Book List

<h2 style="text-align: center;">အခန်း (၅၁၄)</h2> <h2 style="text-align: center;">အစ်ကိုရှောက်ထျန်း... ချင်းရွှမ်ရောက်ပါပြီ။</h2> <h2 style="text-align: center;">*</h2> <p> </p> <p> </p> <p> </p> <p>တစ်ဆယ့်ငါးခုမြောက် ဓားနှလုံးသားထွက်ပေါ်လာသောအခါ ကမ္ဘာကြီးမှာတိတ်ဆိတ် သွားခဲ့လေသည်။ လူတိုင်းမှင်သက်သွားကြပြီး ဇဝေဇဝါဖြစ်ကုန်ကြကာ မယုံနိုင်စရာဖြစ်ရပ်ကြောင့် မှင်တက်နေကြလေသည်။</p> <p>"တစ်ဆယ့်ငါး... ဓားနှလုံးသားတစ်ဆယ့်ငါးခုတောင်လား"</p> <p> ငရဲနတ်ဘုရားဂိတ်မှ နတ်ဘုရားဘိုးဘေးတစ်ဦးကစကားပင်ထစ်နေတော့သည်။ ငရဲနတ် ဘုရားဂိတ်မှပညာရှင်များမှာထိတ်လန့်သွားကြပြီး သူတို့မြင်တွေ့နေရသည်ကိုမယုံကြည်နိုင် ဖြစ်နေ ကြလေသည်။ ဤကမ္ဘာပေါ်မှာ အမှန်တကယ်ပဲဓားနှလုံးသားတစ်ဆယ့်ငါးခုရှိနေသေးတာလား။ ကမ္ဘာ့အမြင့်ဆုံး ကန့်သတ်ချက်ကဓားနှလုံးသားတစ်ဆယ့်လေးခု မဟုတ်ဘူးလား။</p> <p>ဆေးနံ့သာအိုးကြောင့် လွင့်ထွက်သွားခဲ့သော ရန်ဖျင်းပင်လျှင်ဆွံ့အသွားတော့သည်၊ သူသည် ဆေးနံ့သာအိုး၏ရိုက်ချက်ကြောင့် ဦးနှောက်ထိခိုက်သွားပြီး ပုံရိပ်ယောင်များ မြင်နေရတာလား ဟုပင် သံသယဝင်လာခဲ့လေသည်။ မိုးပြာရောင်ဝက်ဝံနှင့် ဖူထုအင်ပါယာရှေးဟောင်းဘိုးဘေး တို့ပင်လျှင် ကြောင်အသွားကြလေသည်။ သူတို့သည်သမိုင်းတစ်လျှောက် တစ်ခါမျှမရှိခဲ့ဖူးသော ဓားနှလုံးသား တစ်ဆယ့်ငါးခုကို အမှန်တကယ်မြင်တွေ့လိုက်ရခြင်း ဖြစ်လေသည်။</p> <p>လူတိုင်း ထိတ်လန့်တုန်လှုပ်နေကြစဉ်မှာပင်၊ ရန်ရှောက်ထျန်းသည် တစ်ဆယ့်ငါးခုမြောက် ဓားနှလုံးသား၏စွမ်းအားကိုအသက်သွင်းလိုက်ရာ ချက်ချင်းဆိုသလိုပင်ဓားနှလုံးသား တစ်ဆယ့် ငါးခုမှ အလင်းတန်းများပေါက်ကွဲထွက်လာပြီး ကောင်းကင်နှင့်မြေကြီးကိုလင်းထိန်သွားစေခဲ့လေ သည်။</p> <p> ထိုအခိုက်အတန့်တွင် ငရဲနတ်ဘုရားဂိတ်မှပညာရှင်အားလုံး၏ဓားများမှာ ရုတ်တရက် လွင့်ပျံတက်သွားခဲ့ကြပြီး ရန်ရှောက်ထျန်းဆီသို့မထိန်းချုပ်နိုင်ဘဲ ပျံသန်းသွားခဲ့ကြလေသည်။ ဘီလီယံနှင့်ချီသောဓားများသည် ရန်ရှောက်ထျန်း၏ပတ်လည်တွင် စုစည်းသွားခဲ့ကြပြီး ပျံသန်း နေသော ဓားမြစ်ကြီးတစ်စင်းအလား ဖြစ်ပေါ်လာခဲ့လေသည်။</p> <p>"သတ်စမ်း"</p> <p>ရန်ရှောက်ထျန်း၏မျက်လုံးများမှာထက်မြက်သွားခဲ့လေသည်။</p> <p> ဘီလီယံနှင့်ချီသော ပျံသန်းနေသောဓားများမှာ ပြန်လည်ထွက်ခွာသွားခဲ့ကြပြီး မရေမတွက် နိုင်သော ငရဲနတ်ဘုရားဂိတ်တပည့်များကို ချက်ချင်းဖောက်ထွက်သွားခဲ့ရာ သူတို့မှာနာကျင်စွာ အော်ဟစ်လိုက်ကြလေသည်။</p> <p>"သတ်စမ်း"</p> <p>လူတိုင်း သတိပြန်ဝင်လာကြပြီး သတ်ဖြတ်သံများမှာကောင်းကင်ကို တုန်ခါသွားစေတော့ သည်။ ရန်ရှောက်ထျန်းသည်ချန်ဆန်းဓားနှင့်နတ်ဘုရားအရိပ်ခြေဓားတို့ကို ကိုင်ဆောင်ကာ နှစ်စင်းလုံးကိုတစ်ပြိုင်နက်တည်း အသုံးပြုလိုက်လေသည်၊ လက်တစ်ဖက်တွင် ချန်ဆန်းဓားပညာနှင့် နောက်လက်တစ်ဖက်တွင် နတ်ဘုရားအရိပ်ခြေဓားပညာတို့ဖြင့် မရေမတွက်နိုင်သော ဓားချီစွမ်း အင်များကိုထုတ်လွှတ်လိုက်ရာ၊ ရန်ရှောက်ထျန်း၏ပထမဆုံးလှုပ်ရှားမှုမှာပင် သွေးမိုးများရွာကျ စေခဲ့လေသည်။</p> <p> ငရဲနတ်ဘုရားဂိတ်တပည့်များမှာ ဓားချီစွမ်းအင်ကြောင့် ဖောက်ထွက်ခံလိုက်ရခြင်း သို့မဟုတ် ဓားချီစွမ်းအင်ကြောင့်တိုက်ရိုက်ပေါက်ကွဲကာ လွင့်ထွက်သွားခြင်းများကိုခံလိုက်ရလေ သည်။</p> <p>တစ်ချိန်တည်းမှာပင် ရန်ရှောက်ထျန်း၏ ပတ်လည်တွင် ပျံဝဲနေသောရှေးဟောင်းမိုးကြိုးနတ် ဘုရားဓား၊ ထာဝရညဓား၊ ဗုဒ္ဓပေါင်းတစ်ထောင်နတ်ဘုရားဓား၊ သံသရာနတ်ဘုရားဓားနှင့် အရာခပ်သိမ်းနတ်ဘုရားဓားတို့သည်လည်း ရန်ရှောက်ထျန်း၏ တစ်ဆယ့်ငါးခုမြောက် ဓားနှလုံးသား ၏အသက်သွင်းမှုအောက်တွင် ပြင်းထန်လှသောဓားချီစွမ်းအင်များကို ထုတ်လွှတ်လိုက် ကြလေ သည်။</p> <p>ရန်ရှောက်ထျန်းသည် ငရဲနတ်ဘုရားဂိတ်တပည့်များ၏ လူလှိုင်းကြီးအတွင်းသို့ တိုးဝင်သွား ခဲ့လေသည်၊ သူဖြတ်ကျော်သွားသည့်နေရာတိုင်းတွင် မည်သည့်ငရဲနတ်ဘုရားဂိတ် တပည့်မျှ ရန်ရှောက်ထျန်း၏ ဓားချီစွမ်းအင်ကို မတားဆီးနိုင်ခဲ့ကြပေ။</p> <p>ရံဖန်ရံခါတွင် ရန်ရှောက်ထျန်းသည် သန်းချီသက်တမ်းဝိညာဉ်ကွင်းနှစ်ကွင်း၏ အစွမ်းကို အသက်သွင်းလိုက်ပြီး ပတ်ဝန်းကျင်ရှိငရဲနတ်ဘုရားဂိတ်တပည့်များကို တိုက်ရိုက်ကြိတ်ခြေပစ် လိုက်လေသည်၊ ရံဖန်ရံခါတွင် ရန်ရှောက်ထျန်းသည် ဟွန်ယွမ်ကောင်းကင်ကံကြမ္မာခြောက်ခု၏ အစွမ်းကိုအသက်သွင်းလိုက်ပြီး ငရဲနတ်ဘုရားဂိတ်တပည့်အားလုံးကို လွင့်ထွက်သွားစေခဲ့လေ သည်။</p> <p> ရံဖန်ရံခါတွင် ရန်ရှောက်ထျန်းသည် ထာဝရနတ်ဘုရားခန္ဓာကိုယ်၏အစွမ်းကို အသက်သွင်း လိုက်ပြီး ဓားတစ်ချက်ဝှေ့ယမ်းလိုက်ရုံဖြင့် ထိမှန်ခံရသောငရဲနတ်ဘုရားဂိတ် တပည့်အားလုံးမှာ အချိန်သဲမှုန်များအဖြစ်သို့ ပြောင်းလဲသွားခဲ့ကြလေသည်။</p> <p>သူသည် တစ်ကိုယ်တည်းဖြင့် လူသောင်းချီကိုရင်ဆိုင်နိုင်သောစစ်သူကြီးတစ်ဦးအလား ရှိနေတော့သည်။</p> <p>မိုးခြိမ်းသံကဲ့သို့ ကျယ်လောင်လှသောသတ်ဖြတ်သံများကြားတွင် ဖူထုအင်ပါယာမှ ပညာရှင်များပို၍ပို၍ရောက်ရှိလာခဲ့ကြလေသည်။ ရောက်ရှိလာကြသော ဖူထုအင်ပါယာပညာရှင် များမှာ ရန်ရှောက်ထျန်း၏သန်းချီသက်တမ်းဝိညာဉ်ကွင်း နှစ်ကွင်း၊ ဟွန်ယွမ်ကောင်းကင်ကံကြမ္မာ ခြောက်ခု၊ သူ၏ပတ်လည်ရှိနတ်ဘုရားဓားများနှင့်တစ်ဆယ့်ငါးခုမြောက် ဓားနှလုံးသားတို့ကို မြင်လိုက်ရသောအခါ ပြောမပြနိုင်လောက်အောင် အံ့အားသင့်သွားကြရလေသည်။</p> <p>ရန်ရှောက်ထျန်းသည် ငရဲနတ်ဘုရားဂိတ် တပည့်လှိုင်းလုံးကြီးများအတွင်းသို့ သုံးကြိမ်တိုင် တိုင် တိုးဝင်တိုက်ခိုက်နေသည်ကိုမြင်သောအခါ၊ရောက်ရှိလာကြသော ဖူထုအင်ပါယာ ပညာရှင် အားလုံးလည်းစိတ်လှုပ်ရှားစွာ အော်ဟစ်လိုက်ကြလေသည်။</p> <p> "သတ်ကြစမ်း၊ ကျုပ်တို့ရဲ့ ချန်ဆန်းအရှင်သခင်ရဲ့ အရှိန်အဝါကို မြှင့်တင်ကြစမ်း"</p> <p>"ကျုပ်တို့ နတ်ဘုရား ဧကရာဇ်ရန်အတွက် သွေးလမ်းတစ်ခု ဖောက်ပေးကြစမ်း"</p> <p>ရောက်ရှိလာကြသော ဖူထုအင်ပါယာပညာရှင်များအားလုံးမှာ ရန်ရှောက်ထျန်း၏ သန်းချီသက်တမ်း ဝိညာဉ်ကွင်းနှစ်ကွင်းနှင့် တစ်ဆယ့်ငါးခုမြောက် ဓားနှလုံးသားတို့ကို မြင်တွေ့လိုက် ရသောအခါ စိတ်ကြွဆေးတစ်မျိုးကိုထိုးသွင်းခံလိုက်ရသလိုပင် စိတ်ဓာတ်တက်ကြွလာခဲ့ကြပြီး၊ ဘီလီယံနှင့်ချီသောငရဲနတ်ဘုရားဂိတ်တပည့်များဆီသို့ အရူးအမူးတိုးဝင်တိုက်ခိုက်ခဲ့ကြကာ ရန်ရှောက်ထျန်းအတွက်တိုက်ခိုက်ရေးအင်အားကိုခွဲဝေယူပေးရန်နှင့် ငရဲနတ်ဘုရားဂိတ်တပည့် အချို့ကို လမ်းကြောင်းလွှဲပေးရန် ကြိုးစားခဲ့ကြလေသည်။</p> <p>လူတိုင်း၏ မျက်လုံးများမှာသတ်ဖြတ်မှုကြောင့်နီမြန်းနေခဲ့လေပြီ။ ဖူထုအင်ပါယာ ပညာရှင် အားလုံး အသက်စွန့်တိုက်ခိုက်နေခဲ့ကြလေသည်။</p> <p>ဆေးနံ့သာအိုးနှင့် မိုးပြာရောင်ဝက်ဝံတို့သည် ရန်ဖျင်းကိုပြင်းထန်စွာဆက်လက်ရိုက် နှက် နေဆဲဖြစ်လေသည်။ ၎င်းမှာရန်ရှောက်ထျန်းနှင့်မိုးပြာရောင်ဝက်ဝံတို့ ကြိုတင်သဘောတူထားခဲ့ကြ သည့်အတိုင်းဖြစ်လေသည်၊ ယခုတစ်ကြိမ်တွင် ဘာပဲဖြစ်ဖြစ်ရန်ဖျင်းကိုသတ်ပစ်ရမည် ဖြစ်လေ သည်။</p> <p>ရန်ဖျင်းကိုသတ်နိုင်သရွေ့ ချန်ဆန်းတိုက်ကြီးပေါ်ရှိဖုံးကွယ်နေသော အန္တရာယ်များ၏ ထက်ဝက်ခန့်မှာ ပြေလည်သွားပေလိမ့်မည်။</p> <p>ရန်ဖျင်းမှာ သွေးများဖြင့်ဖုံးလွှမ်းနေသော်လည်း သူကဟိန်းဟောက်ကာ အရူးအမူး ရယ်မောလိုက်လေသည်။</p> <p> "ရန်ရှောက်ထျန်း... ငါကငရဲနတ်ဘုရားကျမ်းစာကိုကျင့်ကြံထားတာ၊ မင်းငါ့ကိုမသတ် နိုင်ဘူး၊ ငါ ဒီနေ့မသေဘူးဆိုရင်၊ ကျန်ရှိနေတဲ့ ငါ့ဘဝတစ်လျှောက်လုံးမှာ မင်းဘေးနားက လူတိုင်းကို သတ်ဖို့ နည်းလမ်းမျိုးစုံ သုံးသွားမှာပဲ"</p> <p>"ငါ မင်းဘေးနားက လူတိုင်းကိုသတ်ပစ်မယ်၊ တစ်ယောက်မှမကျန်စေရဘူး"</p> <p>"ငါ မင်းဘေးနားကလူတိုင်းကိုအတိုင်းအဆမဲ့တဲ့ထိတ်လန့်မှုတွေနဲ့ အဆုံးမရှိတဲ့ အိပ်မက်ဆိုး တွေကြားမှာ ရှင်သန်စေရမယ်"</p> <p>ရန်ဖျင်းက ရက်စက်စွာရယ်မောလိုက်လေသည်။ သူ၏အသံမှာစွဲမက်ဖွယ်ကောင်းသော အသံတစ်ခုအဖြစ်စုစည်းသွားခဲ့ပြီး ရောက်ရှိလာကြသောဖူထုအင်ပါယာ ပညာရှင်အားလုံး၏ စိတ်ထဲသို့ထိုးဖောက်ဝင်ရောက်သွားခဲ့လေသည်၊ ထိုအခိုက်အတန့်တွင် ဖူထုအင်ပါယာပညာရှင်များ သည် အမျိုးမျိုးသောပုံရိပ်ယောင်များကို ခံစားလိုက်ရလေသည်။</p> <p>"နိုးထကြစမ်း"</p> <p> ထိုစဉ်မှာပင် မိုးပြာရောင်ဝက်ဝံကကျယ်လောင်စွာဟိန်းဟောက်လိုက်ရာ သူ၏အသံမှာ ကောင်းကင်ကိုတုန်ခါသွားစေပြီး ဖူထုအင်ပါယာပညာရှင်အားလုံးကို နိုးထသွားစေခဲ့လေသည်။</p> <p>ရန်ရှောက်ထျန်းသည် ရက်စက်စွာရယ်မောနေသောရန်ဖျင်းကိုကြည့်ကာ နှာခေါင်းရှုံ့လိုက် လေသည်။</p> <p> "ဟုတ်လား။ ဒါပေမဲ့ကံမကောင်းစွာနဲ့ပဲ မင်းရဲ့ငရဲနတ်ဘုရားကျမ်းစာက အထွတ်အထိပ် အဆင့်ကို မရောက်သေးဘူးမဟုတ်လား"</p> <p>အကယ်၍သာ ငရဲနတ်ဘုရားကျမ်းစာသည် အထွတ်အထိပ်အဆင့်သို့ ရောက်ရှိသွားမည်ဆို ပါက တစ်စုံတစ်ယောက်၏ ဦးခေါင်းမှာခန္ဓာကိုယ်နှင့် ပြတ်တောက်သွားခဲ့လျှင်ပင်၊ တစ်ကိုယ်လုံး အစိတ်စိတ်အမြွှာမြွှာပြိုကွဲသွားခဲ့လျှင်ပင်ပြန်လည်အသက်ရှင်လာနိုင်လေသည်။</p> <p> ၎င်းမှာ ငရဲနတ်ဘုရားကျမ်းစာ၏ ကြောက်မက်ဖွယ်ကောင်းသော အချက်ပင် ဖြစ်လေသည်။</p> <p>ပြိုင်ဘက်ကင်းငရဲနတ်ဘုရားကဲ့သို့ပင် သူ၏ဦးခေါင်းနှင့်ခန္ဓာကိုယ်မှာ ယခုအခါ ပြတ်တောက် နေသော်လည်း သူသည်ပြန်လည်အသက်ရှင်လာနိုင်ဆဲဖြစ်လေသည်၊ ထို့ကြောင့်လည်း ငရဲနတ် ဘုရားဂိတ်မှပညာရှင်များသည် သူ၏ရုပ်အလောင်းကိုကယ်တင်ရန် နည်းလမ်းမျိုးစုံ ကြိုးစားနေ ကြခြင်း ဖြစ်လေသည်။</p> <p> သို့သော်လည်း စီနီယာချန်ရှုံးက ရန်ဖျင်း၏ငရဲနတ်ဘုရားကျမ်းစာမှာ အထွတ်အထိပ် အဆင့်သို့မရောက်သေးကြောင်းပြောခဲ့ဖူးလေသည်၊ ၎င်းမှာအထွတ်အထိပ်သို့ရောက်ရန် ခြေတစ် လှမ်းလိုအပ်နေသေးခြင်းဖြစ်လေသည်။</p> <p> ဤခြေတစ်လှမ်း လိုအပ်နေခြင်းမှာ ရန်ဖျင်းအတွက်ပြန်လည်အသက်ရှင်ရန် မည်သည့် အခါမျှ မဖြစ်နိုင်တော့ခြင်းကိုဆိုလိုခြင်း ဖြစ်လေသည်။</p> <p>ထို့ကြောင့် ယခုတစ်ကြိမ်တွင်ဘာပဲဖြစ်ဖြစ်ရန်ဖျင်းကိုသတ်ရမည် ဖြစ်လေသည်။</p> <p>သို့မဟုတ်ပါက သူ ယခုတစ်ကြိမ်လွတ်သွားခဲ့ပြီး သူ၏ငရဲနတ်ဘုရားကျမ်းစာသာ အထွတ် အထိပ်သို့ရောက်သွားမည်ဆိုပါက သူသည်ဒုတိယမြောက်ပြိုင်ဘက်ကင်းငရဲနတ်ဘုရား ဖြစ်လာပေ လိမ့်မည်၊ ထိုအခါကျမှ သူ့ကိုသတ်ရန်မှာအလွန်တရာခက်ခဲသွားပေလိမ့်မည်။</p> <p>ပြင်းထန်သောတိုက်ပွဲမှာ ဆက်လက်ဖြစ်ပွားနေခဲ့လေသည်။</p> <p> ငရဲနတ်ဘုရားဂိတ်တပည့်များမှာများပြားလွန်းလှသဖြင့် အဆက်မပြတ်ရှိနေသော တောင် တန်းကြီးများအတွင်းမှ ဂင်္ဂါမြစ်ထဲကသဲပွင့်များအလားတိုးထွက်လာခဲ့ကြပြီး ကောင်းကင်နှင့် မြေပြင်ကိုပြည့်နှက်နေစေခဲ့လေသည်။</p> <p>ရောက်ရှိလာကြသော ဖူထုအင်ပါယာပညာရှင်များမှာ ငရဲနတ်ဘုရားဂိတ်တပည့်များ၏ ဝါးမြိုခြင်း၊ သတ်ဖြတ်ခြင်းများကိုအဆက်မပြတ်ခံနေကြရလေသည်။ သို့သော်လည်း ဖူထုအင်ပါယာ ပညာရှင်အားလုံးမှာ ပိုမိုသတ္တိရှိစွာဖြင့်တိုက်ခိုက်နေခဲ့ကြလေသည်၊ မည်သူမျှနောက်မဆုတ်ကြဘဲ၊ မည်သူမျှ မကြောက်ကြဘဲ၊ အားလုံးမှာအစွမ်းကုန်ကြိုးစားကာ ငရဲနတ်ဘုရားဂိတ်တပည့်များနှင့် သွေးချောင်းစီးအောင် တိုက်ခိုက်နေခဲ့ကြလေသည်။</p> <p>ရန်ရှောက်ထျန်းသည် သူ၏သန်းချီသက်တမ်းဝိညာဉ်ကွင်းနှစ်ကွင်း၊ ဟွန်ယွမ်ကောင်းကင်ကံ ကြမ္မာခြောက်ခုနှင့် တစ်ဆယ့်ငါးခုမြောက်ဓားနှလုံးသားတို့ဖြင့် ငရဲနတ်ဘုရားဂိတ်တပည့် အမြောက် အမြားကိုလွင့်ထွက်သွားစေခဲ့သဖြင့် သူတို့၏ရုပ်အလောင်းများမှာမိုင်ပေါင်းထောင်ချီအထိ ပြန့်ကျဲ နေခဲ့လေသည်။</p> <p> သို့သော်လည်း ရန်ရှောက်ထျန်းကမည်မျှပင်သတ်နေပါစေ၊ ငရဲနတ်ဘုရားဂိတ် တပည့်များ မှာ အရပ်မျက်နှာအသီးသီးမှ အဆုံးမရှိတိုးထွက်လာကြပြီး ရန်ရှောက်ထျန်းကိုတိုက်ခိုက်နေဆဲ ဖြစ်လေသည်။ ဆေးနံ့သာအိုးနှင့်မိုးပြာရောင်ဝက်ဝံတို့ပူးပေါင်းကာ ရန်ဖျင်းကိုမြေပြင်အတွင်းသို့ အထပ်ထပ် ရိုက်ချနေခဲ့ကြလေသည်။</p> <p>သို့သော်လည်း ရန်ဖျင်း၏ကာကွယ်ရေးနှင့် အသက်ရှင်သန်နိုင်စွမ်းမှာလည်း အလွန်တရာ အစွမ်းထက်လှပေသည်၊ ဆေးနံ့သာအိုးနှင့်မိုးပြာရောင်ဝက်ဝံတို့၏အကြိမ်ကြိမ် တိုက်ခိုက်မှုကို ခံခဲ့ရသော်လည်း သူသည်ပြန်လည်ခုခံရန်အတွက် အမြဲတမ်းပြန်ထလာနိုင်ဆဲဖြစ်လေသည်။</p> <p>ငရဲနတ်ဘုရားဂိတ်မှ နတ်ဘုရားဘိုးဘေးများလည်းရန်ဖျင်း၏ပတ်လည်တွင် စုစည်းလာ ကြပြီး ဆေးနံ့သာအိုးနှင့်မိုးပြာရောင်ဝက်ဝံတို့ကိုအတူတကွခုခံခဲ့ကြလေသည်။ ဤငရဲနတ်ဘုရား ဂိတ်မှ နတ်ဘုရားဘိုးဘေးများသည်ရန်ဖျင်းကဲ့သို့အစွမ်းမထက်ကြသော်လည်း သူတို့သည်လည်း အလွန်တရာအစွမ်းထက်ကြလေသည်၊ အချို့မှာကြယ်စုတန်းနတ်ဘုရားနိုင်ငံတော်မှ ကြယ်နတ် ဘုရားလေးပါးနှင့်ပင် နှိုင်းယှဉ်နိုင်လေသည်။</p> <p>ဤတိုက်ပွဲမှာ ကောင်းကင်နှင့်မြေကြီးကို အစိတ်စိတ်အမြွှာမြွှာပြိုကွဲသွားစေခဲ့လေသည်။</p> <p>တောင်များနှင့် မြစ်များကိုပြောင်းပြန်လှန်ပစ်လိုက်သလိုပင်ဖြစ်စေခဲ့ပြီး နေနှင့်လတို့ပင် အလင်းမှေးမှိန်သွားစေခဲ့လေသည်။</p> <p> မြေပြင်ကိုလည်း ပျက်စီးယိုယွင်းသွားစေခဲ့လေသည်။ ဖူထုအင်ပါယာပညာရှင်များမှာ တိုက်ပွဲအတွင်းတစ်ဦးပြီးတစ်ဦးကျဆုံးနေခဲ့ကြလေသည်။</p> <p>သို့သော်လည်း ဖူထုအင်ပါယာပညာရှင်များ ပိုမို၍ရောက်ရှိလာခဲ့ကြလေသည်။</p> <p>ပြင်းထန်လှသောစွမ်းအားများကြောင့် ဖူထုအင်ပါယာနှင့်ပတ်ဝန်းကျင်ရှိ အင်ပါယာများ ကိုပင်သတိပြုမိသွားစေခဲ့လေပြီ။ ဂိုဏ်းများမှရှေးဟောင်းဘိုးဘေးများသည် သူတို့၏ဂိုဏ်းမှ ပညာရှင်များကိုဦးဆောင်ကာ တစ်ဦးပြီးတစ်ဦးရောက်လာခဲ့ကြပြီး၊ မိသားစုများမှ ရှေးဟောင်း ဘိုးဘေးများသည်လည်း သူတို့၏တပည့်များကိုဦးဆောင်ကာ တိုက်ပွဲအတွင်းသို့တိုးဝင်လာခဲ့ ကြလေသည်။</p> <p> ရောက်လာသည်နှင့် ပညာရှင်အားလုံးက နတ်ဘုရားဧကရာဇ်ရန်မှာ ပြိုင်ဘက်ကင်းကြောင်း စိတ်လှုပ်ရှားစွာအော်ဟစ်လိုက်ကြပြီးနောက်၊ မျက်လုံးများနီမြန်းလျက် ဘီလီယံနှင့်ချီသော ငရဲနတ် ဘုရားဂိတ်တပည့်များအတွင်းသို့တိုးဝင်တိုက်ခိုက်ကြလေတော့သည်။</p> <p> ဤတိုက်ပွဲမှာ ချန်ဆန်းတိုက်ကြီးပေါ်တွင် ထာဝရအမှတ်ရနေပေလိမ့်မည်။</p> <p>နောက်ဆုံးတွင် ဖူထုအင်ပါယာမှ ပန်းတစ်ထောင်ဓားနတ်ဘုရားမသည်လည်း ပန်းတစ် ထောင်နတ်ဘုရားဂိုဏ်းမှတပည့်များကိုဦးဆောင်ကာ ရောက်ရှိလာခဲ့လေသည်။ နဂါးချင်းရွှမ်လည်း လေးလည်းပါလာခဲ့လေသည်။</p> <p> လူတိုင်း သူတို့၏ရှေ့မှမြင်ကွင်းကြောင့် မှင်သက်သွားကြရလေသည်။</p> <p>ပန်းတစ်ထောင်နတ်ဘုရားဂိုဏ်းမှ တပည့်အားလုံးမှာရန်ရှောက်ထျန်း၏ သန်းချီသက်တမ်း ဝိညာဉ်ကွင်းနှစ်ကွင်း၊ ဟွန်ယွမ်ကောင်းကင်ကံကြမ္မာခြောက်ခုနှင့် တစ်ဆယ့်ငါးခုမြောက် ဓားနှလုံး သားတို့ကိုမြင်လိုက်ရသောအခါ အကြီးအကျယ်ထိတ်လန့်သွားကြပြီး စိတ်လှုပ်ရှားသွားကြလေ သည်။</p> <p>"အစ်ကိုရှောက်ထျန်း ချင်းရွှမ်ရောက်ပါပြီ"</p> <p> စိတ်လှုပ်ရှားလွန်းသဖြင့် နဂါးလုံချင်းရွှမ်လေးသည် မျက်ရည်များဝဲလျက် သူမ၏ဓားကို ကိုင်ဆောင်ကာ ရန်ရှောက်ထျန်းဆီသို့ အရူးအမူးပြေးဝင်လာခဲ့လေတော့သည်။</p> <p> </p> <p> </p> <p> </p> <p> </p> <p> </p> <p> </p> <p>***</p> <p> </p>


Save