Book List

<h2 style="text-align: center;">အခန်း ၂၇</h2> <h2 style="text-align: center;">တာအိုမေးမြန်းခြင်း ဝိုင်ဝိညာဉ်</h2> <h2 style="text-align: center;">အခြေတည်အဆင့် ဝိုင်ချက်နည်း</h2> <h2 style="text-align: center;">*</h2> <p> </p> <p>“ဝှီ”..</p> <p> </p> <p>ခရမ်းရွှေရောင် ဘူးသီးခြောက် တုန်ခါသွားသည်နှင့်အမျှ ဝိုင်တာအို၏ ထူးခြားသော တာအိုစည်းချက်တစ်ခုမှာ အရပ်မျက်နှာအနှံ့ ပျံ့နှံ့သွားပြီး ချီတောင်တစ်ခုလုံးကို လွှမ်းခြုံသွားခဲ့သည်။ လင်းရီ၏ နှလုံးသားသည်လည်း သူ၏ ကိုယ်ပိုင်အနှစ်သာရကို နားလည်သွားခဲ့ပြီ ဖြစ်သည်။ ဝိုင်တာအိုဆိုသည်မှာ လူတစ်ယောက်တည်း၏ အထီးကျန်မှု မဟုတ်ဘဲ သတ္တဝါအားလုံး၏ စိတ်နှလုံးနှင့် ခံစားချက်များသာ ဖြစ်ပေသည်။</p> <p> </p> <p>“နှလုံးသားကို လမ်းညွှန်အဖြစ် သုံးမယ် ခံစားချက်ကို စိတ်ဝိညာဉ်အဖြစ် သုံးပြီး ဝိုင်နဲ့ တာအိုထဲကို ဝင်မယ် ဟုတ်လား...”</p> <p> </p> <p>“အားလုံးပဲ ဒီနေ့ ငါတို့ တောင်သခင်လင်းဆီကနေ ကြီးမားတဲ့ ကျေးဇူးကို ရထားကြတာနော်။ တကယ်လို့ ငါတို့က တောင်သခင်လင်းရဲ့ အခြေတည်အဆင့်အတွက် ကူညီမပေးနိုင်ဘူးဆိုရင်တော့ ငါတို့အားလုံး တို့ဟူးတစ်တုံးရှာပြီး ခေါင်းနဲ့ဆောင့်ပြီး သေလိုက်ကြတာပဲ ပိုကောင်းမယ်...”</p> <p> </p> <p>ကဲ့ချင်က ရှေ့သို့ လှမ်းတက်လာပြီး အားရပါးရ ရယ်မောလိုက်သည်။</p> <p> </p> <p>“မှန်တာပေါ့...”</p> <p> </p> <p>“ငါတို့ကတော့ အစွမ်းကုန်ကူညီမှာပါ...”</p> <p> </p> <p>“ဒါပေမဲ့ ဘယ်လိုကူညီရမှာလဲ...”</p> <p> </p> <p>တပည့်များအားလုံးက ပြောဆိုလိုက်ကြသည်။ လင်းရီသည် ဟင်းလင်းပြင်စိတ်ဝိညာဉ် စွမ်းအားဖြင့် ဘိုးဘေးသခင်များကို လောကထဲသို့ ပြန်လည် ပေါ်ထွက်စေကာ တာအိုအကြောင်း ဆွေးနွေးစေခဲ့သဖြင့် ရောက်ရှိနေသော ကျင့်ကြံသူတိုင်းမှာ လင်းရီကို ကြီးမားသော ကျေးဇူးတင်ရှိနေကြပေသည်။ သို့သော် ထိုတပည့်များမှာ ကျင့်ကြံခြင်း နိမ့်ကျကြသဖြင့် လင်းရီ၏ အခြေတည်အဆင့်အတွက် မည်သို့ ကူညီရမည်ကို သဘာဝကျကျပင် မသိရှိကြချေ။</p> <p> </p> <p>“နှလုံးသားကို လမ်းညွှန်အဖြစ် သုံးဖို့ဆိုတာ စိတ်အခြေအနေနဲ့ ဆန္ဒရှိဖို့ လိုအပ်တယ်...”</p> <p> </p> <p>“ကျင့်ကြံသူတွေအတွက် အသန်မာဆုံး နှလုံးသားကတော့ တာအိုမေးမြန်းခြင်း နှလုံးသားပဲလေ...”</p> <p> </p> <p>“ငါ့မှာ တာအိုမေးမြန်းခြင်း နှလုံးသားရှိတယ် အဲဒါကို ဝိုင်ရဲ့ လမ်းညွှန်အဖြစ် အသုံးပြုလို့ ရတယ်...”</p> <p> </p> <p>“ဝုန်း…”</p> <p> </p> <p>ကျိုးယွင်က ရှေ့သို့ လှမ်းတက်လာသည်။ သူ၏ ခေါင်းအထက်တွင် ကွန်ဖြူးရှပ်ပညာခြောက်ရပ် ကြယ်ဝင်္ကပါ ရှိနေပြီး သူ၏ ခြေရင်းအောက်တွင် ခရမ်းရောင်ချီများ ရှိနေ၏။ သူ စကားပြောလိုက်သည်နှင့် သူ၏ အတွင်းမှ တာအိုမေးမြန်းခြင်း ဆန္ဒတစ်ခုမှာ ပန်းထွက်လာခဲ့သည်။</p> <p> </p> <p>တာအိုမေးမြန်းခြင်း နှလုံးသား...</p> <p> </p> <p>ဤသည်မှာ ကျင့်ကြံခြင်းလမ်းစဉ်ပေါ်သို့ လျှောက်လှမ်းကြသော သက်ရှိတိုင်း၏ မူလရည်ရွယ်ချက် ဖြစ်ပေသည်။ အင်မော်တယ်ဖြစ်ရန် ကျင့်ကြံကြရသည့် အကြောင်းရင်းပေါင်း တစ်သောင်းရှိနိုင်သော်လည်း နောက်ဆုံးတွင်မူ တာအိုကို မေးမြန်းရန်နှင့် အင်မော်တယ်အဖြစ် တက်လှမ်းရန်အတွက်သာ ဖြစ်ပေသည်။ ဤသည်မှာ ကျင့်ကြံသူတစ်ဦး၏ အခိုင်မာဆုံးသော ဆန္ဒဖြစ်ပြီး နှင်းထဲမှ မက်မွန်ပွင့်လေး သို့မဟုတ် တောင်ထိပ်ပေါ်က ဝါးပင်လေးကဲ့သို့ မယိုင်မလဲ တည်ရှိနေခြင်း ဖြစ်သည်။</p> <p> </p> <p>“ငါတို့အားလုံးမှာလည်း တာအိုမေးမြန်းခြင်း နှလုံးသားရှိတယ် အဲဒါကို ဝိုင်ရဲ့ လမ်းညွှန်အဖြစ် အသုံးပြုလို့ ရပါတယ်...”</p> <p> </p> <p>“ဝုန်း…”</p> <p> </p> <p>ဤအခိုက်အတန့်တွင် လူတိုင်း၏ နှလုံးသားများ တုန်လှုပ်သွားကြပြီး မနေနိုင်ဘဲ ဟစ်အော်လိုက်ကြတော့သည်။ မိုးကြိုးသံကဲ့သို့သော အသံမှာ ကောင်းကင်ဘုံအထိ ပျံ့နှံ့သွားခဲ့ပြီး ကောင်းကင်နှင့် မြေကြီး၏ စွမ်းအား ဒီရေလှိုင်းများကို လှုံ့ဆော်ပေးကာ လင်းရီဆီသို့ စုဆုံလာစေခဲ့သည်။</p> <p> </p> <p>ဆန္ဒချည်မျှင်များသည် အသံနှင့်အတူ လင်းရီ၏ အရှေ့တွင် စုစည်းလာခဲ့သည်။ ၎င်းတို့သည် စမ်းချောင်းလေးများကဲ့သို့ စီးဆင်းလာပြီး သမုဒ္ဒရာကြီးတစ်ခုအဖြစ် စုစည်းကာ လင်းရီ၏ အသိစိတ်ပင်လယ်ထဲရှိ ခရမ်းရွှေရောင် ဘူးသီးခြောက်အတွင်းသို့ ပျံဝင်သွားပြီး တာအိုမေးမြန်းခြင်း ရေ အဖြစ် ပြောင်းလဲသွားခဲ့သည်။</p> <p> </p> <p>“ခံစားချက်ကို စိတ်ဝိညာဉ်အဖြစ် သုံးမယ်...”</p> <p> </p> <p>“လူသားတွေမှာ စိတ်လှုပ်ရှားမှုခုနစ်မျိုးနဲ့ ဆန္ဒခြောက်မျိုး ရှိကြတယ်လေ ငါကက ကွန်ဖြူးရှပ်တာအိုကို ကျင့်ကြံပေမဲ့ ငါ့ရဲ့ နှလုံးသားထဲမှာတော့ အပြစ်ရှိသလို ခံစားချက် သုံးပုံတစ်ပုံရှိနေတုန်းပဲ။ အဲဒါကို စိတ်ဝိညာဉ်အတွက် အသုံးပြုလို့ ရတယ်...”</p> <p> </p> <p>ကျိုးယွင်က ထပ်မံပြောဆိုလိုက်ရာ သူ၏ နှလုံးသားထဲတွင် အချိန်အကြာကြီး ပိတ်လှောင်ထားသော အမှတ်တရများမှာ ယခုအခါ ပြန်လည်နိုးထလာပုံရပေသည်။ ထိုအမှတ်တရများ ပေါ်လာသည်နှင့်တစ်ပြိုင်နက် ၎င်းတို့မှာ ဝေဝါးနေသော ပုံရိပ်တစ်ခုအဖြစ် ပြောင်းလဲသွားခဲ့သည်။ ၎င်းမှာ လူတစ်ဝက် ငါးတစ်ဝက်ဖြစ်သော ရေသူတစ်ဦး၏ ပုံရိပ်ဖြစ်ပြီး အလွန်အမင်း စွဲလမ်းနေသော အမူအရာ ရှိနေခဲ့သည်။</p> <p> </p> <p>“ဝှီ”</p> <p> </p> <p>ထိုပုံရိပ် ပေါ်လာသည်နှင့်အမျှ ကျိုးယွင်၏ ခန္ဓာကိုယ်အတွင်းမှ အပြစ်ရှိသလို ခံစားချက်တစ်ခု ပျံထွက်လာပြီး လင်းရီ၏ အသိစိတ်ပင်လယ်ထဲရှိ ခရမ်းရွှေရောင် ဘူးသီးခြောက်အတွင်းသို့ ကျရောက်သွားခဲ့သည်။</p> <p> </p> <p>ဒင်-ဒေါင်…</p> <p> </p> <p>ခရမ်းရွှေရောင် ဘူးသီးခြောက်အတွင်းရှိ တာအိုရေများမှာ လှိုင်းထသွားခဲ့ပြီး ခါးသီးသော အရသာတစ်ခုက ပတ်ဝန်းကျင်သို့ ပျံ့နှံ့သွားခဲ့သည်။</p> <p> </p> <p>“ငါ့မှာလည်း လွမ်းဆွတ်တမ်းတမှု သုံးပုံတစ်ပုံရှိပါတယ် အဲဒါကို စိတ်ဝိညာဉ်အတွက် သုံးလို့ ရပါတယ်...”</p> <p> </p> <p>“ငါ့မှာတော့ နောင်တတွေရှိပါတယ် အဲဒါကို စိတ်ဝိညာဉ်အတွက်သုံးပါ...”</p> <p> </p> <p>“ငါ့မှာကတော့...”</p> <p> </p> <p>ကျိုးယွင်က စကားပြောပြီးနောက် လူတိုင်းမှာ နားလည်သွားကြပြီး တစ်ဦးပြီးတစ်ဦး ပြောဆိုလိုက်ကြသည်။ လူတိုင်း၏ ခန္ဓာကိုယ်အတွင်းမှ ခံစားချက် ချည်မျှင်လေးများ ပျံထွက်လာသည်ကို မြင်တွေ့နိုင်ပေသည်။ ဤအရာများမှာ သူတို့၏ နှလုံးသား နက်နဲသော နေရာတွင် ပိတ်လှောင်ထားသော ခံစားချက်များ ဖြစ်ကြ၏။ ယခုအချိန်တွင် လူတိုင်းမှာ လင်းရီ၏ အခြေတည်အဆင့်အတွက် သူတို့၏ နှလုံးသားထဲတွင် မြှုပ်နှံထားသော အနက်ရှိုင်းဆုံး၊ အလျှို့ဝှက်ဆုံးနှင့် အသန့်စင်ဆုံး ခံစားချက်များကို အသုံးပြု၍ ကူညီပေးနေကြခြင်း ဖြစ်ပေသည်။</p> <p> </p> <p>ဒင်-ဒေါင်... ဒင်-ဒေါင်...</p> <p> </p> <p>ခံစားချက် စွမ်းအား ချည်မျှင်လေးများမှာ ခရမ်းရွှေရောင် ဘူးသီးခြောက်အတွင်းသို့ တစ်စက်ချင်း ကျဆင်းသွားခဲ့သည်။ ရေလှိုင်းလေးများ ပြန့်ကျဲသွားရာ ခရမ်းရွှေရောင် ဘူးသီးခြောက်မှာ ကောင်းချီးမင်္ဂလာအလင်းတန်း အလွှာများကို ထုတ်လွှတ်လာခဲ့ပြီး တစ်ချိန်တည်းမှာပင် အလွန်တရာ ကြွယ်ဝသော ဝိုင်ရနံ့တစ်ခုမှာ လေထုထဲတွင် ပျံ့နှံ့သွားခဲ့ရာ ၎င်းမှာ လူတစ်ဦး၏ နှလုံးသားထဲတွင် အရသာပေါင်းတစ်ရာ ခံစားရသကဲ့သို့ ဖြစ်နေခဲ့သည်။</p> <p> </p> <p>“တတိယ အဆင့်...”</p> <p> </p> <p>“ဝိုင်ထဲကို တာအိုနဲ့ ဝင်မယ်...”</p> <p> </p> <p>“ငါ့မှာ ကွန်ဖြူးရှပ်တာအိုရဲ့ စစ်မှန်တဲ့ အဓိပ္ပာယ်တစ်မျှင်ရှိတယ် အဲဒါကို ဝိုင်ထဲ ထည့်လို့ ရတယ်...”</p> <p> </p> <p>ကျိုးယွင်က ထပ်မံပြောဆိုလိုက်ပြီး သူ၏ ခေါင်းအထက်ရှိ ကွန်ဖြူးရှပ်ပညာခြောက်ရပ် ကြယ်ဝင်္ကပါမှာ မြည်ဟည်းသွားကာ အသန့်စင်ဆုံးနှင့် အစစ်မှန်ဆုံးသော ကွန်ဖြူးရှပ်တာအို အဓိပ္ပာယ်တစ်မျှင်ကို စုစည်းပေးလိုက်ပြီး လင်းရီဆီသို့ ကျဆင်းသွားစေခဲ့သည်။</p> <p> </p> <p>“ငါ့မှာ သတ်ဖြတ်ခြင်းတာအို တစ်မျှင်ရှိတယ် အဲဒါကို ဝိုင်ထဲထည့်ပါ...”</p> <p> </p> <p>“ငါ့မှာ ချီတာအိုရဲ့ စစ်မှန်တဲ့ အဓိပ္ပာယ် တစ်မျှင်ရှိတယ်...”</p> <p> </p> <p>“ငါ့မှာ ဆေးတာအိုရဲ့ စစ်မှန်တဲ့ အဓိပ္ပာယ် တစ်မျှင်ရှိတယ်...”</p> <p> </p> <p>တောင်တစ်ရာမှ ကျင့်ကြံသူများကလည်း ထပ်မံ ပြောဆိုလိုက်ကြရာ သူတို့တစ်ဦးစီ၏ ခန္ဓာကိုယ်မှ ကြီးမြတ်သော တာအို၏ အသန့်စင်ဆုံးသော အဓိပ္ပာယ် တစ်မျှင်စီမှာ ပျံထွက်လာပြီး လင်းရီပေါ်သို့ ကျရောက်ကာ ခရမ်းရွှေရောင် ဘူးသီးခြောက်အတွင်းသို့ တစ်စက်ချင်း ဝင်ရောက်သွားခဲ့သည်။</p> <p> </p> <p>“ဝုန်း…”</p> <p> </p> <p>ခရမ်းရွှေရောင် ဘူးသီးခြောက်မှာ ပြင်းထန်စွာ မြည်ဟည်းသွားပြီး ၎င်းအတွင်းမှ လေနှင့် မိုးကြိုးသံများ ထွက်ပေါ်လာကာ မင်္ဂလာတိမ်တိုက်များမှာလည်း အပြင်သို့ ပန်းထွက်လာခဲ့၏။ ထို့နောက် အလွန်တရာ ကြွယ်ဝသော ဝိုင်ရနံ့တစ်ခုမှာ ဘူးသီးခြောက်အတွင်းမှ ထွက်ပေါ်လာပြီး ချက်ချင်းပင် ဝိုင်တစ်အိုး ဖြစ်ပေါ်လာတော့သည်။</p> <p> </p> <p>“တာအိုမေးမြန်းခြင်း နှလုံးသား သတ္တဝါအားလုံးရဲ့ ခံစားချက်တွေ တာအို တစ်ရာရဲ့ အနှစ်သာရတွေ အဲဒါတွေအားလုံးက နောက်ဆုံးမှာ ဝိုင်တစ်အိုး ဖြစ်လာခဲ့ပြီ...”</p> <p> </p> <p>“ဒီဝိုင်က အခြေတည်အဆင့်ဝိုင်ပဲ အဲဒါထက် ပိုပြောရရင် ဒါက တာအိုမေးမြန်းခြင်းဝိုင်ပဲလေ...”</p> <p> </p> <p>“ဝုန်း... “</p> <p> </p> <p>ဝိုင်ဖြစ်ပေါ်လာသောအခါ ခေါင်းလောင်းကြီးတစ်ခုကဲ့သို့ တာအိုအသံမှာ ထပ်မံ ပဲ့တင်ထပ်သွားခဲ့သည်။ တစ်ချိန်တည်းမှာပင် လင်းရီ၏ အသိစိတ်ပင်လယ်ထဲ၌ စာလုံးတန်းများ ပေါ်လာခဲ့၏။ စာလုံးတစ်လုံးစီတိုင်းမှာ တာအို၏ မူလအစဆီသို့ တိုက်ရိုက် ရောက်ရှိသွားပုံရပေသည်။</p> <p> </p> <p>“ဝိုင်ကိုယူခဲ့ ခွက်ကို မရပ်လိုက်နဲ့ဦး...”</p> <p> </p> <p>“တာအိုမေးမြန်းခြင်း...”</p> <p> </p> <p>တာအိုအသံမှာ ထပ်မံ ပဲ့တင်ထပ်သွားခဲ့ပြီး ရွှေရောင်စာလုံးတန်းများမှာ လင်းရီ၏ ခန္ဓာကိုယ်အတွင်းသို့ ကျဆင်းလာခဲ့၏။ ၎င်းတို့သည် နက်နဲပြီး လျှို့ဝှက်ဆန်းကြယ်သော အဓိပ္ပာယ်များအဖြစ် ပြောင်းလဲကာ လင်းရီ၏ မှတ်ဉာဏ်များအတွင်းသို့ ပေါင်းစပ်သွားခဲ့ကြသည်။</p> <p> </p> <p>【တာအိုမေးမြန်းခြင်း】 【ငါ့မှာ ဝိုင်တစ်အိုးရှိတယ် အဲဒါနဲ့ လောကမှာရှိတဲ့ တာအိုအားလုံးကို မေးမြန်းနိုင်တယ်】 【နောက်ထပ် အာနိသင် - ဝိုင်သောက်ခြင်းက စိတ်ကို ကြည်လင်စေတယ်】 【ဝိုင်ချက်နည်း - ဝိုင်တာအို၏ အခြေတည်အဆင့် ဝိုင်】 【အဆင့် - အနီရောင်】</p> <p> </p> <p>ဂရုတစိုက် နားလည်အောင် ကြိုးစားပြီးနောက် လင်းရီ၏ မျက်လုံးများမှာ တောက်ပသွားခဲ့၏။ တာအိုမေးမြန်းခြင်း ဝိုင်ဝိညာဉ်သည် မည်သည့်ဝိုင်ကိုမဆို တာအိုမေးမြန်းခြင်း စွမ်းအားများ ထည့်သွင်းပေးနိုင်ပေသည်။ ၎င်းကို သောက်ပြီးနောက် လောကရှိ တာအိုအားလုံးကို မေးမြန်းနိုင်ပေလိမ့်မည်။ ၎င်းကို ကျင့်ကြံခြင်း ပိတ်ဆို့မှုများကို ချိုးဖျက်ရန် အသုံးပြုနိုင်ပေသည်။ ဤအချက်တစ်ခုတည်းကပင် လောကကြီးကို တုန်လှုပ်စေရန် လုံလောက်ပေ၏။</p> <p> </p> <p>အခြေတည်အဆင့် ဝိုင်အတွက်မူ ၎င်းမှာ ဝိုင်ချက်နည်းတစ်ခုဖြစ်သလို ဝိုင်တာအိုရှိ အခြေတည်အဆင့်အတွက် နည်းလမ်းလည်း ဖြစ်ပေသည်။ ဤဝိုင်ချက်နည်းဖြင့် လင်းရီသည် ချီသန့်စင်ခြင်းမှ အခြေတည်အဆင့်အထိ ဝိုင်တာအို ကျင့်ကြံခြင်းနည်းလမ်းကို အောင်မြင်စွာ လမ်းဖောက်နိုင်ခဲ့ပြီ ဖြစ်သည်။</p> <p> </p> <p>“အခြေတည်အဆင့် ဝိုင်ရှိနေပြီဆိုတော့ ဝိုင်တောင်က တပည့်တွေလည်း အခြေတည်အဆင့်ကို တက်လှမ်းနိုင်ကြပြီပေါ့...”</p> <p> </p> <p>“ငါ့အတွက်ကတော့ တာအိုမေးမြန်းခြင်းဝိုင်တစ်အိုးနဲ့ဆိုရင် အခြေတည်အဆင့် နယ်ပယ်ထဲကို တိုက်ရိုက်ဝင်ရောက်နိုင်ပြီလေ...”</p> <p> </p> <p>လင်းရီသည် သူ၏ စိတ်ကို စုစည်းကာ တာအိုမေးမြန်းခြင်း ဝိုင်ကို ထုတ်ယူလိုက်သည်။ မျက်တောင်တစ်ခတ်အတွင်း ဝိုင်ရနံ့များမှာ လျှံထွက်သွားခဲ့ပြီး ကြီးမြတ်သော တာအိုအသံမှာလည်း ပဲ့တင်ထပ်သွားခဲ့၏။ ရနံ့လေးကို ရှူရှိုက်လိုက်ရုံနှင့်ပင် လူများကို မူးယစ်သွားစေရန် လုံလောက်ပေသည်။</p> <p> </p> <p>“ဂလု...”</p> <p> </p> <p>လင်းရီသည် ဟွာချီစင်မြင့်ပေါ်တွင် တစ်ကိုယ်တည်း ရပ်နေရင်း တာအိုမေးမြန်းခြင်း ဝိုင်ကို တစ်ငုံ သောက်လိုက်သည်။</p> <p> </p> <p>“ဝုန်း... “</p> <p> </p> <p>တစ်ငုံသောက်လိုက်သည်နှင့် လင်းရီအတွင်းရှိ ဝိုင်တာအို စွမ်းအားမှာ ချက်ချင်းပင် ဆူပွက်လာခဲ့၏။ နှစ်ငုံသောက်ပြီးသောအခါ လင်းရီ၏ ခေါင်းအထက်တွင် ဝိုင်တာအို စင်မြင့်တစ်ခု ပေါ်လာခဲ့သည်။ သုံးငုံသောက်ပြီးချိန်တွင် လင်းရီ၏ ခန္ဓာကိုယ်အတွင်း၌ ဝိုင်တာအို စင်မြင့်မှ တာအိုအလင်းတန်း အလွှာများမှာ ရေတံခွန်အလား ကျဆင်းလာခဲ့၏။</p> <p> </p> <p>ဝိုင်တစ်အိုးလုံးကို သောက်ပြီးသောအခါ လင်းရီ၏ ခန္ဓာကိုယ်အတွင်းရှိ ဝိုင်တာအိုမှာ သူ၏ ချီပင်လယ်အတွင်း၌ စုစည်းသွားခဲ့ပြီး ဝိုင်တာအို ရတနာဘူး တစ်ခုအဖြစ် ပြောင်းလဲသွားခဲ့သည်။ ဝိုင်တာအို စွမ်းအားများ အားလုံးမှာ ထိုဘူးအတွင်းသို့ စုဆုံသွားကြပြီး ထူးကဲသော ရောင်ဝါတစ်ခုမှာလည်း ပန်းထွက်လာခဲ့၏။</p> <p> </p> <p>“ဝိုင်တာအိုရဲ့ အခြေတည်အဆင့်အခန်းကို ဖန်တီးနိုင်ခဲ့ပြီး အခြေတည်အဆင့် ကျင့်ကြံသူတစ်ဦး ဖြစ်လာတဲ့အတွက် တောင်သခင်လင်းကို ဂုဏ်ပြုပါတယ်...”</p> <p> </p> <p>“အခြေတည်အဆင့် အမွေအနှစ်ကို ရရှိသွားတဲ့အတွက် ဝိုင်တောင်ကို ဂုဏ်ပြုပါတယ်...”</p> <p> </p> <p>လင်းရီ အခြေတည်အဆင့်သို့ အောင်မြင်စွာ တက်လှမ်းသွားသည်နှင့်အမျှ ချီတောင်တစ်ခုလုံးတွင် အသံများ ပဲ့တင်ထပ်သွားခဲ့သည်။ လင်းရီသည် သူ၏ ရောင်ဝါကို ပြန်ထိန်းလိုက်ပြီး အရပ်မျက်နှာအားလုံးသို့ ဦးညွှတ်ကာ ပြောလိုက်၏။</p> <p> </p> <p>“အားလုံးကို ကျေးဇူးတင်ရမှာက ကျွန်တော်ပါ...”</p> <p> </p> <p style="text-align: center;">***</p> <p> </p>


Save