Book List

<h2 style="text-align: center;">အခန်း (၁၈၅)</h2> <h2 style="text-align: center;">သတ္တုတွင်းဧရိယာ ယှဉ်ပြိုင်ပွဲ</h2> <h2 style="text-align: center;">*</h2> <p> </p> <p>ယောင်ဟန် က ဆက်လက်ရှင်းပြသည်။ “အမမုန့်... နတ်သမီးတော် ဖြစ်လာပြီးရင် ကျင့်ကြံရေး အရင်းအမြစ် အမြောက်အများကို ခံစားခွင့်ရှိတယ်။ သွေးလမ်းစဉ်ဂိုဏ်း တစ်ခုလုံးနဲ့ နင့်နာမည်အောက်မှာ ရှိတဲ့ တောင်ထိပ်တွေအားလုံးဟာ နင့်အပိုင်ပဲ။</p> <p>အဲဒီထဲမှာရှိတဲ့ ဝိညာဉ်ကျောက်တုံး၊ ဆေးလုံး၊ ဝိညာဉ်လက်နက်တွေတင်မကဘူး... အဲဒီတောင်ပေါ်က ကျင့်ကြံသူတွေရဲ့ အသက်ကအစ နင့်လက်ထဲမှာပဲ ရှိတယ်။ ဒါ့အပြင် ဂိုဏ်းရဲ့ ဘဏ္ဍာတိုက်ကိုလည်း စိတ်ကြိုက် ဝင်ထွက်သွားလာပြီး နင့်ရဲ့ ဂိုဏ်းအကျိုးပြု အမှတ်တွေပေါ် မူတည်ပြီး ရတနာတွေကို ရွေးချယ်နိုင်သေးတယ်”</p> <p>ကျင်းချန်း ကလည်း ဖြည့်စွက်ပြောသည်။ “နတ်သားတော် တစ်ယောက်ဟာ သန့်စင်နယ်မြေ  ထဲမှာ ကိုယ်ပိုင်ကျင့်ကြံခြင်းဂူကို တည်ထောင်နိုင်သလို ဂိုဏ်းသားတွေကိုလည်း မိမိအလိုရှိရာ ခိုင်းစေနိုင်တယ်။ အတိုချုပ်ပြောရရင် နတ်သားတော်ဆိုတာ ဂိုဏ်းထဲမှာ အဆင့်မြင့်ဆုံး အာဏာကို ဆုပ်ကိုင်ထားနိုင်တာပဲ”</p> <p>သုံးဦးသားသည် နတ်သားတော်ဖြစ်ခြင်း၏ အကျိုးကျေးဇူးများကို တစ်ဦးတစ်လှည့်စီ ပြောပြနေကြသည်။ မုန့်ဝမ် ကလည်း အလွန်ပင် သိလိုစိတ်ပြင်းပြနေဟန်ဖြင့် အလေးအနက် နားထောင်ပြီး ခေါင်းညိတ်ပြနေ၏။</p> <p>“လမ်းညွှန်ပေးတဲ့အတွက် ကျေးဇူးတင်ပါတယ်ရှင်” မုန့်ဝမ်က ဝိုင်ခွက်ကို မြှောက်ကာ သူတို့ကို ပြန်လည် တုံ့ပြန်လိုက်သည်။</p> <p>နှစ်လတာ ကုန်ဆုံးသွားသည်။ မုန့်ဝမ်သည် ဆဋ္ဌမတောင်ထိပ်ရှိ သွေးကန်မကြီးမှ သွေးများကို အငမ်းမရ စုပ်ယူခဲ့ရာ သူမ၏ ကျင့်ကြံမှုအဆင့်မှာ အခြေခံအုတ်မြစ်တည်ဆောက်ခြင်းအဆင့် သတ္တမအလွှာ သို့ အောင်မြင်စွာ တက်လှမ်းနိုင်ခဲ့ပြီ ဖြစ်သည်။</p> <p>တစ်နှစ်တာ၏ အကြီးအကဲများကို ပေးအပ်ရမည့်နေ့သို့ ရောက်ရှိလာသည်။ နတ်သားတော်များသည် အရင်းအမြစ်များကို ခံစားနိုင်သော်လည်း ၎င်းတို့၏ အဓိက အစိတ်အပိုင်းကို ရွှေအမြုတေအဆင့် အကြီးအကဲများထံသို့ ဆက်သရသည်။</p> <p>၎င်းမှာ နောက်တစ်နှစ်အတွက် အရင်းအမြစ်များကို ပြန်လည် ခွဲဝေယူရန်အတွက်ပင် ဖြစ်သည်။ ရွှမ်ယင်ဂိုဏ်း သည် တောတွင်းဥပဒေကို ကောင်းစွာ နားလည်ထားပေသည်။</p> <p>မုန့်ဝမ်သည် အကြီးအကဲ ရှီရှင်းထျန်း ၏ ဂူသို့ ရောက်ရှိသွားသောအခါ ကျန်ရှိသော နတ်သားတော် ခြောက်ဦးလည်း ရောက်နှင့်နေပြီဖြစ်သည်။</p> <p>အားလုံးက ကိုယ်စီ ပြင်ဆင်လာသော ကျောက်တုံးနှင့် ပစ္စည်းများကို ဆက်သကြရာ မုန့်ဝမ်ကလည်း သိုလှောင်လက်စွပ် အမြောက်အမြားကို ရိုသေစွာ ပေးအပ်လိုက်သည်။</p> <p>ရှီရှင်းထျန်းက သိုလှောင်လက်စွပ်များကို စစ်ဆေးပြီးနောက် ကျေနပ်စွာ ခေါင်းညိတ်ပြသည်။ “မုန့်ဝမ်... နင် သွေးလမ်းစဉ်ရဲ့ နတ်သမီးတော် ဖြစ်လာတာ လပိုင်းပဲ ရှိသေးပေမဲ့ ဒီလောက်များတဲ့ အရင်းအမြစ်တွေကို ရှာဖွေနိုင်တာ တကယ်ပဲ ချီးကျူးဖို့ ကောင်းပါတယ်”</p> <p>အရင်းအမြစ်များ ခွဲဝေပြီးနောက် ရှီရှင်းထျန်းက ချောင်းတစ်ချက်ဟန့်ကာ အသံကို လေးနက်စေလိုက်သည်။</p> <p>“ငါတို့ဂိုဏ်းက မကြာခင်ကပဲ သတ္တုတွင်းဧရိယာ အသစ်တစ်ခုကို ရှာဖွေတွေ့ရှိထားတယ်။ အဲဒီထဲမှာ အလွန်ရှားပါးတဲ့ သတ္တုရိုင်းတွေ ရှိနေပုံရတယ်.........” သူက ခေတ္တရပ်ကာ နတ်သားတော်များ၏ တုံ့ပြန်မှုကို ကြည့်လိုက်သည်။ ရှားပါးသတ္တုရိုင်း ဆိုသည်မှာ ကြီးမားသော ချမ်းသာကြွယ်ဝမှုနှင့် အစွမ်းကို ဆိုလိုခြင်း ဖြစ်ပေသည်။</p> <p>“ဒါပေမဲ့ စိတ်မကောင်းစရာက အဲဒီတွင်းက ငါတို့ ရွှမ်ယင်ဂိုဏ်း တစ်ခုတည်း ပိုင်တာမဟုတ်ဘူး။ တခြားဂိုဏ်းကြီးတွေလည်း သတင်းရထားကြတယ်။ ဒါကြောင့် ဂိုဏ်းကြီးတွေ ဆွေးနွေးပြီး အခြေခံအုတ်မြစ်တည်ဆောက်ခြင်းအဆင့် တပည့်တွေကို လွှတ်ပြီး ယှဉ်ပြိုင်ပွဲ ကျင်းပဖို့ ဆုံးဖြတ်လိုက်ကြတယ်။ ယှဉ်ပြိုင်ပွဲ ရလဒ်ပေါ် မူတည်ပြီး တွင်းတွေကို ခွဲဝေယူကြမှာပါ”</p> <p>အကြီးအကဲ ရှီရှင်းထျန်း၏ မျက်ဝန်းတွင် အေးစက်သော အလင်းတန်းတစ်ခု ဖြတ်ပြေးသွားသည်။ “ဒီပြိုင်ပွဲမှာ ပါဝင်ရတဲ့ အဓိက ရည်ရွယ်ချက်က သတ္တုတွင်းကို ရဖို့တင် မဟုတ်ဘူး... တခြားဂိုဏ်းတွေရဲ့ ပါရမီရှင်တွေကို သတ်ဖြတ်ပစ်ဖို့ပဲ........”</p> <p>ပါရမီရှင်များကို အမဲလိုက်ခြင်း........ ထိုစကားကြောင့် အားလုံး၏ မျက်နှာအမူအရာများ ပြောင်းလဲသွားသည်။</p> <p>ရှီရှင်းထျန်းက မေးလိုက်သည်။ “ဂိုဏ်းက နင်တို့ကို ပြုစုပျိုးထောင်ဖို့ အစွမ်းကုန် ရင်းနှီးထားခဲ့တယ်။ အခုက နင်တို့ ဂိုဏ်းကို ပြန်ပြီး အကျိုးပြုရမယ့် အချိန်ပဲ။ ဘယ်သူတွေ သွားချင်ကြလဲ........”</p> <p>ခဏတာ တိတ်ဆိတ်သွားသည်။ သတ္တုတွင်းမှာ ဆွဲဆောင်မှု ရှိသော်လည်း ပါရမီရှင်များကို သတ်ဖြတ်ခြင်းမှာ အလွန် အန္တရာယ်များလှသည်။ တခြားဂိုဏ်းမှ ရွှေအမြုတေအဆင့် ကျင့်ကြံသူများ၏ ပစ်မှတ်ထားခြင်းကို ခံရနိုင်ချေ ရှိပေသည်။</p> <p>နတ်သားတော်များက ကိုယ်စီ အကြောင်းပြချက်များဖြင့် ငြင်းဆိုကြတော့သည်။ ကျင်းချန်းက ဂူပိုးကောင်များ ကျင့်ကြံရန် လိုအပ်သည်ဟု ဆိုသည်၊ ချင်းယွီက ကျင့်စဉ်တစ်ခု၏ အရေးကြီးသော အဆင့်သို့ ရောက်နေသည်ဟု ဆိုသည်၊</p> <p> ယောင်ဟန်က သူမသည် အားနည်းသော မိန်းမပျိုလေး ဖြစ်သဖြင့် လက်နက်စွဲကိုင်ရန် မသင့်တော်ဟု ဆိုကာ ငြင်းကြ၏။ မုန့်ဝမ်ကလည်း “တပည့်က အရည်အချင်း နိမ့်ပါးလွန်းလို့ ဂိုဏ်းကို အရှက်ခွဲမိမှာ စိုးရိမ်ပါတယ်” ဟု အားနည်းဟန်ဖြင့် ဆိုလိုက်သည်။</p> <p>ရှီရှင်းထျန်း၏ မျက်နှာမှာ မည်းမှောင်သွားသည်။ ဤမြေခွေးလေးများမှာ ဂိုဏ်းမှ အခွင့်အရေး ယူရလျှင် အလွန်တက်ကြွကြသော်လည်း တာဝန်ထမ်းဆောင်ရလျှင် ရှောင်လွှဲတတ်ကြပေသည်။ သူက အေးစက်စွာ နှာခေါင်းရှုံ့လိုက်ရင်း -</p> <p>“နင်တို့အားလုံး ရွှေအမြုတေအဆင့်ကို တက်လှမ်းဖို့ နီးစပ်နေကြပြီ။ အဆင့်တက်ဖို့အတွက် ပြင်ဆင်စရာတွေ မလိုချင်ကြတော့ဘူးလား........”</p> <p>ထိုစကားကြောင့် အားလုံး နားစွင့်သွားကြသည်။ ရှီရှင်းထျန်းက အကြီးစား ဆုလာဘ်ကို ချပြလိုက်တော့သည်။</p> <p>“ဒီမစ်ရှင်မှာ အဆင့်တူ ပါရမီရှင် တစ်ဦးကို သတ်နိုင်ရင် အဝါအဆင့် ဓာတ်ငါးပါး ဝိညာဉ်ပစ္စည်း တစ်ခု ဆုချမယ်။ သုံးဦးသတ်နိုင်ရင် နက်နဲအဆင့်၊ ငါးဦးသတ်နိုင်ရင် မြေအဆင့် နဲ့ ဆယ်ဦး သတ်နိုင်ရင် ကောင်းကင်အဆင့် တစ်ခုစီ ဆုချမယ်........”</p> <p>ဂူအတွင်း၌ အပ်ကျသံပင် ကြားရလောက်အောင် တိတ်ဆိတ်သွားသည်။ ဓာတ်ငါးပါးဝိညာဉ်ပစ္စည်း ဆိုသည်မှာ ရွှေအမြုတေအဆင့်သို့ တက်လှမ်းရန် မရှိမဖြစ် လိုအပ်သောအရာ ဖြစ်သည်။</p> <p>အထူးသဖြင့် မြေအဆင့်နှင့် မိုးအဆင့် ဝိညာဉ်ပစ္စည်းများမှာ အလွန်ပင် ရှားပါးလှပြီး အင်အားကြီး အဖွဲ့အစည်းများကသာ လက်ဝါးကြီး အုပ်ထားကြသည်။</p> <p>မိစ္ဆာကျင့်ကြံသူများသည် ရွှေအမြုတေအဆင့်သို့ တက်လှမ်းရာတွင် အောင်မြင်မှုနှုန်း မြင့်မားစေရန်အတွက် ဝိညာဉ်ပစ္စည်း အမြောက်အမြား လိုအပ်လှရာ ဤကမ်းလှမ်းချက်မှာ သူတို့အတွက် ငြင်းဆန်ရန် ခက်ခဲသော ဆွဲဆောင်မှုကြီး ဖြစ်ပေသည်။</p> <p> </p> <p style="text-align: center;">***</p> <p> </p>


Save