Book List

<h2 style="text-align: center;">အခန်း (၁၉၀)</h2> <h2 style="text-align: center;">အမဲလိုက်ပွဲ စတင်ခြင်း</h2> <h2 style="text-align: center;">*</h2> <p> </p> <p>ရွှမ်ကျီ၏ မျက်လုံးများတွင် ကရုဏာရိပ်များ လက်ခနဲဖြစ်သွားသော်လည်း သူသည် တုန်လှုပ်ခြောက်ခြားခြင်းမရှိဘဲ ဗုဒ္ဓကျမ်းစာများကိုသာ ဆက်လက်ရွတ်ဖတ်နေသည်။</p> <p>သွေးအလိမ်းလိမ်းနှင့် လူရိပ်များသည် တဖြည်းဖြည်းနှင့် ပိုမိုကြောက်မက်ဖွယ်ကောင်းသော ပုံစံများအဖြစ် ပြောင်းလဲလာသည်။</p> <p>"ဘယ်သူ့ကိုမှ မကယ်တင်နိုင်ဘဲနဲ့ ဘာဆရာကြီးလဲ........ ရှင့်ကိုကြည့်ရတာ ဒီလောကမှာ အယုတ်ညံ့ဆုံး မိစ္ဆာကျင့်ကြံသူတွေထက်တောင် ပိုဆိုးသေးတယ်........"</p> <p>"ဆရာကြီးလို့ ကိုယ့်ကိုယ်ကိုယ် ခေါ်ရဲတဲ့ လူလိမ်... ဟားဟား... ရယ်စရာကောင်းလိုက်တာ၊ ငါနဲ့အတူ ငရဲကို လိုက်ခဲ့စမ်း..."</p> <p>သို့သော် ဤပုံရိပ်ယောင်များ မည်သို့ပင် ပြောင်းလဲနေပါစေ ရွှမ်ကျီသည် သူ၏ မူလစိတ်ဆန္ဒကို ခိုင်ခိုင်မာမာ ဆုပ်ကိုင်ထားပြီး လှည့်စားမှုနောက်သို့ ပါမသွားခဲ့ပေ။</p> <p>ဤအချက်က ပုံရိပ်ယောင်အတတ်တွင် ကျွမ်းကျင်သော မုန့်ဝမ်ကိုပင် စိတ်ထဲမှ တိတ်တဆိတ် ချီးကျူးမိစေသည်။ ဤဘုန်းကြီးသည် တကယ်ကို ကိုင်တွယ်ရ ခက်ခဲသော ပြိုင်ဘက်ပင်။</p> <p>ထားလိုက်ပါတော့... လောလောဆယ် ဆုတ်ခွာတာက ပိုကောင်းပါလိမ့်မည်။</p> <p>မုန့်ဝမ်သည် ပုံရိပ်ယောင်ကို ဖျောက်ပစ်လိုက်ပြီး သူမ၏ ကိုယ်ဟန်မှာ ဝေဝါးသွားကာ ထိုနေရာမှ ချက်ချင်းပင် ပျောက်ကွယ်သွားတော့သည်။</p> <p>ပုံရိပ်ယောင်များ ပျောက်ကွယ်သွားပြီးနောက် ရွှမ်ကျီ၏ မျက်စိရှေ့မှ မြင်ကွင်းမှာ ပုံမှန်အတိုင်း ပြန်ဖြစ်သွားသော်လည်း မုန့်ဝမ်၏ ပုံရိပ်မှာမူ မရှိတော့ပေ။ သူသည် ခေါင်းကို ဖြည်းညှင်းစွာ ခါရမ်းရင်း "နားမဝင်နိုင်အောင်ကို မောဟဖုံးနေရှာတယ်..." ဟု တိုးတိုးလေး သက်ပြင်းချလိုက်မိသည်။</p> <p>မုန့်ဝမ် ချိုင့်ဝှမ်းသို့ ပြန်ရောက်သည်နှင့် ချင်းယွီနှင့် ထိပ်တိုက်တိုးလေသည်။ သူမသည် သွေးလွတ်မြောက်ခြင်းကျင့်စဉ် ကို သုံးပြီး ပြန်လာသည်ကို မြင်သောအခါ ချင်းယွီက မျက်ခုံးပင့်ရင်း - "ဘာလို့ ဒီလောက် အလျင်စလို ဖြစ်နေရတာလဲ........ အင်အားကြီးတဲ့ ရန်သူနဲ့ တွေ့ခဲ့လို့လား........" ဟု မေးလိုက်သည်။</p> <p>မုန့်ဝမ်ကလည်း မဖုံးကွယ်ဘဲ - "ကံမကောင်းတာ... ရွှမ်ဟူကျောင်းတော်က ဘုန်းကြီးတစ်ပါးနဲ့ တိုးလို့။ လက်ရည်စမ်းကြည့်တာ ကျွန်မဘက်က ဘာမှ အသာမရခဲ့ဘူး" ဟု ဖြေလိုက်သည်။</p> <p>ချင်းယွီ၏ မျက်နှာ အနည်းငယ် တင်းမာသွားကာ - "ရွှမ်ဟူကျောင်းတော် ဟုတ်လား........ နင်တွေ့ခဲ့တာ ဗုဒ္ဓလမ်းစဉ် နတ်သားတော် ရွှမ်ကျီ လား........"</p> <p>မုန့်ဝမ်က ခေါင်းညိတ်ပြသည်။ ချင်းယွီသည် မိမိကိုယ်မိမိ ယုံကြည်မှုရှိသူ ဖြစ်သော်လည်း ယခုမူ သူ၏ အမူအရာမှာ သိသိသာသာ လေးနက်သွားသည်။</p> <p>"အဲဒီ ထိပ်ပြောင်တွေရဲ့ ကျင့်စဉ်တွေက ငါတို့ မိစ္ဆာကျင့်ကြံသူတွေအတွက် အထိရောက်ဆုံး တားဆီးနိုင်စွမ်း ရှိတာ။ နောက်တစ်ခါ သူတို့နဲ့တွေ့ရင် ပိုသတိထားတာ အကောင်းဆုံးပဲ"</p> <p>မုန့်ဝမ်နှင့် ချင်းယွီတို့ ခဏမျှ စကားပြောပြီးနောက် သူမသည် အခန်းထဲသို့ပြန်ကာ လျှို့ဝှက်ကျင့်စဉ်ကို ဆက်လက်လေ့ကျင့်နေခဲ့သည်။</p> <p>ပြိုင်ပွဲတရားဝင်မစတင်မီလေးတွင်မှ မုန့်ဝမ်သည် ကျင့်ကြံခြင်းကို ရပ်နားကာ အခြားသူများနှင့် သွားရောက်ပူးပေါင်းခဲ့သည်။ နတ်သမီးဝူမုန့်သည် နှင်းကဲ့သို့ ဖြူစင်သော ဝတ်စုံဖြင့် ရွှမ်ယင်ဂိုဏ်း တပည့်များရှေ့တွင် တင့်တယ်စွာ ရပ်နေပြီး သူမ၏ အေးစက်ကြည်လင်သော အသံမှာ ချိုင့်ဝှမ်းအတွင်း ပဲ့တင်ထပ်သွားသည်။</p> <p>"ဒီပြိုင်ပွဲမှာ အားလုံး အစွမ်းကုန် ကြိုးစားကြပါ၊ ပေါ့ပေါ့ဆဆ မနေကြနဲ့........"</p> <p>အားလုံးက တညီတညွတ်တည်း ပြန်လည်ထူးလိုက်သံမှာ ကောင်းကင်ယံအထိ ဟိန်းထွက်သွားသည်။ နတ်သမီးဝူမုန့်က ကျေနပ်စွာ ခေါင်းညိတ်ပြပြီး လူတိုင်းကို လူသူကင်းမဲ့သော သတ္တုတွင်းတစ်ခုဆီသို့ ဦးဆောင်ခေါ်သွားသည်။</p> <p>ထိုနေရာတွင် ဂိုဏ်းကြီးငါးခုအပြင် အခြားသော ဂိုဏ်းငယ်များမှ လူများလည်း ရောက်ရှိနေကြပြီ ဖြစ်သည်။ လူအများက သူတို့၏ ပြိုင်ဘက်များကို အကဲခတ်နေကြပြီး အထူးသဖြင့် ဂိုဏ်းအသီးသီးမှ နတ်သားတော်များနှင့် နတ်သမီးတော်များမှာ အဓိက အာရုံစိုက်ခံနေရသည်။</p> <p>အားလုံး စုံလင်သွားသောအခါ ပြိုင်ပွဲကို ကြီးကြပ်မည့် ရွှေအမြုတေအဆင့် အကြီးအကဲက စတင်ပြောကြားသည်။</p> <p>"မကြာသေးခင်က သတ္တုတွင်းပတ်ဝန်းကျင်မှာ ဒီက သတ္တုကြောတွေကို လောဘစိတ်နဲ့ လိုချင်နေတဲ့ ကျင့်ကြံသူတွေ အများကြီး ပတ်ဝန်းကျင်မှာ ရှိနေကြတယ်။ ဒါကြောင့် ဒီပြိုင်ပွဲရဲ့ ရည်ရွယ်ချက်က အဲဒီလူယုတ်မာတွေကို လိုက်လံနှိမ်နင်းဖို့ပဲ"</p> <p>အကြီးအကဲသည် ပတ်ဝန်းကျင်ရှိ တပည့်များအားလုံးကို ဝေ့ကြည့်လိုက်သည်။</p> <p>"ပြိုင်ပွဲက သုံးရက်ကြာမယ်။ သုံးရက်ပြည့်တဲ့အခါ နင်တို့ သတ်ဖြတ်နိုင်တဲ့ အရေအတွက်နဲ့ အဲဒီလူတွေရဲ့ ကျင့်ကြံမှုအဆင့်ပေါ် မူတည်ပြီး အဆင့်သတ်မှတ်မယ်။ ဒီပြိုင်ပွဲမှာ အသေအပျောက်ကို ဂရုမစိုက်ဘူး။ အဖွဲ့လိုက်ဖြစ်ဖြစ်၊ တစ်ယောက်တည်းဖြစ်ဖြစ် လှုပ်ရှားနိုင်တယ်။ ဒါပေမဲ့ မှတ်ထားရမှာက ဂိုဏ်းတူတပည့်အချင်းချင်းတော့ အန္တရာယ်မပြုရဘူး၊ ဖောက်ဖျက်တဲ့သူကို ပြင်းပြင်းထန်ထန် အပြစ်ပေးမယ်........"</p> <p>ထိုစဉ် ဝေခွဲမရဖြစ်နေသော အသံတစ်ခု ထွက်ပေါ်လာသည်။ "အကြီးအကဲ... အဲဒီကျင့်ကြံသူတွေထဲမှာ ရွှေအမြုတေအဆင့် ပညာရှင်တွေလည်း အများကြီး ပါဝင်နေပုံရပါတယ်..."</p> <p>ပြောလိုက်သူမှာ အခြေခံတည်ဆောက်ခြင်းအဆင့် အထွတ်အထိပ်သို့ ရောက်နေသော ဂိုဏ်းငယ်တစ်ခုမှ တပည့် ကျိုးကျိအန်း ဖြစ်သည်။ သူပြောလိုက်သည်နှင့် လူအများ၏ အကြည့်မှာ သူ့ထံသို့ ရောက်ရှိသွားသည်။ သူသည် အနည်းငယ် စိုးရိမ်သွားသော်လည်း ဆက်ပြောသည်။</p> <p>"တပည့်အနေနဲ့ ဂိုဏ်းကြီးငါးခုရဲ့ စီစဉ်မှုကို ကန့်ကွက်တာမဟုတ်ပါဘူး။ ဒါပေမဲ့ အဲဒီ ရွှေအမြုတေအဆင့် ကျင့်ကြံသူတွေက နာမည်ကျော်တွေ ဖြစ်သလို ငါတို့လို အခြေခံတည်ဆောက်ခြင်းအဆင့် တပည့်တွေနဲ့ ယှဉ်ရင် အစွမ်းချင်း အရမ်းကွာခြားလွန်းတယ်။ ဒီလိုဆိုရင် စစ်ဆေးမှုက ခက်ခဲလွန်းနေမှာ မဟုတ်ဘူးလား........"</p> <p>သူပြောပြီးသည်နှင့် နောက်တစ်ဦးက ထရပ်ပြီး တုံ့ပြန်လိုက်သည်။ "မှားတယ်........ ငါတို့အားလုံးက ဂိုဏ်းအသီးသီးက ဂရုတစိုက် ရွေးချယ်ထားတဲ့ အထူးချွန်ဆုံး တပည့်တွေပဲ၊ ငါတို့ကို ရွှေအမြုတေ မျိုးစေ့တွေလို့ ခေါ်ရင်တောင် မမှားဘူး။ ဒီလို တစ်ကိုယ်တော်ကျင့်ကြံသူတွေကို ဘာလို့ ကြောက်နေရမှာလဲ........ တကယ်လို့ အင်အားကြီးတဲ့ ရန်သူနဲ့တွေ့ရင်လည်း သတ္တုတွင်းထဲကို ပြန်ပြေးရုံပဲ။ ဒီမှာ ရွှေအမြုတေအဆင့် အကြီးအကဲတွေ အများကြီးရှိတာ၊ အဲဒီလူယုတ်မာတွေက အတွင်းထဲအထိ လိုက်ရဲမှာ မဟုတ်ပါဘူး"</p> <p>နောက်တစ်ဦးကလည်း လှောင်ပြောင်လျက် ထောက်ခံသည်။ "ဒီမိတ်ဆွေ ပြောတာ လုံးဝမှန်တယ်။ ငါတို့ ဒီကိုလာတာ ကိုယ့်ကိုယ်ကိုယ် ထက်မြက်အောင် လေ့ကျင့်ဖို့ပဲ။ ဒီလောက် စိန်ခေါ်မှုလေးကိုတောင် မကျော်လွှားနိုင်ရင် နောင်မှာ ဘယ်လိုလုပ် အင်မော်တယ်နယ်မြေကို တက်လှမ်းနိုင်ပါ့မလဲ........ ဒီစစ်ဆေးမှုက ခက်ခဲတယ်လို့ ထင်တဲ့သူရှိရင် အခုပဲ နုတ်ထွက်သွားလို့ရတယ်"</p> <p>ထိုသို့ မချေမငံ ပြောဆိုသံများကြောင့် ကျိုးကျိအန်းမှာ မျက်နှာပျက်သွားပြီး ဆက်မပြောရဲတော့ပေ။ အကြီးအကဲက အားလုံးကို ကြည့်ကာ ခေါင်းညိတ်သည်။</p> <p>"ဘယ်သူမှ ကန့်ကွက်သူမရှိရင် ဒီအတိုင်းပဲ ဆုံးဖြတ်မယ်။ ဒီပြိုင်ပွဲမှာ အသက်ဘေးက ကိုယ့်တာဝန်ပဲ။ အားလုံး ဂရုစိုက်ကြ........"</p> <p>ထိုသို့ပြောပြီးနောက် သူသည် မျက်စိမှိတ်ကာ အနားယူနေတော့သည်။ ထိုအခါ လူတိုင်းသည်လည်း သူတို့၏ အစွမ်းအစများကို ထုတ်ဖော်ကာ သတ္တုတွင်း အပြင်ဘက်သို့ အပြိုင်အဆိုင် ပြေးထွက်သွားကြသည်။</p> <p>ရွှေတိမ်တိုက်ဂိုဏ်း တပည့်များ သွားရာဘက်ကို ကြည့်ရင်း လီဖော်ထျန်းက အားရပါးရ ရယ်မောလိုက်ပြီး မုန့်ဝမ်နှင့် ချင်းယွီတို့ထံ စိတ်ချင်းဆက်သွယ်ကာ သတင်းပို့လိုက်သည်။</p> <p>"နင်တို့နှစ်ယောက်... လောလောဆယ် ငါတို့ အတူတူသွားကြမလား........ အစွန်အဖျားရောက်မှ အမဲလိုက်ဖို့ လူခွဲကြတာပေါ့"</p> <p>မုန့်ဝမ်နှင့် ချင်းယွီတို့က ငြင်းဆိုခြင်းမရှိဘဲ လီဖော်ထျန်း ဦးဆောင်သောအဖွဲ့နှင့်အတူ သတ္တုတွင်း အစွန်အဖျားသို့ ပျံသန်းသွားကြသည်။</p> <p>ရွှေတိမ်တိုက်ဂိုဏ်း တပည့်များသည် သူတို့နောက်မှ လိုက်လာသူများမှာ ရွှမ်ယင်ဂိုဏ်းမှ မိစ္ဆာကျင့်ကြံသူများ ဖြစ်နေသည်ကို သိသောအခါ သူတို့၏ ကံဆိုးမှုကို ကျိန်ဆဲရင်း ချင်ရှောက်ယန်နှင့် မုရွှယ်ယန်တို့ကို အလျင်အမြန် သတင်းပို့ကြသည်။</p> <p>"စီနီယာအစ်ကိုချင်၊ စီနီယာအစ်မမု... ရွှမ်ယင်ဂိုဏ်းကလူတွေ ငါတို့နောက်ကို လိုက်နေတယ်။ သူတို့ပုံစံက ရည်ရွယ်ချက် မကောင်းဘူးထင်တယ်၊ ဘာလုပ်ကြမလဲ........"</p> <p>ချင်ရှောက်ယန်၏ မျက်လုံးများ မှေးကျသွားသည်။ ဤမိစ္ဆာကျင့်ကြံသူများသည် အရူးများကဲ့သို့ပင်။ ပြိုင်ပွဲက အခုမှစတာ၊ သူတို့က ချက်ချင်းကြီး ရန်လာရှာမှာလား........</p> <p>မုရွှယ်ယန်ကမူ ပြတ်သားလှသည်။ "ဒီမိစ္ဆာကျင့်ကြံသူတွေက မှန်ကန်တဲ့လမ်းစဉ် မရှိတဲ့သူတွေပဲ၊ လှည့်ကွက်တွေပဲ သုံးတတ်ကြတာ။ ငါတို့ ရွှေတိမ်တိုက်ဂိုဏ်းက သူတို့ကို ကြောက်နေမယ်လို့ ထင်နေလား........"</p> <p>သူမ၏ စကားကြောင့် တပည့်များ အားတက်သွားသော်လည်း တစ်စုံတစ်ခုကို သတိရကာ ပြန်လည် စိုးရိမ်သွားကြသည်။ "ဒါပေမဲ့ သူတို့မှာ နတ်သားတော် အဆင့်ရှိသူ သုံးယောက်တောင် ပါတယ်လေ။ တကယ်လို့ ထိပ်တိုက်တွေ့ရင် ငါတို့ဘက်က အနည်းငယ် အထိနာနိုင်တယ်..."</p> <p>မုရွှယ်ယန်၏ မျက်လုံးများတွင် အေးစက်သော အလင်းများ လက်သွားပြီး "လိုက်ချင်ရင် လိုက်ပါစေ၊ သွားကြမယ်........" ဟု ပြောကာ အရှိန်မြှင့်လိုက်သည်။</p> <p>သို့သော်လည်း ရွှမ်ယင်ဂိုဏ်းအဖွဲ့သည် သတ္တုတွင်း အစွန်အဖျားသို့ ရောက်ခါနီးမှာပင် ဘေးဘက်မှ ပြင်းထန်သော သတ်ဖြတ်လိုသည့် အရှိန်အဝါတစ်ခု ရုတ်တရက် ကျရောက်လာသည်။</p> <p>"မကောင်းတော့ဘူး........"</p> <p>လီဖော်ထျန်း၏ စိတ်ထဲတွင် သတိပေးသံ မြည်လာသည်။ သူမသည် တိုက်ခိုက်မှုကို အလျင်အမြန် ရှောင်တိမ်းလိုက်ပြီး ခေါင်းကို လှည့်ကြည့်လိုက်သည်။</p> <p>လေထဲမှ လူရိပ်အချို့ ဆင်းသက်လာသည်ကို တွေ့ရပြီး ခေါင်းဆောင်လာသူနှစ်ဦးမှာ ထာဝရစိတ်ဝိညာဉ်ဂိုဏ်း၏ "ကောင်းကင်မျက်လုံး နတ်သား" ရှောင်ရိ နှင့် "ပန်းရိပ်နတ်သမီးတော်" ဟွာလီ တို့ ဖြစ်သည်။</p> <p>ရှောင်ရိသည် လက်ကို နောက်ပစ်ကာ အေးစက်လှသော အရှိန်အဝါများဖြင့် ရပ်နေသည်။ ဟွာလီကမူ သူမ၏ လက်ထဲမှ ပန်းခြင်းကို အသာအယာ လှုပ်ခါလိုက်ရာ နှလုံးတုန်စရာ ကောင်းသော သတ်ဖြတ်လိုသည့် အရှိန်အဝါများ ပါရှိသည့် ပန်းပွင့်ချပ်ပေါင်းများစွာသည် ရွှမ်ယင်ဂိုဏ်းအဖွဲ့ဆီသို့ လွင့်ပျံလာတော့သည်။</p> <p>"ရှောင်ရိ........ ဟွာလီ........ ဒါ ဘာအဓိပ္ပာယ်လဲ........"</p> <p>လီဖော်ထျန်းက ဟိန်းဟောက်လိုက်ပြီး သူမ၏ ပုဆိန်ကြီးကို ပြင်းထန်စွာ လွှဲယမ်းလိုက်ရာ ပန်းချပ်များကို ရိုက်ခွဲလိုက်သည်။</p> <p>ရှောင်ရိက လှောင်ပြုံးပြုံးကာ - "ဘာအဓိပ္ပာယ်လဲ ဟုတ်လား........ နင်တို့လို မိစ္ဆာကျင့်ကြံသူတွေကို ငရဲပို့ပေးမလို့ပေါ့........"</p> <p>စကားမဆုံးမီမှာပင် သူ၏ မျက်လုံးများမှ ကြောက်မက်ဖွယ်ကောင်းသော အေးစက်သည့် အလင်းတန်းများ ထွက်ပေါ်လာပြီး လီဖော်ထျန်းထံသို့ တိုက်ရိုက် ဦးတည်သွားသည်။ ဟွာလီကလည်း တစ်ပြိုင်တည်း တိုက်ခိုက်လိုက်ရာ နွယ်ပင်ပေါင်းများစွာ ထွက်ပေါ်လာပြီး အဆိပ်ရှိသော မြွေများကဲ့သို့ လီဖော်ထျန်းကို ဝိုင်းရံပတ်နှောင်ရန် ကြိုးစားတော့သည်။</p> <p> </p> <p style="text-align: center;">***</p>


Save