Book List

<h2 style="text-align: center;">အခန်း (၁၈၈)</h2> <h2 style="text-align: center;">နင့်ကို ရိုက်ဖို့ အချိန်ရွေးနေရဦးမှာလား</h2> <h2 style="text-align: center;">*</h2> <p> </p> <p>သတ္တုသံ ကျယ်လောင်စွာ ထွက်ပေါ်လာပြီး မြေနဂါးကင်းခြေများ ၏ ချပ်ဝတ်ပေါ်တွင် အရာထင်ရုံသာ ရှိခဲ့သည်။ မုန့်ဝမ် မျက်မှောင် အနည်းငယ် ကြုတ်သွားသည်။ ဤမြေနဂါးကင်းခြေများ ၏ အကာအကွယ်မှာ မာကျောလွန်းလှသည်။</p> <p>ထိုစဉ် ချင်းယွီ ၏ အသံ ရုတ်တရက် ထွက်ပေါ်လာသည်။ "မုန့်ဝမ်... ငါ ကူညီမယ်........"</p> <p>ချင်းယွီသည် သူ၏ လက်ထဲမှ မြရောင်မှန်ချပ်ကို ထုတ်လိုက်ရာ မှန်မျက်နှာပြင်မှ မြရောင်အလင်းတန်း တစ်ခုသည် မြေနဂါးကင်းခြေများ ထံသို့ တည့်တည့်မတ်မတ် ပစ်လွှတ်လိုက်သည်။ အလင်းတန်းသည် ကင်းခြေများ၏ ကိုယ်ပေါ်သို့ ကျရောက်သွားပြီးနောက် ၎င်း၏ မျက်လုံးများတွင် ဝေဝေဝါးဝါး ဖြစ်သွားသည့် အရိပ်အယောင် ပေါ်လာသည်။</p> <p>မုန့်ဝမ်နှင့် လီဖော်ထျန်း တို့သည် ထိုအခွင့်အရေးကို အမိအရယူကာ မြေနဂါးကင်းခြေများ ၏ ခုခံမှုအားနည်းသော ခေါင်းပိုင်းကို တရစပ် ထိုးနှက်တိုက်ခိုက်လိုက်ကြသည်။</p> <p>မြေနဂါးကင်းခြေများ မှာ နာကျင်စွာ အော်ဟစ်ပြီး မြေအောက်သို့ အလျင်အမြန် တိုးဝင်ပျောက်ကွယ်သွားတော့သည်။ ဤမြေနဂါးကင်းခြေများ ကို ရှင်းလင်းပြီးနောက် အားလုံး ရှေ့ဆက်ချီတက်လာရာ နောက်ဆုံးတွင် သတ္တုတွင်းဧရိယာ သို့ ရောက်ရှိလာခဲ့ကြသည်။</p> <p>မိမိဂိုဏ်းမှ အကြီးအကဲနှင့် မဆုံရသေးမီမှာပင် သူတို့သည် ရွှေတိမ်တိုက်ဂိုဏ်း နှင့် ထာဝရစိတ်ဝိညာဉ်ဂိုဏ်း မှ လူများနှင့် အရင်ဆုံး ထိပ်တိုက်တွေ့ဆုံခဲ့သည်။</p> <p>ရွှေတိမ်တိုက်ဂိုဏ်း မှ "ရွှေအလင်း ကိုယ်တော်" ချင်ရှောက်ယန် သည် ရွှေရောင်ဝတ်စုံကို ဝတ်ဆင်ထားပြီး ချောမောသော ရုပ်ရည်နှင့်အတူ ယဉ်ကျေးသည့် သခင်လေးတစ်ဦးကဲ့သို့ ရှိနေသည်။</p> <p>ထာဝရစိတ်ဝိညာဉ်ဂိုဏ်း မှ "ပန်းရိပ်နတ်သမီးတော်" ဟွာလီ မှာမူ အဖြူရောင် ဝတ်စုံဖြင့် လှပကျော့ရှင်းကာ နတ်သမီးတစ်ပါးကဲ့သို့ မြင်တွေ့ရသည်။</p> <p>ရွှေတိမ်တိုက်ဂိုဏ်း နှင့် ထာဝရစိတ်ဝိညာဉ်ဂိုဏ်း မှ တပည့်များသည် မုန့်ဝမ်တို့အဖွဲ့ကို မြင်လိုက်ရပြီး ရွှမ်ယင်ဂိုဏ်း ၏ ထူးခြားသော အနက်နှင့် အနီရောင် ဝတ်စုံများကို မှတ်မိသွားသည်နှင့် မျက်နှာများ ချက်ချင်း ပျက်သွားကြသည်။</p> <p>"မိစ္ဆာကျင့်ကြံသူတွေ........ ရွှမ်ယင်ဂိုဏ်း က မိစ္ဆာစုတ်တွေပဲ........" တစ်စုံတစ်ယောက်က ရွံရှာသောလေသံဖြင့် တိုးတိုးလေး ရေရွတ်လိုက်သည်။</p> <p>ရွှေတိမ်တိုက်ဂိုဏ်း တပည့်တစ်ဦးက နှာခေါင်းရှုံ့ရင်း - "ညစ်ပတ်တဲ့ မိစ္ဆာကျင့်ကြံသူတစ်စုက ဒီနေရာကို ခြေချရဲတယ်ပေါ့... ဒီလို သန့်စင်တဲ့ ဝိညာဉ်နယ်မြေကို တကယ်ပဲ ညစ်ညမ်းစေတာပဲ"</p> <p>"ဟုတ်တယ်........ မိစ္ဆာလမ်းစဉ် လိုက်စားတဲ့သူတွေက ငါတို့နဲ့အတူ သယံဇာတ လုယူဖို့ ထိုက်တန်လို့လား........" နောက်ထပ် ထာဝရစိတ်ဝိညာဉ်ဂိုဏ်း တပည့်တစ်ဦးကလည်း အထင်အမြင်သေးသော အကြည့်ဖြင့် ထောက်ခံပြောဆိုလိုက်သည်။</p> <p>ထိုစကားကို ကြားရသောအခါ လီဖော်ထျန်း၏ မျက်လုံးများတွင် ဒေါသအရိပ်အယောင်များ လက်ခနဲ ပေါ်လာသည်။ သူမသည် ခြေလှမ်းတစ်လှမ်း လှမ်းလိုက်ရာ သူမ၏ပုံရိပ်သည် ရွှေတိမ်တိုက်ဂိုဏ်း တပည့်၏ ရှေ့မှောက်သို့ ချက်ချင်းရောက်ရှိသွားပြီး ပါးရိုက်လိုက်တော့သည်။</p> <p>'ဖြန်း' ဟူသော အသံနှင့်အတူ ထိုတပည့်မှာ လွင့်ထွက်သွားပြီး ပါးပြင်မှာ ချက်ချင်းပင် ဖူးရောင်လာသည်။</p> <p>"နင်... နင် ငါ့ကို ရိုက်ရဲတယ်လား................" ထိုတပည့်က ပါးကို အုပ်ရင်း လီဖော်ထျန်းကို မယုံနိုင်သလို ကြည့်ကာ အော်ဟစ်လိုက်သည်။</p> <p>"နင့်ကို ရိုက်ဖို့ ငါက အချိန်ရွေးနေရဦးမှာလား........" လီဖော်ထျန်းက လှောင်ပြုံးပြုံးကာ  "နင်ကိုယ်တိုင်ပဲ ပြောခဲ့တာလေ... ငါတို့က မိစ္ဆာကျင့်ကြံသူတွေပါလို့။ နောက်တစ်ခါ အဓိပ္ပာယ်မရှိတာတွေ ထပ်ပြောရင် နင့်ကို သတ်ပစ်မယ်........"</p> <p>"မောက်မာလှချည်လား........" ချင်ရှောက်ယန်က မျက်နှာပျက်သွားပြီး ထိုတပည့်၏ ရှေ့တွင် ကာကွယ်ရပ်လိုက်သည်။ "လီဖော်ထျန်း... နင် တော်တော် အတင့်ရဲနေတာပဲ"</p> <p>ဟွာလီ ကလည်း မျက်မှောင်အနည်းငယ်ကြုတ်ကာ "ဒါက အဆင့်နိမ့်တပည့်တစ်ယောက်ရဲ့ နောက်ပြောင်မှုပဲလေ... လီဖော်ထျန်း၊ နင် လက်ပါတာ နည်းနည်း ပြင်းထန်လွန်းတယ်" ဟု ပြောလာသည်။</p> <p>လီဖော်ထျန်းက အေးစက်စွာ နှာခေါင်းရှုံ့ပြီး သူတို့နှစ်ယောက်ကို လုံးဝ မကြောက်ရွံ့ဘဲ ပြန်ကြည့်လိုက်သည်။ "ရွှမ်ယင်ဂိုဏ်း ဘာလုပ်လုပ် နင်တို့ ဝင်ပါစရာ မလိုဘူး........ ဘာလဲ... နင်တို့ ရွှေတိမ်တိုက်ဂိုဏ်း နဲ့ ထာဝရစိတ်ဝိညာဉ်ဂိုဏ်း က ငါတို့ ရွှမ်ယင်ဂိုဏ်း နဲ့ စစ်ဖြစ်ချင်နေတာလား........"</p> <p>ချင်ရှောက်ယန်နှင့် ဟွာလီတို့ မျက်နှာ အနည်းငယ် ပျက်သွားသည်။ သူတို့က ရွှမ်ယင်ဂိုဏ်း က မိစ္ဆာကျင့်ကြံသူများကို အထင်သေးသော်လည်း လက်ရှိအချိန်တွင် ထိပ်တိုက် စစ်မဖြစ်ချင်ကြပေ။</p> <p> သူတို့၏ အဓိကရည်ရွယ်ချက်က သတ္တုကြောမှ သယံဇာတများကို ရယူရန်သာ ဖြစ်ပြီး ရွှမ်ယင်ဂိုဏ်း နှင့် အသက်စွန့်တိုက်ခိုက်ရန် မဟုတ်ပေ။</p> <p>သို့သော်လည်း လူအများရှေ့တွင် သူတို့ အမုန်းဆုံးဖြစ်သော မိစ္ဆာကျင့်ကြံသူကို အလျှော့ပေးလိုက်လျှင် သူတို့၏ တာအိုနှလုံးသား ထိခိုက်မည်ကို စိုးရိမ်နေကြသည်။</p> <p>ထိုစဉ် မုန့်ဝမ်က ရုတ်တရက် ဝင်ပြောလိုက်သည်။ "အားလုံးပဲ... တကယ့်ပြိုင်ပွဲက မစရသေးဘူး။ ဒီမှာ အချိန်ကုန်ခံပြီး စွမ်းအင်တွေ ဘာလို့ ဖြုန်းတီးနေမှာလဲ........" သူမ၏ လေသံက တည်ငြိမ်ပြီး မျက်နှာတွင်လည်း ဘာမှမဖြစ်ခဲ့သလို ပြုံးရယ်နေသည်။</p> <p>ချင်ရှောက်ယန်က အေးစက်စွာ နှာခေါင်းရှုံ့ပြီး အခြေအနေကို နားလည်လိုက်ကာ ဝတ်စုံကို ခါရမ်းရင်း ထွက်သွားတော့သည်။ ရွှေတိမ်တိုက်ဂိုဏ်း တပည့်များလည်း အလျင်အမြန် လိုက်သွားကြသည်။</p> <p>ဟွာလီ ကလည်း မုန့်ဝမ်ကို အဓိပ္ပာယ်ပါပါ တစ်ချက်ကြည့်ကာ သူမ၏ ထာဝရစိတ်ဝိညာဉ်ဂိုဏ်း လူများကို ဦးဆောင်ပြီး ထွက်ခွာသွားသည်။</p> <p>ဂိုဏ်းနှစ်ခုမှ တပည့်များ ထွက်သွားပြီးနောက် လီဖော်ထျန်းက မကျေမနပ်ဖြစ်နေသည်။ "မုန့်ညီမလေး... ဘာလို့ စောစောက ငါ့ကို တားတာလဲ........ ငါတို့ သုံးယောက် ပေါင်းရင် ချင်ရှောက်ယန်နဲ့ ဟွာလီကို အပြတ်မရှင်းနိုင်ရင်တောင် တစ်ယောက်ကိုတော့ အပြင်းအထန် ဒဏ်ရာရအောင် လုပ်နိုင်တာပဲကို"</p> <p>လီဖော်ထျန်းက မုန့်ဝမ်ကို အပြစ်တင်သလို ပြောနေသည်ကို ကြားသောအခါ ချင်းယွီကမူ ဘာမှဝင်မပြောဘဲ ဘေးလူကဲ့သို့ ပြုံးနေသည်။ မုန့်ဝမ်က ခပ်တိုးတိုး ရယ်မောလိုက်ပြီး အေးအေးဆေးဆေး ရှင်းပြလိုက်သည်။</p> <p>"စီနီယာအစ်မလီ... စောစောက အခြေအနေမှာ ငါတို့ ခဏတာ အသာစီးရနိုင်ပေမဲ့ ရေရှည်မှာတော့ ရှုံးနိမ့်မှုပဲ ဖြစ်လိမ့်မယ်။" သူမက ခဏရပ်ကာ လီဖော်ထျန်း၏ စဉ်းစားဟန်ပါသော အကြည့်ကို ဆုံကြည့်ပြီး ဆက်ပြောသည်။</p> <p>"မမေ့ပါနဲ့... ဒီနေရာက သတ္တုတွင်းဧရိယာ ဖြစ်သလို ဂိုဏ်းပေါင်းစုံက ပညာရှင်တွေ စုဝေးနေတာ။ ငါတို့ရဲ့ လှုပ်ရှားမှုတိုင်းကို ရွှေအမြုတေအဆင့် အကြီးအကဲ တစ်ယောက်ယောက်ရဲ့ ဝိညာဉ်အာရုံ က စောင့်ကြည့်နေနိုင်တယ်။</p> <p>ဒါ့အပြင် ရည်ရွယ်ချက်ရှိရှိ ရန်စတာက သူတို့ကို ရွှမ်ယင်ဂိုဏ်း အပေါ် ပိုပြီး သတိထားလာအောင် လုပ်သလို ဖြစ်လိမ့်မယ်။ အခုလို လျှော့ပေးလိုက်တာက ပိုကောင်းတယ်၊ အခွင့်အရေးကို စောင့်ရမှာပေါ့"</p> <p>ထိုစကားကို ကြားသောအခါ ချင်းယွီက နောက်ဆုံးတွင် ခေါင်းညိတ်ထောက်ခံလိုက်သည်။ "မုန့်ညီမလေး ပြောတာ မှန်တယ်၊ ငါတို့ ရှေ့ရေးကိုပဲ အာရုံစိုက်ရမယ်"</p> <p>လီဖော်ထျန်းက ဆက်မပြောတော့ဘဲ ဂိုဏ်းမှ ရွှေအမြုတေအဆင့် အကြီးအကဲရှိရာသို့ အားလုံးကို ဦးဆောင်ခေါ်သွားသည်။ မကြာမီတွင် အေးချမ်းဆိတ်ငြိမ်သော ချိုင့်ဝှမ်းတစ်ခုသို့ ရောက်ရှိလာသည်။ ထိုနေရာတွင် ဝိညာဉ်စွမ်းအင်များ ပြည့်နှက်နေပြီး ဝါးပင်များကြားတွင် တင့်တယ်လှပသော အဆောက်အအုံအချို့ကို တွေ့မြင်ရသည်။</p> <p>"ဒီနေရာပဲ" ချိုင့်ဝှမ်းထဲသို့ ဝင်ပြီးနောက် လီဖော်ထျန်းက တခြားတပည့်များကို အပြင်တွင် စောင့်ခိုင်းထားပြီး သူမနှင့်အတူ မုန့်ဝမ်၊ ချင်းယွီတို့ အဆောက်အအုံတစ်ခုဆီသို့ လျှောက်သွားကြသည်။</p> <p>ခြေလှမ်းအနည်းငယ် လျှောက်ပြီးသည်နှင့် ကြည်လင်သော အသံတစ်ခု ထွက်ပေါ်လာသည်။ "နင်တို့ နောက်ဆုံးတော့ ရောက်လာကြပြီပဲ... ငါ ဒီမှာ စောင့်နေတာ ကြာပြီ"</p> <p>အဖြူရောင်ဝတ်စုံနှင့် အလွန်လှပသော အမျိုးသမီးတစ်ဦး ထွက်လာသည်။ သူမကား ရွှမ်ယင်ဂိုဏ်း ၏ ရွှေအမြုတေအဆင့် အကြီးအကဲ နတ်သမီးဝူမုန့် ပင် ဖြစ်သည်။</p> <p>သူမက ပြုံးရွှင်စွာဖြင့် သူတို့ သုံးဦးကို ကြည့်လိုက်ရာ သူမ၏ မျက်လုံးထဲတွင် ချီးကျူးသည့် အရိပ်အယောင်များ ပါရှိသည်။</p> <p>သူတို့ သုံးဦးကလည်း ချက်ချင်းပင် ရှေ့တိုးကာ ဦးညွှတ် အလေးပြုလိုက်ကြသည်။ "အကြီးအကဲ ဝူမုန့်ကို ဂါရဝပြုပါတယ်"</p> <p>"အားနာမနေကြနဲ့... အထဲဝင်ခဲ့ကြ" နတ်သမီးဝူမုန့် က ခေါင်းညိတ်ပြကာ လှပကျော့ရှင်းစွာ အလှဆင်ထားသော အဆောက်အအုံအတွင်းသို့ ခေါ်ဆောင်သွားသည်။ အားလုံး ထိုင်ပြီးသည်နှင့် သူမက ပြုံးလျက် စတင်ပြောကြားသည်။</p> <p>"ဒီသတ္တုကြောပြိုင်ပွဲက သေးငယ်တဲ့ ကိစ္စမဟုတ်ဘူး။ ဒီသတ္တုကြောထဲမှာ 'ကြယ်ကြွေသံမဏိ' လို့ ခေါ်တဲ့ အထူးသတ္တုတွေ ရှိတယ်။ အဲဒါက အဆင့်မြင့် ဝိညာဉ်လက်နက်တွေ လုပ်တဲ့နေရာမှာ သုံးနိုင်သလို ခွန်အားလမ်းစဉ် ကျင့်ကြံသူတွေအတွက်လည်း အများကြီး အကျိုးရှိတယ်"</p> <p>သူမက စားပွဲကို လက်ချောင်းလေးဖြင့် ဖြည်းဖြည်းချင်း တောက်ကာ ဆက်ပြောသည်။ "ငါ့ရဲ့ လေ့လာချက်အရ ဒီမှာရှိတဲ့ ကြယ်ကြွေသံမဏိ ပမာဏက အရင် ခန့်မှန်းထားတာထက် အများကြီး ပိုများနေတယ်။ ဒါကြောင့် သေချာပေါက် ပြင်းထန်တဲ့ တိုက်ပွဲတွေ ဖြစ်လာလိမ့်မယ်"</p> <p>လီဖော်ထျန်းက စိတ်လှုပ်ရှားစွာဖြင့် - "အကြီးအကဲ... ပြိုင်ပွဲက ဘယ်လိုမျိုးလဲ........ သတ္တု အများဆုံးတူးနိုင်တဲ့သူက နိုင်မှာလား........" ဟု မေးလိုက်သည်။</p> <p>နတ်သမီးဝူမုန့် က ပြုံးလျက် ခေါင်းခါလိုက်သည်။ "အသေးစိတ်ကိုတော့ မကြေညာသေးဘူး။ ဂိုဏ်းပေါင်းစုံက လူစုံအောင် စောင့်ရဦးမယ်။ အဲဒီအခါကျမှ ဂိုဏ်းအသီးသီးက အကြီးအကဲတွေ ညှိနှိုင်းပြီးမှ ဆုံးဖြတ်ကြမှာပါ"</p> <p>အကြီးအကဲက အခြေအနေအရပ်ရပ်ကို ရှင်းပြပြီးနောက် လူတိုင်းကို နားနေရန် စီစဉ်ပေးလိုက်သည်။ အပြင်တွင် စောင့်နေသော တပည့်များကိုလည်း အနီးနားရှိ အခန်းများတွင် နေရာချပေးလိုက်သည်။ မုန့်ဝမ်သည် နားမနေဘဲ တစ်ယောက်တည်း အခန်းထဲမှ ထွက်လာခဲ့သည်။</p> <p>ခဏအတွင်းမှာပင် ရွှမ်ယင်ဂိုဏ်း မှ မိစ္ဆာကျင့်ကြံသူများ ရောက်ရှိလာသည့်သတင်းမှာ သတ္တုတွင်းဧရိယာ တစ်ခုလုံး ပျံ့နှံ့သွားပြီး လှုပ်လှုပ်ခတ်ခတ် ဖြစ်သွားသည်။ ယာယီစျေးတန်းလေးတွင် ကျင့်ကြံသူအများအပြားက ထိုအကြောင်းကို ဆွေးနွေးနေကြသည်။</p> <p>"ကြားလိုက်လား........ ရွှမ်ယင်ဂိုဏ်း က ဒီတစ်ခေါက် နတ်သားတော် သုံးယောက်တောင် စေလွှတ်ထားတယ်တဲ့........"</p> <p>"ရွှမ်ယင်ဂိုဏ်း က မိစ္ဆာကျင့်ကြံသူတွေလား........ လူသတ်သမားတစ်စုက ကြယ်ကြွေသံမဏိကို လုဖို့ ထိုက်တန်လို့လား........"</p> <p>"ဟုတ်ပ........ သူတို့ ရောက်ရောက်ချင်းပဲ ရွှေတိမ်တိုက်ဂိုဏ်း နဲ့ ထာဝရစိတ်ဝိညာဉ်ဂိုဏ်း က လူတွေကို ရန်စတိုက်ခိုက်တယ်လို့ ကြားတယ်။ တကယ်ကို မောက်မာလွန်းတာပဲ........"</p> <p>"ဒီမိစ္ဆာကျင့်ကြံသူတွေက သူတို့လူများတာကို အားကိုးပြီး လူမိုက်ဆန်နေကြတာ... တကယ့်ကို အတင့်ရဲလွန်းတယ်........"</p> <p> </p> <p style="text-align: center;">***</p> <p> </p>


Save