Book List

<h2 style="text-align:center">အခန်း (၃၁)</h2> <h2 style="text-align:center">ချန်လော့ကို လိုက်လံ ဖမ်းဆီးခြင်း</h2> <h2 style="text-align:center">*</h2> <p> </p> <p> </p> <p>"ဆေးတောင်ထွတ် က အတွင်းဂိုဏ်းသား တွေ အားလုံးကို ချန်လော့ကို ရန်သူလို သဘောထားဖို့ ချက်ချင်း သွားပြောလိုက်... သူ့ကို မြင်တာနဲ့ သေအောင်သာ ရိုက်ကြ... ပြီးရင် ငါ လောချင်းယွီ က ဘာပြဿနာမှ မရှာဘူးလို့..."</p> <p> </p> <p> </p> <p> </p> <p>"ဒီအတွင်းဂိုဏ်းသားတွေကို တက်ကြွမှု နည်းနည်း ရှိလာအောင် ဆုကြေးတချို့ သတ်မှတ်ပေးမယ်... ဥပမာ ချန်လော့ကို အနိုင်ယူနိုင်တဲ့ သူတွေကို ပစ္စည်းကောင်း တစ်ခုခု ပေးမယ် ဆိုတာမျိုးပေါ့..."</p> <p> </p> <p> </p> <p> </p> <p>"ဒါပေမဲ့ ရွှေမြုတေအဆင့် အောက်မှာ ရှိတဲ့ အတွင်းဂိုဏ်းသား တွေပဲ ပစ်မှတ်ထားလို့ ရမယ်... ရွှေမြုတေအဆင့် အထက်မှာ ရှိတဲ့သူတွေကိုတော့ လောလောဆယ် ပစ်မှတ်မထားဖို့ ပြောထား..."</p> <p> </p> <p> </p> <p> </p> <p>"ဘာပဲဖြစ်ဖြစ် ငါ့တပည့်က အတော်လေး တန်ဖိုးရှိတာမို့ သေသွားရင် မကောင်းဘူးလေ..."</p> <p> </p> <p> </p> <p> </p> <p>လောချင်းယွီ၏ အမိန့်များရှေ့တွင် ယုယန်ချီ မှာ အနည်းငယ်မျှပင် မလွန်ဆန်ရဲချေ။</p> <p> </p> <p> </p> <p> </p> <p>သူသည် သိုလှောင်အိတ် ထဲမှ အမိန့်ပေး တံဆိပ်ပြားတစ်ခုကို အလျင်အမြန် ထုတ်ယူလိုက်၏။</p> <p> </p> <p> </p> <p> </p> <p>"ဆေးတောင်ထွတ် က ရွှေမြုတေအဆင့် အောက်မှာ ရှိတဲ့ အတွင်းဂိုဏ်းသား တွေ အားလုံး နားထောင်ကြ... ဂိုဏ်းထဲမှာ ချန်လော့ကို မြင်ရင် သေအောင်သာ ရိုက်ကြ..."</p> <p> </p> <p> </p> <p> </p> <p>"အကြီးအကဲ လောချင်းယွီ က လက်စားချေမှာကို စိုးရိမ်နေစရာ မလိုဘူး... အကြီးအကဲ လောချင်းယွီ က မင်းတို့ကို ဘယ်တော့မှ အပြစ်တင်မှာ မဟုတ်ဘူး..."</p> <p> </p> <p> </p> <p> </p> <p>"ချန်လော့ကို ဒဏ်ရာရအောင် လုပ်နိုင်တဲ့သူ ဒါမှမဟုတ် အနိုင်ယူနိုင်တဲ့ သူတွေကို ဆုကြေးတွေ ပေးမယ်” ..."</p> <p> </p> <p> </p> <p> </p> <p>"ဒဏ်ရာ အနည်းငယ် ရအောင် လုပ်နိုင်တဲ့ သူတွေက ဆေးဖက်ဝင်အပင် ခန်းမ ထဲ ဝင်ပြီး မတူညီတဲ့ ဆေးလုံး အမျိုးအစား သုံးမျိုးအထိ ရွေးချယ်နိုင်တယ်..."</p> <p> </p> <p> </p> <p> </p> <p>"ချန်လော့ကို ပြင်းပြင်းထန်ထန် ဒဏ်ရာရအောင် လုပ်နိုင်တဲ့ သူတွေက ဆေးနှလုံးသားတောင်ကြား ထဲ ဝင်ပြီး သုံးရက်တိတိ ဆေးဖော်စပ်ခြင်း ရဲ့ အနှစ်သာရကို လေ့လာခွင့် ရမယ်..."</p> <p> </p> <p> </p> <p> </p> <p>"ချန်လော့ကို အနိုင်ယူနိုင်တဲ့သူ ဘယ်သူမဆို ဆေးဖော်စပ်ခြင်း နည်းစနစ်တွေနဲ့ ပတ်သက်ပြီး ငါ့ဆီကနေ ကိုယ်တိုင် ကိုယ်ကျ လမ်းညွှန်မှု ရမယ်..."</p> <p> </p> <p> </p> <p> </p> <p>ထိုသို့ ပြောပြီးနောက် သူ၏ လက်ထဲရှိ အမိန့်ပေး တံဆိပ်ပြားသည် တုန်ယင်သွားပြီး ဖုန်မှုန့်အဖြစ် ပြောင်းလဲသွား၏။</p> <p> </p> <p> </p> <p> </p> <p>ထို့နောက် ချက်ချင်းပင် ယုယန်ချီ၏ စကားများသည် ဆေးတောင်ထွတ် တစ်ခုလုံးတွင် ပဲ့တင်ထပ်သွားတော့သည်။</p> <p> </p> <p> </p> <p> </p> <p>ချန်လော့ကလည်း ထိုအချိန်တွင် ဆေးတောင်ထွတ် ၌ ရှိနေသဖြင့် ယုယန်ချီ ထုတ်ပြန်လိုက်သော အမိန့်ကို သဘာဝကျကျပင် ကြားလိုက်ရ၏။</p> <p> </p> <p> </p> <p> </p> <p>ချန်လော့ကို ဝိုင်းရံထားကြသော အတွင်းဂိုဏ်းသားများမှာ နေရာတွင် ရှိနေကြဆဲ ဖြစ်သည်။</p> <p> </p> <p> </p> <p> </p> <p>ထိုစကားကို ကြားလိုက်ရချိန်တွင် လူတိုင်းက ချန်လော့ကို လှည့်ကြည့်လိုက်ကြ၏။ သို့သော် သူတို့၏ မျက်လုံးထဲတွင် မူလက ရှိနေခဲ့သော လေးစားအားကျမှုများသည် လောဘများအဖြစ်သို့ ပြောင်းလဲသွားကြသည်။</p> <p> </p> <p> </p> <p> </p> <p>"အကြီးအကဲ အခုလေးတင် ပြောသွားတာကို မင်းတို့ အားလုံး ကြားတယ် မဟုတ်လား..."</p> <p> </p> <p> </p> <p> </p> <p>"ချန်လော့ကို ဒဏ်ရာ အနည်းငယ်လေး ရအောင် လုပ်နိုင်တာနဲ့ တတိယအဆင့် အောက်က ဆေးလုံး သုံးလုံးကို ရွေးလို့ ရတယ်တဲ့... အကယ်၍ ဈေးအကြီးဆုံးတွေကိုချည်း ရွေးမယ်ဆိုရင် အနည်းဆုံး ဝိညာဉ်ကျောက်တုံး တစ်ထောင်လောက် တန်တယ်..."</p> <p> </p> <p> </p> <p> </p> <p>"ချန်လော့ကို ပြင်းပြင်းထန်ထန် ဒဏ်ရာရအောင် လုပ်နိုင်ရင် ဆေးနှလုံးသားတောင်ကြား ထဲကို တိုက်ရိုက် ဝင်ခွင့်ရမယ်တဲ့... ဒါက တကယ်ကို တန်လွန်းတဲ့ ကိစ္စပဲ..."</p> <p> </p> <p> </p> <p> </p> <p>"သူ့ကို အနိုင်ယူနိုင်ရင် ယုယန်ချီ အကြီးအကဲ ဆီကနေ ကိုယ်တိုင် ကိုယ်ကျ လမ်းညွှန်မှု ရနိုင်တယ်... ဒါက တိုက်ရိုက်တပည့် တွေအတွက် သီးသန့် သတ်မှတ်ထားတဲ့ အခွင့်အရေးမျိုးပဲ..."</p> <p> </p> <p> </p> <p> </p> <p>"အစ်ကိုကြီး ချန် ကတော့ အခု ရွှေဝက်ကလေး ဖြစ်သွားပြီ... ဟားးဟားးးဟားး.."</p> <p> </p> <p> </p> <p> </p> <p>ထိုသို့ပြောရင်း ၊ လူတိုင်းက သူတို့၏ အာရုံစူးစိုက်မှုကို ချန်လော့ထံသို့ ပြောင်းလဲလိုက်ကြ၏။ သို့သော် သူတို့သည် ချန်လော့ကို ကြည့်လိုက်သောအခါတွင် ဇာတ်ဆောင်မင်းသားကြီးမှာ မိုင်အတော်အတန် အဝေးသို့ ပြေးသွားပြီ ဖြစ်ကြောင်း တွေ့လိုက်ရသည်။</p> <p> </p> <p> </p> <p> </p> <p>"သူ့ကို ဖမ်း... အလွတ် မပေးနဲ့..."</p> <p> </p> <p> </p> <p> </p> <p>"ချီးပဲ... ရွှေဝက်ကလေးကို အလွတ် မပေးနဲ့..."</p> <p> </p> <p> </p> <p> </p> <p>"ချန်လော့... ခုနက ငါပေးထားတဲ့ လက်ဆောင်ကို ပြန်ပေး..."</p> <p> </p> <p> </p> <p> </p> <p>လူတစ်စုက ချန်လော့၏ နောက်သို့ အမောတကော လိုက်နေကြပြီး သူတို့၏ မျက်လုံးများထဲတွင် လောဘများဖြင့် ပြည့်နှက်နေ၏။</p> <p> </p> <p> </p> <p> </p> <p>ချန်လော့ခမျာ သူ၏ စိတ်ထဲတွင် မေးခွန်းပေါင်းများစွာ ရှိနေပြီး ၊ သူ၏ပုံစံမှာ အလွန် သနားစရာ ကောင်းနေသည်။</p> <p> </p> <p> </p> <p>"ချီးပဲ... ဒီမနက် ငါ လာတုန်းက သူတို့အားလုံး ငါနဲ့ စကားတွေ ပြောပြီး ရယ်မောနေကြတာကို... ဘယ်လိုဖြစ်ပြီး ရုတ်တရက်ကြီး ပြောင်းလဲသွားရတာလဲ..."</p> <p> </p> <p> </p> <p> </p> <p>သို့သော် ချန်လော့တွင် အကြောင်းရင်းကို ရှာဖွေရန် အချိန်မရှိပေ။ သူသည် အမြန်ဆုံး ထွက်ခွာရုံသာ ရှိတော့၏။</p> <p> </p> <p> </p> <p> </p> <p>"ကံကောင်းလို့ ငါ လေပြေအရိပ် ရွေ့လျားမှုသိုင်းကွက် ကို ပြီးပြည့်စုံအဆင့် ထိ ကျင့်ကြံထားလို့ပေါ့..."</p> <p> </p> <p> </p> <p> </p> <p>"မဟုတ်ရင် ဒီနေ့ ငါ ဒီနေရာမှာ သေချာပေါက် သေပြီ..."</p> <p> </p> <p> </p> <p> </p> <p>သို့သော် သူ စကားပြောပြီးသည်နှင့် သူ၏ ရှေ့ရှိ လမ်းပေါ်တွင် ဆေးတောင်ထွတ် မှ အတွင်းဂိုဏ်းသား အချို့  ရုတ်တရက် ထွက်ပေါ်လာ၏။</p> <p> </p> <p> </p> <p> </p> <p>"ဟိုမှာ သူ ရှိတယ်... သူ့ကို ဖမ်း..."</p> <p> </p> <p> </p> <p> </p> <p>ထိုအရာကို မြင်သည်နှင့် ချန်လော့၏ မျက်နှာအမူအရာမှာ အကြီးအကျယ် ပြောင်းလဲသွားသည်။</p> <p> </p> <p> </p> <p> </p> <p>"ချီးပဲ... ငါ့ကံက တကယ်ပဲ ဒီလောက် ဆိုးနေတာလား..."</p> <p> </p> <p> </p> <p> </p> <p>သူ့ကို အရှေ့နှင့်အနောက် ကြားညပ်ပိတ်ဆို့ထားသော ဆေးတောင်ထွတ် မှ အတွင်းဂိုဏ်းသား များကို ကြည့်ရင်း ချန်လော့၏ အမူအရာမှာ အကြီးအကျယ် ပြောင်းလဲသွား၏။</p> <p> </p> <p> </p> <p> </p> <p>သူသည် အမှန်အားဖြင့် အလွန်ပင် သန်မာသော်လည်း ၊ သို့သော် သူ၏ ချီသန့်စင်ခြင်းအဆင့် နဝမအဆင့် အထွတ်အထိပ် စွမ်းအားကို အားကိုး၍ အခြေခံတည်ဆောက်ခြင်းအဆင့် သတ္တမအဆင့်ရှိ ကျင့်ကြံသူ တစ်ဦးကိုသာ အနိုင်ယူနိုင်သေးသည်။</p> <p> </p> <p> </p> <p> </p> <p>ပြဿနာမှာ သူ့ကို ဝိုင်းရံထားသူသည် အနည်းဆုံး နှစ်ဆယ်၊ သုံးဆယ်ခန့် ရှိနေခြင်းပင်။ ထို့အပြင် သူတို့ အားလုံးသည် အတွင်းဂိုဏ်းသား များ ဖြစ်ကြပြီး ၊ သူတို့၏ ကျင့်ကြံခြင်းအဆင့်များက အခြေခံအားဖြင့် အခြေခံတည်ဆောက်ခြင်းအဆင့် သို့ ရောက်ရှိနေကြပြီ ဖြစ်၏။</p> <p> </p> <p> </p> <p> </p> <p>ပြိုင်ဘက် နှစ်ယောက်၊ သုံးယောက်ကို ရင်ဆိုင်ရမည် ဆိုလျှင် သူ့အနေဖြင့် ကိုင်တွယ်နိုင်မည်ဟု ယုံကြည်မှု ရှိသည်။</p> <p> </p> <p> </p> <p> </p> <p>သို့သော် ငါးယောက်၊ ခြောက်ယောက််ဆိုပါက ၊ အပြန်အလှန် တိုက်ခိုက်ရန် ကြိုးစားရပေလိမ့်မည်။</p> <p> </p> <p> </p> <p> </p> <p>ဆယ်ယောက် ဆိုလျှင်တော့ သူ့အနေဖြင့် အရိုက်ခံရရုံသာ ရှိတော့မည်။</p> <p> </p> <p> </p> <p>သို့သော် ယခုတွင်မူ ၊ သူတို့သည် အယောက် နှစ်ဆယ်၊ သုံးဆယ်လောက် ရှိသည်။</p> <p> </p> <p>တိုက်ခိုက်နေလို့ ဘာထူးမှာလဲ။</p> <p> </p> <p> </p> <p> </p> <p>ချန်လော့ တစ်ယောက် မျှော်လင့်ချက် ကင်းမဲ့နေစဉ် မလှမ်းမကမ်း ကောင်းကင်ယံတွင် ရင်းနှီးနေသော ပုံရိပ်တစ်ခု ထွက်ပေါ်လာသည်ကို ရုတ်တရက် မြင်လိုက်ရ၏။</p> <p> </p> <p> </p> <p> </p> <p>"ဆရာ... ဆရာ... ကျွန်တော့်ကို ကယ်ပါဦး..."</p> <p> </p> <p> </p> <p> </p> <p>ချန်လော့သည်  အသံကုန် အော်ဟစ်လိုက်သည်။</p> <p> </p> <p> </p> <p> </p> <p>အော်သံကြောင့် ဆေးတောင်ထွတ် ရှိ အတွင်းဂိုဏ်းသား များအားလုံး လန့်သွားကြပြီး သူတို့၏ ခြေလှမ်းများကို ရပ်တန့်ကာ ကောင်းကင်ယံသို့ မော့ကြည့်လိုက်ကြ၏။ ထိုအခိုက်အတန့်တွင် လေထဲရှိ လှေငယ်ပေါ်တွင် ရပ်နေသော အနီရောင်ဝတ်စုံနှင့် မိန်းမလှလေးမှာ လောချင်းယွီ ဖြစ်နေသည်။</p> <p> </p> <p> </p> <p> </p> <p>လောချင်းယွီကလည်း ချန်လော့၏ အော်သံကို ကြားလိုက်ပုံရပြီး သူမ၏ လှေကို ရပ်တန့်ကာ အသံလားရာ ဘက်သို့ တစ်ချက် ကြည့်လိုက်၏။</p> <p> </p> <p> </p> <p> </p> <p>ချက်ချင်းဆိုသလို ၊ အတွင်းဂိုဏ်းသား များအားလုံး ကြက်သီးမွှေးညင်းများ ထသွားကြသည်။</p> <p> </p> <p> </p> <p> </p> <p>"ငါတို့တော့ သေပြီ... ငါတို့ အကြီးအကဲ လော ရဲ့ သတ်တာ ခံရတော့မှာလား..."</p> <p> </p> <p> </p> <p> </p> <p>"ဒါပေမဲ့ အကြီးအကဲယွိ က အကြီးအကဲ လော ဝင်စွက်ဖက်မှာ မဟုတ်ဘူးလို့ အခုလေးတင် ပြောသွားတယ် မဟုတ်ဘူးလား..."</p> <p> </p> <p> </p> <p> </p> <p>"အို... မဟုတ်ဘူး... မဟုတ်ဘူး... ငါတို့ သစ္စာဖောက်ခံလိုက်ရတာလား..."</p> <p> </p> <p> </p> <p> </p> <p>ဆေးတောင်ထွတ် မှ အတွင်းဂိုဏ်းသား များသည် လေထဲရှိ လောချင်းယွီကို ကြောက်ရွံ့နေသော မျက်လုံးများဖြင့် ကြည့်ရင်း ပြောဆိုနေကြ၏။</p> <p> </p> <p> </p> <p> </p> <p>သို့သော် လေထဲရှိ လောချင်းယွီသည် ထိုမြင်ကွင်းကို မြင်ပြီး ပြုံးလိုက်သည်။</p> <p> </p> <p> </p> <p> </p> <p>"ဖိအား နည်းနည်းပါးပါး ရှိမှသာ မင်း ကြီးထွားလာနိုင်မှာလေ..."</p> <p> </p> <p> </p> <p> </p> <p>"ချန်လော့... မင်း အရိုက်မခံချင်ဘူး ဆိုရင် အမြန်ဆုံး ပိုသန်မာလာအောင် လုပ်တာ ကောင်းမယ်..."</p> <p> </p> <p> </p> <p> </p> <p>ထိုသို့ ပြောပြီးနောက် သူမသည် ခြေအောက်ရှိ လှေငယ်ကို အရှိန်တင်၍ ပျံသန်းထွက်ခွာသွားတော့သည်။</p> <p> </p> <p> </p> <p> </p> <p>လူတိုင်း သူတို့ မြင်လိုက်ရသည့် မြင်ကွင်းကြောင့် မှင်တက်သွားကြ၏။ ထို့နောက် သူတို့သည် ချန်လော့ကို လှည့်ကြည့်လိုက်ကြသည်။</p> <p> </p> <p> </p> <p> </p> <p>ဤအခိုက်အတန့်တွင် ချန်လော့၏လက်ဖဝါးထဲ၌ အမှတ်အသား တစ်ခု ဖွဲ့စည်းထားပြီ ဖြစ်၏။</p> <p> </p> <p> </p> <p> </p> <p>"မြေလျှိုးကျင့်စဉ်..."</p> <p> </p> <p> </p> <p> </p> <p>တမုဟုတ်ချင်းပင် ချန်လော့သည် မြေကြီးထဲသို့ တိုးဝင်သွားပြီး  အသည်းအသန် ထွက်ပြေးလေတော့သည်။ ဤနေရာမှ အမြန်ဆုံး မထွက်ပြေးနိုင်ပါက ၊ ယနတွေ့င် သူ့အသက်ကို ဆုံးရှုံးရနိုင်သည်။</p> <p> </p> <p> </p> <p> </p> <p>သို့သော် ဆေးတောင်ထွတ် မှ အတွင်းဂိုဏ်းသား များသည် ဤကဲ့သို့သော ဆွဲဆောင်မှုရှိသည့် ဆုကြေးကို မည်သို့ အလွယ်တကူ လက်လွှတ်ခံနိုင်မည်နည်း။ သူတို့သည် ချန်လော့၏ နောက်သို့ ချက်ချင်း လိုက်လံ ဖမ်းဆီးကြတော့သည်။</p> <p> </p> <p> </p> <p> </p> <p>"အစ်မကြီး ကျောက်မန်... အစ်မကြီးရဲ့ ဆေးဖော်စပ်ခြင်း ကျွမ်းကျင်မှုက တကယ်ကို အံ့မခန်းပဲ... ကျွန်မတို့ကို ဘယ်တော့လောက် အကြံဉာဏ် နည်းနည်းပါးပါး သင်ပေးနိုင်မလဲ..."</p> <p> </p> <p> </p> <p> </p> <p>"ဟုတ်တယ်... ဟုတ်တယ်... ကျွန်မ  သွေးပိတ်ဆေးလုံး ကို ဖော်စပ်ဖို့ ကြိုးစားနေတာ ကြာပြီ... ဒါပေမဲ့ မအောင်မြင်သေးဘူး..."</p> <p> </p> <p> </p> <p> </p> <p>ကျောက်မန်မှာ သူမ၏ "အစ်မကြီး" ပုံစံကို ချက်ချင်း ဖန်တီးလိုက်၏။</p> <p> </p> <p> </p> <p> </p> <p>"ရပါတယ်... နောက်တစ်ခေါက် အခွင့်အရေး ရရင် ငါ နင်တို့ကို အကြံဉာဏ် နည်းနည်းပါးပါး ပေးပါ့မယ်..."</p> <p> </p> <p> </p> <p> </p> <p>မိန်းကလေး အတွင်းဂိုဏ်းသား အချို့က ကျောက်မန်ကို ဝိုင်းရံထားပြီး မျက်နှာပေါ်တွင် အပြုံးများဖြင့် စကားပြောနေကြသည်။</p> <p> </p> <p> </p> <p> </p> <p>သို့သော် နောက်တစ်စက္ကန့်တွင် ဆေးတောင်ထွတ် မှ အတွင်းဂိုဏ်းသား တစ်စုက "သတ်... သတ်... သတ်..." ဟု အော်ဟစ်ကာ သူတို့ကို ကျော်ဖြတ် ပြေးသွားကြ၏။</p> <p> </p> <p> </p> <p> </p> <p>ထိုအရာကို မြင်သည်နှင့် ကျောက်မန်တစ်ယောက် မျက်မှောင်ကြုတ်မိလေသည်။</p> <p> </p> <p> </p> <p> </p> <p>"နတ်ဆိုးဂိုဏ်း ရဲ့ အားနည်းချက်က အဲဒါပဲ... ဂိုဏ်းထဲမှာတောင် အမြဲတမ်း တိုက်ခိုက်သတ်ဖြတ်နေကြတာပဲ..."</p> <p> </p> <p> </p> <p> </p> <p>ထိုသို့ ပြောပြီးနောက် သူမသည် ကူကယ်ရာမဲ့စွာ သက်ပြင်းချလိုက်၏။</p> <p> </p> <p> </p> <p> </p> <p>"အစ်ကိုကြီးတို့ ဘာလုပ်နေကြတာလဲ..." ကျောက်မန်၏ ဘေးရှိ မိန်းကလေး အတွင်းဂိုဏ်းသား က စပ်စုလိုစိတ်ဖြင့် မမေးဘဲ မနေနိုင်တော့ချေ။</p> <p> </p> <p> </p> <p> </p> <p>ထိုအတွင်းဂိုဏ်းသား များထဲမှ တစ်ဦးက ရပ်တန့်သွားပြီး ကျောက်မန်နှင့် သူမ၏ အဖွဲ့ကို ကြည့်လိုက်သည်။</p> <p> </p> <p> </p> <p> </p> <p>"အစ်မကြီး ကျောက်မန် လား... အကြီးအကဲ ပြောသွားတာ မကြားလိုက်ဘူးလား..."</p> <p> </p> <p> </p> <p> </p> <p>"ငါတို့ အားလုံး ချန်လော့ကို လိုက်ဖမ်းနေကြတာ... သူ့ကို ဒဏ်ရာရအောင် လုပ်နိုင်ရင် ဒါမှမဟုတ် အနိုင်ယူနိုင်ရင် အကြီးအကဲ ဆီကနေ အကျိုးခံစားခွင့်တွေ ရနိုင်တယ်လေ..."</p> <p> </p> <p> </p> <p> </p> <p>ထိုစကားကို ကြားလိုက်ရချိန်တွင် မိန်းကလေး အတွင်းဂိုဏ်းသား များမှာ အစပိုင်းတွင် အံ့အားသင့်သွားကြသော်လည်း သူမတို့၏ မျက်လုံးများသည် စီးပွားရေး အခွင့်အလမ်း တစ်ခုကို တွေ့လိုက်ရသကဲ့သို့ လင်းလက်သွားကြ၏။</p> <p> </p> <p> </p> <p> </p> <p>ကျောက်မန်ကို ပြန်ကြည့်လိုက်သောအခါ သူမသည် သူမ၏ ဓားရှည်ကို ထုတ်ယူထားပြီး ဖြစ်ကြောင်း တွေ့လိုက်ရသည်။</p> <p> </p> <p> </p> <p> </p> <p>"ချန်လော့... သူ ဘယ်မှာလဲ..."</p> <p> </p> <p> </p> <p> </p> <p>ကျောက်မန်၏ အမူအရာကို မြင်သောအခါ ထိုအတွင်းဂိုဏ်းသား မှာ သိသာထင်ရှားစွာ အံ့အားသင့်သွားသော်လည်း ၊ သူသည် နေရာတစ်ခုကို အလျင်အမြန် ညွှန်ပြလိုက်၏။</p> <p> </p> <p> </p> <p> </p> <p>ထိုအရာကို မြင်သည်နှင့် ကျောက်မန်သည် မိန်းကလေး အတွင်းဂိုဏ်းသား များနှင့် စကားအပို မပြောတော့ဘဲ လူအုပ်ကြီး နောက်သို့ လိုက်ကာ ချန်လော့ကို လိုက်လံ ဖမ်းဆီးသည့် အဖွဲ့ထဲသို့ ဝင်ရောက်သွားတော့သည်။</p> <p> </p> <p> </p> <p> </p> <p>အခြား မိန်းကလေး အတွင်းဂိုဏ်းသား များမှာ ခဏတာ မှင်တက်သွားကြသော်လည်း အလျင်အမြန် သတိဝင်လာကြပြီး သူမတို့၏ လက်နက်များကို ထုတ်ယူကာ နောက်မှ လိုက်ကြတော့၏။</p> <p> </p> <p> </p> <p> </p> <p>"သွားကြစို့... ချန်လော့ကို မှီအောင် လိုက်ကြ..."</p> <p> </p> <p style="text-align:center">***</p> <p> </p>


Save