Book List

<h2 style="text-align: center;">အခန်း (၂၂၉၀)</h2> <h2 style="text-align: center;">မကောင်းတဲ့ လွှမ်းမိုးမှု </h2> <h2 style="text-align: center;">*</h2> <p> </p> <p>“ ကျွန်တော်တို့နှစ်ယောက်က အန်တီလျန်နှင့် ဦးလေးတို့နှစ်ယောက် အိမ်မှာ ပျင်းနေမရအောင်လို့ မြေးလေးရအောင် ကြိုးပမ်းပေးနေတာလေ ….” </p> <p><br />  </p> <p>“ နင်ကများ ပြောရဲသေးတယ်ပေါ့ …” ရှန်းရှုရီက လင်းရီကို မျက်စောင်းခဲလိုက်ပြီး “ မြန်မြန် မောင်းစမ်း … ငါ မီလိလေးနဲ့ တွေ့ချင်ပြီ ….” </p> <p><br />  </p> <p>“ အိုကေ ….” </p> <p><br />  </p> <p>ရှန်းရှုရီကို မြင်တော့ လျန်ရူရွှယ်က သူမကို လာရောက် နှုတ်ဆက်သည်။ </p> <p> </p> <p>ယခု အချိန်အခိုက်အတန့်၌ သူမ အလိုအပ်နေဆုံးက လင်းရီကို မဟုတ်။ ရှန်းရှုရီကိုသာ ဖြစ်၏။ </p> <p> </p> <p>“ ဘယ်လိုနေလဲ သမီး … တစ်ခုခု အဆင်မပြေတာ ရှိလား ….” </p> <p><br />  </p> <p>“ အဆင်ပြေပါတယ် …” လျန်ရူရွှယ် တိုးညှင်းသည့် အသံဖြင့် ဖြေဆိုလိုက်၏။ </p> <p><br />  </p> <p>“ ကိုယ့်ကိုယ်ကို ဂရုစိုက် … ပင်ပန်းတဲ့ လေ့ကျင့်ခန်းတွေ မလုပ်နဲ့ … stress လည်း မများနဲ့ … အရမ်းကြီးလည်း သတိထားဖို့ မလိုဘူး … ဒီတိုင်း ပင်ပန်းတာနဲ့ လေးလေးပင်ပင် မတာတွေကိုပဲ ရှောင် ….” </p> <p> </p> <p>ရှန်းရှုရီ၏ နှစ်သိမ့်ပေးမှုကြောင့် လျန်ရူရွှယ်၏ စိတ်အခြေအနေသည်လည်း တိုးတက်ကောင်းမွန်လာသည်။ </p> <p> </p> <p>လက်ခံပေးခြင်း ခံရသည့် အချိန်၌ အချို့အရာတို့က ကွဲပြားစွာ ခံစားရ၏။ </p> <p><br />  </p> <p>“ အဖေနဲ့ အဘိုးတို့တော့ ဒီကိစ္စ မသိသေးဘူး ….” </p> <p><br />  </p> <p>“ ငါလည်း သူတို့ကို ဘယ်လိုပြောပြရမှန်း မသိတာ ….” </p> <p><br />  </p> <p>“ အဘိုးနဲ့ အဘွားကို အရင်ပြောပြလိုက် … အဖေ့ကိုကတော့ … သူကတော့ ကိစ္စမရှိဘူး … သူ ဒေါသထွက်ရင်တောင် သမီး မကြောက်တော့ဘူး …” </p> <p> </p> <p>“ ပေါက်ကရတွေ မပြောစမ်းနဲ့ ….” ရှန်းရှုရီက ငေါက်လိုက်ပြီး “ နင့်အဖေက မိသားစု ကိစ္စတွေ ဝင်မပါတာနဲ့ပဲ သူ့ကို လျစ်လျူရှုထားလို့ရတယ်လို့ မဆိုလိုဘူး … နောက်ပိုင်းကျရင် ငါ သူနဲ့ စကားပြောလိုက်မယ် … နင်က ဒီမှာပဲ ကိုယ့်ဘာကိုယ် ဂရုစိုက်ပြီးနေ … ကိုယ့်ဘက်က ဂရုစိုက်နေသရွေ့ အစောပိုင်းမှာ ဘာပြဿနာမှ မရှိနိုင်ဘူး …. ပြီးရင် နာနီနည်းနည်းလည်း ခေါ်ထားဦး … အပြင်စာတွေ မှာစားတာကိုလည်း ရှောင် ….” </p> <p> </p> <p>“ ဟုတ် ….” </p> <p><br />  </p> <p>ထိုနောက်ပိုင်းတွင် လင်းရီက ဟင်းပွဲမျိုးစုံကို ချက်ပြုတ်ပေးခဲ့ပြီး စားသောက်နေစဉ်တွင် အမေနှင့်သမီး၏ စကားဝိုင်းက ကလေးအပေါ်မှာပဲ တစ်ချိန်လုံး အာရုံစိုက်နေခဲ့သည်။ </p> <p> </p> <p>ဤအတောအတွင်း လျန်ရူရွှယ်၏ မိသားစုဘက်ကလည်း ယခုကိစ္စကို သိရှိသွားခဲ့ကြလေသည်။ </p> <p> </p> <p>ဘိုးဘွားများကတော့ မြေးချီရတော့မည်ဆိုသဖြင့် သဘာဝအလျောက် ပျော်ရွှင်သွားခဲ့ကြ၏။ လက်ထပ်မှတ်ပုံတင် ယူထားဖို့ ကိစ္စကိုပင် ပြောလာကြလေသည်။ </p> <p> </p> <p>လျန်ချွင်းရှောင်လည်း တူညီစွာ ခံစားနေရသည်။ </p> <p> </p> <p>သူတို့ မျက်လုံးထဲ၌ လက်ထပ်ပွဲ မပြုလုပ်ရသေးမီ ကိုယ်ဝန်ရှိသည်က ကြီးကြီးမားမား ပြဿနာ တစ်ခု မဟုတ်ပေ။ လက်ထပ်မှတ်ပုံတင် ရထားသည်နှင့် ကျန်သည်တို့က ပါမွှားကိစ္စလေးများသာ ဖြစ်၏။ </p> <p> </p> <p>ဆိုရလျှင် … လျန်ရူရွှယ်သည် သူမ၏ မိသားစုအပေါ် စိုးရိမ်ပူပန်မှုများအား အဆင်ပြေချောမွေ့စွာ ကျော်လွှားနိုင်ခဲ့သည်ဟု ပြော၍ရသည်။ </p> <p> </p> <p>ကျန်သည်ကတော့ လက်ထပ်မှတ်ပုံတင် ယူဖို့ပဲ ဖြစ်၏။ </p> <p> </p> <p>သို့ပေမယ့် ပြဿနာကလည်း ထိုအပိုင်းပင်။ </p> <p> </p> <p>လက်ထပ်မှတ်ပုံတင်က လျန်ရူရွှယ်နှင့် ကျီချင်းရန်တို့ နှစ်ဦးလုံး ယူကို ယူရမည့် ပစ္စည်း ဖြစ်၏။ </p> <p> </p> <p>ထို့ကြောင့် တရားဝင် လက်ထပ်မှတ်ပုံတင် နှစ်ခုကို အဆင်ပြေချောမွေ့စွာ ရယူနိုင်မည့် နည်းလမ်းတစ်ခုအား လင်းရီ ဖန်တီး ကြံဆဖို့ လိုနေသည်။ </p> <p> </p> <p>အနှီ ရှုပ်ထွေးသည့် ပြဿနာကို ဖြေရှင်းရန်အတွက် လင်းရီ သူ့ဦးနှောက်ဆဲလ်များကို ဆက်တိုက် အလုပ်လုပ်ခိုင်းနေခဲ့သည်။ နောက်ဆုံး၌ သူ့ ဦးနှောက်တစ်ခုတည်းသာ မဟုတ်ဘဲ ချင်းဟန်နှင့် လျန်ကျင်းမင်တို့ကိုပါ အလုပ်ပေးလိုက်လေသည်။ </p> <p> </p> <p>ညစာ စားပြီးနောက်တွင်တော့ သုံးယောက်အတူ ဆိုဖာပေါ်သို့ ထိုင်ပြီး အလုပ်ကိစ္စရေးရာများအကြောင်း ဆွေးနွေးကြသည်။ </p> <p><br />  </p> <p>ကိုယ်ဝန်က အရေးကြီးသော်လည်းပဲ ဘဏ်၏ ဖောက်သည်အချက်အလက်များ ပေါက်ကြားသွားသည့် ကိစ္စရပ်ကလည်း သိသိသာသာ အရေးပါသည်။ </p> <p> </p> <p>“ နင့်ဘက်က အသေးစိတ် သိရပြီလား …” ရှန်းရှုရီ မေးလိုက်၏။ “ ဒီပြဿနာကို အထက်ကပါ အလေးအနက်ထားနေကြတာနော်… တင်ထားတဲ့ ဝက်ဘ်ဆိုဒ်က နိုင်ငံခြားက … ငါတို့ ပြည်တွင်းဘဏ်ရဲ့ အချက်အလက်တွေကို နိုင်ငံခြားက တင်လိုက်တယ်ဆိုတာ ပြဿနာက လုံးဝ သေးသေးမွှားမွှားလေး မဟုတ်ဘူး … အခက်မသင်ရင် နင်တောင် နေရာကနေ ဆင်းပေးရနိုင်တယ် …..” </p> <p><br />  </p> <p>“ သက်ရောက်မှုက အဲ့လောက်တောင် ကြီးတယ်ပေါ့ ….” လင်းရီ အံ့အားသင့်စွာ မေးမြန်းလိုက်မိသည်။ </p> <p><br />  </p> <p>“ ဘယ်တတ်နိုင်မှာ … ဒါက ဟွာရှ …၊ 'ပုဒုံ ဖွံ့ဖြိုးမှု'က အရေးပါတဲ့ အခန်းကဏ္ဍမှာ ရှိတယ် … ဒီ ကိစ္စရဲ့ အကျိုးသက်ရောက်မှုတွေက နင်တို့ စိတ်ကူးထားတာထက်ကို ပိုတယ် …” </p> <p><br />  </p> <p>“ ကျွန်တော် ဒီနေ့ တစ်ချက် ကြည့်ပြီးသွားပါပြီ…. ပေါက်ကြားလာတဲ့ အချက်အလက်တွေက ဟိုလို အရေးကြီးတာမျိုးတွေလည်း မပါပါဘူး …” </p> <p> </p> <p>“ အမှန်ပဲ … ဒါပေမယ့် ပြဿနာက Pricewaterhouse Coopers အဖွဲ့အစည်းနဲ့ ဒီလွိုက် အဖွဲ့အစည်းပဲ …” ရှန်းရှုရီ ပြောလိုက်ပြီး “ သူတို့နှစ်ခုက ကြီးလေးကြီးထဲက နှစ်ဦးဆိုတော့ လုပ်ကိုင်နိုင်စွမ်းတွေနဲ့ ပတ်သက်ပြီး သွားအထင်သေးလိုက်လို့ မရဘူး … CITIC အုပ်စုက CFO ကတောင် Pricewaterhouse(Pwc) အဖွဲ့အစည်းထွက် ဖြစ်ရုံတင် မကဘူး … နင်တို့ ကုမ္ပဏီက ဟော်ယွမ်ယွမ်ဆိုလည်း ဒီလွိုက်ကပဲ .. ဒီလူတွေက ခေတဲ့လူတွေ မဟုတ်ဘူး … ပေါက်ကြားလာတဲ့ သတင်းအချက်အလက်တွေနဲ့ အဓိက စီးပွားရေး လျှို့ဝှက်ချက်တွေကို အလွယ်လေး လေ့လာဆန်းစစ်နိုင်တယ် … အဲ့အချက်ကိုပဲ အထက်က အလေးထားနေတာ … တကယ်လို့ နိုင်ငံခြားက short sellers တွေ ဒီ အချက်ကို သိသွားပြီး ကစားလာခဲ့ရင် ပျော်ဖို့ကောင်းတော့မှာ မဟုတ်ဘူး … “ </p> <p>( ကုမ္ပဏီရဲ့ စတော့ဈေးတွေ တိုက်ခိုက်ခံရလာနိုင်လို့ပါ။)</p> <p><br />  </p> <p>“ တကယ်လို့ ဖြစ်နိုင်မယ်ဆိုရင် Pricewaterhouse coopers အဖွဲ့အစည်းနဲ့ ဒီလွိုက်ကို ဒီကိစ္စထဲက နှုတ်ထွက်ခိုင်းနိုင်မယ်ဆိုရင် အကောင်းဆုံးပဲ …” ရှန်းရှုရီက လေးနက်တည်ကြည်စွာ ပြောလိုက်ပြီး “ ပြီးရင် ဒီရဲ့ သတင်းအချက်အလက် ချာနယ်တွေကို ထိန်းချုပ်နိုင်တဲ့ လူတစ်ယောက်ချင်းစီကို လိုက်ရှာရမယ် … ကျန်တာတွေက ကိုင်တွယ်ဖြေရှင်းလို့ အလွယ်လေးပဲ ….” </p> <p><br />  </p> <p>“ သမီး ဒီနေ့ခင်းထဲမှာ စစ်ဆေးကြည့်ထားပြီးပြီ .. သတင်းအချက်အလက်တွေက အရေးပါတာ‌တွေ မဟုတ်တော့ တခြား ဘဏ်နဲ့ တစ်ချို့ တရားဝင် ဘဏ္ဍာရေး ဌာနတွေက ပြည်သူ့ လုံခြုံရေး စနစ်ကနေတစ်ဆင့် ကြည့်ရှုပိုင်ခွင့်ရှိနေတယ် …” </p> <p> </p> <p>“ ပြည်သူ့ လုံခြုံရေး စနစ် ဟုတ်လား ….” </p> <p><br />  </p> <p>လျန်ရူရွှယ် ခေါင်းညိတ်လိုက်သည်။ “ သူတို့ရဲ့ ကုန်သွယ်မှု စုံစမ်းရေး ဌာနကလည်း ဒီသတင်းအချက်အလက်တွေကို ကြည့်ပိုင်ခွင့် ရှိတယ် ….” </p> <p> </p> <p>လင်းရီ မျက်မှောင်ကြုတ်သွားခဲ့ပြီး ဖြစ်နိုင်ချေတစ်ရပ်ကို စဉ်းစားမိသွားခဲ့သည်။ </p> <p> </p> <p>“ ဒီကိစ္စ လောလောဆယ် စိတ်မပူနဲ့ဦး … မနက်ဖြန် ငါ တစ်ချက် သွားစစ်ဆေးပြီး မင်းဆီကို အကြောင်းပြန်မယ် ….” </p> <p><br />  </p> <p>“ ရတယ်လေ ….” </p> <p><br />  </p> <p>“ ငါတို့ ဒီကိစ္စကို မြန်မြန်လေး ကိုင်တွယ်သင့်တယ် … ဒီရက်ပိုင်းတော့ ငါ မပြန်သေးဘူး … နင်တို့ကို ကူညီပေးမယ် …” </p> <p> </p> <p>“ အိုကေ … ကျေးဇူးပါ အန်တီရှန်း ….” </p> <p> </p> <p>“ ငါ့ကို အန်တီရှန်းလို့ ခေါ်နေတုန်းလား ….” </p> <p> </p> <p>လင်းရီ ခေတ္တအေးခဲသွားပြီး … ရယ်မောလိုက်၏။ </p> <p> </p> <p>“ ကျေးဇူးတင်ပါတယ် အမေ …..” </p> <p><br />  </p> <p>“ ထားလိုက်တော့ … ငါ့ကို အန်တီရှန်းလို့ပဲ ဆက်ခေါ်နေလိုက်….” ရှန်းရှုရီက ကျီစယ်သည့် အသံဖြင့် ပြောလိုက်ရင်း သူတို့ချင်း ရင်းနှီးမှုထဲသို့ နွေးထွေးမှုများ သယ်ဆောင်ပေးလာခဲ့သည်။ </p> <p> </p> <p>ထိုညတွင် လင်းရီက လျန်ရူရွှယ်၏ အိမ်တွင် တောက်လျှောက် ရှိနေခဲ့ပြီး ကိုးနာရီကျော်တော့မှပဲ ထွက်လာခဲ့လိုက်၏။ အမေနှင့် သမီးကို နှစ်ဦးတည်း တီးတိုးစကားပြောဖို့ အချိန်ပေးလိုက်ခြင်းပင်။ သူက ကြားဝင် နားထောင်၍လည်း အဆင်မပြေပေ။ </p> <p> </p> <p>ပြန်လာရာလမ်းတွင် လင်းရီ စိတ်ထဲ လက်ချိုးရေတွက်ကြည့်လိုက်၏။ </p> <p> </p> <p>မေမေဝမ်ရယ် ၊ သူ့ အမေအရင်းရယ်၊ ရှန်းရှုရီရယ် ၊ ပြီးတော့ စုန့်လန်ရယ် … </p> <p> </p> <p>ဆိုတော့ သူ့မှာ အမေ လေးယောက် ရှိနေတာပဲ။ ဟွာရှ တစ်ပြည်လုံးမှာ သူ့ထက် အံ့ဩဖို့ကောင်းတဲ့လူ နောက်တစ်ယောက် ရှိလိမ့်မယ်လို့တော့ မထင်ဘူး။ </p> <p> </p> <p>ညပိုင်းအချိန်တွင် ကောင်းမွန်စွာ အနားယူပြီးနောက် ၊ နောက်တစ်နေ့ နံနက် စောစောတွင် လင်းရီသည် စုန့်ကျန်းရဲစခန်းထဲသို့ ကားဖြင့် ထွက်လာလေသည်။ </p> <p><br />  </p> <p>ထိုနေရာ၌ သူနှင့် သိပ်အဆင်မပြေသည့် ကျောက်စုနှင့် ဆုံတွေ့လိုက်ရ၏။ </p> <p> </p> <p>“ ဟေ့ လင်းရီ ….” </p> <p> </p> <p>“ ဘာလဲ….” </p> <p><br />  </p> <p>“ ကပ္ပတိန်လင်း အလုပ်လာမဆင်းတာ ရက်တော်တော်ကြာနေပြီ … မင်းတို့နှစ်ယောက် အရင်က တွဲသွားတွဲလာ လုပ်နေတာ မဟုတ်ဘူးလား … သူ ဘယ်ထွက်သွားလဲ သိလား … ဖုန်းခေါ်တော့လည်း ခေါ်လို့မရဘူး ….” </p> <p><br />  </p> <p>“ ဒါက ….” </p> <p> </p> <p>ကျောက်စုက လင်းဟန်အကြောင်း ပြောပြလာချိန်တွင် လင်းရီ အတော်လေး တုံ့ဆိုင်းမိသွားခဲ့သည်။ </p> <p> </p> <p>“ သူပြောတာတော့ နှုတ်မထွက်ခင် ခရီးထွက်ချင်တယ်တဲ့ … အဲ့တာ ထွက်သွားခဲ့တာ နေမှာပေါ့ … ဘယ်သွားလဲတော့ ငါလည်း မသိဘူး ….” </p> <p><br />  </p> <p>“ အိုကေ … မင်းနဲ့ စကားပြောတာ အလကားမှန်း သိလိုက်ရပြီ ….” </p> <p><br />  </p> <p>“ ဟားဟား …” </p> <p> </p> <p>လင်းရီ တစ်ချက်ရယ်မောပြီး ရဲစခန်းသို့ ဝင်သွားခဲ့သည်။ ထို့နောက် လေအေးများအား အဆုတ်ထဲသို့ တစ်ဝကြီး ရှူသွင်းလိုက်၏။ အတိတ်၏ ပုံရိပ်များကို မီးခိုးငွေ့များနှယ် ပျောက်ကွယ်သွားဖို့ရာ စိတ်ထဲ မျှော်လင့်မိနေသည်။ </p> <p> </p> <p>အထဲသို့ ရောက်လာသည်နှင့် လင်းရီသည် သူနှင့် ယခင်က အတူ အလုပ်လုပ်ဖူးသည့် စွန်းနင်ကို မြင်တွေ့လိုကရသည်။ </p> <p> </p> <p>သူ့ အတွေးများအား ပြောပြ၍ သူမအား တောင်းဆိုလိုက်၏။ </p> <p> </p> <p>စွန်းနင်ကလည်း အင်မတန် ပူးပေါင်းပေးကာ လင်းရီကို ဘဏ္ဍာရေး ရာဇဝတ်မှုခင်း ဌာနသို့ ခေါ်ဆောင်လာပေးသည်။ </p> <p> </p> <p>ထိုနေရာ၌ တာဝန်ရှိသူနှင့် တွေ့ဆုံပြီး သူလိုအပ်သည့် သတင်းအချက်အလက်များကို ရရှိခဲ့လေသည်။ </p> <p> </p> <p>ယခင်တုန်းက လင်းဟန်သည် ကုန်သွယ်ရေးရာဇဝတ်မှုတစ်ခုကို စုံစမ်းစစ်ဆေးလိုပြီး သူတို့ဌာန၏ အကူအညီကို ရယူခဲ့သည်။ </p> <p> </p> <p>အရာရှိဘက်ကလည်း များများ မစဉ်းစားမိသဖြင့် စုံစမ်းစစ်ဆေးပိုင်ခွင့်ကို ပေးအပ်ခဲ့၏။ </p> <p> </p> <p>လင်းရီ သေချာသွားခဲ့သည်။ ပြဿနာက ဤနေရာမှာပဲ ရှိ၏။ အရာအားလုံးက ကွက်တိကျနေသည်။ </p> <p> </p> <p>သူ သိချင်သည်များအားလုံး စုံစမ်းပြီးနောက် လင်းရီ ကားထံသို့ ပြန်ရောက်လာခဲ့ကာ အရာအားလုံးကို နေသားတကျ ပြန်လည် စီစစ်လိုက်၏။ </p> <p> </p> <p>ဖြစ်ကောင်းဖြစ်နိုင်သည်မှာ လင်းဟန်တို့၏ အပေးအယူထဲတွင် မာတဲ့ဟုန်ကို သတ်ဖြတ်ရုံမျှမကဘဲ ပုဖာဘဏ်၏ ဒေတာအချက်အလက်များကိုလည်း ပေးအပ်ရမည့်ပုံပင်။ </p> <p><br />  </p> <p>အနှီ ဒေတာတို့က ဟုန်မန်ဂိုဏ်းသို့ ရောက်ရှိသွားသည်နှင့် ဖရီးမေဆင်လက်ထဲသို့ သဘာဝအလျောက် ရောက်ရှိသွားခဲ့မှာ ဖြစ်ပြီး ထိုသူတို့ကပဲ ဒရာမာ ဇာတ်လမ်းတစ်ခုလုံးကို ချောချောမွေ့မွေ့ ရိုက်ကူးပြခဲ့သည်။ အတော်လေး လှပသည့် ရွေ့ကွက်လို့တော့ ချီးကျူးသင့်၏။ သူ့ကို လုံးဝ အငိုက်မိသွားစေခဲ့လေသည်။ </p> <p> </p> <p>ထို့ပြင် ဆောက်လုပ်ရေးဆိုက်၌ အခေါင်းပေါ်လာသည့် ကိစ္စကလည်း ၎င်းတို့ လက်ချက် ဖြစ်ဖို့များ၏။ သူ့အား ဆိုးရွားသည့် နည်းလမ်းတို့ဖြင့် ကျိန်စာတိုက်နေသလားပင် အောက်မေ့ရသည်။ </p> <p> </p> <p>လင်းရီ မေးစေ့ကို ပွတ်သပ်ရင်း သူ့ကိုယ်သူ တီးတိုးရေရွတ်လိုက်၏။ </p> <p> </p> <p>“ ငါကလည်း မင်းတို့လို သူတစ်ပြန်ကိုယ်တစ်ပြန် ရိုက်နိုင်မယ့် ပြိုင်ဘက်မျိုးကိုမှ ကြိုက်တာ …” </p> <p> </p> <p>________________________</p> <p> </p> <p>( TL Note -</p> <p>• PricewaterhouseCoopers (Pwc)</p> <p>•Deloitte</p> <p>•Ernst & Young</p> <p>•KPMG</p> <p> </p> <p>ဒီကောင်တွေက တစ်ကမ္ဘာလုံးအတိုင်းအတာနဲ့ Accounting firm မှာ big four ( ကြီးလေးကြီး) ဆိုပြီး အသိအမှတ်ပြုခြင်း ခံထားကြရတဲ့ကောင်တွေပါ။ </p> <p> </p> <p>နောက်တစ်ခုက ပုဒုံ တိုးတက်ဖွံ့ဖြိုးရေးဘဏ်( pu dong development ) 'အသံထွက်ကို မြန်မာမှုပြုထား' </p> <p> </p> <p> </p> <p>အတိုကောက် အနေနဲ့ ပုဖာဘဏ်လို့လည်း ခေါ်ကြပါတယ်။ china ရဲ့ ဘဏ်အကြီးစားတွေထဲက တစ်ခုပေါ့။ SPD လို့‌လည်း ခေါ်ပါတယ်။ ရှန်ဟိုင်းအခြေစိုက်လို့လည်း သိရပါတယ်။  )</p> <p> </p> <p style="text-align: center;">***</p> <p> </p>


Save