Book List

<h2 style="text-align: center;">အခန်း (၅၀၄)</h2> <h2 style="text-align: center;">ကြယ်နတ်ဘုရားနန်းတော်ကို ဖျက်ဆီးခြင်း။</h2> <h2 style="text-align: center;">*</h2> <p> </p> <p> </p> <p> </p> <p>ရန်ရှောက်ထျန်းသည် အချိန်သဲမှုန်များရှိရာသို့ရောက်ရှိလာခဲ့လေသည်။ ရန်ရှောက်ထျန်း၏ ခန္ဓာကိုယ်ပေါ်မှထာဝရနတ်ဘုရားခန္ဓာကိုယ်၏စွမ်းအားကိုအာရုံခံမိလိုက်သလိုပင် အချိန်သဲမှုန်များ သည် ရန်ရှောက်ထျန်း၏ခန္ဓာကိုယ်ကိုဝန်းရံကာ ပျော်ရွှင်နေသောငါးကလေးများအလားကူးခတ်နေ ကြလေသည်။</p> <p>ရန်ရှောက်ထျန်းက အချိန်သဲမှုန်များကိုထိတွေ့ရန်လက်လှမ်းလိုက်သော်လည်း အချိန်သဲမှုန် များအားလုံးမှာ ရန်ရှောက်ထျန်း၏လက်ချောင်းများကြားမှလျှောထွက်သွားသဖြင့် ၎င်းတို့ကို ထိတွေ့ ရန်မဖြစ်နိုင်ပေ။</p> <p>"သာမန်သိုင်းပညာရှင်တွေကတော့ အချိန်သဲမှုန်ကိုလုံးဝထိလို့မရဘူး" ဟု ဆေးနံ့သာအိုးက ပြောလိုက်သည်။</p> <p> "အချိန်နတ်ဘုရားအဆင့်ရတနာကိုသုံးပြီးသိမ်းဆည်းမှရမှာ၊ ဒါပေမဲ့မင်းမှာထာဝရနတ် ဘုရားခန္ဓာကိုယ်ရှိနေတာဆိုတော့ ထာဝရနတ်ဘုရားခန္ဓာကိုယ်ရဲ့ အချိန်စွမ်းအားကိုသုံးပြီး၎င်းကို ထိန်းချုပ်နိုင်တယ်"</p> <p>ရန်ရှောက်ထျန်းသည် သူ၏ထာဝရနတ်ဘုရားခန္ဓာကိုယ်စွမ်းအားကို အသက်သွင်းလိုက်ရာ သူ၏တစ်ကိုယ်လုံးတွင် အချိန်အလင်းတန်းများတောက်ပလာတော့သည်။ သူ၏လက်ဝါးဖြင့်ဆွဲယူ လိုက်သောအခါ အချိန်စွမ်းအားတစ်ခုကအချိန်သဲမှုန်အစုအဝေးကို လွှမ်းခြုံသွားခဲ့လေသည်။</p> <p>ယခုတစ်ကြိမ်တွင်မူ အချိန်သဲမှုန်များမှာ ထွက်ပြေးလွတ်မြောက်ခြင်းမရှိတော့ပေ။</p> <p>ရန်ရှောက်ထျန်းသည် ထိုအချိန်သဲမှုန်အစုအဝေးကို လျင်မြန်စွာသိမ်းဆည်းလိုက်လေသည်။</p> <p>ထို့နောက်တွင် သူသည်ထိုလုပ်ငန်းစဉ်ကိုပင်အထပ်ထပ်ပြုလုပ်ပြီး သူ၏ထာဝရနတ်ဘုရား ခန္ဓာကိုယ်စွမ်းအားကိုအသုံးပြုကာ အချိန်သဲမှုန်များကိုဆက်တိုက်သိမ်းဆည်းနေခဲ့လေသည်။</p> <p>နောက်ဆုံးတွင် အချိန်သဲမှုန်အားလုံးမှာသိမ်းဆည်းခြင်းခံလိုက်ရပြီး တစ်ပွင့်မျှပင်ကျန်ရှိ ခြင်း မရှိတော့ပေ။ ထိုအခါမှသာရန်ရှောက်ထျန်းသည်ဘဏ္ဍာတိုက်၏ပိုမိုနက်ရှိုင်းသောနေရာသို့ ဆက် လက်ပျံသန်းသွားခဲ့လေသည်။</p> <p>အဝေးတစ်နေရာတွင် ကြယ်စင်အလင်းတန်းများထုတ်လွှတ်နေသော ဧရာမသတ္တုရိုင်း တုံးကြီးတစ်ခုကိုစုပုံထားသည်ကိုတွေ့လိုက်ရသည်၊ ၎င်းမှာအံ့ဩဖွယ်ကောင်းသော ကြယ်နတ် ဘုရားသံထည်ပင်ဖြစ်လေသည်။ ထိုစဉ်ကမင်းသမီးဝမ်နင်သည် ကြယ်နတ်ဘုရားသံထည်ကိုရှာဖွေ ရန်အတွက်ကြယ်စင်ပင်လယ်အတွင်းသို့ ဝင်ရောက်ခဲ့ခြင်းဖြစ်လေသည်။</p> <p>သူ၏ရှေ့တွင်ရှိနေသော ကြယ်နတ်ဘုရားသံထည်မှာ ထိုစဉ်ကသူမရှာတွေ့ခဲ့သည်ထက် အဆပေါင်းတစ်ရာမက ပို၍ကြီးမားလှပေသည်။</p> <p>ရန်ရှောက်ထျန်းက ရှေ့သို့လှမ်းတက်လိုက်ပြီး၎င်းကိုမလိုက်သောအခါ အလွန်တရာလေးလံ နေသည်ကိုတွေ့လိုက်ရလေသည်။ သူ၏စစ်မှန်သောစွမ်းအားများကို လည်ပတ်လိုက်မှသာထိုကြယ် နတ်ဘုရားသံထည်တုံးကြီးကိုမနိုင်တော့သည်။</p> <p> ထိုစဉ်မှာပင်ရန်ရှောက်ထျန်းသည် ပြင်းထန်သောအရှိန်အဝါအများအပြား ဘဏ္ဍာတိုက်ဆီ သို့ ပျံသန်းလာသည်ကို ရုတ်တရက်အာရုံခံမိလိုက်လေသည်။</p> <p>"ဘိုးဘေးဖုန်း... ကျွန်တော်တို့စိန့်အဆင့်ဝိညာဉ်ကျောက်တုံးနှစ်တုံးကိုလာထုတ်တာပါ၊ ဒါက လက်မှတ်ထိုးထားတဲ့အမိန့်စာပါ" ဟု ဘဏ္ဍာတိုက်အဝင်ဝမှအသံတစ်ခု ထွက်ပေါ်လာလေသည်။</p> <p>"ကောင်းပြီ၊ မင်းတို့ဝင်သွားလို့ရပြီ၊ ဒါကသော့ပဲ"</p> <p>၎င်းအသံကိုကြားလိုက်ရသောအခါ ရန်ရှောက်ထျန်းသည် ကြယ်နတ်ဘုရားသံထည်ကို ဆေးနံ့သာအိုးအတွင်းသို့ လျင်မြန်စွာပစ်ထည့်လိုက်ပြီးနောက် ကောင်းကင်နှင့်မြေကြီးရတနာ အများ အပြားကိုအမြန်ဆုံးသိမ်းဆည်းကာ ဘဏ္ဍာတိုက်တံခါးမကြီးဆီသို့တိတ်တဆိတ် ပျံသန်းသွားခဲ့လေ သည်။</p> <p>သို့သော်လည်း သူသည်ဘဏ္ဍာတိုက်တံခါးမကြီးဆီသို့မရောက်မီမှာပင် ကြယ်စုတန်းနတ် ဘုရားနိုင်ငံတော်မှ ပညာရှင်များရောက်ရှိလာခဲ့ကြလေသည်။ သူတို့အုပ်စုမှာဘဏ္ဍာတိုက် တံခါးမ ကြီးပေါ်ရှိ ဧရာမအပေါက်ကြီးကိုကြည့်ကာ ခဏမျှကြောင်အသွားကြပြီးနောက် သူတို့၏မျက်နှာ အမူအရာများမှာ သိသိသာသာပြောင်းလဲသွားကြပြီး "ဘိုးဘေးဖုန်း" ဟု အော်ဟစ်လိုက်ကြ လေတော့သည်။</p> <p>အပြင်ဘက်တွင် စောင့်ကြပ်နေသောရှေးဟောင်းဘိုးဘေးသည် ထိုအော်ဟစ်သံကို ကြား သည်နှင့်တစ်ပြိုင်နက် အပြင်ဘက်မှအပြင်းအထန်တိုးဝင်လာခဲ့လေသည်။ သူဘဏ္ဍာတိုက်သို့ ရောက်ရှိလာပြီးတံခါးမကြီးပေါ်ရှိဧရာမအပေါက်ကြီးကိုမြင်လိုက်ရသောအခါ သူ၏မျက်နှာမှာ ဖြူဖျော့သွားတော့သည်။</p> <p> "ဒါ... ဒါက ဘယ်လိုဖြစ်နိုင်မှာလဲ"</p> <p>သူသည် တစ်ချိန်လုံးအပြင်ဘက်တွင်သေချာပေါက်စောင့်ကြပ်နေခဲ့ခြင်း ဖြစ်လေသည်။</p> <p>မည်သူမျှ ဝင်ရောက်နိုင်ရန်မဖြစ်နိုင်ပေ။ ချက်ချင်းဆိုသလိုပင် သူသည်သတိဝင်လာပြီး ဒေါသတကြီး ဟိန်းဟောက်လိုက်လေတော့သည်။</p> <p> "ကြယ်နတ်ဘုရားနန်းတော်ဘဏ္ဍာတိုက် ဖောက်ထွင်းခံလိုက်ရပြီ။ ကြယ်နတ်ဘုရားနန်း တော် တစ်ခုလုံးနဲ့ နတ်ဘုရားမြို့တော်ကို ပိတ်ဆို့လိုက်ကြ။ သူ့ကိုရှာကြစမ်း"</p> <p>အသံလှိုင်းများမှာ ပျံ့နှံ့သွားခဲ့လေပြီ။ ကြယ်နတ်ဘုရားနန်းတော်မှာ တုန်ခါသွားတော့သည်။</p> <p>"ဘာ... ကြယ်နတ်ဘုရားနန်းတော်ဘဏ္ဍာတိုက် ဖောက်ထွင်းခံလိုက်ရတယ်ဟုတ်လား"</p> <p>"သေချင်နေတာပဲ။ ဘယ်သူက ဒီလောက်အထိသတ္တိကောင်းနေရတာလဲ"</p> <p>"ဘိုးဘေးဖုန်း စောင့်ကြပ်နေတာတောင်တစ်ဖက်လူက ဘယ်လိုလုပ်ဘဏ္ဍာတိုက်ထဲကို ဝင်သွားနိုင်တာလဲ"</p> <p>အစွမ်းထက်လှသော ရှေးဟောင်းဘိုးဘေးများနှင့်နတ်ဘုရားဘိုးဘေးများမှာ တစ်ဦးပြီး တစ်ဦးကောင်းကင်ယံသို့ ပျံတက်လိုက်ကြပြီး ဒေါသတကြီးဖြင့်ဘဏ္ဍာတိုက်ဆီသို့ အပြင်းအထန် ပြေးလာခဲ့ကြလေသည်။ ကြယ်နတ်ဘုရားနန်းတော်တစ်ခုလုံးနှင့် နတ်ဘုရားမြို့တော်၏မဟာအစီ ရင် တားမြစ်ချက်များမှာ တောက်ပလာခဲ့လေပြီ။</p> <p>ထိုရှေးဟောင်းဘိုးဘေးများနှင့် နတ်ဘုရားဘိုးဘေးများမှာ ဘဏ္ဍာတိုက်တံခါးမကြီးရှေ့သို့ ရောက်ရှိလာသောအခါ အားလုံးမှာတံခါးပေါ်ရှိအပေါက်ကြီးကိုကြည့်ကာ ထိတ်လန့်မှုနှင့်ဒေါသ များ ပြည့်နှက်နေကြလေသည်။</p> <p>"ဒါက ဘယ်လိုစွမ်းအားမျိုးလဲ၊ ကမ္ဘာဦးသံထည်ကိုတောင် ဖျက်ဆီးနိုင်တယ်ဆိုတော့"</p> <p>"ကျူးလွန်တဲ့သူက သေချာပေါက်ထွက်မသွားသေးဘူး။ သူတို့ဘဏ္ဍာတိုက်ထဲမှာ ရှိနေသေး တာဖြစ်နိုင်တယ်။ ဘဏ္ဍာတိုက်ထဲကိုဝင်ပြီးရှာကြစမ်း၊ ပြီးတော့ကြယ်နတ်ဘုရားနန်းတော်နဲ့ နတ်ဘုရားမြို့တော်ရဲ့ နေရာတိုင်းကိုပါ ရှာကြစမ်း"</p> <p>ထိုအခိုက်အတန့်တွင် အစွမ်းထက်သော ရှေးဟောင်းဘိုးဘေးများနှင့် နတ်ဘုရားဘိုးဘေး များမှာ ဘဏ္ဍာတိုက်အတွင်းသို့တိုးဝင်သွားကြပြီး အမိန့်များကိုတစ်ခုပြီးတစ်ခု ထုတ်ပြန်လိုက်ကြ လေသည်။ ကြယ်နတ်ဘုရားနန်းတော်ဘဏ္ဍာတိုက်ဖောက်ထွင်းခံရခြင်းမှာ သမိုင်းတစ်လျှောက် တစ်ခါမျှ မရှိခဲ့ဖူးပေ။</p> <p>"စုံစမ်းကြစမ်း။ ဘာတွေပျောက်ဆုံးသွားသလဲဆိုတာကို" ဟု ဘိုးဘေးဖုန်းက ဟိန်းဟောက် အမိန့်ပေးလိုက်သည်၊ တစ်ချိန်တည်းမှာပင်သူ၏နှလုံးသားမှာတုန်ယင်နေတော့သည်။ သူသည် ဘဏ္ဍာတိုက်ကိုစောင့်ကြပ်နေသူဖြစ်လေသည်။</p> <p>အကယ်၍ အရေးကြီးသောရတနာများပျောက်ဆုံးသွားပြီး နတ်ဘုရားဧကရာဇ်သာဒေါသ ထွက်လာမည်ဆိုပါက သူသည်အကြိမ်တစ်ရာသေရသော်လည်းအပြစ်မကျေနိုင်ပေ။ ယခုအခါ သူသည် ထိုအရေးကြီးသောရတနာများ မပျောက်ဆုံးသေးပါစေနဲ့ဟုသာ ဆုတောင်းနိုင်တော့သည်။</p> <p>သူ ဆုတောင်းနေစဉ်မှာပင်ရှေးဟောင်းဘိုးဘေးတစ်ဦးက တုန်ယင်နေသောအသံဖြင့် အော်ဟစ်လိုက်သည်ကိုကြားလိုက်ရလေသည်။</p> <p> "ထိပ်တန်းအဆင့် ဝိညာဉ်ကျောက်တုံးတွေနဲ့ စိန့်အဆင့်ဝိညာဉ်ကျောက်တုံးတွေ အကုန်လုံး ပျောက်သွားပြီ"</p> <p>ဘဏ္ဍာတိုက် တံခါးမကြီးအတွင်းသို့ အပြင်းအထန်ဝင်ရောက်လာသော ဘိုးဘေးဖုန်းမှာ မူးဝေသွားသလို ခံစားလိုက်ရလေသည်။ ထို့နောက်တွင် နောက်ထပ်ရှေးဟောင်းဘိုးဘေးတစ်ဦး ကလည်းတုန်ယင်နေသောအသံဖြင့်အော်ဟစ်လိုက်ပြန်လေသည်။</p> <p> "ကောင်းကင်ဘေးဒုက္ခမိုးကြိုးရေ။ ကောင်းကင်ဘေးဒုက္ခမိုးကြိုးရေတွေ အကုန်လုံးလည်း မရှိတော့ဘူး"</p> <p>ဘိုးဘေးဖုန်းမှာ ယိုင်နဲ့သွားတော့သည်။</p> <p>"အချိန်သဲမှုန်။ အချိန်သဲမှုန်တွေဘယ်ရောက်ကုန်တာလဲ" ဟု ရှေးဟောင်းဘိုးဘေးတစ်ဦးက ထိတ်လန့်တကြားနှင့် ဒေါသတကြီးဟိန်းဟောက်လိုက်သောအခါ ဘိုးဘေးဖုန်းမှာလုံးဝသတိလစ် သွားခဲ့လေပြီ။</p> <p>"ရှာကြစမ်း။ ဘဏ္ဍာတိုက်ရဲ့ ထောင့်တိုင်းကို ရှာကြစမ်း"</p> <p>ကြယ်နတ်ဘုရားနန်းတော်မှ ရှေးဟောင်းဘိုးဘေးများနှင့် နတ်ဘုရားဘိုးဘေးများမှာ အလွန် တရာဒေါသထွက်နေကြပြီး တစ်ဦးချင်းစီမှာ သောင်းကျန်းနေသောသားရဲများအလား ဘဏ္ဍာတိုက် ၏ ထောင့်တိုင်းကို ရှာဖွေနေကြလေသည်။</p> <p>ဘယ်သူမှမရှိဘူး။ ဘယ်သူမှမရှိဘူး။ဘယ်သူမှကိုမရှိဘူး။ ရန်ရှောက်ထျန်းကမူ ထိုရှေး ဟောင်းဘိုးဘေးများနှင့် နတ်ဘုရားဘိုးဘေးများ၏ဘေးမှနေ၍ ဂရုတစိုက်ကိုယ်ပျောက်နေရင်းပျံ သန်းသွားခဲ့လေသည်။ သို့သော်လည်း သူဘဏ္ဍာတိုက်တံခါးမကြီးသို့ ရောက်ရှိလာသောအခါ ပိတ်ဆို့ခြင်းခံထားရသည်ကို တွေ့လိုက်ရလေသည်။</p> <p> အစွမ်းထက်လှသောနတ်ဘုရားဘိုးဘေးအများအပြားမှာတံခါးပေါ်ရှိ အပေါက်ကြီးကို စောင့်ကြပ်နေကြသဖြင့် ရန်ရှောက်ထျန်းအတွက်ပျံသန်းထွက်ခွာရန်နေရာမရှိတော့ပေ။ ၎င်းကို မြင်သောအခါ ရန်ရှောက်ထျန်းမှာ ရပ်တန့်ပြီးစိတ်ရှည်စွာ စောင့်ဆိုင်းနေရတော့သည်။</p> <p>ခဏအကြာတွင် နောက်ဆုံး၌နတ်ဘုရားဘိုးဘေးတစ်ဦးမှာ အပြင်သို့ထွက်ရန်လိုအပ်လာခဲ့ လေသည်။ ရန်ရှောက်ထျန်းသည် သူ၏နောက်မှထပ်ကြပ်မကွာလိုက်ပါပြီး ဘဏ္ဍာတိုက်အတွင်းမှ ထွက်ခွာခဲ့လေသည်။ တားမြစ်ချက် အလွှာများစွာကို ဖြတ်ကျော်ပြီးနောက် ရန်ရှောက်ထျန်းသည် ကြယ်နတ်ဘုရားနန်းတော်၏အထက်သို့ ရောက်ရှိလာခဲ့လေသည်။</p> <p> နေရာတိုင်းတွင် လိုက်လံရှာဖွေနေကြသောကြယ်နတ်ဘုရားနန်းတော်မှ ပညာရှင်များကို ငုံ့ကြည့်ရင်း ရန်ရှောက်ထျန်းကပြောလိုက်သည်။</p> <p> "ဆေးနံ့သာအိုးဘိုးဘေး... တို့တစ်ခုခုအကြီးအကျယ် လုပ်လိုက်ကြရအောင်"</p> <p>ချက်ချင်းဆိုသလိုပင် ဆေးနံ့သာအိုးမှာ ကောင်းကင်ယံသို့ ပျံတက်သွားခဲ့ပြီး သူ၏မူလအရွယ် အစားထက် သန်းပေါင်းများစွာအထိ ချက်ချင်းကြီးမားသွားခဲ့လေသည်။ ထိုအခိုက်အတန့်တွင် ကြယ်နတ်ဘုရားနန်းတော်မှာ အတိုင်းအဆမဲ့သော အမှောင်ထုအတွင်းသို့ ကျရောက်သွားခဲ့လေပြီ။ ကြယ်နတ်ဘုရားနန်းတော်အတွင်းရှိ သန်းပေါင်းများစွာသောပညာရှင်များမှာ အံ့အားသင့်စွာဖြင့် မော့ကြည့်လိုက်ကြရာ ကောင်းကင်မြင့်မှကျဆင်းလာသော နှိုင်းယှဉ်၍မရအောင် ကြီးမားလှသည့် ရွှေရောင်အိုးကြီးတစ်လုံးကို မြင်တွေ့လိုက်ရလေသည်။</p> <p>သူတို့၏ မျက်နှာအမူအရာများ သိသိသာသာပြောင်းလဲသွားကြပြီး ကြယ်နတ်ဘုရားနန်း တော်အတွင်းရှိသန်းပေါင်းများစွာသောပညာရှင်များသည် မည်သည့်အရာကိုမျှ မစဉ်းစားတော့ဘဲ သူတို့၏ စွမ်းအားအားလုံးကို ထုတ်ဖော်လိုက်ကြလေတော့သည်။</p> <p>"ဘုန်း..."</p> <p>ကမ္ဘာပျက်မတတ် ဟိန်းဟောက်သံကြီးထွက်ပေါ်လာလေသည်။ ဘဏ္ဍာတိုက်အတွင်း၌ ဘိုးဘေးဖုန်းနှင့် တခြားသူများမှာခိုးယူခံရမှုကြောင့် ဒေါသထွက်နေကြဆဲဖြစ်သော်လည်း ရုတ်တ ရက်ထိုဟိန်းဟောက်သံကြီးကိုကြားလိုက်ရလေသည်။</p> <p> ထို့နောက်တွင် ဖျက်ဆီးခြင်းစွမ်းအားများသည်အတိုင်းအဆမဲ့သော လှိုင်းလုံးများအလား ကြယ်နတ်ဘုရားနန်းတော်၏ထောင့်တိုင်းသို့ ရိုက်ခတ်သွားခဲ့ပြီး ကြယ်နတ်ဘုရားနန်းတော် ဘဏ္ဍာ တိုက်ကိုပါ ရိုက်ခတ်သွားခဲ့လေသည်။</p> <p>ဘိုးဘေးဖုန်းနှင့် တခြားသူများ၏မျက်နှာအမူအရာများ သိသိသာသာပြောင်းလဲသွားကြပြီး သူတို့မှာ အပြင်းအထန်ပြေးထွက်လာခဲ့ကြလေသည်။ သူတို့ပြေးထွက်လာသည်နှင့်တစ်ပြိုင်နက် ဖျက်ဆီးခြင်း ချီစီးကြောင်းများနှင့် လှိုင်းလုံးများ သူတို့ဆီသို့ရိုက်ခတ်လာသည်ကို မြင်တွေ့လိုက်ရ လေသည်။ ဘိုးဘေးဖုန်းနှင့်တခြားသူများမှာအပြင်းအထန်ပြန်လည်တိုက်ခိုက်ခဲ့ကြသော်လည်း သူတို့အားလုံးမှာ လွင့်ထွက်သွားခဲ့ကြရလေသည်။ ဘဏ္ဍာတိုက်နန်းဆောင်မှာ ချက်ချင်းဆိုသလိုပင် ပြိုလဲသွားခဲ့လေပြီ။</p> <p>"ဒုန်း..."</p> <p>ချက်ချင်းဆိုသလိုပင် ကြယ်နတ်ဘုရားနန်းတော်မှာ ဖျက်ဆီးခြင်းဒဏ်ကို ခံလိုက်ရသလိုပင် နတ်ဘုရားမြို့တော်တစ်ခုလုံးမှာ ပြင်းထန်စွာတုန်ခါသွားတော့သည်။ ဘိုးဘေးဖုန်းနှင့် တခြားသူများ မြေအောက်အနက်ပိုင်းမှ ပြန်လည်တွားထွက်လာကြသောအခါ ကြယ်နတ်ဘုရားနန်းတော်တစ်ခုလုံး ပျောက်ကွယ်သွားပြီး ဧရာမကျင်းကြီးတစ်ခုအဖြစ်ပြောင်းလဲသွားသည်ကို မြင်တွေ့လိုက်ရလေ သည်။</p> <p> မရေမတွက်နိုင်သောနန်းဆောင်များမှာ မြေမှုန့်အဖြစ်သို့ ပြောင်းလဲသွားခဲ့ပြီး မရေမတွက်နိုင် သောအင်ပါယာအစောင့်တပ်များမှာလည်း သေဆုံးခြင်းသို့မဟုတ်ဒဏ်ရာရခြင်းများကို ခံလိုက်ရ လေသည်။</p> <p>သူတို့ မော့ကြည့်လိုက်သောအခါ လေထဲတွင်ရပ်နေသောအပြာနုရောင်ပုံရိပ်တစ်ခုနှင့် ကောင်းကင်ယံအလား ကျယ်ဝန်းလှသောရွှေရောင်အိုးကြီးတစ်လုံးကို မြင်တွေ့လိုက်ရလေသည်။</p> <p>ရန်ရှောက်ထျန်း၏ မျက်လုံးများမှာ အေးစက်နေတော့သည်။ ဆေးနံ့သာအိုးမှာ ကောင်းကင်ယံသို့ တစ်ဖန်ပြန်တက်သွားပြီး ဟိန်းဟောက်သံနှင့်အတူ ပြန်လည်ရိုက်ချလိုက်ပြန်လေ သည်။ ဘိုးဘေးဖုန်းနှင့်တခြားသူများမှာထိတ်လန့်တကြားဖြင့် သူတို့၏အစွမ်းကုန်တိုက်ခိုက်ခဲ့ကြ သော်လည်း သူတို့၏အမြင်အာရုံများ မှောင်မိုက်သွားခဲ့ပြီး သတိလစ်သွားကြလေတော့သည်။</p> <p>ရန်ရှောက်ထျန်းသည် ဟင်းလင်းပြင်ကို ဖောက်ထွက်ပြီး ထွက်ခွာသွားခဲ့လေသည်။</p> <p>ရန်ရှောက်ထျန်း ထွက်ခွာပြီးမကြာမီမှာပင် ကြယ်စုတန်းနတ်ဘုရားကျွန်းနှင့် မလှမ်းမကမ်းရှိ ကျွန်းတစ်ကျွန်းပေါ်တွင် ဒဏ်ရာများကိုကုသနေသော ဧကရာဇ်ယွန်းထျန်းသည် ကြယ်နတ်ဘုရား နန်းတော်ဖျက်ဆီးခံလိုက်ရပြီး သန်းပေါင်းများစွာသော အင်ပါယာအစောင့်တပ်များ၊ မရေမတွက်နိုင် သောရှေးဟောင်းဘိုးဘေးများနှင့် နတ်ဘုရားဘိုးဘေးများကျဆုံးကုန်ပြီဟူသော သတင်းကို ကြားလိုက်ရသောအခါ သူသည် ချက်ချင်းပင် သွေးတစ်ငုံ အန်ထုတ်လိုက်ရလေသည်။</p> <p>သူ၏မျက်လုံးများတွင် ကြောက်မက်ဖွယ်ကောင်းသော သတ်ဖြတ်လိုစိတ်များ ပြည့်နှက် နေပြီး သူကဟိန်းဟောက်လိုက်လေသည်။</p> <p> "ရန်ရှောက်ထျန်း... မင်းကို ငါ ဒီဘဝမှာ မသတ်နိုင်ရင် လူလို့ မခေါ်တော့ဘူး"</p> <p>"အရှင်မင်းကြီး... ကြယ်နတ်ဘုရားလေးပါးဆီက သတင်းရထားပါတယ်၊ အိမ်ရှေ့မင်းသားက မိစ္ဆာကျွန်းမှာပျောက်ဆုံးသွားခဲ့ပြီး တရားခံကတော့ရန်ရှောက်ထျန်းဖြစ်ဖို့ သေချာသလောက် ရှိပါတယ်" ဟု ထိုအခိုက်တွင် နတ်ဘုရားဘိုးဘေးတစ်ဦးကတုန်ယင်စွာဖြင့် လျှောက်တင်လိုက် လေသည်။</p> <p>ဧကရာဇ်ယွန်းထျန်းသည် နောက်ထပ်သွေးတစ်ငုံကို အန်ထုတ်လိုက်ရပြန်လေတော့သည်။</p> <p> </p> <p> </p> <p>***</p> <p> </p>


Save