Book List

<h2 style="text-align: center;">အခန်း (၅၀၈)</h2> <h2 style="text-align: center;">လူငယ် သိုင်းစိန့်အဆင့်။</h2> <h2 style="text-align: center;">*</h2> <p> </p> <p> </p> <p> </p> <p>ကြယ်စင်ပင်လယ်ဆီသို့မသွားမီ နောက်ထပ်တစ်လစောင့်ဆိုင်းရန် ဆုံးဖြတ်ပြီးနောက် ရန်ရှောက်ထျန်းသည်နတ်ဘုရားစံအိမ်တော်သို့ပြန်လာခဲ့လေသည်။ နှစ်သစ်ကူးနီးလာပြီဖြစ်သဖြင့် နတ်ဘုရားပေါင်းတစ်သောင်း အင်ပါယာမြို့တော်တစ်ခုလုံးမှာ အလွန်တရာစည်ကားနေခဲ့လေသည်။ လမ်းမများပေါ်တွင် မီးပုံးများနှင့်ရောင်စုံအလံများချိတ်ဆွဲထားကြပြီး ပျော်ရွှင်စရာကောင်းသော အငွေ့အသက်များ လွှမ်းခြုံနေခဲ့လေသည်။</p> <p>သို့သော်လည်း လွန်ခဲ့သောတစ်ကြိမ်က မိစ္ဆာဂိုဏ်းကြီးလေးခု၏တိုက်ခိုက်မှုကိုခံခဲ့ရပြီး နောက် နတ်ဘုရားပေါင်းတစ်သောင်းအင်ပါယာသည် မြို့တော်အတွင်းစစ်တပ်အင်အားကိုတိုးမြှင့် ထားခဲ့ပြီး ကင်းလှည့်နေသောစစ်သားများကိုနေရာတိုင်းတွင်မြင်တွေ့နိုင်လေသည်။ ရန်ရှောက်ထျန်း နတ်ဘုရားစံအိမ်တော်သို့မရောက်မီမှာပင် စံအိမ်တော်၏အစောင့်တပ်များက အဝေးမှစိတ်လှုပ်ရှား စွာ အော်ဟစ်လိုက်ကြလေသည်။</p> <p>"အရှင်မင်းကြီး ပြန်လာပြီ"</p> <p>"အရှင်မင်းကြီး ပြန်လာပြီ"</p> <p>ထိုအော်ဟစ်သံမှာပျံ့နှံ့သွားခဲ့ပြီး နတ်ဘုရားစံအိမ်တော်သာမက ပတ်ဝန်းကျင်ရှိလမ်းမများ ပေါ်တွင်ပါ စိတ်လှုပ်ရှားမှုများဖြစ်ပေါ်သွားစေခဲ့လေသည်။ လမ်းသွားလမ်းလာပညာရှင်များမှာ မူလကရန်ရှောက်ထျန်းကို မမှတ်မိကြသော်လည်း ထိုအော်ဟစ်သံကိုကြားလိုက်ရသောအခါ အားလုံးက လှည့်ကြည့်လိုက်ကြလေသည်။</p> <p>"ဒါ... ဧကရာဇ်သုံးထောင် ရန်ရှောက်ထျန်းပဲ"</p> <p>"နတ်ဘုရား ဧကရာဇ်ရန်ပဲ"</p> <p>လမ်းသွားလမ်းလာ ပညာရှင်များအားလုံးစိတ်လှုပ်ရှားစွာဖြင့် ဒူးထောက်လိုက်ကြလေ သည်။ ချက်ချင်းဆိုသလိုပင် စည်ကားနေသောလမ်းမကြီး၏အပိုင်းတစ်ခုလုံးမှာ ဒူးထောက်နေသူ များဖြင့်ပြည့်နှက်သွားခဲ့လေသည်။ ထို့အပြင်ထိုအသံမှာ ပိုမိုကျယ်လောင်လာပြီးပိုမိုကျယ်ပြန့်စွာ ပျံ့နှံ့သွားခဲ့ရာ ဒူးထောက်နေသောပညာရှင်များမှာ ပို၍ပို၍များပြားလာခဲ့လေသည်။</p> <p> ၎င်းမှာ လမ်းမကြီး၏ အဆုံးအထိပင် ရောက်ရှိသွားခဲ့လေပြီ။</p> <p>ရန်ရှောက်ထျန်း ချွေးပြန်သွားမိပြီး ပတ်ဝန်းကျင်ရှိလူအားလုံးကို သူ၏စွမ်းအင်ဖြင့် အမြန်ထူ မပေးလိုက်လေသည်။</p> <p> "အားလုံး ထကြပါ... ဒီလိုမျိုးတွေလုပ်နေဖို့မလိုပါဘူး"</p> <p> ရန်ရှောက်ထျန်းက အကြိမ်ကြိမ်အော်ဟစ်ပြောဆိုပြီးနောက်မှသာ အားလုံးကတဖြည်း ဖြည်းပြန်ထလာကြလေသည်။ သို့သော်လည်းလမ်းပေါ်ရှိလူအုပ်ကြီးမှာ အလွန်တရာစိတ်လှုပ်ရှား နေကြဆဲဖြစ်လေသည်။</p> <p>လူအများအပြားအတွက် ချန်ဆန်းအရှင်သခင်အသစ်ကို ဂါရဝပြုခွင့်ရခြင်းမှာနှိုင်းယှဉ်၍ မရနိုင်သော ဂုဏ်ယူစရာတစ်ခုဖြစ်လေသည်။ လူတိုင်းကထိုနေရာမှာပင်ရပ်နေကြပြီး မထွက်သွား ကြသလို လမ်းလည်းမဖယ်ပေးကြသည်ကိုမြင်သောအခါ ရန်ရှောက်ထျန်းကလက်ဝါးချင်း ရိုက်လျက် ပြောလိုက်သည်။</p> <p> "အားလုံး လူစုခွဲပေးကြပါဦး"</p> <p>ထို့နောက်မှ သူသည်နတ်ဘုရားစံအိမ်တော်ဆီသို့ လမ်းလျှောက်သွားခဲ့လေသည်။</p> <p>သို့သော်လည်း ရန်ရှောက်ထျန်းကဖျောင်းဖျပြောဆိုနေသော်လည်း မည်သူမျှထွက်မသွား ကြပေ။ နောက်ဆုံးတွင်နတ်ဘုရားစံအိမ်တော်မှလူများထွက်လာပြီးမှသာ ရန်ရှောက်ထျန်းသည် သူတို့၏ဝန်းရံမှုဖြင့်စံအိမ်တော်အတွင်းသို့ ဝင်ရောက်နိုင်ခဲ့လေသည်။ ရန်ရှောက်ထျန်းနတ်ဘုရား စံအိမ်တော်အတွင်းသို့ဝင်ရောက်သွားပြီး အချိန်အတော်ကြာမှသာလူအုပ်ကြီးမှာ တဖြည်းဖြည်း လူစုခွဲသွားကြလေသည်။</p> <p>ရန်လင်းအာက ရန်ရှောက်ထျန်းကိုပြုံးကြည့်ပြီးပြောလိုက်သည်။</p> <p> "အစ်ကို... အစ်ကို မသိဘူး၊ လွန်ခဲ့တဲ့လအနည်းငယ်တည်းကနေ့တိုင်း အင်ပါယာရဲ့နေရာ အနှံ့အပြားက သိုင်းပညာရှင်တွေစံအိမ်တော်အပြင်မှာစုဝေးပြီး အစ်ကို့ကိုတွေ့ဖို့စောင့်နေကြတာ။ နောက်ပိုင်းကျတော့ လူတွေကပိုပိုများလာပြီး ညီမတို့တောင်အပြင်ထွက်ဖို့မဖြစ်နိုင်တော့ဘူး။</p> <p>နောက်ဆုံးတော့ ဘာမှလုပ်လို့မရတော့လို့ နတ်ဘုရားပေါင်းတစ်သောင်းအင်ပါယာဧကရာဇ် က လူလွှတ်ပြီး အားလုံးကို ဖျောင်းဖျခိုင်းမှ လူတွေထွက်သွားကြတာ"</p> <p>ထိုအချိန်တွင် ရန်လင်းအာကသူမ၏မျက်လုံးကြီးများကို မှိတ်တုတ်မှိတ်တုတ်လုပ်ကာ ပြုံးလိုက်သည်။</p> <p> "အခုဆို ချန်ဆန်းတိုက်ကြီးရဲ့ သိုင်းပညာရှင်တွေကအစ်ကို့ကို အရမ်းကြည်ညိုနေကြတာ"</p> <p>ထို့နောက် သူမက အသံကိုနှိမ့်ပြီး အနားသို့ တိုးကပ်လာကာ။</p> <p> "ပြီးတော့ နေ့တိုင်းလှပတဲ့စီနီယာအစ်မတွေအများကြီးလည်း လာတတ်ကြသေးတယ်"</p> <p>ရန်ရှောက်ထျန်းက ရန်လင်းအာ၏နဖူးကိုတောက်လိုက်ပြီး စနောက်လိုက်သည်။</p> <p>"မင်းကတော့ အစ်ကို့ကိုစနောက်ပြန်ပြီ"</p> <p>ရန်လင်းအာက သူမ၏နဖူးကိုပွတ်ပြီးနှုတ်ခမ်းဆူလိုက်သည်။</p> <p> "ညီမ စတာမဟုတ်ဘူး၊ အမှန်အတိုင်းပြောတာ"</p> <p> ရန်ချောင်နှင့် ဟွမ်ယင်းတို့မှာ ရယ်မောနေကြလေသည်။</p> <p>ဟွမ်ယင်းက ရန်လင်းအာကိုပြုံးကြည့်ပြီး</p> <p> "မင်းက တခြားလူတွေအစ်ကို့ကိုတွေ့ဖို့စောင့်နေကြတာလို့ပြောတယ်၊ ဒါပေမဲ့ မင်းကလည်း သူတို့နဲ့ ဘာထူးလို့လဲ"</p> <p>ထို့နောက် သူမက ရန်ရှောက်ထျန်းကို ပြုံးကြည့်လိုက်သည်။</p> <p> "ဒီကလေးမလင်းအာက နေ့တိုင်းအစ်ကို့အကြောင်းပဲပြောနေတာ၊ စံအိမ်တော်အပြင် ဘက်ကိုခဏခဏသွားကြည့်ပြီး အစ်ကိုဘယ်တော့ပြန်လာမလဲဆိုတာကိုပဲ မျှော်လင့်တကြီးမေးနေ တာ"</p> <p>ရန်လင်းအာက လျှာထုတ်ပြလိုက်သည်။</p> <p> "ညီမ အပြင်ကို သွားမစောင့်ပါဘူး"</p> <p>လူတိုင်း ရယ်မောလိုက်ကြလေသည်။</p> <p>ရန်ရှောက်ထျန်းနှင့် သူ၏မိသားစုမှာစံအိမ်တော်အတွင်းသို့ စကားတပြောပြောဖြင့် ဝင်ရောက်ခဲ့ကြပြီး၊ သူကအမှောင်နဂါး၊ တိန်းဖုန်းနှင့် ယင်လေဂိုဏ်းမှတခြားသူများကို လူတိုင်းနှင့် မိတ်ဆက်ပေးလိုက်လေသည်။</p> <p>ဤတစ်ကြိမ်တွင် သူသည်အမှောင်နဂါး၊ တိန်းဖုန်းနှင့် အခြားအနည်းငယ်တို့နှင့်အတူ ပြန်လာ ခဲ့ခြင်း ဖြစ်လေသည်။</p> <p>"ကလေးမ... မင်းရဲ့ကျင့်ကြံမှုတွေဘယ်လိုနေလဲ။ပျင်းမနေဘူးမဟုတ်လား" ဟု ရန်ရှောက် ထျန်းက ရန်လင်းအာကိုပြုံးမေးလိုက်လေသည်။</p> <p>"ညီမ လုံးဝမပျင်းပါဘူး" ဟု ရန်လင်းအာက သူမ၏ကျစ်ဆံမြီးကို လှုပ်ယမ်းလျက် ပြုံးပြော လိုက်သည်။</p> <p> "ညီမ နေ့တိုင်းကြိုးစားပြီးကျင့်ကြံနေတာ၊ အမြဲတမ်းကျင့်ကြံတယ်၊ အစွမ်းကုန် ကျင့်ကြံနေ တာပါ" သူမသည် သူမ၏ကြိုးစားမှုကိုဖော်ပြရန်အတွက် "ကျင့်ကြံသည်" ဟူသောစကားလုံးကို သုံးကြိမ်တိုင်တိုင် သုံးနှုန်းလိုက်လေသည်။</p> <p>ရန်ချောင်ကပြုံးလျက်ပြောလိုက်သည်။</p> <p> "လင်းအာက အမြဲတမ်းကြိုးစားပြီးကျင့်ကြံပါတယ်။ သူမက သိုင်းထွတ်မြတ်အဆင့်ကို တက်လှမ်းနိုင်တာနဲ့ ချန်ဆန်းကျောင်းတော်ရဲ့စာမေးပွဲကိုဝင်ဖြေမယ်လို့ပြောနေတာ"</p> <p>ရန်ရှောက်ထျန်းက ရန်လင်းအာကို ပြုံးကြည့်ပြီး</p> <p>"ဟုတ်လား" ဟု မေးလိုက်လေသည်။</p> <p>ရန်လင်းအာက အလွန်တရာအလေးအနက်ထားကာ ပြောလိုက်သည် ။</p> <p>"ချန်ဆန်းကျောင်းတော်ကို ဝင်ခွင့်ရပြီးရင်လည်း ညီမဆက်ပြီးကြိုးစားသွားမှာ၊ ပြီးရင် ချန်ဆန်းစံအိမ်တော်ရဲ့စာမေးပွဲကိုပါဆက်ဖြေမှာ"</p> <p> ဟွမ်ရင်းက ပြုံးလျက်။</p> <p>"ဒီကလေးမရဲ့ရည်မှန်းချက်ကမသေးဘူး၊ သူမကနောင်ကျရင် ချန်ဆန်းတိုက်ကြီးရဲ့ ပထမဆုံး အမျိုးသမီးဓားနတ်ဘုရား ဖြစ်ချင်တာတဲ့"</p> <p>ရန်ရှောက်ထျန်းက အားပါးတရရယ်မောလိုက်လေသည်။ ရန်ရှောက်ထျန်း၏ ရယ်သံကြောင့် ရန်လင်းအာ အနည်းငယ်ရှက်သွားမိသည်။</p> <p>ထိုညတွင် နတ်ဘုရားစံအိမ်တော်၌ခမ်းနားလှသော စားသောက်ပွဲကြီးတစ်ခုကို ကျင်းပခဲ့ကြ ပြီး စံအိမ်တော်တစ်ခုလုံး ရယ်သံများဖြင့်ပြည့်နှက်နေခဲ့လေသည်။</p> <p>"အစ်ကို... နောက်ရက်အနည်းငယ်နေရင်နှစ်သစ်ကူးပြီ၊ ဒီနှစ်ညီမကို မုန့်ဖိုးဘယ်လောက် ပေးမှာလဲ" ဟု စားသောက်ပွဲတွင် ရန်လင်းအာကပြုံးမေးလိုက်လေသည်။ ၎င်းမှာနှစ်သစ်ကူးတိုင်း သူမ စိတ်အဝင်စားဆုံး အရာဖြစ်လေသည်။</p> <p>"အနိမ့်ဆုံးအဆင့် ဝိညာဉ်ကျောက်တုံးဘီလီယံတစ်ရာဆိုရင်ရောဘယ်လိုလဲ" ဟု ရန်ရှောက် ထျန်းကပြုံးမေးလိုက်လေသည်။ ရန်လင်းအာမှာ အသက်ရှူမှားသွားပြီးမျက်လုံးများပြူးကာ သူမ၏အစ်ကိုကို မယုံနိုင်စရာကောင်းလောက်အောင် ကြည့်နေမိလေသည်။</p> <p> "ဘီ... ဘီလီယံတစ်ရာဟုတ်လား"</p> <p>ယခင်နှစ်များက ရန်ရှောက်ထျန်းသည် အများဆုံးဆယ်သန်းခန့်သာပေးခဲ့ခြင်း ဖြစ်လေ သည်။</p> <p>ရွှေချပ်ဝတ်သားရဲရွှေငယ်လေးမှာလည်း သူ၏သောက်လက်စအရည်ကို အတင်း မျိုချလိုက်ရလေသည်။ ဘီလီယံတစ်ရာဆိုရင် ချိုချဉ်ဘယ်လောက်တောင် ဝယ်လို့ရမလဲ။ အကယ်၍ သူသာ ဘီလီယံတစ်ရာဖိုးချိုချဉ်ဝယ်ပြီး နေ့တိုင်းတစ်လုံးစီစားမယ်ဆိုရင်တောင် နှစ်သန်းပေါင်း တစ်ရာလောက်အထိ ကုန်မှာမဟုတ်ပေ။</p> <p>သူ၏ညီမလေး၏ ထိတ်လန့်နေသောမျက်နှာကိုကြည့်ရင်း ရန်ရှောက်ထျန်းကပြုံးလျက် ပြောလိုက်သည်။</p> <p> "အစ်ကို လွန်ခဲ့တဲ့ရက်အနည်းငယ်က ပင်လယ်ရပ်ခြားကိုသွားရင်း ချမ်းသာလာခဲ့လို့ပါ"</p> <p>သူသည် ဟွန်ချွမ်ဘဏ္ဍာတိုက်ကိုတွေ့ရှိခဲ့ရုံတင်မကဘဲ ကြယ်နတ်ဘုရားနန်းတော်ရဲ့ ဘဏ္ဍာတိုက်ထဲက ထိပ်တန်းအဆင့်ဝိညာဉ်ကျောက်တုံးတွေ၊ စိန့်အဆင့်ဝိညာဉ်ကျောက်တုံးတွေနဲ့ ကောင်းကင်နှင့်မြေကြီးရတနာတွေကိုပါ အကုန်သိမ်းခဲ့တာဆိုတော့ သူဘယ်လိုလုပ် မချမ်းသာဘဲ နေပါ့မလဲ။</p> <p>"အစ်ကို...အစ်ကို ကြယ်စုတန်းနတ်ဘုရားနိုင်ငံတော်ရဲ့ ဘဏ္ဍာတိုက်ကိုပြောင်သလင်းခါ အောင်လုပ်ခဲ့တာတော့မဟုတ်ပါဘူးနော်" ဟု ရန်လင်းအာက ပြုံးမေးလိုက်လေသည်။</p> <p>ရန်ရှောက်ထျန်းနှင့် ကြယ်စုတန်းနတ်ဘုရားနိုင်ငံတော်တို့၏ကိစ္စမှာ ချန်ဆန်းတိုက်ကြီးသို့ ပျံ့နှံ့နေခဲ့ပြီဖြစ်ရာ နတ်ဘုရားစံအိမ်တော်ရှိ လူတိုင်းကလည်း သိရှိထားကြလေသည်။</p> <p>"အဲ့ဒီလောက်ပါပဲ" ဟု ရန်ရှောက်ထျန်းက ပြုံးပြောလိုက်သည်။</p> <p> စားသောက်ပွဲမှာ ညနက်ပိုင်းအထိကြာမြင့်ခဲ့လေသည်။ လူတိုင်းလူစုခွဲသွားကြပြီးနောက် ရန်ရှောက်ထျန်းသည် သူ၏နန်းဆောင်သို့ပြန်လာခဲ့ပြီး ဟွန်ချွမ်နတ်ဘုရားကျင့်စဉ်ကို ဒသမအဆင့်သို့ တတ်နိုင်သမျှ မြန်မြန် ရောက်ရှိစေရန် ဆက်လက်ကျင့်ကြံနေခဲ့လေသည်။</p> <p>ရန်ရှောက်ထျန်း ကျင့်ကြံခြင်းကိုရပ်နားလိုက်သောအခါ မိုးလင်းနေပြီဖြစ်ကြောင်း တွေ့လိုက် ရလေသည်။ သူသည်သူ၏အခန်းအတွင်းမှထွက်လာပြီး ဓားပညာကိုခဏမျှလေ့ကျင့်နေခဲ့ လေ သည်။ သူသည် ယခင်ကကျင့်ကြံခဲ့ဖူးသော အမြင့်မြတ်ဆုံးနတ်ဘုရားစွမ်းအားအားလုံးကို လေ့ကျင့် နေခဲ့ခြင်းဖြစ်လေသည်။ အထွတ်အထိပ်ထက်ကျော်လွန်သည်မှာ ဓားစိတ်ဆန္ဒပင်ဖြစ်လေသည်။ ဓားနတ်ဘုရား ပညာရှင်တစ်ဦးသည် ကိုးမျိုးထက်မကသောဓားစိတ်ဆန္ဒများကို နားလည်သဘော ပေါက်နိုင်လေသည်။</p> <p>ရန်ရှောက်ထျန်းသည် နောက်တစ်နှစ်အတွင်းမှာပင် ကိုးမျိုးထက်မကသောဓားစိတ်ဆန္ဒ များကို တစ်ပြိုင်နက်တည်းနားလည်သဘောပေါက်နိုင်လိမ့်မည်ဟု ခံစားနေရလေသည်။ အကယ်၍ သူ ကြယ်စင်ပင်လယ်ထဲကိုဝင်ပြီး ကြယ်နတ်ဘုရားအသီးဆယ်လုံးကျော်ကို ရရှိခဲ့မည်ဆိုပါက တစ်နှစ်အတွင်းမှာပင် သိုင်းစိန့်အဆင့်သို့ တက်လှမ်းရန်အခွင့်အရေး ရှိနိုင်ပေလိမ့်မည်။ ထိုသို့ဆိုပါက သူသည် ချန်ဆန်းတိုက်ကြီး၏သမိုင်းတစ်လျှောက်တွင် အသက်အငယ်ဆုံးသိုင်းစိန့်ဖြစ်လာပေ လိမ့်မည်။</p> <p> ချန်ဆန်းတိုက်ကြီးပေါ်တွင် မည်သူမျှ အသက်တစ်ဆယ့်ရှစ်နှစ်မတိုင်မီ သိုင်းဧကရာဇ်အဆင့် သို့မတက်လှမ်းနိုင်ခဲ့ကြဖူးပေ၊ သိုင်းစိန့်အဆင့်ကိုမူ ပြောနေရန်ပင် မလိုတော့ပေ။ နှစ်သစ်ကူးပြီးပါက သူသည် အသက်တစ်ဆယ့်ခြောက်နှစ်သာ ရှိဦးမည်ဖြစ်လေသည်။</p> <p>"ဓားပေါင်းတစ်သောင်းတိုက်ကြီးမှာရော လူငယ်သိုင်းဧကရာဇ်တွေ ဒါမှမဟုတ် လူငယ်သိုင်း စိန့်တွေ ရှိမလားတော့ မသိဘူး" ဟု ရန်ရှောက်ထျန်းက တွေးတောနေမိလေသည်။ သူ၏ ဆရာဖြစ်သူ နတ်ဘုရားအရှင်သခင်ဟုန်ဖုန်းသည် ဓားပေါင်းတစ်သောင်းတိုက်ကြီးမှလာသူဖြစ်လေသည်။ ဓားပေါင်းတစ်သောင်းတိုက်ကြီးမှာ ချန်ဆန်းတိုက်ကြီးထက်ပိုမိုအစွမ်းထက်ပြီး ပိုမိုများပြားသော သိုင်းပါရမီရှင်များနှင့် ဓားပါရမီရှင်များရှိကြလေသည်။</p> <p>ထိုစဉ်မှာပင် သူ၏ညီမလေးရန်လင်းအာက တုန်းဖန်ရှုးကိုခေါ်ဆောင်လာသည်ကို မြင်လိုက် ရလေသည်။ တုန်းဖန်ရှုးကိုမြင်လိုက်ရသဖြင့် ရန်ရှောက်ထျန်းအံ့အားသင့်သွားမိသည်၊ သူတုန်းဖန် ရှုးကိုမတွေ့ရသည်မှာ အချိန်အတော်ကြာခဲ့ပြီဖြစ်လေသည်။ သို့သော်လည်း တုန်းဖန်ရှုး၏မျက်နှာ အမူအရာမှာ လက်ရှိတွင် အနည်းငယ်ပုံမှန်မဟုတ်နေပေ။</p> <p>"စီနီယာအစ်မ တုန်းဖန်" ဟု ရန်ရှောက်ထျန်းက နှုတ်ဆက်လိုက်လေသည်။</p> <p>တုန်းဖန်ရှုးသည် ရန်ရှောက်ထျန်း၏ရှေ့သို့ရောက်လာခဲ့ပြီး မျက်လုံးများ နီမြန်းလျက် ပြောလိုက်သည် ။</p> <p>"ဂျူနီယာမောင်လေး ရန်... ကျေးဇူးပြုပြီး အစ်မရဲ့ အဖေကို ကယ်ပေးပါဦး"</p> <p>"ဥက္ကဋ္ဌ တုန်းဖန် ဟုတ်လား" ဟု ရန်ရှောက်ထျန်းက အံ့အားသင့်စွာ မေးလိုက်လေသည်။</p> <p>"အစ်မရဲ့အဖေက လွန်ခဲ့တဲ့လအနည်းငယ်က ကုန်သွယ်ရေးအသင်းကပညာရှင်တွေနဲ့အတူ ပင်လယ်ရပ်ခြားကိုသွားခဲ့တာပါ၊ ဒါပေမဲ့ အခုလပေါင်းများစွာ ကြာတဲ့အထိ သူတို့ဆီက ဘာသတင်းမှ မရတော့ပါဘူး" ဟု တုန်းဖန်ရှုးက ဝမ်းနည်းစွာ ပြောလိုက်လေသည်။</p> <p>"ဥက္ကဋ္ဌ တုန်းဖန်ပြန်မလာသေးဘူးဟုတ်လား" ဟု ရန်ရှောက်ထျန်းက အံ့အားသင့် သွားမိသည်။ သူ ပင်လယ်ရပ်ခြားတွင် ရှိနေစဉ်ကတုန်းဖန်ကုန်သွယ်ရေးအသင်းနှင့် တွေ့ဆုံခဲ့ပြီး ထိုစဉ်က တုန်းဖန်ရှန့်သည် ထိပ်တန်းအဆင့်ဝိညာဉ်ကြောကို ရှာဖွေရန်အတွက် နတ်သားရဲကျွန်းသို့ သွားမည်ဟု ပြောခဲ့ကာ သူ့ကိုပါဖိတ်ခေါ်ခဲ့ဖူးလေသည်။ အခုဆိုရင်အချိန်အားဖြင့် ငါးလလောက် ရှိနေပြီဖြစ်ရာ သူပြန်မလာသေးဘူးတဲ့လား။ ပုံမှန်အားဖြင့်ဆိုလျှင် သူပြန်ရောက်နေသည်မှာ ကြာလှပြီ ဖြစ်လေသည်။</p> <p> </p> <p> </p> <p> </p> <p>***</p> <p> </p>


Save