Book List

<h2 style="text-align: center;">အခန်း ၃၄၉</h2> <h2 style="text-align: center;">ကြီးမြတ်သော အမွေအနှစ်နှစ်ခုနှင့် ပထမယဉ်ကျေးမှုခေတ်</h2> <h2 style="text-align: center;">*</h2> <p style="text-align:justify"> </p> <p style="text-align:justify">"SSအဆင့် စွမ်းရည် ဒုထျန်း နတ်ဘုရား မိုးကြိုး"</p> <p style="text-align:justify"> </p> <p style="text-align:justify">"ဒါဆို သားရဲမုဆိုးက တကယ်တော့ ရှုကျင်းမင်ပေါ့... မဟာနွေရာသီ တိုင်းပြည်က SSအဆင့် ပါရမီရှင် ရှုကျင်းမင်ပဲ"</p> <p style="text-align:justify"> </p> <p style="text-align:justify">"ဝိုး... တကယ့်ကို ပါးနပ်တဲ့ ရုပ်ဖျက်မှုပဲ ငါတို့ထဲက ဘယ်သူမှတောင် ရိပ်မိတာ မဟုတ်ဘူး"</p> <p style="text-align:justify"> </p> <p style="text-align:justify">"သူက စတုတ္ထအဆင့်နိမ့် ကျင့်ကြံသူပဲ ရှိသေးတာကို အမှတ် ၉ ယဉ်ကျေးမှု အပျက်အစီးထဲကို တစ်ယောက်တည်း ဝင်ရဲတယ်လား... တကယ်ကို အံ့ဩဖို့ကောင်းတယ်"</p> <p style="text-align:justify"> </p> <p style="text-align:justify">ယခုအချိန်တွင် တင်းကျပ်စွာ ပိတ်ထားသော အခြေစိုက်စခန်း တံခါးကြီး၏ အပြင်ဘက်၌ စွမ်းရည်ပိုင်ရှင်များမှာ အုတ်အော်သောင်းနင်း ဖြစ်နေကြပြီး အားလုံးမှာ အံ့ဩတုန်လှုပ်နေကြသည်။ မည်သည့်နိုင်ငံကမဆို SSအဆင့် နိုးထသူတစ်ဦးကို အဖိုးတန် ရတနာတစ်ခုကဲ့သို့ ကာကွယ်ထားကြသည် မဟုတ်ပါလား။ များသောအားဖြင့် သူတို့က အနည်းဆုံး သတ္တမ သို့မဟုတ် အဋ္ဌမအဆင့်သို့ ရောက်ရှိပြီး ကိုယ့်ကိုယ်ကိုယ် ကာကွယ်နိုင်စွမ်းရှိမှသာ ကမ္ဘာအနှံ့ လှည့်လည်ခွင့် ပေးလေ့ရှိသည်။</p> <p style="text-align:justify"> </p> <p style="text-align:justify">မဟာနွေရာသီ တိုင်းပြည်၏ ဤSSအဆင့် ပါရမီရှင်မှာ မည်သည့် စည်းမျဉ်းကိုမျှ ဂရုမစိုက်ဘဲ စတုတ္ထအဆင့်နိမ့်ဖြင့် ဤအန္တရာယ်များလှသော အပျက်အစီး နယ်မြေထဲသို့ တစ်ကိုယ်တော် လာရဲလိမ့်မည်ဟု မည်သူမျှ မထင်ထားခဲ့ပေ။ ပို၍ အံ့ဩစရာကောင်းသည်မှာ ရှုကျင်းမင်က အသက်ရှင်ရုံသာမက ဒဏ္ဍာရီလာ အဆင့်သတ်မှတ်ချက်ကိုပါ ရရှိသွားခြင်းပင်။</p> <p style="text-align:justify"> </p> <p style="text-align:justify">အံ့ဩနေကြသည့် စွမ်းရည်ပိုင်ရှင် အများအပြားမှာ ထျန်းယွီ သိုင်းသင်တန်းကျောင်း အဖွဲ့ရှိရာသို့ လှည့်ကြည့်လိုက်ကြသည်။ ဂျပန်က အမေရိကန်၏ လက်အောက်ခံနိုင်ငံ ဖြစ်ကြောင်း လူတိုင်း သိကြသည်။ အမေရိကန်၏ လုပ်ထုံးလုပ်နည်းများအရ ရှုကျင်းမင်ကို တွေ့သည်နှင့် သတ်ရန် အမိန့်ထုတ်ထားမှာ သေချာသလောက်ပင်။ အပျက်အစီး နယ်မြေထဲ မဝင်မီက ဆာကူရာနိုင်ငံမှ အဋ္ဌမအဆင့် အထွတ်အထိပ် ဆရာကြီး ပေါ်လာခြင်းကလည်း ကောင်းသော လက္ခဏာ မဟုတ်ပေ။</p> <p style="text-align:justify"> </p> <p style="text-align:justify">သေချာသည်မှာ ထျန်းယွီ သိုင်းသင်တန်းကျောင်းမှ စွမ်းရည်ပိုင်ရှင်များမှာ စတင် လှုပ်ရှားနေကြပြီဖြစ်ပြီး တပ်ရင်းဖွဲ့စည်းပုံအတိုင်း နေရာယူနေကြသည်။ ထျန်းယွီ အဖွဲ့၏ ဒုတိယခေါင်းဆောင် ယာမာဂူချီ အီချီဂျိ မှာ အခြေစိုက်စခန်း တံခါးကို မှောင်မှောက်သော အမူအရာဖြင့် စိုက်ကြည့်နေသည်။</p> <p style="text-align:justify"> </p> <p style="text-align:justify">"အဲဒါက ရှုကျင်းမင် ဖြစ်နေတာကိုး"</p> <p style="text-align:justify"> </p> <p style="text-align:justify">ရှန်ဟိုင်း စွမ်းရည်ပိုင်ရှင် တက္ကသိုလ်မှ ရှောင်နန် မှာလည်း ယခုမှပင် ရှုကျင်းမင်၏ အမှတ်အသားအစစ်ကို သိလိုက်ရခြင်း ဖြစ်သည်။ သူက ရှုကျင်းမင်၏ ကျွမ်းကျင်လှသော ရုပ်ဖျက်မှုကို အံ့ဩနေမိသော်လည်း တစ်ဖက်တွင်လည်း မျက်မှောင်ကြုတ်ကာ အံ့ဩနေကြသော ရှန်ဒုံလင်းနှင့် အခြားသူများကို ညွှန်ကြားလိုက်သည်။</p> <p style="text-align:justify"> </p> <p style="text-align:justify">"ဆရာမလီ... ကျောင်းသားတွေကို ခေါ်ပြီး ထွက်ပေါက်ကို အရင်သွားနှင့်လိုက်ပါ"</p> <p style="text-align:justify"> </p> <p style="text-align:justify">ကျန်ရှိနေသော နည်းပြနှစ်ဦးမှာမူ ရှုကျင်းမင်ကို ကာကွယ်ရန် သူနှင့်အတူ နေရစ်ခဲ့ကြသည်။ မဂျစ်စီးတီး တက္ကသိုလ်အဖွဲ့တွင် ဆဋ္ဌမအဆင့် နည်းပြ ၄ ဦးသာ ရှိပြီး ကျန်သူများမှာ စတုတ္ထအဆင့်လတ် သို့မဟုတ် အဆင့်နိမ့်များသာ ဖြစ်ကြသည်။ အကယ်၍ ထျန်းယွီ အဖွဲ့နှင့် တိုက်ပွဲဖြစ်ခဲ့ပါက ဤကျောင်းသားများမှာ ဝန်ထုပ်ဝန်ပိုး ဖြစ်လာနိုင်ပေသည်။ ထို့ကြောင့် သူတို့ကို အရင် ထွက်သွားခိုင်းခြင်းက ပို၍ ကောင်းမွန်ပေလိမ့်မည်။</p> <p style="text-align:justify"> </p> <p style="text-align:justify">"နားလည်ပါပြီ"</p> <p style="text-align:justify"> </p> <p style="text-align:justify">ဆရာမလီမှာ အခြေအနေ၏ အရေးကြီးပုံကို သဘောပေါက်သဖြင့် လေးနက်စွာ ခေါင်းညိတ်ပြလိုက်ပြီး ရှန်ဒုံလင်းနှင့် အခြားသူများကို ခေါ်ကာ အရင် ထွက်ခွာသွားတော့သည်။</p> <p style="text-align:justify"> </p> <p style="text-align:justify">"စုချန်းက တကယ်တော့ ရှုကျင်းမင် ဖြစ်နေတာလား သူ ဘာလို့ ဒီလောက် သန်မာနေရလဲဆိုတာ အခုမှပဲ နားလည်တော့တယ်"</p> <p style="text-align:justify"> </p> <p style="text-align:justify">"ဒါနဲ့ သူက စတုတ္ထအဆင့်နိမ့်လား အဆင့်မြင့်လား"</p> <p style="text-align:justify"> </p> <p style="text-align:justify">"အဲဒါတွေကို အခု ခဏထားလိုက်စမ်းပါ... ထျန်းယွီ အဖွဲ့တွေက တိုက်ခိုက်ဖို့ ပြင်နေတာ မမြင်ဘူးလား"</p> <p style="text-align:justify"> </p> <p style="text-align:justify">သိုင်းသင်တန်းကျောင်း နှစ်ခုမှ ကျောင်းသားများမှာလည်း ရှုကျင်းမင်၏ အမှတ်အသားကြောင့် အလွန်ပင် အံ့ဩနေကြသည်။ မိုးကြိုးသိုင်းသင်တန်းကျောင်းနှင့် ဝက်ဝံကြမ်း သိုင်းသင်တန်းကျောင်းတို့မှ နည်းပြများဖြစ်ကြသော ချင်းကျိန့် နှင့် ဝမ်ဟုန် တို့မှာလည်း လေးနက်သော ညွှန်ကြားချက်များကို ပေးလိုက်ကြသည်။</p> <p style="text-align:justify"> </p> <p style="text-align:justify">"လင်းဟွေ၊ လော့ဟန်... မင်းတို့ အရင်သွားနှင့်ကြ ကျန်တဲ့ ဆဋ္ဌမအဆင့် နည်းပြတွေအားလုံး တိုက်ပွဲအတွက် ပြင်ထားကြ"</p> <p style="text-align:justify"> </p> <p style="text-align:justify">မည်သို့ပင်ဆိုစေ ရှုကျင်းမင်က မဟာနွေရာသီ တိုင်းပြည်၏ SSအဆင့် ပါရမီရှင် ဖြစ်သည်။ သူ ဝိုင်းရံသတ်ဖြတ်ခံရတော့မည်ကို သိလျက်နှင့် သူတို့ လက်ပိုက်ကြည့်မနေနိုင်ပေ။ သူတို့၏ ကိုယ်ပိုင်ကျောင်းသားများ၏ လုံခြုံရေးကိုလည်း အာမခံချက် ပေးထားရပေမည်။</p> <p style="text-align:justify"> </p> <p style="text-align:justify">"နားလည်ပါပြီ"</p> <p style="text-align:justify"> </p> <p style="text-align:justify">လင်းဟွေနှင့် ရှာလန် အပါအဝင် ကျောင်းသားများမှာ ဆဋ္ဌမအဆင့် နည်းပြတစ်ဦး၏ လမ်းပြမှုဖြင့် အသီးသီး ထွက်ခွာသွားကြသည်။</p> <p style="text-align:justify"> </p> <p style="text-align:justify">"ထျန်းယွီ အဖွဲ့မှာ စုစုပေါင်း စွမ်းရည်ပိုင်ရှင် ၈၅ ယောက်ရှိတယ်... အဲဒီထဲမှာ ဆဋ္ဌမအဆင့်က ၁၂ ယောက် ကျန်တဲ့သူတွေက ပဉ္စမအဆင့်နဲ့ အထက်တွေချည်းပဲ... ငါတို့ သိုင်းသင်တန်းကျောင်း နှစ်ခုရယ် မဂျစ်စီးတီး တက္ကသိုလ်ရယ် ပေါင်းရင်တောင် ဆဋ္ဌမအဆင့်က ၈ ယောက်ပဲ ရှိတာ... ဒီတိုက်ပွဲကတော့ တော်တော်လေး ခက်ခဲလိမ့်မယ်"</p> <p style="text-align:justify"> </p> <p style="text-align:justify">ချင်းကျိန့်သည် ထျန်းယွီ အဖွဲ့ကို ကြည့်ရင်း လေးနက်သော အမူအရာဖြင့် ပြောလိုက်သည်။ မဟာနွေရာသီ တိုင်းပြည်မှ အခြားစွမ်းရည်ပိုင်ရှင် ၁၀ ယောက်ကျော် ကျန်ရှိနေသေးသော်လည်း သူတို့မှာ ကိုယ်ပိုင်မိသားစုများမှ ဖြစ်ကြသဖြင့် ရှုကျင်းမင်အတွက်နှင့် အသက်စွန့် တိုက်ခိုက်ပေးလိမ့်မည်ဟု မျှော်လင့်၍ မရပေ။</p> <p style="text-align:justify"> </p> <p style="text-align:justify">"ရှူး... ကြီးကျယ်တဲ့ တိုက်ပွဲကြီး ဖြစ်တော့မယ် ထင်တယ်"</p> <p style="text-align:justify"> </p> <p style="text-align:justify">"မြန်မြန်သွားကြရအောင်... သူတို့ကြားထဲမှာ ညပ်မနေအောင် သတိထားကြ"</p> <p style="text-align:justify"> </p> <p style="text-align:justify">"မတရားဘူးဗျာ... ငါ ဆုတောင် မထုတ်ရသေးဘူး"</p> <p style="text-align:justify"> </p> <p style="text-align:justify">ကျန်ရှိနေသော အခြားစွမ်းရည်ပိုင်ရှင်များမှာလည်း တင်းမာနေသော အခြေအနေကို သတိပြုမိကြပြီး စတင် ထွက်ခွာသွားကြတော့သည်။ ဆုမထုတ်ရသေးသော လူအချို့မှာမူ နှမြောတသဟန်ဖြင့် ထွက်သွားကြရသည်။ ကိုယ့်ကိုယ်ကိုယ် ယုံကြည်မှုရှိသည့် စွမ်းရည်ပိုင်ရှင် အနည်းငယ်သာလျှင် အဝေးမှနေ၍ အခြေအနေကို စောင့်ကြည့်ရန် ကျန်ရစ်ခဲ့ကြသည်။</p> <p style="text-align:justify"> </p> <p style="text-align:justify">"လေးစားအပ်ပါတဲ့ ဒဏ္ဍာရီလာ စွမ်းရည်ပိုင်ရှင်ကြီး... ရှင့်ရဲ့ ဒဏ္ဍာရီလာ အဆင့်သတ်မှတ်ချက်နဲ့ SSအဆင့် ဒုထျန်း နတ်ဘုရား မိုးကြိုး စွမ်းရည်အရ ရှင်ဟာ အမှတ် ၀၀၃ အမွေအနှစ်ကိုပဲဖြစ်ဖြစ်၊ အစဉ်လိုက် အမွေအနှစ်ကိုပဲဖြစ်ဖြစ် ရွေးချယ်နိုင်ခွင့် ရှိပါတယ်"</p> <p style="text-align:justify"> </p> <p style="text-align:justify">ကျယ်ပြောလှသော ခန်းမဆောင်အတွင်း၌ အရပ်ရှည်လျားပြီး အစိမ်းရောင် ဆံနွယ်ရှည်ကြီးများနှင့် အီဗာက ဖြည်းညင်းစွာ ပြောလိုက်သည်။</p> <p style="text-align:justify"> </p> <p style="text-align:justify">"ဒါဆို ငါက အမွေအနှစ် နှစ်ခုလုံးကို ရွေးချယ်ခွင့် ရသွားတာပေါ့"</p> <p style="text-align:justify"> </p> <p style="text-align:justify">ရှုကျင်းမင်က မျက်ခုံးတစ်ချက် ပင့်လိုက်ပြီး အရှက်မရှိ မေးလိုက်သည်။ "နှစ်ခုလုံး ယူလို့ မရဘူးလား"</p> <p style="text-align:justify"> </p> <p style="text-align:justify">ပစ္စည်းတွေက ကောင်းမကောင်းက နောက်မှထား အရင်ဆုံး ရသမျှ အကုန် ယူထားရမှာပဲ မဟုတ်ပါလား။</p> <p style="text-align:justify"> </p> <p style="text-align:justify">"နှမြောစရာကောင်းတာက အမွေအနှစ် ဆုလာဘ်ဆိုတာ အစွမ်းထက် ပုဂ္ဂိုလ်တစ်ဦးရဲ့ တစ်သက်တာ ကြိုးပမ်းအားထုတ်မှုတွေကို ကိုယ်စားပြုတာပါ... စစ်သည်တော်တစ်ဦးဟာ အမွေအနှစ် တစ်ခုတည်းကိုသာ ရွေးချယ်ခွင့်ရှိပါတယ်... ဒဏ္ဍာရီလာ အဆင့်သတ်မှတ်ချက်ဆိုရင်တောင် ကင်းလွတ်ခွင့် မရှိပါဘူး"</p> <p style="text-align:justify"> </p> <p style="text-align:justify">အီဗာက ခေါင်းခါလျက် တိုးညင်စွာ ပြောလိုက်သည်။</p> <p style="text-align:justify"> </p> <p style="text-align:justify">"အင်း... ဒါဆိုလည်း ပြီးတာပါပဲ"</p> <p style="text-align:justify"> </p> <p style="text-align:justify">ရှုကျင်းမင်က ထိုသို့ ဖြစ်လာမည်ဟု ကြိုတင်ခန့်မှန်းထားသဖြင့် စိတ်ပျက်မသွားဘဲ ဆက်မေးလိုက်သည်။</p> <p style="text-align:justify"> </p> <p style="text-align:justify">"ဒါဆို အမွေအနှစ် နှစ်ခုရဲ့ ကွာခြားချက်ကို ငါ့ကို ရှင်းပြပေးပါ... ငါ နှိုင်းယှဉ်ပြီး စဉ်းစားလို့ရအောင်"</p> <p style="text-align:justify"> </p> <p style="text-align:justify">"ကောင်းပါပြီ"</p> <p style="text-align:justify"> </p> <p style="text-align:justify">အီဗာက ခေါင်းညိတ်ပြလိုက်ပြီး လက်တစ်ချက် ဝှေ့ယမ်းလိုက်ရာ တစ်ကိုယ်လုံးကို ဝတ်ရုံခြုံထားသဖြင့် ရုပ်ရည်ကို မမြင်ရသော ပုံရိပ်တစ်ခု ပေါ်လာသည်။</p> <p style="text-align:justify"> </p> <p style="text-align:justify">"ပထမဆုံးကတော့ ကျင်းနိုင်ငံရဲ့ အင်အားကြီး ပုဂ္ဂိုလ် အက်ဇီးလ် ဆီက လာတဲ့ အမှတ် ၀၀၃ အမွေအနှစ်ပါ... ကျင်းနိုင်ငံဆိုတာ ကျွန်မတို့ခေတ်တုန်းက တစ်ကမ္ဘာလုံးကို အုပ်ချုပ်ခဲ့တဲ့ နိုင်ငံပေါ့... ရှင်တို့ အခုခေါ်နေတဲ့ ရှေးဟောင်းယဉ်ကျေးမှု ခေတ်ပေါ့... အက်ဇီးလ်ဟာ ကျင်းနိုင်ငံရဲ့ အစွမ်းအထက်ဆုံး စွမ်းအင်ပညာရှင်တွေထဲက တစ်ယောက်ပါ... သူက လျှပ်စီးဓာတ် Sအဆင့် စွမ်းရည်ပိုင်ရှင်ဖြစ်ပြီး နဝမအဆင့် အထွတ်အထိပ် မှော်သူတော်စင် အဆင့်ကို ရောက်ရှိခဲ့သူ ဖြစ်ပါတယ်။ ဒီအမွေအနှစ်ထဲမှာ သူကျင့်ကြံခဲ့တဲ့ SSအဆင့် ဝိညာဉ်သန့်စင်ရေး ကျင့်စဉ်နဲ့ သူ တတ်မြောက်ထားတဲ့ လျှပ်စီးဓာတ် တိုက်ခိုက်ရေးနည်းစနစ်တွေ အကုန်လုံး ပါဝင်ပါတယ်"</p> <p style="text-align:justify"> </p> <p style="text-align:justify">“အစွမ်းထက်ဆုံး စွမ်းအင်ပညာရှင်”</p> <p style="text-align:justify">“နဝမအဆင့် အထွတ်အထိပ် မှော်သူတော်စင်”</p> <p style="text-align:justify">“လျှပ်စီးဓာတ် Sအဆင့် စွမ်းရည်ပိုင်ရှင်”</p> <p style="text-align:justify"> </p> <p style="text-align:justify">ဤဖော်ပြချက် သုံးခုတည်းနှင့်တင် သူက မည်မျှ အစွမ်းထက်ကြောင်း သက်သေပြရန် လုံလောက်လှသည်။</p> <p style="text-align:justify"> </p> <p style="text-align:justify">"နောက်ထပ် အမွေအနှစ် တစ်ခုကတော့ ပထမ ယဉ်ကျေးမှုခေတ်က လာတာပါ။ Thorလို့ ဘွဲ့အမည်ရတဲ့ အထက်တန်းကျတဲ့ နတ်ဘုရားတစ်ပါးဆီကပေါ့"</p> <p style="text-align:justify"> </p> <p style="text-align:justify">ခေတ္တမျှ နားပြီးနောက် အီဗာက ဆက်လက် မိတ်ဆက်ပေးသည်။</p> <p style="text-align:justify"> </p> <p style="text-align:justify">"ပထမ ယဉ်ကျေးမှုခေတ် ဟုတ်လား... အဲဒါကလည်း မင်းတို့ရဲ့ ကျင်းနိုင်ငံ ယဉ်ကျေးမှုပဲလား" ရှုကျင်းမင်က ဇဝေဇဝါဖြင့် မေးလိုက်သည်။ ဤအခေါ်အဝေါ်ကို သူ ပထမဆုံးအကြိမ် ကြားဖူးခြင်း ဖြစ်သည်။</p> <p style="text-align:justify"> </p> <p style="text-align:justify">"မဟုတ်ပါဘူး"</p> <p style="text-align:justify"> </p> <p style="text-align:justify">အစ်မကြီးတစ်ဦးကဲ့သို့ ရင့်ကျက်သော အီဗာက ခေါင်းခါလိုက်သည်။ "ရှင်တို့က ကျွန်မတို့ရဲ့ ကျင်းယဉ်ကျေးမှုကို ရှေးဟောင်းယဉ်ကျေးမှုလို့ ခေါ်ကြတယ်... တကယ်တော့ ကျင်းနိုင်ငံ ယဉ်ကျေးမှု မပေါ်ခင် နှစ်ပေါင်း ထောင်ချီကတည်းက နောက်ထပ် ယဉ်ကျေးမှုခေတ် တစ်ခု ရှိခဲ့ပါသေးတယ်... အချိန်ကာလ ခွဲခြားမှုအရ အဲဒီခေတ်ကို ပထမ ယဉ်ကျေးမှုခေတ်လို့ခေါ်ပြီး ကျွန်မတို့ ကျင်းနိုင်ငံကို ဒုတိယ ယဉ်ကျေးမှုခေတ် လို့ ခေါ်ပါတယ်။ ရှင်တို့ရဲ့ အခုခေတ်ကတော့ စတင် အစပျိုးနေတဲ့ တတိယ ယဉ်ကျေးမှုခေတ် ပေါ့..."</p> <p style="text-align:justify"> </p> <p style="text-align: center;">***</p> <p style="text-align:justify"> </p>


Save