Book List

<h2 style="text-align: center;">အခန်း (၅၁၅)</h2> <h2 style="text-align: center;">ဘယ်သူက ပြိုင်ဘက်ကင်းသလဲ။</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"သတ်စမ်း"</p> <p>ပန်းတစ်ထောင်ဓားနတ်ဘုရားမသည် နဂါးလုံချင်းရွှမ်၏ဘေးကင်းလုံခြုံမှုအတွက် စိုးရိမ် သဖြင့် သူမနှင့်အတူဓားကိုကိုင်ဆောင်ကာငရဲနတ်ဘုရားဂိတ် တပည့်များအတွင်းသို့တိုးဝင်တိုက် ခိုက်ခဲ့လေသည်။</p> <p>"ငရဲနတ်ဘုရားဂိတ်က ခွေးသူတောင်းစားတွေကို သတ်ပစ်ကြစမ်း"</p> <p>ပန်းတစ်ထောင်နတ်ဘုရားဂိုဏ်းမှ ပညာရှင်များလည်းစိတ်လှုပ်ရှားနေခဲ့ကြပြီး ငရဲနတ်ဘု ရားဂိတ်တပည့်များအတွင်းသို့ တိုးဝင်တိုက်ခိုက်ရင်း ဟိန်းဟောက်လိုက်ကြလေသည်။</p> <p> "ဘယ်သူကပြိုင်ဘက်ကင်းသလဲ၊ အရှင်မင်းကြီးနတ်ဘုရားဧကရာဇ်ရန်သာလျှင် ဖြစ်လေ သည်"</p> <p>"ဘယ်သူက ပြိုင်ဘက်ကင်းသလဲ"</p> <p>"အရှင်မင်းကြီး နတ်ဘုရားဧကရာဇ်ရန်သာလျှင် ဖြစ်လေသည်"</p> <p>ပန်းတစ်ထောင်နတ်ဘုရားဂိုဏ်းမှ တပည့်ပေါင်းသောင်းနှင့်ချီ၍ စိတ်လှုပ်ရှားစွာ ဟိန်းဟောက်လိုက်ကြပြီး ငရဲနတ်ဘုရားဂိတ်တပည့်များကို ပြင်းထန်စွာတိုက်ခိုက်သတ်ဖြတ် နေခဲ့ကြလေသည်။ ထိုအခိုက်အတန့်တွင်ပန်းတစ်ထောင်နတ်ဘုရားဂိုဏ်းမှ တပည့်အားလုံးမှာ ယခင်ကဖြစ်ပျက်ခဲ့သမျှကိုမေ့လျော့သွားခဲ့ကြလေပြီ၊ ကျန်ရှိနေသည်မှာဂုဏ်ယူမှုနှင့် အမြင့်မြတ် ဆုံးသော ဘုန်းအာနုဘော်တို့သာ ဖြစ်လေသည်။</p> <p> ရန်ရှောက်ထျန်းကို သူတို့၏ချန်ဆန်းအရှင်သခင်အသစ်အဖြစ် ရရှိထားခြင်းအတွက် ဂုဏ်ယူမှုနှင့်၊ အရှင်သခင်အသစ်နှင့်အတူဘေးချင်းယှဉ်ကာ ငရဲနတ်ဘုရားဂိတ်တပည့်များကို သုတ်သင်ရခြင်းအတွက် ဘုန်းအာနုဘော်တို့သာ ဖြစ်လေတော့သည်။</p> <p>သူ၏ဦးခေါင်းအထက်တွင် သန်းချီသက်တမ်းဝိညာဉ်ကွင်းနှစ်ကွင်း ရှိနေသဖြင့်ရန်ရှောက် ထျန်းသည် အနက်ရှိုင်းဆုံးပင်လယ်အရှင်သခင်နှင့်ပင်လယ်နက်မိစ္ဆာငါးကြီးတို့၏အစွမ်းကို အထွတ် အထိပ်သို့မြှင့်တင်လိုက်ပြီး သူ၏အစုံလိုက်ဓားများကိုဝှေ့ယမ်းလိုက်လေသည်။</p> <p>တစ်ဆယ့်ငါးခုမြောက် ဓားနှလုံးသားနှင့် ထာဝရနတ်ဘုရားခန္ဓာကိုယ်တို့၏ အစွမ်းနှင့် အလင်းတန်းများသည် ကိုးလွှာကောင်းကင်ယံအထိထွန်းလင်းသွားခဲ့ပြီး ရန်သူအားလုံးကို သုတ်သင် နေခဲ့ရာ မည်သူမျှမတားဆီးနိုင်ပေ။</p> <p> သူသည် ကောင်းကင်ယံသို့ပျံတက်လိုက်ရာ ချန်ဆန်းဓား၊ နတ်ဘုရားအရိပ်ခြေဓား၊ ရှေးဟောင်းမိုးကြိုးနတ်ဘုရားဓား၊ ဗုဒ္ဓပေါင်းတစ်ထောင်နတ်ဘုရားဓား၊ ထာဝရညဓား၊ သံသရာနတ် ဘုရားဓားနှင့် အရာခပ်သိမ်းနတ်ဘုရားဓားတို့အားလုံးမှာ ဓားချီစွမ်းအင် အလွှာပေါင်း သောင်းနှင့်ချီ၍ ထုတ်လွှတ်လိုက်ကြလေသည်။</p> <p>တစ်ဆယ့်ငါးခုမြောက်ဓားနှလုံးသား၏ အသက်သွင်းမှုအောက်တွင် ချန်ဆန်းဓားပညာ၊ နတ်ဘုရားအရိပ်ခြေဓားပညာ၊ ရှေးဟောင်းမိုးကြိုးနတ်ဘုရားဓားပညာ၊ ဗုဒ္ဓပေါင်းတစ်ထောင် ဓားပညာ၊ ထာဝရညဓားပညာ၊ သံသရာဓားပညာနှင့် အရာခပ်သိမ်းဓားပညာတို့သည် ထိုခဏတွင် အတိုင်းအဆမဲ့သော ဓားချီစွမ်းအင်များကို တစ်ပြိုင်နက်တည်း ထုတ်လွှတ်လိုက်ကြလေသည်။</p> <p>နတ်ဘုရားဓားခုနစ်စင်း၊ မဟာလမ်းစဉ်ခုနစ်ခုတို့ဖြင့်အမြင့်မြတ်ဆုံးသော သတ်ဖြတ်ခြင်း တိုက်ကွက်များကို လုပ်ဆောင်လိုက်လေသည်။</p> <p>ချန်ဆန်းအရှင်သခင်သည် ကမ္ဘာကြီးကို အုပ်ချုပ်လေသည်။</p> <p>မမြင်နိုင်သော ဓားချီစွမ်းအင်သည် သဲလွန်စမရှိဘဲ သတ်ဖြတ်လေသည်။</p> <p>မိုးကြိုးနတ်ဘုရားမှာ လွှမ်းမိုးချုပ်ကိုင်လေသည်။</p> <p>ဗုဒ္ဓပေါင်းတစ်ထောင်က သင့်ကို ငရဲဆီသို့ လမ်းညွှန်ပေးလေသည်။</p> <p>ထာဝရည၏ အမှောင်ထုမှာ အတိုင်းအဆမရှိလှပေ။</p> <p>သံသရာ၏ တစ်ပတ်လည်မှုမှာ ဘဝတစ်ခု ဖြစ်လေသည်။</p> <p>နွေဦးရာသီတွင် အရာခပ်သိမ်း မွေးဖွားလာကြလေသည်။</p> <p>ကိုးလွှာကောင်းကင်ယံတွင် ပျံသန်းနေသောရန်ရှောက်ထျန်းသည် နတ်ဘုရားဓားခုနစ်စင်း၏ ပြိုင်ဘက်ကင်းလှသောစွမ်းအားများကို အသုံးပြုနေသည်ကိုကြည့်ရင်း လူတိုင်းထိတ်လန့်သွား ကြရ လေသည်။</p> <p> ဘယ်အရာက ပြိုင်ဘက်ကင်းသလဲ။ ဒါဟာပြိုင်ဘက်ကင်းခြင်းပင် ဖြစ်လေသည်။</p> <p>ရန်ဖျင်းနှင့် ငရဲနတ်ဘုရားဂိတ်မှနတ်ဘုရားဘိုးဘေးများပင်လျှင် အကြီးအကျယ် ထိတ်လန့် သွားကြရလေသည်။ ထိုအခိုက်အတန့်တွင် ငရဲနတ်ဘုရားဂိတ်မှ နတ်ဘုရားဘိုးဘေးများ၏ စိတ်ထဲ၌ ရယ်စရာကောင်းသော အတွေးတစ်ခုပေါ်လာခဲ့လေသည်။</p> <p> အကယ်၍ သူတို့သာ အရှင်မင်းကြီးနတ်ဘုရားဧကရာဇ်ရန်၏ဘေးတွင် ဘေးချင်းယှဉ်ကာ တိုက်ခိုက်နိုင်မည်ဆိုပါက ဘယ်လောက်အထိဂုဏ်ယူစရာကောင်းလိုက်မလဲ။ ကံမကောင်းစွာဖြင့် သူတို့သည် အရှင်မင်းကြီးနတ်ဘုရားဧကရာဇ်ရန်၏ ဆန့်ကျင်ဘက်ဘက်တွင်ရပ်တည်နေခဲ့ကြ လေသည်။</p> <p>“ဝေါ...”</p> <p>မဟာလမ်းစဉ် ခုနစ်ခု၏စွမ်းအားများကျဆင်းလာခဲ့လေသည်။ မရေမတွက်နိုင်သော ငရဲနတ်ဘုရားဂိတ်တပည့်များလွင့်ထွက်သွားခဲ့ကြလေသည်။ အချို့မှာကောင်းကင်အနှံ့ပျံ့နှံ့နေ သော နတ်ဘုရားမိုးကြိုးဓားချီစွမ်းအင်များကြားတွင် တိုက်ရိုက်ပျောက်ကွယ်သွားခဲ့ကြပြီး၊ အချို့မှာ အတိုင်းအဆမဲ့သော အမှောင်ထုအတွင်းသို့ ပျောက်ကွယ်သွားခဲ့ကြကာ၊ အချို့မှာသံသရာဓားလမ်း စဉ်အတွင်းသို့ ဝင်ရောက်သွားခဲ့ကြပြီး၊ အချို့မှာ ဗုဒ္ဓပေါင်းတစ်ထောင်ကြောင့် လောင်ကျွမ်းသွား ခဲ့ကြလေသည်။</p> <p>ထိုခဏတွင်ပင်၊ ရုတ်တရက် မိုးပြာရောင်ဝက်ဝံ၏ဧရာမလက်ဝါးကြီးမှာ ရန်ဖျင်းကို မြေပြင် အတွင်းသို့ တိုက်ရိုက်ရိုက်ချလိုက်လေသည်။ ဆေးနံ့သာအိုးမှာလည်းတစ်ပြိုင်နက်တည်းနီးပါး ရိုက်ချလိုက်ရာ၊ ငရဲနတ်ဘုရားဂိတ်မှနတ်ဘုရားဘိုးဘေးများကို မြေပြင်အတွင်းသို့ ရိုက်သွင်းလိုက် လေသည်။</p> <p> ငရဲနတ်ဘုရားဂိတ်မှ နတ်ဘုရားဘိုးဘေးများမှာသွေးများကို အန်ထုတ်လိုက်ကြပြီး ဆေးနံ့သာအိုးကို ထိတ်လန့်တကြားကြည့်လိုက်ကြလေသည်။ ဤငရဲနတ်ဘုရားဂိတ်မှ နတ်ဘုရား ဘိုးဘေးများ၏ နတ်ဘုရားဝတ်စုံများမှာ ပြန်လည်မပြင်ဆင်နိုင်လောက်အောင် အစိတ်စိတ်အမြွှာမြွှာ ပြိုကွဲသွားခဲ့ပြီဖြစ်သလို၊ သူတို့၏တစ်ကိုယ်လုံးတွင်လည်း သွေးထွက်နေသောအက်ကြောင်းများ ပေါ်ထွက်လာခဲ့လေသည်။</p> <p>သူတို့ထဲမှ အချို့မှာကြယ်နတ်ဘုရားလေးပါးကဲ့သို့ အစွမ်းထက်ကြသော်လည်း၊ ဆေးနံ့သာ အိုး၏ အကြိမ်ကြိမ်ရိုက်နှက်မှုကိုတော့ သူတို့မတောင့်ခံနိုင်ကြပေ။ အကယ်၍သူတို့သာ ဆေးနံ့သာ အိုး၏ နောက်ထပ်တစ်ကြိမ်ရိုက်နှက်မှုကိုခံရမည်ဆိုပါက သေချာပေါက်ပေါက်ကွဲသွားကြပေလိမ့် မည်။</p> <p>ငရဲနတ်ဘုရားဂိတ်မှနတ်ဘုရားဘိုးဘေးအားလုံး သူတို့၏နှလုံးသားထဲတွင် မျှော်လင့်ချက် ကင်းမဲ့ခြင်းနှင့် မကျေနပ်မှုများကိုခံစားနေကြရလေသည်။</p> <p>"ဂိုဏ်းချုပ်... အရင်ဆုတ်ခွာကြစို့"</p> <p>ငရဲနတ်ဘုရားဂိတ်မှ နတ်ဘုရားဘိုးဘေးတစ်ဦးက ရန်ဖျင်းကိုမနေနိုင်ဘဲ အကြံပြုလိုက် လေ သည်။</p> <p>"ကျုပ်တို့ အရင်ဆုတ်ခွာပြီးငရဲနတ်ဘုရားကိုကယ်ထုတ်ကြရအောင်၊ ပြီးမှ သူတို့ကို အမြစ်ပြတ်သတ်ကြတာပေါ့"</p> <p>နောက်ထပ် နတ်ဘုရားဘိုးဘေးတစ်ဦးကလည်း အပူတပြင်းပြောလိုက်လေသည်။ ကျန်ရှိနေ သောနတ်ဘုရားဘိုးဘေးများကလည်း မျှော်လင့်ချက်အပြည့်ဖြင့်ရန်ဖျင်းကိုကြည့်လိုက်ကြလေ သည်။</p> <p>ရန်ဖျင်းက မြင်ကွင်းကိုကြည့်လိုက်လေသည်။ ငရဲနတ်ဘုရားဂိတ်တပည့်များမှာ အရေ အတွက်အားဖြင့်သာလွန်နေသေးသော်လည်း၊ ဖူထုအင်ပါယာမှဂိုဏ်းအသီးသီးနှင့် မိသားစုအသီး သီးမှပညာရှင်များ အဆက်မပြတ်ရောက်ရှိလာကြသဖြင့် ငရဲနတ်ဘုရားဂိတ်တပည့်များ၏ အားသာ ချက်မှာ တဖြည်းဖြည်းလျော့နည်းလာခဲ့လေပြီ။</p> <p> ရန်ဖျင်းသည် လူအုပ်အတွင်း၌တိုးဝင်တိုက်ခိုက်နေဆဲဖြစ်သော ရန်ရှောက်ထျန်းကို မုန်းတီးစွာဖြင့် စိုက်ကြည့်လိုက်သည်၊ သူ၏မျက်လုံးများမှာ သွေးဆာနေတော့သည်။ သို့သော်လည်း သူ ဆုတ်ခွာရန်အမိန့်ပေးတော့မည့်ဆဲဆဲမှာပင်၊ ရုတ်တရက်သူ၏အမြင်အာရုံများ မှောင်မိုက် သွားခဲ့ပြီး ဆေးနံ့သာအိုးနှင့်မိုးပြာရောင်ဝက်ဝံတို့၏ဧရာမလက်ဝါးကြီးများ နောက်တစ်ကြိမ် ထပ်မံရိုက်ချလာသည်ကို မြင်တွေ့လိုက်ရလေသည်။</p> <p>ရန်ဖျင်းက ဟိန်းဟောက်လိုက်ပြီး နတ်ဘုရားဒိုင်းတစ်ခုထွက်ပေါ်လာခဲ့လေသည်။ ၎င်းမှာ သူ၏ခန္ဓာကိုယ်ပေါ်တွင် နောက်ဆုံးကျန်ရှိနေသော နတ်ဘုရားဒိုင်းဖြစ်လေသည်။ ယခင်က သူသည် သူ၏ခန္ဓာကိုယ်ပေါ်ရှိ နတ်ဘုရားဒိုင်းဆယ်ခုထက်မကအစိတ်စိတ်အမြွှာမြွှာ ပြိုကွဲသွားခဲ့ရလေပြီ။</p> <p>အကယ်၍သာ ထိုနတ်ဘုရားဒိုင်းဆယ်ခုထက်မကသောကာကွယ်ရေးကို အားကိုးခြင်း မပြုခဲ့ပါက၊ သူ၏ ငရဲနတ်ဘုရားခန္ဓာကိုယ်ရှိနေသော်လည်း ဆေးနံ့သာအိုးနှင့် မိုးပြာရောင်ဝက်ဝံ တို့၏ အကြိမ်ကြိမ် ရိုက်နှက်မှုကို သူ တောင့်ခံနိုင်မည် မဟုတ်ပေ။</p> <p>"ဘုန်း..."</p> <p>ဆေးနံ့သာအိုးနှင့် မိုးပြာရောင်ဝက်ဝံတို့ကထိုနတ်ဘုရားဒိုင်းကို တိုက်ရိုက်ရိုက်ခွဲပစ်လိုက် လေသည်။ ရန်ဖျင်းမှာလွင့်ထွက်သွားခဲ့လေသည်။ ငရဲနတ်ဘုရားဂိတ်မှ နတ်ဘုရားဘိုးဘေးများမှာ လည်း ထိတ်လန့်တကြားရှောင်တိမ်းခဲ့ကြသော်လည်း၊ အချို့မှာ ခြေတစ်လှမ်း နောက်ကျသွားခဲ့ ကြသဖြင့် တိုက်ရိုက်ပေါက်ကွဲသွားခဲ့ကြရလေသည်။</p> <p>"ဒုန်း..." "ဒုန်း..." "ဒုန်း..."</p> <p> အသံများမှာ မပြတ်ထွက်ပေါ်နေတော့သည်။ ရွှေရောင်သွေးမိုးကြီးများမှာ ပေါက်ကွဲထွက် နေခဲ့လေသည်။ ဤနတ်ဘုရားဘိုးဘေးများမှာထိပ်တန်းအဆင့် နတ်ဘုရားပညာရှင်များဖြစ်ကြ သဖြင့် သူတို့၏သွေးနှင့်အရှိန်အဝါမှာ ကြောက်မက်ဖွယ်ကောင်းလှပေသည်။</p> <p> သူတို့ ပေါက်ကွဲသွားသည်နှင့်တစ်ပြိုင်နက် ဧရာမနျူကလီးယားဗုံးများအလား ဖြစ်သွားခဲ့ပြီး ပတ်ဝန်းကျင်ရှိ ငရဲနတ်ဘုရားဂိတ်မှ ပညာရှင်များမှာလည်း လွင့်ထွက်သွားခဲ့ကြရလေသည်။</p> <p>"သေစမ်း"</p> <p> မိုးပြာရောင်ဝက်ဝံက ဟိန်းဟောက်လိုက်ရာ သူ၏တစ်ကိုယ်လုံးမှာ နောက်ထပ်တစ်ကြိမ် ထပ်မံကြီးမားလာခဲ့ပြန်လေသည်။ သူ၏မူလမီးခိုးရောင်အမွေးအမှင်များမှာ ရွှေရောင်သို့ပြောင်းလဲ သွားခဲ့လေသည်။</p> <p> သူ၏ ဧရာမလက်ဝါးကြီးမှာ ရန်ဖျင်းဆီသို့ မည်သည့်ဟာကွက်မျှမရှိဘဲ နောက်တစ်ကြိမ် ထပ်မံရိုက်ချလိုက်ပြန်လေသည်။ ပြိုင်ဘက်ကင်းလှသောစွမ်းအားများသည် ရန်ဖျင်းကို မိုင်ပေါင်း တစ်သောင်းအတွင်း၌ ပိတ်ဆို့ထားလိုက်လေသည်။</p> <p> သူ ဆုတ်ခွာလိုသော အကြံရှိနေသည်ကို မိုးပြာရောင်ဝက်ဝံ မြင်နိုင်လေသည်။ ဘာပဲဖြစ်ဖြစ် ရန်ဖျင်းကို လွတ်မသွားစေရဘူး။</p> <p>မိုးပြာရောင်ဝက်ဝံ၏ တစ်ကိုယ်လုံး နောက်တစ်ကြိမ်ကြီးမားလာချိန်မှာပင်၊ ဆေးနံ့သာအိုး သည်လည်း နောက်ထပ်တစ်ကြိမ်ကြီးမားလာခဲ့ပြန်လေသည်၊ ရွှေရောင်မီးလျှံများမှာ ကောင်းကင် ကြီးကိုပင်လောင်ကျွမ်းတော့မည့်အလားမြင့်တက်လာခဲ့လေသည်။</p> <p> ဆေးနံ့သာအိုး၏ အတိုင်းအဆမဲ့ပြီးကျယ်ပြောလှသောစွမ်းအားများသည် ရန်ဖျင်းကို ပစ်မှတ်ထားလိုက်လေပြီ။ ရန်ဖျင်း၏မျက်နှာမှာသိသိသာသာပြောင်းလဲသွားခဲ့ပြီး သူ၏နှလုံးသား ထဲတွင် တစ်ခါမျှမခံစားခဲ့ဖူးသော ပြင်းထန်လှသည့်အန္တရာယ်ကို ခံစားလိုက်ရလေသည်။</p> <p>သေမင်းနတ်ဘုရားက သူ့ဆီသို့ အမြဲတမ်း ချဉ်းကပ်လာနေသလိုပင်။</p> <p>သူသည် ငရဲနတ်ဘုရားကျမ်းစာကိုအထွတ်အထိပ်သို့မြှင့်တင်လိုက်ပြီး သူ၏လက်ထဲမှ ငရဲနတ်ဘုရားဓားဖြင့် တစ်ခါမျှမရှိခဲ့ဖူးသော ငရဲနတ်ဘုရားအလင်းတန်းများကို ထုတ်လွှတ် လိုက် လေသည်။</p> <p>သူ၏ခန္ဓာကိုယ်ပေါ်တွင် နောက်ထပ်နတ်ဘုရားဝတ်စုံတစ်ခု ထွက်ပေါ်လာခဲ့ပြီး မိုးပြာရောင် ဝက်ဝံနှင့် ဆေးနံ့သာအိုးတို့ကိုအရူးအမူးတိုက်ခိုက်လေတော့သည်။ ထိုအခိုက်အတန့်တွင် ဆေးနံ့ သာအိုး ရိုက်ချလိုက်လေသည်။ ဆေးနံ့သာအိုး ရိုက်ချလိုက်သောအခါ ဟင်းလင်းပြင်မှာ ပြင်းထန်စွာ တုန်ခါသွားခဲ့ပြီး မြေပြင်မှာလည်း ကြောက်မက်ဖွယ်ကောင်းလောက်အောင် အက်ကွဲသွားခဲ့လေ သည်။</p> <p>မထိမှန်မီမှာပင် ကြောက်မက်ဖွယ်ကောင်းလှသောစွမ်းအားများသည် ပတ်ဝန်းကျင်ရှိ ငရဲနတ်ဘုရားဂိတ်မှ ပညာရှင်များကိုသွေးမြူများအဖြစ် ကြိတ်ခြေပစ်လိုက်လေပြီ။</p> <p>"ဘုန်း..."</p> <p>ဆေးနံ့သာအိုးနှင့် မိုးပြာရောင်ဝက်ဝံတို့ရိုက်ချလိုက်ကြလေသည်။ ရန်ဖျင်း၏ လက်ထဲမှ ငရဲနတ်ဘုရားဓားမှာ လွင့်ထွက်သွားခဲ့လေသည်။ ငရဲနတ်ဘုရားဓားချီစွမ်းအင်များပျောက်ကွယ် သွားခဲ့လေပြီ။ ပတ်ဝန်းကျင်ရှိ မိုင်ပေါင်းမရေမတွက်နိုင်သောနေရာများမှာ ပေါက်ကွဲသွားခဲ့ပြီး မြေမှုန့်များမှာ တလိမ့်လိမ့်ထွက်ပေါ်နေခဲ့လေသည်။</p> <p>ငရဲနတ်ဘုရားဂိတ်မှ နတ်ဘုရားဘိုးဘေးများမှာ ပြင်းထန်လှသောဟာရီကိန်းမုန်တိုင်း အတွင်းရှိ ယင်ကောင်များအလားလွင့်ထွက်သွားခဲ့ကြရပြီး သူတို့၏အတွင်းအင်္ဂါများမှာ တစ်လက် မချင်းစီ သွေးမြူများအဖြစ် ပြတ်တောက်သွားခဲ့ရလေသည်။</p> <p>မြေမှုန့်များ ပျောက်ကွယ်သွားသောအခါ၊ ရန်ဖျင်းသည် ဧရာမကျင်းကြီး၏ အောက်ခြေတွင် လဲလျောင်းနေပြီး သွေးများကိုအမြောက်အမြားအန်ထုတ်နေသည်ကို မြင်တွေ့လိုက်ရလေသည်။ သူ၏ခန္ဓာကိုယ်ပေါ်ရှိ နတ်ဘုရားဝတ်စုံမှာနောက်တစ်ကြိမ်ပေါက်ကွဲသွားခဲ့ပြန်လေပြီး သူ၏တစ် ကိုယ်လုံးတွင် သွေးထွက်နေသောအမှတ်အသားများ ဖုံးလွှမ်းနေခဲ့လေသည်။</p> <p> သို့သော်လည်း သူသည်ထိုဧရာမကျင်းကြီးအတွင်းမှ အနိုင်နိုင်ပျံထွက်လာခဲ့ပြီး အရူးအမူး ထွက်ပြေးရန် ကြိုးစားနေဆဲဖြစ်လေသည်။ သို့သော်လည်းသူဧရာမကျင်းကြီးအတွင်းမှ ထွက် လာသည်နှင့်တစ်ပြိုင်နက် မိုးပြာရောင်ဝက်ဝံ၏လက်ဝါးချက်ဖြင့် နောက်သို့ပြန်လည်ရိုက် ချခြင်း ခံလိုက်ရလေသည်။</p> <p>ရန်ဖျင်းသည် မြေပြင်ပေါ်သို့ ပြင်းထန်စွာကျရောက်သွားခဲ့လေသည်။ ထိုအခိုက်အတန့်တွင် ရုတ်တရက် နတ်ဘုရားဓားတစ်စင်းကလေကိုခွင်းလျက်ရောက်ရှိလာပြီး ရန်ဖျင်း၏ လည်ပင်း အတွင်းသို့ ထိုးစိုက်လိုက်လေသည်။ ရန်ဖျင်းကို မြေပြင်ပေါ်၌ အသေသတ်လိုက်ခြင်း ဖြစ်လေသည်။ ရန်ဖျင်းသည် သူ၏လည်ပင်းတွင် စိုက်ဝင်နေသော ချန်ဆန်းဓားကို စိုက်ကြည့်နေခဲ့လေသည်။</p> <p>"ဂိုဏ်းချုပ်"</p> <p> ငရဲနတ်ဘုရားဂိတ်မှ ရှေးဟောင်းဘိုးဘေးများက ဝမ်းနည်းပူဆွေးစွာ ဟိန်းဟောက် လိုက်ကြ ပြီး အရူးအမူးပြေးလာချင်ကြသော်လည်း၊ အားလုံးမှာမိုးပြာရောင်ဝက်ဝံနှင့် ဖူထုအင်ပါယာ ရှေးဟောင်းဘိုးဘေးတို့ကြောင့် လွင့်ထွက်သွားခဲ့ကြရလေသည်။</p> <p>ရန်ရှောက်ထျန်း၏ ပုံရိပ်မှာလင်းလက်သွားခဲ့ပြီး ရန်ဖျင်း၏ရှေ့တွင် ပေါ်လာခဲ့လေသည်။ ရန်ဖျင်းသည် မြေပြင်ပေါ်တွင်မှောက်လျက်လဲလျောင်းနေခဲ့ပြီး သူကဟက်ဟက်ပက်ပက် ရယ်မော နေဆဲဖြစ်လေသည်၊ သူ၏ရယ်သံမှာ လူကို ကြက်သီးထစေလောက်အောင် ရှိနေတော့သည်။</p> <p> "ရန်ရှောက်ထျန်း... ငါ သေသွားရင်တောင် ငါ့ရဲ့ သန်းပေါင်းရာနဲ့ချီတဲ့ ငရဲနတ်ဘုရားဂိတ် တပည့်တွေက မင်းကိုဆက်ပြီးသတ်နေဦးမှာပဲ၊ မင်းဘေးနားကလူတိုင်းကို သုတ်သင်ပစ်ဦးမှာပဲ၊ ပြီးတော့ ချန်ဆန်းစံအိမ်တော်ကိုလည်း သတ်ဖြတ်နေဦးမှာပဲ"</p> <p>"ငါ့အဖေက တစ်နေ့ကျရင်ပြန်လည်အသက်ရှင်လာမှာပဲ၊ သူ ငါ့အတွက် ကလဲ့စားချေ လိမ့်မယ်"</p> <p>ရန်ရှောက်ထျန်း၏ မျက်နှာမှာအေးစက်နေတော့သည်။ သူသည် ချန်ဆန်းဓားကို ကိုင်ဆွဲလိုက် ပြီး ရန်ဖျင်း၏လည်ပင်းကိုဖြတ်လိုက်လေသည်။ သွေးများပန်းထွက်လာချိန်တွင် ရန်ဖျင်း၏ ဦးခေါင်းမှာ မြေပြင်ပေါ်သို့လိမ့်ကျသွားခဲ့လေသည်။</p> <p>"မင်းရဲ့ နောက်ဆုံးစကားတွေကို ကျုပ်လက်ခံလိုက်ပါတယ်" ဟု ရန်ရှောက်ထျန်းက အေးစက်စွာ ပြောလိုက်လေသည်။</p> <p> "ဒါပေမဲ့ မင်းအဖေကတော့ဘယ်တော့မှပြန်လည်အသက်ရှင်လာမယ့်နေ့ ရှိမှာမဟုတ် တော့ဘူး"</p> <p>သူ ပထမဆုံး နတ်ဘုရားမီးလျှံမီးတောက် သုံးခုကို နှိမ်နင်းနိုင်သည့်နေ့မှာ ပြိုင်ဘက်ကင်းငရဲ နတ်ဘုရား လုံးဝပျောက်ကွယ်သွားမည့်နေ့ပင် ဖြစ်လေတော့သည်။</p> <p> </p> <p> </p> <p> </p> <p> </p> <p> </p> <p> </p> <p> </p>


Save