Book List

<h2 style="text-align: center;">အခန်း (၂၄)</h2> <h2 style="text-align: center;">နင်းဖန် သိုင်းနည်းစနစ် ရွေးချယ်တာ မှားသွားသလား</h2> <h2 style="text-align: center;">*</h2> <p> </p> <p>သူတို့၏ အထက်၊ ထိုက်ရီအကြွင်းအကျန်နယ်မြေ အတွင်း၌။</p> <p> </p> <p>ဂိုဏ်း၏ အဆင့်မြင့် အရာရှိများသည် နင်းဖန်၏ လှုပ်ရှားမှုတိုင်းကို စောင့်ကြည့်နေကြ၏။</p> <p> </p> <p>ကျမ်းစာဆောင်၏ နဝမထပ်မှ မထွက်ခွာမီ သူက သိုင်းနည်းစနစ်တစ်ခုကို တမင်တကာ ရွေးချယ်လိုက် သည်ကို မြင်သောအခါ သူတို့သည် မျက်မှောင်မကြုတ်ဘဲ မနေနိုင်ကြချေ။</p> <p> </p> <p>‘‘‘‘နင်းဖန်က ဘာလို့ ဒီသိုင်းနည်းစနစ်ကို ရွေးရတာလဲ...။’‘‘‘</p> <p> </p> <p>‘‘‘‘တောင်ငါးလုံး စစ်မှန်သော ပုံစံ လက်သီးက ကျမ်းစာဆောင်မှာ နှစ်သန်းပေါင်းများစွာ ရှိနေခဲ့တာ...။ အများကြီးက အဲဒါကို နားလည်ဖို့ ကြိုးစားခဲ့ပေမယ့် သုံးဆယ့်နှစ်ဆက်မြောက် ဂိုဏ်းချုပ်ပဲ အောင်မြင် ခဲ့တာ မဟုတ်ဘူးလား...။’‘‘‘</p> <p> </p> <p>‘‘‘‘ဟုတ်တယ်...။ ဂိုဏ်းချုပ်စွန်းက ထူးခြားတဲ့ ပါရမီနဲ့ မွေးဖွားလာပြီး ရုပ်ခန္ဓာကိုယ်သန့်စင်ဖို့အတွက် ပြီးပြည့်စုံတဲ့ ပြိုင်ဘက်ကင်း အာဏာရှင် ရုပ်ခန္ဓာကိုယ်ကို ပိုင်ဆိုင်ထားတယ်...။ သူက တောင်ငါးလုံး စစ်မှန်သော ပုံစံ လက်သီးကို ကြီးမားတဲ့ အောင်မြင်မှုအထိ ရောက်အောင် လုပ်ပြီးနောက်မှာ ဒီနယ်မြေ ကို ပြိုင်ဘက်ကင်းစွာ လွှမ်းမိုးခဲ့တာလေ...။’‘‘‘</p> <p> </p> <p>‘‘‘‘နှမြောစရာပဲ...။ သူ့ရဲ့ စွမ်းအားက ကောင်းကင်အောက်မှာ ပြိုင်ဘက်ကင်းပေမယ့် အဲဒါကို ကျင့်ကြံဖို့ အခက်အခဲက ကြီးမားလှတယ်...။ နောက်ဆုံးအချိန်အထိ ဂိုဏ်းချုပ်စွန်းက အဲဒါကို ပြီးပြည့်စုံတဲ့အထိ မရောက်နိုင်ခဲ့ဘူးလို့ ငါ မှတ်မိတယ်...။’‘‘‘</p> <p> </p> <p>‘‘‘‘အဲဒီထက်ပိုတယ်...။ မကွယ်လွန်ခင်မှာ ဂိုဏ်းချုပ်စွန်းက တောင်ငါးလုံး စစ်မှန်သော ပုံစံ လက်သီးကို နားလည်ဖို့ သူ့ရဲ့ အချိန်တွေ အများကြီး ကုန်ဆုံးသွားခဲ့ရပြီး နောက်ဆုံးမှာ သက်တမ်း မလုံလောက် တော့ဘူး...။ ။မဟုတ်ရင် သူက နတ်ဘုရားကူးဖြတ်ခြင်းအဆင့်ကိုတောင် လှမ်းမြင်နိုင်ခဲ့လိမ့်မယ်လို့ ပွင့်ပွင့်လင်းလင်း ပြောခဲ့တယ်...။’‘‘‘</p> <p> </p> <p>‘‘‘‘တောက်...။ ဂိုဏ်းချုပ်စွန်းက သူ့ရဲ့ နောက်ဆုံးနှစ်တွေကို ဒီပြိုင်ဘက်ကင်း သိုင်းနည်းစနစ်အတွက် အသုံးပြုခဲ့ရတာကို နောင်တရသလား ဘယ်သူသိမှာတဲ့လဲ...။’‘‘‘</p> <p> </p> <p>‘‘ဂိုဏ်းချုပ်စွန်း ဘာပဲခံစားခဲ့ရပါစေ အဲဒါက အတိတ်မှာ ကျန်ခဲ့ပြီ...။ တကယ့်မေးခွန်းက...။ နင်းဖန်က ဘာလို့ ဒီသိုင်းနည်းစနစ်ကို ရွေးခဲ့တာလဲ...။’‘</p> <p> </p> <p>‘‘ဟုတ်တယ်...။ သူက အခုမှ ရုပ်ခန္ဓာကိုယ်သန့်စင်ခြင်းကို ရောက်တာဖြစ်ပြီး သူ့ရဲ့ ပထမဆုံး သိုင်းနည်း စနစ်ကို ရွေးနေတာလေ...။ မြေကမ္ဘာ အလယ်အလတ်အဆင့် သိုင်းနည်းစနစ်တစ်ခုက သူ့အတွက် အခု အချိန်မှာ အံဝင်ခွင်ကျ ဖြစ်မှာပဲ...။’‘</p> <p> </p> <p>‘‘...။’‘</p> <p> </p> <p>အကြီးအကဲများသည် နင်းဖန်၏ လှုပ်ရှားမှု အပေါ် ဆက်တို​က်ဆွေးနွေးမှုများဖြင့် ဆူညံနေကြ၏။ သူတို့ ၏ စကားများတွင် ထင်ရှားသော စိုးရိမ်ပူပန်မှုများ ပါဝင်နေခဲ့သည်။ သူသည် ဤမျှ အဆင့်မြင့်သော သိုင်းနည်းစနစ်တစ်ခုကို မရွေးချယ်သင့်ဟု သူတို့ ခံစားရ၏။</p> <p> </p> <p>ထိုအရာမှာ အခြားသူတစ်ဦး၏ ကံကောင်းမှုကို မနာလိုဖြစ်ခြင်း မဟုတ်ချေ။ ယင်းအစား သိုင်းလမ်း ကြောင်း ဆိုသည်မှာ အမြင့်ဆုံးအဆင့်ကို မျက်ကန်းတစ္ဆေမကြောက် လိုက်ရှာခြင်း မဟုတ်သော ကြောင့်ပင်။</p> <p> </p> <p>မှန်ကန်သော ချဉ်းကပ်မှုမှာ ဟန်ချက်ညီမှုဖြစ်သည်။ တင်းမာမှုနှင့် ပြေလျော့မှု သဟဇာတဖြစ်ခြင်းဖြစ် ၏။</p> <p> </p> <p>ဥပမာအားဖြင့် သင် ကျင့်ကြံသော အဓိက ကျင့်ကြံခြင်းသိုင်းနည်းစနစ်မှာ အဆင့်မြင့်ပါက သိုင်းနည်း စနစ်များနှင့် နတ်ဘုရားစွမ်းရည်များကို ရွေးချယ်ရာတွင် အဆင့်ကို အနည်းငယ် လျှော့ချသင့်ပေသည်။</p> <p> </p> <p>အပြန်အလှန်အားဖြင့်လည်း ထိုနည်းတူပင် ဖြစ်၏။</p> <p> </p> <p>အဓိက အကြောင်းရင်းမှာ အဆင့်မြင့် ပစ္စည်းများဖြစ်စေ ကျင့်ကြံခြင်းသိုင်းနည်းစနစ်ဖြစ်စေ သိုင်းနည်း စနစ်ဖြစ်စေ လေ့ကျင့်ရန် အလွန် ခက်ခဲလွန်းသောကြောင့်ပင်။</p> <p> </p> <p>ထိုအရာများသည် စွမ်းအင်နှင့် အချိန် အမြောက်အမြားကို ဝါးမျိုကြ၏။</p> <p> </p> <p>ဤဥပမာကို ကြည့်ပါ…</p> <p> </p> <p>ကျင့်ကြံသူတစ်ဦးတွင် ကောင်းကင်ဘုံ အဆင့်မြင့် ကျင့်ကြံခြင်းသိုင်းနည်းစနစ်တစ်ခုကို လေ့ကျင့်ရန် ပါရမီရှိသည် ဆိုပါစို့။ လက်ရှိတွင် သူသည် ခရမ်းစံအိမ်တွင် ရှိနေပြီး သက်တမ်း နှစ်ငါးရာ ကျန်ရှိနေ သေး၏။</p> <p> </p> <p>အရာအားလုံး ချောမွေ့ပါက သူသည် နှစ်သုံးရာ သို့မဟုတ် လေးရာအတွင်း နောက်နယ်မြေသို့ ချိုးဖောက်ဝင်ရောက်နိုင်ပေလိမ့်မည်။</p> <p> </p> <p>သို့သော် တစ်ချိန်တည်းမှာပင် သူသည် တန်းတူ ခက်ခဲသော ကောင်းကင်ဘုံ အဆင့်မြင့် သိုင်းနည်း စနစ်တစ်ခုကို ကျင့်ကြံရန် ရွေးချယ်လိုက်သည်။ ထိုသိုင်းနည်းစနစ်ကို လေးစားလောက်သော အဆင့်  တစ်ခုသို့ ရောက်ရှိစေရန်အတွက် အရင်းအမြစ် တောင်ပုံရာပုံသာမက အနည်းဆုံး နှစ်နှစ်ရာခန့် ကြိုးပမ်းရမည် ဖြစ်၏။</p> <p> </p> <p>တွက်ကြည့်ပါ။ ကျင့်ကြံသူသည် အလွန် အနေခက်သော အခြေအနေတွင် အဆုံးသတ်သွားမည် ဖြစ် သည်။</p> <p> </p> <p>နှစ်ခုစလုံးကို လေ့ကျင့်ခြင်းဖြင့် အကောင်းဆုံး ရလဒ်မှာ သူ၏ သက်တမ်း နှစ်ငါးရာ မကုန်ဆုံးမီ နှစ်ခု စလုံးတွင် ချိုးဖောက်ဝင်ရောက်နိုင်ရန် ဖြစ်၏။</p> <p> </p> <p>သို့သော် အရာရာတိုင်းက စီစဉ်ထားသည့်အတိုင်း အတိအကျ ဖြစ်လာလေ့ ရှိပါသလော။ ရာစုနှစ် ငါးခု ဆိုသည်မှာ ရှည်လျားသော အချိန်တစ်ခုဖြစ်သည်။ မတော်တဆမှုများလည်း ဖြစ်ပေါ်နိုင်ပေသည်။</p> <p> </p> <p>အမှားအယွင်း အနည်းငယ်ကပင် သူ၏ ကျင့်ကြံခြင်းကို လမ်းလွဲသွားစေနိုင်၏။</p> <p> </p> <p>လက်တွေ့တွင် ဖြစ်နိုင်ခြေအများဆုံး ရလဒ်မှာ ကျင့်ကြံခြင်းသိုင်းနည်းစနစ်ရော သိုင်းနည်းစနစ်ပါ များ များစားစား မတိုးတက်ဘဲ သူ၏ သက်တမ်း ကုန်ဆုံးသွားသောအခါ ရိုးရှင်းစွာ ထိုင်၍ သေဆုံးသွားခြင်း ပင် ဖြစ်သည်။</p> <p> </p> <p>ထိုက်ရီအစစ်အမှန်ဂိုဏ်း၏ သုံးဆယ့်နှစ်ဆက်မြောက် ဂိုဏ်းချုပ်သည် ပြီးပြည့်စုံသော သတိပေးပုံပြင် တစ်ခုပင် ဖြစ်၏။ ဂိုဏ်းချုပ်တစ်ဦးပင်လျှင် သူ ကျင့်ကြံသောအရာများကို ဟန်ချက်မညီနိုင်ပါက သာမန်သေမျိုးတစ်ဦးက မည်သို့ လုပ်နိုင်ပါမည်နည်း။</p> <p> </p> <p>ထို့ကြောင့် အကြီးအကဲများ၏ အမြင်တွင် နင်းဖန်၏ တောင်ငါးလုံး စစ်မှန်သော ပုံစံ လက်သီး ကို ရွေးချယ်မှုမှာ ပညာရှိသော ရွေးချယ်မှုတော့ မဟုတ်ချေ။ သူ့တွင် အဓိက သိုင်းနည်းစနစ်အဖြစ် ကောင်းကင်ဘုံ အဆင့်မြင့် ကျင့်ကြံခြင်းနည်းလမ်းဖြစ်သော အကန့်အသတ်မဲ့ တာအိုကျမ်းစာ ရှိနေပြီ ဖြစ်၏။</p> <p> </p> <p>ယခု အကောင်းဆုံး လုပ်ဆောင်ချက်မှာ မြေကမ္ဘာ အလယ်အလတ်အဆင့် သိုင်းနည်းစနစ် သို့မဟုတ် နတ်ဘုရားစွမ်းရည် တစ်ခုကို ရွေးချယ်ရန် ဖြစ်သည်။</p> <p> </p> <p>ထိုနည်းဖြင့် သူ၏ အဓိက ကျင့်ကြံခြင်းသိုင်းနည်းစနစ်ကို ထိခိုက်လိမ့်မည် မဟုတ်ချေ။</p> <p> </p> <p>ထိုသို့မဟုတ်ပါက ရေဆန်ကို လှော်ခတ်နေရသကဲ့သို့ပင် ရှေ့မဆက်နိုင်ပါက နောက်သို့ ပြန်ကျသွားမည် ဖြစ်၏။ ချွမ်းကုန်းတောင်ထိပ်၏ တောင်ထိပ်အရှင်သခင် ရွှီယိုဝေက ခါးသီးစွာ သက်ပြင်းချလိုက်သည်။</p> <p> </p> <p>‘‘ငါတို့ရဲ့ ဘိုးဘေးက တစ်ခါပြောဖူးတယ် ပြီးပြည့်စုံမှုကို တောင့်တလေလေ နှလုံးသားရဲ့ ဆန္ဒကို ရရှိဖို့ နည်းပါးလေလေပဲ တဲ့...။’‘</p> <p> </p> <p>‘‘နင်းဖန်က အခုမှ ရုပ်ခန္ဓာကိုယ်သန့်စင်ခြင်းကို ပြီးမြောက်တာဖြစ်ပြီး သိုင်းနည်းစနစ်တစ်ခုကို ရွေးချယ် ဖို့ မစောင့်နိုင်တော့ဘူး။ ဒီစိတ်အားထက်သန်မှုက ချီးကျူးစရာပါပဲ...။’‘</p> <p> </p> <p>‘‘ဒါပေမယ့် ဆရာတစ်ယောက်ရဲ့ လမ်းညွှန်မှု မရှိဘဲနဲ့ သူက ကျင့်ကြံခြင်းရဲ့ အသေးစိတ် အချက်အလက် တွေကို နားမလည်ဘဲ အဆင့်မြင့်လေ ပိုကောင်းလေလို့ ထင်နေတာ...။’‘</p> <p> </p> <p>‘‘နောက်ဆုံးတော့ အားလုံးထဲမှာ အခက်ခဲဆုံးဖြစ်တဲ့ တောင်ငါးလုံး စစ်မှန်သော ပုံစံ လက်သီး ထဲကို ဝင်တိုက်မိသွားတာပဲ...။ ကောင်းကင်ရဲ့ အလိုဆန္ဒက ကစားနေတာ ကံကြမ္မာက ဒီလိုပဲလေ...။’‘</p> <p> </p> <p>ဤစကားများကို ကြားသောအခါ အားလုံးက သက်ပြင်းမချဘဲ မနေနိုင်ကြတော့ချေ။</p> <p> </p> <p>လမ်းညွှန်မှု အမှားများကြောင့် ကြီးထွားလာမည့် အလားအလာရှိသော အပင်ပေါက်လေး ကောက်ကွေ့ သွားတော့မည်ကို မြင်တွေ့ရခြင်းမှာ ရူးသွပ်စရာပင်။ အထူးသဖြင့် ထိုက်ရီဂိုဏ်းချုပ်၏ မျက်ခုံးများမှာ တစ်ခဏမျှ မပြေလျော့ခဲ့ချေ။</p> <p> </p> <p>သို့သော် အားလုံး စိတ်ကူးထားသည့် အခြေအနေမှာ လုံးဝ တိကျနေခြင်း မဟုတ်ချေ။</p> <p> </p> <p>အဘယ်ကြောင့်ဆိုသော် အချို့သော အထူးရုပ်ခန္ဓာကိုယ်များကို ပိုင်ဆိုင်ထားသည့် ကျင့်ကြံသူများသည် ထိပ်တန်းအဆင့် ကျင့်ကြံခြင်း သိုင်းနည်းစနစ်များနှင့် အခြားသိုင်းနည်းစနစ်များကို တစ်ပြိုင်နက်တည်း ကျင့်ကြံနိုင်သောကြောင့်ပင်။</p> <p> </p> <p>ဥပမာ ဂိုဏ်းချုပ် ဖေ့ချင်းယွီကို ကြည့်ပါ၊ သူသည် မိုးပြာသစ်သားစိတ်ဝိညာဉ်ခန္ဓာကိုယ် ကို ပိုင်ဆိုင် ထားပြီး ထိုအရာမှာ သစ်သားဓာတ် စွမ်းအင်နှင့် သဘာဝကျကျ လိုက်လျောညီထွေဖြစ်သော ခန္ဓာကိုယ် ဖြစ်၏။</p> <p> </p> <p>ထို့ကြောင့် ကိုက်ညီသော သိုင်းနည်းစနစ်တစ်ခုကို ကျင့်ကြံသည့်အခါ သူသည် အမြန်နှုန်း သိပ်မကျ ဆင်းဘဲ သစ်သားဓာတ် နတ်ဘုရားစွမ်းရည်တစ်ခုကို တစ်ပြိုင်နက်တည်း လေ့လာနိုင်ပေသည်။ သဘာဝကျစွာပင် ထိုစွမ်းရည်၏ အဆင့် အမြင့်ဆုံး အကန့်အသတ်မှာ သူ၏ မွေးရာပါ ပါရမီနှင့် ကိုက်ညီရမည် ဖြစ်၏။</p> <p> </p> <p>ဂိုဏ်းချုပ်ဖေ့သည် ကျမ်းစာဆောင်၏ သတ္တမထပ်အတွက် အရည်အချင်းပြည့်မီပြီး မြေကမ္ဘာအဆင့် မြင့် သိုင်းနည်းစနစ်တစ်ခုကို လေ့ကျင့်ခဲ့လေသည်။နတ်ဘုရားစွမ်းရည်တစ်ခုကို ရွေးချယ်သည့်အခါ သူသည် သူ၏ ခန္ဓာကိုယ်နှင့် ပြီးပြည့်စုံစွာ ကိုက်ညီပြီး သူ့ကို နောက်သို့ ဆွဲမထားမည့် မြေကမ္ဘာ အလယ်အလတ်အဆင့် နွေဦးပြန်လာခြင်း သိုင်းနည်းစနစ်ကို ရွေးချယ်နိုင်ပေသည်။</p> <p> </p> <p>ပြိုင်ဘက်ကင်း အာဏာရှင် ရုပ်ခန္ဓာကိုယ်ကို ပိုင်ဆိုင်ထားသော သုံးဆယ့်နှစ်ဆက်မြောက် ဂိုဏ်းချုပ်နှင့် ပတ်သက်၍မူ သူသည် ကျမ်းစာဆောင်၏ နဝမထပ် လိုအပ်ချက်ကို ခက်ခက်ခဲခဲ ပြည့်မီခဲ့၏။</p> <p> </p> <p>ထိုအခြေအနေတွင် နဝမထပ် သိုင်းနည်းစနစ်တစ်ခုကို ရွေးချယ်ပြီးဖြစ်ရာ သူသည် တောင်ငါးလုံး စစ်မှန်သော ပုံစံ လက်သီး ကို ကျင့်ကြံရန် ဇွတ်မတောင်းဆိုသင့်ချေ။ ခန္ဓာကိုယ်တစ်ခုတည်းတွင် ကောင်းကင်ဘုံ အဆင့်မြင့် ကျင့်ကြံခြင်းနည်းလမ်း နှစ်ခုကို ထောက်ပံ့ခြင်းသည် မလွှဲမရှောင်သာ ကမောက်ကမဖြစ်မှုကို သက်သေပြမည် ဖြစ်၏။</p> <p> </p> <p>အကယ်၍ သူသည် ထိုထက်နည်းသောအရာတစ်ခုကို ရွေးချယ်ခဲ့ပါက ကောင်းကင်ဘုံ အဆင့်မြင့် သိုင်းနည်းစနစ်တစ်ခုနှင့် ကောင်းကင်ဘုံအဆင့်နိမ့် သိုင်းနည်းစနစ်တစ်ခုကို တွဲဖက်ခြင်းဖြင့် သူသည် မိမိကိုယ်ကို လောင်ကျွမ်းသွားမည် မဟုတ်ချေ။</p> <p> </p> <p>သို့တိုင် ထိုသို့ လုပ်ဆောင်ခဲ့ပြီး တောင်ငါးလုံး စစ်မှန်သော ပုံစံ လက်သီး ၏ အကူအညီကို စွန့်လွှတ် လိုက်ပါက သူသည် နယ်မြေလေးခု၏ ပါရမီရှင်များကို ဤမျှ လွယ်ကူစွာ အနိုင်ယူနိုင်မည် မဟုတ်သလို သူ၏ ပြိုင်ဘက်ကင်း ဂုဏ်သတင်းကိုလည်း ရရှိနိုင်မည် မဟုတ်ချေ။</p> <p> </p> <p>အပေးအယူတွင် အားသာချက်နှင့် အားနည်းချက်များ ရှိပေသည်။</p> <p> </p> <p>မည်သည့် ရွေးချယ်မှုက အကောင်းဆုံးလဲဆိုသည်မှာ လူတစ်ဦးချင်းစီ၏ အမြင်အပေါ်တွင် မူတည်၏။ အတိုချုပ်ပြောရလျှင် ကျင့်ကြံခြင်းသည် ရှုပ်ထွေးပြီး တူညီသော လမ်းကြောင်း နှစ်ခု မရှိချေ။</p> <p> </p> <p>နင်းဖန်နှင့် ပတ်သက်၍မူ သူ၏ ထူးချွန်သော ပါရမီရှိသော်လည်း သူ့တွင် စစ်မှန်သော သေမျိုးခန္ဓာကိုယ် ရှိနေသဖြင့် တောင်ငါးလုံး စစ်မှန်သော ပုံစံ လက်သီး ကို ကျင့်ကြံခြင်းက ပြိုင်ဘက်ကင်း အာဏာရှင် ရုပ်ခန္ဓာကိုယ်မှ ပေးစွမ်းမည့် အပို အကျိုးကျေးဇူးများကို မရရှိစေချေ။</p> <p> </p> <p>ဤသည်မှာ ခက်ခဲသော လမ်းကြောင်းတစ်ခု ဖြစ်လာရန် ဖန်တီးခံထားရပေသည်။ ထို့ကြောင့် သူ၏ အခြေအနေသည် အထူးရုပ်ခန္ဓာကိုယ် ရှိသူများနှင့် ကွဲပြားပြီး သာမန် ကျင့်ကြံသူများနှင့် ပို၍ တူညီပေ သည်။</p> <p> </p> <p>ထိုက်ရီအစစ်အမှန်ဂိုဏ်း၏ အဆင့်မြင့် အဖွဲ့ဝင်များ ဤမျှ စိုးရိမ်နေကြသည်မှာ အံ့သြစရာ မဟုတ်ပေ။</p> <p> </p> <p>ယွီရူရွှမ်း၏ ဖီးနစ်ငှက် မျက်လုံးများ လင်းလက်သွားပြီး သူမ၏ ကြီးမားသော တာအိုဝတ်ရုံအောက်တွင် လက်သီးများကို ဆုပ်ထားခဲ့၏။</p> <p> </p> <p>နင်းဖန် မှားယွင်းသော လမ်းကြောင်းပေါ်သို့ မျက်ကန်းတစ္ဆေမကြောက် တိမ်းယိမ်းသွားမည်ကို သူမ မကြည့်ရက်ကြောင်း ထင်ရှားပေသည်။ သူမ ဆက်လက်၍ မထိန်းချုပ်ထားနိုင်တော့ဘဲ စကားပြော လိုက်၏။</p> <p> </p> <p>"စီနီယာအစ်ကိုတို့...။ မင်းတို့ တစ်ယောက်ချင်းစီက နှစ်ထောင်ပေါင်းများစွာ ကျင့်ကြံလာခဲ့တာလေ...။ အံ့ဖွယ် နတ်ဘုရားစွမ်းရည်တွေ ပဲဖြစ်ဖြစ် ပုံမှန်မဟုတ်တဲ့ လှည့်ကွက်တွေပဲ ဖြစ်ဖြစ် မင်းတို့တွေရဲ့ ဗဟုသုတ က သာမန်တပည့်တွေထက် အများကြီး သာလွန်ပါတယ်...။ ငါတို့ထဲက ဘယ်သူမှ ထိုက်ရီ အကြွင်းအကျန်နယ်မြေကို ဖောက်ထွင်းပြီး အောက်ဘုံနယ်မြေနဲ့ ဆက်သွယ်ဖို့ နည်းလမ်း မစဉ်းစား နိုင်ဘူးလား...။ အဲဒါ မဖြစ်နိုင်ရင်တောင် အလကားနေရင်း စိတ်ပူနေမယ့်အစား အချက်ပြမှု တစ်ခုခု ပို့လိုက်တာက ပိုကောင်းဦးမယ်...။"</p> <p> </p> <p>"ဒါက...။"</p> <p> </p> <p>သူမ၏ စကားကြောင့် အားလုံး မင်သက်သွားခဲ့ကြ၏။ အမှန်တကယ်ပင် အောက်ဘုံနယ်မြေသို့ ရောက်ရှိရန် နည်းလမ်း တစ်ခုခု ရှိပါသလော။အနည်းဆုံးတော့ ဂိုဏ်းက သူ့ကို စွန့်ပစ်မသွားကြောင်း နင်းဖန် သိရန် လိုအပ်ပေသည်။</p> <p> </p> <p>ချွမ်းကုန်းတောင်ထိပ်၊ သားရဲတစ်သောင်း တောင်ထိပ်၊ ဆေးဖက်ဝင်အပင်တစ်ရာတောင်ထိပ်နှင့် ပုံမှန်  မဟုတ်သော သိုင်းနည်းစနစ်များတွင် ကျွမ်းကျင်သည့် အခြားတောင်ထိပ်များမှ အကြီးအကဲ များသည် သူတို့၏ ဦးနှောက်များကို စတင် အလုပ်ပေးနေကြပြီ ဖြစ်၏။</p> <p> </p> <p>တစ်ချိန်တည်းမှာပင် ကျမ်းစာဆောင်မှ ထွက်ခွာသွားသော နင်းဖန်သည် သူ၏ ဆုံးဖြတ်ချက် သေးသေး လေးက အင်အားကြီးမားသူ အများအပြား၏ အာရုံစိုက်မှုကို နောက်တစ်ကြိမ် ဖမ်းစားသွားခဲ့မိ ကြောင်းကိုတော့ လုံးဝ သိရှိခဲ့ခြင်းမရှိချေ။</p> <p> </p> <p>သူသည် ယခုအခါ ပျံသန်းသည့်လှေပေါ်တွင် လေကိုခွင်း၍ ပျံသန်းကာ ချွမ်းကုန်းတောင်ထိပ်ကို လှည့်ပတ်ပျံသန်းနေပြီး မကြာမီ တောင်၏ တစ်ဖက်ခြမ်းသို့ ရောက်ရှိသွားခဲ့သည်။</p> <p> </p> <p>ထိုနေရာတွင် သိုင်းခန်းမ ရှိနေ၏။</p> <p> </p> <p>အမှန်တကယ်တော့ တောင်ထိပ်များစွာတွင် သူတို့၏ ကိုယ်ပိုင် သိုင်းခန်းမများ ရှိကြသည်...။ အပြင်စည်း ဧရိယာတွင်တင် သုံးဆယ်ကျော် ရှိပေသည်။</p> <p> </p> <p>သို့သော် ချွမ်းကုန်းတောင်ထိပ်ရှိ ခန်းမမှာ အကြီးဆုံးဖြစ်ပြီး အဓိက ခန်းမအဖြစ် ဆောင်ရွက်၏။</p> <p> </p> <p>အုတ်တစ်ချပ်၊ အုတ်ကြွပ်တစ်ချပ်စီတိုင်းကို ဂိုဏ်း၏ ဘိုးဘေး ကိုယ်တိုင် ချထားခဲ့ပြီး ဥပဒေသနှင့် နတ်ဘုရားစွမ်းအားများ ပါဝင်နေသည်ဟု ဆိုကြသည်။ တာအိုအဆင့် ကျွမ်းကျင်သူများပင်လျှင် ပျက်စီးမည်ကို မကြောက်ဘဲ ဤနေရာတွင် ယှဉ်ပြိုင် တိုက်ခိုက်နိုင်ပေသည်။</p> <p> </p> <p>နင်းဖန်သည် ဂိုဏ်းတွင် နေလာသည်မှာ နှစ်ဝက်ရှိပြီဖြစ်သော်လည်း ဤသည်မှာ အဓိက သိုင်းခန်းမသို့ သူ၏ ပထမဆုံး အလည်အပတ် ရောက်ခြင်းပင် ဖြစ်၏။</p> <p> </p> <p>ခမ်းနားကြီးကျယ်သော အဆောက်အအုံကြီးကို ကြည့်ရင်း သူသည် သိချင်စိတ်များဖြင့် ပြည့်နှက်နေ ခဲ့လေသည်။</p> <p> </p> <p>သူသည် ပျံသန်းသည့်လှေပေါ်မှ ခုန်ဆင်းကာ မြင်ကွင်းများကို ကြည့်ရှုရင်း လမ်းလျှောက်နေခဲ့၏။ မကြာမီပင် ​ေလေ့ကျင့်ရေးကွင်းတစ်ခုသို့ ရောက်ရှိသွလေ ခဲ့သည်။</p> <p> </p> <p>ဤဧရိယာသည် ရုပ်ခန္ဓာကိုယ်သန့်စင်ခြင်းအဆင့် တပည့်များ သူတို့၏ စွမ်းအားကို စမ်းသပ်ရန် အထူး သီးသန့် တည်ဆောက်ထားခြင်းဖြစ်၏။ ပတ်လည်တွင် ထူးခြားသော ပုံသဏ္ဌာန်ရှိသည့် ကိရိယာများ ရှိနေသည်။  ကျောက်တုံးသော့ခလောက်များ၊ ကျောက်တုံးဘားများ၊ အလေးမတုံးများနှင့် အခြားအရာ များ ရှိနေ၏။</p> <p> </p> <p>ပစ္စည်းတစ်ခုစီတိုင်းကို ဤနယ်မြေတွင်သာ ရှိသော အထူးပစ္စည်းများဖြင့် ဖန်တီးထားပြီး အံ့အားသင့် စရာကောင်းလောက်အောင် လေးလံပေသည်။ နင်းဖန်၏ အကြည့်များသည် အရွယ်အစား အမျိုးမျိုးရှိ သော ကိရိယာများကို ဝေ့ကြည့်လိုက်၏။</p> <p> </p> <p>နောက်ဆုံးတွင် သူသည် ဂျင် တစ်သောင်းရှိသော အလေးမတုံး တစ်ခုကို ရွေးချယ်လိုက်သည်။</p> <p> </p> <p>သူ အသက်ပြင်းပြင်း ရှူလိုက်ပြီး လက်ကိုင်ကို ဆုပ်ကိုင်ကာ ပြင်းထန်သော အားဖြင့် မလိုက်၏။</p> <p> </p> <p>‘‘ဝှစ်...။’‘</p> <p> </p> <p>အလေးမတုံး တစ်ခုလုံး မြေကြီးပေါ်မှ မြောက်တက်​သွားပြီး လက်တစ်ဖက်တည်းဖြင့် ခေါင်းပေါ်သို့ မြှောက်ထားလိုက်လေသည်။</p> <p> </p> <p>နင်းဖန်အံ့ဩတကြီး ရေရွတ်မိလိုက်လေ၏။</p> <p> </p> <p>"ဒီလောက်တောင် ပေါ့တာလား...။"</p> <p> </p> <p>အကန့်အသတ်မဲ့ တာအိုကျမ်းစာကို ကျင့်ကြံခြင်းက သူ၏ လက်တစ်ဖက်တည်း အင်အားကို ဂျင် တစ်သောင်းကျော်အထိ တွန်းပို့ပေးခဲ့ကြောင်း သူ သိထား၏။ သို့သော် ထိုအရာကို မရသည်မှာ အနည်းငယ် ပင်ပန်းလိမ့်မည်ဟု သူ မျှော်လင့်ထားခဲ့ခြင်း ဖြစ်သည်။</p> <p> </p> <p>အဆုံးတွင် သူသည် ကိုယ့်ကိုယ်ကိုယ် အထင်သေးခဲ့မိခြင်းပင်ဖြစ်လေသည်။ သို့မဟုတ် ဂျင် တစ်သောင်း၏ အလေးချိန်ကို အထင်ကြီးခဲ့မိခြင်းလည်း ဖြစ်နိုင်၏။</p> <p> </p> <p>သူ၏ ဆုပ်ကိုင်မှုထဲတွင် အလေးမတုံးမှာ အလေးချိန် မရှိသလောက်...။ အားစိုက်စရာ မလိုသကဲ့သို့ ခံစားနေရပေသည်။</p> <p> </p> <p style="text-align: center;">***</p> <p> </p>


Save