Book List

<h2 style="text-align: center;">အခန်း ၃၄၆</h2> <h2 style="text-align: center;">အခြေစိုက်စခန်းပွင့်ခြင်းနှင့် အဆင့်သတ်မှတ်ချက်</h2> <h2 style="text-align: center;">*</h2> <p style="text-align:justify"> </p> <p style="text-align:justify">"ဟင်..."</p> <p style="text-align:justify"> </p> <p style="text-align:justify">ဝက်ဝံကြမ်း သိုင်းသင်တန်းကျောင်းမှ ဝမ်ဟုန်သာမက ချင်းကျိန့်ကိုယ်တိုင်လည်း အနည်းငယ် အံ့ဩသွားရသည်။ ရှုကျင်းမင်၏ ယခင်က သဘောထားအရဆိုလျှင် သူက အချိန်အတော်ကြာ စည်းရုံးရမည်ဟု ပြင်ဆင်ထားခဲ့ခြင်း ဖြစ်သည်။ သို့သော်လည်း ဤမျှလွယ်လွယ်ကူကူ သဘောတူလိမ့်မည်ဟု သူ မထင်ထားခဲ့ပေ။ ချင်းကျိန့်က အံ့ဩဝမ်းသာစွာဖြင့် ရှုကျင်းမင်ကို မိုးကြိုးသိုင်းသင်တန်းကျောင်း အဖွဲ့ရှိရာသို့ ခေါ်ဆောင်သွားပြီး ပြုံးလျက် မိတ်ဆက်ပေးလိုက်သည်။</p> <p style="text-align:justify"> </p> <p style="text-align:justify">"မင်းကို မိတ်ဆက်ပေးပါရစေဦး... သူတို့က ပါရမီရှင် လေ့ကျင့်ရေးစခန်းက ကျောင်းသားတွေပဲ... လင်းဟွေ၊ ရှာလန်..."</p> <p style="text-align:justify"> </p> <p style="text-align:justify">ချင်းကျိန့်၏ မိတ်ဆက်ပေးမှုကြောင့် ရှုကျင်းမင်က မိုးကြိုးအဖွဲ့မှ လူတိုင်းနှင့် အလှည့်ကျ လက်ဆွဲနှုတ်ဆက်လိုက်သည်။ ထိုအထဲတွင် ဟင်းလင်းပြင် စွမ်းရည်ရှိသည့် ရှာလန်လည်း ပါဝင်ပေသည်။</p> <p style="text-align:justify"> </p> <p style="text-align:justify">"စုချန်း... ပါရမီရှင် လေ့ကျင့်ရေးစခန်း ဌာနချုပ်မှာ မင်းကို တွေ့ဖို့ မျှော်လင့်နေမယ်နော်"</p> <p style="text-align:justify"> </p> <p style="text-align:justify">ငွေဖြူရောင် တိုက်ပွဲဝင်ဝတ်စုံကို ဝတ်ဆင်ထားသော ရှာလန်က သူမ၏ လှပသော မျက်နှာလေးတွင် အပြုံးတစ်ခုဖြင့် ရှုကျင်းမင်ကို ကြိုဆိုနှုတ်ဆက်သည်။ သူမက ရှုကျင်းမင်နှင့် ခပ်ဖွဖွလေး လက်ဆွဲနှုတ်ဆက်ပြီးနောက် ပြန်လွှတ်လိုက်ရာ သူမ၏ သဘောထားမှာ အလွန်ပင် ရင်းနှီးဖော်ရွေလှသည်။</p> <p style="text-align:justify"> </p> <p style="text-align:justify">တကယ်တော့ သူမသာမက လင်းဟွေနှင့် အခြားသူများမှာလည်း ရင်းနှီးသော သဘောထားရှိကြသည်။ ရှုကျင်းမင် ပြသခဲ့သော စွမ်းရည်များအရဆိုလျှင် သင်တန်းကျောင်း ဝင်ခွင့်စာမေးပွဲမှာ အခမ်းအနားတစ်ခုမျှသာ ဖြစ်ပေလိမ့်မည်။ သူ သင်တန်းကျောင်းထဲ ရောက်လာမှာကတော့ သေချာသလောက်ပင်။ ထိုကဲ့သို့သော ပါရမီရှင်မျိုးနှင့် မည်သူမျှ ရန်သူမဖြစ်လိုကြပေ။</p> <p style="text-align:justify"> </p> <p style="text-align:justify">"ဒီကောင်က တကယ်ပဲ မိုးကြိုးသိုင်းသင်တန်းကျောင်းထဲ ဝင်နိုင်သွားတာပဲ" မလှမ်းမကမ်းမှ လော့ဟန်က မနာလိုသလို ရေရွတ်လိုက်သည်။ သူမက ရှုကျင်းမင် သင်တန်းကျောင်းဝင်နိုင်သည်ကို မနာလိုဖြစ်ခြင်း မဟုတ်ဘဲ ရှာလန်၏ လက်ကလေးကို ကိုင်ခွင့်ရသွားသည်ကို မနာလိုဖြစ်နေခြင်း ဖြစ်သည်။</p> <p style="text-align:justify"> </p> <p style="text-align:justify">"ကောင်းသော စကားတွေအတွက် ကျေးဇူးတင်ပါတယ်"</p> <p style="text-align:justify"> </p> <p style="text-align:justify">ရှုကျင်းမင်ကလည်း ရှာလန်ကို ယဉ်ကျေးစွာ ပြုံးပြလိုက်ပြီးနောက် ဘေးတွင်ရပ်ကာ အကဲဖြတ်ပွဲ ပြီးဆုံးမည့်အချိန်ကို တိတ်ဆိတ်စွာ စောင့်ဆိုင်းနေတော့သည်။ အချိန်များမှာ တစ်စက္ကန့်ပြီး တစ်စက္ကန့် ကုန်လွန်သွားသည်။ မကြာမီမှာပင် ကောင်းကင်ယံရှိ ရှေးဟောင်းစာလုံးများဖြင့် ရေးထိုးထားသော အချိန်တွက်ချက်မှုမှာ အဆုံးသို့ ရောက်ရှိလာတော့သည်။</p> <p style="text-align:justify"> </p> <p style="text-align:justify">အကဲဖြတ်ရန် ကျန်ရှိသော အချိန် - ဝ ရက်၊ ဝ နာရီ၊ ဝ မိနစ်၊ ဝ စက္ကန့်</p> <p style="text-align:justify"> </p> <p style="text-align:justify">"ရက်ပေါင်း ၆၀ ကြာ အကဲဖြတ်ပွဲ ပြီးဆုံးပါပြီ... စမ်းသပ်မှုကို အောင်မြင်စွာ ပြီးဆုံးခဲ့ကြတဲ့ ထူးချွန်တဲ့ စစ်သည်တော်များအားလုံးကို ဂုဏ်ယူပါတယ် အခု အဓိက အခြေစိုက်စခန်းကို ဖွင့်လှစ်ပေးလိုက်ပါပြီ"</p> <p style="text-align:justify"> </p> <p style="text-align:justify">အချိန်တွက်ချက်မှု သုညသို့ ရောက်သည်နှင့် ရှေ့ရှိ အခြေစိုက်စခန်းအတွင်းမှ ခန့်ညားထည်ဝါသော အသံကြီးတစ်သံ ရုတ်တရက် ထွက်ပေါ်လာသည်။ အမြင့် ၁၀ မီတာကျော်နှင့် အနံ ၂၀ မီတာရှိသော အခြေစိုက်စခန်း၏ သတ္တုစပ် တံခါးကြီးမှာ ဖြည်းညင်းစွာ ပွင့်လာတော့သည်။ အပြင်ဘက်တွင် စောင့်နေကြသော စွမ်းရည်ပိုင်ရှင်များမှာလည်း အထဲသို့ အလုအယက် တိုးဝင်သွားကြသည်။</p> <p style="text-align:justify"> </p> <p style="text-align:justify">"အခြေစိုက်စခန်း ပွင့်ပြီ... အထဲဝင်ရအောင်"</p> <p style="text-align:justify"> </p> <p style="text-align:justify">ရှုကျင်းမင်က ချင်းကျိန့် ဦးဆောင်သော မိုးကြိုးအဖွဲ့နှင့်အတူ အခြေစိုက်စခန်းအတွင်းသို့ လိုက်ပါဝင်ရောက်ခဲ့သည်။</p> <p style="text-align:justify"> </p> <p style="text-align:justify">"ဒါက ရှေးဟောင်းယဉ်ကျေးမှု အပျက်အစီးရဲ့ အဓိက အခြေစိုက်စခန်းလား... သိပ္ပံစိတ်ကူးယဉ် ရုပ်ရှင်တွေထဲကအတိုင်းပဲ"</p> <p style="text-align:justify"> </p> <p style="text-align:justify">"ဟုတ်တယ်... ပစ္စည်းတော်တော်များများမှာ ခေတ်သစ်နည်းပညာတွေရဲ့ အခြေခံပုံစံတွေကို မြင်နေရသလိုပဲ"</p> <p style="text-align:justify"> </p> <p style="text-align:justify">ရောက်လာသော စွမ်းရည်ပိုင်ရှင် အများစုမှာ ရှေးဟောင်းယဉ်ကျေးမှု အပျက်အစီးထဲသို့ ပထမဆုံးအကြိမ် ဝင်ဖူးခြင်း ဖြစ်သည်။ အထဲရောက်သည်နှင့် လူတိုင်းမှာ ရှုကျင်းမင်ကဲ့သို့ပင် စူးစမ်းလိုစိတ်ဖြင့် ပတ်ဝန်းကျင်ကို ဝေ့ဝဲကြည့်နေကြသည်။ ယခင်က သူက အပျက်အစီး နယ်မြေဆိုလျှင် ဟောင်းနွမ်းစုတ်ပြတ်နေသော နေရာတစ်ခုဟု ထင်ခဲ့သော်လည်း အမှန်တကယ်မှာမူ ဆန့်ကျင်ဘက်ပင် ဖြစ်နေသည်။</p> <p style="text-align:justify"> </p> <p style="text-align:justify">ခန်းမတစ်ခုလုံးမှာ ဟောင်းနွမ်းနေခြင်း မရှိဘဲ အလွန်ပင် သန့်ရှင်းနေ၏။ နံရံများနှင့် မျက်နှာကြက်များတွင် လင်းထိန်နေသော အလင်းတန်းများ ရှိနေပြီး အနက်ရောင် ကြိုးများကိုလည်း သေသေသပ်သပ် တပ်ဆင်ထားသည်။ ဤနေရာမှာ အာကာသယာဉ်တစ်စင်း၏ ထိန်းချုပ်ခန်းထဲသို့ ရောက်သွားသလိုမျိုး ခံစားရစေသည်။</p> <p style="text-align:justify"> </p> <p style="text-align:justify">"စမ်းသပ်မှုကို ပြီးဆုံးခဲ့တဲ့ စစ်သည်တော်များအားလုံးကို ဂုဏ်ယူပါတယ် အခု ရှေ့ကိုလာပြီး ဆုလာဘ်တွေကို ထုတ်ယူနိုင်ပါပြီ"</p> <p style="text-align:justify"> </p> <p style="text-align:justify">မျက်နှာကြက်မှ ပုံရိပ်ယောင် အလင်းတန်းများ ကျဆင်းလာပြီး ခန်းမ၏ အရှေ့ဘက်တွင် တောက်ပသော အလင်းလုံးကြီးတစ်ခုအဖြစ် စုစည်းသွားသည်။ တစ်ချိန်တည်းမှာပင် မြေပြင်မှ အချင်း ၅၀ စင်တီမီတာခန့်ရှိပြီး လူတစ်ယောက် ရပ်နိုင်လောက်သော စက်ဝိုင်းပုံစံ အောက်ခြေခုံ ၁၀ ခု ရုတ်တရက် ပေါ်ထွက်လာသည်။</p> <p style="text-align:justify"> </p> <p style="text-align:justify">"တစ်ကြိမ်မှာ လူ ၁၀ ယောက်စီ လာပါ... အကဲဖြတ် ခရစ္စတယ်ကို အောက်ခြေခုံထဲ ထည့်ပြီးရင် ဆုလာဘ်ကို လက်ခံဖို့ အပေါ်မှာ တက်ရပ်ပါ"</p> <p style="text-align:justify"> </p> <p style="text-align:justify">အလင်းလုံးအတွင်းမှ စက်ရုပ်သံကဲ့သို့ အီလက်ထရွန်နစ် အသံထွက်ပေါ်လာပြီး အီဗာက ဘာသာပြန်ပေးလိုက်သဖြင့် ရှုကျင်းမင်၏ နားထဲသို့ ရောက်လာသည်။</p> <p style="text-align:justify"> </p> <p style="text-align:justify">"နောက်ဆုံးတော့ ဆုလာဘ် ထုတ်ရမယ့် အချိန်ရောက်ပြီ"</p> <p style="text-align:justify"> </p> <p style="text-align:justify">"သွားစို့... ပြင်ဆင်ထားကြ"</p> <p style="text-align:justify"> </p> <p style="text-align:justify">"ဟားဟား... ငါတော့ ကောင်းတဲ့ ဆုလာဘ်တွေ ရဖို့ မျှော်လင့်တယ်"</p> <p style="text-align:justify"> </p> <p style="text-align:justify">စကားအဆုံးတွင် လူ ၁၀ ယောက်မှာ တန်းစီနေရာမှ ထွက်လာကြသည်။ သူတို့က အကဲဖြတ် ခရစ္စတယ်များကို အောက်ခြေခုံထဲ ထည့်လိုက်ပြီးနောက် အပေါ်တွင် တက်ရပ်လိုက်ကြသည်။ ချက်ချင်းဆိုသလိုပင် အောက်ခြေခုံမှ အပြာနုရောင် ပုံရိပ်ယောင် အလင်းတန်းများ ထွက်ပေါ်လာပြီး သူတို့၏ တစ်ကိုယ်လုံးကို ထိပ်ဆုံးမှ ခြေဖျားအထိ စကင်ဖတ်လိုက်တော့သည်။ ထို့နောက်တွင် စက်သံများ ထွက်ပေါ်လာသည်။</p> <p style="text-align:justify"> </p> <p style="text-align:justify">"စစ်သည်တော် နံပါတ် ၁ အကဲဖြတ် ခရစ္စတယ် စုစုပေါင်း ၁၂၄ ခု သုံးထားသည်။ ပါရမီ အသင့်အတင့်ရှိသည်။ အလုံးစုံ အဆင့်သတ်မှတ်ချက် - သာမန်။ ဆုလာဘ် - Aအဆင့် ကျင့်ကြံရေး အရင်းအမြစ် တစ်ခု"</p> <p style="text-align:justify"> </p> <p style="text-align:justify">"စစ်သည်တော် နံပါတ် ၂ အကဲဖြတ် ခရစ္စတယ် စုစုပေါင်း ၃၄၅ ခု သုံးထားသည်။ ပါရမီ အသင့်အတင့် ရှိသည်။ အလုံးစုံ အဆင့်သတ်မှတ်ချက် - သာမန်။ ဆုလာဘ် - Aအဆင့် တိုက်ခိုက်ရေးနည်းစနစ် တစ်ခု"</p> <p style="text-align:justify"> </p> <p style="text-align:justify">တက်သွားသော ၁၀ ယောက်လုံးမှာ သူတို့၏ ကိုယ်ပိုင် အကဲဖြတ်ချက်နှင့် ဆုလာဘ်များကို ရရှိခဲ့ကြသည်။ သတိပြုရမည့်အချက်မှာ လူတိုင်း၏ အဆင့်သတ်မှတ်ချက်မှာ သာမန် သာ ဖြစ်နေခြင်းပင်။ မှတ်တမ်းများအရ အမှတ် ၉ ယဉ်ကျေးမှု အပျက်အစီး၏ အဆင့်သတ်မှတ်ချက်ကို သာမန်၊ ရှားပါး နှင့် ထူးကဲ ဟူ၍ သုံးမျိုး ခွဲခြားထားသည်။</p> <p style="text-align:justify"> </p> <p style="text-align:justify">"Sအဆင့်ရှင်ရေ... ရှင့်မှာ SSအဆင့် စွမ်းရည်ရှိတာဆိုတော့ မကြာခင် ထူးကဲ အဆင့် သတ်မှတ်ချက်ကို ရတော့မှာပါ" အီဗာ၏ အသံက ရှုကျင်းမင်၏ နားထဲတွင် ပျံ့လွင့်လာသည်။</p> <p style="text-align:justify"> </p> <p style="text-align:justify">တစ်ချိန်တည်းမှာပင် အခြားသော ကြည်လင်ပြတ်သားသည့် အသံတစ်ခုကလည်း သူ၏ စိတ်ထဲ၌ တိုက်ရိုက် ပေါ်လာသည်။</p> <p style="text-align:justify"> </p> <p style="text-align:justify">"သခင်... အကဲဖြတ် ခရစ္စတယ် ၅၀၀၀၀ နဲ့ SSအဆင့် စွမ်းရည်ဆိုရင် သခင်က ထူးကဲ အဆင့် သတ်မှတ်ချက်ကို ရမှာ သေချာပါတယ်"</p> <p style="text-align:justify"> </p> <p style="text-align:justify">ဒါက ဆာကူရာဂီ ရင်း၏ အသံပင် ဖြစ်သည်။ ပြောင်းပြန်စာချုပ် ချုပ်ဆိုပြီးကတည်းက သူမသည် ရှင်နီဂါမီ ဟင်းလင်းပြင်ထဲမှာ ရှိနေသော်လည်း ရှုကျင်းမင်မှတစ်ဆင့် ပြင်ပကမ္ဘာကို အာရုံခံနိုင်ပြီး စိတ်ဝိညာဉ်စွမ်းအားဖြင့် ဆက်သွယ်နိုင်ခြင်း ဖြစ်သည်။ ထူးကဲအဆင့် သတ်မှတ်ချက်ဆိုရင် အနည်းဆုံးတော့ SSအဆင့် အရင်းအမြစ်တစ်ခု ရမှာပဲ ရှုကျင်းမင် တိတ်တဆိတ် တွေးလိုက်သည်။</p> <p style="text-align:justify"> </p> <p style="text-align:justify">သာမန်အဆင့်ဆိုလျှင် Aအဆင့် အရင်းအမြစ် ရှားပါးအဆင့်ဆိုလျှင် Sအဆင့် အရင်းအမြစ်နှင့် ထူးကဲအဆင့်ဆိုလျှင် SSအဆင့် အရင်းအမြစ်များ ရရှိတတ်ကြောင်း ယခင်နှစ်များက အပျက်အစီး နယ်မြေသို့ ရောက်ဖူးသူများ၏ အဆိုအရ သိရသည်။ ထူးကဲအဆင့် သတ်မှတ်ချက်မှာ အလွန်ပင် ရှားပါးလှပြီး အမှတ် ၉ ယဉ်ကျေးမှု အပျက်အစီးကို စတင်တွေ့ရှိကတည်းက လက်ချိုးရေတွက်၍ ရနိုင်လောက်အောင်သာ ပေါ်ထွက်ခဲ့ဖူးခြင်း ဖြစ်သည်။</p> <p style="text-align:justify"> </p> <p style="text-align:justify">ပထမအုပ်စု ဆုလာဘ်များ ထုတ်ယူပြီးနောက် နောက်တစ်အုပ်စုမှာလည်း လျင်မြန်စွာ ရှေ့သို့ တက်လာကြသည်။ ထိုစွမ်းရည်ပိုင်ရှင် အများစုမှာလည်း သာမန် အဆင့်သာ သတ်မှတ်ခံရပြီး ရှားပါး အဆင့်မှာမူ အလွန်ပင် နည်းပါးလှသည်။ မကြာမီမှာပင် လူဦးရေ၏ ထက်ဝက်ခန့်မှာ ဆုလာဘ်များ ရရှိသွားကြပြီ ဖြစ်သည်။</p> <p style="text-align:justify"> </p> <p style="text-align:justify">ဆုလာဘ်ရရှိသူ အများစုမှာ မျက်နှာတွင် အပြုံးများ ရှိနေကြသော်လည်း ထျန်းယွီ သိုင်းသင်တန်းကျောင်းမှ လူများမှာမူ အလွန်ပင် တည်ငြိမ် လေးနက်နေကြသည်။ သူတို့က တစ်စုံတစ်ယောက် ရောက်လာမှာကို စောင့်နေသည့်အလား အခြေစိုက်စခန်း အပြင်ဘက်ကို ခဏခဏ လှည့်ကြည့်နေကြသည်။ ထိုထူးဆန်းသော မြင်ကွင်းကြောင့် အခြားစွမ်းရည်ပိုင်ရှင်များကြားတွင် ဆွေးနွေးမှုများ ပေါ်ထွက်လာတော့သည်။</p> <p style="text-align:justify"> </p> <p style="text-align:justify">"ထျန်းယွီ အဖွဲ့ကလူတွေ ဘာဖြစ်နေတာလဲ... သူတို့ကြည့်ရတာ တစ်မျိုးပဲ"</p> <p style="text-align:justify"> </p> <p style="text-align:justify">"မင်း မသိဘူးလား... သူတို့ရဲ့ Sအဆင့် စွမ်းရည်ပိုင်ရှင် နတ်ဘုရားမ ဆာကူရာဂီ ရင်း ပျောက်နေတာ ၁၀ ရက်ကျော်ပြီလေ"</p> <p style="text-align:justify"> </p> <p style="text-align:justify">"ပျောက်နေတာလား အဲဒါကြောင့် အခြေစိုက်စခန်းမှာ သူမကို မတွေ့တာကိုး"</p> <p style="text-align:justify"> </p> <p style="text-align:justify">"တောက်... ဒီလောက်ရက်တွေအထိ ပျောက်နေတာဆိုရင်တော့ သူမ အန္တရာယ်ရှိမှာ သေချာသလောက်ပဲ။ အဲဒီကောင်မလေးက တကယ်ကို လှတာဗျာ"</p> <p style="text-align:justify"> </p> <p style="text-align:justify">Sအဆင့် စွမ်းရည်ပိုင်ရှင်ဆိုသည်မှာ အလွန်ပင် ရှားပါးလှသည်။ အထူးသဖြင့် ဂျပန်ကဲ့သို့ လူဦးရေ သိပ်မများသော နိုင်ငံလေးအတွက်ဆိုလျှင် ၁၀ နှစ်မှ တစ်ယောက် ပေါ်ထွက်ရန်ပင် ခဲယဉ်းလှသည်။ သူတို့သာ အားကောင်းလာပါက ဆာကူရာနိုင်ငံကို ယခုထက် ပိုမို တိုးတက်လာအောင် လုပ်ဆောင်နိုင်မှာ ဖြစ်သည်။ ထို့ကြောင့် ဆာကူရာဂီ ရင်း ပျောက်ဆုံးသွားမှုက ထျန်းယွီ အဖွဲ့အတွက်သာမက ဆာကူရာနိုင်ငံတစ်ခုလုံးအတွက်ပါ အလွန်အရေးကြီးလှသည်။</p> <p style="text-align:justify"> </p> <p style="text-align:justify">စွမ်းရည်ပိုင်ရှင် အများစုမှာ ထိုအကြောင်းကို တိုးတိုးတိတ်တိတ်သာ ပြောဆိုရဲကြသည်။ မိုးကြိုးသိုင်းသင်တန်းကျောင်းမှ လူအချို့ကလည်း ပါရမီရှင်တစ်ဦး ငယ်ငယ်ရွယ်ရွယ်နှင့် သေဆုံးသွားရသည့်အတွက် နှမြောတသဖြစ်မိကြသည်။</p> <p style="text-align:justify"> </p> <p style="text-align:justify">ရှုကျင်းမင်က ပတ်ဝန်းကျင်မှ ဆွေးနွေးမှုများကို နားထောင်ရင်း သူ၏ မျက်နှာတွင် ထူးဆန်းသော အမူအရာတစ်ခု ပေါ်လာသည်။ လူတိုင်း စိတ်ဝင်တစား ဖြစ်နေကြသော ဆာကူရာဂီ ရင်းမှာ သူ့နောက်မှာ အမြဲတမ်း ပါလာပြီး သူ့ရဲ့ အစေအပါး ဖြစ်နေပြီဆိုတာကို ဘယ်သူ သိမှာလဲ။</p> <p style="text-align:justify"> </p> <p style="text-align: center;">***</p> <p style="text-align:justify"> </p>


Save