗလာ ကျင်းနေပုံရသော ဂိုဏ်းအတွင်း နစ်မြုပ်နေလျက် သူသည် ကိုယ့်ကိုယ်ကိုယ် မေ့လျော့ကာ ကျင့်ကြံနေ ခဲ့ပြီး သူ၏ စိတ်ဝိညာဉ်ဆန်ကို စားရန်ပင် မေ့နေခဲ့၏။</p> <p> </p> <p>ကောင်းကင်နှင့်မြေကြီး စိတ်ဝိညာဉ်ချီ အမျှင်တန်းများသည် သူ၏ ခန္ဓာကိုယ်အတွင်းသို့ ဆွဲယူခံရပြီး အကန့် အသတ်မဲ့ တာအိုကျမ်းစာ၏ လမ်းကြောင်းအတိုင်း လည်ပတ်ကာ သွေးကြောများနှင့် အသား များကို သန့်စင်ပေးနေခဲ့သည်။</p> <p> </p> <p>ထိုစိတ်ဝိညာဉ်ချီကို တာအိုမှ ဆင်းသက်လာသော အသက်ရှူမှုအဖြစ် ပြောင်းလဲရန် ယခုအချိန်တွင် သူသည် အလွန် အားနည်းနေသေး၏။ သို့သော် စိတ်ဝိညာဉ်ချီသည် လုံလောက်ပေသည်...။ သူသည် သာမန် သေမျိုးတစ်ဦးသာ ဖြစ်နေသေးသည်။</p> <p> </p> <p>တစ်ကြိမ်ပြီးတစ်ကြိမ် သူ လေ့ကျင့်နေခဲ့ပြီး ရုပ်ခန္ဓာကိုယ်သန့်စင်ခြင်းအပေါ် သူ၏ နားလည်မှုမှာ ပိုမို ကျွမ်းကျင်လာခဲ့၏။</p> <p>အမှန်တကယ်တော့ ပဉ္စမအကြိမ်မြောက် လည်ပတ်မှုတွင် အသက်ရှူခြင်း သို့မဟုတ် လမ်းကြောင်းကို တမင် ထိန်းချုပ်ရန် သူ မလိုအပ်တော့ချေ။ ဤသည်မှာ ပုံမှန်ပင် ဖြစ်သည်။ စနစ်က သူ၏ အလုံးစုံသော ပါရမီကို အဆတစ်သောင်း မြှင့်တင်ပေးထားခဲ့သည်ပင်မဟုတ်ပါလား။</p> <p> </p> <p>ပါရမီတွင် သဘာဝကျစွာပင် နားလည်နိုင်စွမ်းလည်း ပါဝင်ပေသည်။  ထို့ကြောင့် နင်းဖန်သည် အရာ အားလုံးကို လျင်မြန်စွာ သင်ယူနိုင်ခဲ့၏။ အကန့်အသတ်မဲ့ တာအိုကျမ်းစာကဲ့သို့ အမြင့်ဆုံး အနုပညာ တစ်ခုပင်လျှင် သူ၏ လက်ထဲတွင် အားစိုက်ထုတ်စရာ မလိုသကဲ့သို့ ဖြစ်နေခဲ့သည်။</p> <p> </p> <p>အချိန်များ တရွေ့ရွေ့ ကုန်လွန်သွား၏။</p> <p> </p> <p>အပြင်ဘက် ကောင်းကင်သည် နက်မှောင်သော အနက်ရောင်မှ နံနက်အရုဏ်ဦး၏ ပထမဆုံး မီးခိုး ရောင်ဖျော့ဖျော့သို့ ပြောင်းလဲသွားခဲ့ပြီး တစ်ညတာသည် ကုန်လွန်သွားခဲ့ပြီ ဖြစ်သည်။</p> <p> </p> <p>နင်းဖန်သည် နံနက်ခင်း စိတ်ဝိညာဉ်ချီ၏ ပထမဆုံး အသက်ရှူမှုကို ရှူသွင်းလိုက်သည်နှင့် သူ၏ ကျယ် ပြန့်သော ကိုယ်နေဟန်ထားသည် ရုတ်တရက် ကျုံ့ဝင်သွားခဲ့၏။</p> <p> </p> <p>[ဒင်...။ ရုပ်ခန္ဓာကိုယ်သန့်စင်ခြင်းအဆင့်ကို ရောက်ရှိသွားပါပြီပိုင်ရှင်။ လမ်းညွှန်တာဝန် ပြီးဆုံး ပါပြီ...။]</p> <p> </p> <p>[ဆုလာဘ်- သိုင်းနည်းစနစ် အောင်မြင်မှုအသေးစား လက်မှတ် ×၁...။]</p> <p> </p> <p>လှုပ်ရှားမှု ပြီးဆုံးသွားသည့် အခိုက်အတန့်တွင် စနစ်၏ အသံက သူ၏ စိတ်ထဲတွင် မြည်ဟည်းသွားခဲ့၏။</p> <p> </p> <p>တစ်ချိန်တည်းမှာပင် သူ၏ ခန္ဓာကိုယ်သည် ပြောင်းလဲသွားခဲ့သည်။ အတွင်း၌ သွေးများ ဆူပွက်လာပြီး ကြွက်သားများ ဖောင်းထွက်လာကာ အရွတ်များက နဂါးများကဲ့သို့ လိမ်ယှက်နေပြီး သူ၏ နှလုံးခုန် သံသည် မိုးခြိမ်းသံကဲ့သို့ မြည်ဟီးနေခဲ့၏။</p> <p> </p> <p>ထိုအရာမှာ ရုပ်ခန္ဓာကိုယ်သန့်စင်ခြင်းသို့ ဝင်ရောက်သွားခြင်း၏ ထင်ရှားသော လက္ခဏာပင် ဖြစ်သည်။</p> <p> </p> <p style="text-align: center;">***</p> <p> </p>


Save