Book List

<h2 style="text-align: center;">အခန်း (၂၂)</h2> <h2 style="text-align: center;">ဂိုဏ်းတစ်ခုလုံး စိုးရိမ်နေကြသည်</h2> <h2 style="text-align: center;">နားလည်နိုင်စွမ်း၊ မျက်ကန်းတစ္ဆေမကြောက် မကျင့်ကြံပါနဲ့</h2> <h2 style="text-align: center;">*</h2> <p> </p> <p>နင်းဖန် ရုပ်ခန္ဓာကိုယ်သန့်စင်ခြင်းသို့ ချိုးဖောက်ဝင်ရောက်သွားခဲ့လေပြီ။</p> <p> </p> <p>သူသည် ရုပ်ခန္ဓာကိုယ်သန့်စင်ခြင်း ပထမအလွှာသို့ ခြေချလိုက်ပြီးနောက် နင်းဖန်ထက် ပို၍ စိတ်လှုပ် ရှားနေသူများမှာ အထက်မှ စောင့်ကြည့်နေသော အကြီးအကဲများပင် ဖြစ်၏။ တစ်ညလုံးလုံး ဤသေမျိုး ခန္ဓာကိုယ် တပည့်သည် ဘာမှမရှိရာမှ ရုပ်ခန္ဓာကိုယ်သန့်စင်ခြင်းအဆင့်အထိ ကျင့်ကြံသွားသည်ကို သူတို့ မယုံကြည်နိုင်စွာဖြင့် စိုက်ကြည့်နေခဲ့ကြသည်။</p> <p> </p> <p>ပြီးတော့ တစ်ညဆိုသည်က ဘယ်လောက်တောင် တိုတောင်းလိုက်ပါသလဲ။</p> <p> </p> <p>ခြောက်နာရီပဲလေ။</p> <p> </p> <p>ထိုကိန်းဂဏန်းသည် အားလုံး၏ မျှော်မှန်းချက်များထက် များစွာ ကျော်လွန်နေခဲ့သည် မဟုတ်ပါလား။</p> <p> </p> <p>ဂိုဏ်းချုပ် ဖေ့ချင်းယွီပင်လျှင် သူ၏ မျက်ခွံများ တုန်လှုပ်နေခြင်းကို မရပ်တန့်နိုင်ခဲ့ချေ။</p> <p> </p> <p>‘‘ခြောက်နာရီ...။ ။ဒါက ပါရမီရှင်တစ်ယောက်ရဲ့ အမြန်ဆုံး ရုပ်ခန္ဓာကိုယ်သန့်စင်ခြင်းအတွက် အတိတ်နဲ့ ပစ္စုပ္ပန် စံချိန်ကို ချိုးဖျက်လိုက်တာပဲ...။’‘  ဟု မိန်းမောနေသော အသံဖြင့် သူ ရေရွတ်လိုက်လေ၏။</p> <p> </p> <p>တစ်ချိန်က ဖေ့ချင်းယွီသည်လည်း အလယ်ပိုင်းကုန်းမြေတစ်ခွင် ကျော်ကြားသော သူရဲကောင်းဆန် သည့် လူငယ်တစ်ဦး ဖြစ်ခဲ့ဖူးလေသည်။</p> <p> </p> <p>ထိုအချိန်က သူသည် ဂိုဏ်းတိုင်းမှ ပါရမီရှင်များနှင့် ယှဉ်ပြိုင်ခဲ့ပြီး နယ်စပ်လေးခုကို တစ်ကိုယ်တော် လှည့်လည်သွားလာကာ ကောင်းကင်နှင့်မြေကြီး၏ ကျယ်ပြောမှုကို မျက်မြင်တွေ့ရှိခဲ့ပြီး သူ့ကိုယ်သူ ကောင်းကင်အောက်တွင် ပထမတန်းစားအဖြစ် သတ်မှတ်ခဲ့၏။</p> <p> </p> <p>အချို့သော ကောင်းကင်အရှင်သခင် ကျွမ်းကျင်သူများ သို့မဟုတ် သီးခြားကျင့်ကြံနေသော သူတော်စင် ဘုရင်များနှင့် ရင်ဆိုင်ရချိန်တွင်ပင် သူသည် ဘယ်သောအခါမျှ နှိမ့်ကျသည်ဟု မခံစားခဲ့ရချေ။</p> <p> </p> <p>သို့သော် ယနေ့တွင် နင်းဖန် ခြောက်နာရီအတွင်း ရုပ်ခန္ဓာကိုယ်သန့်စင်ခြင်းသို့ ရောက်ရှိသွားသည်ကို မြင် လိုက်ရသောအခါ သူ၏ ဘဝတွင် ပထမဆုံးအကြိမ်အဖြစ် လမ်းပျောက်သွားသလို ခံစားလိုက်ရ၏။</p> <p> </p> <p>ထိုစဉ်က သူသည် ရုပ်ခန္ဓာကိုယ်သန့်စင်ခြင်းအဆင့်သို့ ဝင်ရောက်ရန် တစ်ဆယ့်ခုနစ်ရက်တိတိ အချိန် ယူခဲ့ရလေသည်။</p> <p> </p> <p>နာရီပေါင်း နှစ်ရာ့လေးနာရီ။</p> <p> </p> <p>နင်းဖန်နှင့် နှိုင်းယှဉ်ပါက သူသည် အကြွင်းအကျန်ကိုသာ အနိုင်ရနိုင်ပေသည်။</p> <p> </p> <p>ကျင့်ကြံခြင်းနှင့် ပတ်သက်လာလျှင် လူအချင်းချင်းကြား ကွာဟချက်မှာ ဤမျှ ကြီးမားနိုင်ကြောင်းကို ဖေ့ချင်းယွီ ပထမဆုံးအကြိမ်အဖြစ် သိရှိသွားခဲ့လေ၏။</p> <p> </p> <p>*ထူးခြားတဲ့ လူတွေမှာ ထူးခြားတဲ့ ဇာတ်လမ်းတွေ ရှိရမယ်...။*</p> <p> </p> <p>ကျီးယန် ပြောခဲ့သည့်စကားကို ပြန်လည်တွေးတောရင်း သူသည် သူ့ကိုယ်သူ ရေရွတ်လိုက်ပြီး နောက်ဆုံးတွင် ကိုယ့်ကိုယ်ကိုယ် လှောင်ရယ် ရယ်မိလိုက်လေ၏။</p> <p> </p> <p>*ကံကောင်းလို့ ငါက အနှစ်သုံးထောင် စောမွေးလာတာ...။ တကယ်လို့ ငါတို့သာ ခေတ်တစ်ခေတ်တည်း မှာ နေခဲ့ရရင် ငါ့ရဲ့ တာအိုနှလုံးသားက ကြေမွသွားမှာပဲ...။*</p> <p> </p> <p>ဂိုဏ်းချုပ်ပင်လျှင် ထိုသို့သော ခံစားချက်မျိုး ခံစားရပါက၊ အခြားသူများမှာမူ မည်မျှပင် ခံစားနေရပါ မည်နည်း။ အထူးသဖြင့် နင်းဖန်နှင့် ခေတ်တစ်ခေတ်တည်းတွင် နေထိုင်ရသော သူတော်စင် ဖြစ်၏။ ယခု အချိန်တွင် သူသည် အားလုံးထဲတွင် စိတ်ပျက်အားအငယ်ဆုံးသူ ဖြစ်နေခဲ့သည်ပင်။</p> <p> </p> <p>ကျမ်းစာဆောင်၏ အထပ်ကိုးထပ် အလားအလာ၊ ကောင်းကင်ဘုံအဆင့် အမြင့်ဆုံး ကျင့်ကြံခြင်းနည်း စနစ်တစ်ခုကို လေ့ကျင့်ခြင်း၊ သေမျိုးမှ ရုပ်ခန္ဓာကိုယ်သန့်စင်ခြင်းသို့ ခြောက်နာရီဖြင့်  အောင်မြင်မှု တိုင်းက လိုက်မီရန် မဖြစ်နိုင်ဟု ခံစားရစေ၏။</p> <p> </p> <p>ယခု သူ၏ တစ်ခုတည်းသော အားသာချက်မှာ ဆယ်စုနှစ်များစွာ စောပြီး စတင်ခဲ့ခြင်းနှင့် ကြီးမားသော နယ်မြေသုံးခု အသာစီးရနေခြင်းသာ ဖြစ်သည်။</p> <p>သိုင်းလမ်းကြောင်းတွင် ခြေလှမ်းတိုင်းသည် ကောင်းကင်သို့ တက်ရသကဲ့သို့ ခက်ခဲကြောင်း လူတိုင်း သိကြ၏။</p> <p> </p> <p>ကျင့်ကြံခြင်း၏ ပထမအဆင့်တွင် နှလုံးသွေးနှင့် အချိန်ကို တန်းတူညီမျှ အသုံးပြုရသည်။ ရုပ်ခန္ဓာကိုယ် သန့်စင်ခြင်းဖြစ်စေ၊ စိတ်စိတ်ဝိညာဉ်သန့်စင်ခြင်းဖြစ်စေ သို့မဟုတ် စိတ်စိတ်ဝိညာဉ်ပုံသွင်းခြင်းဖြစ်စေ အားလုံးသည် အမှားအယွင်းတိမ်းစောင်းမခံပေ။</p> <p> </p> <p>အဘယ်ကြောင့်ဆိုသော် ထိုအရာများသည် အခြေခံအုတ်မြစ် ဖြစ်သောကြောင့်ပင်...။ ပိုမို ခိုင်မာလေ လေ ပိုကောင်းလေလေ ဖြစ်၏။</p> <p> </p> <p>ထိုသို့မဟုတ်ပါက နီဗားနား အချုပ်အနှောင်များကို ဘယ်သောအခါမျှ ချိုးဖျက်နိုင်မည် မဟုတ်ချေ။</p> <p> </p> <p>သူသည် ထိုနယ်မြေသုံးခုတွင် ဆယ်စုနှစ်များစွာ ကြာအောင် တဝဲလည်လည် ဖြစ်နေခဲ့၏။ သူသည် နီဗားနား အချုပ်အနှောင်များကို ပထမဆုံး စတင် တိုက်ခိုက်ချိန်က တစ်ကြိမ် ကျရှုံးခဲ့ပြီး သူ၏ နယ်မြေ ကျဆင်းသွားခဲ့ဖူးသည်။</p> <p> </p> <p>ယခု သူသည် ပြန်လည်ကျင့်ကြံနေပြီး စိတ်ဝိညာဉ်ပုံသွင်းခြင်း အထွတ်အထိပ်သို့ နောက်တစ်ကြိမ် ရောက်ရှိနေပြီ ဖြစ်၏။</p> <p> </p> <p>ထို့ကြောင့် ကျင့်ကြံခြင်းသည် မည်မျှ ခက်ခဲနိုင်ကြောင်းကို မည်သူ့ထက်မဆို သူ ပိုသိပေသည်။</p> <p> </p> <p>ယခုအချိန်တွင် သူသည် သူ့ကိုယ်သူ နှစ်သိမ့်ရုံသာ တတ်နိုင်တော့သည်။</p> <p>*အနည်းဆုံးတော့ ငါ့မှာ ဆယ်စုနှစ်များစွာ အတွေ့အကြုံရှိတယ်...။ သူက အောက်မှာ လမ်းညွှန်ပေး မယ့်သူ မရှိဘဲ လမ်းလွဲတွေ အများကြီး သွားရလိမ့်မယ်...။ ကာလတိုအတွင်းမှာ ငါ့ရဲ့ ကျင့်ကြံမှုကို သူ လိုက်မီနိုင်မှာ မဟုတ်ပါဘူး...။*</p> <p> </p> <p>နင်းဖန်ကို အနိုင်ယူရန် ဘာမျှ မကျန်တော့ချေ။ ပိုမိုမြင့်မားသော ကျင့်ကြံမှုဖြင့်သာ သူ သူ့ကိုယ်သူ နှစ်သိမ့်နိုင်တော့သည်။ မည်သို့ပင်ဆိုစေ သိုင်းလောကတွင် အင်အားကသာ ဘုရင်ဖြစ်၏။</p> <p> </p> <p>ပါရမီနှင့် နားလည်နိုင်စွမ်းသည် အရေးကြီးသော်လည်း ကြိုးစားပမ်းစား လေ့ကျင့်ပြီး နာမည်ကြီး ဆရာတစ်ဦး ရှိမှသာ အသုံးဝင်ပေသည်။ ပျင်းရိသော၊ အခွင့်အရေး သို့မဟုတ် ဆရာသမား မရှိဘဲ သာမန်အဖြစ်သာ အဆုံးသတ်သွားသော ပါရမီရှင်များမှာ ခေတ်တိုင်းတွင် အများအပြား ရှိကြ၏။</p> <p> </p> <p>ယခု ဂိုဏ်းတစ်ခုလုံးမှာ ထိုက်ရီအကြွင်းအကျန်နယ်မြေ အတွင်း ပိတ်မိနေသည်။</p> <p> </p> <p>အကြီးအကဲများစွာက နင်းဖန်ကို လမ်းညွှန်ပေးချင်သော်လည်း ကူညီရန် အစွမ်းမရှိဖြစ်နေကြ၏။ အရင်းအမြစ်များကိုပင် သူတို့ မထောက်ပံ့ပေးနိုင်ချေ။ လက်ရှိ အခြေအနေကို အကဲဖြတ်ကြည့်လျှင် ထိုက်ရီအကြွင်းအကျန်နယ်မြေ အတွင်းရှိ ပြဿနာများမှာ သေချာပေါက် ကြီးမားလှပေသည်။</p> <p> </p> <p>မဟာအကြီးအကဲ သုံးဦးပင်လျှင် လောလောဆယ်တွင် လမ်းပျောက်နေကြ၏။ သူတို့ ဤနေရာတွင် မည်မျှကြာအောင် ပိတ်မိနေမည်ကို မည်သူကမျှ မသိချေ။ ထို့ကြောင့် နင်းဖန်သည် ဂိုဏ်းထဲတွင် တစ်ကိုယ်တည်း ကျင့်ကြံနေရပြီး သူ၏ အနာဂတ် တောက်ပမည်၊ မတောက်ပမည်မှာ မသေချာသေး ချေ။</p> <p> </p> <p>သူတော်စင်က ထိုသို့ တွေးနိုင်ပါက အခြားလူတိုင်းလည်း တွေးနိုင်ပေသည်။</p> <p>ယခုအချိန်တွင် တောင်ထိပ်အရှင်သခင်အဆင့် အကြီးအကဲများစွာသည် သူတို့၏ ကနဦး ဝမ်းသာမှုအပြီး တွင် မျက်မှောင်ကြုတ်နေကြ၏။</p> <p> </p> <p>‘‘‘‘နင်းဖန်က ကျင့်ကြံခြင်းလမ်းကြောင်းပေါ်ကို တရားဝင် ခြေချလိုက်ပြီ ဒါပေမယ့် ငါတို့က အပြင်ကို မထွက်နိုင်ဘူး...။ သူ့ရဲ့ မေးခွန်းတွေကို ဘယ်သူက ဖြေပေးမလဲ...။’‘‘‘</p> <p> </p> <p>‘‘‘‘ရုပ်ခန္ဓာကိုယ်သန့်စင်ခြင်းက ပထမဆုံး နယ်မြေပဲ...။ ကောင်းကောင်းလုပ်တာဖြစ်စေ၊ ဆိုးဆိုးရွားရွား လုပ်တာဖြစ်စေ အဲဒါက နောက်ပိုင်းမှာ ရောက်ရှိနိုင်တဲ့ အမြင့်ကို ဆုံးဖြတ်ပေးတယ်...။’‘‘‘</p> <p> </p> <p>‘‘‘‘သွေးကြောတွေကို နွေးထွေးစေတဲ့ ဆေးရေချိုးခြင်း၊ အသားကို အာဟာရဖြစ်စေတဲ့ ဆေးလုံး၊ မီးတောက် သွေးသစ္စာ၊ ရေအေး အရိုးသန့်စင်ခြင်း၊ ကလီစာငါးခုနဲ့ အူခြောက်ခုကို ဖန်တီးပေးတဲ့ ကောင်းကင်မိုးကြိုး...။ ရုပ်ခန္ဓာကိုယ်သန့်စင်ခြင်းအဆင့်အတွက် အထောက်အကူပြု နည်းလမ်းတွေက ရေတွက်လို့တောင် မရဘူး...။ အဲဒါတွေကို မှားယွင်းစွာ အသုံးပြုတာက အသုံးမပြုတာလောက်ပဲ ဆိုးရွားပြီး နောက်ဆုံး ရလဒ်က ကောင်းကင်နဲ့မြေကြီးလောက် ကွာခြားလိမ့်မယ်...။’‘</p> <p> </p> <p>‘‘‘‘ငါတို့ မြန်မြန် လွတ်မြောက်ဖို့နဲ့ ဒီကလေး မျက်ကန်းတစ္ဆေမကြောက် မကျင့်ကြံဖို့ မျှော်လင့်ကြစို့...။’‘‘‘</p> <p> </p> <p>အကြီးအကဲများအားလုံး နင်းဖန်အတွက် ရိုးသားစွာ စိုးရိမ်နေခဲ့ကြ၏။ ဂိုဏ်းတစ်ခုသည် ခိုလှုံရာပေး ခြင်းနှင့် အမွေအနှစ်များ လက်ဆင့်ကမ်းခြင်းအပြင် အဓိကအားဖြင့် ကျင့်ကြံခြင်းလမ်းကြောင်းပေါ်ရှိ တပည့်များအတွက် အရင်းအမြစ်များ ထောက်ပံ့ပေးရန်နှင့် သံသယများကို ဖယ်ရှားပေးရန် တည်ရှိခြင်း ဖြစ်ပေသည်။</p> <p> </p> <p>သို့သော် ယခု တစ်ခုခု မှားယွင်းသွားခဲ့လေပြီဖြစ်၏ ။ အင်အားကြီးမားသော ထိုက်ရီအစစ်အမှန်ဂိုဏ်း၏ တောင်ထိပ် အရှင်သခင်အဆင့် အကြီးအကဲ ဆယ့်နှစ်ဦး၊ အောက်ခြေအဆင့် အကြီးအကဲ ရာပေါင်းများ စွာအားလုံး ပိတ်မိနေကြ၏။</p> <p> </p> <p>ဂိုဏ်း၏ နှစ်တစ်သန်းတွင် တစ်ခါသာ ပေါ်ထွက်တတ်သော အမြင့်ဆုံး ပါရမီရှင်သည် ဗလာကျင်းနေ သော ဂိုဏ်းအတွင်း အမျိုးမျိုးသော ကျမ်းစာများကို လိုက်နာကာ တစ်ကိုယ်တည်း လေ့ကျင့်နေသည် ကိုသာ သူတို့ စောင့်ကြည့်နေနိုင်တော့သည်။</p> <p> </p> <p>မည်မျှ စိတ်မကောင်းစရာ ကောင်းလိုက်သနည်း။ ဂိုဏ်းချုပ်ပင်လျှင် တိတ်ဆိတ်သွားခဲ့၏။ အကန့် အသတ်မဲ့ တာအိုကျမ်းစာသည် အံ့ဖွယ်ကောင်းလောက်အောင် အစွမ်းထက်ပြီး မည်သည့် အကူအညီ မျှမပါဘဲ အဆင့်ဆင့် လေ့ကျင့်ခြင်းကပင် ထူးချွန်သော ရလဒ်များကို ထုတ်ပေးနိုင်ပါစေဟုသာ သူ ဆုတောင်းနိုင်တော့သည်။</p> <p> </p> <p>အောက်ဘက်ရှိ ကျမ်းစာဆောင်တွင်…</p> <p> </p> <p>နင်းဖန်အတွင်းရှိ ထူးဆန်းသော မြင်ကွင်းမှာ တဖြည်းဖြည်း ငြိမ်သက်သွားခဲ့၏။ တစ်ညလုံး လေ့ကျင့်ခဲ့ သော်လည်း သူ၏ မျက်လုံးများမှာ တောက်ပကာ အရောင်လက်နေဆဲ ဖြစ်သည်။ သူ အသက်ရှူလိုက် တိုင်း သူ၏ နှာခေါင်းရှေ့တွင် အဖြူရောင် ကြိုးပြားလေးတစ်ခု ဖြစ်ပေါ်လာပြီး နံနက်ခင်း နေရောင်ခြည် တွင် ရှင်းလင်းစွာ မြင်တွေ့နေရ၏။</p> <p> </p> <p>သူသည် ယခင်ကထက် ပို၍ နေလို့ကောင်းနေခဲ့သည်။</p> <p> </p> <p>*ခြောက်လလောက် ခါးသီးစွာ လေ့ကျင့်ခဲ့တာ ဘာမှ မရခဲ့ဘူး...။ ငါ့ရဲ့ ပါရမီ အဆတစ်သောင်း တိုးလာပြီး နောက်မှာတော့ ငါ တစ်ညတွင်းချင်း ပြန်လည်မွေးဖွားလာခဲ့ပြီ...။*</p> <p> </p> <p>သူ၏ လက်မောင်းများကို ဆန့်တန်းလိုက်ရင်း နင်းဖန်သည် အတွင်းရှိ တိုးပွားလာသော အင်အားများကို ခံစားမိလိုက်ရပြီး အလွန် စိတ်လှုပ်ရှားသွားခဲ့၏။ ကူးပြောင်းလာပြီးနောက် နှစ်ဝက်အကြာတွင် သူသည် နောက်ဆုံး၌ သာလွန်သော နယ်မြေကို ထိတွေ့နိုင်ခဲ့ပြီ...။ သေမျိုး မဟုတ်တော့ချေ။</p> <p> </p> <p>*ဟုတ်ပြီ...။ ငါ့ရဲ့ အင်အားက အခု ဘယ်အဆင့်မှာ ရှိနေလဲ...။*</p> <p> </p> <p>ခဏတာ အနားယူပြီးနောက် သူသည် သိချင်စိတ်ဖြင့် လက်သီးကို ဆုပ်လိုက်၏။ ရုပ်ခန္ဓာကိုယ်သန့်စင် ခြင်း ပထမအလွှာ ကျင့်ကြံသူတစ်ဦး၏ အနိမ့်ဆုံး အင်အားမှာ လက်တစ်ဖက်တည်းဖြင့် ဂျင် (၁,၆၀၀) ဖြစ်သည်။</p> <p> </p> <p>ကျင့်ကြံခြင်းသိုင်းနည်းစနစ် ပိုမို အားကောင်းလေလေ ထိုနယ်မြေရှိ အစမှတ်က ပို၍ မြင့်မားလေလေ ဖြစ်၏။</p> <p> </p> <p>*အကယ်၍ မင်းက မဟာနေမင်း မီးဖိုခန္ဓာကိုယ်ကို လေ့ကျင့်မယ်ဆိုရင် ရုပ်ခန္ဓာကိုယ်သန့်စင်ပြီးနောက် လက်တစ်ဖက်တည်းက ဂျင် (၉,၂၀၀) ကို လွှဲယမ်းနိုင်တယ်။ အကယ်၍ မင်းမှာ အထူးရုပ်ခန္ဓာကိုယ် တစ်ခုလည်း ရှိနေသေးရင် ဂျင် တစ်သောင်းကို ချိုးဖျက်ဖို့က လွယ်ကူပါတယ်...။*</p> <p> </p> <p>*ငါ့မှာ သေမျိုးခန္ဓာကိုယ် ရှိပေမယ့် ငါ့ရဲ့ အကန့်အသတ်မဲ့ တာအိုကျမ်းစာက ပိုပြီး နက်နဲတယ်။ ဂျင် တစ်သောင်းကို ချိုးဖျက်ဖို့က အားစိုက်စရာ မလိုလောက်ဘူး။ အကန့်အသတ်က ဘယ်လောက်လဲ ဆိုတာကိုပဲ ငါ မသိတာ...။*</p> <p> </p> <p>ခဏတာ စဉ်းစားပြီးနောက် သိုင်းနည်းစနစ်ခန်းမတွင် သူ့ကိုယ်သူ စမ်းသပ်ရန် သူ ဆုံးဖြတ်လိုက်၏။</p> <p> </p> <p>သို့သော်လည်း အရင်ဆုံး သူ၏ အကြည့်များသည် သူ၏ ပတ်လည်တွင် လွင့်မျောနေသော နတ်ဘုရား စွမ်းရည်နှင့် သိုင်းနည်းစနစ် ကျောက်စိမ်းပြားများပေါ်သို့ ရုတ်တရက် ကျရောက်သွားခဲ့သည်။</p> <p> </p> <p>စနစ်က ယခုလေးတင် သိုင်းနည်းစနစ် အောင်မြင်မှုအသေးစားလက်မှတ်တစ်ခုကို သူ့အား ဆုချ ထားခဲ့၏။ ထိုအရာက ထူးခြားပေသည် ၎င်းကို အသုံးပြုရန် သူ မေ့သွား၍ မဖြစ်ချေ။</p> <p> </p> <p>တိုက်ဆိုင်စွာပင် အကန့်အသတ်မဲ့ တာအိုကျမ်းစာတွင် ရုပ်ခန္ဓာကိုယ်သန့်စင်ခြင်းအဆင့်အတွက် လိုအပ် ချက်တစ်ခု ရှိနေခဲ့သည်။ ခန္ဓာကိုယ် သန့်စင်သူတစ်ဦးသည် အထီးကျန်စွာ မလေ့ကျင့်ရချေ။</p> <p> </p> <p>ရုပ်ခန္ဓာကိုယ်ကို ဖန်တီးနေစဉ် သားရဲများနှင့်လည်း တိုက်ခိုက်ရမည် ဖြစ်၏။ အဆင့်နိမ့် နတ်ဆိုးသားရဲ များ၏ မူလ သတ်ဖြတ်ချင်စိတ်ကို အသုံးပြု၍ မိမိကိုယ်ကို သန့်စင်ရမည်။</p> <p> </p> <p>ဤသည်မှာ ‘‘သားရဲများနှင့် တိုက်ခိုက်ရေး နည်းလမ်း’‘ ဖြစ်သည်။ သတ်ဖြတ်ခြင်းတွင် နှလုံးသားနှင့် ခန္ဓာကိုယ်ကို ဖန်တီးပါ။ နတ်ဆိုးသားရဲများကို ရှာရန် မခက်ခဲချေ။</p> <p> </p> <p>ဂိုဏ်း၏ သားရဲတစ်သောင်း တောင်ထိပ်တွင် အတော်များများ မွေးမြူထား၏၊ သူ၏ ခန္ဓာကိုယ်ကို သန့်စင်ရန် သားရဲများနှင့် တိုက်ခိုက်ရမည်ဖြစ်ရာ သူသည် သဘာဝကျစွာပင် အလွန်ကောင်းမွန်သော သိုင်းနည်းစနစ်တစ်ခုကို လိုအပ်ပေသည်။</p> <p> </p> <p>ထို့ကြောင့် သူ၏ လက်ထဲရှိ သိုင်းနည်းစနစ် အောင်မြင်မှုအသေးစားလက်မှတ်မှာ အချိန်ကိုက်ပင် ဖြစ်တော့ ၏။</p> <p> </p> <p style="text-align: center;">***</p> <p> </p>


Save