Book List

<h2 style="text-align: center;">အခန်း ၃၃၃</h2> <h2 style="text-align: center;">ခရစ္စတယ်တွေကို ပေးစမ်း</h2> <h2 style="text-align: center;">*</h2> <p style="text-align:justify"> </p> <p style="text-align:justify">"အဆင့်တက်ဖို့ နေရာတစ်ခု အမြန် ရှာရမယ်"</p> <p style="text-align:justify"> </p> <p style="text-align:justify">ရှုကျင်းမင်က သူ၏ ရင်ထဲမှ ပြင်းပြသော ဆန္ဒကို ဖိနှိပ်ထားရင်း ဟင်းလင်းပြင်လက်စွပ်ထဲမှ သတ္တုစပ် ဓားမြှောင် တစ်လက်ကို ထုတ်ယူကာ တောနက် လေဝံပုလွေထံမှ ပစ္စည်းများကို စတင်စုဆောင်းလိုက်သည်။ တောနက် လေဝံပုလွေ၏ အဖိုးတန်ဆုံး အစိတ်အပိုင်းက ၎င်း၏ သားရေဖြစ်သည်။ ပဉ္စမအဆင့် လေဝံပုလွေ သားရေတစ်ချပ်က အပြင်လောကတွင် အနည်းဆုံး သန်း ၂၀ ခန့် တန်ကြေးရှိသည်။</p> <p style="text-align:justify"> </p> <p style="text-align:justify">သူက Sအဆင့် သတ္တုစပ် ဖြင့် ပြုလုပ်ထားသော ဓားမြှောင် တစ်လက်ကို အထူးတလည် ဝယ်ယူထားသော်လည်း သားရေဆုတ်ရန်အတွက် အနည်းဆုံး နှစ်နာရီ၊ သုံးနာရီခန့် အချိန်ယူရဦးမည် ဖြစ်သည်။ ထိုအချိန်အတွင်း သူက ပဉ္စမအဆင့် သားရဲ အကောင်ရေ အတော်များများကို သတ်ဖြတ်နိုင်ပြီး စွမ်းရည်အမှတ် အမြောက်အမြားကို ထပ်မံ ရယူနိုင်ပေသည်။</p> <p style="text-align:justify"> </p> <p style="text-align:justify">ရှုကျင်းမင်ကတော့ စွမ်းရည်အမှတ် များ၏ အရေးပါမှုနှင့် မဟာနွေရာသီသုံး ငွေကြေး တို့၏ ကွာခြားချက်ကို ရှင်းလင်းစွာ သိမြင်ထားသူ ဖြစ်သည်။ ထို့ကြောင့် သူက တန်ဖိုးနည်းပါးသော ဝံပုလွေ လက်သည်းများနှင့် အစွယ်များကို စုဆောင်းရန် မိနစ်အနည်းငယ်သာ အချိန်ယူခဲ့ပြီးနောက် အလျင်အမြန် ထွက်ခွာသွားခဲ့သည်။</p> <p style="text-align:justify"> </p> <p style="text-align:justify">အမှန်တကယ်တော့ ဤကာလအတွင်း သားရဲများကို သတ်ဖြတ်ရာတွင် သူက ဤနည်းဗျူဟာကိုသာ အသုံးပြုခဲ့သည်။ အကယ်၍ သားရဲများထံမှ ပစ္စည်းများ စုဆောင်းရန် အချိန် မိနစ် ၃၀ ထက် ပိုကြာမည်ဆိုပါက ချက်ချင်း လက်လျှော့လိုက်ခြင်းပင်။</p> <p style="text-align:justify"> </p> <p style="text-align:justify">"သူတို့က ထွက်သွားကြပြီလား... အဲဒါက သန်းချီတန်တဲ့ ပဉ္စမအဆင့် လေဝံပုလွေ သားရေကြီးလေကွာ"</p> <p style="text-align:justify"> </p> <p style="text-align:justify">အဝေးမှနေ၍ ချန်ကျင်းက ဤမြင်ကွင်းကို ကြည့်ကာ အံ့အားသင့်နေခဲ့သည်။ သူက ထိုသားရေကို လိုချင်သော်လည်း ယခုအခါ သွေးနံ့များက ပျံ့နှံ့နေပြီဖြစ်ရာ အခြားသော သားရဲများကို အချိန်မရွေး ဆွဲဆောင်နိုင်ပေသည်။ အဆိုးဆုံး ကြောက်ရွံ့မှုကတော့ သားရေဆုတ်နိုင်လောက်တဲ့အထိ အသက်ရှင်နေပေမဲ့ အဲဒီသားရေကို ယူသွားနိုင်တဲ့အထိ အသက်မရှင်နိုင်တော့မှာကိုပင်။</p> <p style="text-align:justify"> </p> <p style="text-align:justify">"ငါတို့ အသက်ရှင်နေတာကိုပဲ ကံကောင်းတယ် မှတ်ရမယ် ဘာလို့များ သားရဲတစ်ကောင်ရဲ့ သားရေကို လိုချင်နေရတာလဲ"</p> <p style="text-align:justify"> </p> <p style="text-align:justify">ချန်ကျင်းက ခေါင်းယမ်းကာ သက်ပြင်းချလိုက်ပြီး သစ်တော၏ အဝင်ဝဆီသို့ လျှောက်သွားလိုက်သည်။ သူက သဘောပေါက်သွားပြီ ဖြစ်သည်။ ဤအပျက်အစီး လျှို့ဝှက်နယ်မြေက သူ၏ စွမ်းအားမျိုးရှိသော စွမ်းရည်ပိုင်ရှင် တစ်ယောက် ဝင်ရောက်ရန် မသင့်တော်သော နေရာဖြစ်သည်။ အဝင်ဝဆီသို့ ပြန်သွားပြီး အကဲဖြတ်မှု ပြီးဆုံးမည့်အချိန်ကို စောင့်ဆိုင်းကာ တံခါးပေါက် ပွင့်လာလျှင် ထွက်ခွာသွားခြင်းက အကောင်းဆုံး ဖြစ်ပေမည်။</p> <p style="text-align:justify"> </p> <p style="text-align:justify">ဤနည်းဖြင့် အခွင့်အရေးကောင်းများ မရလျှင်တောင် အသက်ဆုံးရှုံးရခြင်းထက်တော့ များစွာ ပိုကောင်းပေသည်။</p> <p style="text-align:justify"> </p> <p style="text-align:justify">"အီဗာ... ငါ့ပတ်ဝန်းကျင်ကို စကင်ဖတ်ပေးစမ်းပါ... အစွမ်းထက်တဲ့ သတ္တဝါတွေ ရှိနေလားဆိုတာ ကြည့်ပေးပါဦး"</p> <p style="text-align:justify"> </p> <p style="text-align:justify">သီးသန့်ဆန်သော လိုဏ်ဂူတစ်ခု အတွင်းတွင် ရှုကျင်းမင်က နားကြပ်မှတစ်ဆင့် ပြောလိုက်သည်။</p> <p style="text-align:justify"> </p> <p style="text-align:justify">"ဟူး... နောက်ဆုံးတော့ ထွက်လာရပြီ"</p> <p style="text-align:justify"> </p> <p style="text-align:justify">အနီးနားတွင် အခြားမည်သူမျှ မရှိကြောင်း သေချာသွားသောအခါ စမတ်လက်ပတ် ထံမှ ဖန်သားပြင် ပုံရိပ် လင်းလက်လာပြီး အီဗာ၏ သေးသွယ်လှပသော ကောင်မလေးပုံစံအဖြစ် စုစည်းသွားသည်။ သူမက ပျင်းရိပျင်းတွဲ အကြောဆန့်လိုက်ပြီး ပြားချပ်နေသည်ဟု ထင်ရသော သူမ၏ ရင်ဘတ်ကို ကော့လိုက်သည်။ ထို့နောက် မျက်လုံးများကို အနည်းငယ် မှိတ်ထားလိုက်ပြီး နှစ်စက္ကန့်၊ သုံးစက္ကန့်ခန့် အကြာတွင် ပြန်ဖွင့်ကာ ချိုသာစွာ ပြုံးလျက် ပြောလိုက်သည်။</p> <p style="text-align:justify"> </p> <p style="text-align:justify">"Sအဆင့်... စိတ်မပူပါနဲ့... ကီလိုမီတာ တစ်ထောင် ပတ်လည်အတွင်းမှာ စတုတ္ထအဆင့် နဲ့ ပဉ္စမအဆင့် သားရဲ အနည်းငယ်ပဲ ရှိပါတယ်... အဆင့် ၆ သားရဲတွေ လုံးဝ မရှိပါဘူး"</p> <p style="text-align:justify"> </p> <p style="text-align:justify">"ဒါပေမဲ့ Sအဆင့်... ရှင်က အခု အနားယူတော့မလို့လား။ အချိန်မရောက်သေးဘူးလေ..."</p> <p style="text-align:justify"> </p> <p style="text-align:justify">အီဗာက သူမ၏ အစိမ်းရောင် ဆံပင်များကို ကစားနေရင်း စကားမဆုံးမီမှာပင် ဖန်သားပြင် ပုံရိပ်တစ်ခုလုံး ပျောက်ကွယ်သွားလေသည်။ အလင်းရောင် အရင်းအမြစ် ပျောက်ကွယ်သွားသည်နှင့် တစ်ပြိုင်နက် လိုဏ်ဂူတစ်ခုလုံးက မှုန်ဝါးဝါး အလင်းရောင် အခြေအနေသို့ ပြန်လည် ရောက်ရှိသွားတော့သည်။</p> <p style="text-align:justify"> </p> <p style="text-align:justify">"ဒီလိုဆိုရင်တော့ သေချာပေါက် ပိုစိတ်ချရတာပေါ့"</p> <p style="text-align:justify"> </p> <p style="text-align:justify">ရှုကျင်းမင်က စမတ်လက်ပတ် ပေါ်ရှိ အတင်းအကျပ် ပိတ်ပစ်သော ခလုတ်ပေါ်မှ သူ၏ လက်ချောင်းကို တိတ်တဆိတ် ဖယ်ရှားလိုက်သည်။ အီဗာက မဂျစ်စီးတီးတက္ကသိုလ် နှင့် ဆက်နွှယ်နေသော ထိပ်တန်း Ai အင်ဂျင်နီယာ တစ်ယောက်ဖြစ်ပြီး ယုံကြည်စိတ်ချရသူ ဖြစ်သည်။သို့သော် အဓိက လုပ်ပိုင်ခွင့် အာဏာရှိသူမှာ သူမဟုတ်ဘဲ မဂျစ်စီးတီး တက္ကသိုလ်၏ ကျောင်းအုပ်ကြီး ဖြစ်သည်။</p> <p style="text-align:justify"> </p> <p style="text-align:justify">မဂျစ်စီးတီး တက္ကသိုလ် ၏ ကျောင်းအုပ်ကြီးက အီဗာ ကို အသုံးပြုပြီး သူ့ကို စောင့်ကြည့်ခိုင်းလိမ့်မည်ဟု မထင်ရသော်လည်း System နှင့် ပတ်သက်လာလျှင် သတိထားခြင်းက အကောင်းဆုံးပင် ဖြစ်သည်။ အနည်းဆုံးတော့ စွမ်းရည်အမှတ် ထည့်သွင်းသည့် လုပ်ငန်းစဉ်ကို အီဗာ မမြင်တွေ့သင့်ပေ။</p> <p style="text-align:justify"> </p> <p style="text-align:justify">"System... အမှတ်တွေ ပေါင်းထည့်စမ်း"</p> <p style="text-align:justify"> </p> <p style="text-align:justify">အရာအားလုံး အဆင်သင့် ဖြစ်သွားသည်နှင့် ရှုကျင်းမင်က ထပ်မံ တွေဝေမနေတော့ဘဲ အမှတ်ပေါင်းထည့်ရန် တိုက်ရိုက် ရွေးချယ်လိုက်တော့သည်။</p> <p style="text-align:justify"> </p> <p style="text-align:justify">“စွမ်းရည်အမှတ် - ၇၅၀၀၀”</p> <p style="text-align:justify"> </p> <p style="text-align:justify">အဆင့် - စတုတ္ထအဆင့်နိမ့် → စတုတ္ထအဆင့်လတ်</p> <p style="text-align:justify"> </p> <p style="text-align:justify">ခန္ဓာကိုယ် ကြံ့ခိုင်မှု - သွေးစွမ်းအင် ၄၈၁၇ → ၅၆၁၇</p> <p style="text-align:justify"> </p> <p style="text-align:justify">စိတ်ဝိညာဉ်စွမ်းအား - ၃၃၂၅ → ၄၁၂၅ ဟတ်ဇ်</p> <p style="text-align:justify"> </p> <p style="text-align:justify">“ဘန်း...”</p> <p style="text-align:justify"> </p> <p style="text-align:justify">ရှုကျင်းမင်၏ ခန္ဓာကိုယ်ထဲမှ အဆုံးအစမရှိသော စွမ်းအားလှိုင်းများ ပေါက်ကွဲထွက်လာသည်။ အသက်ရှူသံ ဖုံးကွယ်ခြင်း ကျင့်စဉ် ၏ ထိန်းချုပ်မှုအောက်တွင် မှိန်ပျပျ အနီရောင်ရွှေရောင် အဖြစ် ပြောင်းလဲသွားခဲ့သော ကောင်းကင်မိုးကြိုးက ရုတ်တရက် တောက်ပလင်းထိန်သော ရွှေဝါရောင် အဖြစ်သို့ ပြန်လည် ရောက်ရှိသွားလေသည်။</p> <p style="text-align:justify"> </p> <p style="text-align:justify">ရွှေရောင် လျှပ်စီးတန်းများ ပေါက်ကွဲထွက်လာပြီး မှောင်မိုက်နေသော လိုဏ်ဂူတစ်ခုလုံးကို လင်းထိန်သွားစေသည်။ ဒီရေအလား လှိမ့်တက်လာသော မိုးကြိုးလှိုင်းများကြားတွင် ကောင်းကင်မိုးကြိုး ၏ မြင့်မြတ်ပြီး ကြမ်းတမ်းရက်စက်သော အရှိန်အဝါက ပိုမိုထင်ရှားလာကာ ၎င်း၏ အရောင်ကလည်း ပိုမိုရင့်ရှိုင်းလာသည်။</p> <p style="text-align:justify"> </p> <p style="text-align:justify">"စတုတ္ထအဆင့်လတ် ကို ရောက်သွားပြီပဲ" ရွှေရောင် လျှပ်စီးတစ်ခုက ရှုကျင်းမင်၏ မျက်လုံးများထဲတွင် ဖြတ်ပြေးသွားသည်။</p> <p style="text-align:justify"> </p> <p style="text-align:justify">သူက ညာဘက်လက်ကို အနည်းငယ် မြှောက်လိုက်ရာ တောက်ပသော ရွှေရောင် လျှပ်စီးလုံးကြီး တစ်ခုက သူ၏ လက်ဝါးအထက် ဆယ်စင်တီမီတာခန့် အကွာတွင် ချက်ချင်း စုစည်းလာသည်။</p> <p style="text-align:justify"> </p> <p style="text-align:justify">"ခန္ဓာကိုယ် ကြံ့ခိုင်မှု နဲ့ စိတ်ဝိညာဉ်စွမ်းအားက အမှတ် ၈၀၀ ဝန်းကျင်လောက် တိုးလာတယ်... ကောင်းကင်မိုးကြိုး ရဲ့ စွမ်းအားကလည်း အရင်ကထက် သုံးလေးဆလောက် ပိုအားကောင်းလာတယ်"</p> <p style="text-align:justify"> </p> <p style="text-align:justify">“အဆင့်မတက်ခင်က ငါ့ရဲ့ တိုက်ခိုက်ရေးစွမ်းအားက ပဉ္စမအဆင့် အထွတ်အထိပ် ဝန်းကျင်မှာ ရှိတယ်...”</p> <p style="text-align:justify"> </p> <p style="text-align:justify">အခု အဆင့်တက်ပြီးသွားပြီဆိုတော့ ဆဋ္ဌမအဆင့် စွမ်းရည်ပိုင်ရှင်တွေနဲ့တောင် ရင်ဆိုင်တိုက်ခိုက်နိုင်လောက်ပြီ မဟုတ်လား...”</p> <p style="text-align:justify"> </p> <p style="text-align:justify">ရှုကျင်းမင်က စိတ်ထဲမှ တွေးလိုက်သည်။</p> <p style="text-align:justify"> </p> <p style="text-align:justify">သူက သူ၏ တိုက်ခိုက်ရေးစွမ်းအားကို Aအဆင့် စွမ်းရည်ပိုင်ရှင် တစ်ယောက်၏ စံနှုန်းအတိုင်း အမြဲ တွက်ချက်လေ့ရှိသည်။ အကယ်၍ ပြိုင်ဘက်များက Cအဆင့် သို့မဟုတ် Bအဆင့် စွမ်းရည်များကိုသာ ပိုင်ဆိုင်ထားသော ဆဋ္ဌမအဆင့်နိမ့် စွမ်းရည်ပိုင်ရှင်များသာ ဖြစ်မည်ဆိုလျှင် သူ၏ ခန့်မှန်းချက်အရ မိုးကြိုးအထွတ်အထိပ် အခြေအနေ သို့ ဝင်ရောက်ပြီး တစ်ယောက်ချင်း တိုက်ခိုက်မည်ဆိုပါက သေချာပေါက် တစ်ဖက်သတ် ချေမှုန်းနိုင်မည် ဖြစ်သည်။</p> <p style="text-align:justify"> </p> <p style="text-align:justify">"စွမ်းရည်အမှတ်တွေ မလုံလောက်သေးတာ နှမြောစရာပဲ မဟုတ်ရင် မသေနိုင်သော မိုးကြိုးခန္ဓာကိုပါ အမှတ်ပေါင်းထည့်လိုက်မှာ"</p> <p style="text-align:justify"> </p> <p style="text-align:justify">မသေနိုင်သော မိုးကြိုးခန္ဓာ၏ ဆဋ္ဌမအဆင့်က အသုံးပြုသူကို မိုးကြိုးနဂါးဘုရင် ၏ အထူးစွမ်းရည် တစ်ခုကို ပေးစွမ်းနိုင်ပေသည်။ ရှုကျင်းမင်ကတော့ ထိုအရာကို မျှော်လင့်စောင့်စားနေဆဲ ဖြစ်သည်။ မသေနိုင်သော မိုးကြိုးခန္ဓာ ကို ပဉ္စမအဆင့်မှ ဆဋ္ဌမအဆင့်သို့ မြှင့်တင်ရန်အတွက် စွမ်းရည်အမှတ် ၅၀၀၀၀ ခန့် လိုအပ်သည်။ ရှင်သန်ခြင်း ပြိုင်ပွဲတွင် သူက အမှတ်များ ပေါင်းထည့်နိုင်ခဲ့သည်။</p> <p style="text-align:justify"> </p> <p style="text-align:justify">သို့သော် သူ၏ အဆင့်ကို မြှင့်တင်လိုသောကြောင့် မပေါင်းထည့်ခဲ့ခြင်း ဖြစ်သည်။ ယခုတစ်ကြိမ်တွင်လည်း ထိုနည်းလည်းကောင်းပင်။ စွမ်းရည်အမှတ် ၇၀၀၀၀ ကျော် စုဆောင်းမိသည့်တိုင် သူ ရွေးချယ်မပေါင်းထည့်ခဲ့ပေ။ အဆင့် နှင့် ယှဉ်လိုက်လျှင် မသေနိုင်သော မိုးကြိုးခန္ဓာ က ဦးစားပေးအဆင့် အနည်းငယ် နိမ့်ကျနေပေသည်။</p> <p style="text-align:justify"> </p> <p style="text-align:justify">"ဒါပေမဲ့ ဒီအပျက်အစီး လျှို့ဝှက်နယ်မြေ ထဲမှာ အချိန်အများကြီး ကျန်နေသေးတယ်... အစောကြီး ဖြစ်ဖြစ် နောက်ကျမှ ဖြစ်ဖြစ် မသေနိုင်သော မိုးကြိုးခန္ဓာကို ဆဋ္ဌမအဆင့်အထိ အမှတ်ပေါင်းထည့်နိုင်မှာပါ"</p> <p style="text-align:justify"> </p> <p style="text-align:justify">အသက်ရှူသံ ဖုံးကွယ်ခြင်း ကျင့်စဉ် ၏ လည်ပတ်မှုအောက်တွင် တောက်ပလင်းထိန်နေသော ကောင်းကင်မိုးကြိုးက မှိုင်းညို့သော အနီရောင်ရွှေရောင် အဖြစ်သို့ ပြန်လည် ပြောင်းလဲသွားသည်။ ရှုကျင်းမင်က စမတ်လက်ပတ် ကို ချက်ချင်း ပြန်ဖွင့်လိုက်သည်။ စက်ကိရိယာ စတင် လည်ပတ်လာပြီး အီဗာ၏ ဖန်သားပြင် ပုံရိပ်က ထပ်မံပေါ်ထွက်လာသည်။</p> <p style="text-align:justify"> </p> <p style="text-align:justify">"Sအဆင့်... ဘာလို့ ကျွန်မကို အတင်းအကျပ် ပိတ်ပစ်ရတာလဲ"</p> <p style="text-align:justify"> </p> <p style="text-align:justify">အစိမ်းရောင် ဆံပင်နှစ်ခွ နှင့် သေးသွယ်လှပသော ကောင်မလေး အီဗာက ခါးထောက်ကာ ဒေါသတကြီး မေးလိုက်သည်။ သူမ၏ ပုံစံက ဒေါသထွက်နေသည့် အရိပ်အယောင် မပြရုံသာမက တော်တော်လေးကို ချစ်စရာကောင်းနေသေးသည်။</p> <p style="text-align:justify"> </p> <p style="text-align:justify">"ငါ အီဗာ ကို အပြည့်အဝ ယုံကြည်ပါတယ် ဒါပေမဲ့ လျှို့ဝှက်ချက် တချို့ ရှိလို့ပါ..."</p> <p style="text-align:justify"> </p> <p style="text-align:justify">"ကျောင်းကို မသိစေချင်လို့ပါ ဒါကြောင့် မင်းကို နည်းနည်းလေး ဒုက္ခပေးရတာပါ"</p> <p style="text-align:justify"> </p> <p style="text-align:justify">ရှုကျင်းမင်က အီဗာကို ရိုးသားသော မျက်ဝန်းများဖြင့် ကြည့်ကာ ပြောလိုက်သည်။ ယခင်က အီဗာ သည် ပရိုဂရမ်တစ်ခုသာ ဖြစ်သည် သို့မဟုတ် ကုဒ်တစ်ခုဖြင့် ဖန်တီးထားသော အရာတစ်ခုဟုသာ သူ ထင်ခဲ့သည်။ သို့သော် အီဗာ နှင့် ပိုမို ရင်းနှီးလာသည်နှင့်အမျှ သူမက အစစ်အမှန် လူတစ်ယောက်နှင့် ကွာခြားမှု မရှိကြောင်း သူ ပို၍ပို၍ ခံစားလာရသည်။</p> <p style="text-align:justify"> </p> <p style="text-align:justify">အပျက်အစီး လျှို့ဝှက်နယ်မြေ ထဲတွင် ရှိနေစဉ် သူတို့သည် သူငယ်ချင်းများပင် ဖြစ်လာခဲ့ကြသည်။ ရှုကျင်းမင်က ထိုကဲ့သို့သော သူငယ်ချင်းမျိုးကို အကြောင်းပြချက်များဖြင့် လိမ်ညာမရှောင်ဖယ်ချင်ပေ။ ထို့အပြင် အီဗာကဲ့သို့သော ထိပ်တန်း Ai တစ်ခုက ရိပ်မိမသွားနိုင်သည့် မည်သည့် အကြောင်းပြချက်မှ မရှိနိုင်ဟုလည်း သူ ယူဆထားသည်။</p> <p style="text-align:justify"> </p> <p style="text-align:justify">"ဟင်... အဲဒီလိုလား..."</p> <p style="text-align:justify"> </p> <p style="text-align:justify">ဤတိုက်ရိုက် ချဉ်းကပ်မှုက အီဗာ၏ ဖြူဖွေးသော မျက်နှာလေးကို ချက်ချင်းပင် အနည်းငယ် နီရဲသွားစေသည်။ သူမက ခေါင်းငုံ့ထားရင်း သူမ၏ ဖြူဖွေးသော လက်ချောင်းလေးများက အဝတ်အစား၏ အစွန်းကို မသိမသာ ကစားနေလေသည်။</p> <p style="text-align:justify"> </p> <p style="text-align:justify">"အကြောင်းပြချက် ရှိနေမှတော့ အီဗာက Sအဆင့် ကို ခွင့်လွှတ်ပေးပါ့မယ် ဒါပေမဲ့ နောက်တစ်ခါ ပိတ်တော့မယ်ဆိုရင် အရင်ဆုံး အသိပေးဖို့ မမေ့နဲ့နော်"</p> <p style="text-align:justify"> </p> <p style="text-align:justify">"ကောင်းပါပြီ" ရှုကျင်းမင်၏ နှုတ်ခမ်းများက အနည်းငယ် ကွေးတက်သွားသည်။ "သွားကြစို့... အပြင်ကို အရင် ထွက်ရအောင်"</p> <p style="text-align:justify"> </p> <p style="text-align:justify">လိုဏ်ဂူထဲမှ ထွက်လာပြီးနောက် ရှုကျင်းမင်သည် မူလက အီဗာ စကင်ဖတ်ပေးထားသော သားရဲများ ဖြန့်ကျက်တည်ရှိမှု မြေပုံ အရ သားရဲများကို တစ်ကောင်ပြီး တစ်ကောင် သတ်ဖြတ်ရန် စီစဉ်ထားခဲ့သည်။ သို့သော် ပထမဆုံး သားရဲ အနီးသို့ပင် မရောက်သေးမီ သူတို့ ဖြတ်သွားသော သစ်ပင်ကြီး တစ်ပင်အောက်တွင် တစ်ခုခုကို တွေ့လိုက်ရသည်။ ပင်းပွန်းဘောလုံး အရွယ်အစားခန့်ရှိပြီး လုံးဝ ကြည်လင်နေသော ခရစ္စတယ် ဘောလုံး အစုအဝေးတစ်ခုကို သူတို့ တွေ့လိုက်ရခြင်းပင်။ အကြမ်းဖျင်း ရေတွက်ကြည့်လျှင် အနည်းဆုံး အလုံးတစ်ရာခန့် ရှိမည်ဖြစ်သည်။</p> <p style="text-align:justify"> </p> <p style="text-align:justify">"ဟင်... ဒါက အကဲဖြတ်ခရစ္စတယ်တွေလား... ငါ ကံကောင်းနေတဲ့ပုံပဲ"</p> <p style="text-align:justify"> </p> <p style="text-align:justify">ဤကာလအတွင်း အခြေစိုက်စခန်း ၏ Ai ပြောခဲ့သော အကဲဖြတ် ခရစ္စတယ်အချို့ကို ရှုကျင်းမင် ရှာတွေ့ခဲ့သော်လည်း စုစုပေါင်းမှ ဒါဇင် အနည်းငယ်သာ ရှိသည်။ ဒီတစ်ခါ ဒီလောက် ကံကောင်းလိမ့်မည်ဟု သူ မမျှော်လင့်ထားခဲ့ပေ။ လမ်းဘေးတွင်ပင် အစုအဝေးလိုက် တွေ့လိုက်ရခြင်း ဖြစ်သည်။ အကဲဖြတ် ခရစ္စတယ် များကို ဟင်းလင်းပြင် လက်စွပ် ထဲသို့ ထည့်ရန် သူ ကုန်းကွလိုက်စဉ်မှာပင် အနည်းငယ် စူးရှပြီး မာကျောသော၊ ကင်ချီအနံ့လေး သင်းနေသည့် တရုတ်စကားသံ တစ်သံက ဘေးဘက်မှ ရုတ်တရက် ထွက်ပေါ်လာသည်။</p> <p style="text-align:justify"> </p> <p style="text-align:justify">"ဟေ့... အဲဒီက မဟာနွေရာသီ တိုင်းပြည်ကကောင်... မင်းဆီမှာရှိတဲ့ အကဲဖြတ် ခရစ္စတယ်တွေကို ပေးစမ်း"</p> <p style="text-align:justify"> </p> <p style="text-align:justify">ခေါင်းလှည့်ကြည့်လိုက်သောအခါ ထူထပ်သော တောအုပ်ထဲမှ ထွက်လာသည့် လူလေးယောက် ပါဝင်သော အဖွဲ့တစ်ဖွဲ့ကို ရှုကျင်းမင် တွေ့လိုက်ရသည်။ ထိုလူလေးယောက်က အရပ်သိပ်မရှည်ဘဲ အားလုံးက မျက်လုံးသေးသေးလေးများ ရှိကြသည်။ သူတို့၏ ရုပ်ရည်သွင်ပြင်က သာမန်မဟုတ်ဘဲ အားလုံးက တော်တော်လေးကို ထူးခြားနေကြသည်။ အရုပ်ဆိုးသော သူများက ပို၍ပင် ထူးခြားနေသေးသည်။</p> <p style="text-align:justify"> </p> <p style="text-align:justify">"ဟင်... ကိုရီးယားနိုင်ငံက စွမ်းရည်ပိုင်ရှင် အဖွဲ့လား..." ရှုကျင်းမင်က မျက်ခုံးအနည်းငယ် ပင့်လိုက်ပြီး ကုန်းထားသော သူ၏ ကျောကို ဖြည်းညင်းစွာ ပြန်မတ်လိုက်လေသည်။</p> <p style="text-align:justify"> </p> <p style="text-align: center;">***</p> <p style="text-align:justify"> </p>


Save