Book List

<h2 style="text-align: center;">အခန်း ၃၃၅</h2> <h2 style="text-align: center;">စွမ်းရည်အမှတ် တစ်သိန်း</h2> <h2 style="text-align: center;">*</h2> <p style="text-align:justify"> </p> <p style="text-align:justify">ရှုကျင်းမင် လှုပ်ရှားမှု မစတင်မီကတည်းက ချင်းကျိန့် နှင့် သူ၏အဖွဲ့ ရောက်ရှိနေခဲ့သည်။ ချင်းကျိန့်က အချိန်ကိုက် ရောက်လာပြီး အရေးကြီးသော အချိန်တွင် ရှုကျင်းမင်ကို ကယ်တင်နိုင်ခဲ့ပြီဟု တွေးကာ တိတ်တဆိတ် ဝမ်းသာနေခဲ့သည်။ သို့သော် သူ ဝင်မပါရသေးမီမှာပင် ရှုကျင်းမင်က ထိုလေးယောက်စလုံးကို တစ်ယောက်တည်းဖြင့် အပြတ်ရှင်းသွားခဲ့သည်။</p> <p style="text-align:justify"> </p> <p style="text-align:justify">"အိုး... ဒါက..."</p> <p style="text-align:justify"> </p> <p style="text-align:justify">"ပဉ္စမအဆင့်လတ် နှစ်ယောက်နဲ့ ပဉ္စမအဆင့်နိမ့် နှစ်ယောက်စလုံး တစ်ချက်တည်းနဲ့ အလဲထိုးခံလိုက်ရတာလား"</p> <p style="text-align:justify"> </p> <p style="text-align:justify">"ဘုရားရေ... ငါ အမြင်မှားနေတာတော့ မဟုတ်ပါဘူးနော်"</p> <p style="text-align:justify"> </p> <p style="text-align:justify">လင်းဟွေ နှင့် လော့ဟန်တို့ နှစ်ယောက်စလုံး ကြက်သေ သေနေကြသည်။ အနောက်ဘက်ဆုံးတွင် ရှိနေသော ရှာလန်ပင်လျှင် ပါးစပ်အနည်းငယ်ဟသွားပြီး အနည်းငယ် မှင်သက်နေခဲ့သည်။ သူမသည်လည်း စတုတ္ထအဆင့်မြင့် စွမ်းရည်ပိုင်ရှင် တစ်ယောက် ဖြစ်သော်လည်း အစွမ်းကုန် ထုတ်သုံးလျှင်တောင် ပဉ္စမအဆင့်နိမ့် စွမ်းရည်ပိုင်ရှင် တစ်ယောက်နှင့် သရေသာ ကစားနိုင်ပေမည်။</p> <p style="text-align:justify"> </p> <p style="text-align:justify">“ပဉ္စမအဆင့်နိမ့် စွမ်းရည်ပိုင်ရှင် တစ်ယောက်ကို သတ်ဖြတ်နိုင်ဖို့ဆိုတာ လုံးဝ မဖြစ်နိုင်ဘူးလေ... တစ်ဖက်လူလိုမျိုး တစ်ဖက်သတ် ချေမှုန်းဖို့ဆိုတာ ဝေလာဝေးပဲ...”</p> <p style="text-align:justify"> </p> <p style="text-align:justify">"စုချန်း ရဲ့ စွမ်းအားက သေချာပေါက် တစ်ကိုယ်တော် စွမ်းရည်ပိုင်ရှင် တစ်ယောက်ရဲ့ အဆင့်မှာ မဟုတ်ဘူး" လင်းဟွေက မအံ့သြဘဲ မနေနိုင်တော့ဘဲ ရေရွတ်လိုက်သည်။</p> <p style="text-align:justify"> </p> <p style="text-align:justify">သိထားသင့်သည်က သူကိုယ်တိုင်က ပါရမီရှင် လေ့ကျင့်ရေးစခန်းမှ လာသူဖြစ်ပြီး ပဉ္စမအဆင့်နိမ့် တစ်ယောက် ဖြစ်သည်။ အလွန်ဆုံးမှသာ ပဉ္စမအဆင့်လတ် စွမ်းရည်ပိုင်ရှင်များကို သတ်ဖြတ်နိုင်စွမ်း ရှိသည်။ တစ်ဖက်လူက သူ၏အောက် တစ်ဆင့် နိမ့်နေသည့်တိုင် ပဉ္စမအဆင့်လတ် စွမ်းရည်ပိုင်ရှင်ကို တစ်ချက်တည်းနှင့် အလဲထိုးနိုင်ခြင်းက သူ၏ ကြောက်မက်ဖွယ် စွမ်းအားကို သက်သေပြရန် လုံလောက်နေသည်။ ဤသည်က ကိုယ့်ဘာသာ ကျင့်ကြံလာသည့် တစ်ကိုယ်တော် စွမ်းရည်ပိုင်ရှင် တစ်ယောက် လုပ်နိုင်မည့် ကိစ္စမျိုး သေချာပေါက် မဟုတ်ပေ။</p> <p style="text-align:justify"> </p> <p style="text-align:justify">"ပါရမီရှင်ပဲ... ဒါက အစစ်အမှန် ပါရမီရှင်ပဲ"</p> <p style="text-align:justify"> </p> <p style="text-align:justify">"သူက ပါရမီရှင် လေ့ကျင့်ရေးစခန်း ရဲ့ ဝင်ခွင့်စာမေးပွဲကို အောင်မြင်နိုင်ရုံတင် မကဘူး... သူ့ရဲ့ ပါရမီက ငါတို့စခန်းမှာတောင် ထိပ်တန်းစာရင်း ဝင်နိုင်တယ်"</p> <p style="text-align:justify"> </p> <p style="text-align:justify">အံ့သြမှင်သက်နေကြသော လင်းဟွေတို့နှင့် မတူဘဲ ချင်းကျိန့်ကတော့ ပို၍ပင် စိတ်လှုပ်ရှားနေခဲ့သည်။ ဆဋ္ဌမအဆင့်နိမ့်နည်းပြ တစ်ယောက်ဆိုသည်က မိုးကြိုးသိုင်းသင်တန်းကျောင်း၏ အထက်တန်းလွှာ လေ့ကျင့်ရေးစခန်းတွင် တကယ်တမ်းတော့ ဩဇာကြီးမားသူ တစ်ယောက် မဟုတ်ပေ။ အချို့သော ကျောင်းသားများပင်လျှင် ဆဋ္ဌမအဆင့်သို့ ရောက်ရှိနေကြပြီ မဟုတ်လော။</p> <p style="text-align:justify"> </p> <p style="text-align:justify">ထို့ကြောင့် သူတို့အတွက် အရင်းအမြစ်များ ရယူနိုင်သည့် နည်းလမ်းများက အလွန်တရာ ကန့်သတ်ခံထားရပြီး ထိုနည်းလမ်းများစွာကလည်း အလွန် အန္တရာယ်များလှသည်။ အလွယ်ကူဆုံး နည်းလမ်းကတော့ ပါရမီရှင်များကို လေ့ကျင့်ရေးစခန်းသို့ ထောက်ခံပေးခြင်းပင်။ အကယ်၍ ထိုသူက စာမေးပွဲကို အောင်မြင်ပြီး လေ့ကျင့်ရေးစခန်း အတွင်းသို့ ဝင်ရောက်လာပါက ထောက်ခံပေးသူကလည်း ဆုလာဘ်များ ရရှိမည် ဖြစ်သည်။</p> <p style="text-align:justify"> </p> <p style="text-align:justify">အကယ်၍ ထိုသူက နောက်ပိုင်းတွင် လေ့ကျင့်ရေးစခန်း၏ ထိပ်တန်းကျောင်းသားစာရင်းသို့ ဝင်ရောက်သွားပါက သူသည် အရင်းအမြစ်များကို ပို၍ပင် ရရှိနိုင်ပေမည်။ စုချန်းက သူ့ကို ပိုမိုများပြားသော အရင်းအမြစ်များ ရရှိနိုင်မည့် မျှော်လင့်ချက်ကို ပေးစွမ်းနေလေသည်။ အမှန်တကယ်တော့ ချင်းကျိန့် တစ်ယောက်တည်းသာမကဘဲ ဝက်ဝံကြမ်း သိုင်းသင်တန်းကျောင်းမှ အခြားနည်းပြ တစ်ယောက်ဖြစ်သော ဝမ်ဟုန်၏ မျက်လုံးများကလည်း အရောင်လက်နေခဲ့သည်။</p> <p style="text-align:justify"> </p> <p style="text-align:justify">ဝက်ဝံကြမ်း သိုင်းသင်တန်းကျောင်းမှ စွမ်းရည်ပိုင်ရှင်အများစုက ခန္ဓာကိုယ်စွမ်းရည် မြှင့်တင်ပေးသော အမျိုးအစားများ ဖြစ်ကြသော်လည်း စွမ်းအင်ဓာတ် စွမ်းရည်ပိုင်ရှင်များကို မလိုချင်ဟု ဆိုလိုခြင်း မဟုတ်ပေ။ ဝက်ဝံကြမ်း သိုင်းသင်တန်းကျောင်းသို့ စွမ်းအင်ဓာတ် စွမ်းရည်ပိုင်ရှင်တစ်ယောက်ကို ထောက်ခံပေးခြင်းက ရရှိမည့် ဆုလာဘ်များက ပို၍ပင် ကြီးမားသေးသည်။ ဝမ်ဟုန်၏ အတွေးများကို ချင်းကျိန့်က သဘာဝကျကျပင် ရိပ်မိသွားရာ သူက အရင်ဦးဆုံး စကားစပြောလိုက်သည်။</p> <p style="text-align:justify"> </p> <p style="text-align:justify">"မိတ်ဆွေငယ် စုချန်း... မတွေ့ရတာ ကြာပြီပဲ... လေ့ကျင့်ရေးစခန်းဝင်ခွင့်စာမေးပွဲ အကြောင်းကို ငါတို့ ပြန်ဆွေးနွေးလို့ ရမလား"</p> <p style="text-align:justify"> </p> <p style="text-align:justify">သို့သော် သူ စကားပြောလို့ပင် မဆုံးသေးမီပင် တစ်ဖက်မှ အရပ်ရှည်ရှည် လူငယ်က တစ္ဆေ တွေ့လိုက်ရသကဲ့သို့ သူ၏ လက်ရပစ္စည်းများကို အလျင်အမြန် သိမ်းဆည်းကာ တစ္ဆေတစ်ကောင်အလား အလျင်အမြန် ထွက်ပြေးသွားတော့သည်။ ဤလုပ်ရပ်ကြောင့် စိတ်အားထက်သန်နေခဲ့သော ချင်းကျိန့် တစ်ယောက် နေရာတွင်ပင် ကြက်သေ သေသွားပြီး စိတ်ပျက်လက်ပျက်ဖြင့် ရေရွတ်လိုက်သည်။</p> <p style="text-align:justify"> </p> <p style="text-align:justify">"စာမေးပွဲလေး တစ်ခုလောက်ကိုပဲ... အဲဒီလောက်တောင် လက်မခံနိုင်စရာ ဖြစ်နေလို့လား"</p> <p style="text-align:justify"> </p> <p style="text-align:justify">ဆဋ္ဌမအဆင့် လေဓာတ် စွမ်းရည်ပိုင်ရှင် တစ်ယောက်အနေဖြင့် သူလိုက်ချင်ပါက သေချာပေါက် မှီအောင် လိုက်နိုင်ပေသည်။ သို့သော် သူ၏ လုပ်ရပ်များကို ကြည့်ခြင်းအားဖြင့် တစ်ဖက်လူက ထပ်မံ ဆက်သွယ်ပြောဆိုလိုခြင်း မရှိကြောင်း ပြသနေပြီဖြစ်ရာ နောက်ကနေ လိုက်သွားလျှင်တောင် အလကားသာ ဖြစ်ပေမည်။</p> <p style="text-align:justify"> </p> <p style="text-align:justify">"ထားလိုက်ပါတော့... ဒီတစ်ကြိမ် လွဲသွားရင်တောင် နောက်ကျရင် အဓိကအခြေစိုက်စခန်းမှာ သေချာပေါက် ပြန်ဆုံရမှာပဲ... အဲဒီကျမှ သူ့ကို သေချာ စကားပြောကြည့်ရမယ်"</p> <p style="text-align:justify"> </p> <p style="text-align:justify">တစ်ဖက်လူက မိုးကြိုးသိုင်းသင်တန်းကျောင်း၏ အထက်တန်းလွှာ လေ့ကျင့်ရေးစခန်းအပေါ် နားလည်မှု တစ်ခုခုလွဲနေသည်ဟု ချင်းကျိန့်က ခံစားလိုက်ရသည်။ ဒီအတွက် အကြောင်းရင်းကို သူ ကိုယ်တိုင် ရှာဖွေရပေမည်။ ချင်းကျိန့်၏ အနောက်ဘက်ရှိ လင်းဟွေ၏ ဘေးတွင် ရပ်နေသော ရှာလန်က ထွက်ခွာသွားသော ရှုကျင်းမင်၏ ကျောပြင်ကို သူမ၏ လှပသော မျက်ဝန်းများဖြင့် စိုက်ကြည့်နေခဲ့သည်။ ယခုလေးတင် ထိုထူးဆန်းသော ဟင်းလင်းပြင် လှိုင်းဂယက်ကို သူမ ထပ်မံ ခံစားလိုက်ရပြန်ရာ ဤတစ်ကြိမ်တွင်တော့ ထိုအရာက အထင်မှားခြင်း မဟုတ်ကြောင်း သူမ သေချာသွားခဲ့သည်။</p> <p style="text-align:justify"> </p> <p style="text-align:justify">"စုချန်းဆီမှာ ဟင်းလင်းပြင် ရတနာ တစ်ခုခုများ ရှိနေတာလား" ဟု ရှာလန်က စိတ်ထဲမှ တွေးတောနေခဲ့သည်။</p> <p style="text-align:justify"> </p> <p style="text-align:justify">ရှုကျင်းမင်ကတော့ သဘာဝကျကျပင် မိုးကြိုးသိုင်းသင်တန်းကျောင်းမှ လူတစ်စု၏ ပွစိပွစိ ပြောဆိုမှုများကို နားမထောင်ချင်ခဲ့ပေ။ ကီလိုမီတာ အနည်းငယ်ခန့် ပြေးလွှားပြီးနောက် ပုန်းအောင်းရန် လိုဏ်ဂူတစ်ခုကို ကြုံသလို ရှာတွေ့သွားသည်။ ထို့နောက် သူ ယခုလေးတင် ရရှိခဲ့သော တိုက်ပွဲဝင် လက်ရပစ္စည်းများကို စတင် ရှင်းလင်း စီစဉ်လိုက်သည်။</p> <p style="text-align:justify"> </p> <p style="text-align:justify">ပထမဆုံးအနေဖြင့် သူတို့၏ လက်နက်များဖြစ်သည်။ လေးယောက်စလုံးက Aအဆင့် လက်နက်ကိရိယာများကို ပိုင်ဆိုင်ထားကြပြီး စုစုပေါင်းလိုက်လျှင် မဟာနွေရာသီသုံး ငွေကြေး သန်း၁၀၀ ကျော် တန်ကြေးရှိပေမည်။ ဒုတိယအနေဖြင့် ဟင်းလင်းပြင်လက်စွပ် လေးကွင်း ဖြစ်သည်။ နှစ်ကွင်းက ၃ ကုဗမီတာဆံ့ပြီး ကျန်နှစ်ကွင်းက ၁ ကုဗမီတာ ဆံ့သည်။</p> <p style="text-align:justify"> </p> <p style="text-align:justify">၎င်းတို့အတွင်းတွင် ဆေးလုံးများ၊ အရန် လက်နက်ကိရိယာများ၊ တိုက်ခိုက်ရေးနည်းစနစ် ကျမ်းစာအုပ်များနှင့် ရှင်သန်ရေး ထောက်ပံ့ရေးပစ္စည်းများ အများအပြား ပါဝင်သည်။ ထိုလူလေးယောက်၏ ပိုင်ဆိုင်မှု စုစုပေါင်း တန်ကြေးကို အကြမ်းဖျင်း တွက်ချက်ကြည့်လျှင် မဟာနွေရာသီသုံး ငွေကြေး သန်း ၅၀၀ ကျော် ရှိပေမည်။ ထို့အပြင် အကဲဖြတ် ခရစ္စတယ် အလုံး ၄၀၀ ခန့်လည်း ပါဝင်သေးသည်။</p> <p style="text-align:justify"> </p> <p style="text-align:justify">"လူသတ်လုယက်တာက ချမ်းသာဖို့ အမြန်ဆုံးနည်းလမ်း ဆိုတာ တကယ်ပဲ... စွမ်းရည်ပိုင်ရှင်တွေကို သတ်တာက ငွေရှာဖို့ အရမ်း မြန်ဆန်လွန်းတယ်..."</p> <p style="text-align:justify"> </p> <p style="text-align:justify">မှတ်ချက်ချပြီးနောက် ရှုကျင်းမင်က အရာအားလုံးကို သူ၏ ဟင်းလင်းပြင်လက်စွပ်ထဲသို့ ပြောင်းရွှေ့လိုက်သည်။ လက်စွပ်ထဲသို့ ထည့်သွင်း၍ မရသော ဟင်းလင်းပြင်လက်စွပ် လေးကွင်းကိုတော့ သူ၏ ကိုယ်ပေါ်တွင်သာ လုံခြုံစွာသိမ်းဆည်းထားလိုက်သည်။</p> <p style="text-align:justify"> </p> <p style="text-align:justify">"ပစ္စည်းတွေလည်း ရှင်းလင်းပြီးပြီဆိုတော့ ရှေ့ဆက်ရမယ့် အချိန်ရောက်ပြီ" ရှည်လျားစွာ သက်ပြင်းချလိုက်ပြီးနောက် ရှုကျင်းမင်က မြေပြင်ပေါ်မှ မတ်တတ်ရပ်လိုက်သည်။</p> <p style="text-align:justify"> </p> <p style="text-align:justify">"အီဗာ... အနီးနားက သားရဲတွေကို စကင်ဖတ်ပေးပါဦး"</p> <p style="text-align:justify"> </p> <p style="text-align:justify">"ကောင်းပါပြီ... ဒါပေမဲ့ ကျွန်မတို့က အကဲဖြတ် ခရစ္စတယ်တွေကို စုဆောင်းသင့်တာ မဟုတ်ဘူးလား... ဘာလို့ သားရဲတွေကိုပဲ ဒီလောက် အများကြီး လိုက်သတ်နေရတာလဲ"</p> <p style="text-align:justify"> </p> <p style="text-align:justify">"လျှို့ဝှက်ချက် ရှိတယ်လေ... အခွင့်အရေး ရတဲ့အခါကျရင် မင်းကို ပြောပြပါ့မယ်"</p> <p style="text-align:justify"> </p> <p style="text-align:justify">"Sအဆင့်... ရှင်ကတော့လေ ကျွန်မကို စိတ်ဝင်စားအောင် လုပ်တဲ့နေရာမှာ တကယ် ဆရာကျတာပဲ..."</p> <p style="text-align:justify"> </p> <p style="text-align:justify">အီဗာ၏ လမ်းညွှန်မှုအောက်တွင် ရှုကျင်းမင်က သားရဲများကို လိုက်လံ ရှာဖွေသတ်ဖြတ်သည့် အခြေအနေသို့ အလျင်အမြန် ဝင်ရောက်သွားလေသည်။ အချိန်များ ကုန်လွန်လာသည်နှင့်အမျှ ရှုကျင်းမင်က သတ်ဖြတ်ခြင်းတွင် နစ်မြုပ်နေခဲ့ပြီး စနစ် မျက်နှာပြင်ပေါ်ရှိ လွတ်လပ်နေသော စွမ်းရည်အမှတ်များက အလျင်အမြန် တိုးပွားလာခဲ့သည်။</p> <p style="text-align:justify"> </p> <p style="text-align:justify">“၁၀,၀၀၀”</p> <p style="text-align:justify"> </p> <p style="text-align:justify">“၂၀,၀၀၀”</p> <p style="text-align:justify"> </p> <p style="text-align:justify">“၃၀,၀၀၀”</p> <p style="text-align:justify"> </p> <p style="text-align:justify">“၅၀,၀၀၀”</p> <p style="text-align:justify"> </p> <p style="text-align:justify">“၇၀,၀၀၀”</p> <p style="text-align:justify"> </p> <p style="text-align:justify">တစ်လအကြာတွင်တော့ ရှုကျင်းမင်၏ System မျက်နှာပြင်ပေါ်၌ စွမ်းရည်အမှတ် စုစုပေါင်း ၁၀၀,၀၀၀အထိ ပြသနေသည်။</p> <p style="text-align:justify"> </p> <p style="text-align:justify">အမည် - ရှုကျင်းမင်</p> <p style="text-align:justify"> </p> <p style="text-align:justify">အဆင့် - စတုတ္ထအဆင့်လတ် (+)</p> <p style="text-align:justify"> </p> <p style="text-align:justify">ထူးခြားသော စွမ်းရည် - ကောင်းကင်မိုးကြိုး (SS အဆင့်)</p> <p style="text-align:justify"> </p> <p style="text-align:justify">ခန္ဓာကိုယ် ကြံ့ခိုင်မှု - သွေးစွမ်းအင် ၅၆၁၇ (+)</p> <p style="text-align:justify"> </p> <p style="text-align:justify">စိတ်ဝိညာဉ်စွမ်းအား - ၄၁၂၅ ဟတ်ဇ် (+)</p> <p style="text-align:justify"> </p> <p style="text-align:justify">ကျွမ်းကျင်မှု နည်းစနစ်များ - လှံသိုင်း (ဆရာသခင်အဆင့် +)၊ လက်သီးသိုင်း (ဆရာသခင်အဆင့် +)၊ မိုးကြိုးထိုးစစ် နတ်ဆိုးသုတ်သင်လှံ (S အဆင့်၊ အခြေခံအဆင့် +)၊ မိုးကြိုးနတ်ဘုရား လက်ချောင်း (S အဆင့်၊ အခြေခံအဆင့် +)...</p> <p style="text-align:justify"> </p> <p style="text-align:justify">ခန္ဓာကိုယ်ကြံ့ခိုင်ရေး တိုက်ခိုက်ရေးနည်းစနစ် - မသေနိုင်သော မိုးကြိုးခန္ဓာ (S အဆင့်၊ ပဉ္စမအဆင့် +)</p> <p style="text-align:justify"> </p> <p style="text-align:justify">စွမ်းရည်အမှတ်များ - ၁၀၁၄၅၇</p> <p style="text-align:justify"> </p> <p style="text-align:justify">"အဆင့်တက်ဖို့ စွမ်းရည်အမှတ်တွေ လုံလောက်သွားပြီပဲ..."</p> <p style="text-align:justify"> </p> <p style="text-align:justify">ရှုကျင်းမင်က သူ၏လက်ထဲတွင် လှံရှည်ကို ကိုင်ဆောင်ထားရင်း တောနက်ထဲ၌ မားမားမတ်မတ် ရပ်နေခဲ့သည်။ တောက်ပသော အလင်းရောင်များက သစ်ရွက်များကြားမှတစ်ဆင့် အောက်သို့ ဖြာကျနေသည်။ သွေးများဖြင့် ရဲရဲနီနေပြီဖြစ်သော သူ၏ Sအဆင့် တိုက်ပွဲဝင်ဝတ်စုံပေါ်တွင် အလင်းစက်လေးများ ဖြစ်ပေါ်နေသည်။ သူ၏သတ္တုစပ် တိုက်ပွဲဝင်ဘွတ်ဖိနပ်ဘေးတွင် ပဉ္စမအဆင့် သားရဲ သုံးလေးကောင်ခန့် သေဆုံးလဲကျနေသည်။</p> <p style="text-align:justify"> </p> <p style="text-align:justify">သွေးများက လွတ်လပ်စွာ စီးဆင်းနေပြီး အညိုရောင်သန်းနေသော မြေပြင်ကို ရဲရဲနီသွားစေသည်။ သားရဲ၏ ဧရာမ အလောင်းကြီးပေါ်တွင် အနီရောင်ရွှေရောင် လျှပ်စီး အကြွင်းအကျန်များနှင့် လျှပ်စီးတန်းများက ခုန်ပေါက်နေဆဲ ဖြစ်သည်။ ပတ်ဝန်းကျင် တစ်ခုလုံးတွင် အသားကင်နှင့် တူသော အနံ့များ လွှမ်းခြုံနေလေသည်။</p> <p style="text-align:justify"> </p> <p style="text-align:justify">"လှံသိုင်း နဲ့ လက်သီးသိုင်း ပေါင်းစပ်ဖို့ လိုအပ်လိမ့်မယ်လို့ ငါ မထင်ထားခဲ့ဘူး"</p> <p style="text-align:justify"> </p> <p style="text-align:justify">ဆရာသခင်အဆင့် ကျွမ်းကျင်မှုမှ အထွတ်အထိပ် ဆရာကြီးအဆင့် ကျွမ်းကျင်မှုသို့ အဆင့်တက်ရန်အတွက် စွမ်းရည်အမှတ် ၁၀၀,၀၀၀ အထိ လိုအပ်နေပေသည်။ လှံသိုင်းက ရှုကျင်းမင်၏ တိုက်ခိုက်ရေး စွမ်းရည်များကို ကြီးမားစွာ မြှင့်တင်ပေးနိုင်သည်။ သို့သော် အဆင့်တက်ရန် အမှတ် ၁၀၀,၀၀၀ လိုအပ်နေသောကြောင့် လတ်တလောတွင် အမှတ်ပေါင်းထည့်ရန် သူ ရွေးချယ်မည် မဟုတ်ကြောင်းတော့ သေချာနေသည်။</p> <p style="text-align:justify"> </p> <p style="text-align:justify">"ထုံးစံအတိုင်း အဆင့်တက်ဖို့ နေရာတစ်ခု အရင်ရှာရမယ် ပြီးမှ သားရဲတွေကို ဆက်ပြီး အမဲလိုက်တာပေါ့"</p> <p style="text-align:justify"> </p> <p style="text-align:justify">သေဆုံးနေသော အလောင်းထံမှ သားရဲ ပစ္စည်းများကို စုဆောင်းပြီးနောက် ရှုကျင်းမင်က ထိုနေရာမှ အလျင်အမြန် ထွက်ခွာသွားခဲ့သည်။ တောနက်ထဲတွင် ပြေးလွှားနေစဉ် သားရဲတစ်ကောင်၏ ဟိန်းဟောက်သံကို ကြားလိုက်ရသဖြင့် သူ၏ အလိုအလျောက် တုံ့ပြန်မှုအရ ထိုအရပ်ဆီသို့ လှမ်းကြည့်လိုက်သည်။</p> <p style="text-align:justify"> </p> <p style="text-align:justify">မီတာ လေးငါးရာခန့် အကွာတွင် သောင်းကျန်းနေသော ဝက်ဝံကြီးတစ်ကောင်က ၎င်း၏ လက်ဝါးကြီးများကို ရူးသွပ်စွာ ဝှေ့ယမ်းနေပြီး ပတ်ဝန်းကျင်ရှိ သစ်ပင်များကို ပြိုလဲစေနေသည်ကို မြင်လိုက်ရသည်။ စွမ်းရည်ပိုင်ရှင် အဖွဲ့တစ်ဖွဲ့က ထိုဝက်ဝံကြီးကို ဝိုင်းဝန်း တိုက်ခိုက်နေကြသည်။ အနက်ရောင် သံချပ်ကာဝတ်စုံ အပြည့် ဝတ်ဆင်ထားသော သွယ်လျလျ လူရိပ်တစ်ခုက အဝေးမှရပ်ကာ တိုက်ပွဲကို စောင့်ကြည့်နေပုံရသည်။</p> <p style="text-align:justify"> </p> <p style="text-align:justify">ထိုသူကား အပျက်အစီး လျှို့ဝှက်နယ်မြေ အတွင်းသို့ မဝင်ရောက်မီက ရှုကျင်းမင် မြင်တွေ့ခဲ့ရသော ဆာကူရာနိုင်ငံမှ Sအဆင့် စွမ်းရည်ပိုင်ရှင် ဆာကူရာဂီ ရင်းပင် ဖြစ်လေတော့သည်။</p> <p style="text-align:justify"> </p> <p style="text-align: center;">***</p> <p style="text-align:justify"> </p>


Save