Book List

<h2 style="text-align: center;">အခန်း (၂၃)</h2> <h2 style="text-align: center;">တောင်ငါးလုံး စစ်မှန်သော ပုံစံ လက်သီး</h2> <h2 style="text-align: center;">*</h2> <p> </p> <p>"ငါ ဘာရွေးရမလဲ...။"</p> <p> </p> <p>ကျမ်းစာဆောင်၏ နဝမထပ်တွင် နင်းဖန်သည် ဟိုဟိုဒီဒီ လမ်းလျှောက်နေပြီး သူ၏ အကြည့်များက ကျောက်စိမ်းပြားများကို တစ်ခုပြီးတစ်ခု လှန်လှောကြည့်နေခဲ့၏။ ကိုယ့်အတွက် သိုင်းနည်းစနစ် တစ်ခု ကို ရွေးချယ်ခြင်းသည် အရေးကြီးသော ကိစ္စတစ်ခု ဖြစ်လေသည်။ သူ အလေးအနက် မထားဘဲ မနေ နိုင်ချေ။</p> <p> </p> <p>ထိုအချက်က ဤကမ္ဘာတွင် ကျင့်ကြံသူတစ်ဦး၏ တိုက်ခိုက်ရေးစွမ်းအားကို မည်သို့ တည်ဆောက် သနည်းဆိုသည့် အချက်ဆီသို့ ခေါ်ဆောင်သွားပေသည်။ ထိုအရာမှာ အချက်ငါးခုအပေါ်တွင် မူတည်၏။</p> <p> </p> <p>ထိုအချက်များမှာ ကျင့်ကြံခြင်းသိုင်းနည်းစနစ်၊ သိုင်းနည်းစနစ်၊ နတ်ဘုရားစွမ်းရည်၊ မှော်ရတနာနှင့် နတ်ဘုရား လက်နက် တို့ဖြစ်ကြလေသည်။ ထိုအရာများအနက် ကျင့်ကြံခြင်းသိုင်းနည်းစနစ်၏ အရေး ပါမှုမှာ ပြောစရာပင် မလိုတော့ချေ။</p> <p> </p> <p>ကျန်ရှိသော လေးခုအနက် မှော်ရတနာများနှင့် နတ်ဘုရားလက်နက်များသည် ပြင်ပ အထောက်အကူ များ ဖြစ်ကြလေ၏။ သိုင်းနည်းစနစ်များနှင့် နတ်ဘုရားစွမ်းရည်များသာလျှင် သင် အားကိုးနိုင်သော စစ်မှန်သည့် အထောက်အပံ့များ ဖြစ်ကြလေသည်။</p> <p> </p> <p>ထိုနှစ်ခုကြား ကွာခြားချက်မှာ သိုင်းနည်းစနစ်များကို ရုပ်ခန္ဓာကိုယ်ဖြင့် လုပ်ဆောင်ခြင်း ဖြစ်သည်...။ သေမျိုး သိုင်းနည်းစနစ်များ၏ အဆင့်မြှင့်တင်ထားသော ပုံစံတစ်ခုပင်။</p> <p> </p> <p>လက်သီးများ၊ ခြေကန်ချက်များ၊ ဓားရှည်များနှင့် ဓားတိုများ အားလုံးသည် သိုင်းနည်းစနစ် အမျိုးအစား တွင် ပါဝင်ကြလေ၏။</p> <p> </p> <p>အခြားတစ်ဖက်တွင် နတ်ဘုရားစွမ်းရည်များသည် ခန္ဓာကိုယ်အတွင်းရှိ စိတ်ဝိညာဉ်အင်အားဖြင့် မောင်းနှင်ခြင်း ဖြစ်သည်။ ထိုအရာများသည် တိုက်ခိုက်ခြင်းနှင့် အထောက်အကူပြုခြင်း နှစ်မျိုးလုံး အတွက် အံ့သြဖွယ် အသုံးဝင်မှု များစွာ ရှိကြလေ၏။</p> <p> </p> <p>ယေဘုယျအားဖြင့် ပြောရလျှင် ကျင့်ကြံသူတစ်ဦးသည် မည်မျှပင် ဆင်းရဲနွမ်းပါးနေပါစေ အနည်းဆုံး သိုင်းနည်းစနစ်တစ်ခုနှင့် နတ်ဘုရားစွမ်းရည်တစ်ခုကိုတော့ သင်ယူကြမည်သာ ဖြစ်လေသည်။ ထိုအရာ မှာ အသက်ရှင်သန်ရန်နှင့် ကိုယ့်ကိုယ်ကိုယ် ရပ်တည်ရန် အခြေခံ နည်းလမ်းပင် ဖြစ်၏။</p> <p> </p> <p>တစ်ခုတည်းသော ပြဿနာမှာ သိုင်းနည်းစနစ်များကို အလွယ်တကူ ရရှိနိုင်သော်လည်း နတ်ဘုရား စွမ်းရည်များကိုမူ ရရှိရန် ခက်ခဲခြင်းပင်။ အောက်ခြေအဆင့် ကျင့်ကြံသူ အများအပြားသည် သင့်တင့် သော နတ်ဘုရားစွမ်းရည် တစ်ခုကို ရရှိရန်အတွက်ပင် အလွန်အမင်း ကြိုးစားအားထုတ်ကြရသည်။</p> <p>ဤနေရာတွင် အင်အားကြီးမားသော အဖွဲ့အစည်းတစ်ခုသို့ ဝင်ရောက်ခြင်း၏ အကျိုးကျေးဇူးများ ထင်ရှားလာပေသည်။ ဥပမာအားဖြင့် ထိုက်ရီအစစ်အမှန်ဂိုဏ်းကို ကြည့်ပါ။</p> <p> </p> <p>ဂိုဏ်း၏ စည်းမျဉ်းများအရ ထိုက်ရီအစစ်အမှန်ဂိုဏ်း၏ အပြင်စည်းတပည့် တိုင်းသည် အဝါရောင် အဆင့်မြင့် သိုင်းနည်းစနစ် သုံးခုနှင့် နက်နဲသိမ်မွေ့ အလယ်အလတ်အဆင့် နတ်ဘုရားစွမ်းရည် တစ်ခုကို အခမဲ့ ရရှိနိုင်ပေသည်။</p> <p> </p> <p>နက်နဲအဆင့် နတ်ဘုရားစွမ်းရည်တစ်ခုသည် ကျမ်းစာဆောင်၏ တတိယထပ်တွင် ထားရှိရန် လုံလောက်သော တန်ဖိုးရှိသည့် ရတနာတစ်ခု ဖြစ်ကြောင်း သင် သိထားရမည် ဖြစ်၏။</p> <p> </p> <p>သို့တိုင် ထိုက်ရီအစစ်အမှန်ဂိုဏ်းသည် ထိုအရာကို ဝင်ခွင့် အကျိုးခံစားခွင့်တစ်ခုအနေဖြင့် ပေးဝေကာ ထိုဂိုဏ်း၏ တစ်သိန်းနှစ်သောင်းသော အပြင်စည်းတပည့် တိုင်းကို ကျင့်ကြံခွင့် ပြုထားလေသည်။ ဤသို့သော ရက်ရောမှုက ကြီးမားသော ဂိုဏ်းတစ်ခု၏ အသွင်အပြင်ကို အမှန်တကယ် ပြသနေပေ သည်။</p> <p> </p> <p>ထို့ပြင် အပြင်စည်းတပည့်များသည် ပါရမီ ကွာခြားကြကြောင်းကို ထည့်သွင်းစဉ်းစားကာ ဂိုဏ်းသည် ဤနတ်ဘုရားစွမ်းရည်အတွက် အချိန်ပေး စဉ်းစားခဲ့၏။ ထိုအရာကို နက်နဲသိမ်မွေ့ အလယ်အလတ် အဆင့်ဟု သတ်မှတ်ထားသော်လည်း ထိုအရာ၏ ကျင့်ကြံမှု ခက်ခဲမှုမှာ မမြင့်မားချေ...။ မည်သူမဆို အခြေခံအားဖြင့် ထိုအရာကို သင်ယူနိုင်ပေသည်။</p> <p> </p> <p>အရေးအကြီးဆုံးမှာ ထိုအရာသည် အထောက်အကူပြု နတ်ဘုရားစွမ်းရည် တစ်ခု ဖြစ်ခြင်းပင်။</p> <p>အသုံးပြုလိုက်သောအခါ ထိုအရာသည် စိတ်ဝိညာဉ်အင်အားကို လောင်ကျွမ်းစေပြီး မိမိ၏ သွေးနှင့် ချီ စီးဆင်းမှုကို အရှိန်မြှင့်တင်ပေးကာ ရုပ်ခန္ဓာကိုယ်ကို အချိန်တိုအတွင်း ဘက်စုံ မြှင့်တင်ပေးခြင်းဖြစ် သည်။ သင်ယူထားသော သိုင်းနည်းစနစ်များနှင့် ပေါင်းစပ်လိုက်သောအခါ ထိုအရာသည် အသက်လု ထွက်ပြေးရသည်ဖြစ်စေ၊ သေသည်အထိ တိုက်ခိုက်ရသည်ဖြစ်စေ အလွန် အသုံးဝင်ပေသည်။</p> <p> </p> <p>နင်းဖန်သည် ဂိုဏ်းတွင် နေလာသည်မှာ နှစ်ဝက်ကျော်ရှိပြီဖြစ်ပြီး ဤအရာများ အကြောင်းကို အားလုံး ကြားသိခဲ့ရပြီး ဖြစ်၏။ အပြင်စည်းတပည့် တစ်ယောက် ဖြစ်လာခြင်း၏ အကျိုးကျေးဇူးများကို သူ အချိန်ကြာမြင့်စွာကတည်းက သွားရည်ကျနေခဲ့ခြင်းဖြစ်လေသည်။</p> <p> </p> <p>ကံမကောင်းစွာဖြင့် ဂိုဏ်းတစ်ခုလုံး ထွက်ပြေးသွားသည့် အချိန်အထိ ထိုအဝါရောင်အဆင့် သိုင်းနည်း စနစ်များနှင့် နက်နဲအဆင့် နတ်ဘုရားစွမ်းရည်များ မည်သို့ ပုံစံရှိသည်ကို သူ တစ်ခါမျှ မမြင်ခဲ့ရချေ။</p> <p> </p> <p>*နယ်စပ်က အဘိုးအို သူ့မြင်းကို ဆုံးရှုံးသွားတဲ့အခါ ဒါက ကောင်းချီးတစ်ခု မဟုတ်ဘူးလို့ သူ ဘယ်လို သိနိုင်မှာလဲ...။*</p> <p> </p> <p>*မင်းတို့ကောင်တွေ ထွက်ပြေးသွားကြပေမယ့် ကျမ်းစာဆောင်ကိုတော့ ငါ့အတွက် ထားခဲ့တာပဲ...။*</p> <p> </p> <p>*ဒါဆို ဒီသခင်လေးက သူ့ရဲ့ ငှက်ပစ်သေနတ်ကို အမြောက်နဲ့ လဲလှယ်လိုက်တော့မယ်...။ ကောင်းကင်ဘုံ အဆင့် သိုင်းနည်းစနစ်တစ်ခုကို ကျင့်ကြံမယ်...။*</p> <p> </p> <p>နင်းဖန်သည် လက်နှစ်ဖက်ကို နောက်ပစ်ကာ မေးစေ့ကို အနည်းငယ် မော့ထားပြီး နှုတ်ခမ်းထောင့်များ ကို အောက်သို့ ကွေးချလျက် မျက်လုံးများတွင် ကျေနပ်အားရမှုများ ပြည့်နှက်နေခဲ့၏။</p> <p> </p> <p>သူသည် သူ၏ အရင်းနှီးဆုံး ဆွေမျိုးခြောက်ယောက်ကို စွန့်ပစ်လိုက်သူ တစ်ဦး၏ ဟန်ပန်သွင်ပြင်ဖြင့် ကျမ်းစာဆောင်၏ နဝမထပ်တွင် လမ်းလျှောက်နေခဲ့သည်။</p> <p> </p> <p>သူ၏ အကြည့်များက အမျိုးမျိုးသော ကောင်းကင်ဘုံ အဆင့်မြင့် သိုင်းနည်းစနစ်များ၏ ကျောက်စိမ်း ပြားများပေါ်သို့ တရုတ်ဂေါ်ဖီထုပ်များကို ရွေးချယ်နေသကဲ့သို့ ဝေ့ကြည့်နေခဲ့၏။</p> <p> </p> <p>‘‘ထိုက်ရီ ဖုန်ခါယပ်: လက်ဝါး...။ ပညာရှင်တစ်ယောက်က သူ့ရဲ့ ဖုန်ခါယပ်ကို ခါယမ်းနေသလို အရည် ရွှမ်းပြီး သွက်လက်တယ်...။ ဟင်း.. ငါနဲ့ မလိုက်ဖက်ဘူး ထင်တယ်...။’‘</p> <p> </p> <p>‘‘ကောင်းကင်ဖြတ်တောက်ခြင်း လက်ချောင်း: ရှေးဟောင်း အင်အားကြီး ပုဂ္ဂိုလ်တစ်ယောက်ရဲ့ ကောင်းကင် ကံကြမ္မာရဲ့ အပိုင်းအစလေးကို လုယူခြင်း ဆိုတဲ့ စိတ်ကူးကနေ မွေးဖွားလာတာ...။ လက်ချောင်း အင်အားကို အဆုံးစွန်ထိ စုစည်းပြီး အမျိုးမျိုးသော အကာအကွယ် အလင်းရောင်တွေ၊ ဝင်္ကပါ အချက်အချာတွေနဲ့ နတ်ဘုရားစွမ်းရည် အချက်အချာတွေကို အထူးသဖြင့် ချိုးဖျက်ပစ်နိုင် တယ်။ အနီးကပ် တိုက်ပွဲမှာ လက်ချောင်းတစ်ချောင်းတည်းနဲ့ သတ်နိုင်တယ်...။’‘</p> <p> </p> <p>‘‘ဒီသိုင်းနည်းစနစ်က ကြည့်ကောင်းပေမယ့် နတ်ဆိုးသားရဲတွေကို တိုက်ခိုက်ဖို့ လက်ချောင်း သိုင်းနည်း စနစ်တွေကို အသုံးပြုတာက ငါ့ရဲ့ လက်သီးဆန္ဒကို ဖန်တီးဖို့ အထောက်အကူ မဖြစ်ဘူး...။’‘</p> <p> </p> <p>‘‘ပြီးတော့ သိုင်းလမ်းကြောင်းထဲကို အခုမှ စဝင်လာတဲ့ ငါ့လို လူသစ်တစ်ယောက်အတွက် လက်ချောင်း  တစ်ချောင်းနဲ့ လူတွေကို နာကျင်အောင်လုပ်တဲ့ ကွက်ကဲမှုကို သင်ယူတာက နည်းနည်းတော့ မာနကြီး လွန်းတယ်...။’‘</p> <p> </p> <p>‘‘လုံလုံလောက်လောက် မလုံခြုံဘူး...။ ဒါပေမယ့် သိုင်းနည်းစနစ် ကိုယ်တိုင်ကတော့ ခိုင်မာတယ်...။ ယာယီပဲ ထားလိုက်မယ်...။’‘</p> <p> </p> <p>နင်းဖန် လမ်းလျှောက်ရင်း ကြည့်နေခဲ့၏။</p> <p> </p> <p>နဝမထပ်ရှိ ကောင်းကင်ဘုံ အဆင့်မြင့် သိုင်းနည်းစနစ် တိုင်းကို သူ၏ နှလုံးသားထဲတွင် အကဲဖြတ် နေခဲ့သည်။ ရုတ်တရက် သူသည် ထောင့်တစ်နေရာတွင် လွင့်မျောနေသော ကျောက်စိမ်းပြား တစ်ခု ရှေ့တွင် ရပ်တန့်သွားပြီး သူ၏ မျက်လုံးများတွင် အရောင်လက်သွားခဲ့၏။</p> <p> </p> <p>ဤကျောက်စိမ်းပြားမှ ထုတ်လွှတ်နေသော နာမ်စိတ်ဝိညာဉ်အရ ထိုအရာသည် မာနကြီးလှပေသည်။ တစ်ချိန်တည်းမှာပင် ထိုအရာ၏ ပတ်ဝန်းကျင်ရှိ အရာအားလုံးကို ဂရုမစိုက်သကဲ့သို့ ယုံကြည်နိုင်စရာ မရှိလောက်အောင် တည်ငြိမ်သော အရှိန်အဝါတစ်ခုလည်း ရှိနေခဲ့၏။</p> <p> </p> <p>‘‘တောင်ငါးလုံး စစ်မှန်သော ပုံစံ လက်သီး: ကောင်းကင်ဘုံ အဆင့်မြင့် သိုင်းနည်းစနစ်...။ လက်သီးဆန္ဒနဲ့ အတူ မြေကြီးပေါ်က တောင်ကြီးတွေရဲ့ စိတ်ဝိညာဉ်တွေကို ခေါ်ယူတယ်...။ လက်သီးချက်တိုင်းက တောင်ထိပ်တစ်ခုလို ရောက်လာပြီး ယုံကြည်နိုင်စရာ မရှိလောက်အောင် လေးလံကာ အရာအားလုံးကို ဖိနှိပ်ထားတယ်...။’‘</p> <p>(မှတ်ချက်...။ ထိုလက်သီး သိုင်းနည်းစနစ်သည် နက်ရှိုင်းသည့် အခြေခံအုတ်မြစ် လိုအပ်ပေ၏။ ရုပ်ခန္ဓာ ကိုယ်သန့်စင်ခြင်း၏ ပထမအလွှာ၌ အင်အား ဂျင် တစ်သောင်းကို မကျွမ်းကျင်သေးပါက မကျင့်ကြံ ပါနှင့်...။)</p> <p> </p> <p>ဖော်ပြချက်ကို ဖတ်ပြီးနောက် နင်းဖန်၏ မျက်လုံးများတွင် ဝမ်းသာမှုများ တောက်ပသွားခဲ့၏။</p> <p> </p> <p>အနီးကပ် တိုက်ပွဲဝင်၊ ကျယ်ကျယ်ပြန့်ပြန့်၊ ပြင်းထန်ပြီး တားဆီး၍မရသော လက်သီး သိုင်းနည်းစနစ် တစ်ခုပင်။ ထိုအရာက သူ့အတွက် လုံးဝ ပြီးပြည့်စုံပေသည်။</p> <p> </p> <p>ဤကမ္ဘာတွင် တောင်ငါးလုံး ဟူသော အယူအဆတစ်ခုလည်း ရှိပေသည်။ သို့သော် ဤတောင်ငါးလုံး သည် ကမ္ဘာမြေကြီးပေါ်ရှိ တောင်များ မဟုတ်ချေ။</p> <p> </p> <p>ထိုအရာများမှာ မြောက်ပိုင်း အေးခဲနေတဲ့ တောရိုင်းမြေ၊ တောင်ပိုင်း အထွတ်အထိပ် နယ်မြေပေါင်းစုံ၊ အနောက်ပိုင်း အနက်ရှိုင်းဆုံး ဒေါသထွက်နေတဲ့ ပင်လယ်၊ အရှေ့ပိုင်းမဟာတောရိုင်းနယ်မြေ နှင့် အလယ်ပိုင်းကုန်းမြေ တို့တွင် အသီးသီး တည်ရှိသော သန့်စင်သည့် တောင်ငါးလုံး ဖြစ်ကြ၏။</p> <p> </p> <p>ဤသန့်စင်သည့် တောင်ငါးလုံးမှာ ကြီးမားလှပြီး ကောင်းကင်အထိ မြင့်မားကာ ထိုတောင်များ၏ တောင်တန်းများမှာ မပြတ်တောက်ဘဲ ရေတွက်မရနိုင်သော စိတ်ဝိညာဉ်သွေးကြောများနှင့် စိတ်ဝိညာဉ် မိုင်းများဖြင့် ပြည့်နှက်နေသည်။</p> <p> </p> <p>ထိုအရာများသည် နယ်စပ်လေးခုနှင့် ပြည်နယ်တစ်ခုတစ်လျှောက်ရှိ ရေတွက်မရနိုင်သော သက်ရှိများ ကို ကျွေးမွေးပြုစုပေးသော မိခင်တောင်ကြီးများ ဖြစ်ကြ၏။</p> <p> </p> <p>တောင်ငါးလုံး စစ်မှန်သော ပုံစံ လက်သီးသည် အထွတ်အထိပ်အထိ ကျင့်ကြံသောအခါ တောင်ငါးလုံး ၏ တောင်စိတ်ဝိညာဉ်များကို နိုးထစေပြီး အရာအားလုံးကို ဖိနှိပ်နိုင်သည်ဟု ဆိုထားသည်။</p> <p> </p> <p>ထိုဖော်ပြချက်မှာ ချဲ့ကားထားခြင်း ဖြစ်နိုင်သော်လည်း ထိုအရာ၏ စစ်မှန်သော စွမ်းအားမှာ သေချာ ပေါက် များစွာ လျော့နည်းမည် မဟုတ်ချေ။</p> <p> </p> <p>မည်သို့ပင်ဆိုစေ သိုင်းနည်းစနစ်တစ်ခု၏ စွမ်းအားသည် လူတစ်ဦး၏ ကိုယ်ပိုင် ကျင့်ကြံမှုနှင့်လည်း သက်ဆိုင်ပေသည်။</p> <p> </p> <p>ရုပ်ခန္ဓာကိုယ်သန့်စင်ခြင်း ကျင့်ကြံသူတစ်ဦးနှင့် နတ်ဘုရားကူးဖြတ်ခြင်း အမြင့်ဆုံး ပုဂ္ဂိုလ်တစ်ဦးတို့ သည် ပြီးပြည့်စုံသည်အထိ ကျင့်ကြံထားသော တူညီသည့် သိုင်းနည်းစနစ်ကို အသုံးပြုပါက သဘာဝ ကျစွာပင် ကောင်းကင်နှင့်မြေကြီး ကွာခြားသော စွမ်းအားကို ပြသမည် ဖြစ်၏။</p> <p> </p> <p>ပထမလူသည် ယားယံနေသော ကြက်ပေါက်လေးတစ်ကောင်ကဲ့သို့ ဖြစ်မည်ဖြစ်ပြီး ဒုတိယလူသည် ကောင်းကင်နှင့်မြေကြီးကို ဖျက်ဆီးပစ်နိုင်ပေလိမ့်မည်။</p> <p> </p> <p>ထို့ကြောင့် အကယ်၍ နတ်ဘုရားကူးဖြတ်ခြင်း အမြင့်ဆုံး ပုဂ္ဂိုလ်တစ်ဦးသာ သက်ရှိထင်ရှားရှိပြီး တောင်ငါးလုံး စစ်မှန်သော ပုံစံ လက်သီးကို အသုံးပြုပါက ထိုသူတို့သည် သန့်စင်သည့် တောင်ငါးလုံး ၏ စိတ်ဝိညာဉ်များကို အမှန်တကယ် ခေါ်ယူနိုင်ပြီး အလယ်ပိုင်းကုန်းမြေကိုပင် နစ်မြုပ်သွားအောင် လက်သီးဖြင့် ထိုးနိုင်ပေလိမ့်မည်။</p> <p> </p> <p>‘‘ဒါပဲ...။’‘</p> <p> </p> <p>နင်းဖန် စဉ်းစားလေလေ သူ ပို၍ ပျော်ရွှင်လာလေလေ ဖြစ်၏။ တုံ့ဆိုင်းမနေဘဲ သူသည် ကျောက်စိမ်း ပြားကို ကောက်ယူကာ သူ၏ နဖူးသို့ ဖိကပ်လိုက်သည်။ ချက်ချင်းပင် အမျိုးမျိုးသော လက်သီး သိုင်း နည်းစနစ် လျှို့ဝှက်ချက်များနှင့် ကျင့်ကြံခြင်း အဓိက အချက်များသည် သူ၏ အသိစိတ်ပင်လယ်ထဲသို့ စီးဝင်သွားခဲ့၏။</p> <p> </p> <p>စက္ကန့်အနည်းငယ်အကြာတွင် နင်းဖန်သည် ကျောက်စိမ်းပြားကို ချလိုက်ပြီး သူ၏ မျက်နှာတွင် ကျေနပ်မှုများ အပြည့်ဖြစ်နေခဲ့သည်။ သူသည် ‘‘သိုင်းနည်းစနစ် အောင်မြင်မှုအသေးစား လက်မှတ်’‘ ကို အသုံးပြုရန် အလျင်စလို မလုပ်ခဲ့ချေ။</p> <p> </p> <p>အဘယ်ကြောင့်ဆိုသော် ထိုလက်မှတ်သည် ချက်ချင်း အကျိုးသက်ရောက်မှု မရှိသောကြောင့်ပင်။ ယင်းအစား ထိုအရာသည် အသုံးပြုသူအား တစ်ရက်အတွင်း သိုင်းနည်းစနစ်ကို အောင်မြင်မှု အသေးစားသို့ သေချာပေါက် ကျင့်ကြံနိုင်မည်ဟု အာမခံပေးခြင်း ဖြစ်၏။</p> <p> </p> <p>စနစ်က ပေးသော မည်သည့် ဆုလာဘ်မှ လေထဲမှ အလိုအလျောက် ဖန်တီးထားခြင်း မဟုတ်ဟု သင် ပြောနိုင်ပေသည်။</p> <p> </p> <p>ဆန့်ကျင်ဘက်အားဖြင့် ထိုအရာများသည် ဤလုပ်ငန်းစဉ်ကို မရှိရာမှ ဖန်တီးရာတွင် နင်းဖန် ကိုယ်တိုင် ပါဝင်ရန် လိုအပ်ပေသည်။ ယခင် တစ်ခါသုံး ပေါင်းစပ်ခြင်း လက်မှတ်သည်လည်း ဤသို့ပင် ဖြစ်ပြီး ယခု သိုင်းနည်းစနစ် အောင်မြင်မှုအသေးစား လက်မှတ်မှာလည်း အတူတူပင် ဖြစ်၏။</p> <p> </p> <p>သို့သော် နင်းဖန်က နားလည်နိုင်ပေသည်။</p> <p> </p> <p>မည်သို့ပင်ဆိုစေ သူ၏ စနစ်သည် ချက်ချင်း ပြိုင်ဘက်ကင်း စနစ် မဟုတ်ဘဲ အသန်မာဆုံး ကိုယ့်ကိုယ် ကိုယ်ကယ်တင်ခြင်းစနစ် ဖြစ်သည်။</p> <p> </p> <p>အဓိကအချက်မှာ ကိုယ့်ကိုယ်ကိုယ် ကယ်တင်ခြင်း ဟူသော စကားလုံးများတွင် တည်ရှိနေသည်မှာ ထင်ရှား၏။</p> <p> </p> <p>သင် ကိုယ်တိုင် ပါဝင်ရမည် ဖြစ်သည်။</p> <p> </p> <p>သူသည် ဤကိစ္စများကို သိပ်မစဉ်းစားတော့ချေ။ နင်းဖန်သည် လှည့်ကာ ပေါ့ပါးသော ခြေလှမ်းများဖြင့် ကျမ်းစာဆောင်မှ ထွက်ခွာသွားခဲ့၏။ အောက်ထပ်သို့ ဆင်းရသည်မှာ အပေါ်တက်ရသည်ထက် များစွာ ပိုမြန်ပေသည်။</p> <p> </p> <p>သူသည် ပြေးလွှားခုန်ပေါက်နေပြီး သူ၏ ခြေထောက်များသည် လေပေါ်တွင်ဝဲနေသကဲ့သို့ပင်။</p> <p> </p> <p>အကယ်၍ သူ၏ ရုပ်ခန္ဓာကိုယ် စွမ်းအားနှင့် ပတ်သက်၍ သူ မသေချာပါက နင်းဖန်သည် ထိပ်ဆုံးထပ် ပြတင်းပေါက်မှ တိုက်ရိုက် ခုန်ချချင်နေမည် ဖြစ်သည်။</p> <p> </p> <p>သီချင်းတိုးတိုးလေး ညည်းရင်း သူသည် ကျမ်းစာဆောင်မှ ထွက်လာကာ သူ၏ ပျံသန်းသည့်လှေကို အသက်သွင်းပြီး ချွမ်းကုန်းတောင်ထိပ်ရှိ သိုင်းခန်းမဆီသို့ တိုက်ရိုက် ဦးတည်သွားခဲ့၏။</p> <p> </p> <p>သူ၏ ရုပ်ခန္ဓာကိုယ်သန့်စင်ပြီးနောက် လက်တစ်ဖက်တည်းက အင်အား မည်မျှ ထုတ်လွှတ်နိုင်သည်ကို သိရှိရန် သူ မစောင့်နိုင်တော့ချေ။</p> <p> </p> <p style="text-align: center;">***</p> <p> </p>


Save