Book List

<h2 style="text-align: center;">အခန်း ၃၄၈</h2> <h2 style="text-align: center;">ဒဏ္ဍာရီလာ အဆင့်သတ်မှတ်ချက်</h2> <h2 style="text-align: center;">*</h2> <p style="text-align:justify"> </p> <p style="text-align:justify">ခန်းမဆောင်အတွင်း၌ ခရစ္စတယ်များ တစ်ခုနှင့်တစ်ခု ထိမှန်သံမှာ ကြည်လင်ပြတ်သားစွာ ပဲ့တင်ထပ်နေသည်။ ခန်းမထဲရှိ စွမ်းရည်ပိုင်ရှင်အားလုံးမှာ အမှတ် ၅ စမ်းသပ်စင်ပေါ်၌ အကဲဖြတ် ခရစ္စတယ်များကို မရပ်မနား ထုတ်ယူနေသည့် လူငယ်ကို ကြောင်စီစီဖြင့် ငေးကြည့်နေကြသည်။ ဘေးရှိ ကိန်းဂဏန်းပြကွက်မှာ ယခုအခါ ၃၀၀၀၀ ကိုပင် ကျော်လွန်သွားသည်။</p> <p style="text-align:justify"> </p> <p style="text-align:justify">"ဒီလောက်တောင် များလှချည်လား... စုချန်းက ဒါတွေကို ဘယ်လိုလုပ်ပြီး ရလာတာလဲ" လင်းဟွေနှင့် အခြားသူများမှာ ဆွံ့အလျက် ရှိနေကြသည်။</p> <p style="text-align:justify"> </p> <p style="text-align:justify">ခုနက အကဲဖြတ်ပွဲတွင် ခရစ္စတယ်အများဆုံး ရရှိသည့် အဖွဲ့ပင်လျှင် တစ်သောင်းကျော်သာ ထုတ်နိုင်ခဲ့ခြင်း ဖြစ်သည်။</p> <p style="text-align:justify"> </p> <p style="text-align:justify">"ဒါက..." မိုးကြိုးသိုင်းသင်တန်းကျောင်းမှ ချင်းကျိန့်မှာလည်း အလွန်အမင်း အံ့အားသင့်နေမိသည်။</p> <p style="text-align:justify"> </p> <p style="text-align:justify">စုချန်းက ခုနက သူ့စေတနာကို ငြင်းခဲ့ခြင်းမှာ မာနကြီး၍ မဟုတ်ဘဲ သူ့ထံတွင် ခရစ္စတယ်များစွာ တကယ်ရှိနေ၍သာ ဖြစ်ကြောင်း သူ သိလိုက်ရသည်။</p> <p style="text-align:justify"> </p> <p style="text-align:justify">"ခရစ္စတယ် အရေအတွက်က ၄၀၀၀၀ ရောက်သွားပြီ"</p> <p style="text-align:justify"> </p> <p style="text-align:justify">"ရှူး... ကြောက်စရာကြီးဗျာ သူများ တစ်နေရာရာမှာ ဝှက်ထားတဲ့ ရတနာတွေကို သွားတွေ့ခဲ့တာလား မသိဘူး"</p> <p style="text-align:justify"> </p> <p style="text-align:justify">မိုးကြိုးအဖွဲ့သားများသာမက အခြားသော စွမ်းရည်ပိုင်ရှင်များမှာလည်း ရှုကျင်းမင်အကြောင်းကို တီးတိုးဆွေးနွေးနေကြသည်။ အခြားသော စမ်းသပ်စင်များ၌ပင် မည်သူမျှ ဆုသွားမထုတ်ရဲကြတော့ဘဲ သူ ခရစ္စတယ် မည်မျှအထိ ထုတ်နိုင်ဦးမည်ကိုသာ စောင့်ကြည့်နေကြတော့သည်။</p> <p style="text-align:justify"> </p> <p style="text-align:justify">ဆာကူရာနိုင်ငံ၏ ထျန်းယွီ သိုင်းသင်တန်းကျောင်း အဖွဲ့ဘက်တွင်မူ အလယ်အလတ်အရွယ် လူတစ်ဦးသည် ရှုကျင်းမင်ကို စူးစူးစိုက်စိုက် ကြည့်နေသည်။ သူ၏ မျက်လုံးများထဲတွင် အေးစက်သော လူသတ်အငွေ့အသက်များ ပြည့်နှက်နေသည်။ သူ၏ အမည်မှာ ယာမာဂူချီ အီချီဂျိဖြစ်ပြီး ဆာကူရာဂီ ရင်း ပြီးလျှင် ထျန်းယွီ အဖွဲ့၏ ဒုတိယခေါင်းဆောင် ဖြစ်သည်။</p> <p style="text-align:justify"> </p> <p style="text-align:justify">ဆာကူရာဂီ ရင်းတွင် အကဲဖြတ် ခရစ္စတယ် ၅၀၀၀၀ ကျော်ရှိကြောင်း သူ မှတ်မိနေသည်။ ယခု ဆာကူရာဂီ ရင်း ပျောက်ဆုံးနေချိန်တွင် ခရစ္စတယ် အများဆုံး ထုတ်ယူနိုင်သူမှာ အဓိက သံသယရှိသူ ဖြစ်လာသည်။</p> <p style="text-align:justify"> </p> <p style="text-align:justify">“ဒီကောင်က စတုတ္ထအဆင့်မြင့်လောက်ပဲ ရှိတာ... ဆာကူရာဂီ ရင်း ရဲ့ ဆဋ္ဌမအဆင့် လေးယောက်နဲ့ ပဉ္စမအဆင့် တစ်ယောက်ပါတဲ့ အဖွဲ့ကို သူက ဘယ်လိုလုပ်ပြီး အလဲထိုးနိုင်မှာလဲ ဒါပေမဲ့ ဒါက လက်ရှိ သူတို့မှာရှိတဲ့ တစ်ခုတည်းသော သဲလွန်စပဲ ဘယ်လိုပဲဖြစ်ဖြစ် ဒီကောင်ကို အရင်ဆုံး ဖမ်းထားရမယ်...”</p> <p style="text-align:justify"> </p> <p style="text-align:justify">ထိုသို့တွေးတောရင်း သူက ဘေးရှိ ဆဋ္ဌမအဆင့် စွမ်းရည်ပိုင်ရှင်တစ်ဦးကို ဂျပန်ဘာသာဖြင့် တိုးညင်းစွာ အမိန့်ပေးလိုက်သည်။</p> <p style="text-align:justify"> </p> <p style="text-align:justify">"အမိန့်ပေးလိုက်စမ်း... ဒီ မဟာနွေရာသီ တိုင်းပြည်ကကောင် ဆုထုတ်ပြီးတာနဲ့ သူ့ကို ချက်ချင်း ဖမ်းလိုက်"</p> <p style="text-align:justify"> </p> <p style="text-align:justify">ထိုသူမှာ လန့်သွားပြီး တွန့်ဆုတ်စွာဖြင့် ပြောလိုက်သည်။ "သူက မဟာနွေရာသီ မိုးကြိုးသိုင်းသင်တန်းကျောင်းကလေ... ငါတို့ ဒီလိုလုပ်တာက နည်းနည်းတော့ ပြင်းထန်မသွားဘူးလား"</p> <p style="text-align:justify"> </p> <p style="text-align:justify">မဟာနွေရာသီ တိုင်းပြည်နှင့် နှိုင်းယှဉ်ပါက ဆာကူရာနိုင်ငံမှာ အလွန်ပင် အားနည်းလှသည်။ မိုးကြိုးသိုင်းသင်တန်းကျောင်း တစ်ခုတည်း၏ စွမ်းအားကပင် သူတို့နိုင်ငံကို အပြတ်ရှင်းပစ်ရန် လုံလောက်လှသည်။ အကယ်၍ လူဖမ်းရာမှ ပဋိပက္ခဖြစ်ခဲ့ပါက အခြေအနေများမှာ ရှုပ်ထွေးသွားပေလိမ့်မည်။</p> <p style="text-align:justify"> </p> <p style="text-align:justify">"နတ်ဘုရားမက အစအနမကျန် ပျောက်နေတာ... ဒါက ငါတို့အတွက် တစ်ခုတည်းသော သဲလွန်စပဲ မင်း နတ်ဘုရားမကို ရှာမတွေ့ရင် အပြင်ရောက်တဲ့အခါ ကိုယ့်ကိုယ်ကိုယ် သတ်သေပြီး အပြစ်ပေးခံဖို့ ပြင်ထားလိုက်" ယာမာဂူချီက တည်ငြိမ်စွာ ပြောလိုက်သည်။</p> <p style="text-align:justify"> </p> <p style="text-align:justify">ဆာကူရာဂီ ရင်းက ထျန်းယွီ အဖွဲ့နှင့် ဆာကူရာနိုင်ငံ တစ်ခုလုံးအတွက် ကြီးမြတ်သော မျှော်လင့်ချက် ဖြစ်သည်။ သူမကို ရှာမတွေ့ပါက သူတို့အားလုံး အသက်ရှင်ချင်ကြတော့မှာ မဟုတ်ပေ။ ထိုအခါမှသာ အမိန့်ပေးခံရသူမှာ အခြေအနေကို သဘောပေါက်သွားပြီး "ဟုတ်ကဲ့ပါ" ဟု ပြန်ထူးကာ အခြားစွမ်းရည်ပိုင်ရှင်များကို အသိပေးရန် အမြန် ထွက်သွားတော့သည်။</p> <p style="text-align:justify"> </p> <p style="text-align:justify">ခန်းမဆောင်အတွင်းရှိ လူအပေါင်း၏ အကြည့်များအောက်တွင် ရှုကျင်းမင်က သူ၌ရှိသော ခရစ္စတယ်အားလုံးကို ထည့်သွင်းလိုက်ရာ စုစုပေါင်း ၅၃၀၀၀ အထိ ရှိသွားခဲ့သည်။ ထို့နောက်တွင် သူကိုယ်တိုင် စမ်းသပ်စင်ပေါ်သို့ တက်လှမ်းလိုက်တော့သည်။</p> <p style="text-align:justify"> </p> <p style="text-align:justify">သူ့ခြေဖောက်အောက်ရှိ စက်ကိရိယာမှာ စတင် လည်ပတ်လာပြီး ရှုကျင်းမင်၏ ခန္ဓာကိုယ်တစ်ခုလုံးကို စကန်ဖတ်လိုက်သည်။ စက္ကန့်အနည်းငယ် ကြာပြီးနောက် အောက်ခြေခုံမှ စူးရှတောက်ပသော ရွှေရောင် အလင်းတန်းများ ပန်းထွက်လာတော့သည်။ တစ်ချိန်တည်းမှာပင် ရှေ့ရှိ အလင်းလုံးကြီးအတွင်းမှ ခန့်ညားသော အသံကြီး ထွက်ပေါ်လာသည်။</p> <p style="text-align:justify"> </p> <p style="text-align:justify">"စစ်သည်တော် နံပါတ် ၅၊ အကဲဖြတ် ခရစ္စတယ် စုစုပေါင်း ၅၃၂၁၁ ခု သုံးထားသည်။ ဒဏ္ဍာရီလာ ပါရမီ ရှိသည်။ အလုံးစုံ အဆင့်သတ်မှတ်ချက် - ဒဏ္ဍာရီလာ ဆုလာဘ် - အမှတ် ၀၀၃ အမွေအနှစ် တစ်ခု"</p> <p style="text-align:justify"> </p> <p style="text-align:justify">စကားအဆုံးတွင် ခန်းမတစ်ခုလုံး၌ အုတ်အော်သောင်းနင်း ဖြစ်သွားတော့သည်။</p> <p style="text-align:justify"> </p> <p style="text-align:justify">"ဒဏ္ဍာရီလာ အဆင့်သတ်မှတ်ချက် ဟုတ်လား အမှတ် ၉ အခြေစိုက်စခန်းမှာ အမြင့်ဆုံးက ထူးကဲ အဆင့် မဟုတ်ဘူးလား"</p> <p style="text-align:justify"> </p> <p style="text-align:justify">"မင်း သတိမထားမိဘူးလား... ဒါက အခြေစိုက်စခန်းရဲ့ စံချိန်ကို ချိုးလိုက်တာပဲ"</p> <p style="text-align:justify"> </p> <p style="text-align:justify">"မယုံနိုင်စရာပဲဗျာ ခရစ္စတယ် ၅၀၀၀၀ ကျော်က ဒီလောက်အထိ စွမ်းတာလား"</p> <p style="text-align:justify"> </p> <p style="text-align:justify">"ဒါက ခရစ္စတယ်တွေကြောင့်တင် မဟုတ်ဘူး... သူ့ရဲ့ ပါရမီကို ဒဏ္ဍာရီလာ အဆင့် သတ်မှတ်လိုက်လို့ပဲ"</p> <p style="text-align:justify"> </p> <p style="text-align:justify">ကနဦး ထိတ်လန့်မှုအပြီးတွင် လူတိုင်းမှာ ဇဝေဇဝါ ဖြစ်သွားကြသည်။ ပါရမီ အကဲဖြတ်ခြင်းဆိုသည်မှာ စွမ်းရည်အဆင့်နှင့် ကျင့်ကြံမှု အရှိန်အဟုန်ကို ပေါင်းစပ်တွက်ချက်ခြင်း ဖြစ်သည်။ Sအဆင့် နိုးထသူများပင်လျှင် ထူးကဲ အဆင့်သာ ရလေ့ရှိရာ ဤသူက မည်သို့ ဒဏ္ဍာရီလာ အဆင့် ဖြစ်နိုင်သနည်း။ ဤအချက်ကို မိုးကြိုးအဖွဲ့မှ ချင်းကျိန့်တို့ပင်လျှင် နားမလည်နိုင် ဖြစ်နေကြသည်။ အနီရောင်ရွှေရောင် မိုးကြိုးအစစ်မှာ Aအဆင့် စွမ်းရည်သာ ဖြစ်ရာ မည်သို့ကြောင့် ယခုကဲ့သို့ အဆင့်သတ်မှတ်ချက်မျိုး ရနိုင်ရသနည်း။ လူတိုင်း တွေးတောနေစဉ်မှာပင် ရှေးဟောင်းယဉ်ကျေးမှု ခန်းမဆောင်အတွင်း၌ စူးရှသော သတိပေးဥဩသံများ ရုတ်တရက် မြည်ဟည်းလာတော့သည်။</p> <p style="text-align:justify"> </p> <p style="text-align:justify">"သတိပေးချက် သတိပေးချက် SSအဆင့် စွမ်းရည် ဒုထျန်း နတ်ဘုရား မိုးကြိုး ကို ရှာဖွေတွေ့ရှိပါသည်။ ပထမအဆင့် အမွေအနှစ်အတွက် လိုအပ်ချက်များနှင့် ကိုက်ညီနေပါသည်။ နယ်မြေရှင်းလင်းခြင်းကို ယခု စတင်ပါမည်"</p> <p style="text-align:justify"> </p> <p style="text-align:justify">"သတိပေးချက် သတိပေးချက် ရှာဖွေတွေ့ရှိ..."</p> <p style="text-align:justify"> </p> <p style="text-align:justify">ခန်းမအတွင်း၌ နီရဲသော သတိပေးမီးများမှာ ရူးသွပ်မတတ် လက်ခနဲ၊ လက်ခနဲ ဖြစ်နေကြသည်။ စွမ်းရည်ပိုင်ရှင်များ သတိမထားမိခင်မှာပင် သူတို့ကို မမြင်ရသော အင်အားတစ်ခုက အခြေစိုက်စခန်း အပြင်ဘက်သို့ ဆွဲထုတ်သွားတော့သည်။</p> <p style="text-align:justify"> </p> <p style="text-align:justify">“ဘုန်း...”</p> <p style="text-align:justify"> </p> <p style="text-align:justify">ပွင့်နေသော အခြေစိုက်စခန်း၏ သတ္တုစပ် တံခါးကြီးမှာ ဝုန်းခနဲ ပြန်ပိတ်သွားပြီး စွမ်းရည်ပိုင်ရှင်အားလုံးကို အပြင်ဘက်၌ ချန်ထားရစ်ခဲ့တော့သည်။</p> <p style="text-align:justify"> </p> <p style="text-align:justify">"ဟင်..."</p> <p style="text-align:justify"> </p> <p style="text-align:justify">အခြေစိုက်စခန်း ခန်းမထဲတွင် တစ်ဦးတည်း ကျန်ရှိနေခဲ့သော ရှုကျင်းမင်မှာ ကြောင်အသွားတော့သည်။ “ဒါ ဘာဖြစ်တာလဲ... ဘာလို့ ငါ တစ်ယောက်တည်း ကျန်နေခဲ့တာလဲ...”</p> <p style="text-align:justify"> </p> <p style="text-align:justify">"အီဗာ... အရင်က အမှတ် ၉ အခြေစိုက်စခန်းမှာ ဒီလိုမျိုး ဖြစ်ဖူးလား" ရှုကျင်းမင်က အီဗာကို အမြန် မေးလိုက်သည်။</p> <p style="text-align:justify"> </p> <p style="text-align:justify">သို့သော် နားကြပ်ထဲတွင် မည်သည့် အသံမျှ ထွက်မလာဘဲ တိတ်ဆိတ်နေသည်။ သူ၏ လက်ဝဲဘက် စမတ်လက်ပတ်ပေါ်ရှိ ပါဝါခလုတ်ကို ကြည့်လိုက်ရာ အီဗာမှာ ဖွင့် လျက်သား ရှိနေဆဲပင်။</p> <p style="text-align:justify"> </p> <p style="text-align:justify">"အီဗာကို တစ်ခုခုက ပိတ်ဆို့ထားတာပဲ" ရှုကျင်းမင်၏ ရင်ထဲတွင် လေးလံသွားသည်။</p> <p style="text-align:justify"> </p> <p style="text-align:justify">ရှေးဟောင်းယဉ်ကျေးမှု အပျက်အစီးများတွင် အန္တရာယ်အချို့ ရှိနိုင်ပေသည်။ ထိပ်တန်း AIတစ်ခုဖြစ်သည့် အီဗာ ရှိနေပါက အန္တရာယ်တွေ့လျှင် လမ်းညွှန်မှု ရနိုင်သော်လည်း ယခုမူ အဆက်အသွယ် လုံးဝ ပြတ်တောက်သွားချေပြီ။ ပို၍ ဆိုးသည်မှာ သူက ရှေးဟောင်းစာလုံး အခြေခံအချို့ကိုသာ သိသဖြင့် အီဗာ မရှိဘဲ ရှေးဟောင်းဘာသာစကားကို နားလည်ရန် မဖြစ်နိုင်ပေ။</p> <p style="text-align:justify"> </p> <p style="text-align:justify">သို့သော်လည်း အီဗာ နောက်ဆုံး ဘာသာပြန်ပေးခဲ့သည့် အချက်အလက်အရဆိုလျှင် သူ၏ SSအဆင့် စွမ်းရည်က အပျက်အစီး နယ်မြေ၏ ယန္တရားတစ်ခုကို နှိုးဆွလိုက်ပုံရသည်။ ယုတ္တိဗေဒအရဆိုလျှင် အန္တရာယ် ရှိနိုင်မည် မဟုတ်ပေ။ ရှုကျင်းမင် တွေးတောရင်း ခန်းမအရှေ့ဘက်သို့ ကြည့်လိုက်သည်။ ပုံရိပ်ယောင် အလင်းလုံးကြီးမှာ သတိပေးချက် မြည်ပြီးကတည်းက ထိုနေရာမှာတင် ရပ်တန့်နေသည်။</p> <p style="text-align:justify"> </p> <p style="text-align:justify">"နယ်မြေရှင်းလင်းခြင်း ပြီးဆုံးပါပြီ။ စစ်သည်တော် နံပါတ် ၅၊ နောက်ဆုံး အတည်ပြုချက်အတွက် သင်၏ အထူးစွမ်းရည်ကို ထုတ်ဖော်ပြသပေးပါ"</p> <p style="text-align:justify"> </p> <p style="text-align:justify">ထိုအချိန်တွင် ခန်းမ၏ မျက်နှာကြက်မှ အသံ ပြန်ထွက်လာသည်။ ရှုကျင်းမင် အံ့ဩသွားသည်မှာ ယခုတစ်ကြိမ်တွင် ရှေးဟောင်းဘာသာစကား မဟုတ်ဘဲ မဟာနွေရာသီတိုင်းပြည်၏ ဘာသာစကားဖြင့် ပြောလာခြင်းပင်။ သူက တွန့်ဆုတ်မနေတော့ဘဲ ဒုထျန်း နတ်ဘုရား မိုးကြိုး၏ စွမ်းအားအားလုံးကို ထုတ်ဖော်လိုက်တော့သည်။</p> <p style="text-align:justify"> </p> <p style="text-align:justify">အသက်ရှူသံ ဖုံးကွယ်ခြင်း ကျင့်စဉ်မှာ အလုပ်မလုပ်တော့ဘဲ ရှုကျင်းမင်၏ ပတ်ဝန်းကျင်တွင် တောက်ပသော ရွှေရောင် လျှပ်စီးတန်းများ ဝဲပျံနေတော့သည်။ ၎င်းက သူ့ကို မြင့်မြတ်ပြီး အစွမ်းထက်သော အသွင်ကို ပေးစွမ်းနေသည်။ အပြာနုရောင် ပုံရိပ်ယောင် အလင်းတန်းတစ်ခုက မျက်နှာကြက်မှ ကျဆင်းလာပြီး ရှုကျင်းမင်ကို သေချာစွာ စကန်ဖတ်လိုက်သည်။ ထို့နောက် သတိပေးသံမှာ ဆက်လက် ထွက်ပေါ်လာသည်။</p> <p style="text-align:justify"> </p> <p style="text-align:justify">"စကင်ဖတ်ခြင်း ပြီးဆုံးပါပြီ။ SSအဆင့် စွမ်းရည် ဒုထျန်း နတ်ဘုရား မိုးကြိုး ဖြစ်ကြောင်း အတည်ပြုပါသည်။ ပင်မထိန်းချုပ်ရေး အေအိုင် (AI) စတင်ခြင်း..."</p> <p style="text-align:justify"> </p> <p style="text-align:justify">စက်ပစ္စည်းများ လည်ပတ်သံ ထွက်ပေါ်လာပြီး ခန်းမရှေ့ရှိ အဖြူရောင် အလင်းလုံးကြီးမှာ ရုတ်တရက် စတင် ပြောင်းလဲလာတော့သည်။ ၎င်း၏ မူလစက်ဝိုင်းပုံစံမှာ ရှည်လျားလာပြီး တဖြည်းဖြည်းနှင့် လူသားတစ်ဦး၏ ပုံစံသို့ ပြောင်းလဲသွားသည်။ စက္ကန့်အနည်းငယ် ကြာပြီးနောက် အမျိုးသမီးတစ်ဦး၏ ပုံသဏ္ဌာန်အဖြစ်သို့ အသွင်ပြောင်းသွားတော့သည်။</p> <p style="text-align:justify"> </p> <p style="text-align:justify">ထိုအမျိုးသမီးမှာ အဖြူရောင် တိုက်ပွဲဝင်ဝတ်စုံကို ဝတ်ဆင်ထားပြီး အရပ်ရှည်လျားကာ လှပကျော့ရှင်းသော ခန္ဓာကိုယ်အချိုးအစား ရှိသည်။ သူမ၏ ရှည်လျားလှသော အစိမ်းရောင် ဆံနွယ်များမှာ သွယ်လျသော ခါးအောက်မှတစ်ဆင့် တင်းကားသော တင်ပါးများပေါ်သို့ ဝဲကျနေသည်။</p> <p style="text-align:justify"> </p> <p style="text-align:justify">"ဒါက..." ရှုကျင်းမင်က ထိုအမျိုးသမီး၏ ပုံစံနှင့် ရုပ်ရည်ကို မြင်လိုက်ရသောအခါ ဆွံ့အသွားရတော့သည်။</p> <p style="text-align:justify"> </p> <p style="text-align:justify">“ဒါက လူကြီးဖြစ်သွားတဲ့ အီဗာ နဲ့ ဘာလို့ ဒီလောက်တောင် တူနေရတာလဲ..” သူ မယုံနိုင်အောင် ဖြစ်နေစဉ်မှာပင် ထိုအမျိုးသမီး၏ တောက်ပသော မျက်ဝန်းများက သူ့ထံသို့ ကြည့်လာပြီး ရဲရဲနီသော နှုတ်ခမ်းအစုံမှ ချိုသာသော အသံ ထွက်ပေါ်လာသည်။</p> <p style="text-align:justify"> </p> <p style="text-align:justify">"လေးစားအပ်ပါတဲ့ ဒဏ္ဍာရီလာ စွမ်းရည်ပိုင်ရှင်ကြီးကို နှုတ်ခွန်းဆက်သပါတယ်... ကျွန်မကတော့ အမှတ် ၉ စမ်းသပ်စခန်းရဲ့ ပင်မ AIပါ။ ကျွန်မကို... အီဗာ လို့ ခေါ်နိုင်ပါတယ်ရှင်"</p> <p style="text-align:justify"> </p> <p style="text-align: center;">***</p> <p style="text-align:justify"> </p>


Save