Book List

<h2 style="text-align: center;">အခန်း (၁၇၂)</h2> <h2 style="text-align: center;">ချင်းယွီကို အကူအညီတောင်းခြင်း</h2> <h2 style="text-align: center;">*</h2> <p> </p> <p>“ဘာဖြစ်သွားတာလဲ..... အား... ခေါင်းကိုက်လိုက်တာ”</p> <p>ကွေ့ရန် (ဝိညာဉ်ဓား) သည် သူ၏ခေါင်းကိုပွတ်သပ်ရင်း နိုးလာသည်။ အခြေအနေကို ရိပ်မိသွားပြီးနောက် သူ၏မျက်ဝန်းတွင် ရက်စက်သော အရိပ်အယောင်တစ်ခု ဖြတ်ပြေးသွားသည်။</p> <p> ‘တောက်... မိစ္ဆာအင်မော်တယ် တာအိုဟောတုန်းက တကယ်ပဲ ဘာဖြစ်သွားတာလဲ..... ငါ ဘာလို့ ဘာမှမမှတ်မိတာလဲ.....’</p> <p>ကွေ့ရန်သည် ဘေးပတ်လည်ရှိ သတိလစ်နေဆဲဖြစ်သော အခြားနတ်သားတော်များကို တစ်ချက်ကြည့်လိုက်သည်။ မည်သူမျှ နိုးလာသည့်လက္ခဏာ မရှိသည်ကို မြင်သောအခါ သူ၏မျက်လုံးများ လျှပ်ခနဲ ဖြစ်သွားသည်။ နောက်တစ်ခဏတွင် သူသည် နက်မှောင်သော ဓားရှည်တစ်လက်ကို ထုတ်ယူကာ ရွှယ်ဝူယာ ထံသို့ အားပါပါ ခုတ်ချလိုက်တော့သည်။</p> <p>သွေးရောင်အလင်းတန်းတစ်ခု လက်ခနဲဖြစ်သွားပြီး ရွှယ်ဝူယာ၏ ပုံရိပ်မှာ မူလနေရာမှ ပျောက်ကွယ်သွားကာ ဝေဟင်တွင် ပေါ်လာသည်။ သူသည် ကွေ့ရန်ကို အေးစက်နက်ရှိုင်းသော အကြည့်များဖြင့် ပြန်ကြည့်လိုက်သည်။</p> <p>“ဩော်... မင်း နိုးနေတာကြာပြီပဲ၊ သတိလစ်ချင်ယောင်ဆောင်နေတာပေါ့” ကွေ့ရန်က လက်ထဲမှ ဓားရှည်ကို ကစားရင်း နှမြောတသဟန်ဖြင့် သက်ပြင်းချနေသည်။ ရွှယ်ဝူယာ၏ မျက်ဝန်းထဲမှ သတ်ဖြတ်လိုသော အရှိန်အဝါကို သူက ဂရုမစိုက်ပေ။</p> <p>ရွှယ်ဝူယာက သူ့ကို အဖက်မလုပ်တော့ဘဲ ဆူညံသံကြောင့် တစ်ယောက်ပြီးတစ်ယောက် နိုးလာကြသည့် အခြားနတ်သားတော်များနှင့် သတိလစ်နေဆဲ လူများကို ကြည့်ကာ အတွေးနက်သွားသည်။</p> <p>‘စတုတ္ထအဆင့် စမ်းသပ်မှုကတော့ လုံးဝ ကျရှုံးသွားပုံပဲ... ဒါပေမဲ့ ငါ မှတ်ဉာဏ်ပျောက်ဆုံးသွားတဲ့ အချိန်အတွင်းမှာ ဘာတွေဖြစ်ခဲ့တာလဲ.....’</p> <p>ကျန်ရှိသော နတ်သားတော်များမှာလည်း နိုးလာပြီးနောက် မျက်နှာပျက်နေကြသည်။ သူတို့လို မြင့်မြတ်သော နတ်သားတော်များအတွက် ကျရှုံးမှုကို လက်ခံနိုင်သော်လည်း ဘာမှမသိဘဲ အချိန်ကုန်သွားသည်ကိုမူ လက်ခံရန် ခက်ခဲလှသည်။</p> <p>တိတ်ဆိတ်မှုမှာ ကြာရှည်မခံလိုက်ပေ။ မိစ္ဆာလမ်းစဉ်မှ နတ်သားတော် ယောင်ဟန် က သက်ပြင်းတစ်ချက်ချရင်း စတင် စကားပြောလာသည်။</p> <p>“ငါ့ရဲ့ မိစ္ဆာဝိညာဉ် က စိတ်ဝင်စားစရာ အချက်အချို့ ကြားခဲ့ရတယ်... မင်းတို့ရော သိချင်ကြလား.....”</p> <p>ကျင်းချန်း က မျက်မှောင်ကြုတ်ကာ “ပြောစရာရှိရင် တည့်တည့်ပြောစမ်းပါ၊ စကားနာထိုးမနေနဲ့”</p> <p>ယောင်ဟန်က သူ့ကို တစ်ချက်ကြည့်လိုက်ပြီး “ဒီနေရာမှာ ပြောစေချင်တာ သေချာလား.....” ဟု မေးရာ ကျင်းချန်းမှာ နှုတ်ဆိတ်သွားတော့သည်။</p> <p>ယောင်ဟန်သည် လေသင်္ဘော တစ်စင်းကို ထုတ်ယူကာ ဦးခေါင်းပိုင်းတွင် ရပ်လိုက်သည်။ “အရင်ဆုံး ဒီနေရာကနေ ထွက်သွားကြစို့၊ သိချင်တဲ့သူတွေ လိုက်ခဲ့”</p> <p>နတ်သားတော် ခြောက်ဦးလုံး ထွက်ခွာသွားကြပြီးနောက် အချိန်အနည်းငယ်အကြာတွင်မှ နတ်သားတော်အလျောင်းအလျာများ အသီးသီး နိုးလာကြသည်။</p> <p>“ဘာဖြစ်တာလဲ..... ငါတို့ မိစ္ဆာအင်မော်တယ်ရဲ့ တာအိုကို နာကြားနေတာ မဟုတ်ဘူးလား..... ဘာလို့ ဒီကို ရောက်နေတာလဲ..... စမ်းသပ်မှု ကျရှုံးသွားတာလား.....”</p> <p>“နတ်သားတော်တွေရော..... ဘယ်ရောက်ကုန်ပြီလဲ..... သူတို့ လျှို့ဝှက်နယ်မြေထဲမှာ ကျန်ခဲ့တာလား.....”</p> <p>လူတိုင်းမှာ တစ်ဦးကိုတစ်ဦး သံသယမျက်လုံးများဖြင့် ကြည့်နေကြသည်။ ထိုစဉ် ဖန်ရှုံ (ဝက်ဝံကြီး) က နှာခေါင်းရှုံ့လိုက်ရင်း  “ကဲ... လူစုခွဲကြစို့၊ နတ်သားတော်တွေလည်း မရှိတော့မှတော့ ဒီမှာ ဘာလုပ်နေမှာလဲ” ထိုအခါမှသာ လူအုပ်ကြီးမှာ အသီးသီး ထွက်ခွာသွားကြတော့သည်။</p> <p>ကာမလမ်းစဉ်မှ နတ်သားတော် ချင်းယွီ မှာမူ သာမန်အမျိုးသားကျင့်ကြံသူ အသွင်ဖြင့် လူအုပ်ထဲ၌ ရောနှောထွက်ခွာလာသည်။ သို့သော် လမ်းတစ်ဝက်တွင် တစ်စုံတစ်ယောက် သူ့နောက်မှ လိုက်နေသည်ကို သူ သတိထားမိလိုက်သည်။ ထိုသူမှာ ခြေရာလက်ရာကိုပင် မဖုံးကွယ်ဘဲ တကောက်ကောက် လိုက်နေခြင်းဖြစ်သည်။</p> <p>သွေးလမ်းစဉ်မှ မုန့်ဝမ်။</p> <p>ချင်းယွီ၏ နှုတ်ခမ်းမှာ အနည်းငယ် တွန့်သွားသည်။ စမ်းသပ်မှု ပြီးသွားပြီဖြစ်သော်လည်း သူသည် လျှို့ဝှက်နေထိုင်သူဖြစ်သဖြင့် အပစ်မှတ်ထားခံရသည်ကို မနှစ်သက်ပေ။ သူသည် တောင်ကုန်းတစ်ခုကို ကျော်ဖြတ်ပြီးနောက် ရေတံခွန်တစ်ခုရှေ့တွင် ရပ်ကာ နောက်သို့ လှည့်ကြည့်လိုက်သည်။</p> <p>“မေးပါရစေ... အရှင်က ဘာလို့ ကျွန်မနောက်ကို လိုက်နေရတာလဲ.....”</p> <p>မုန့်ဝမ်က မျက်ခုံးပင့်လိုက်ရင်း စိတ်ဝင်တစား ကြည့်ကာ - “ကာမလမ်းစဉ်က နတ်သားတော် ချင်းယွီ ရဲ့ ညှို့ယူဖျက်ဆီးခြင်းအတတ် က နတ်ဘုရားတစ်ပါးလို စွမ်းတယ်လို့ ကြားဖူးတယ်၊ ဒီနေ့ ကိုယ်တိုင်မြင်လိုက်ရတော့ တကယ်ပဲ အစွမ်းထက်တာပဲ”</p> <p>ချင်းယွီ၏ မျက်နှာမှာ မပြောင်းလဲသော်လည်း မုန့်ဝမ်သည် ရုတ်တရက် သူမ၏ လိုက်လံမှုမှာ ရိုင်းပျရာကျသည်ဟု ခံစားလိုက်ရသည်။ ‘ချင်းယွီက နတ်သားတော် ခုနစ်ပါးထဲက တစ်ဦးပဲ၊ ငါက နတ်သားတော်အလျောင်းအလျာ အဆင့်ပဲ ရှိတာကို......... တော်စမ်း၊ တော်စမ်း’ မုန့်ဝမ်၏ အတွေးများမှာ ရှုပ်ထွေးသွားသော်လည်း သူမ၏ စိတ်ကို ချက်ချင်း ပြန်လည်ထိန်းချုပ်လိုက်သည်။</p> <p>“ငါ တည့်တည့်ပဲ ပြောမယ်၊ ငါ ရွှယ်ဝူယာ ကို ရှင်းပစ်ချင်တယ်၊ နင် ငါ့ကို ကူညီရမယ်”</p> <p>မုန့်ဝမ်က သူ၏ ညှို့ယူခြင်းအတတ်ကို အလွယ်တကူ ကျော်လွှားနိုင်သည်ကို မြင်သောအခါ ချင်းယွီ၏ နှုတ်ခမ်းတွင် အပြုံးတစ်ခု ပေါ်လာသော်လည်း စကားလုံးများမှာလည်း အေးစက်နေသည်။</p> <p>“ဘာလို့ ငါက ကူညီရမှာလဲ.....”</p> <p>မုန့်ဝမ်က အေးဆေးစွာပင် - “ကွေ့ရန်တို့၊ ယောင်ဟန်တို့ မိစ္ဆာအင်မော်တယ်ရဲ့ တာအို အကြောင်းအရာတွေကို အတော်လေး စိတ်ဝင်စားကြလိမ့်မယ်။ အကယ်၍ သူတို့သာ ကာမလမ်းစဉ် နတ်သားတော်ဟာ တာအိုဟောပြောတာ တစ်ခုလုံးကို ကြားခဲ့ရတယ်လို့ သိသွားရင် ဘာတွေဖြစ်လာမလဲဆိုတာ တွေးကြည့်စမ်းပါ”</p> <p>ချင်းယွီ၏ မျက်ဝန်းတွင် အေးစက်သော အရောင်များ လက်ခနဲ ဖြစ်သွားပြီး သူ၏ ပုံရိပ်ယောင်စွမ်းအားများကို ပတ်ဝန်းကျင်သို့ တိတ်တဆိတ် ဖြန့်ကျက်လိုက်သည်။</p> <p>မုန့်ဝမ်မှာမူ ကြိုတင်ပြင်ဆင်ထားပြီးဖြစ်ရာ သွေးပင်လယ် ပုံရိပ်ယောင်အိပ်မက် စွမ်းအားကို အသုံးပြု၍ ပုံရိပ်ယောင် အကာအကွယ် တစ်ခုကို တည်ဆောက်လိုက်သည်။</p> <p>ချင်းယွီက သူ၏ စွမ်းအားကို မြှင့်တင်ရင်း ညှို့ယူသော အသံဖြင့် ပြောလိုက်သည်။</p> <p>“မုန့်ဝမ်... သူတို့က တာအိုကို စိတ်ဝင်စားကြတယ်ဆိုရင် နင့်ကိုရော လက်မလွှတ်ကြဘူးလို့ ဘာလို့ ထင်နေတာလဲ..... နတ်သားတော်အလျောင်းအလျာ တစ်ယောက်ကို ကိုင်တွယ်ရတာက နတ်သားတော်တစ်ယောက်ကို ကိုင်တွယ်ရတာထက် ပိုလွယ်တာပဲလေ”</p> <p>မုန့်ဝမ်၏ မျက်ဝန်းတွင် တွေဝေမှုများ ခဏမျှ ပေါ်လာသော်လည်း သုံးချက်ခန့် အသက်ရှူအပြီးတွင် ပြန်လည် ကြည်လင်သွားသည်။</p> <p>“နတ်သားတော် ချင်းယွီ ပြောတာ မှန်ပါတယ်၊ ဒါပေမဲ့ နတ်သားတော် တစ်ယောက်ထက် နတ်သားတော်အလျောင်းအလျာ တစ်ယောက်က ပိုသိနေလိမ့်မယ်လို့ ဘာလို့ ထင်ရတာလဲ..... နင် ငါ့ကို သေစေချင်ရင် ငါလည်း နင့်ကို ငရဲအထိ ဆွဲခေါ်သွားမှာပဲ၊ ဒါမှ အဝါရောင်ရေပန်းလမ်း မှာ  အဖော်ရတာပေါ့.......”</p> <p>ချင်းယွီ၏ မျက်နှာတွင် ပထမဆုံးအကြိမ် အမူအရာ ပြောင်းလဲသွားသည်။ မုန့်ဝမ်၏ ခြိမ်းခြောက်မှုကြောင့် မဟုတ်ဘဲ သူမသည် သူ၏ ညှို့ယူခြင်းအတတ်ကို လုံးဝ ကျော်လွှားသွားခြင်းကြောင့်ပင်။</p> <p>သူသည် မုန့်ဝမ်ကို အသေအချာ ပြန်ကြည့်လိုက်သည်။ မိစ္ဆာအင်မော်တယ်၏ တာအိုဟောစဉ်က သူ့ထက်ပို၍ တောင့်ခံနိုင်ခဲ့သူမှာ သာမန်လူမဟုတ်သည်ကို သူ သတိပြုမိသွားပြီဖြစ်သည်။</p> <p>“ရွှယ်ဝူယာကို တိုက်ခိုက်ဖို့က အရမ်း စွန့်စားရလွန်းတယ်။ ငါ့အကူအညီအတွက် နင် ဘာပေးမှာလဲ.....”</p> <p>မုန့်ဝမ်က သူမ ပြင်ဆင်ထားသည့် အချက်များကို ပြောလိုက်သည်။</p> <p>“ဒီလိုလုပ်လို့ရတယ်.......၊ နင် ရွှယ်ဝူယာကို ရှင်းဖို့ ငါ့ကို ကူညီမယ်ဆိုရင် နောင်တစ်ချိန်မှာ နင်လိုအပ်တဲ့အခါ ငါလည်း တစ်ကြိမ် ပြန်ကူညီမယ်။</p> <p>ပြီးတော့ ငါ သွေးလမ်းစဉ်ရဲ့ နတ်သားတော် ဖြစ်လာတဲ့အခါ အကျိုးစီးပွားချင်း မဆန့်ကျင်သရွေ့ နင့်ကို ငါ အရင် စတင်တိုက်ခိုက်မှာ မဟုတ်ဘူးလို့ အာမခံတယ်၊ ဘယ်လိုလဲ.....”</p> <p>အနာဂတ် နတ်သားတော်တစ်ဦး၏ ကတိစကားမှာ သူ၏ အကူအညီအတွက် လုံလောက်သော တန်ဖိုးရှိသည်။ ချင်းယွီ၏ မျက်လုံးများ လျှပ်ခနဲ ဖြစ်သွားပြီး - “သဘောတူတယ်” ဟု ဆိုသည်။</p> <p>မုန့်ဝမ်က သူမ၏ သိုလှောင်အိတ်ထဲမှ ရွှေရောင်တောက်ပနေသော စက္ကူတစ်ရွက်ကို ထုတ်လိုက်သည်။</p> <p>“ဒီအရောင်းအဝယ် တာအိုမျှတဖို့အတွက် ငါ ‘စာချုပ်အဆောင်  ကို အသုံးပြုမယ်။ ငါတို့နှစ်ယောက်စလုံး ဒီအပေါ်မှာ ဝိညာဉ်အမှတ်အသား ထားလိုက်ရင် ဘယ်သူမှ စာချုပ်ကို ချိုးဖောက်လို့ မရတော့ဘူး”</p> <p> </p> <p style="text-align: center;">***</p> <p> </p>


Save