Book List

<h2 style="text-align:center">အခန်း (၁၇၀)</h2> <h2 style="text-align:center">စစ်မှန်သော မိစ္ဆာစွမ်းအား အပ်နှင်းခြင်း</h2> <h2 style="text-align:center"><strong>*</strong></h2> <p> </p> <p><strong>မိစ္ဆာအင်မော်တယ်</strong> ၏ အရှိန်အဝါမှာ တကယ့်ကို တုန်လှုပ်ဖွယ်ရာ ကောင်းလှပေသည်။ သူမ၏ <strong>ညှို့ယူခြင်း</strong> ကို အနည်းငယ် ထုတ်ဖော်လိုက်ရုံဖြင့်  နတ်သားတော်များနှင့် နတ်သားတော်အလျောင်းအလျာများမှာ ကိုယ့်နာမည်ကိုယ်ပင် မေ့လျော့ကာ မိန်းမောတွေဝေသွားကြရသည်။</p> <p>မိစ္ဆာအင်မော်တယ်သည် <strong>မုန့်ဝမ်</strong> ကို အံ့ဩသလို တစ်ချက်ကြည့်ပြီးနောက် သတိမလွတ်ဘဲ ကျန်ရှိနေသည့် <strong>ကျင်းချန်း</strong> နှင့် <strong>အလတ်တန်းစား</strong> <strong>အမျိုးသားကျင့်ကြံသူ</strong> တို့ကို ပြုံး၍ ကြည့်လိုက်သည်။</p> <p>“မင်းတို့နှစ်ယောက်ကတော့ မဆိုးဘူးပဲ......... ငါ့ကိုကြည့်ပြီး စိတ်မလွတ်သွားတာကြောင့် ငါ့ရဲ့ တာအိုကို နားထောင်ဖို့ အဆင့် နည်းနည်းတော့ မှီတယ်လို့ ပြောရမှာပဲ.........”</p> <p>မိစ္ဆာအင်မော်တယ်မ၏ အပြုံးမှာ ပိုမို ကျယ်ပြန့်လာပြီး တာအိုဟောကြားမှုကို စတင်တော့သည်။</p> <p>“မိစ္ဆာလမ်းစဉ်ဆိုတာ မိစ္ဆာလည်းမဟုတ်သလို အထက်လမ်းစဉ် လည်း မဟုတ်ဘူး......... အဲဒါက ကောင်းကင်ဘုံကို ဆန့်ကျင်ပြီး ကိုယ့်နှလုံးသားရဲ့ အလိုအတိုင်း လုပ်ဆောင်တာပဲ.........”</p> <p>သူမ၏ အသံမှာ ထူးခြားသော ဆွဲဆောင်မှုရှိနေပြီး လူများကို မသိစိတ်မှ နာခံချင်စိတ် ဖြစ်ပေါ်စေသည်။ သို့သော် ထိုစကားတစ်ခွန်းကို ကြားလိုက်ရုံဖြင့် <strong>ကျင်းချန်း</strong> မှာ မျက်နှာဖြူလျော်သွားပြီး သွေးတစ်လုပ် အန်ထုတ်ကာ သတိလစ် မေ့မြောသွားတော့သည်။</p> <p>မိစ္ဆာအင်မော်တယ်မက သတိလစ်သွားသော ကျင်းချန်းကို ဂရုမစိုက်ဘဲ ဆက်လက် ဟောကြားနေသည်။</p> <p>“လောကကြီးက မိစ္ဆာလမ်းစဉ်ဟာ မကောင်းမှု လို့ ပြောကြပေမဲ့ မိစ္ဆာဆိုတာလည်း လမ်းစဉ်တစ်ခုပဲဆိုတာ သူတို့မသိကြဘူး......... ကောင်းမှုနဲ့ မကောင်းမှုဆိုတာ အသေသတ်မှတ်ထားတာ မဟုတ်ဘူး......... အတွေးတစ်ချက်ပေါ်မှာပဲ မူတည်နေတာ.........”</p> <p>“အဟွတ်.........”</p> <p>ထိုအလတ်တန်းစား အမျိုးသားကျင့်ကြံသူမှာလည်း သွေးအန်ကာ မြေပြင်ပေါ်သို့ ပြိုလဲကျသွားပြီး သူ၏ ဝိညာဉ်အသိမှာ ပျောက်ကွယ်လုနီးပါး ဖြစ်သွားသည်။</p> <p>မိစ္ဆာအင်မော်တယ်မက သူ့ကို တစ်ချက်ကြည့်ပြီးနောက် ကွင်းပြင်တွင် တစ်ဦးတည်း သတိရှိကျန်ရစ်သည့် မုန့်ဝမ်ကို စိုက်ကြည့်ကာ ဆက်လက် ပြောဆိုလိုက်သည်။</p> <p>“မိစ္ဆာလမ်းစဉ်ကို ကျင့်ကြံရာမှာ အကြွင်းမဲ့ ကောင်းခြင်း၊ ဆိုးခြင်း မရှိဘူး......... အကြွင်းမဲ့ အစွမ်းနဲ့ စိတ်ဆန္ဒပဲ ရှိတယ်......... မိစ္ဆာဆိုတာ မကောင်းမှု လုပ်ရမယ်လို့ ဘယ်သူပြောလဲ.....</p> <p>အကယ်၍ ကောင်းမှုကုသိုလ်နဲ့ ကြင်နာတဲ့ နှလုံးသားက မိစ္ဆာတစ်ဦး ဖြစ်လာစေတယ်ဆိုရင် အဲဒီမိစ္ဆာဟာ ဒီလောကမှာ အစင်ကြယ်ဆုံးနဲ့ အမွန်မြတ်ဆုံး ဖြစ်နိုင်တာပဲ.........”</p> <p>“ဝီ.........”</p> <p>မုန့်ဝမ် ထိုစကားကို ကြားလိုက်ရချိန်တွင် နားထဲ၌ တဝီဝီ မြည်ဟည်းသွားပြီး နှာခေါင်းနှင့် ပါးစပ်တို့မှ သွေးများ ချက်ချင်း စီးကျလာတော့သည်။ သူမ၏ မျက်နှာရှိ အပေါက်ခုနစ်ပေါက်မှ မီးခိုးများပင် ထွက်ပေါ်လာချေပြီ။</p> <p> ကိုယ်တွင်းရှိ သွေးပင်လယ်မှာလည်း ခန္ဓာကိုယ်ထဲမှ ပေါက်ကွက်ထွက်တော့မည့်အလား ရူးသွပ်စွာ လှိုင်းထန်နေသည်။</p> <p>‘တောက်....... ဒါက ငါ့အဆင့်နဲ့ မယှဉ်နိုင်တာပဲ.......’</p> <p>မိစ္ဆာအင်မော်တယ်၏ တာအိုမှာ သာမန်လူတစ်ဦး တောင့်ခံနိုင်သည့်အရာ မဟုတ်ပေ။ သို့သော် အန္တရာယ်ကြားတွင် အခွင့်အရေးကြီး ရှိနေသည် မဟုတ်ပါလား။</p> <p>မုန့်ဝမ်သည် နားထဲမှ မြည်သံများကို အတင်းအဓမ္မ လျစ်လျူရှုကာ သွေးတစ်စက်မှ ပြန်လည်မွေးဖွားခြင်းအတတ် ကို အသက်သွင်း၍ ဒဏ်ရာများကို အပြင်းအထန် ကုသလိုက်သည်။</p> <p>ဒဏ်ရာများ အနည်းငယ် သက်သာသွားသည်နှင့် မိစ္ဆာအင်မော်တယ်၏ အသံမှာ သူမ၏ နားထဲသို့ ထပ်မံ ဝင်ရောက်လာပြန်သည်။</p> <p>“မိစ္ဆာဆိုတာ လူသားတွေရဲ့ ကန့်သတ်ချက်ကို ကျော်လွန်သွားတာပဲ......... လူအချင်းချင်း စားတာဟာ မကောင်းမှုလို့ လူတွေ သိကြတယ်......... ဒါပေမဲ့ မိစ္ဆာတစ်ယောက်က လူသားကို စားတာဟာ လူသားတွေက ကျွဲ၊ နွား၊ သိုးတွေကို စားသလိုမျိုး အစားအစာ စားတာသက်သက်ပဲ.........</p> <p> မိစ္ဆာလမ်းစဉ်ဟာ ကောင်းကင်နဲ့ မြေကြီးရဲ့ ကန့်သတ်ချက်တွေကို စိန်ခေါ်ပြီး မိမိကိုယ်ကိုယ်ရဲ့ နက်ရှိုင်းတဲ့ အနက်ပိုင်းကို ရှာဖွေတာပဲ......... အဲဒါက မင်းရဲ့ မျိုးရိုးကို မမေးဘူး၊ ပုံသဏ္ဌာန်အပေါ်မှာလည်း မမူတည်ဘူး......... စစ်မှန်တဲ့ လွတ်လပ်မှုနဲ့ စွမ်းအားကို ရှာဖွေဖို့ မင်းမှာ သတ္တိအလုံအလောက် ရှိ၊ မရှိပဲ ကြည့်တယ်.........”</p> <p>“ဘုန်း.......”</p> <p>ဤတစ်ကြိမ်တွင်မူ မုန့်ဝမ်၏ နားထဲတွင် မြည်ဟည်းရုံတင်မကဘဲ သူမ၏ ခန္ဓာကိုယ်အတွင်းရှိ သွေးများမှာ ပြောင်းပြန် စီးဆင်းသွားတော့သည်။</p> <p>မုန့်ဝမ်၏ နဖူးမှ ချွေးစေးများ စီးကျလာပြီး သတိများပင် ဝေဝါးလာချေပြီ။ သို့သော် သူမသည် သွားကို တင်းတင်းကြိတ်ကာ သွေးတစ်စက်မှ ပြန်လည်မွေးဖွားခြင်းအတတ် ကို ဆက်လက် အသုံးပြုနေခဲ့သည်။</p> <p>ဒဏ်ရာဟောင်း ပျောက်သည်နှင့် ဒဏ်ရာသစ်က ချက်ချင်း ပေါ်လာသည်။ ဤသို့ဖြင့် အကြိမ်ကြိမ် အဖန်ဖန် ဖြစ်ပျက်နေတော့သည်။</p> <p>မုန့်ဝမ်မှာ မိစ္ဆာအင်မော်တယ် ဘာပြောနေသည်ကိုပင် မကြားနိုင်တော့ဘဲ စိတ်ဓာတ်ခွန်အားနှင့် ဗီဇကိုသာ အားကိုး၍ ခန္ဓာကိုယ်ကို ပြန်လည်ပြုပြင်နေရသည်။</p> <p>အချိန်မည်မျှ ကုန်ဆုံးသွားသည်ကို သူမ မသိပေ။ သတိပြန်ဝင်လာချိန်တွင် သူမသည် မြေပြင်ပေါ်၌ လဲလျောင်းနေပြီး သူမ၏ ရှေ့တွင် အမျိုးသမီးတစ်ဦးက အထက်စီးမှ ငုံ့ကြည့်နေသည်။</p> <p>“နင်က မိနစ်သုံးဆယ်လောက် တောင့်ခံနိုင်ခဲ့တာပဲ......... ငါ့အမြင်မှာတော့ ဒါဟာ အောင်မှတ် ရတယ်လို့ ပြောလို့ရပါတယ်.........”</p> <p>မိစ္ဆာအင်မော်တယ်မသည် မုန့်ဝမ်၏ နဖူး သို့ လက်ညှိုးဖြင့် ညွှန်လိုက်သည်။ ချက်ချင်းဆိုသလိုပင် မည်းနက်နေသော <strong>မိစ္ဆာစွမ်းအား</strong> တစ်ခုသည် မုန့်ဝမ်၏ နဖူးတည့်တည့်သို့ ပြေးဝင်လာတော့သည်။</p> <p>မုန့်ဝမ်က ရှောင်ရှားရန် ကြိုးစားသော်လည်း အေးစက်သော နှာခေါင်းရှုံ့သံတစ်ခုကြောင့် သူမ၏ ခန္ဓာကိုယ်မှာ လှုပ်မရတော့ပေ။</p> <p>ထိုမိစ္ဆာစွမ်းအားမှာ သက်ရှိတစ်ခုအလား သူမ၏ အရေပြားထဲသို့ တိုးဝင်သွားပြီး ခန္ဓာကိုယ်အနှံ့ လှည့်လည်သွားတော့သည်။</p> <p>မုန့်ဝမ်၏ ခန္ဓာကိုယ်မှာ ပြင်းထန်စွာ တုန်ရင်နေပြီး သူမ၏ <strong>သွေးကြော</strong>များမှာ ပေါက်ထွက်တော့မည့်အလား စွမ်းအားကြီးမားလှသည်။</p> <p>မိစ္ဆာစွမ်းအား ဖြတ်သန်းသွားသည့် နေရာတိုင်းတွင် သူမ၏ အသား၊ အရေ၊ အရိုးနှင့် <strong>ဝိညာဉ်အမြုတေ</strong> တို့မှာ ပြင်းထန်သော အပြောင်းအလဲများကို ကြုံတွေ့နေရသည်။ နာကျင်မှုများမှာ လှိုင်းလုံးကြီးများအလား သူမ၏ သတိအသိကို ဝါးမြိုနေချေပြီ။</p> <p>ခန္ဓာကိုယ်ထဲတွင် ဓားပေါင်း ထောင်သောင်းဖြင့် မွှန်းနေသကဲ့သို့လည်းကောင်း၊ မီးလျှံများက အသားတိုင်းကို လောင်မြိုက်နေသကဲ့သို့လည်းကောင်း ခံစားနေရသည်။</p> <p>“ဘာကို ကြောက်နေတာလဲ....... ဒါက နင်အောင်မြင်လို့ ရတဲ့ ဆုလာဘ် <strong>စစ်မှန်သော</strong> <strong>မိစ္ဆာစွမ်းအား</strong> <strong>အပ်နှင်းခြင်း</strong> ပဲ......... သာမန်လူတွေဆိုရင် ဒူးထောက်တောင်းပန်ရင်တောင် မရနိုင်ဘူး.........” မိစ္ဆာအင်မော်တယ်မက မုန့်ဝမ်၏ ရုန်းကန်မှုကို စိတ်ဝင်တစား ကြည့်နေသည်။</p> <p>“ဒါကို မတွန်းလှန်နဲ့......... လက်ခံလိုက်စမ်းပါ......... အဲဒါက နင့်ကို ပိုသန်မာစေလိမ့်မယ်.........”</p> <p>‘လက်ခံရမယ် ဟုတ်လား.......’</p> <p>မုန့်ဝမ်၏ မျက်ဝန်းတွင် ရက်စက်မှုများ ထင်ဟပ်သွားသည်။ သူမသည် မိစ္ဆာအင်မော်တယ်မ၏ စကားကို မယုံကြည်ဘဲ သွေးပင်လယ်ကို အသက်သွင်းကာ ထိုမိစ္ဆာစွမ်းအားကို ဆက်လက် ခုခံနေခဲ့သည်။</p> <p>သူမ၏ ထိန်းချုပ်မှုအောက်တွင် မရှိသော စွမ်းအားတစ်ခုသည် သူမကို ဖျက်ဆီးနိုင်သော်လည်း သူမကို အညံ့ခံခိုင်း၍ မရပေ။</p> <p>အချိန်ကြာလာသည်နှင့်အမျှ မုန့်ဝမ်၏ ခန္ဓာကိုယ်မှာ ထိုမိစ္ဆာစွမ်းအားနှင့် နေသားတကျ ဖြစ်လာပြီး ၎င်းကို စုပ်ယူနိုင်လာသည်။ သူမ၏ အရေပြားမှ ထူးဆန်းသော အလင်းများ ထွက်ပေါ်လာပြီး တစ်ကိုယ်လုံး၏ အရှိန်အဝါမှာ ပြောင်းလဲသွားတော့သည်။</p> <p>သူမ၏ အရေပြားမှာ ပိုမို မာကျောလာပြီး ခွန်အားနှင့် အရှိန်မှာလည်း သိသိသာသာ တိုးတက်လာခဲ့သည်။ အရေးကြီးဆုံးအချက်မှာ သူမ၏ သွေးပင်လယ်မှာ ဆယ်ဆခန့် ကျုံ့သွားခြင်းပင်။</p> <p>သွေးပင်လယ် ကျုံ့သွားသော်လည်း အတွင်းရှိ <strong>သွေးဝိညာဉ်ရေစင်</strong> များမှာ ပိုမိုသိပ်သည်းလာပြီး ကြောက်မက်ဖွယ်ကောင်းသော ဖိအားများကို ထုတ်လွှတ်နေသည်။</p> <p>နောက်ဆုံးတွင် မုန့်ဝမ်သည် သူမ၏ မျက်လုံးများကို ဖြည်းဖြည်းချင်း ဖွင့်လိုက်သည်။ သူမ၏ လက်ချောင်းထိပ်များမှ မိစ္ဆာစွမ်းအား အနည်းငယ် ထွက်ပေါ်နေချေပြီ။</p> <p><strong>စစ်မှန်သော</strong> <strong>မိစ္ဆာစွမ်းအား</strong> <strong>အပ်နှင်းခြင်း</strong></p> <p>သာမန် မိစ္ဆာကျင့်ကြံသူများသည် <strong>ရွှေအမြုတေအဆင့်</strong> ရောက်မှသာ မိစ္ဆာစွမ်းအား အနည်းငယ်ကို ကျင့်ကြံနိုင်ခြင်း ဖြစ်သည်။ သို့သော် သူမမှာမူ <strong>အခြေခံတည်ဆောက်ခြင်းအဆင့်</strong> ၌ပင် လူသားခန္ဓာကိုယ်မှ <strong>မိစ္ဆာခန္ဓာကိုယ်</strong> အဖြစ်သို့ ပြောင်းလဲသွားခဲ့ချေပြီ....... ယခုအခါ သူမ၏ ခန္ဓာကိုယ် သန်မာမှုမှာ <strong>လီဖော်ထျန်း</strong> နှင့် <strong>ဖန်ရှုံ</strong><strong> (</strong><strong>ဝက်ဝံကြီး</strong><strong>)</strong> တို့ နှစ်ယောက်ပေါင်း တိုက်ခိုက်လျှင်ပင် သူမကို အနိုင်ရရန် မလွယ်ကူတော့ပေ။</p> <p>သူမ၏ ခန္ဓာကိုယ်အတွင်းရှိ စွမ်းအားများကို ခံစားရင်း ကျေနပ်နေစဉ် အသံတစ်ခုကို ကြားလိုက်ရသည်။</p> <p> </p> <p> </p> <p style="text-align:center">***</p>


Save